Edizzjoni Speċjali bil-Bulgaru: Kapitolu 13 Volum 045 P. 141 - 144
Edizzjoni Speċjali bir-Rumen: Kapitolu 13 Volum 045 P. 141 - 144
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32004R1450
Commission Regulation (EC) No 1450/2004 of 13 August 2004 implementing Decision No 1608/2003/EC of the European Parliament and of the Council concerning the production and development of Community statistics on innovation(Text with EEA relevance)
Regolament tal-Kummissjoni (KE) Nru 1450/2004 tat- 13 ta' Awissu 2004 li jimplementa d-Deċiżjoni Nru 1608/2003/KE tal-Parlament Ewropew u tal-Kunsill dwar il-produzzjoni u l-iżvilupp ta' l-istatistika tal-Komunità dwar l-innovazzjoni Test b’rilevanza għaż-ŻEE.
Regolament tal-Kummissjoni (KE) Nru 1450/2004 tat- 13 ta' Awissu 2004 li jimplementa d-Deċiżjoni Nru 1608/2003/KE tal-Parlament Ewropew u tal-Kunsill dwar il-produzzjoni u l-iżvilupp ta' l-istatistika tal-Komunità dwar l-innovazzjoni Test b’rilevanza għaż-ŻEE.
ĠU L 267, 14.8.2004, p. 32–35
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 183M, 5.7.2006, p. 63–66
(MT)
No longer in force, Date of end of validity: 15/11/2012; Imħassar b' 32012R0995
- Date of document:
- 13/08/2004
- Date of effect:
- 03/09/2004; Dħul fis-seħħ Data tal-pubblikazzjoni +20 Ara Art. 7
- Date of end of validity:
- 15/11/2012; Imħassar b' 32012R0995
- Author:
- Il-Kummissjoni Ewropea
- Form:
- Regolament
- Additional information:
- Estiża għaż-ŻEE permezz ta' 22005D0022, Rilevanza għaż-ŻEE
- Authentic language:
- Spanjol, Ċek, Daniż, Ġermaniż, Eston, Grieg, Ingliż, Franċiż, Taljan, Latvjan, Litwan, Ungeriż, Malti, Olandiż, Pollakk, Portugiż, Slovakk, Sloven, Finlandiż, Svediż, Islandiż, Norveġiż
- Treaty:
- Trattat li jistabbilixxi l-Komunità Ewropea
- Legal basis:
-
- 32003D1608 - A03
- Link
- Select all documents based on this document
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Derogated in 32005D0685 Modified by 32007R0973 Emenda anness 01/01/2008 Modified by 32009R0540 Emenda anness 13/07/2009 Repealed by 32012R0995 - Instruments cited:
- Link
- Link
- EUROVOC descriptor:
- Subject matter:
- Directory code:
Language
HTML
PDF
Official Journal
|
5.7.2006 |
MT |
Il-Ġurnal Uffiċjali ta' l-Unjoni Ewropea |
63 |
REGOLAMENT TAL-KUMMISSJONI (KE) Nru 1450/2004
tat-13 ta' Awissu 2004
li jimplementa d-Deċiżjoni Nru 1608/2003/KE tal-Parlament Ewropew u tal-Kunsill dwar il-produzzjoni u l-iżvilupp ta' l-istatistika tal-Komunità dwar l-innovazzjoni
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni Nru 1608/2003/KE tal-Parlament Ewropew u tal-Kunsill tat-22 ta’ Ġunju 2003 dwar il-produzzjoni u l-iżvilupp ta’ l-istatistika tal-Komunità dwar ix-xjenza u t-teknoloġija (1) u b'mod partikolari l-Artikolu 3 tagħha,
Billi:
|
(1) |
Id-Deċiżjoni Nru 1608/2003/KE tal-Parlament Ewropew u tal-Kunsill stabbiliet il-miżuri indiviwali ta’ statistika meħtieġa sabiex tibda tinġabar statistika tal-Komunità dwar ix-xjenza, it-teknoloġija u l-innovazzjoni. |
|
(2) |
Huwa meħtieġ li jiġu adottati miżuri għall-implementazzjoni ta' miżuri individwali ta' statistika kif stabbilit fl-Artikolu 2 tad-Deċiżjoni Nru 1608/2003/KE. |
|
(3) |
