31995L0054

Id-Direttiva tal-Kunsill 95/54/KE

tal-31 ta’ Ottubru 1995

li tadatta għall-progress tekniku d-Direttiva tal-Kunsill 72/245/KEE dwar l-approssimazzjoni tal-liġijiet ta’ l-Istati Membri li għandhom x’jaqsmu mas-soppressjoni ta’ l-interferenza mir-radju prodotta minn magni bi spark ignition immuntati fuq mgħammra ma’ vetturi bil-mutur u li temenda d-Direttiva tal-Kunsill 70/156/KEE dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip ta’ vetturi bil-mutur u l-karrijiet tagħhom

IL-KUMMISJONI TA’ KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 70/156/KEE tas-6 ta’ Frar 1970 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip ta’ vetturi bil-mutur u l-karrijiet tagħhom [1], kif l-aħħar emendata bid-Direttiva tal-Kummissjoni 93/81/KEE [2], u b'mod partikolari l-Artikolu 13 (2) tagħha,

Wara li kkunsidrat id-Direttiva tal-Kunsill 72/245/KEE ta’ l-20 ta’ Ġunju 1972 dwar l-approssimazzjoni tal-liġijiet ta’ l-Istati Membri li għandhom x’jaqsmu mas-soppressjoni ta’ l-interferenza mir-radju prodotta minn magni bi spark ignition immuntati fuq vetturi bil-mutur [3], kif l-aħħar emendata bid-Direttiva tal-Kummissjoni 89/491/KEE [4], u b'mod partikolari l-Artikolu 4 tagħha,

Billi d-Direttiva 72/245/KEE hija waħda mid-direttivi separati tal-proċedura ta' l-approvazzjoni tat-tip tal-KEE li kienet stabbilita skond id-Direttiva 70/156/KEE; billi, konsegwentement, id-disposizzjonijiet stabbiliti bid-Direttiva 70/156/KEE li huma relatati mas-sistemi, komponenti u unitajiet tekniċi separati tal-vetturi japplikaw għal din id-Direttiva;

Billi, b’mod partikolari, l-Artikoli 3 (4) u 4 (3) tad-Direttiva 70/156/KEE jitolbu li kull direttiva separata jkollha anness magħha dokument ta’ informazzjoni li jinkorpora l-punti rilevanti ta’ l-Anness I ta' dik id-Direttiva u wkoll ċertifikat ta’ l-approvazzjoni tat-tip ibbażat fuq l-Anness VI tagħha sabiex l-approvazzjoni tat-tip tkun tista’ tiġi kompjuterizzata;

Billi d-Direttiva 72/245/KEE kellha fiha l-miżuri l-aktar bikrija li jippruvaw iġibu fis-seħħ il-kompatibbilità elettromanjetika bażika li għandha x’taqsam mal-interferenza tar-radju, li minn dak iż-żmien ‘l hawn, il-progress tekniku żied il-komplessità u d-diversità tat-tagħmir elettriku u elettroniku;

Billi, minħabba t-tħassib li dejjem jiżdied dwar l-iżviluppi teknoloġiċi f’tagħmir elettriku u elettroniku u l-bżonn li tiġi assigurata l-kompatibbilità ġenerali ta’ tagħmir elettriku u elettroniku differenti, id-Direttiva tal-Kunsill 89/336/KEE [5], kif l-aħħar emendata bid-Direttiva 93/68/KEE [6] stabbiliet disposizzjonijiet ġenerali dwar il-kompatibbilità elettromanjetika għall-prodotti kollha;

Billi d-Direttiva 89/336/KEE stabbiliet ir-regola li, safejn il-ħtiġiet ta’ protezzjoni speċifikati f'dik id-Direttiva kienu armonizzati, id-disposizzjonijiet ġenerali tagħha ma kellhomx japplikaw jew kellhom jieqfu milli japplikaw fir-rigward ta’ l-apparat kopert b’direttivi speċifiċi;

Billi, fil-qasam ta’ vetturi, il-komponenti u l-unitajiet tekniċi separati tagħhom, hemm bżonn li tkun prevista direttiva speċifika fi ħdan il-kwadru tas-sistema ta’ l-approvazzjoni tat-tip Ewropew li tipprovdi għal approvazzjonijiet mogħtija minn awtoritajiet nazzjonali nominati għal ħtiġiet tekniċi armonizzati;

