This document is an excerpt from the EUR-Lex website
Document 31999R2737
Commission Regulation (EC) No 2737/1999 of 21 December 1999 amending Regulation (EEC) No 2807/83 laying down detailed rules for recording information on Member States' catches of fish
Ir-Regolament tal-Kummissijoni (KE) Nru 2737/1999 tal-21 ta' Diċembru 1999 li jemenda r-Regolament (KEE) Nru 2807/83 li jipprovdi regoli dettaljati għall-irrekordjar ta' tagħrif dwar il-qabdiet tal-ħut ta' l-Istati Membri
Ir-Regolament tal-Kummissijoni (KE) Nru 2737/1999 tal-21 ta' Diċembru 1999 li jemenda r-Regolament (KEE) Nru 2807/83 li jipprovdi regoli dettaljati għall-irrekordjar ta' tagħrif dwar il-qabdiet tal-ħut ta' l-Istati Membri
ĠU L 328, 22.12.1999, p. 54–58
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 06/05/2011; Imħassar b' 32011R0404
Relation | Act | Comment | Subdivision concerned | From | To |
---|---|---|---|---|---|
Modifies | 31983R2807 | Emenda | anness 1 | 01/01/2000 | |
Modifies | 31983R2807 | Tlestija | anness 4 | 01/01/2000 | |
Modifies | 31983R2807 | Żieda | anness 2BIS | 01/01/2000 | |
Modifies | 31983R2807 | Sostituzzjoni | anness 7 | 01/01/2000 | |
Modifies | 31983R2807 | Sostituzzjoni | artikolu 1 | 01/01/2000 | |
Modifies | 31983R2807 | Tlestija | artikolu 2.1 | 01/01/2000 | |
Modifies | 31983R2807 | Emenda | anness 5 | 01/01/2000 |
Relation | Act | Comment | Subdivision concerned | From | To |
---|---|---|---|---|---|
Corrected by | 31999R2737R(01) | ||||
Corrected by | 31999R2737R(02) | ||||
Repealed by | 32011R0404 |
Official Journal L 328 , 22/12/1999 P. 0054 - 0058
Ir-Regolament tal-Kummissijoni (KE) Nru 2737/1999 tal-21 ta' Diċembru 1999 li jemenda r-Regolament (KEE) Nru 2807/83 li jipprovdi regoli dettaljati għall-irrekordjar ta' tagħrif dwar il-qabdiet tal-ħut ta' l-Istati Membri IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi il-Komunità Ewropea, Wara li kkunsidrat ir-Regolament tal-Kunsill (KE) Nru 2847/93 li jistabbilixxi sistema ta' kontroll applikabbli għall-politika komuni tas-sajd [1], kif emendat bir-Regolament (KE) Nru 2846/1999 [2], u b'mod partikolari l-Artikoli 6(8) tiegħu, Billi: (1) L-Artikolu 6(2) tar-Regolament (KEE) Nru 2847/93 jipprovdi li mill-1 ta' Jannar 2000 qabdiet ta' ammont akbar minn 50 kg ta' piż ħaj ekwivalenti ta' kull speċi miżmuma abbord għandu jiġi rekordjat fir-reġistru. Iżda, għal operazzjonijiet tas-sajd fil-Baħar Mediterran, l-ispeċji biss indikati fil-lista adottata taħt dan l-Artikolu għandha tiġi rekordjata fir-reġistru. (2) Skond l-Artikolu 40 tar-Regolament (KEE) Nru 2847/93, id-disposizzjonijiet li jinsabu f'dak ir-Regolament dwar ir-reġistru u d-dikjarazzjoni tat-tniżżil l-art għandha tapplika, b'effett mill-1 ta' Jannar 2000, għall-operazzjonijiet tas-sajd fil-Mediterran. (3) Huwa meħtieġ, għalhekk, li jiġi emendat, b'effett mill-1 ta' Jannar 