31999D0252

Id-Deċiżjoni tal-Kummissjoni

tas-26 ta’ Marzu 1999

li temenda d-Deċiżjoni Nru 93/197/KEE dwar il-kondizzjonijiet ta’ saħħa ta’ l-annimali u ċ-ċertifikazzjoni veterinarja għal importazzjonijiet ta’ ekwidi reġistrati u ta’ ekwidi għat-tnissil u l-produzzjoni

(notifikata bid-dokument numru C(1999) 754)

(Test b’rilevanza għall-ŻEE)

(1999/252/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/426/KEE tas-26 ta’ Ġunju 1990 dwar il-kondizzjonijet ta’ saħħa ta’ l-annimali li jirregolaw il-moviment u l-importazzjonijiet minn pajjiżi terzi ta’ ekwidi [1], kif l-aħħar emendata bl-Att ta’ Adeżjoni ta’ l-Awstrija, il-Finlandja u l-Isvezja, u b’mod partikolari l-Artikoli 14, 15(a) u 16 tagħha,

(1) Billi d-Deċiżjoni tal-Kummissjoni 93/197/KEE [2], kif l-aħħar emendata bid-Deċiżjoni Nru 1999/236/KE [3], tistabbilixxi l-kondizzjonijiet ta’ saħħa ta’ l-annimali u ċ-ċertifikazzjoni veterinarja għal importazzjonijiet ta’ ekwidi reġistrati u ekwidi għat-tnissil u l-produzzjoni;

(2) Billi l-paragrafu (d) tal-Kapitolu III taċ-ċertifikati tas-saħħa A, B, C, D u E fl-Anness II tad-Deċiżjoni 93/197/KEE ġie emendat bid-Deċiżjoni 93/510/KEE [4] sabiex jitħallew l-importazzjonijiet fil-Komunità ta’ ekwidi reġistrati u ekwidi għat-tnissil u l-produzzjoni minn pajjiżi terzi qabel ma’ jiskadi l-perjodu mitlub ta’ residenza ta’ 90 jum qabel jintbgħatu, jekk dawn l-ekwidi kienu impurtati direttament fil-pajjiż terz minn fejn ikunu telqu minn Stati Membri matul dak il-perjodu;

(3) Billi, madankollu, l-allinjament tal-kliem korrispondenti fid-dikjarazzjoni tas-sid jew rappreżentant tas-sid ta’ l-annimal ekwin thalla barra; billi għalhekk għall-ġieħ taċ-ċarezza il-kliem tad-dikjarazzjoni għandu jiġi allinjat mal-kliem tal-paragrafu (d) tal-Kapitolu III ta’ l-Anness II, ċertifikati tas-saħħa A, B, C, D u E;

(4) Billi d-Deċiżjoni Nru 93/197/KEE għandha tiġi emendata skond dan;

(5) Billi l-miżuri previsti f’din id-Deċiżjoni huma konformi ma’ l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

Il-punt 2 tad-dikjarazzjoni tas-sid jew rappreżentant ta’ l-annimal fiċ-ċertifikati tas-saħħa A, B, C, D u E ta’ l-Anness II ta’ 93/197/KEE huwa sostitwit b’dan li ġej:

"2. L-annimal jew baqa’

f

(il-pajjiż ta’ l-esportazzjoni)

sa mit-twelid (3), jew ġie impurtat direttament minn Stat Membru tal-Komunitajiet Ewropej matul id-90 jum li għaddew (3), jew daħal fil-pajjiż esportatur mill-anqas 90 jum qabel din id-dikjarazzjoni (3)."

Artikolu 2

Din id-Deċiżjoni hija indirizzata lill-Istati Membri.

Magħmul fi Brussel, fis-26 ta’ Marzu 1999.

Għall-Kummissjoni

Franz Fischler

Membru tal-Kumissjoni

[1] ĠU L 224, tat-18.8.1990, p. 42.

[2] ĠU L 86, tas-6.4.1993, p. 16.

[3] ĠU L 87, tal-31.3.1999, p. 13.

[4] ĠU L 238, tat-23.9.1993, p. 44.

--------------------------------------------------