Billi d-Direttiva 72/245/KEE għandha ssir direttiva speċifika bħal dawn;

Billi hija magħmula referenza għall-kompatibbilità elettromanjetika f’direttivi oħrajn relatati ma’ vetturi, il-komponenti u l-unitajiet tekniċi separati tagħhom, fi ħdan il-kwadru tad-Direttiva 70/156/KEE;

Billi, l-ħtiġiet tekniċi relatati mal-interferenza tar-radju (kompatibbilità elettromanjetika) ta’ vetturi, il-komponenti u s-sistemi tagħhom, għandhom jiġu regolati mill-1 ta’ Jannar 1996 biss bid-Dispożizzjonijiet tad-Direttiva 72/245/KEE;

Billi hemm bżonn li d-Direttiva 70/156/KEE tiġi emendata biex tirrifletti l-estensjoni tad-Direttiva 72/245/KEE għall-kategoriji kollha ta’ vetturi;

Billi hemm bżonn li jkun hemm referenza għad-Direttiva tal-Kunsill 72/306/KEE [7], kif emendata bid-Direttiva 89/491/KEE, sabiex ikun hemm distinzjoni bejn magni bi spark jew compression ignition.;

Billi, l-miżjuri previsti f’din id-Direttiva huma skond l-opinjoni tal-Kumitat għall-Adattament għall-Progress Tekniku stabbilit bid-Direttiva 70/156/KEE.

ADOTTAT DIN ID-DIRETTIVA:

Artikolu 1

Id-Direttiva 72/245/KEE hija hawnhekk emendata kif ġej:

1. it-titolu għandu jkun mibdul b’dan li ġej: "Id-Direttiva tal-Kunsill 72/245/KEE ta’ l-20 ta’ Ġunju 1972 li tirrigwarda l-interferenza tar-radju (kompatibbilità elettromanjetika) ta’ vetturi";

2. Artikolu 1 għandu jkun mibdul b’dan li ġej:

"Artikolu 1

Għall-iskop ta’ din id-Direttiva, "vettura"; tfisser kull vettura kif definita fid-Direttiva 70/156/KEE.";

3. Artikolu 2 għandu jkun mibdul b’dan li ġej:

"Artikolu 2

L-ebda Stat Membru ma jista’ jirrifjuta li jagħti approvazzjoni tat-tip tal-KEE jew l-approvazzjoni tat-tip nazzjonali ta' vettura, komponent jew unità teknika separata għal raġunijiet relatati mal-kompatibbilità elettromanjetika jekk il-ħtiġiet ta’ din id-Direttiva huma sodisfatti.";

4. Artikolu 3 għandu jkun mibdul b'dan li ġej:

"Artikolu 3

1. Din id-Direttiva għandha tkun "direttiva speċifika"; għall-iskopijiet ta’ l-Artikolu 2 (2) tad-Direttiva tal-Kunsill 89/336/KEE [8] b’effett mill-1 ta’ Jannar 1996.

2. Il-vetturi, l-komponenti jew l-unitajiet tekniċi separati approvati skond din id-Direttiva għandhom jiġu kkunsidrati li jissodisfaw id-disposizzjoniet ta’ direttivi oħrajn, ikkwotati f’Anness IV tad-Direttiva tal-Kunsill 92/53/KEE [9], li jirreferu għall-kompatibbilità elettromanjetika.";

5. L-Annessi għandhom jiġu mibdula bl-Anness ta’ din id-Direttiva.

Artikolu 2

1. B’effett mill-1 ta’ Diċembru 1995, l-Istati Membri, ma jistgħux, għal raġunijiet relatati mal-kompatibbilità elettromanjetika:

- jirrifjutaw li jagħtu l-approvazzjoni tat-tip tal-KEE jew l-approvazzjoni tat-tip nazzjonali, fir-rigward ta’ kwalunkwe tip ta' vettura,

- jirrifjutaw, li jagħtu l-approvazzjoni tat-tip tal-KEE kta’ komponent jew ta’ unità teknika, fir-rigward ta’ kwalunkwe tip ta’ komponent jew unità teknika separata,

- jipprojbixxu r-reġistrazzjoni, il-bejgħ jew id-dħul fis-servizz ta' vetturi,

- jipprojbixxu l-bejgħ jew l-użu ta’ komponenti jew unitajiet tekniċi separati,

jekk il-vetturi, il-komponenti jew l-unitajiet tekniċi separati jkunu konformi mal-ħtiġiet tad-Direttiva 72/245/KEE kif emendata b'din id-Direttiva.