2000, ir-Regolament tal-Kummissjoni (KEE) Nru 2807/83 tat-22 ta' Settembru 1983 li jipprovdi regoli dettaljati għall-irrekordjar ta' tagħrif dwar il-qabdiet ta' ħut ta' l-Istati Membri [3], kif l-aħħar emendat bir-Regolament (KE) Nru 1488/98 [4], biex jiġi żgurat li dawn il-ħtiġijiet jitħarsu. (4) Billi l-miżuri li għalihom jipprovdi dan ir-Regolament jaqblu ma' l-opinjoni tal-Kumitat tal-Ġestjoni tas-Sajd u l-Akkwakultura, ADOTTAT DAN IR-REGOLAMENT: Artikolu 1 Ir-Regolament (KEE) Nru 2807/83 qiegħed b'dan jiġi emendat kif ġej: 1. L-Artikolu 1 huwa mibdul b'dan li ġej: "Artikolu 1 1. Il-kaptani tal-bastimenti tas-sajd tal-Komunità li t-tul tagħhom kollox ma' kollox jeċċedi l-10 metri għandhom jirrekordjaw it-tagħrif li għalih jirreferi l-Artikolu 6 tar-Regolament (KEE) Nru 2847/93 fir-reġistru tagħhom skond il-mudell muri fl-Anness I, għaż-żoni kollha tas-sajd ħlief dawk kompriżi f'NAFO 1 u ICES V(a) u XIV, u skond il-mudell muri fl-Anness II, għal dawn iż-żoni ta' l-aħħar. Iżda, l-mudell muri fl-Anness IIa jista' jintuża għall-operazzjonijiet tas-sajd imwettqa esklussivament fil-Mediterran minn kaptani ta' bastimenti tas-sajd tal-Komunità li t-tul tagħhom kollox ma' kollox ma' jeċċedix 18-il metru u li jagħmlu vjaġġi tas-sajd ta' kull jum f'żona tas-sajd waħda. 2. Ir-reġistru muri fl-Anness I, II jew IIa għandu wkoll jinżamm bil-mod preskritt fil-paragrafu 1 meta dawk il-bastimenti joperaw f'ibħra ta' pajjiż mhux membru, sakemm dak il-pajjiż mhux membru in kwistjoni speċifikament jeħtieġ tip differenti ta' reġistru. 3. Għall-operazzjonijiet tas-sajd fil-Mediterran, kull ammont akbar minn 50 kg ta' piż ħaj ekwivalenti għal kull speċi miżmuma abbord għandu jiġi rekordjat fir-reġistru. 4. Il-kodiċijiet mogħtija fl-Anness VI u l-kodiċijiet Three-Alpha stabbiliti mill-FAO jew l-ismijiet għandhom jintużaw biex juru, taħt l-intestaturi xierqa fir-reġistru, it-tagħmir tas-sajd użat u l-ispeċi maqbuda." 2. Dan li ġej qiegħed jiżdied ma' l-Artikolu 2(1): "Iżda, l-mudell muri fl-Anness IIa jista' jintuża jekk it-tniżżil l-art iseħħ f'port ta' Stat Membru kostali tal-Mediterran ieħor, minn kaptani ta' bastimenti tas-sajd tal-Komunità li t-tul tagħhom kollox ma' kollox ma' jeċċedix 18-il metru u li jagħmlu vjaġġi tas-sajd ta' kull jum f'żona tas-sajd waħda." 3. Fl-Anness I, id-denominazzjonijiet "Bakkaljaw", "Haddock", "Saithe", "Imsell", "Barbun", "Lingwat komuni", "Aringi" and "Kavalli" huma mħassra. 4. Fit-Titolu ta' l-Anness IV, il-kliem "Jew l-Anness IIa" huma mdaħħla wara "l-Anness I". 