Il-miżuri individwali ta’ l-istatistika għandhom jikkunsidraw id-Deċiżjoni Nru 2367/2002/KE tal-Parlament Ewropew u tal-Kunsill tas-16 ta’ Diċembru 2002 dwar il-programm statistiku tal-Komunità għal bejn l-2003 u l-2007 (2) li speċifikament jiddetermina il-programm ta' ħidma għall-produzzjoni u t-titjib ta' l-istatistika dwar l-innovazzjoni għall-perijodu ta' bejn l-2003 u l-2007. |
|
(4) |
Huwa meħtieġ li tiġi żgurata l-konsistenza ta’ l-istatistika tal-Komunità dwar l-innovazzjoni ma’ standards internazzjonali oħrajn, li jfisser li x-xogħol li sar mill-Organizazzjoni għall-Kooperazzjoni u l-Iżvilupp Ekonomiku (OECD) u organizzazzjonijiet internazzjonali oħrajn irid jiġi kkunsidrat. |
|
(5) |
Fl-implementazzjoni tad-Deċiżjoni Nru 1608/2003/KE għandu jiġi kkunsidrat il-qafas provdut mir-Regolament tal-Kunsill (KE) Nru 322/97 tas-17 ta’ Frar 1997 dwar l-Istatistika tal-Komunità (3) li fih disposizzjonijiet li jkopru l-aċċess għal sorsi amministrattivi u kunfidenzjalità fl-istatistika. |
|
(6) |
Il-miżuri stipulati f’dan ir-Regolament huma skond l-opinjoni tal-Kumitat dwar tal-Programm ta’ l-Istatistika, |
ADOTTAT DAN IR-REGOLAMENT:
Artikolu 1
Dan ir-Regolament jistabbilixxi l-miżuri meħtieġa għall-implementazzjoni tad-Deċiżjoni 1608/2003/KE fir-rigward ta’ l-istatistika tal-Komunità dwar l-innovazzjoni.
Artikolu 2
1. Dan ir-Regolament għandu jkopri l-istatistika tal-Komunità dwar l-innovazzjoni. Għal dawn l-istatistiċi, il-lista ta’ varjabbli statistiċi, l-attivitajiet u s-setturi koperti, it-tqassim tar-riżultati, il-frekwenza, l-iskadenzi għat-trasmissjoni tad-data u l-perijodu transizzjonali għandhom ikunu kif stipulat fl-Anness.
2. Fuq il-bażi tal-konklużjonijiet fir-rapporti preżentati lill-Parlament Ewropew u lill-Kunsill skond l-Artikolu 5 tad-Deċiżjoni 1608/2003/KE, il-lista ta’ varjabbli statistiċi, l-attivitajiet u s-setturi koperti, it-tqassim tar-riżultati, il-frekwenza, l-iskadenzi għat-trasmissjoni tad-data u karatteristiċi oħrajn stipulati fl-Anness ta’ dan ir-Regolament jistgħu jiġu riveduti f’perijodi regolari ta’ żmien.
Artikolu 3
L-Istati Membri għandhom jakkwistaw id-data meħtieġa billi jużaw kombinazzjoni ta’ sorsi differenti bħal kampjuni ta’ stħarriġ, sorsi amministrattivi ta’ data u sorsi oħrajn ta’ data. Is-sorsi l-oħrajn ta’ data għandhom mill-anqas ikunu f’termini ta’ kwalità jew proċeduri ta' stima statistika, daqs il-kampjuni ta’ stħarriġ jew is-sorsi amministrativi tad-data.
Artikolu 4
L-istatistika tal-Komunità dwar l-innovazzjoni elenkata fl-Anness għandha tkun ibbażata fuq kunċetti u definizzjonijiet armonizzati, li jinsabu fl-aktar verżjoni reċenti tal-Manwal ta’ Oslo.L-Istati Membri għandhom japplikaw dawn il-kunċetti u definizzjonijiet armonizzati fl-istatistika li trid tinġabar.
Ir-rapporti preżentati lill-Parlament Ewropew u lill-Kunsill skond l-Artikolu 5 tad-Deċiżjoni 1608/2003/KE għandhom jirreferu għal kunċetti u definizzjonijiet u l-applikazzjonijiet tagħhom.
Artikolu 5
L-Istati Membri għandhom jibgħatu l-istatistika miġbura kif elenkat fl-Anness fuq bażi ta’ bilfors u d-data individwali fuq bażi volontarja, lill-Kummissjoni (Eurostat) billi jużaw il-format standard ta’ trasmissjoni li jrid jiġi stipulat mill-Kummissjoni (Eurostat) f’kooperazzjoni magħhom.
Artikolu 6
L-evalwazzjoni tal-kwalità għandha ssir mill-Istati Membri u mill-Kummissjoni (Eurostat).