2. B’effett mill-1 ta’ Jannar 1996, l-Istati Membri:

- aktar jagħtu l-approvazzjoni tat-tip tal-KEE ta' vettura, l-approvazzjoni tat-tip tal-KEE ta’ komponent jew l-approvazzjoni tat-tip tal-KEE ta’ unità teknika separata, u

- jistgħu jirrifjutaw li jaGħtu approvazzjoni tat-tip nazzjonali,

- għal kull tip ta' vettura, komponent jew unità teknika separata għal raġunijiet relatati mal-kompatibbilità elettromanjetika, jekk il-ħtiġiet tad-Direttiva 72/245/KEE, kif emendata b’din id-Direttiva, mhumiex sodisfatti.

3. Il-paragrafu 2 m’għandux japplika għal tipi ta’ vetturi approvati qabel l-1 ta’ Jannar 1996 skond id-Direttiva 72/306/KEE u l-anqas għal xi estensjonijiet sussegwenti ta' dawn l-approvazzjonijiet.

4. B’effett mill-1 ta’ Ottubru 2002, l-Istati Membri:

- għandhom jikkunsidraw iċ-ċertifikati tal-konformità li jakkumpanjaw vetturi ġodda skond id-disposizzjonijiet tad-Direttiva 70/156/KEE bħala mhux aktar validi għall-iskopijiet ta' l-Artikolu 7 (1) ta' dik id-Direttiva,

- jistgħu jirrifjutaw ir-reġistrazzjoni, il-bejgħ jew il-dħul fis-servizz ta’ vetturi ġodda li mhumiex akkumpanjati b'ċertifikat ta' konformita skond id-Direttiva 70/156/KEE, u

- jistgħu jirrifjutaw il-bejgħ u d-dħul fis-servizz ta' sub-assemblaġġi ġodda elettriċi/elettroniċi bħala komponenti jew unità teknika separata,

jekk il-ħtiġiet ta’ din id-Direttiva ma jkunux sodisfatti.

5. B’effett mill-1 t’Ottubru 2002, il-ħtiġiet tad-Direttiva 72/245/KEE, relatati mas-sub-assemblaġġi elettriċi/elettroniċi bħala komponenti jew unitajiet tekniċi separati, kif emendata b’din id-Direttiva, huma applikabbli għall-iskopijiet ta’ l-Artikolu 7 (2) tad-Direttiva 70/156/KEE.

6. Minkejja l-paragrafi 2 u 5, għall-iskopijiet ta’ partijiet ta’ tibdil, l-Istati Membri għandhom jibqgħu jagħtu l-approvazzjoni tat-tip tal-KEE u jippermettu l-bejgħ u d-dħul fis-servizz ta’ komponenti jew unitajiet tekniċi separati maħsuba għall-użu fuq tipi ta’ vetturi li jkunu ġew approvati qabel l-1 ta’ Jannar 1996 jew skond id-Direttiva 72/245/KEE jew skond id-Direttiva 72/306/KEE u, meta applikabbli, l-estensjonijiet sussegwenti ta' dawn l-approvazzjonijiet.

Artikolu 3

Il-punt Nru 10 tal-Parti I t’Anness IV tad-Direttiva 70/156/KEE għandu jkun emendat biex jinkludi "X" f'kull waħda mill-kolonni għall-vetturi tal-kategorija 0 taħt l-intestatura "Applikabbilità".

Artikolu 4

1. L-Istati Membri għandhom idaħħlu fis-seħħ il-liġijiet, ir-regolamenti u d-disposizzjonijiet amministrattivi neċessarji biex ikunu konformi ma' din id-Direttiva qabel l-1 ta’ Diċembru 1995. Huma għandhom jinfurmaw b’dan lill-Kummissjoni minnufih.

