Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32006R0600

    600/2006/KE: Regolament tal-Kummissjoni (KE) Nru 600/2006 tat- 18 ta’ April 2006 dwar il-klassifikazzjoni ta' ċerti merkanziji fin-Nomenklatura Maqgħuda

    ĠU L 106, 19.4.2006, p. 5–6 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
    ĠU L 330M, 28.11.2006, p. 342–343 (MT)

    ⏵Dan id-dokument ġie ppubblikat f’edizzjoni(jiet) speċjali (BG, RO, HR)

    Legal status of the document In force

    ELI: http://data.europa.eu/eli/reg/2006/600/oj

    Date of document:
    18/04/2006
    Date of effect:
    09/05/2006; Dħul fis-seħħ Data tal-pubblikazzjoni + 20 Ara Art. 3
    Date of end of validity:
    No end date
    Author:
    Il-Kummissjoni Ewropea
    Form:
    Regolament
    Treaty:
    Trattat li jistabbilixxi l-Komunità Ewropea
    Legal basis:
    Link
    Link
    Link
    Select all documents mentioning this document
    Instruments cited:
    Link
    Link

    28.11.2006   

    MT

    Il-Ġurnal Uffiċjali ta’ l-Unjoni Ewropea

    342

    REGOLAMENT TAL-KUMMISSJONI (KE) Nru 600/2006

    tat-18 ta’ April 2006

    dwar il-klassifikazzjoni ta' ċerti merkanziji fin-Nomenklatura Maqgħuda

    IL-KUMMISSJONI TAL-KOMUNITAJIET EWOPEJ,

    Wara li kkunsidrat it-Trattat li jistabbilixxi l-Komunità Ewropea,

    Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura ta’ l-istatistika u tariffarja u dwar it-Tariffa Doganali Komuni (1), u partikolarment l-Artikolu 9(1)(a) tiegħu,

    Billi:

    (1)

    Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, jeħtieġ li jiġu adottati miżuri li jirrigwardaw il-klassifikazzjoni ta' l-oġġetti riferiti fl-Anness ma' dan ir-Regolament.

    (2)

    Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kull nomenklatura oħra li hi kompletament jew parzjalment ibbażata fuqha jew li żżid xi sottodivizjoni addizzjonali magħha u li hi stabbilita permezz ta' dispożizzjonijiet Komunitarji speċifiċi, bil-ħsieb ta’ l-applikazzjoni ta’ tariffa jew miżuri oħra dwar il-kummerċ merkantili.

    (3)

    Skond dawn ir-regoli ġenerali, il-merkanziji deskritti fil-kolonna 1 tat-tabella ppreżentata fl-Anness għandhom ikunu kklassifikati taħt il-kodiċi NM indikata fil-kolonna 2, bis-saħħa tar-raġunijiet ippreżentati fil-kolonna 3.

    (4)

    Hu xieraq li jkun stiplulat li informazzjoni tat-tariffa li torbot li nħarġet mill-awtoritajiet tad-dwana ta' l-Istati Membri rigward il-klassifikazzjoni ta' merkanzija fin-Nomenklatura Magħquda iżda li mhijiex skond dan ir-Regolament tista', għal perjodu ta' tliet xhur, tkompli tkun evokata mid-detentur, skond l-Artikolu 12 tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (2).

    (5)

    Il-miżuri previsti f’dan il-Regolament huma skond l-opinjoni tal-Kumitat tal-Kodiċi Doganali,

    ADOTTAT DAN IR-REGOLAMENT:

    Artikolu 1

    L-oġġetti deskritti fil-kolonna 1 tat-tabella imniżżla fl-Anness għandhom ikunu kklassifikati fi ħdan in-Nomenklatura Magħquda taħt il-kodiċi tan-NM indikat fil-kolonna 2 ta' dik it-tabella.

