13.10.2007   

MT

Il-Ġurnal Uffiċjali ta’ l-Unjoni Ewropea

L 270/18

(1)

Wara t-tifqigħat reċenti tal-marda ta’ l-ilsien u d-dwiefer fil-Gran Brittanja, ġiet adottata d-Deċiżjoni tal-Kummissjoni 2007/554/KE tad-9 ta’ Awissu 2007 rigward ċerti miżuri ta’ protezzjoni kontra l-marda ta’ l-ilsien u d-dwiefer fir-Renju Unit (3) biex jissaħħu l-miżuri ta’ kontroll kontra l-mard ta’ l-ilsien u d-dwiefer meħudin minn dak l-Istat Membru fil-qafas tad-Direttiva tal-Kunsill 2003/85/KE tad-29 ta’ Settembru 2003 dwar miżuri tal-Komunità fuq il-kontroll tal-marda ta’ l-ilsien u d-dwiefer (4).

(2)

Id-Deċiżjoni 2007/554/KE tistabbilixxi regoli applikabbli għall-ibgħit minn żoni b’ riskju għoli u baxx fil-Gran Brittanja ta’ prodotti kkunsidrati sikuri li kienu jew prodotti qabel ma daħlu fis-seħħ ir-restrizzjonijiet fir-Renju Unit, minn materja li kellha s-sors tagħha barra minn dawn iż-żoni ristretti, jew li kellha trattament li wera li kien effettiv fl-inattivazzjoni possibbli tal-virus ta’ l-ilsien u d-dwiefer.

(3)

Sabiex il-leġiżlazzjoni Komunitarja tkun ċara, ikun xieraq li l-ewwel u t-tieni sottoparagrafu ta’ l-Artikolu 2(6) tad-Deċiżjoni 2007/554/KE jinkitbu mill-ġdid.

(4)

Xieraq li jitħalla, taħt kondizzjonijiet speċifiċi ta’ ċertifikazzjoni, l-ibgħit mill-ġdid ta’ semen u embrijuni ffriżati ta’ l-ispeċijiet ovini u kaprini importati mir-Renju Unit skond il-leġiżlazzjoni Komunitarja u maħżuna separatament mis-semen, l-ova u l-embrijuni li mhumiex eleġibbli li jintbagħtu miż-żoni b’riskju għoli u baxx elenkati fl-Annessi I u II tad-Deċiżjoni 2007/554/KE. Kondizzjonijiet ta’ ċertifikazzjoni supplimentari għandhom jiddaħħlu u l-Artikolu 6(2)(b) ta’ dik id-Deċiżjoni għandu għalhekk jiġi emendat kif xieraq.

(5)

Xieraq ukoll li jiġu emendati r-rekwiżiti taċ-ċertifikazzjoni stabbiliti fid-Deċiżjoni 2007/554/KE fir-rigward tal-prodotti ta’ l-annimali, inkluż il-petfood, li sarilhom trattament ta’ sħana li inattivizza b’mod effettiv il-possibilità tal-virus tal-marda ta’ l-ilsien u d-dwiefer fil-prodott ikkonċernat. L-Artikolu 8(4) u (6)ta dik id-Deċiżjoni għandu għalhekk jiġi emendat skond dan.

(6)

Barra minn hekk, jeħtieġ li jiġi kkjarifikat liema partijiet tat-territorju tar-Renju Unit huma kkonċernati mill-miżuri li jeħtieġ li jittieħdu mill-Istat Membri l-oħra fir-rigward ta’ annimali ta’ speċi suxxettibbli li ntbagħtu matul il-perjodu meta annimali setgħu ntbagħtu minn dawn il-partijiet tar-Renju Unit li mhumiex inklużi fiż-żona ta’ sorveljanza stabbilita fil-kontea ta’ Surrey fir-rigward taż-żewġ tifqigħat ikkonfermati f’Awissu 2007. L-Artikolu 13(2) tad-Deċiżjoni 2007/554/KE għandu għalhekk jiġi emendat biex jirriferi speċifikament għall-Gran Brittanja.

(7)

Għalhekk, id-Deċiżjoni 2007/554/KE għandha tiġi emendata skond dan.

(8)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

(1)

Fl-Artikolu 2, il-paragrafu 6 jinbidel b’dan li ġej:

“6.   Il-projbizzjonijiet stipulati fil-paragrafu 2 ta’ dan l-Artikolu ma għandhomx japplikaw għal-laħam frisk minn annimali mrobbija barra ż-żoni elenkati fl-Anness I u l-Anness II u ttrasportati għal qatla immedjata, b’deroga mill-Artikolu 1(2) u (3), direttament u taħt kontroll uffiċjali, f’mezzi ssiġillati tat-trasport, lejn biċċerija li tinsab fiż-żoni elenkata fl-Anness I barra ż-żona ta’ protezzjoni, bil-kondizzjoni li laħam frisk ta’ din ix-xorta jitqiegħed fis-suq biss fiż-żoni elenkati fl-Anness I u l-Anness II u jikkonforma mal-kondizzjonijiet li ġejjin:

Il-kontroll tal-konformità mal-kundizzjonijiet imniżżla fl-ewwel subparagrafu għandu jkun iċċekkjat mill-awtorità veterinarja kompetenti taħt is-sorveljanza ta’ l-awtoritajiet veterinarji ċentrali.

L-awtoritajiet veterinarji ċentrali għandhom jikkomunikaw lill-Kummissjoni u lill-Istati Membri l-oħra lista ta’ l-istabbilimenti li huma jkunu approvaw għall-finijiet ta’ l-applikazzjoni ta’ dan il-paragrafu.”

(2)

L-Artikolu 6 huwa emendat kif ġej:

(3)

L-Artikolu 8 huwa emendat kif ġej:

(4)

Fl-Artikolu 13, il-paragrafu 2 jinbidel b’dan li ġej:

“2.   Bla ħsara għad-dispożizzjonijiet ta’ l-Artikolu 6 tad-Deċiżjoni tal-Kunsill 90/424/KEE u l-miżuri li diġà ttieħdu mill-Istati Membri, Stati Membri barra r-Renju Unit għandhom jieħdu miżuri xierqa ta’ prekawzjoni relatati ma’ annimali suxxettibbli mibgħuta mir-Renju Unit bejn il-15 ta’ Lulju 2007 u t-13 ta’ Settembru 2007, inklużi iżolament u spezzjoni klinika, flimkien fejn meħtieġ, ma’ ttestjar fil-laboratorju biex tinstab jew tkun eskluża infezzjoni tal-virus tal-marda ta’ l-ilsien u d-dwiefer, u fejn ikun meħtieġ dawk fl-Artikolu 4 tad-Direttiva 2003/85/KE.”