Meta l-Istati Membri jadottaw dawn id-disposizzjonijiet, dawn għandhom ikollhom referenza għal din id-Direttiva jew għandhom jiġu akkumpanjati b’tali referenza fil-waqt tal-pubblikazzjoni uffiċjali tagħhom. Il-proċedura għal din ir-referenza għandha tiġi adottata mill-Istati Membri.

2. L-Istati Membri għandhom jikkomunikaw lill-Kummissjoni t-test tad-disposizzjonijiet prinċipali tal-liġi nazzjonali li huma jadottaw fil-qasam kopert b’din id-Direttiva.

Artikolu 5

Din id-Direttiva għandha tidħol fis-seħħ fl-20 jum ta’ wara l-pubblikazzjoni tagħha fil-Ġurnal Uffiċjali tal-Komunitajiet Ewropej.

Artikolu 6

Din id-Direttiva hija ndirizzata lill-Istati Membri.

Magħmula fi Brussel, il-31 ta’ Ottubru 1995.

Għall-Kummissjoni

Martin Bangemann

Membru tal-Kummissjoni

[1] ĠU Nru L 42, 23. 2. 1970, p. 1.

[2] ĠU Nru L 264, 23. 10. 1993, p. 49.

[3] ĠU Nru L 152, 6. 7. 1972, p. 15.

[4] ĠU Nru L 238, 15. 8. 1989, p. 43.

[5] ĠU Nru L 139, 23. 5. 1989, p. 19.

[6] ĠU Nru L 220, 30. 8. 1993, p. 1.

[7] ĠU Nru L 190, 20. 8. 1972, p. 1.

[8] ĠU Nru L 139, 23. 5. 1989, p. 19.

[9] ĠU Nru L 225, 10. 8. 1992, p. 1’;

--------------------------------------------------

LISTA TA’ ANNESSI

ANNESS I | Htiġiet Li Għandhom Jiġu Sodisfatti Minn Vetturi U Sub-Assemblaġġi Elettriċi/Elettroniċi Mwaħħla Fuq Il-Vettura |

ANNESS II | A Dokument ta’ informazzjoni għall-approvazzjoni tat-tip KEE ta’ vettura fir-rigward tal-kompatibbilità elettromanjetika |

ANNESS IIB | Dokument ta’ informazzjoni relatat mal-approvazzjoni tat-tip tal-KEE ta' sub-assemblaġġ elettriku/elettroniku f’dak li għandu x’jaqsam mal-kompatibbilità elettromanjetika |

Anness III A | Mudell Ċertifikat Ta’ Approvazzjoni Tat-Tip Tal-KEE |

ANNESS IIIB | Mudell Ċertifikat Ta’ Approvazzjoni Tat-Tip Tal-KEE |

ANNESS IV | Metodu Ta’ Kif Jitkejlu L-Emissjonijiet Elettromanjetiċi Ta’ Firxa Ta’ Frekwenza Wiesgħa Rradjati Minn Vetturi |

ANNESS V | Metodu Tal-Kejl Ta’ L-Emissjonijiet Elettromanjetiċi Ta’ Firxa Ta’ Frekwenza Dejqa Rradjati Minn Vetturi |

ANNESS VI | Metodu Ta' L-Ittestjar Ta’ L-Immunità Tal-Vetturi Għar-Radjazzjoni Elettromanjetika |

ANNESS VII | Metodu Tal-Kejl Ta’ L-Emissjonijiet Elettromanjetiċi Ta’ Firxa Ta’ Frekwenza Wiesgħa Rradjati Minn Sub-Assemblaġġi Elettriċi/Elettrkoniċi |

ANNESS VIII | Metodu Tal-Kejl U L-Emissjonijiet Elettromanjetiċi Ta’ Firxa Ta’ Frekwenza Dejqa Rradjati Minn Sub-Assemblaġġi Elettriċi/Elettrkoniċi |

ANNESS IX | Metodu(I) Għall-Ittestjar Tal-Immunità Tas-Sub-Assemblaġġi Elettriċi/Elettroniċi Għar-Radjazzjoni Elettromanjetika |

--------------------------------------------------