31991R1274

Ir-Regolament Tal-Kummissjoni (KEE) Nru 1274/91

tal-15 ta’ Mejju 1991

li jintroduċi regoli ddettaljati sabiex jimplimentaw ir-Regolament (KEE) Nru 1907/90 dwar standards tal-marketing fis-suq tal-bajd

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 1907/90 tas-26 ta’ Ġunju tal-1990 dwar ċerti standards tal-marketing fis-suq tal-bajd [1] u b’mod partikolari l-Artikoli 5(3), 10(3), 11(2), 20(1) u 22(2) tiegħu;

Billi r-Regolament (KEE) Nru 1907/90 fih reviżjoni bir-reqqa ta’ dawn l-istandards tal-marketing kif kienu implimentati skond ir-Regolamenti ta’ qabel; billi saret dispożizzjonijiet fih illi r-regoli ddettaljati meħtieġa sabiex jiġu implimentati dawn l-istandards iridu jiġu adottati skond l-Artikolu 17 tar-Regolament tal-Kunsill (KEE) Nru 2771/75 [2], kif l-aħħar emendat bir-Regolament (KEE) Nru 1235/89 [3]; billi dawn ir-regoli jridu jiġu speċifikati b’mod partikolari dwar il-kondizzjonijiet sabiex jiġu rreġistrati l-kolletturi u ċ-ċentri ta’ l-imballaġġ, l-identifikazzjoni, il-frekwenza tal-ġbir u l-kunsinna u t-tqandil tal-bajd, il-kriterji tal-kwalità u l-gradazzjoni skond il-piż, id-dettalji ta’ l-indikazzjonijiet fuq il-bajd u fuq il-pakketti tagħhom, l-espressjonijiet li jridu jintużaw sabiex jindikaw it-tip tal-biedja, u l-kriterji dwar l-oriġini tal-bajd, u l-eżenzjoni fil-każ ta’ kwantitajiet żgħar mill-obbligu illi l-bajd jiġi ppakkjat f’pakketti kbar;

Billi kemm l-iżviluppi teknoloġiċi u kemm id-domanda tal-konsumatur issa jagħmluha approprjat illi jiġu pprovduti l-kunsinna, il-ġbir, il-gradazzjoni u l-imballaġġ tal-bajd iktar malajr; billi madankollu ċerti produtturi huma f’pożizzjoni li jipprovdu l-garanziji li jżommu t-temperatura li fiha l-bajd jinżamm f’livell hekk illi tkun possibbli l-eżenzjoni permanenti mill-ħtieġa ġenerali tal-ġbir jew tal-kunsinna ta’ kuljum fil-każ tal-bajd maħsub biex jiġi ttikkettjat bħala bajd "extra" kif ipprovdut fl-Artikolu 12 tar-Regolament (KEE) Nru 1907/90; billi, madankollu, huwa pproprjat illi, għal perjodu transitorju taż-żmien, tiġi pprovduta eżenzjoni ġenerali għall-benefiċċju ta’ l-operaturi kollha;

Billi s-swieq, li l-aċċess għalihom huwa ristrett għall-impriżi awtorizzati ta’ l-imballaġġ u l-proċessar, jipprovdu garanziji għat-tqandil korrett hekk illi jistgħu jitħallew jikkunsinnaw il-bajd fit-tieni jum tax-xogħol wara dik li fih jirċevuh;

Billi l-akkumulazzjoni intenzjonata tal-limiti varji taż-żmien, b’detriment għall-freskezza tal-bajd, għandha tiġi pprevenuta fil-każ meta ċentru ta’ l-imballaġġ jikkunsinna bajd mhux iggradat lil ċentru ieħor ta’ l-imballaġġ;

Billi dawk l-impriżi biss li l-fond u t-tagħmir tekniku tagħhom huma addattati għall-iskala tal-ħidmiet tagħhom, u li għalhekk jippermettu t-tqandil xieraq, għandhom jiġu awtorizzati li jiġbru, jew li jiggradaw il-bajd skond il-kwalità u l-piż;

Billi, sabiex jiġi evitat it-taħwid u sabiex titħaffef l-identifikazzjoni tal- kunsinni tal-bajd bil-għan li jiġi inforzat dan ir-Regolament, kull wieħed miċ-ċentri ta’ l-imballaġġ għandu jingħata numru tarreġistrazzjoni ta’ distinzjoni imsejjes fuq sistema uniformi tal-kodifika;

Billi, sabiex jiġi żgurat illi l-konsumatur ikun fornit bi prodott ta’ kwalità tajba, għandhom jiġu ffissati kriterji ta’ standard għoli għal kull gradazzjoni tal-kwalità;

Billi l-karatteristiċi tal-kwalità għall-bajd frisk, magħrufa wkoll bħala bajd tal-Grad "A", għandhom jiġu ddefiniti hekk li jiġu ristretti għall-bajd ta’ l-ogħla kwalità; billi ċertu bajd jista’ jiġi kkunsidrat li jkun "extra frisk" safejn u sakemm l-arranġamenti speċjalment strinġenti japplikaw għall-ġbir tiegħu u għal iktar tqassim;

