EUR-Lex Access to European Union law
This document is an excerpt from the EUR-Lex website
Document 32002D0352
2002/352/EC: Council Decision of 25 April 2002 on the revision of the Common Manual
Id-Deċiżjoni tal-Kunsill tal-25 ta' April 2002 dwar ir-reviżjoni tal-Manwal Komuni
Id-Deċiżjoni tal-Kunsill tal-25 ta' April 2002 dwar ir-reviżjoni tal-Manwal Komuni
ĠU L 123, 9.5.2002, p. 47–48
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 04/04/2010; Impliċitament imħassar minn 32009R0810
Relation | Act | Comment | Subdivision concerned | From | To |
---|---|---|---|---|---|
Modifies | 41999D0013 | APP 2 anness 2 | |||
Modifies | 41999D0013 | APP 2 anness 3 | |||
Modifies | 41999D0013 | Emenda | APP 2 PR 1 | 01/06/2002 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32009R0810 | 05/04/2010 |
Official Journal L 123 , 09/05/2002 P. 0047 - 0048
Id-Deċiżjoni tal-Kunsill tal-25 ta' April 2002 dwar ir-reviżjoni tal-Manwal Komuni (2002/352/KE) IL-KUNSILL TA' L-UNJONI EWROPEA, Wara li kkunsidra r-Regolament tal-Kunsill (KE) Nru 790/2001 ta' l-24 ta' April 2001 li jirriserva lill-Kunsill poteri ta' implimentazzjoni rigward ċerti disposizzjonijiet dettaljati u proċeduri prattiċi biex jitwettqu spezzjonijiet u sorveljanza mal-konfini [1], Wara li kkunsidra l-inizjattiva tar-Renju tal-Belġju u r-Renju ta' l-Isvezja, Billi: (1) Huwa meħtieġ li jitħassru ċerti disposizzjonijiet tal-Manwal Komuni [2] li huma żejda għal attivitajiet ta' kontroll mal-konfini u li jiġu emendati ċerti disposizzjonijiet oħra sabiex titqies dik ir-revoka. (2) L-Istati Membri indikaw lis-Segretarjat Ġenerali tal-Kunsill li ċerti l-Annessi għall-Manwal Komuni li jikkonsistu minn listi ta' tagħrif fattwali, li għandu jiġi provvdut lilhom bi qbil mar-regoli li japplikaw korrentement, ukoll ma jeħtieġux li jkomplu jiffurmaw parti mill-Manwal Komuni. (3) Bi qbil ma' l-Artikoli 1 u 2 tal-Protokoll dwar il-pożizzjoni tad-Danimarka annessi mat-Trattat ta' l-Unjoni Ewropea u t-Trattat li jistabbilixxi l-Komunità Ewropea, id-Danimarka mhijiex tipparteċipa fl-adozzjoni ta' din id-Deċiżjoni, u mhijiex marbuta biha jew suġġetta għall-applikazzjoni tagħha. Ladarba din id-Deċiżjoni timmira biex jibqa' jinbena il-Acquis ta' Schengen skond id-disposizzjonjiet tat-Titolu IV ta' Parti Tlieta tat-Trattat li jistabbilixxi l-Komunità Ewropea, bi qbil ma' l-Artikolu 5 tal-Protokoll msemmi, id-Danimarka se tiddeċiedi f'perjodu ta' sitt xhur wara li l-Kunsill adotta din id-Deċiżjoni jekk hux se tbiddilha fil-liġi nazzjonali tagħha. (4) Rigward ir-Repubblika ta' l-Irlanda u r-Renju tan-Norveġja, din id-Deċiżjoni tikkostitwixxi żvilupp tad-disposizzjonijiet tal-Acquis ta' Schengen li jidħlu taħt l-erja riferita fl-Artikolu1, punt A, tad-Deċiżjoni