L-Istati Membri għandhom jibgħatu lill-Kummissjoni (Eurostat), fuq talba tagħha, l-informazzjoni meħtieġa għall-evalwazzjoni tal-kwalità ta' l-istatistika stipulata fl-Anness ta' dan ir-Regolament li tkun meħtieġa sabiex jiġu sodisfatti r-rekwiżiti ta' rappurtaġġ stipulati fl-Artikolu 5 tad-Deċiżjoni 1608/2003/KE.
Artikolu 7
Dan ir-Regolament jidħol fis-seħħ fl-għoxrin jum wara d-data tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament jorbot fl-intier tiegħu u huwa applikabbli direttament fl-Istati Membri kollha.
Magħmul fi Brussel, nhar it-13 ta' Awissu 2004.
Għall-Kummissjoni
Joaquin ALMUNIA
Membru tal-Kummissjoni
(2) ĠU L 358, 31.12.2002, p. 1
(3) ĠU L 52, 22.2.1997, p.1. Regolament kif emendat bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p.1)
ANNESS:
STATISTIKA DWAR L-INNOVAZZJONI
Sezzjoni 1
1. L-Istati Membri għandhom jiġbru din l-istatistika tal-Komunità dwar l-innovazzjoni li ġejja:
|
Kodiċi |
Titolu |
Kummenti |
|
1 |
Numru ta’ impriżi attivi fl-innovazzjoni |
Bħala valur assolut u bħala % ta’ impriżi |
|
2 |
Numru ta' impriżi nnovattivi li ntroduċew prodotti ġodda jew imtejba b’mod sinjifikanti, li huma ġodda fis-suq. |
Bħala valur assolut, bħala % ta’ l-impriżi kollha u bħala % ta’ impriżi attivi fl-innovazzjoni |
|
3 |
Fatturat mill-innovazzjoni, marbuta ma’ prodotti ġodda jew imtejba b’mod sinjifikanti, li huma ġodda għas-suq |
Bħala valur assolut, bħala % tal-fatturat totali u bħala % tal-fatturat totali mill-impiriżi attivi fl-innovazzjoni. |
|
4 |
Fatturat mill-innovazzjoni, marbuta ma’ prodotti ġodda jew imtejba b’mod sinjifikanti, li huma ġodda għall-impriża iżda mhux għas-suq |
Bħala valur assolut, bħala % tal-fatturat totali u bħala % tal-fatturat totali mill-impiriżi attivi fl-innovazzjoni. |
|
5 |
Numru ta’ impriżi attivi fl-innovazzjoni involuti fil-kooperazzjoni fl-innovazzjoni |
Bħala valur assolut u bħala % ta’ impriżi attivi fl-innovazzjoni |
|
6 |
Spiża fuq l-innovazzjoni |
Bħala valur assolut, bħala % tal-fatturat totali u bħala % tal-fatturat totali mill-impriżi attivi fl-innovazzjoni – mhux bilfors |
|
7 |
Numru ta’ impriżi attivi fl-innovazzjoni li jindika effetti importanti ħafna fl-innovazzjoni |
Bħala valur assolut u bħala % ta’ l-impriżi kollha attivi fl-innovazzjoni |
|
8 |
Numru ta’ impriżi attivi fl-innovazzjoni li jindika sorsi importanti ħafna ta’ informazzjoni għall-innovazzjoni |
Bħala valur assolut u bħala % ta’ l-impriżi kollha attivi fl-innovazzjoni – mhux bilfors |
|
9 |
Numru ta' impriżi li qed jaffaċċjaw fatturi importanti ta' ostakolu |
Bħala valur assolut, bħala % ta’ l-impriżi kollha u bħala % ta’ impriżi attivi fl-innovazzjoni u bħala % ta’ impriżi mhux attivi fl-innovazzjoni |
Lil hinn mill-istatistika elenkata hawn fuq, l-Istati Membri għandhom jiġbru statistika addizzjonali (inkluż it-tqassim tagħha) skond it-temi prinċipali elenkati fil-Manwal ta’ Oslo. Din l-istatistika addizzjonali ser tiġi deċiża f'kooperazzjoni mill-qrib ma' l-Istati Membri.
Sezzjoni 2
Bħala minimu, għandhom jiġu koperti l-impriżi fis-sezzjonijiet C,D,E,I, J tan-NACE Rev.1.1, fid-diviżjonijiet 51, 72 tan-NACE Rev 1.1 u fil-gruppi 74.2 u 74.3 tan-NACE Rev 1.1.