Billi l-bajd tal-kwalità ordinarja, illi l-karetteristiċi tiegħu ma jippermettux l-inklużjoni li jiġi mdaħħal fil-grad ta’ "bajd frisk", għandu jiġi deskritt bħala "bajd ta’ kwalità sekondarja" u ggradat bħala ta’ hekk; billi l-bajd li jkun għadda minn proċess ta’ tindif,għads, refiġerazzjoni jew priservazzjoni għandu, bħala regola ġenerali, jitqiegħed f’dan il-grad;

Billi għandu jiġi stabbilit grad tal-kwalità tat-tielet grad għall-bajd li ma jissodisfax il-ħtiġiet ta’ l-ogħla gradi madankollu jkun għadu addattat għall-konsum mill-bniedem;

Billi fil-prattika dan il-bajd huwa fil-biċċa l-kbira maħsub sabiex jiġi kkunsinnat direttament lill-industrija ta’ l-ikel, inklużi l-impriżi ta’ l-industrija ta’ l-ikel approvati skond id-Direttiva tal-Kunsill 89/437/KEE ta’ l-20 ta’ Ġunju 1989 dwar il-problemi ta’ l-iġjene u tas-saħħa li jolqtu l-produzzjoni u tqegħid fis-suq tal-prodotti mill-bajd [4], kif emendata bid-Direttiva 89/662/KEE [5], u bil-kondizzjoni illi l-pakkettili jkunu jinsabu fihom jiġu ttikkettjati b’din id-denominazzjoni, ma jeħtiġux f’dan il-każ li jġorru marka ta’ distinzjoni li kieku tidentifkahom xort oħra bħala bajd tal-Grad "C";

Billi bl-istess kondizzjonijiet din ir-rinunzja tista’ tiġi estiża wkoll għall-bajd tal-Grad "B"; billi dan it-tikkettjar għandu ukoll ma jippermetti l-ebda taħwid, sewwa aċċidentali u sewwa bil-ħsieb, ma’ dak ipprovdut fil-każ tal-bajd mhux tajjeb għal konsum mill-bniedem li jista’ jiġi kkunsinnat biss lill-industrija mhux ta’ l-ikel;

Billi, ġaladarba l-bajd iggradat x’aktarx li jnaqqas fil-valur waqt it-trasport, għandhom jiġu inforzati standards għolja rigward il-imballaġġ, il-ħażna u t-trasport; billi dawn ir-riskji, inkluż dak tal-kontaminazzjoni mikrobioloġika, jistgħu jitnaqqsu b’mod sostanzjali billi jiġu imposti restrizzjonijiet severi fuq l-użu tal-materjal ta’ l-imballaġġ; billi jeħtieġu jiġu stabbiliti kondizzjonijiet iddettaljati sabiex jagħtu effett lil ċerti eżenzjonijiet ipprovduti fil-każ ta’ kunsinni diretti lokali għall-bejgħ bl-imnut tal-bajd mingħajr imballaġġ speċjali, magħruf xorta oħra bħala bejgħ bil-waħda;

Billi, b’żieda mad-data mandatorja ta’ l-imballaġġ għall-użu fuq il-pakketti tal-bajd u d-data tal-gradazzjoni fil-każ tal-bejgħ bil-waħda, jista’ jiġi pprovdut tagħrif rilevanti u addizjonali lill-konsumatur bl-indikazzjoni bil-għażla fuq il-bajd jew fuq il-pakketti li jkun fihom minnu dwar id-data rrakkommandata ta’ sakemm irid jinbigħ u/jew l-aħjar d-data għall-użu u/jew id-data ta’ meta jitbied; billi jidher approprjat illi jiġu relatati d-data rrakkomandata ta’ sakemm irid jinbigħ u l-aħjar data għall-użu mal-kriterji tal-kwalità tal-bajd; billi bla ħsara għal ċerti salvagwardji huwa approprjat li jiġi pprovdut illi d-data ta’ meta jkun tbied tista’ tiġi stampata wkoll fuq il-bajd fir-razzett;

Billi, sabiex jiġi kkumbattut ir-riskju ta’ frodi, jeħtieġ li jiddaħħlu mhux biss il-ġbir ta’ kuljum u l-gradazzjoni u l-għoti tal-marki immedjatament, iżda wkoll b’mod speċjali reġistrazzjoni rigoruża, iż-żamma tar-reġistri u l-proċeduri tal-monitorjar fil-każ tal-bajd li fuqu jikun maħsub li tiġi stampata d-data ta’ meta tbied;

Billi, fil-każ tal-bajd li fuqu id-data ta’ meta tbied tkun ġiet stampata fir-razzett, tista’ tiġi llaxkata r-regola li tipprovdi għall-ġbir ta’ kuljum sabiex tiġi evitata d-diskriminazzjoni kontra l-istabbilimenti produtturi l-oħra għajr dawk li jfornu liċ-ċentri ta’ l-imballaġġ li jkunu jinsabu fuq l-istess sit;

Billi, bil-ħsieb tal-prattika korrenti kummerċjali, jidher li mhux meħtieġ illi jiġu pprovduti l-indikazzjonijiet speċifiċi għall-bajd tat-tiġieġ tal-bajd miżmuna f’batteriji ta’ gaġeġ; billi, madankollu, għandha ssir dispożizzjoni għal numru limitat ta’ indikazzjonijiet għall-bajd tat-tiġieġ mhux imrobbija f’batteriji tal-gaġeġ, sabiex tiġi evitata l-konfużjoni fost il-konsumaturi rigward is-sistemi prinċipali tal-produzzjoni mhux minn batteriji ta’ gaġeġ;

Billi, sabiex il-konsumatur jiġi ssalvagwardat minn dikjarazzjonijiet qarrieqa li jistgħu b’mod ieħor isiru bi ħsieb frodulenti sabiex jinkisbu prezzijiet ogħla minn dawk li jipprevalu għall-bajd tat-tiġieġ imrobbija f’batteriji ta’ gaġeġ, huwa meħtieġ, fil-każ ta’ l-użu bil-għażla ta’ l-indikazzjonijiet li għandhom x’jaqsmu ma’ tipi partikolari ta’ trobbija mhux f’batteriji ta’ gaġeġ, li jiġu stabbiliti l-kriterji minimi tat-trobbija li jridu jiġu rrispettati, kif ukoll ir-reġistrazzjoni speċjalment rigoruża, iż-żamma tar-reġistri, u l-proċeduri tal-monitorjar;

Billi, sabiex tiġi żgurata l-applikazzjoni uniformi tad-dispożizzjonijiet tar-Regolament (KEE) Nru 1907/90, u b’mod partikolari dawk li jirrigwardaw is-sorveljanza, inklużi l-arranġamenti speċjali li jridu jiġu implimentati sabiex jiġi mmonitorjat l-użu tad-data ta’ meta tbiedu, u ta’ l-indikazzjonijiet tat-tipi partikolari tat-trobbija mhux f’batteriji ta’ gaġeġ, u ta’ dawk li jirrigwardaw l-oriġini tal-bajd, għandha ssir dispożizzjoni sabiex ikun hemm skambju ma jaqta’ xejn tat-tagħrif bejn l-Istati Membri u l-Kummissjoni;

Billi l-istrixxi u t-tikketti għandhom jippermettu l-identifikazzjoni faċli tal-pakketti u tal-kontenut tagħhom;

Billi għandha tingħata attenzjoni speċjali lill-pakketti kbar u żgħar li jkun fihom il-bajd industrijali, min-naħa l-waħda, u l-bajd "extra" min-naħa l-oħra;

Billi ċ-ċentri ta’ l-imballaġġ għandhom ikunu f’pożizzjoni illi jippakkjaw il-bajd mill-ġdid, meta dan ikun meħtieġ, b’mod partikolari, meta l-imballaġġ issirlu l-ħsara, meta kummerċjant jixtieq ibigħ bajd f’ismu stess jew meta l-bajd f’pakketti kbar jeħtieġ li jiġi ppakkjat mill-ġdid f’pakketti żgħar; billi huwa wkoll meħtieġ f’dawn il-każijiet illi jingħataw l-oriġini u ż-żmien tal-bajd fl-avviżi mwaħħla ma’ l-istrixxi, it-tikketti u l-pakketti; billi dawn l-avviżi għandhom juru illi l-bajd ikun ġie ggradat jew ippakkjat mill-ġdid;

Billi, fl-interess tat-tagħrif korrett u mhux ekwivoku lix-xerrejja bl-ingrossa u bl-imnut u lill-aħħar konsumatur, huwa meħtieġ illi jsiru arranġamenti speċjali dwar it-tikkettjar tal-bajd li jkun reġa’ ġie ppakkjati, u b’mod partikolari fil-każijiet fejn il-pakketti jiġu wżati mill-ġdid, kif ukoll meta l-bajd jiġi ggradat mill-ġdid fi grad iktar baxx tal-kwalità;

Billi d-dewmien żejjed ikkawżat mill-imballaġġmill-ġdid jagħmilha essenzjali illi jiġi pprojbit l-użu ta’ l-indikazzjoni "extra" fil-każ tal-bajd li jerġa’ jiġi ppakkjat;

Billi s-sorveljanza effettiva tat-tħaris ta’ l-istandards tal-marketing teħtieġ l-eżami ta’ numru biżżejjed ta’ bajd magħżul biex b’hekk jifforma kampjun rappreżentattiv tal-grupp iċċekkjat; billi fit-tmiem tal-proċess taċ-ċekkjar il-lott iċċekkjat għandu jiġi mmarkat bid-deċiżjoni ta’ min ikun iċċekkjah;

Billi, wara d-dispożizzjoni u d-definizzjoni ta’ bejgħ bil-waħda imdaħħla fil-liġi bir-Regolament (KEE) Nru 1907/90, il-parametri tat-teħid tal-kampjuni għandhom jiġu estiżi wkoll għal dan il-bejgħ;

