EUR-Lex Access to European Union law
This document is an excerpt from the EUR-Lex website
Document 31993D0423
93/423/EEC: Commission Decision of 22 June 1993 authorizing the Member States to provide for derogations from certain provisions of Council Directive 77/93/EEC in respect of kiln dried coniferous wood, originating in the United States of America, and establishing the details of the indicator system to be applied to the kiln dried wood
Id-Deċiżjoni tal-Kummissjoni tat-22 ta’ Ġunju 1993 li tawtorizza l-Istati Membri biex jipprovdu għall-derogi minn ċerti dispożizzjonijiet tad-Direttiva tal-Kunsill 77/93/KKE fir-rigward ta’ injam koniferu mnixxef fil-forn, li joriġina mill-Istati Uniti ta’ l-Amerika, u li jistabbilixxi d-dettalji tas-sistema indikatriċi li għandha tkun applikata lill-injam imnixxef fil-forn
Id-Deċiżjoni tal-Kummissjoni tat-22 ta’ Ġunju 1993 li tawtorizza l-Istati Membri biex jipprovdu għall-derogi minn ċerti dispożizzjonijiet tad-Direttiva tal-Kunsill 77/93/KKE fir-rigward ta’ injam koniferu mnixxef fil-forn, li joriġina mill-Istati Uniti ta’ l-Amerika, u li jistabbilixxi d-dettalji tas-sistema indikatriċi li għandha tkun applikata lill-injam imnixxef fil-forn
ĠU L 195, 4.8.1993, p. 55–57
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO)
In force
Relation | Act | Comment | Subdivision concerned | From | To |
---|---|---|---|---|---|
Corrected by | 31993D0423R(01) | (ET) |
Official Journal L 195 , 04/08/1993 P. 0055 - 0056
Finnish special edition: Chapter 11 Volume 23 P. 0016
Swedish special edition: Chapter 11 Volume 23 P. 0016
Id-Deċiżjoni tal-Kummissjoni tat-22 ta’ Ġunju 1993 li tawtorizza l-Istati Membri biex jipprovdu għall-derogi minn ċerti dispożizzjonijiet tad-Direttiva tal-Kunsill 77/93/KKE fir-rigward ta’ injam koniferu mnixxef fil-forn, li joriġina mill-Istati Uniti ta’ l-Amerika, u li jistabbilixxi d-dettalji tas-sistema indikatriċi li għandha tkun applikata lill-injam imnixxef fil-forn (93/423/KEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat id-Direttiva tal-Kunsill 77/93/KEE tal-21 ta’ Diċembru 1976 fuq miżuri protettivi kontra l-introduzzjoni ġewwa l-Komunità ta’ organiżmi ta’ ħsara għall-pjanti u prodotti tal-pjanti u kontra l-firxa tagħhom ġewwa l- Komunità [1], kif l-aħħar emendata bid-Direttiva 93/19/KEE [2], u partikolarment l-Artikolu 14(3), it-tielet inċiż tagħha, Wara li kkunsidrat it-talbiet magħmula mill-Istati Membri, Billi taħt id-dispożizzjonijiet tad-Direttiva 77/93/KEE, minħabba r-riskju ta’ l-introduzzjoni ta’ organiżmi ta’ ħsara, l-injam tal-koniferi (Coniferales), ħlief dik tal-Thuja L., ħlief għall-injam fil-forma ta’: - laqx, partiċelli, skart ta’ l-injam, jew skart miksub fi sħiħ jew f’parti minn dawn il-koniferi, - kaxxi ta’ l-ippakkjar, qratel jew tankijiet, - palletta, palletti