tal-Kunsill 1999/437/KE tas-17 ta' Mejju 1999 dwar ċerti arranġamenti biex jiġi applikat il-Ftehim konkluż mill-Kunsill ta' l-Unjoni Ewropea u r-Repubblika ta' l-Islanda u r-Renju tan-Norveġja li għandu x'jaqsam ma' l-assoċjazzjoni ta' dawk iż-żewġ Stati bl-implimentazzjoni, l-applikazzjoni u l-iżvilupp tal-Acquis ta' Schengen [3]. (5) Skond l-Artikoli 1 u 2 tal-Protokoll dwar il-pożizzjoni tar-Renju Unit u ta' l-Irlanda annessat mat-Trattat ta' l-Unjoni Ewropea u t-Trattat li jistabbilixxi l-Komunità Ewropea, l-Istati Membri msemmija fuq mhumiex qed jipparteċipaw fl-adozzjoni ta' din id-Deċiżjoni, u għalhekk mhumiex marbuta biha jew suġġetta għall-applikazzjoni tagħha, ADOTTA DAN IR-REGOLAMENT: Artikolu 1 1. Parti I tal-Manwal Komuni huwa hawnhekk emendat kif ġej: (a) f'punt 1.2, it-tieni sentenza għandha tiġi mibdula b'dan li ġej: "Il-qsim mhux awtorizzat ta' konfini esterni f'postijiet oħra għajr postijiet fejn jinqasam konfini jew kultant f'ħinijet ta' ftuħ għajr dawk fissati jista' jwassal għal kastig skond il-penali provduti mill-liġi nazzjonali."; (b) punt 1.3 għandu jiġi mibdul b'dan li ġej: "Bħala eċċezzjoni, dawn li ġejjin jistgħu jaqsmu konfini esterni f'postijiet oħra għajr postijiet awtorizzati fejn jinqasam il-konfini u barra mill-ħinijiet fissati: - persuni li għalihom isir provvediment għal permessi xierqa skond ftehimijiet bilaterali fuq traffiku lokali mal-konfini, magħrufa fl-Italja bħala "traffiku lokali mal-konfini"; "jew traffiku ta' eskursjoni";. - baħħara li jitilgħu l-art bi qbil mal-punt 6.5.2."; (ċ) f'punt 1.3.1, l-aħħar sentenza għandha titħassar; (d) punt 1.3.3 għandu jiġi mibdul b'dan li ġej: "Derogi mid-disposizzjonijiet ta' punt 1.2 f'konnessjoni ma' traffiku lokali mal-konfini – magħruf fl-Italja bħala "traffiku lokali mal-konfini" jew "traffiku ta' eskursjoni"– jingħataw bi qbil ma' ftehim bilaterali konkluż mill-Istati Membri ma' Stati terzi ġirien tagħhom." 2. L-Annessi 2 u 3 tal-Manwal Komuni għandhom jitħassru. Artikolu 2 Din id-Deċiżjoni għandha tapplika mill-1 ta' Ġunju 2002. Artikolu 3 Din id-Deċiżjoni hija indirizzata lill-Istati Membri bi qbil mat-Trattat li jistabbilixxi l-Komunità Ewropea. Magħmula fil-Lussemburgu, fil-25 ta' April 2002. Għall-Kunsill Il-President M. Rajoy Brey [1] ĠU L 116, tas-26.4.2001, p. 5. [2] Riferit fl-Anness A mad-Deċiżjoni tal-Kunsill 1999/435/KE, skond SCH/Com-ex (99) 13 (ĠU L 176, ta' l-10.7.1999, p. 1), parti minnu deklassifikat bid-Deċiżjoni tal-Kunsill 2000/751/KE tat-30 ta' Novembru 2000 (ĠU L 303, tat-2.12.2000, p. 29) u l-aħħar emendat bir-Regolament tal-Kunsill (KE) Nru 334/2002 tat-18 ta' Frar 2002 (ĠU L 53, tat-23.2.2002, p. 7). [3] ĠU L 176, ta' l-10.7.1999, p. 31. --------------------------------------------------