31994R3223

Ir-Regolament tal-Kummissjoni (KE) Nru 3223/94

tal-21 ta' Diċembru 1994

dwar regoli dettaljati għall-applikazzjoni ta' l-arranġamenti dwar l-importazzjoni tal-frott u l-ħxejjex

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru. 1035/72 tat-18 ta' Mejju 1972 dwar l-organizazzjoni komuni tas-Suq fil-frott u l-ħxejjex [1], kif l-aħħar emendat bir-Regolament (KEE) Nru. 2753/94 [2], u partikolarment l-Artikolu 23(2) tiegħu,

Wara li kkunsidrat ir-Regolament tal-Kunsill (KEE) Nru. 3813/92 tat-28 ta' Diċembru 1992 dwar l-unità tal-kontijiet u r-rata tal-kambju li għandha tkun applikata għall-iskopijiet tal-istrateġija agrikola komuni [3], kif emendat bir-Regolament (KE) Nru. 3528/93 [4], u partikolarment l-Artikolu 3 (3) tiegħu,

Billi ir-riżultati tan-negozjati multilaterali tal kummerċ tal-Laqgħa ta' l-Urugwaj jagħmluha meħtiġa li tkun introdotta sistema ġdida għall-importazzjoni tal-frott u l-ħxejjex friski kif elenkati fl-Anness; billi dik is-sistema hija bbażata fuq paragun bejn il-valur tal-prodotti importati u l-prezzijiet tad-dħul, skond riferuti fit-tariffi doganali tal-Komunitajiet Ewropej;

Billi huwa meħtieġ li tingħata definizzjoni tat-terminu "lott;"

Billi l-maġġoranza tal-frottijiet u l-ħxejjex li jitħassru malajr, elenkati fl-Anness ta' dan ir-Regolament, huma fornuti bil-kunsenja u dan il-fatt joħloq diffikultajiet speċjali għad-determinazzjoni tal-valur tagħhom;

Billi il-prezz tad-dħul li fuq il-bażi tiegħu il-prodotti huma kklasifikati fit-Tarriffi Doganali Komuni għandhom ikunu ekwivalenti jew għal prezz fob tal-prodotti in kwistjoni, flimkien ma' l-ispejjeż ta' l-assikurazzjoni u tat-tgħabbija sal-fruntiera tat-territorju doganali tal-Komunità, il-valur doganali referut fl-Artikolu 30 (2) (c) tar-Regolament tal-Kunsill (KEE) Nru. 2913/92 tat-12 ta' Ottubru 1992 li jistabbilixxi il-Kodici Doganali tal-Komunità [5] jew il-valur standard ta' importazzjoni; billi sistema ta' valuri standard ta' l-importazzjoni tagħmilha possibli li jkunu l-implementati r-riżultati tal-Laqgħa ta' l-Urugwaj;

Billi dawk il-valuri standard ta' l-importazzjoni għandhom ikunu stabbiliti fuq il-bażi tal-medja peżata tal-prezzijiet medji tal-prodotti, kif elenkati fl-Anness li huma importati minn pajjiżi terzi lejn is-swieq rapreżentattivi ta' l-importazzjoni ta' l-Istati Membri, bit-tnaqis ta' l-ammonti kif mogħtija fl-Artikolu 173 (3) tar-Regolament tal-Kummissjoni (KEE) Nru 2454/93 tat-2 ta' Lulju 1993 li jistabbilixxi d-disposizzjonijiet għall-implimentazzjoni tar-Regolament tal-Kunsill (KEE) Nru. 2913/92 li jistabbilixxi l-Kodici Doganali tal-Komunità [6], kif l-aħħar emendat bir-Regolament (KE) Nru. 2193/94 [7]; billi dawk il-valuri għandhom ikunu stabbiliti għal kull jum tax-xogħol mill-Kummissjoni, għal kull oriġini u għall-perjodi kif moghtija fl-Anness;

Billi, għal dak il-għan, l-Istati Membri għandhom jipprovdu, regolarment u f'ħin sufficjenti, lid-dipartimenti tal-Kummissjoni responsabbli bl-informazzjoni kollha meħtieġa b'dan ir-Regolament, sabiex jiffaċilitaw il-valuri standard ta' l-importazzjoni li jkunu kkalkolati;