tal-kaxxa jew load boards oħra, - serratura, spacers u irfid, imma inkluż dak li ma żammx il-wiċċ naturali tond, li joriġina mill-Kanada, iċ-Ċina, il-Ġappun, il-Korea, it-Taiwan u l-Istati Uniti ta’ l-Amerika, ma jistax ikun introdott fil-Komunità, sakemm ma jkunx għadda minn trattament ta’ sħana xieraq biex jilħaq temperatura minima fil-qalba ta’ 56 °C għall-30 minuta u jekk ma jkunx akkumpanjat biċ-ċertifikati preskritti fl-Artikolu 7 jew 8 ta’ l-imsemmija Direttiva; Billi injam tal-koniferi li joriġina mill-Istati Uniti ta’ l-Amerika huwa bħalissa introdott ġewwa l-Komunità; billi f’dan il-każ, ċertifikati fitosanitarji mhumiex ġeneralment maħruġa f’dak il-pajjiż, billi d-dettalji tas-sistema indikatriċi mhumiex ġeneralment maħruġa f’dak il-pajjiż; billi għandhom ikunu stabbiliti d-dettalji tas-sistema indikattriċi li għandhom ikunu applikati għall-injam, biex ikun konfermat li l-injam għadda mit-trattament tas-sħana meħtieġa li tilħaq 56 °C għal 30 minuta fil-qalba ta’ l-injam; Billi, fir-rigward ta’ l-Istati Uniti ta’ l-Amerika, il-Kummissjoni stabbiliet, fuq il-bażi ta’ l-informazzjoni mogħtija mill-Istati Uniti ta’ l-Amerika, li programm uffiċjalment approvat u monitorjat ta’ tnixxif ta’ l-injam fil-forn ġie stabbilit biex ikun żgurat li l-injam huwa mnixxef fil-forn matul perjodu ta’ żmien suffiċjenti biex isseħħ l-mewt bis-sħana ta’ l-organiżmi ta’ ħsara konċernati (Bursaphelenchus xylophilus u l-vetturi tiegħu); billi r-riskju tat-tixrid ta’ organiżmi ta’ ħsara jitnaqqas sakemm l-injam ikun akkumpanjat b’ċertifikat tat-trattament tas-sħana bl-użu ta’ faċilità tal-forn maħruġ taħt dak il-programm; Billi l-Kummissjoni għandha tiżgura li l-Istati Uniti ta’ l-Amerika tagħmel disponibbli kull informazzjoni teknika meħtieġa biex ikun stmat l-funzjonament tal-programm imsemmi; Billi din l-awtorizzazzjoni għandha tkun riveduta sa’ mhux aktar tard mill-1 ta’ April 1995; Billi l-miżuri provduti f’din id-Deċiżjoni huma skond l-opinjoni tal-Kumitat Permanenti fuq Saħħet il-Pjanti, ADOTTAT DIN ID-DEĊIŻJONI: Artikolu 1 1. L-Istati Membri huma hawnhekk awtorizzati li jipprovdu taħt il-kondizzjonijiet preskritti fil-paragrafu 2 għal deroga mill-Artikolu 7(2) u 12 (1) (b) tad-Direttiva 77/93/KEE, għall-injam koniferu li jkun għadda t-trattament xieraq tas-sħana, li joriġina mill-Istati Uniti ta’ l-Amerika. 2. Il-kondizzjonijiet li ġejjin għandhom ikunu sodisfatti: (a) l-injam għandu jkun manifatturat f’segeriji jew trattati f’postijiet approvati u kwalifikati mis-Servizz ta’ l-Ispezzjoni tas-Saħħa ta’ l-Annimali u l-Pjanti, Dipartiment US ta’ l-Agrikoltura biex jipparteċipa fil-programm ta’ l-injam imnixxef fil-forn; (b) l-injam għandu jitnixxef f’forn matul perjodu ta’ żmien biżżejjed biex tintlaħaq it-temperatura fil-qalba ta’ 56 °C għall-30 minuta