Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32007D0151

Deċiżjoni tal-Kummissjoni tas- 6 ta' Marzu 2007 li temenda d-Deċiżjonijiet 94/741/KE u 97/622/KE li jikkonċernaw il-kwestjonarji għar-rapporti ta' l-Istati Membri fuq l-implimentazzjoni tad-Direttiva 2006/12/KE tal-Parlament Ewropew u tal-Kunsill tal- 5 ta' April 2006 dwar l-iskart, u l-implimentazzjoni tad-Direttiva tal-Kunsill 91/689/KEE tat- 12 ta' Diċembru 1991 dwar skart perikoluż (notifikat bid-dokument numru C(2006) 634) Test b'rilevanza għaż-ŻEE

ĠU L 67, 7.3.2007, p. 7–9 (BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
ĠU L 219M, 24.8.2007, p. 317–319 (MT)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/dec/2007/151(1)/oj

Date of document:
06/03/2007
Date of effect:
06/03/2007; Dħul fis-seħħ Data tan-notifika
Date of notification:
06/03/2007
Date of end of validity:
No end date
Author:
Il-Kummissjoni Ewropea
Form:
Deċiżjoni
Addressee:
Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
Additional information:
Rilevanza għaż-ŻEE
Treaty:
Trattat li jistabbilixxi l-Komunità Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31994D0741 Emenda anness 06/03/2007
Modifies 31997D0622 Emenda anness 06/03/2007
Instruments cited:
Link
Link

24.8.2007   

MT

Il-Ġurnal Uffiċjali ta’ l-Unjoni Ewropea

317

DEĊIŻJONI TAL-KUMMISSJONI

tas-6 ta' Marzu 2007

li temenda d-Deċiżjonijiet 94/741/KE u 97/622/KE li jikkonċernaw il-kwestjonarji għar-rapporti ta' l-Istati Membri fuq l-implimentazzjoni tad-Direttiva 2006/12/KE tal-Parlament Ewropew u tal-Kunsill tal-5 ta' April 2006 dwar l-iskart, u l-implimentazzjoni tad-Direttiva tal-Kunsill 91/689/KEE tat-12 ta' Diċembru 1991 dwar skart perikoluż

(notifikat bid-dokument numru C(2006) 634)

(Test b'rilevanza għaż-ŻEE)

(2007/151/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabilixxi l-Komunità Ewropea,

Wara li kkunsidrat id-Direttiva 2006/12/KE tal-Parlament Ewropew u tal-Kunsill tal-5 ta' April 2006 dwar l-iskart (1), u partikolarment l-ewwel paragrafu ta' l-Artikolu 16 tagħha,

Wara li kkunsidrat id-Direttiva tal-Kunsill 91/689/KEE tat-12 ta' Diċembru 1991 dwar l-iskart perikoluż (2), u b'mod partikolari l-Artikolu 8(1) tagħha,

Billi:

(1)

Ir-rapport dwar l-implimentazzjoni tad-Direttiva 2006/12/KE għandu jitfassal abbażi ta' kwestjonarju stabbilit mid-Deċiżjoni tal-Kummissjoni 94/741/KE ta' l-24 ta' Ottubru 1994 rigward kwestjonarji għar-rapporti tal-Istati Membri dwar l-implimentazzjoni ta' ċerti Direttivi fis-settur tal-iskart (implimentazzjoni tad-Direttiva tal-Kunsill 91/692/KEE) (3).

(2)

Ir-rapport dwar l-implimentazzjoni tad-Direttiva 91/689/KEE għandu jitfassal abbażi ta' kwestjonarju stabbilit mid-Deċiżjoni tal-Kummissjoni 97/622/KE tas-27 ta' Mejju 1997 rigward kwestjonarji għar-rapporti tal-Istati Membri dwar l-implimentazzjoni ta' ċerti Direttivi fis-settur tal-iskart (implimentazzjoni tad-Direttiva tal-Kunsill 91/692/KEE) (4).

(3)

Ir-Regolament (KE) Nru 2150/2002 tal-Parlament Ewropew u tal-Kunsill dwar l-istatistika ta' l-iskart (5) jistabbilixxi qafas għall-produzzjoni ta' statistika Komunitarja dwar il-ħolqien, l-irkupru u r-rimi ta' l-iskart.

