This document is an excerpt from the EUR-Lex website
Document 32005L0004
Commission Directive 2005/4/EC of 19 January 2005 amending Directive 2001/22/EC laying down the sampling methods and the methods of analysis for the official control of the levels of lead, cadmium, mercury and 3-MCPD in foodstuffsText with EEA relevance
Direttiva tal-Kummissjoni 2005/4/KE tad- 19 ta' Jannar 2005 li temenda d-Direttiva 2001/22/KE li tistipula l-metodi biex jittieħdu kampjuni u l-metodi ta’ analizzar għall-kontroll uffiċċjali tal-livelli taċ-ċomb, tal-kadmju, tal-merkurju u tat-3-MCPD fl-oġġetti ta’ l-ikel Test b’relevanza għaż-ŻEE.
Direttiva tal-Kummissjoni 2005/4/KE tad- 19 ta' Jannar 2005 li temenda d-Direttiva 2001/22/KE li tistipula l-metodi biex jittieħdu kampjuni u l-metodi ta’ analizzar għall-kontroll uffiċċjali tal-livelli taċ-ċomb, tal-kadmju, tal-merkurju u tat-3-MCPD fl-oġġetti ta’ l-ikel Test b’relevanza għaż-ŻEE.
ĠU L 19, 21.1.2005, p. 50–52
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 275M, 6.10.2006, p. 80–82
(MT)
No longer in force, Date of end of validity: 31/05/2007; Impliċitament imħassar minn 32007R0333
Relation | Act | Comment | Subdivision concerned | From | To |
---|---|---|---|---|---|
Modifies | 32001L0022 | Emenda | anness 1 | 10/02/2005 | |
Modifies | 32001L0022 | Emenda | anness 2 | 10/02/2005 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32007R0333 | 01/06/2007 |
6.10.2006 |
MT |
Il-Ġurnal Uffiċjali ta’ l-Unjoni Ewropea |
80 |
DIRETTIVA TAL-KUMMISSJONI 2005/4/KE
tad-19 ta' Jannar 2005
li temenda d-Direttiva 2001/22/KE li tistipula l-metodi biex jittieħdu kampjuni u l-metodi ta’ analizzar għall-kontroll uffiċċjali tal-livelli taċ-ċomb, tal-kadmju, tal-merkurju u tat-3-MCPD fl-oġġetti ta’ l-ikel
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkonsidrat lit-Trattat li jistabbilixxi ‘l-Komunità Ewropea,
Wara li kkonsidrat lid-Direttiva tal-Kunsill 85/591/KEE ta’ l-20 ta’ Diċembru 1985 rigward l-introduzzjoni ta’ metodi tal-Komunità ta’ teħid ta’ kampjuni u analiżi sabiex jiġu mmonitorjati l-oġġetti ta’ l-ikel intenzjonati li jiġu kkonsumati mill-bniedem (1), u b’mod partikolari l-Artikolu 1 ta’ dan,
Billi:
(1) |
D-Direttiva tal-Kummissjoni 2001/22/KE tas-8 ta’ Marzu 2001 tistipula l-metodi biex jittieħdu kampjuni u l-metodi ta’ analizzar għall-kontroll uffiċċjali tal-livelli taċ-ċomb, tal-kadmju, tal-merkurju u tat-3-MCPD fl-oġġetti ta’ l-ikel (2). |
(2) |
Hu neċessarju li tinkludi informazzjoni standard aġġornata ta’ sustanzi li jikkontaminaw fl-ikel, b’mod partikolari sabiex tittieħed in konsiderazzjoni l-inċertezza tal-kejl fl-analiżi. |
(3) |
Hu ta’ importanza kbira li r-riżultati analitiċi huma rrappurtati u interpretati b’mod uniformi sabiex jiġi assigurat metodu ta’ infurzar armonizzat madwar l-Unjoni Ewropea. |
(4) |
D-Direttiva 2001/22/KEE għandha tiġi emendata għalhekk. |
(5) |
Il-miżuri li hu pprovdut għalihom f’din id-Direttiva huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali. |
ADOTTAT DIN ID-DIRETTIVA:
Artikolu 1
L-Anness I għad-Direttiva 2001/22/KE hu emendat kif stipulat fl-Anness I lil din id-Direttiva.
L-Anness II għad-Direttiva 2001/22/KE hu emendat kif stipulat fl-Anness II lil din id-Direttiva.
Artikolu 2
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mad-dispożizzjonijiet ta’ din id-Direttiva fi żmien tnax-il xahar wara d-dħul fis-seħħ, l-aktar tard. Għandhom imbagħad jikkomunikaw lill-Kummissjoni t-test ta’ dawk id-dispożizzjonijiet u tabella ta’ korrelazzjoni bejn dawk id-dispożizzjonijiet u din id-Direttiva.
Meta l-Istati Membri jadottaw dawk id-dispożizzjonijiet, għandhom jinkludu referenza għal din id-Direttiva jew jiġu akkompanjati b’referenza simili fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif referenza simili għanda tiġi magħmula.
