This document is an excerpt from the EUR-Lex website
Document 32002R1937
Commission Regulation (EC) No 1937/2002 of 30 October 2002 amending Annexes II and III to Council Regulation (EEC) No 2377/90 laying down a Community procedure for the establishment of maximum residue limits of veterinary medicinal products in foodstuffs of animal origin (Text with EEA relevance)
Ir-Regolament tal-Kummissjoni (KE) Nru 1937/2002 tat-30 ta’ Ottubru 2002 li jemenda l-Annessi II u III mar-Regolament tal-Kunsill (KEE) Nru 2377/90 li jipprovdi proċedura Komunitarja għat-twaqqif ta’ limiti massimi ta’ residwi ta’ prodotti mediċinali veterinarji fl-ikel li joriġina mill-annimaliTest b’rilevanza għaż-ŻEE
Ir-Regolament tal-Kummissjoni (KE) Nru 1937/2002 tat-30 ta’ Ottubru 2002 li jemenda l-Annessi II u III mar-Regolament tal-Kunsill (KEE) Nru 2377/90 li jipprovdi proċedura Komunitarja għat-twaqqif ta’ limiti massimi ta’ residwi ta’ prodotti mediċinali veterinarji fl-ikel li joriġina mill-annimaliTest b’rilevanza għaż-ŻEE
ĠU L 297, 31.10.2002, p. 3–5
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 05/07/2009; Impliċitament imħassar minn 32009R0470
Relation | Act | Comment | Subdivision concerned | From | To |
---|---|---|---|---|---|
Modifies | 31990R2377 | Emenda | anness 2 | 30/12/2002 | |
Modifies | 31990R2377 | Emenda | anness 3 | 30/12/2002 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32009R0470 | 06/07/2009 |
Official Journal L 297 , 31/10/2002 P. 0003 - 0005
Ir-Regolament tal-Kummissjoni (KE) Nru 1937/2002 tat-30 ta’ Ottubru 2002 li jemenda l-Annessi II u III mar-Regolament tal-Kunsill (KEE) Nru 2377/90 li jipprovdi proċedura Komunitarja għat-twaqqif ta’ limiti massimi ta’ residwi ta’ prodotti mediċinali veterinarji fl-ikel li joriġina mill-annimali (Test b’rilevanza għaż-ŻEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jwaqqaf il-Komunità Ewropea, Wara li kkunsidrat ir-Regolament tal-Kunsill (KEE) Nru 2377/90 tas-26 ta’ Ġunju 1990 li jipprovdi proċedura Komunitarja għat-twaqqif ta’ limiti massimi ta’ fdalijiet ta’ prodotti mediċinali veterinarji fl-ikel li joriġina mill-annimali [1], kif l-aħħar emendat mir-Regolament tal-Kummissjoni (KE) Nru 1752/2002 [2], u partikolarment l-Artikoli 6 u 8 tiegħu, Billi: (1) Skond ir-Regolament (KE) Nru 2377/90, għandhom jiġu stabbiliti progressivament limiti massimi ta’ fdalijiet għas-sustanzi kollha li huma attivi farmakoloġikament li jkunu wżati fil-Komunità f’prodotti mediċinali veterinarji intenzjonati għall-amministrazzjoni lill-annimali li jintużaw għall-ikel. (2) Il-limiti massimi ta’ fdalijiet għandhom ikunu stabbiliti biss wara l-eżami mill-Kumitat għall-Prodotti Mediċinali Veterinarji ta’ l-informazzjoni kollha rilevanti dwar is-sigurtà tar-residwi tas-sustanza kkonċernata għall-konsumatur ta’ l-affarijiet ta’ l-ikel li joriġinaw mill-annimali u l-impatt tal-fdalijiet fl-ipproċessar industrijali ta’ l-ikel. (3) Sabiex jiġu stabbiliti l-limiti massimi tal-fdalijiet fi prodotti mediċinali veterinarji fl-ikel li joriġina mill-annimali, huwa neċessarju li jiġu speċifikati l-ispeċi ta’ annimali li fihom jistgħu jkunu preżenti fdalijiet, il-livelli li jistgħu jkunu preżenti f’kull wieħed mit-tessuti rilevanti tal-laħam miksuba mill-annimal trattat (it-tessut immirat) u n-natura tal-fdalijiet li tkun rilevanti għall-monitoraġġ tal-fdalijiet (il-fdalijiet ta’ l-istrument li jimmarka). (4) Għall-kontroll tal-fdalijiet, kif stabbilit fil-leġislazzjoni Komunitarja fuq din il-materja, normalment għandhom ikunu stabbiliti limiti massimi ta’ fdalijiet għat-tessut bersall tal-fwied jew il-kliewi. Iżda, il-fwied u l-kilwa huma frekwentement imneħħija mill-karkassi fil-kummerċ internazzjonali, u għalhekk il-limiti massimi ta’ fdalijiet għandhom dejjem ikunu stabbiliti għat-tessuti tal-muskoli jew tax-xaħam. (5) Fil-każ tal-prodotti mediċinali veterinarji għall-għasafar li jbidu, l-annimali li jreddgħu, jew in-naħal ta’ l-għasel, limiti massimi ta’ residwi għandhom jkunu stabbiliti wkoll għall-bajd, ħalib jew għasel. (6) Is-Salicylate ta’ l-aluminju, bażiku u omeprazole għandhom jiddaħħlu fl-Anness II mar-Regolament (KEE) Nru 2377/90. (7) Sabiex jitlestew l-istudji xjentifiċi, għandhom jiddaħħlu t-tulathromycin u l-fenvalerate fl-Anness III mar-Regolament (KEE) Nru 2377/90. (8) Għandu jingħata perjodu xieraq qabel id-dħul fis-seħħ ta’ dan ir-Regolament sabiex jippermetti lill-Istati Membri sabiex jagħmlu l-aġġustament neċessarju għall- awtorizzazzjonijiet sabiex ipoġġu fis-suq il-prodotti mediċinali veterinarji kkonċernati li jkunu ġew approvati skond id-Direttiva 2001/82/KE [3] tal-Parlament Ewropew u tal-Kunsill sabiex jieħdu in konsiderazzjoni id-dispożizzjonijiet ta’ dan ir-Regolament. (9) Il-miżuri provduti f’dan ir-Regolament huma konformi ma’ l-opinjoni tal-Kumitat Permanenti dwar il-Prodotti Mediċinali Veterinarji, ADOTTAT DAN IR-REGOLAMENT: L-Artikolu 1 L-Annessi II u III mar-Regolament (KEE) Nru 2377/90 huma emendati permezz ta’ dan ir-Regolament kif jirriżulta mill-Anness ta’ dan ir-Regolament. L-Artikolu 2 Dan ir-Regolament jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament jorbot fl-intier tiegħu u huwa japplika direttament fl-Istati Membri kollha. Magħmul fi Brussel, it-30 ta’ Ottubru 2002. F’isem il-Kummissjoni Erkki Liikanen Membru tal-KummissjoniL [1] ĠU L 224, tat-18.8.1990, p. 1. [2] ĠU L 264, tat-2.10.2002, p. 18. [3] ĠU L 311, tat-28.11.2001, p. 1. -------------------------------------------------- L-ANNESS A. L-Anness II mar-Regolament (KEE) Nru 2377/90 huwa emendat kif ġej: 1. Kimiċi mhux organiċi "Sustanza(i) farmakoloġikament attiva(i) | Speċi ta' l-annimali | Dispożizzjonijiet oħra | Salicylate ta' l-aluminju, bażiku | L-ifrat | Għall-użu orali biss; Mhux għall-użu f'annimali li jipproduċu l-ħalib li jiġi konsumat mill-bniedem" | 2. Komposti Organiċi "Sustanza(i) farmakoloġikament attiva(i) | Speċi ta' l-annimali | Dispożizzjonijiet oħra | Omeprazole | L-ekwini | Għall-użu orali biss" | B. L-Anness III mar-Regolament (KEE) Nru 2377/90 huwa emendat kif ġej: 1. Aġenti anti-infettivi 1.2. Antibjotiċi 1.2.2. Makrolidi "Sustanza(i) attiva(i) farmakoloġikament | Residwu ta' l-immarkar | Speċi ta' l-annimali | MRL | Tessuti eżaminati | Dispożizzjonijiet oħra | Tulathromycin | (2R, 3S, 4R, 5R, 8R, 10R, 11R, 12S, 13S, 14R)-2-ethyl-3, 4, 10, 13-tetrahydroxy-3, 5, 8, 10, 12, 14-hexamethyl-l1-[[3, 4, 6-trideoxy-3-(dimethylamino)-β-D-xylo-hexopyranosyl]oxy]-1-oxa-6-azacyclopent-decan-l5-one espressi bħala ekwivalenti għat-tulathromycin | L-ifrat | 100 µg/kg | Xaħam | L-MRL temporanji jiskadu fl-1 ta' Lulju 2004; mhux għall-użu f'annimali li jipproduċu ħalib li jiġi konsumat mill-bniedem | 3000 µg/kg | Fwied | 3000 µg/kg | Kliewi | Il-ħnieżer | 100 µg/kg | Ġilda u xaħam | L-MRL temoranji jiskadu fl-1 ta' Lulju 2004 | 3000 µg/kg | Fwied | 3000 µg/kg | Kliewi" | 2. Aġenti ta’ kontra l-parassiti 2.2. Aġenti ta’ kontra l-ektoparassiti 2.2.3. Pyrethroids "Sustanza(i) attiva(i) farmakoloġikament | Residwu ta' l-immarkar | Speċi ta' l-annimali | MRL | Tessuti eżaminati | Dispożizzjonijiet oħra | Fenvalerate | Fenvalerate (somma ta' RR, SS, RS u SR isomers) | L-ifrat | 25 µg/kg | Muskoli | L-MRL temporanji jiskadu fl-1 ta' Lulju 2004; | 250 µg/kg | Xaħam | 25 µg/kg | Fwied | 25 µg/kg | Kliewi | 40 µg/kg | Ħalib" | --------------------------------------------------