Billi disposizzjonijiet speċjali għandhom jsiru għal-dawk il-każi meta ma' jkunx hemm prezzijiet disponibbli għal prodotti ta' ċertu origini;

Billi l-importatur jista' jagħżel klassifikazzjoni ta' tariffa għal prodotti importati li tkun differenti minn dik stabilita fuq il-bażi tal-valur standard ta' l-importazzjoni; billi, b'danakollu, f'dak il-każ u taħt ċerti kondizzjonijiet, fosthom varjazzjonijiet fil-prezzijiet tas-swieq, irid ikun hemm ċerti disposizzjonijiet sabiex tingħata garanzija ekwivalenti għall-ammont ta' dazju li hu kien ikun irid iħallas kieku il-klassifikazzjoni tat-tariffa tal-konsenja kienet stabbilita abbażi tal-valur standard ta' l-importazzjoni; billi il-garanzija tingħata lura meta, f'ċertu żmien, tinġieb prova li l-kondizzjonijiet sabiex il-kunsenja tigi disposta jkunu ntlaħħqu; billi, bħala parti ta' spezzjonijiet "a posteriori', id-dazju dovut għandu jkun miġbur skond l-Artikolu 220 tar-Regolament (KEE) Nru. 2913/92; billi huwa ġust, fil-parametri ta' dawn l-ispezzjonijiet, li jiżdied l-imgħax fuq id-dazju dovut;"

Billi r-Regolament tal-Kummissjoni (KEE) Nru. 2118/74 tad-9 ta' Awwissu 1974 li jistabbilixxi r-regoli dettaljati dwar l-applikazzjoni tas-sistema ta' prezzijiet ta' referenza għall-frott u l-ħxejjex [8], kif l-aħħar emendat bir-Regolament (KEE) Nru. 249/93 [9], jibqa' fis-seħħ għal kull prodott elenkat fl-Anness sal-bidu tas-snin ta' bejgħ rispettivi tagħhom;

Billi il-miżuri li hemm provvediment dwarhom f'dan ir-Regolament huma skond l-opinjoni tal-Kumitat ta' Ġestjoni tal-Frott u l-Ħxejjex,

ADDOTAT DAN IR-REGOLAMENT:

Artikolu 1

Għall-iskopijiet ta' dan ir-Regolament, "lott" ifisser merkanzija li tkun ġiet ippreżentata taħt dikjarazzjoni ta' rilaxx għal ċirkolazzjoni ħielsa. Kull dikjarazzjoni tista' tkopri biss oġġetti ta' oriġini waħda li jaqgħu taħt l-istess kodiċi waħda tan-nomeniklatura magħquda.

Artikolu 2

1. Għal kull prodott u għall-perjodi stabbiliti fl-Anness, għal kull ġurnata tas-suq u għal kull oriġini, l-Istati Membri għandhom jinfurmaw lill-Kummissjoni, sa mhux iktar tard minn nofsinhar (ħin ta' Brussel) tal-jum ta' xogħol ta' l-għada:

(a) il-prezzijiet medji ta' rapreżentattivi tal-prodotti importati minn pajjiżi terzi mibjugħa fis-swieq rappreżentattivi ta' l-importazzjoni, referuti fl-Artikolu 3 (1), u l-prezzijiet reġistrati fi swieq oħrajn għal kwantitajiet kbar ta' prodotti importati, jew, meta ma hemmx prezzijiet rappreżentativi tas-swieq disponibbli, il-prezzijiet għal prodotti importati kif reġistrati fi swieq oħrajn;

u

(b) it-total tal-kwantitajiet li għandhom x'jaqsmu mal-prezzijiet referuti fi (a).

2. Il-prezzijiet referuti fil-paragrafu 1 (a) għandhom ikunu rrekordjati:

- għal kull prodott elenkat fl-Anness,

- għal kull varjetajiet u daqsijiet disponibbli,

- fl-istadju ta' l-importatur / bejjiegħ bl-ingrossa jew fl-istadju ta' bejjiegħ bl-ingrossa / bejjiegħ bl-imnut meta ma hemm l-ebda prezzijiet fl-istadju ta' l-importatur/bejjiegħ bl-ingrossa.