    Artikolu 2

    Informazzjoni tariffarja li torbot maħruġa mill-awtoritajiet tad-dwana ta' l-Istati Membri, li mhijiex skond dan ir-Regolament, tista' tkompli tiġi evokata għal perjodu ta' tliet xhur skond l-Artikolu 12(6) tar-Regolament (KEE) Nru 2913/92.

    Artikolu 3

    Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, nhar it-18 ta’ April 2006.

    Għall-Kummissjoni

    Laszlo KOVACS

    Membru tal-Kummissjoni

    (1)  ĠU L 256, 7.9.1987, p. 1. Ir-Regolament kif emendat mir-Regolament (KE) Nru 486/2006 (ĠU L 88, 25.3.2006, p. 1).

    (2)  ĠU L 302, 19.10.1992, p. 1. Regolament kif finalment emendat bir-Regolament tal-Parlament Ewropew u tal-Kunsill (KE) Nru. 648/2005 (ĠU L 117, tas-4.5.2005, p. 13).

    ANNESS

    Deskrizzjoni

    Klassifikazzjoni

    (Kodiċi NM)

    Raġunijiet

    (1)

    (2)

    (3)

    Prodott li jikkonsisti f’likwidu bla sediment, aħmar skur u bla ragħwa. Għandu qawwa alkoħolika ta’ 16 % bil-volum, bejn wieħed u ieħor, li minnhom, skond l-analiżi tal-laboratorju, mill-anqas nofsu ma jsirx mid-distillazzjoni ta’ l-inbid.

    Il-prodott jinkiseb mill-għeneb magħsur li waqt il-fermentazzjoni jiżdidulu z-zokkor (zokkor ta’ oriġini botanika differenti minn dik ta' l-għeneb) u l-alkoħol etiliku li jinkiseb mill-qamħirrum.

    Valuri tal-parametri differenti:

    —

    :

    total tal-kontenut taz-zokkor

    :

    169,7 g/l

    —

    :

    aċidu ċitriku

    :

    1,4 g/l

    —

    :

    aċidu tartariku

    :

    1,4 g/l

    —

    :

    aċidu tat-tuffieħ

    :

    0,2 g/l

    —

    :

    aċidu aċetiku

    :

    0,3 g/l

    It-togħma tal-prodott hi ħelwa, kemmxejn qarsa, ta’ ħarr, aromatika, u kemmxejn imħawra.

    Il-prodott hu intenzjonat għall-konsum dirett bħala xarba. Huwa ppreżentat fi fliexken li jesgħu 0,75 l.

    2206 00 59

    Il-klassifikazzjoni hija determinata permezz tad-dispożizzjonijiet tar-Regoli Ġenerali 1u 6 għall-interpretazzjoni tan-Nomenklatura Magħquda, b’Nota Addizzjonali 5(ċ) għall-Kapitlu 22 u l-kliem tal-kodiċi 2206 00 u 2206 00 59 tan-NM.

    Il-prodott jibqa’ klassifikat f’subtitlu 2206 anke meta msaħħaħ bl-alkoħol minħabba li jżomm il-karattru ta’ prodott li jaqa’ f’dan is-subtitlu (ara n-Noti ta’ Spjega SA għal subtitlu 2206 ).

    Il-prodott ma jistax ikun ikklassifikat bħala inbid ieħor f’ subtitlu 2204 minħabba l-livelli għolja ta’ aċidu ċitriku u zokkor, li jbiddlu l-karattru ta’ inbid ta’ l-għeneb magħsur f’subtitlu 2204 .

    Il-test tan-Noti ta’ Spjega SA għal subtitlu 2204 , par.1, punt(4), jiddeskrivi inbejjed għad-deżerti (jew likur) kif f’xi każijiet imsaħħin biż-żieda ta’ l-alkoħol. Madankollu, il-prodott ma jistax ikun meqjus bħala inbid likur skond l-iskop tas- subtitlu 2204 minħabba li skond in-Nota Addizzjonali 5 (ċ) għall-Kapitlu 22 hija aċċettata biss iż-żieda ta’ prodott li jinkiseb mid-distillazzjoni ta’ l-inbid.
    Top