This document is an excerpt from the EUR-Lex website
Document 32006D0859
2006/859/EC: Commission Decision of 28 November 2006 granting Malta a derogation from certain provisions of Directive 2003/54/EC of the European Parliament and of the Council (notified under document number C(2006) 5642)
Deċiżjoni tal-Kummissjoni tat- 28 ta' Novembru 2006 li tagħti lil Malta deroga minn ċerti dispożizzjonijiet tad-Direttiva 2003/54/KE tal-Parlament Ewropew u tal-Kunsill (innotifikata taħt dokument numru C(2006) 5642)
Deċiżjoni tal-Kummissjoni tat- 28 ta' Novembru 2006 li tagħti lil Malta deroga minn ċerti dispożizzjonijiet tad-Direttiva 2003/54/KE tal-Parlament Ewropew u tal-Kunsill (innotifikata taħt dokument numru C(2006) 5642)
ĠU L 332, 30.11.2006, p. 32–33
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 142M, 5.6.2007, p. 646–647
(MT)
In force
- Date of document:
- 28/11/2006
- Date of effect:
- 28/11/2006; Dħul fis-seħħ Data tan-notifika
- Date of notification:
- 28/11/2006
- Date of end of validity:
- No end date
- Author:
- Il-Kummissjoni Ewropea
- Form:
- Deċiżjoni
- Addressee:
- Malta
- Authentic language:
- Ingliż
- Treaty:
- Trattat li jistabbilixxi l-Komunità Ewropea
- Legal basis:
-
- 32003L0054 - A26P1
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Derogation 32003L0054 Deroga CH 4 20061128 Derogation 32003L0054 Deroga artikolu 21.1 20061128 Derogation 32003L0054 Deroga artikolu 20.1 20061128 - Link
- Link
- EUROVOC descriptor:
- Subject matter:
- Directory code:
|
5.6.2007 |
MT |
Il-Ġurnal Uffiċjali ta’ l-Unjoni Ewropea |
646 |
DEĊIŻJONI TAL-KUMMISSJONI
tat-28 ta' Novembru 2006
li tagħti lil Malta deroga minn ċerti dispożizzjonijiet tad-Direttiva 2003/54/KE tal-Parlament Ewropew u tal-Kunsill
(innotifikata taħt dokument numru C(2006) 5642)
(It-test bl-Ingliż biss huwa awtentiku)
(2006/859/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2003/54/KE tal-Parlament Ewropew u tal-Kunsill tas-26 ta' Ġunju 2003 dwar ir-regoli komuni għas-suq intern fil-qasam ta' l-elettriku u li tħassar id-Direttiva 96/92/KE (1), u partikolarment l-Artikolu 26(1) tiegħu,
Wara li kkunsidrat l-applikazzjoni mibgħuta minn Malta fil-15 ta' Novembru 2005,
Wara li l-Istati Membri ġew infurmati bl-applikazzjoni,
Billi:
|
(1) |
Fil-15 ta' Novembru 2005, Malta bagħtet applikazzjoni lill-Kummissjoni għal deroga għal żmien indefinit mid-dispożizzjonijiet tal-Kapitolu IV tad-Direttiva 2003/54/KE u mill-Artikolu 20(1) u l-Artikolu 21(1) tiegħu. Awtorizzazzjoni ċara għat-tressiq ta' din l-applikazzjoni tinstab fl-Artikolu 26(1) ta' dik id-Direttiva. |
|
(2) |
Malta tikkwalifika bħala “sistema żgħira iżolata” kif hi mfissra fil-punt (26) ta' l-Artikolu 2 tad-Direttiva 2003/54/KE. Skond dik id-dispożizzjoni, “sistema żgħira iżolata” tfisser kwalunkwe sistema b'konsum ta' inqas minn 3 000 GWh fis-sena 1996, fejn inqas minn 5 % tal-konsum annwali jinkiseb permezz ta' interkonnettività ma' sistemi oħra. Fl-1996, Malta kkonsumat 1 695 GWh. Malta hi sistema ta' enerġija iżolata u mhux interkonnessa, u dawn id-derogi huma mitluba sakemm tibqa' sistema iżolata. |