Għandhom jiġu imnaqqsa bl-ammonti mogħtija fl-ewwel zewġ inċiżi ta' l-Artikolu 173 (3) tar-Regolament (KEE) Nru 2454/93.

Fir-rigward tal-ispejjeż ta' tgħabija u l-assigurazzjoni li jiġu mnaqqsa permezz ta' l-Artikolu 173 (4) tar-Regolament imsemmi hawn fuq għandhom ikunu applikabbli.

3. Il-prezzijiet irreġistrati skond it-tieni paragrafu għandhom, meta huma stabbiliti fl-istadju tal-bejjiegħ bl-ingrossa /bejjiegħ bl-imnut, l-ewwel ikunu mnaqqsa b'ammont ekwivalenti għal 9 % biex jittieħed akkont tal-marġini tal-kummerċ tal-bejjiegħ bl-ingrossa, kif ukoll bl-ammont ekwivalenti għal ECU 0,6 għal kull 100 kilogramma biex jittieħed akkont tal-ispejjeż ta' immanniġġjar u t-taxxi u l-ispejjeż tas-suq.

4. Dan li ġejjin għandhom ikun meqjusa li huma rappresentativi:

- il-prezzijiet tal-prodotti tal-Klassi I, basta li dawk il-kwantijiet f'dik il-klassi jammontaw għal mill-inqas 50 % tat-total tal-kwantitajiet ikkumerċjalizzati,

- il-prezzijiet tal-prodotti tal-Klassi I flimkien, meta l-prodotti f'dik il-klassi jammontaw għal inqas minn 50 % tat-total tal-kwantitajiet, il-prezzijiet stabbiliti għall-prodotti tal-Klassi II li jiffaċilitaw li 50 % tal-prodotti fis-suq jkunu koperti,

- il-prezzijiet kif stabiliti għall-prodotti tal-Klassi II, meta l-prodotti tal-Klassi I, sakemm ma jkunx deċiz li jkun applikat magħhom xi aġġustament ta' ko-effiċjent, bħala rizultat tal-kondizzjonijiet tal-produzzjoni tal-prodotti ta' l-oriġini f'dan il-każ, dawk il-prodotti mhumiex normalment u tradizzjonalment marketed fil-Klassi I bħala riżultat tal-karateristici tal-kwalità tagħhom.

Il-koeffiċent ta' l-aġġustament referut fit-tielet inċiż għandu japplika għal dawk il-prezzijiet wara li jitnaqsu l-ammonti referuti fil-paragrafu 2.

Artikolu 3

1. Dawn li ġejjin għandhom jitqiesu bħala swieq rappreżentattivi:

—Ir-Renju tal-Belġju u l-Grandukat tal-Lussemburgu: | Antwerp, Brussel; |

—Ir-Renju tad-Danimarka: | Copenhagen; |

—Il-Ġermanja: | Hamburg, Munich, Frankfurt, Cologne, Berlin; |

—Ir-Republika tal-Greċja: | Ateni, Thessaloniki; |

—Ir-Renju ta' Spanja: | Madrid, Barcelona, Seville, Bilbao; |

—Ir-Repubblika ta' Franza: | Parigi-Rungis, Marsilja, Rouen, Dieppe, Perpignan, Nantes, Bordeaux, Ljon, Toulouse; |

—l-Irlanda: | Dublina; |

—Ir-Repubblika Taljana: | Milan; |

—Ir-Renju ta' l-Olanda: | Rotterdam; |

—Ir-Repubblika ta' l-Awstria: | Vjenna-Inzersdorf; |

—Ir-Republikka Portugiza: | Lisbona, Porto; |

—Ir-Repubblika tal-Finlandja: | Helsinki; |

—Ir-Repubblika ta' l-Isvezja: | Helsingborg, Stockholm; |

—Ir-Renju Unit, l-Irlanda ta' Fuq: | Londra; |

2. l-Istati Membri għandhom jinfurmaw lill-Kummissjoni dwar l-uzanzi tal-ġranet tas-suq ta' l-imsemmija swieq.