(4)

Analiżi ta' l-obbligi tar-rappurtar dwar dejta dwar l-iskart kif previst fil-leġiżlazzjoni Komunitarja turi li ċerti obbligi ta' rappurtar tad-dejta previsti fid-Deċizjoni 94/741/KE u 97/622/KE huma koperti wkoll mir-Regolament (KE) Nru 2150/2002 jew mir-Regolament (KE) Nru 1013/2006 tal-Parlament Ewropew u tal-Kunsill ta' l-14 ta' Ġunju 2006 dwar il-ġarr ta' l-iskart bil-baħar (6).

(5)

Biex jiġu evitati duplikazzjoni u rekwiżiti amministrattivi bla bżonn, l-obbligi tar-rappurtar dwar ’l-iskart perikoluż’ u ’skart ieħor’ għandhom jitneħħew mid-Deċiżjoni 94/741/KE. Barra minn hekk, it-terminu ’skart domestiku’ jitbiddel bit-terminu ’skart tad-djar u simili’ sabiex id-Deċiżjoni 94/741/KE ssir koerenti mar-Regolament (KE) Nru 2150/2002.

(6)

Bl-istess mod, l-obbligu tar-rappurtar dwar l-iskart perikoluż għandu jitneħħa mid-Deċiżjoni 97/622/KE.

(7)

Id-Deċiżjonijiet 94/741/KE u 97/622/KE għandhom għalhekk jiġu emendati bl-istess mod.

(8)

Il-miżuri stipulati f'din id-Deċiżjoni huma bi qbil ma' l-opinjoni tal-Kumitat stabbilit bl-Artikolu 18 tad-Direttiva 2006/12/KE,

ADOTTAT DIN ID-DECIZJONI:

Artikolu 1

Id-Deċiżjoni 94/741/KE għandha tiġi emendata kif previst fl-Anness ta' din id-Deċiżjoni.

Artikolu 2

Id-Deċiżjoni 97/622/KE għandha tiġi emendata kif previst fl-Anness ta' din id-Deċiżjoni.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, 6 ta' Marzu 2007.

Għall-Kummissjoni

Stavros DIMAS

Membru tal-Kummissjoni

(1)  ĠU L 114, 27.4.2006, p. 9.

(2)  ĠU L 377, 30.12.1991, p. 20. Id-Direttiva kif emendata l-aħħar mir-Regolament (KE) Nru 166/2006 tal-Parlament Ewropew u tal-Kunsill (ĠU L 33, 4.2.2006, p. 1).

(3)  ĠU L 296, 17.11.1994, p. 42.

(4)  ĠU L 256, 19.9.1997, p. 13.

(5)  ĠU L 332, 9.12.2002, p. 1. Ir-Regolament kif l-aħħar emendat bir-Regolament tal-Kummissjoni (KE) Nru 783/2005 (ĠU L 131, 25.5.2005, p. 38).

(6)  ĠU L 190, 12.7.2006, p. 1.

ANNESS

Emendi għad-Deċiżjoni 94/741/KE u 97/622/KE

A.

Fl-Anness tad-Deċiżjoni 94/741/KE, it-tieni kwestjonarju huwa emendat kif ġej:

1.

It-titolu tal-kwestjonarju qed jinbidel b'li ġej:

“KWESTJONARJU

għar-rapport ta' l-Istati Membri dwar it-traspożizzjoni u l-implimentazzjoni tad-Direttiva 2006/12/KEE”;

2.

Il punt 4 tat-Taqsima II tal-kwestjonarju qed jinbidel b'li ġej:

“4.

Skond l-Artikolu 7(1), jekk jogħġbok agħti d-dettalji li ġejjin, fejn jeżistu, billi tindika jekk xi wħud minn dawn il-figuri mogħtija humiex stimi:

 

L-iskart tad-djar u simili

(tunnellati/sena)

Total ta' l-iskart iġġenerat (*) li minnu:

 

riċiklat (*)

 

inċinerat (*)

 

inċinerat b'irkupru ta' enerġija (*)

 

mormi f'miżbla artifiċjali (*):

 

oħrajn, jekk jogħġbok speċifika (*):

 

B.

Fl-Anness tad-Deċiżjoni 97/622/KE, il-punt 11 (d) f'Taqsima II ta' l-ewwel kwestjonarju tneħħa.

(*)  Fl-Istat Membru”

Top