Billi, ġaladarba l-metodi użati għall-gradazzjoni tal-bajd skond il-kwalità u l-piż mhumiex eżatti għal kollox, il-proċess għandu jammetti ċerti toleranzi; billi, barra minn hekk, ġaladarba l-kondizzjonijiet tal-ħażna u t-trasport jistgħu jaffettwaw il-kwalità u l-piż tal-lott, huwa tal-parir li jiġu ddifferenzjati t-tolleranzi skond l-istadju tal-marketing;

Billi, sabiex jiġu ffaċilitati l-marketing u ċ-ċekkjar tal-bajd iggradat skond il-kwalità u l-piż meta jkunu f’pakketti kbar, għandha ssir dispożizzjoni għall-piż medju minimu nett għal kull grad ta’ piż;

Billi r-Regolament (KEE) Nru 1907/90 jiddelega lill-Kummissjoni l-promulga ta’ numru ta’ dispożizzjonijiet li qabel kienu jinsabu fir-Regolament (KEE) Nru 2772/75, sabiex jiffaċilita l-emendi ġejjiena; billi dan għamel meħtieġ numru kbir ta’ emendi għar-Regolament tal-Kummissjoni (KEE) Nru 95/69 [6], kif l-aħħar emendat bir-Regolament (KEE) Nru 3906/86 [7], li minħabba ċ-ċarezza għandu jiġi abbozzat mill-ġdid;

Billi, għalhekk, ir-Regolament (KEE) Nru 95/69 kif ukoll ir-Regolament tal-Kummissjoni (KEE) Nru 1295/70 [8], kif emendat bir-Regolament (KEE) Nru 36/85 [9], għandhom jiġu mħassra;

Billi l-miżuri pprovduti f’dan ir-Regolament huma skond l-opinjoni tal-Kumitat Maniġerjali tal-Laħam tat-Tiġieġ u tal-Bajd,

ADOTTAT DAN IR-REGOLAMENT:

L-Artikolu 1

1. Il-bajd għandu jiġi kkunsinnat mill-produtturi lill-istabbilimenti riferiti fl-Artikolu 4(1)(a) tar-Regolament (KEE) Nru 1907/90 jew miġbura mill-produturi minn dawn l-istabbilimenti mill-inqas kull tielet jum tax-xogħol.

Madankollu, il-kunsinni jew il-ġbir mill-produtturi għaċ-ċentri ta’ l-imballaġġ jistgħu jsiru biss darba fil-ġimgħa f’dawk il-każijiet meta temperaturi ta’ l-ambjent fejn jinżamm il-bajd fir-razzett ma jaqbżux it−18 oC.

2. Il-bajd maħsub għal-marketing bħala "extra", kif ipprovdut fl-Artikolu 12 tar-Regolament (KEE) Nru 1907/90, għandu jiġi kkunsinnat liċ-ċentri ta’ l-imballaġġ jew miġbur minnhom biss kull jum tax-xogħol minn kull produttur. Madankollu din il-kunsinna jew dan il-ġbir jistgħu jsiru biss kull tieni jum tax-xogħol f’dawk il-każijiet meta temperaturi ta’ l-ambjent fejn jinżamm il-bajd fir-razzett ma jaqbżux it− 18 oC.

Matul perjodu transitorju taż-żmien sal-31 ta’ Diċembru 1992, il-kunsinna u l-ġbir ta’ dan il-bajd jista’ ġeneralment isir kull tieni jum tax-xogħol.

3. Il-bajd li fuqu jkun maħsub li tiġi indikata d-data ta’ meta tbied skond l-Artikolu 17 għandu jiġi kkunsinnat biss minn kull wieħed mill-produtturi liċ-ċentri ta’ l-imballaġġ, jew miġbur minn kull wieħed mill-produtturi miċ-ċentri ta’ l-imballaġġ fil-jum ta’ meta jkun tbied.

Il-bajd li fuqhom tiġi stampata d-data ta’ meta jkun tbied fir-razzett għandu jiġi kkunsinnat jew miġbur mhux aktar tard mill-jum tax-xogħol ta’ wara l-jum li fih ikun tbied.

4. Il-kolletturi kollha għandhom jikkunsinnaw il-bajd liċ-ċentri ta’ l-imballaġġ mhux aktar tard mill-jum tax-xogħol wara dak ta’ meta jirċevuh.

Madankollu, l-operaturi fis-swieq fit-tifsira ta’ l-Artikolu 2(2)(a) tar-Regolament (KEE) Nru 1907/90 jistgħu jikkunsinnaw il-bajd mhux aktar tard mit-tieni jum tax-xogħol wara dak ta’ meta jkunu rċevuh fis-suq.

5. Kull kunsinna għandha tiġi idenifikata mill-isem u l-indirizz tal-produttur jew tal-kollettur u mid-data tad-dispaċċ.

6. Iċ-ċentri ta’ l-imballaġġ għandhom jiggradaw u jippakkjaw il-bajd mhux aktar tard mit-tieni jum tax-xogħol wara dak li fih il-bajd ikun ġie rċevut fiċ-ċentru ta’ l-imballaġġ, għajr fil-każijet meta:

- il-bajd irċevut mill-produtturi jiġi kkunsinnat lil ċentri oħra ta’ l-imballaġġ mhux aktar tard mill-jum tax-xogħol wara dak li jkun wasal fih,

- ikun maħsub illi tiġi indikata d-data ta’ meta jkun tbied li f’dan il-każ għandu jiġi ggradat u ppakkjat fil-jum meta jkun tbied.