Artikolu 4

1. Għal kull prodott u għal-perjodi elenkati fl-Anness, il-Kummissjoni għandha tistabbilixxi, kull jum ta' xogħol u għal kull origini, il-valur standard ta' l-importazzjoni ekwivalenti għal-medja peżata tal-prezzijiet rappreżentativi referuti fl-Artikolu 2, imnaqqas bl-ammont standard ta' ECU 5/100 kg u id-dazzji doganali ad valorem.

2. Meta valur standard ikun stabbilit għall-prodotti u għall-perjodi ta' l-applikazzjoni moghtija fl-Anness, skond dan ir-Regolament, l-unità tal-valur fil-qofol tad-definizzjoni ta' l-Artikoli 173 sa 176 tar-Regolament (KEE) Nru. 2454/93 m'għandhomx ikunu applikabbli. Dan għandu jkun mibdul bil-valur standard tal-importazzjoni referuta fil-paragrafu 1.

3. Meta ma jkunx hemm valur standard fis-seħħ ta' l-importazzjoni għal prodott ta' oriġini partikolari, il-medja tal-valuri standard ta' l-importazzjoni għal dak il prodott għandhom ikunu applikabbli.

4. Il-valuri standard ta' l-importazzjoni jibqgħu japplikaw sakemm ikunu mibdula.

5. Minkejja l-paragrafu 1, fl-ewwel ġurnata tal-perjodi ta' l-applikazzjoni mogħtija fl-Anness, u fil-ġranet konsegwenti, meta ma jkunx possibli li jiġi kkalkulat il-valur standard ta' l-importazzjoni, il-valur standard ta' l-importazzjoni applikabli għal xi prodott għandu jkun ekwivalenti għall-aħħar unità ta' valur fis-seħħ għal dak il-prodott skond id-definizzjoni ta' l-Artikoli 173 sa 176 tar-Regolament KEE Nru. 2454/93.

6. Il-prezzijiet rappresentattivi f'ecus għandhom ikunu kkonvertiti skond ir-rata tas-suq rappresentattiv ikkalkulata għal dak il-jum f'dak il-każ.

7. Il-valur standard ta' l-importazzjoni espress f'ecu għandu jkun ippublikat mill-Kummissjoni fil-Ġurnal Uffiċjali tal-Komunitajiet Ewropej.

Artikolu 5

1. Il-prezz tad-dħul li fuq il-bazi tiegħu il-prodotti elenkati fl-Anness huma kklasifikati fit-Tariffa Doganali tal-Komunitajiet Ewropej għandu jkun ekwivalent, skond kif jagħżel l-importatur:

(a) jew għall-prezz fob tal-prodotti fil-pajjiz tal-oriġini u l-ispejjeż ta' l-assikurazzjoni u tat-tgħabija sal-fruntieri tat-territorju tad-Doganali tal-Komunità, meta dak il-prezz u dawk l-ispejjeż huma magħrufa fil-mument li d-dikjarazzjoni tar-rilaxxa tal-prodotti għaċ-ċirkolazzjoni libera hi magħmula.

Meta l-prezzijiet hawn fuq imsemmija huma bit-8 % akbar mil-valur standard ta' l-importazzjoni, l-importatur għandu jiddepożita il-garanzija referuta fl-Artikolu 248 (1) tar-Regolament (KEE) Nru. 2454/93, ekwivalenti għall-ammont ta' dazju li kieku kien ikollu jħallas li kieku il-klassifikazzjoni tal-prodotti kienet ġiet magħmula fuq il-bażi tal-valur standard ta' l-importazzjoni applikabbli għal konsenja f'dak il-każ.

(b) jew għall-valur doganali ikkalkulat skond l-Artikolu 30 (2) (c) tar-Regolament (KEE) Nru. 2913/92 applikat biss għall-prodotti importati f'dak il-każ. F'dak il-każ, id-dażju għandu jkun imnaqqsa skond kif inhu provdut fl-Artikolu 4 (1).

F'dak il-każ l-importatur għandu jagħti l-garanzija referuta fl-Artikolu 248 (1) tar-Regolament (KEE) Nru 2454/93, ekwivalenti għall-ammont tad-dazju li kieku kien ikollu jħallas kieku l-klassifikazzjoni tal-prodotti kienet ġiet magħmula fuq il-bażi ta' valur standard ta' l-importazzjoni applikabbli għall-konsennja f'dak il-każ;

(c) jew għal valur standard ta' l-importazzjoni ikkalkulat skond l-Artikolu 4 ta' dan ir-Regolament.

