31993R1395

Ir-Regolament tal-Kummissjoni (KEE) Nru 1395/93

ta' l-4 ta' Ġunju 1993

dwar il-klassifikazzjoni ta' ċerti oġġetti fin-nomenklatura maqgħuda

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 2658/87 [1] dwar it-tariffa u n-nomenklatura statistika u dwar it-Tariffa Komuni Doganali, kif l-aħħar emendata bir-Regolament (KEE) Nru 1001/93 [2], u partikolarment l-Artikolu 9,

Billi biex tkun żgurata l-applikazzjoni uniformi tan-nomenklatura maqgħuda annessa ma' l-imsemmi Regolament, jeħtieġ li jkunu adottati miżuri dwar il-klassifikazzjoni ta' l-oġġetti msemmija fl-Anness ta' dan ir-Regolament;

Billi r-Regolament (KEE) Nru 2658/87 ippreskriva r-regoli ġenerali għall-interpretazzjoni tan-nomenklatura maqgħuda u dawn ir-regoli japplikaw ukoll għal kull nomenklatura oħra li hija għal kollox jew f'parti bbażata fuqha jew li żżidilha kull suddiviżjoni addizzjonali u li hija stabbilita b'dispożizzjonijiet speċifiċi tal-Komunità, biex tgħodd it-tariffa jew miżura oħra dwar il-kummerċ fl-oġġetti;

Billi bis-saħħa ta' l-imsemmija regoli ġenerali, l-oġġetti deskritti fil-kolonna 1 tat-tabella annessa ma' dan ir-Regolament għandhom ikunu klassifikati taħt il-kodiċijiet NM xierqa indikati fil-kolonna 2, bis-saħħa tar-raġunijiet mfissra fil-kolonna 3;

Billi huwa xieraq li, l-informazzjoni li torbot fuq it-tariffa maħruġa mill-awtoritajiet tad-dwana ta' l-Istati Membri fir-rigward tal-klassifikazzjoni ta' oġġetti fin-nomenklatura maqgħuda u li ma jikkonformaw mad-drittijiet stabbiliti b'dan ir-Regolament, jistgħu jibgħu jkunu invokati skond id-dispożizzjonijiet ta' l-Artikolu 6 tar-Regolament tal-Kummissjoni (KEE) Nru 3896/90 [3], emendat bir-Regolament (KEE) Nru 2674/92 [4], għall-perjodu ta' tliet xhur mid-detentur jekk kuntratt li jorbot ġie konkluż kif hemm maħsub fl-Artikolu 14(3) (a) jew (b) tar-Regolament tal-Kummissjoni (KEE) Nru 1715/90 [5];

Billi l-miżuri provduti f'dan ir-Regolament huma skond l-opinjoni tal-Kumitat tan-nomenklatura,

ADOTTAT DAN IR-REGOLAMENT:

L-Artikolu 1

L-oġġetti deskritti fil-kolonna 1 tat-tabella annessa huma klassifikati fin-Nomenklatura Maqgħuda taħt il-kodiċijiet NM indikati fil-kolonna 2 ta' l-imsemmija tabella.

L-Artikolu 2

L-informazzjoni li torbot fuq it-tariffa maħruġa mill-awtoritajiet tad-dwana ta' l-Istati Membri li ma jikkonformaw mad-drittijiet stabbiliti b'dan ir-Regolament, jistgħu jibqgħu jkunu invokati bis-saħħa tad-dispożizzjonijiet ta' l-Artikolu 6 tar-Regolament (KEE) Nru 3796/90 għall-perjodu ta' tliet xhur mid-detentur jekk kuntratt li jorbot ġie konkluż kif hemm maħsub fl-Artikolu 14(3) (a) jew (b) tar-Regolament tal-Kummissjoni (KEE) Nru 1715/90;

L-Artikolu 3

Dan ir-Regolament għandu jidħol fis-seħħ fil-21 jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u jkun japplika direttament fl-Istati Membri kollha.

Magħmul fi Brussel, fl-4 ta' Ġunju 1993.

Għall-Kummissjoni

Christiane Scrivener

Membru tal-Kummissjoni

[1] ĠU No. L 256, 7.9. 1987 p. 1.

[2] ĠU No. L 104, 29.4. 1993 p. 28.

[3] ĠU No. L 365, 28.12. 1990 p. 17.

[4] ĠU No. L 271, 16.9 1992 p. 5.

[5] ĠU No. L 160, 26.6. 1990 p. 1.

--------------------------------------------------

ANNESS

Deskrizzjoni | Klassifikazzjoni Kodiċi NM | Raġuni |

1 | 2 | 3 |

Ross mitħun għal kollox "mikronizzat". Ir-ross għadda minn trattament tas-saħna bl-użu ta' raġġi infraħomor li ma jirriżultax fil-ġelatinanizzazzjoni tal-kontenut tal-lamtu. | 10063092100630941006309610063098 | Il-klassifikazzjoni hija determinata bir-regoli ġenerali 1 u 6 għall-interpretazzjoni tan-nomenklatura maqgħuda u l-kliem tal-kodiċijiet NM 10063092, 10063094, 10063096, 10063098 It-trattament tas-sħana huwa baxx wisq biex tinbidel l-istruttura tar-ross. Il-prodott ma jistax għalhekk jitqies bħala "maħdum mod ieħor" għall-iskop tan-nota 1(b) tal-Kapitolu 10 jew "ippreparat mod ieħor" għall-iskop tan-nota 4 tal-Kapitolu 19. (Ara wkoll in-noti spjegattivi NM tal-Kapitolu 10, it-tieni paragrafu tat-taqsima ġenerali, u n-noti spjegattivi tas-Sistema Armonizzata għall-intestatura 1006, l-aħħar paragrafu). |

--------------------------------------------------