7. L-indikazzjonijiet ipprovduti fl-Artikoli 7 u 10(1) u (2)(ċ) tar-Regolament (KEE) Nru 1907/90 għandhom jiġu appożati mhux aktar tard mill-jum tal-gradazzjonii u l-imballaġġ.

L-Artikolu 2

Il-bajd għandu jinżamm, matul il-ħażna fuq il-fond tal-produttur u matul it-trasport mill-produttur għall-kollettur jew iċ-ċentru ta’ l-imballaġġ fl-aħjar temperatura addattata għalbiex tiġi żgurata l-konservazzjoni ottimali tal-kwalità tiegħu.

L-Artikolu 3

1. L-impriżi u l-produtturi biss li jissodisfaw il-kondizzjonijiet stabbiliti fil-paragrafi 2 u 4 għandhom jiġu approvati bħala kolletturi jew bħala ċentri ta’ l-imballaġġ fit-tifsira tar-Regolament (KEE) Nru 1907/90.

2. Il-fond tal-kolletturi u ċ-ċentri ta’ l-imballaġġ iridu jkunu:

(a) ta’ firxa biżżejjed fejn għandu x’jaqsam il-volum ta’ xogħol magħmul;

(b) mibni u mgħammar kif ġej:

- li jkun jista’ jipprovdi ventilazzjoni u dwal addattati,

- li jkun jista’ jitnaddaf u jiġi ddiżinfettat kif xieraq,

- li l-bajd jiġi protett minn varjazzjonijiet wiesgħa tat-temperatura fuq barra;

(ċ) riservat għat-tqandil u l-ħażna tal-bajd; madankollu, parti mill-fond tista’ tintuża għall-ħażna ta’ prodotti oħra bil-kondizzjoni li dawn ta’ l-aħħar ma jagħtux irwejjaħ estranji lill-bajd.

3. It-tagħmir tekniku taċ-ċentri ta’ l-imballaġġ għandhom jiżguraw it-tqandil kif xieraq tal-bajd u għandu jinkludi b’mod partikolari:

(a) tagħmir xieraq ta’ l-eżami bid-dawl tax-xemgħa mħaddem bl-idejn matul ix-xogħol kollu u li jippermetti li tiġi eżaminata separatament il-kwalità ta’ kull bajda. Meta jsir użu ta’ magna awtomatika għall-eżami fid-dawl tax-xemgħa, ta’ l-għażla u tal-gradazzjoni, it-tagħmir għandu jinkludi lampa indipendenti għall-eżami fid-dawl tax-xemgħa;

(b) mezzi sabiex ikejlu l-għoli ta’ l-ispazju ta’ l-arja;

(ċ) magna sabiex tiggrada l-bajd skond il-piż;

(d) miżien jew iktar li jistgħu jiġu aġġustati sabiex jiżnu l-bajd;

(e) tagħmir għall-istampar tal-bajd, meta jsir użu mid-dispożizzjonijiet ta’ l-Artikoli 7 u 8 tar-Regolament (KEE) Nru 1907/90.

4. Il-fond u t-tagħmir tekniku jridu jinżammu nodfa u f’tiswija tajba u ħielsa mill-irwejjaħ estranji.

L-Artikolu 4

1. Kull talba għall-approvazzjoni ta’ kollettur jew ta’ ċentru ta’ l-imballaġġ għandha tiġi ssottomessa lill-awtorità kompetenti ta’ l-Istat Membru li fit-territorju tiegħu jkunu lokati l-fond tal-kollettur jew ċentru.

2. Din l-awtorità għandha tagħti liċ-ċentru ta’ l-imballaġġ approvat minnha numru ta’ distinzjoni, li l-ewwel ċifra tiegħu għandha tkun kif ġej:

Il-Belġju | 1 |

Il-Ġermanja | 2 |

Franza | 3 |

L-Italja | 4 |

Il-Lussemburgu | 5 |

L-Olanda | 6 |

Id-Danimarka | 7 |

L-Irlanda | 8 |

Ir-Renju Unit | 9 |

Il-Greċja | 10 |

Spanja | 11 |

Il-Portugall | 12. |

3. Iċ-ċentri ta’ l-imballaġġ li kienu bla ħsara għal reġistrazzjoni speċjali biss jistgħu jiġu awtorizzati jippakkjaw bajd tal-Grad "A" immarkati "extra" jew jindikaw id-data ta’ meta tbied skond l-Artikolu 17 jew l-espressjonijiet ipprovduti fl-Artikolu 18.

4. Kull wieħed mill-Istat Membri għandu jipprovdi lill-Istati Membri l-oħra u lill-Kummissjoni, qabel l-1 ta’ Ġunju 1991 lista taċ-ċentri approvati fit-terriorju tiegħu, li turi l-isem u l-indirizz u n-numru assenjat lil kull ċentru. Kull bidla f’din il-lista għandha tiġi kkomunikata fil-bidu ta’ kull kwart tas-sena kalendarja lill-Istati Membri l-oħra u lill-Kummissjoni.