2. L-importatur għandu jkollu xahar mill-bejgħ tal-prodotti f'dak il-każ, soġġett għal-limitazzjoni ta' erba' xhur mid-data ta' l-aċċettazzjoni tad-dikjarazzjoni tar-rilaxx taċ-ċirkulazzjoni ħielsa, biex jgħati prova li l-kunsennja tkun ġiet disponuta permezz tal-kondizzjonijiet li jaffermaw il-korretezza tal-prezzijiet referuti fit-tieni subparagrafu tal-paragrafu 1 (a) jew jistabilixxi li l-valuri doganali referuti fil-paragrafu 1 (b). Nuqqas li jintlaħqu wieħed jew aktar limiti ta' żmien jirriżulta fit-telfien tal-garanzija ddepożitata, mingħajr preġudizzju għall-applikazzjonji tal-paragrafu 3.

Il-garanzija depożitata għandha tkun rilaxxata jekk tinġieb prova tal-kondizzjonijiet tad-dispozzjoni li tissodisfa lill-awtoritajiet doganali.

Altrimenti il-garanzija tintilef permezz ta' ħlas tad-dazji ta' l-importazzjoni.

3. Il-limitu ta' żmien ta' erba' xhur referut fil-paragrafu 2 jista' jkun estiz mill-awtoritajiet kompetenti sa' massimu ta' tliet xhur fuq talba ta' l-importatur, u din għandha tkun adekwatament ikkoraborata.

4. Jekk, mal-verifika, l-awtoritajiet kompetenti jistabbilixxu li l-ħtiġiet ta' dan l-Artikolu ma jkunux intlaħqu, huma għandhom jirkupraw id-dazju dovut skond l-Artikolu 220 tar-Regolament (KEE) Nru. 2913/92. L-ammont ta' dazju li jittieħed lura jew li jibqa' biex jinġabar għandu jinkludi l-imgħax mid-data li fiha l-oġġetti jkunu ġew rilaxxati għaċ-ċirkolazzjoni ħielsa sal-ġurnata tal-irkupru. Ir-rata ta' imgħax li tapplika tkun dik ir-rata in vigore skond il-liġi tal-pajjiz għall-operazzjonijiet tal-irikupru.

Artikolu 6

Ir-Regolament (KEE) Nru 2118/74 jibqa' japplika għal kull wieħed mill-prodotti elenkati fl-Anness sal-bidu ta' 1995/96 tas-snin ta' suq rispettivi tagħhom.

Artikolu 7

Dan ir-Regolament għandu jidħol fis-seħħ fit-tielet jum wara il-pubblikazzjoni tiegħu fil-Ġurnal Uffiċjali tal-Komunitajiet Ewropej.

Huwa għandu japplika, għal kull wieħed mill-prodotti elenkati fl-Anness, mill-bidu ta' sena ta' suq 1995/96.

Dan ir-Regolament għandu jorbot fl-intier tiegħu u direttament applikabbli fl-Istati Membri kollha.

Magħmul fi Brussel, il-21 ta' Diċembru 1994.

Għall-Kummissjoni

René Steichen

Membru tal-Kummissjoni

[1] ĠU Nru L 118, 20.5.1972, p. 1.

[2] ĠU Nru L 292, 12.11. 1994, p. 3.

[3] ĠU Nru L 387, 31.12.1992, p. 1.

[4] ĠU Nru L 320, 22.12.1993, p. 32.

[5] ĠU Nru L 302, 19.10.1992, p. 1.

[6] ĠU Nru L 253, 11.10.1993, p. 1.

[7] ĠU Nru L 235, 9.9.1994, p. 6.

[8] ĠU Nru L 220, 10.8.1974, p. 20.

[9] ĠU Nru L 28, 5.2.1993, p. 45.