5. Fl-Anness IV, punt 2.4.2. huwa mibdul b'dan li ġej: "2.4.2. Kwantitajiet maqbuda u miżmuma abbord (Nru ta' referenza fir-reġistru: (15)) Qabdiet f'ammont akbar minn 50 kg ta' piż ħaj ekwivalenti għal kull speċi miżmuma abbord għandhom jiġu rekordjat fir-reġistru. Iżda, għal operazzjonijiet tas-sajd fil-baħar Mediterran, l-ispeċi biss indikati fil-lista li tinsab fl-Anness VII għandhom jiġu rekordjati fir-reġistru. Jekk in-numru ta' kolonni ma jkunx biżżejjed uża paġna ġdida.. Agħti l-unit użat (baskett, kaxxa, eċċ.) u l-piż nett f'kilogrammi piż ħaj ta' l-unit użat." 6. Fl-Anness IV, punt 3 it-tielet inċiż, l-ewwel paragrafu huwa mibdul b'dan li ġej: "Agħti l-piż jew kwantitajiet attwalment imniżżla l-art jew trasbordati għal kull speċi." 7. Fl-Anness IV, punt 3, ir-raba' inċiż, l-ittri "GFCM" huma mdaħħla wara "CECAF", fit-Titolu u fil-paragrafu. 8. Fl-Anness V, punt 2.4.2. huwa mibdul b'dan li ġej: "2.4.2. Kwantitajiet maqbuda u miżmuma abbord Qabdiet f'ammont akbar minn 50 kg ta' piż ħaj ekwivalenti għal kull speċi miżmuma abbord għandhom jiġu rekordjati fir-reġistru. Iżda, għal operazzjonijiet tas-sajd fil-baħar Mediterran, l-ispeċi biss indikati fil-lista li tinsab fl-Anness VII għandhom jiġu rekordjati fir-reġistru. Jekk in-numru ta' kolonni ma jkunx biżżejjed uża paġna ġdida.." 9. Fl-Anness V, punt 3 ir-raba' inċiż, l-ewwel paragrafu huwa mibdul b'dan li ġej: "Agħti l-piż jew kwantitajiet attwalment imniżżla l-art jew trasbordati għal kull speċi." 10. L-Anness I li jinsab ma' dan ir-Regolament huwa mdaħħal bħala l-Anness IIa wara l-Anness II. 11. l-Anness VII huwa mibdul bl-Anness II li jinsab ma' dan ir-Regolament. Artikolu 2 Dan ir-Regolament għandu jidħol fis-seħħ fil-jum li jiġi wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu jkun japplika b'effett mill-1 ta' Jannar 2000. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fil-21 ta' Diċembru 1999. Għall-Kummissjoni Franz Fischler Membru tal-Kummissjoni [1] ĠU L 261, ta' l-20.10.1993, pġ. 1. [2] ĠU L 358, tal-31.12.1998, pġ. 5. [3] ĠU L 276, ta' l-10.10.1983, pġ. 1. [4] ĠU L 196, ta' l-14.7.1998, pġ. 3. -------------------------------------------------- ANNESS I ANNESS IIa +++++ TIFF +++++ +++++ TIFF +++++ -------------------------------------------------- ANNESS II ANNESS VII TABELLA Lista ta' speċi li għandhom jiġu rekordjati fir-reġistru tas-sajd u d-dikjarazzjoni ta' tniżżil l-art minn bastimenti li joperaw esklussivament fil-Baħar Mediterran Isem | Isem Latin | Kodiċi FAO 3-Alfa | Tonn alalunga | Thunnus alalunga | ALB | Inċova | Engraulis encrasicholus | ANE | Tonn t'għajnu kbira | Thunnus obesus | BET | Imsell | Micromesistius poutassou | WHB | Tonn | Thunnus thynnus | BFT | Awrat | Sparus aurata | SBG | Merluzz | Merluccius merluccius | HKE | Kavalli | Trachurus spp. | JAX | Kavalli | Scomber scombrus | MAC | Kavalli tal-Mediterran | Trachurus mediterraneus | HMM | Petriċa Kbira | Lophius piscatorius | ANF | Trilja tal-Faxxi | Mullus surmuletus | MUR | Sardina | Sardina pilchardus | PIL | Spnotta | Dicentrarchus labrax | BSS | Trilja tad-daqna | Mullus barbatus | MUT | Pixxispad | Xiphias gladius | SWO | --------------------------------------------------