f’forn eżaminat u approvat għal dan l-iskop minn bureau uffiċjali ta’ klassifikazzjoni/ispezzjoni approvat għal dan l-iskop mis-Servizz ta’ l-Ispezzjoni tas-Saħħa ta’ l-Annimali u l-Pjanti, Dipartiment US ta’ l-Agrikoltura; fil-każ ta’ l-użu ta’ skeda fejn it-temperatura dry-bulb ma tilħaqx 56 °C, il-proċess tat-tnixxif tal-forn għandu jinkludi perjodu ta’ kondizzjoni fit-tmiem taċ-ċiklu tat-tnixxif, fejn it-temperatura tal-forn tilħaq 60 °C għal mill-anqas siegħa; (ċ) meta jkunu sodisfatti l-kondizzjonijiet preskritti taħt (b), marka standardizzata għandha tkun mwaħħla ma’ kull qatta’, jew fuq it-tgeżwir tagħhom, minn jew taħt is-superviżjoni ta’ uffiċjal maħtur tas-segerija msemmija f’(a); (d) għandha titwaqqaf sistema biex tiżgura li l-kondizzjonijiet preskritti f’(b) u (ċ) huma sodisfatti mill-aġenziji uffiċjali ta’ gradi, kwalifikati u awtorizzati għal dak l-iskop taħt programm approvat u kontrollat mis-Servizz ta’ l-Ispezzjoni tas-Saħħa ta’ l-Annimali u l-Pjanti, Dipartiment US ta’ l-Agrikoltura; (e) sistema ta’ verifika għandu jipprovdi għal spetturi tas-Servizz ta’ l-Ispezzjoni tas-Saħħa ta’ l-Annimali u l-Pjanti, Dipartiment ta’ l-Agrikoltura SU, li jmmonitorjaw is-segeriji kwalifikati msemmija f’(a) u li jagħmlu spezzjonijiet okkażjonali qabel l-imbark; (f) l-injam għandu jkun akkumpanjat minn ‘ċertifikat ta’ trattament bis-sħana bl-użu tal-forn’ li huwa standardizzat taħt programm msemmi taħt (a), u li jikkonforma mal-kampjun mogħti fl-Anness ma’ din id-Deċiżjoni, u li jinħareġ minn persuna awtorizzata fl-isem is-segeriji biex jipparteċipaw f’dak il-programm approvat mis-Servizz ta’ l-Ispezzjoni tas-Saħħa ta’ l-Annimali u l-Pjanti, Dipartiment US ta’ l-Agrikoltura. Artikolu 2 Mingħajr preġudizzju għad-dispożizzjonijiet provduti fl-Artikolu 14(5) tad-Direttiva 77/93/KEE, l-Istati Membri għandhom jinnotifikaw lill-Kummissjoni u l-Istati Membri tal-każijiet tal-konsenji introdotti bis-saħħa ta’ din id-Deċiżjoni li ma jħarsux il-kondizzjonijiet preskritti taħt l-Artikolu 1(2)(ċ) u (f). Artikolu 3 L-awtoriżżazzjoni mogħtija fl-Artikolu 1 għandha tgħodd mill-1 ta’ Ġunju 1993. Tista’ titħassar jekk ikun stabbilit li l-kondizzjonijiet preskritti mill-Artikolu 1(2) mhumiex biżżejjed biex ma jħallux l-introduzzjoni ta’ organiżmi ta’ ħsara jew jekk ma jkunux tħarsu. L-awtoriżżazzjoni għandha tkun riveduta sa’ mhux aktar tard mill-1 ta’ April 1995. Artikolu 4 Din-Deċiżjoni hija indirizzata lill-Istati Membri. Magħmula f’Brussel, fit-22 ta’ Ġunju 1993. Għall-Kummissjoni René Steichen Membru tal-Kummissjoni [1] ĠU L 26, tal-31.1.1977, p. 20. [2] ĠU L 96, tat-22.4.1993, p. 33 -------------------------------------------------- ANEXOBILAGANHANGΠΑΡΑΡΤΗΜΑANNEXANNEXEALLEGATOBIJLAGEANEXO +++++ TIFF +++++ --------------------------------------------------