--------------------------------------------------

ANNESS

Kodiċi NM | Deskrizzjoni | Perijodu ta' l-applikazzjoni |

07020015 | Tadam | Mill-1 ta' Jannar sal-31 ta' Marzu |

07020020 | | Mill-1 sat-30 ta' April |

07020025 | | Mill-1 sa l-14 ta' Mejju |

07020030 | | Mill-15 sal-31 ta' Mejju |

07020035 | | Mill-1 ta' Ġunju sat-30 ta' Settembu |

07020040 | | Mill-1 sal-31 ta' Ottubru |

07020045 | | Mill-1 ta' Novembru sa l-20 ta' Diċembru |

07020050 | | Mil-21 sal-31 ta' Diċembru |

07070010 | Ħjar | Mill-1 ta' Jannar sa l-aħħar ta' Frar |

07070015 | | Mill-1 ta' Marzu sat-30 ta' April |

07070020 | | Mill-1 sal-15 ta' Mejju |

07070025 | | Mis-16 ta' Mejju sat-30 ta' Settembru |

07070030 | | Mill-1 sat-31 ta' Ottubru |

07070035 | | Mill-1 sa l-10 ta' Novembru |

07070040 | | Mill-11 ta' Novembru sal-31 ta' Diċembru |

07091040 | Qaqoċċ | Mill-1 ta' Novembru sal-31 ta' Diċembru |

07099071 | Qargħa bgħali | Mill-1 sal-31 ta' Jannar |

07099073 | | Mill-1 ta' Frar sal-31 ta' Marzu |

07099075 | | Mill-1 ta' April sal-31 ta' Mejju |

07099077 | | Mill-1 ta' Ġunju sal-31 ta' Lulju |

07099079 | | Mill-1 ta' Awissu sal-31 ta' Diċembru |

08051061 | Larinġ ħelu, frisk | Mill-1 sal-31 ta' Diċembru |

08051065 | | |

08051069 | | |

08052031 | Klementini | Mill-1 ta' Novembru sal-31 ta' Diċembru |

08052033 | Mandolini (inklużi t-tanġerini u satsumi); wilkini u ibridi simili taċ-ċitru | Mill-1 ta' Novembru sal-31 ta' Diċembru |

08052035 | | |

08052037 | | |

08052039 | | |

08053030 | Lumi | Mill-1 ta' Ġunju sal-31 ta' Ottubru |

08053040 | | Mill-1 ta' Novembru sal-31 ta' Diċembru |

08061040 | Għeneb tal-mejda | Mill-21 ta' Lulju sal-31 ta' Ottubru |

08061050 | | Mill-1 sa l-20 ta' Novembru |

08081071 | Tuffieħ | Mill-1 sal-31 ta' Lulju |

08081073 | | |

08081079 | | |

08081092 | | Mill-1 ta' Awissu sal-31 ta' Diċembru |

08081094 | | |

08081098 | | |

08082047 | Langas | Mill-1 sal-15 ta' Lulju |

08082051 | | Mis-16 sal-31 ta' Lulju |

08082057 | | Mill-1 ta' Awissu sal-31 ta' Ottubru |

08082067 | | Mill-1 ta' Novembru sal-31 ta' Diċembru |

08091020 | Berquq | Mill-1 sa l-20 ta' Ġunju |

08091030 | | Mill-21 sat-30 ta' Ġunju |

08091040 | | Mill-1 sal-31 ta' Lulju |

08092031 | Ċirasa | Mill-21 sal-31 ta' Mejju |

08092039 | | |

08092041 | | Mill-1 ta' Ġunju sal-15 ta' Lulju |

08092049 | | |

08092051 | | Mis-16 sal-31 ta' Lulju |

08092059 | | |

08092061 | | Mill-1 ta' Awissu sat-30 ta' Settembru |

08092069 | | |

08093021 | Ħawħ u nettarini | Mill-11 sa l-20 ta' Ġunju |

08093029 | | |

08093031 | | Mill 21 ta' Ġunju sal-31 ta' Lulju |

08093039 | | |

08093041 | | Mill-1 ta' Awwissu sat-30 ta' Settembru |

08093049 | | |

08094020 | Għanbaqar | Mill-11 sat-30 ta' Ġunju |

08094030 | | Mill-1 ta' Lulju sat-30 ta' Settembru |

--------------------------------------------------