L-Artikolu 5

1. Il-bajd tal-Grad "A" għandu jkollu l-karettristiċi minimi li ġejjin:

Il-Qoxra u r-rita: | normali, nodfa, mhux bil-ħsara; |

L-Ispazju ta’ l-arja: | għoli ta’ mhux iżjed minn 6 mm, stazzjonarju; madankollu, għall-bajd li jrid jiġi mmarkat bħala "extra", dan ma għandux jaqbeż l-4 mm fil-waqt ta’ l-imballaġġ, jew fil-waqt li fih jgħaddi mid-dwana, fil-każ ta’ l-importazzjonijiet; |

L-Abjad: | ċar, limpidu, ta’ konsistenza ġelatinuża, bla materji estranji ta’ kull xorta; |

L-Isfar: | jidher bħala dell biss meta jsirlu l-eżami fid-dawl tax-xemgħa, mingħajr kontorn li jintlemaħ b’mod ċar, ma jimxix b’mod apprezzabbli miċ-ċentru tal-bajda meta tiġi mdawra, ħieles minn materji estranji ta’ kull xorta; |

Iċ-Ċellola bijoloġika: | żvilupp imperċettibbli; |

Ir-Riħa: | mingħajr riħa estranja: |

2. Il-bajd tal-Grad "A" ma għandu jiġi maħsul jew imnaddaf bl-ebda mezz ieħor qabel jew wara l-gradazzjoni,

3. Il-bajd tal-Grad "A" m’għandux jiġu trattat għall-priservazzjoni jew imkessaħ f’refriġeratur fuq il-fond jew fl-impjanti fejn it-temperatura tinżamm b’mod artifiċjali għal mill-inqas + 5 °C. Madankollu, il-bajd li jkun inżamm f’temperatura taħt il-+5 °C waqt it-trasport għal mhux iżjed minn 24 siegħa jew fuq il-fond tal-bejgħ bl-imnut jew fl-annessi tiegħu, m’għandux jiġu kkunsidrat bħala mkessaħ fir-refriġeratur safejn u sakemm il-kwantità maħżuna f’dawn l-annessi ma taqbiżx il-ħtiġiet għal tlett ijiem tal-bejgħ bl-imnut fuq il-fond fil-kwistjoni.

L-Artikolu 6

1. Il-bajd tal-Grad "B" għandu jkollu l-karatteristiċi minimi li ġejjin:

Il-Qoxra: | normali u bla ħsara; |

L-Ispazju ta’ l-arja: | ta’ għoli mhux iżjed minn 9 mm; |

L-Abjad: | ċar, limpidu, bla materji estranji ta’ kull xorta; |

L-Isfar: | jidher bħala dell biss fl-eżami fid-dawl tax-xemgħa; din il-karatteristika mhix meħtieġa għall-bajd ippriservat fil-ġir,bla materji estranji ta’ kull xorta; |

Iċ-Ċellola bijoloġika: | żvilupp imperċettibbli; |

Ir-Riħa: | mingħajr riħa estranja. |

2. Il-bajd tal-Grad "B" għandu jinkludi tliet tipi ta’ bajd:

(a) il-bajd la mkessaħ fir-refriġeratur u lanqas ippriservat:

Il-bajd tal-Grad "B" li ma jkun għadda minn l-ebda trattament priservattiv u li ma jkunx ġie mkessaħ fir-refriġeratur fuq il-fond jew l-impjanti fejn it-temperatura tinżamm b’mod artifiċjali għal inqas minn + 5 oC.

Madankollu, il-bajd li jkun inżamm f’temperatura ta’ inqas minn + 5 oC matul it-trasport għal mhux iżjed minn 24 siegħa jew fuq il-fond tal-bejgħ bl-imnut jew fl-annessi tiegħu, m’għandux jiġi kkunsidrat bħala mkessaħ fir-refriġeratur safejn u sakemm il-kwantità maħżuna f’dawn l-annessi ma taqbiżx il-ħtiġiet għal tlett ijiem tal-bejgħ bl-imnut fuq il-fond fil-kwistjoni;

(b) il-bajd imkessaħ fir-refriġeratur:

Il-bajd tal-Grad "B" li jkun ġie mkessaħ fir-refriġeratur fuq fond miżmum b’mod artifiċjali f’temperatura ta’ inqas minn + 5 oC;

(ċ) il-bajd ippriservat:

Il-bajd tal-Grad "B" li jkun ġie ppriservat, sewwa jekk imkessaħ fir-refriġeratur u sewwa jekk le, f’taħlita ta’ gass li l-kompożizzjoni tiegħu tkun diversa minn dik ta’ l-arja atmosferika, u dak li jkun għadda minn kull trattament ieħor priservattiv.

