1.

Il-pjanti għandhom ikunu materjal ta' propagazzjoni fil-forma ta' rimjiet rieqda tal-varjetajiet Babić, Borgonja, Dišeča belina, Graševina, Grk, Hrvatica, Kraljevina, Malvazija istarska, Maraština, Malvasija, Muškat momjanski, Muškat ruža porečki, Plavac mali, Plavina-Plavka, Pošip, Škrlet, Teran, Trnjak, Plavac veli, Vugava jew Žlahtina li huma:

2.

Il-pjanti jkollhom magħhom ċertifikat fitosanitarju maħruġ fil-Kroazja skond l-Artikolu 13(1) tad-Direttiva 2000/29/KE, fuq il-bażi ta' l-eżami stipulat fiha, li jikkonferma, b'mod partikolari, li huma ħielsa minn dawn l-organiżmi li huma ta' ħsara:

Iċ-ċertifikat jiddikjara taħt “Dikjarazzjoni Addizzjonali”, l-indikazzjoni “Din il-konsenja tissodisfa l-kundizzjonijiet stipulati fid-Deċiżjoni 2005/477/KE”.

3.

L-organizzazzjoni uffiċjali għall-ħarsien tal-pjanti tal-Kroazja hi meħtieġa tiżgura l-identità tal-pjanti minn waqt il-ħsad kif imsemmi f'punt 1(b) sal–waqt tat-tagħbija għall-esportazzjoni lejn il-Komunità;

4.

Huwa meħtieġ li pjanti jiġu introdotti minn punti ta' dħul maħsuba għal dak il-għan mill-Istat Membri li jinsabu fih.

Dawk il-punti ta' dħul u l-isem u l-indirizz tal-korp uffiċjali responsabbli msemmi fid-Direttiva 2000/29/KE li huwa nkarigat minn kull punt ta' dħul huwa meħtieġ li jkun mgħarraf biżżejjed minn qabel mill-Istati Membri lill-Kummissjoni u għandhom ikunu disponibbli fuq talba ta' l-Istati Membri l-oħra.

Meta l-introduzzjoni tal-pjanti fil-Komunità sseħħ fi Stat Membru li mhux dak li jagħmel użu mill-awtorizzazzjoni msemmija fl-Artikolu 1, minn hawn 'il quddiem “l-awtorizzazzjoni” il-korpi uffiċjali responsabbli ta' l-Istati Membri ta' introduzzjoni huma meħtieġa jgħarrfu u jikkooperaw mal-korpi uffiċjali responsabbli ta' l-Istati Membri li jagħmlu użu mill-awtorizzazzjoni sabiex jiżguraw li din id-Deċiżjoni tiġi rrispettata.

5.

Qabel l-introduzzjoni fil-Komunità, l-importatur jiġi infurmat uffiċjalment bill-Kundizzjonijiet stipulati fil-punti 1 sa 4; dan l-importatur jinnotifika d-dettalji ta' kull introduzzjoni biżżejjed minn qabel lill-korpi uffiċjali responsabbli fl-Istat Membru ta' introduzzjoni u dak l-Istat Membri, mingħar telf ta' żmien, hu meħtieġ jgħaddi d-dettalji tan-notifika lill-Kummissjoni, b'indikazzjoni ta':

L-importatur jinforma lill-korpi uffiċjali kkonċernati b'kull bidla fid-dettalji msemmija hawn fuq malli din issir magħrufa.

L-Istat Membru jinforma lill-Kummissjoni bid-dettalji t' hawn fuq, u dettalji ta' kull bidla li ssirilhom mingħajr telf ta' żmien.

Għall-inqas ġimgħatejn qabel id-data ta' l-introduzzjoni, l-importatur hu meħtieġ jgħarraf lill-korp uffiċjali responsabbli ta' l-istabbiliment imsemmi f'punt 7 fejn għandhom jitlaqqmu l-pjanti.

6.

L-ispezzjonijiet, inklużi t-testijiet, kif inhu xieraq, meħtieġa skond l-Artikolu 13 tad-Direttiva 2000/29/KE u skond id-dispożizzjonijiet stipulati f'din id-Deċiżjoni, se jsiru mill-korpi uffiċjali responsabbli ta' l-Istat Membru, permezz ta' din l-awtorizzazzjoni, u fejn hu xieraq, b'kooperazzjoni mal-korpi uffiċjali responsabbli ta' l-Istat Membru fejn għandhom jinħażnu l-pjanti.

Matul dawk l-ispezzjonijiet, l-Istat(i) Membru/i huma meħtieġa wkoll jispezzjonaw, u fejn xieraq jittestjaw, għal organiżmi ta' ħsara msemmija f'punt 2. Kull sejba ta' dawn l-organiżmi ta' ħsara għandha immedjatament tkun innotifikata lill-Kummisjoni. Azzjoni xierqa hi meħtieġa tittieħed sabiex jinqerdu l-organiżmi ta' ħsara u fejn hu xieraq il-pjanti kkonċernati.

7.

Il-pjanti se jitlaqqmu biss fl-istabbilimenti reġistrati uffiċjalment u approvati għall-għanijiet ta' din l-awtorizzazzjoni.

Il-persuna li beħsiebha tlaqqam il-pjanti hi meħtieġa tinnotifika minn qabel lill-korpi uffiċjali responsabbli ta' l-Istat Membru li fih jinsab l-istabbiliment bl-isem u l-indirizz tas-sid ta' l-istabbiliment.

Fejn il-post tat-tilqim jinsab fi Stat Membru li mhuwiex l-Istat Membru li jagħmel użu mill-awtorizzazzjoni, il-korpi uffiċjali responsabbli ta' l-Istat Membru li jagħmel użu mill-awtorizzazzjoni hu meħtieġ jgħarraf lill-korpi uffiċjali responsabbli ta' l-Istat Membru fejn għandhom jitlaqqmu l-pjanti fl-ismijiet u l-indirizzi ta' l-istabbiliment fejn għandhom jitlaqqmu l-pjanti. Tagħrif bħal dan hu meħtieġ li jingħata meta tiġi rċevuta n-notifika minn qabel mill-importatur kif jissemma fl-aħħar inċiż ta' punt 5.

8.

Fl-istabbiliment imsemmi f'punt 7:

9.

Kull pjanta li tirriżulta minn tilqim b'suċċess bl-użu tar-rimjiet imsemmija f'punt 1 għandhom biss jiġu rilaxxati bħala pjanti mlaqqma għaċ-ċaqliq fil-Kroazja. Il-korpi uffiċjali responsabbli ta' Stat Membru li jagħmel użu ta' din l-awtorizzazzjoni hu meħtieġ jiżgura li kull pjanta li ma tiġix imċaqilqa b'dan il-mod tkun meqruda uffiċjalment. Huwa meħtieġ li jinżammu rekords ta' l-ammonti ta' pjanti mlaqqma b'suċċess, ta' pjanti meqruda uffiċjalment u ta' pjanti li sussegwentement ġew esportati mill-ġdid lejn il-Kroazja. Din l-informazzjoni tkun disponibbli wkoll għall-Kummissjoni.