This document is an excerpt from the EUR-Lex website
Document 32007D0727
2007/727/EC: Council Decision of 8 November 2007 authorising the Republic of Slovenia to ratify, in the interest of the European Community, the Protocol of 12 February 2004 amending the Paris Convention of 29 July 1960 on Third-Party Liability in the Field of Nuclear Energy
2007/727/KE: Deċiżjoni tal-Kunsill tat- 8 ta’ Novembru 2007 li tawtorizza lir-Repubblika tas-Slovenja sabiex tirratifika, fl-interess tal-Komunità Ewropea, il-Protokoll tat- 12 ta’ Frar 2004 li jemenda l-Konvenzjoni ta’ Pariġi tat- 29 ta’ Lulju 1960 dwar ir-Responsabbiltà ta’ Terzi Persuni fil-Qasam ta’ l-Enerġija Nukleari
2007/727/KE: Deċiżjoni tal-Kunsill tat- 8 ta’ Novembru 2007 li tawtorizza lir-Repubblika tas-Slovenja sabiex tirratifika, fl-interess tal-Komunità Ewropea, il-Protokoll tat- 12 ta’ Frar 2004 li jemenda l-Konvenzjoni ta’ Pariġi tat- 29 ta’ Lulju 1960 dwar ir-Responsabbiltà ta’ Terzi Persuni fil-Qasam ta’ l-Enerġija Nukleari
ĠU L 294, 13.11.2007, p. 23–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
- Date of document:
- 08/11/2007
- Date of effect:
- Dħul fis-seħħ Data tan-notifika
- Date of end of validity:
- No end date
- Author:
- Il-Kunsill tal-Unjoni Ewropea
- Responsible body:
- Directorate-General for Energy
- Form:
- Deċiżjoni
- Addressee:
- Is-Slovenja
- Additional information:
- Dan l-att m’għandux japplika għad-Danimarka, Dan l-att m’għandux japplika għar-Renju Unit, Dan l-att m’għandux japplika għall-Irlanda, AVC 2006/0260
- Procedure number:
- Link
- European Parliament - Legislative observatory
- Treaty:
- Trattat li jistabbilixxi l-Komunità Ewropea
- Legal basis:
- Proposal:
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
-
- 11.30.70.00 Relazzjonijiet esterni / Relazzjonijiet multilaterali / Sferi oħra ta’ kooperazzjoni multilaterali
- 12.40.00.00 Enerġija / Enerġija nukleari
|
13.11.2007 |
MT |
Il-Ġurnal Uffiċjali ta’ l-Unjoni Ewropea |
L 294/23 |
DEĊIŻJONI TAL-KUNSILL
tat-8 ta’ Novembru 2007
li tawtorizza lir-Repubblika tas-Slovenja sabiex tirratifika, fl-interess tal-Komunità Ewropea, il-Protokoll tat-12 ta’ Frar 2004 li jemenda l-Konvenzjoni ta’ Pariġi tat-29 ta’ Lulju 1960 dwar ir-Responsabbiltà ta’ Terzi Persuni fil-Qasam ta’ l-Enerġija Nukleari
(2007/727/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 61(ċ) u l-Artikolu 67 flimkien ma’ l-Artikolu 300(2), l-ewwel subparagrafu, u l-Artikolu 300(3), it-tieni subparagrafu, tiegħu,
Wara li kkunsidra l-proposta mill-Kummissjoni,
Wara li kkunsidra l-kunsens tal-Parlament Ewropew,
Billi
|
(1) |
Il-Protokoll tat-12 ta’ Frar 2004 (minn hawn ’il quddiem “il-Protokoll”) li jemenda l-Konvenzjoni ta’ Pariġi tat-29 ta’ Lulju 1960 dwar ir-Responsabbiltà ta’ Terzi Persuni fil-Qasam ta’ l-Enerġija Nukleari, kif emendat mill-Protokoll Addizzjonali tat-28 ta’ Jannar 1964 u mill-Protokoll tas-16 ta’ Novembru 1982 (minn hawn ’il quddiem “il-Konvenzjoni ta’ Pariġi”), fih dispożizzjonijiet li jinċidu fuq ir-regoli stabbiliti fir-Regolament tal-Kunsill (KE) Nru 44/2001 tat-22 ta’ Diċembru 2000 dwar ġurisdizzjoni u rikonoxximent u eżekuzzjoni ta’ sentenzi f’materji ċivili u kummerċjali (1). Dan hu qasam fejn il-Komunità għandha kompetenza esklussiva. |