L-Artikolu 7

Il-bajd tal-Grad "C" għandu jkun bajd li ma jissodisfax il-ħtiġiet li japplikaw għall-bajd fil-Gradi "A" u "B" Jista’ biss jiġi mgħoddi lill-impriżi ta’ l-industrija ta’ l-ikel approvati skond l-Artikolu 6 tad-Direttiva 89/437/KEE jew lill-impriżi ta’ l-industriji mhux ta’ l-ikel.

L-Artikolu 8

Il-bajd tal-Grad "A" għandu jiġi ggradat skond il-piż kif ġej:

- il-Grad 0: 75 g u fuqhom,

- il-Grad 1: minn 70 g sa 75 g,

- il-Grad 2: minn 65 g sa 70 g,

- il-Grad 3: minn 60 g sa 65 g,

- il-Grad 4: minn 55 g sa 60 g,

- il-Grad 5: minn 50 g sa 55 g,

- il-Grad 6: minn 45 g sa 50 g,

- il-Grad 7: taħt il-45 g.

L-Artikolu 9

Fil-każ ta’ l-istampar tal-bajd tal-Grad "A" skond l-Artikolu 7 tar-Regolament (KEE) Nru 1907/90, japplika dan li ġej:

- il-marka ta’ distinzjoni Grad "A" għandha tkun ċirku ta’ mill-inqas 12-il mm fid-dijametru,

- il-marka ta’ distinzjoni għall-gradazzjoni skond il-piż għandha tkun ċifra ta’ bejn iż-2 mm u t-3 mm għoli, imqiegħda ġewwa ċ-ċirku imsemmi hawn fuq,

- in-numru taċ-ċentru ta’ l-imballaġġ għandu jkun ta’ tliet ċifri jew iktar għall-inqas 5 mm għolja,

- l-indikazzjoni tad-dati tikkonsisti f’ittri u ċifri għall-inqas 5 mm għolja li juru l-espressjonijiet elenkati fl-Anness I, u warajhom jiġu l-jum u x-xahar kif iddefinit fl-Artikolu 14.

L-Artikolu 10

1. Il-marka ta’ distinzjoni li turi l-gradazzjoni skond il-kwalita għall-bajd tal-Grad "B" għandha tkun kif ġej:

(a) għall-"bajd la mkessaħ fir-refriġeratur u lanqas ippriservat", ċirku ta’ mill-inqas 12-il mm fid-dijametru li fih għandha tidher l-ittra B b’tipa Rumana ta’ mill-inqas 5 mm għoli;

(b) għall-"bajd imkessaħ fir-refriġeratur", triangolu ekwilaterali b’kull naħa twila mill-inqas 10 mm;

(ċ) għall-"bajd ippriservat", rombu bid-dijagonali ta’ 16 mm u 7 mm.

Kull min ikessaħ fir-refriġeratur jew jippriserva xorta oħra l-bajd għandu jimmarkah kif indikat fil-(b) jew fiċ-(ċ) qabel ma jagħmel dan.

Madankollu, għall-bajd ippriservat fil-ġir dawn il-marki jistgħu jiġu applikati wara li jkun twettaq il-proċess tal-priservazzjoni.

2. Il-marka ta’ distinzjoni għall-gradazzjoni skond il-kwalità tal-bajd tal-Grad "C" għandha tkun ċirku ta’ mill-inqas 12 mm fid-dijametru li fih għandha tidher l-ittra C b’tipa Rumana ta’ mill-inqas 5 mm għoli.

3. Minkejja dan ta’ hawn fuq, ma hemmx ħtieġa illi l-bajd tal-Grad "B" u tal-Grad "C" jiġu mmarkati fil-każ ta’ kunsinni diretti lill-industrija ta’ l-ikel, sakemm il-pakketti li jkunu jinsabu fihom ikunu mmarkati b’mod ċar għalbiex juru din id-destinazzjoni.

L-Artikolu 11

1. Il-marki ta’ distinzjoni applikati skond l-Artikoli 9 u 10 u l-indikazzjonijiet fuq il-bajd ipprovduti fl-Artikoli 16, 17, 18 u 19 għandhom ikunu jistgħu jinqraw b’mod ċar.

2. Il-bajd għandu jiġi mmarkat b’kulur li ma jitħassarx u li jirreżisti t-togħlija. Il-prodott użat għandu jikkonforma mad-dispożizzjonijiet fis-seħħ rigward il-materjali tal-kulur li jistgħu jiġu użati fil-prodotti ta’ l-ikel maħsub għal konsum mill-bniedem.

L-Artikolu 12

1. Il-pakketti, inkluż il-materjal ta’ l-imballaġġ ta’ ġewwa, għandhom ikunu reżistenti għall-ħbit, xotti, nodfa u f’tiswija tajba u magħmula minn materjali li jipproteġu l-bajd mill-irwejjaħ estranji u mir-riskju tad-deterjorazzjoni tal-kwalità.

2. Il-pakketti l-kbar, użati għat-trasport u d-dispaċċ tal-bajd, inkluż il-materjal ta’ l-imballaġġ ta’ ġewwa, m’għandhomx jerġgħu jiġu użati għajr jekk ikunu għadhom qishom ġodda u jissodisfaw il-ħtiġiet tekniċi tal-paragrafu 1. Il-pakketti l-kbar li jiġu użati mill-ġdid, ma għandhom iġorru l-ebda marka minn qabel li x’ aktarx tista’ twassal għat-taħwid.