Sezzjoni 3
Il-varjabbli kollha għadhom jiġu rrapurtati kull erba’ snin, ħlief għall-varjabbli 1, 2, 3, 4 u 5 li jridu jiġu rappurtati kull sentejn.
Sezzjoni 4
L-ewwel sena ta’ referenza li għaliha għandha tinġabar statistika hija s-sena 2004.
Sezzjoni 5
|
1. |
Ir-riżultati kollha jridu jiġu mqassma skond l-attività ekonomika (NACE Rev. 1.1) fil-livell ta’ sezzjoni u bil-klassijiet ta’ daqs ta’ l-impjieg kif ġej: 1—49 impjegat, 50-249 impjegat, ‘il fuq minn 249 impjegat. |
|
2. |
Ir-riżultati jridu jitqassmu wkoll skond l-attività ekonomika (NACE Rev. 1.1) fil-livell ta’ diviżjoni. |
|
3. |
Ir-riżultati tal-varjabbli 5 jridu jitqassmu skond it-tip ta’ kooperazzjoni fl-innovazzjoni. Ir-riżultati tal-varjabbli 7 jridu jitqassmu skond it-tip ta’ effetti ta' l-innovazzjoni. Ir-riżultati tal-varjabbli 8 jridu jitqassmu skond it-tip ta’ sorsi ta’ informazzjoni. Ir-riżultati tal-varjabbli 9 jridu jitqassmu skond it-tip ta’ fatturi ta’ ostakolu. Dan it-tqassim ser jiġi deċiż f'kooperazzjoni mill-qrib ma' l-Istati Membri. |
Sezzjoni 6
|
1. |
Ir-riżultati kollha jridu jiġu trasmessi fi żmien 18-il xahar minn għeluq is-sena tal-perijodu ta' referenza. |
|
2. |
L-Istati Membri jistgħu jitrasmettu fuq bażi individwali dokumenti b’data individwali li tkopri l-entitajiet statistiċi mistħarrġa fil-qafas ta' l-istħarriġ nazzjonali lill-Kummissjoni (Eurostat). |
Sezzjoni 7
|
1. |
Il-kwestjonarju ta' l-istħarriġ, użat għall-Istħarriġ ta’ l-Innovazzjoni tal-Komunità li jsiru kull erba’ snin u li jibdew bis-sena ta’ referenza 2004, għandu jkopri t-temi prinċipali msemmija fil-Manwal ta’ Oslo fir-rigward tal-kejl ta’ l-impriżi ta’ innovazzjoni. |
|
2. |
F’kooperazzjoni mill-qrib ma’ l-Istati Membri, ir-rakkomandazzjonijiet dwar il-metodu għall-Istħarriġ ta’ l-Innovazzjoni tal-Komunità għandhom jiġu mfassla mill-Kummissjoni (Eurostat) u dan iwassal għal livell għoli ta' armonizzazzjoni tar-riżultati ta' l-istħarriġ. Dawn ir-rakkomandazzjonijiet għandhom mill-anqas ikunu jkopru l-popolazzjoni mmirata, il-metodoloġija ta' l-istħarriġ (inkluż aspetti reġjonali), il-kwestjonarju armonizzat ta' l-istħarriġ, il-kollezzjoni, l-ipproċessar u t-trasmissjoni tad-data u r-rekwiżiti ta' kwalità tad-data. |
|
3. |
F’kooperazzjoni mill-qrib ma' l-Istati Membri, ir-rakkomandazzjonijiet dwar il-metodoloġija għandhom jiġu mfassla wkoll għall-istarriġ dwar l-innovazzjoni l-oħrajn li jsiru kull erba' snin, u li jibdew mis-sena ta' referenza 2006. |
|
4. |
L-Istati Membri għandhom jipprovdu lill-Kummissjoni (Eurostat) bl-informazzjoni meħtieġa dwar il-metodoloġija nazzjonali wżata fl-istatistika nazzjonali dwar l-innovazzjoni. |
Sezzjoni 8
Fejn is-sistemi nazzjonali ta’ statistika jkollhom bżonn adattamenti kbar, il-Kummissjoni tista’ tagħti derogi lill-Istati Membri fir-rigward ta’ l-istatistika li trid tinġabar għall-ewwel sena ta’ referenza 2004. Jistgħu jingħataw derogi addizzjonali fir-rigward tal-kopertura ta' l-attivitajiet ekonomiċi skond in-NACE Rev. 1.1 u jew it-tqassim bid-daqs tal-kategorija ta’ l-istatistika li trid tinġabar għas-sena ta’ referenza 2006.
All