|
(2) |
Permezz tad-Deċiżjoni 2003/882/KE (2), il-Kunsill awtorizza lill-Istati Membri li huma Partijiet Kontraenti għall-Konvenzjoni ta’ Pariġi sabiex jiffirmaw il-Protokoll fl-interess tal-Komunità. |
|
(3) |
Permezz tad-Deċiżjoni 2004/294/KE (3), il-Kunsill awtorizza lill-istess Stati Membri sabiex jirratifikaw il-Protokoll fl-interess tal-Komunità jew sabiex jaderixxu miegħu. Skond l-Artikolu 2 ta’ dik id-Deċiżjoni, l-Istati Membri kellhom jieħdu l-passi neċessarji sabiex simultanjament jiddepożitaw l-istrumenti ta’ ratifika tagħhom tal-Protokoll, jew ta’ l-adeżjoni miegħu, jekk possibbli qabel il-31 ta’ Diċembru 2006. |
|
(4) |
Id-Deċiżjoni 2004/294/KE kienet indirizzata lil dawk l-Istati Membri li kienu parti mill-Komunità fit-8 ta’ Marzu 2004, bl-eċċezzjoni ta’ l-Awstrija, id-Danimarka, l-Irlanda u l-Lussemburgu, kif inhu ċar mill-applikazzjoni konġunta ta’ l-Artikolu 1(3) u l-Artikolu 4 ta’ dik id-Deċiżjoni. |
|
(5) |
Ir-Repubblika tas-Slovenja hija Parti Kontraenti għall-Konvenzjoni ta’ Pariġi u ffirmat il-Protokoll f’isimha fit-12 ta’ Frar 2004. Minħabba li d-Deċiżjoni 2004/294/KE kienet indirizzata biss lil ċerti Stati Membri, ir-Repubblika tas-Slovenja ma setgħetx ma’ l-adeżjoni tagħha ma’ l-Unjoni Ewropea fl-1 ta’ Mejju 2004 tkun ikkonsidrata bħala indirizzata minnha taħt l-Artikolu 53 ta’ l-Att ta’ Adeżjoni ta’ l-2003. |
|
(6) |
Ir-Renju Unit u l-Irlanda huma marbuta bir-Regolament (KE) Nru 44/2001 u għalhekk qegħdin jieħdu sehem fl-adozzjoni ta’ din id-Deċiżjoni. |
|
(7) |
Skond l-Artikoli 1 u 2 tal-Protokoll dwar il-pożizzjoni tad-Danimarka anness għat-Trattat dwar l-Unjoni Ewropea u t-Trattat li jistabbilixxi l-Komunitá Ewropea, id-Danimarka ma tieħux sehem fl-adozzjoni ta’ din id-Deċiżjoni, u mhix marbuta biha jew suġġetta għall-applikazzjoni tagħha. |
|
(8) |
Ir-ratifika mir-Repubblika tas-Slovenja tal-Protokoll hija mingħajr preġudizzju għall-pożizzjoni ta’ l-Istati Membri tal-Komunità li mhumiex Partijiet Kontraenti għall-Konvenzjoni ta’ Pariġi, |
ADOTTA DIN ID-DECIZJONI:
Artikolu 1
Mingħajr preġudizzju għas-setgħat tal-Komunità, ir-Repubblika tas-Slovenja għandha tirratifika, fl-interess tal-Komunità, il-Protokoll li jemenda l-Konvenzjoni ta’ Pariġi.
Tali ratifika għandha tkun mingħajr preġudizzju għall-pożizzjoni ta’ dawk l-Istati Membri tal-Komunità li mhumiex Partijiet Kontraenti għall-Konvenzjoni ta’ Pariġi.
Artikolu 2
Ir-Repubblika tas-Slovenja għandha tieħu l-passi neċessarji sabiex tiddepożita l-istrument ta’ ratifika tagħha tal-Protokoll, jekk possibbli simultanjament ma’ l-Istati Membri indirizzati mid-Deċiżjoni 2004/294/KE.
Artikolu 3
Meta tirratifika l-Protokoll, ir-Repubblika tas-Slovenja għandha tinforma bil-miktub lis-Segretarju Ġenerali ta’ l-Organizzazzjoni għall-Koperazzjoni u Żvilupp Ekonomiċi li r-ratifikazzjoni seħħet skond din id-Deċiżjoni.
Artikolu 4
Din id-Deċiżjoni hija indirizzata lir-Repubblika tas-Slovenja.
Magħmul fi Brussell, 8 ta’ Novembru 2007.
Għall-Kunsill
Il-President
R. PEREIRA
(1) ĠU L 12, 16.1.2001, p. 1. Ir-Regolament kif emendat l-aħħar bir-Regolament (KE) Nru 1791/2006 (ĠU L 363, 20.12.2006, p. 1).
(2) ĠU L 338, 23.12.2003, p. 30.
