32003D0165

Id-Deċiżjoni tal-Kunsill

tat-18 ta' Frar 2003

dwar l-istabbiliment tal-Kumitat għas-Servizzi Finanzjarji

(2003/165/KE)

IL-KUNSILL TA' L-UNJONI EWROPEA,

1. IFAKKAR li l-Kunsill fil-konklużjonijiet tiegħu tat-3 ta' Diċembru 2002 iddikjara r-rieda tiegħu li jieħu deċiżjoni fuq l-istabbiliment ta' kumitat ġdid bil-għan li jipprovdi konsulenza u superviżjoni għall-Kunsill u għall-Kummissjoni dwar firxa ta' kwistjonijiet tas-suq finanzjarju;

2. JISTABBILLIXXI għalhekk il-Kumitat għas-Servizzi Finanzjarji (hawnhekk iżjed ‘il quddiem imsejjaħ il-"Kumitat"), bil-kompiti li ġejjin:

- biex jipprovdi riflessjoniji strateġika intersettorjali, separata mill-proċess leġislativ,

- biex jgħin jiddefinixxi l-istrateġija b'termini medju u twil għal kwistjonijiet ta' servizzi finanzjarji,

- biex jikkonsidra kwistjonijiet sensittivi b'terminu qasir,

- biex jassessja l-progress u l-implimentazzjoni,

- biex jipprovdi konsulenza politika u superviżjoni kemm fuq kwistjonijiet interni (eż. suq wieħed, inkluż l-implimentazzjoni tal-pjan ta' azzjoni tas-Sevizzi Finanzjarji) kif ukoll fuq kwistjonijiet esterni (eż. WTO);

3. JAQBEL li ġej għall-komposizzjoni, il-Presidenza u l-funzjonijiet tal-Kumitat:

- il-Kummissjoni u kull membru tal-Kunsill għandu jaħtar rappreżentant wieħed ta' livell għoli u supplenti wieħed għall-Kumitat; rappreżentant tal-Bank Ċentrali Ewropew u l-Presidenti tal-kumitati ta' regolaturi tal-Komunità rilevanti jkollhom statut ta' osservatur,

- il-Kumitat għandu jkollu President wieħed u Viċi-President wieħed li hu għandu jaħtar minn fost ir-rappreżentati ta' l-Istati Membri; il-President u l-Viċi-President għandhom iservu għal sentejn; l-ewwel President għandu jinħatar mill-Kumitat Ekonomiku u Finanzjarju,

- l-Istat Membru li r-rappreżentant tiegħu jinħatar President għandu jkollu rappreżentant addizzjonali wieħed fuq il-Kumitat matul il-kariga tal-President,

- il-President u l-Viċi-President, flimkien mar-rappreżentant mill-Kummissjoni, ir-rappreżentant mill-Istat Membru li jkollu l-Presidenza tal-Kunsill għat-tul tal-kariga tiegħu, rappreżentant mis-Segretarjat Ġenerali tal-Kunsill u rappreżentat mis-Segretarjat tal-Kumitat Ekonomiku u Finanzjarju għandhom jikkoperaw mill-qrib bil-għan li jiffaċilitaw ix-xogħol tal-Kumitat,

- il-Kumitat għandu jirrapporta lill-Kumitat Ekonomiku u Finanzjarju sabiex jipprepara pariri għall-Kunsill (Ecofin), waqt li jikkonsidra r-rwol stabbilit tal-Coreper,

- il-President tal-Kumitat għandu jkun disponibbli għal skambju regolari ta' veduti fuq żviluppi strategiċi relatati mas-swieq finanzjarji mal-Kumitat ta' l-Affarijiet Ekonomiċi u Monetarji tal-Parlament Ewropew,

- il-Kumitat għandu jadotta r-Regoli ta' Proċedura tiegħu skond ir-Regoli ta' Proċedura tal-Kunsill,

- is-segretarjat għandu jkun provvdut mis-Segretarjat Ġenerali tal-Kunsill;

4. JINNOTA li l-attivitajiet tal-Kumitat se jkunu mingħajr preġudizzju għad-dritt ta' inizjattiva tal-Kummissjoni;

5. JIDDEĊIEDI li jirrevedi din id-Deċiżjoni fit-tieni nofs tas-sena 2004.

Magħmula fi Brussel, fit-18 ta' Frar 2003.

Għall-Kunsill

Il-President

N. Christodoulakis

--------------------------------------------------