EUR-Lex Access to European Union law
This document is an excerpt from the EUR-Lex website
Document 32005R0850
Council Regulation (EC) No 850/2005 of 30 May 2005 amending Regulation (EC) No 2500/2001 to enable the implementation of Community assistance according to Article 54(2)(c) of Regulation (EC, Euratom) No 1605/2002
Regolament tal-Kunsill (KE) Nru 850/2005 tat- 30 ta' Mejju 2005 li jemenda r-Regolament (KE) 2500/2001 li jawtorizza l-implimentazzjoni ta’ l-assistenza tal-Komunità skond l-Artikolu 54(2)(ċ) tar-Regolament (KE, Euratom) Nru 1605/2002
Regolament tal-Kunsill (KE) Nru 850/2005 tat- 30 ta' Mejju 2005 li jemenda r-Regolament (KE) 2500/2001 li jawtorizza l-implimentazzjoni ta’ l-assistenza tal-Komunità skond l-Artikolu 54(2)(ċ) tar-Regolament (KE, Euratom) Nru 1605/2002
ĠU L 164M, 16.6.2006, p. 97–98
(MT)
ĠU L 141, 4.6.2005, p. 1–2
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
No longer in force, Date of end of validity: 31/12/2006; Impliċitament imħassar minn 32006R1085
- Date of document:
- 30/05/2005
- Date of effect:
- 07/06/2005; Dħul fis-seħħ Data tal-pubblikazzjoni + 3 Ara Art. 2
- Date of end of validity:
- 31/12/2006; Impliċitament imħassar minn 32006R1085
- Author:
- Il-Kunsill tal-Unjoni Ewropea
- Form:
- Regolament
- Additional information:
- CNS 2004/0285
- Procedure number:
- Link
- European Parliament - Legislative observatory
- Treaty:
- Trattat li jistabbilixxi l-Komunità Ewropea
- Legal basis:
-
- 12002E181A - P2
- Proposal:
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32001R2500 Żieda artikolu 6 BIS 07/06/2005
No data available in the table
- Modified by:
-
Relation Act Comment Subdivision concerned From To Implicitly repealed by 32006R1085 01/01/2007 - Instruments cited:
- Link
- Link
- EUROVOC descriptor:
- Subject matter:
- Directory code:
|
16.6.2006 |
MT |
Il-Ġurnal Uffiċjali ta’ l-Unjoni Ewropea |
97 |
REGOLAMENT TAL-KUNSILL (KE) Nru 850/2005
tat-30 ta' Mejju 2005
li jemenda r-Regolament (KE) 2500/2001 li jawtorizza l-implimentazzjoni ta’ l-assistenza tal-Komunità skond l-Artikolu 54(2)(ċ) tar-Regolament (KE, Euratom) Nru 1605/2002
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikulari l-Artikolu 181a(2) tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew (1),
Billi:
|
(1) |
L-Artikolu 54(2) tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar r-Regolament Finanzjarju applikabbli għall-budget ġenerali tal-Komunitajiet Ewropej (2) (ir-“Regolament Finanzjarju”) jippermetti l-implimentazzjoni tal-budget tal-Komunità permezz ta’ ġestjoni indiretta ċentralizzata u jistabbilixxi ħtiġijiet speċifiċi għall-implimentazzjoni. |
|
(2) |
Fil-qasam ta’ l-għajnuna ta’ qabel l-adeżjoni, ġestjoni indiretta ċentralizzata fil-forma stabbilita fl-Artikolu 54(2)(ċ) tar-Regolament Finanzjarju wriet li hija għodda utli fil-passat, b'mod partikulari fir-rigward ta' l-operazzjonijiet ta' l-uffiċċju ta’ l-Assistenza Teknika u l-Iskambju ta' Informazzjoni (TAIEX). |
|
(3) |
It-Turkija kienet utent ewlieni ta’ l-operazzjonijiet TAIEX matul dawn l-aħħar snin, u għandha tkun f’pożizzjoni li tkompli tuża wkoll dan l-istrument skond ir-regoli stabbiliti mir-Regolament Finanzjarju. |
|
(4) |
Approċċ armonizzat fil-qasam ta’ l-għajnuna ta’ qabel l-adeżjoni hu mixtieq u għalhekk il-formola wżata għandha tkun identika għal dik maħsuba mir-Regolamenti tal-Kunsill (KEE) Nru 3906/89 Phare (3) u (KE) Nru 2666/2000 CARDS (4). |
|
(5) |
Ir-Regolament tal-Kunsill (KE) Nru 2500/2001 tas-17 ta’ Diċembru 2001 dwar l-għajnuna finanzjarja ta’ qabel l-adeżjoni għat-Turkija (5) għandu għalhekk ikun emendat kif meħtieġ, |
ADOTTA DAN IR-REGOLAMENT:
Artikolu 1
Fir-Regolament (KE) Nru 2500/2001, l-Artikolu li ġej għandu jiżdied:
“Artikolu 6a
Il-Kummissjoni tista’ fil-limiti stabbiliti fl-Artikolu 54 tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar r-Regolament Finanzjarju applikabbli għall-implimentazzjoni tal-budget ġenerali tal-Komunitajiet Ewropej (*), tiddeċiedi li tafda l-ħidmiet ta’ awtorità pubblika, u b’mod partikulari ħidmiet ta’ l-implimentazzjoni tal-budget lill-korpi elenkati fl-Artikolu 54 (2) tar-Regolament. Il-korpi definiti fl-Artikolu 54(2)(ċ) ta' dak ir-Regolament jistgħu jkunu fdati b’ħidmiet ta’ awtorità pubblika jekk huma ta’ livell rikonoxxut internazzjonalment, b’konformità ma’ sistemi rikonoxxuti internazzjonalment ta’ ġestjoni u kontroll, u huma sorveljati minn awtorità pubblika.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni fil-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmula fi Brussel, 30 ta' Mejju 2005.
Għall-Kunsill
Il-President
F. BODEN
(1) Opinjoni magħtija fit-28.5.2005.
(2) ĠU L 248, 16.9.2002, p. 1.
(3) ĠU L 375, 23.12.1989, p. 11. Regolament kif emendat l-aħħar bir-Regolament (KE) Nru 2257/2004 (ĠU L 389, 30.12.2004, p. 1).
(4) ĠU L 306, 7.12.2000, p. 1. Regolament kif emendat l-aħħar bir-Regolament (KE) Nru 2257/2004.
(5) ĠU L 342, 27.12.2001, p. 1. Regolament kif emendat bir-Regolament (KE) Nru 769/2004 (ĠU L 123, 27.4.2004, p. 1).