|
(3) |
Id-dokumenti annessi ma' l-applikazzjoni jipprovdu evidenza xierqa li hija impossibbli u mhux prattikabbli għalissa li jintlaħaq l-għan ta' suq kompetittiv fl-elettriku meta jitqiesu d-daqs u l-istruttura tas-suq ta' l-elettriku fil-gżira. F'dawn iċ-ċirkustanzi, il-ftuħ tas-suq joħloq problemi kbar marbutin partikolarment mas-sigurtà tad-distribuzzjoni ta' l-elettriku, waqt li jġib miegħu nefqa akbar għall-konsumatur. Barra minn dan, ma teżisti l-ebda sistema ta' trażmissjoni u għalhekk l-ebda operatur ma jista' jiġi nnominat; bla kompetizzjoni fis-suq, il-ġustifikazzjonijiet tar-rekwiżiti tad-Direttiva 2003/54/KE rigward aċċess minn partijiet terzi għas-sistemi tad-distribuzzjoni jispiċċaw. |
|
(4) |
Wara li eżaminat il-bażi tal-każ li ressqet Malta, il-Kummissjoni hi sodisfatta li sew id-deroga sew il-kundizzjonijiet għall-applikazzjoni tagħha ma jippreġudikawx il-ksib eventwali ta' l-għanijiet tad-Direttiva 2003/54/KE. |
|
(5) |
Għalhekk id-deroga mitluba minn Malta għandha tkun milqugħa. |
|
(6) |
Madankollu, għalkemm l-applikazzjoni ta' Malta tagħti deskrizzjoni ġusta tas-sitwazzjoni preżenti, ma tiħux qies tal-possibbiltà ta' żvilupp teknoloġiku sew fiż-żmien medju u sew dak imbiegħed, li jista' jwassal għal bidliet sostanzjali. Għalhekk is-sitwazzjoni trid tiġi mmonitorjata regolarment, |
ADOTTAT DIN ID-DEĊIŻJONI
Artikolu 1
Deroga mill-Kapitolu IV tad-Direttiva 2003/54/KE u mill-Artikolu 20(1) u l-Artikolu 21(1) tiegħu hi milqugħa għal Malta.
Artikolu 2
Id-deroga tista' tiġi rtirata jew riveduta mill-Kummissjoni jekk isir bdil sostanzjali fis-settur ta' l-elettriku f'Malta.
Għal dan l-iskop, Malta trid timmonitorja l-evoluzzjoni tas-settur ta' l-elettriku u trid tirrapporta lill-Kummissjoni b'kull bdil sostanzjali li jkun hemm fih, partikolarment informazzjoni fuq liċenzji ġodda tal-ġenerazzjoni, parteċipanti ġodda fis-suq u pjanijiet infrastrutturali ġodda li jistgħu jirrekjedu reviżjoni tad-deroga.
Barra minn dan, kull sentejn Malta trid tibgħat rapport ġenerali lill-Kummissjoni, l-ewwel darba mhux aktar tard mill-31 ta' Diċembru 2008. Fir-rapporti għandhom ikunu mniżżlin il-politiki għall-istabbiliment tat-tariffi u tal-prezzijiet, flimkien mal-miżuri li jkunu ġew adottati biex iħarsu l-interessi tal-konsumatur fid-dawl tad-deroga.
Artikolu 3
Din id-Deċiżjoni hija indirizzata lir-Repubblika ta' Malta.
Magħmul fi Brussel, 28 ta' Novembru 2006.
Għall-Kummissjoni
Andris PIEBALGS
Membru tal-Kummissjoni
(1) ĠU L 176, 15.7.2003, p. 37. Id-Direttiva kif emendata bid-Direttiva tal-Kunsill 2004/85/KE (ĠU L 236, tas-7.7.2004, p. 10).