2. L-Istati Membri għandhom jikkomunikaw lill-Kummissjoni t-testi tad-dispożizzjonijiet prinċipali ta’ liġi nazzjonali, li huma jadottaw fil-qasam kopert b’din id-Direttiva.
Artikolu 3
Din id-Direttiva għandha tidħol fis-seħħ fl-għoxrin ġurnata wara l-jum tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Din id-Direttiva hi indirizzata lill-Istati Membri.
Magħmula fi Brussell, nhar id-19 ta' Jannar 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 372, 31.12.1985, p. 50.
(2) ĠU L 77, 16.3.2001, p. 14.
ANNESS I
Fl-Anness I għad- Direttiva 2001/22/KE, punt 5 hu mibdul b’dan li ġej:
“5. KONFORMITÀ TAL-LOTT JEW SUBLOTT MA’ L-ISPEĊIFIKAZZJONI
Il-laboratorju tal-kontroll għandu janalizza l-kampjun tal-laboratorju għall-infurzar mill-anqas f’żewġ analiżi indipendenti, u jikkalkola n-nofs tar-riżultati.
Il-lott jiġi aċċettat jekk in-numru tan-nofs ma jaqbiżx il-livell massimu rispettiv kif stipulat fir-Regolament (KE) Nru 466/2001, filwaqt li jieħu in konsiderazzjoni l-inċertezza ta’ l-espansjoni tal-kejl u korrezzjoni għall-irkupru (1).
Il-lott jiġi rrifjutat jekk in-numru tan-nofs jaqbeż il-livell massimu rispettiv b’kull dubju raġonevoli, filwaqt li jieħu in konsiderazzjoni l-inċertezza ta’ l-espansjoni tal-kejl u korrezzjoni għall-irkupru.
Ir-regoli preżenti ta’ interpretar għandhom jiġu applikati għar-riżultat analitiku li jinkiseb mill-kampjun tal-kontroll uffiċjali. Fil-każ ta’ analiżi għal skopijiet ta’ difiża jew referenza, ir-regoli nazzjonali japplikaw.”
ANNESS II
L-Anness II għad-Direttiva 2001/22/KE hu emendat kif ġej:
1) |
F’punt 3. “Metodi ta’ analiżi biex jiġu użati mil-laboratorji u l-kundizzjonijiet meħtieġa għall-kontroll tal-laboratorji”, il-punt 3.3.3 li ġej hu mdaħħal wara t-Tabella 4: “3.3.3. Kriterji ta’ eżekuzzjoni — Metodu għall-funzjoni ta’ l-inċertezza Madankollu, metodu ta’ inċertezza jista’ jiġu użat ukoll biex tiġi assessjata l-adattabilità tal-metodu ta’ analiżi li se jiġi użat mil-laboratorju. Il-laboratorju jista’ juża metodu li jipproduċi riżultati fil-limiti tal-massimu ta’ l-istandards ta’ l-inċertezza. Il-limitu massimu ta’ standard ta' inċertezza jista’ jiġi kkalkolat billi tiġi użata l-formola li ġejja:
fejn: Uf hu l-massimu ta’ l-istandard ta' inċertezza LOD hu l-limitu ta’ l-osservanza tal-metodu C hi l-konċentrazzjoni ta' l-interess α hi fattur numeriku biex jiġi użat li jiddependi fuq il-valur ta’ C. Il-valuri li għandhom jiġu użati huma mogħtija fit-tabella t’hawn taħt:
u U hi l-inċertezza ta’ l-espansjoni, billi jintuża fattur ta’ kopertura ta’ 2 li jagħti livell ta’ kunfidenza ta’ 95 % bejn wieħed u ieħor. Jekk metodu analitiku jipprovdi riżultati b’kejl ta’ inċertezza inqas mill-massimu ta’ l-istandards ta’ inċertezza l-metodu jkun daqstant adattat għal dak li jilħaq il-karatteristiċi ta’ eżekuzzjoni mogħtija hawn fuq.” |
2) |
Punt 3.4. hu mibdul b’dan li ġej: “3.4. Estimi ta’ l-eżatezza analitika, kalkolazzjonijiet ta’ rkupru u rappurtaġġ ta’ riżultati Meta possibbli l-eżattezza ta’ l-analiżi għandha tiġi kkalkolata billi jiġu inklużi materjali ta’ referenza adattati u ċċertifikati fl-analiżi. Ir-riżultat analitiku għandu jiġi rrappurtat bħala korrett jew inkorrett għall-irkupru. Il-mod tar-rappurtaġġ u l-livell ta’ rkupru għandhom jiġu rrapportati. L-analista għandu jieħu nota tar-Rapport tal-Kummissjni Ewropea dwar ir-relazzjoni bejn ir-riżultati analitiċi, il-kejl ta’ l-inċertezza, fatturi ta’ rkupru u dispożizzjonijiet fil-leġiżlazzjoni ta’ l-UE dwar l-ikel’(1). Ir-riżultat analitiku jrid jiġi rrappurtat bħala x +/- U fejn x huwa r-riżultat analitiku u U hu l-kejl ta’ l-inċertezza. REFERENZI
|