3. Il-pakketti ż-żgħar ma jistgħux jerġgħu jintużaw.

4. Id-deroga riferita fl-Artikolu 11(2) tar-Regolament (KEE) Nru 1907/90 tapplika fil-każ ta’ kunsinna f’raġġ ta’ 20 km miċ-ċentru ta’ l-imballaġġ u għall-kwantitajiet ta’ kuljum ta’ inqas minn 3600 bajda f’kull kunsinna u ta’ inqas minn 360 bajda għal kull xerrej. L-isem, l-indirizz u n-numru taċ-ċentru ta’ l-imballaġġ kif ukoll in-numru tal-bajd, u l-gradi tal-kwalità u tal-piż u d-data tal-gradazzjoni għandhom jiġu indikati fuq id-dokumenti li jakkumpanjawh.

L-Artikolu 13

1. Il-bajd għandu jinħażen f’fond nadif, xott u ħieles mir-riħa estranja.

2. Il-bajd fit-trasport u matul il-ħażna għandu jinżamm nadif, xott u mingħajr riħa estranja u effettivament protett mill-ħbit, mit-temp u mill-effett tad-dawl.

3. Il-bajd fil-ħażna u fit-trasport irid jiġi protett mit-temperaturi estremi.

L-Artikolu 14

L-indikazzjoni tad-data ta’ l-imballaġġ riferita fl-Artikoli 7 u 10 tar-Regolament (KEE) Nru 1907/90 għandha tikkomprendi waħda jew iktar minn dawn li ġejjin:

- EMBALADO EL:…,

- PAKKET DEN:…,

- VERPACKT AM:…,

- ΗΜΕΠΟΜΗΝΙΑ ΣΥΣΚΕΥΑΣΙΑΣ:…,

- PACKING DATE:…,

- EMBALLÉ LE:…,

- DATE D’IMBALLAGGIO:…,

- VERPAKT OP:…,

- EMBALADO EM:….

Għal dan l-iskop id-data għandha tiġi indikata b’żewġ settijiet ta’ ċifri li jirrappreżentaw, fl-ordni li ġejja:

- il-jum, mill-01 sal-31,

- ix-xahar, mill-01 sat-12.

L-Artikolu 15

B żieda mad-data ta’ l-imballaġġ, bħala data, id-data rrakkommandata ta’ sakemm irid jinbigħ u/jew l-aħjar data għall-użu u/jew ta’ meta jkun tbied jistgħu jiġu indikati minn min iħaddem fil-waqt ta’ l-imballaġġ. Id-data ta’ meta tbied tista’, madankollu, tiġi wkoll stampata fuq il-bajd fir-razzett.

L-Artikolu 16

Id-data rrakkomandata ta’ sakemm irid jinbigħ hija indikazzjoni ta’ l-aħħar data li fiha jrid jiġi offrut għall-bejgħ lill-konsumatur, li warajha jibqa’ perjodu raġjonevoli taż-żmien tal-ħażna ta’ mill-inqas sebat ijiem fid-dar Din id-data għandha tiġi ffissata hekk illi l-bajd tal-Grad "A" irid iżommu l-karatteristiċi deskritti fl-Artikolu 5(1) ta’ dan ir-Regolament sat-tmiem ta’ dan il-perjodu taż-żmien ta’ ħażna meta maħżun kif jixraq L-aħjar data li fiha jista’ jintuża tikkorrispondi mat-tmiem ta’ dan il-perjodu taż-żmien ta’ ħażna.

L-indikazzjoni għandha tinkiteb hekk illi t-tifsira ta’ dawn id-dati tkun ċara.

L-Artikolu 17

1. Meta d-data tal-bidien hija indikata fuq il-bajd u fuq il-pakketti fejn ikunu jinsabu, iċ-ċentri ta’ l-imballaġġ għandhom iżommu reġistri separati:

- bl-ismijiet u l-indirizzi tal-produtturi li jfornu dan il-bajd, li għandhom jiġu rreġistrati wara spezzjoni mill-awtorità kompetenti ta’ l-Istat Membru,

- fuq it-talba ta’ din l-awtorità, bin-numru tat-tiġieġ tal-bajd miżmuma minn kull produttur.

2. Il-produtturi riferiti fil-paragrafu 1 għandhom wara jiġu spezzjonati b’mod regolari. Għandhom iżommu reġistri korrenti:

- tad-data tat-tqegħid, tal-għomor ta’ meta tqiegħdu u tan-numru tat-tiġieġ tal-bajd, imqassma waħda waħda skond il-ġallinar,

- tal-produzzjoni ta’ kuljum tal-bajd f’kull gallinar,

- tan-numru jew il-piż tal-bajd ikkunsinnat u li jkun hemm il-ħsieb li fuqu tiġi indikata d-data tal-bidien tal-bajd, jew li fuqhom tkun diġà ġiet stampata d-data tal-bidien tal-bajd fir-razzett, imqassma waħda waħda skond ix-xerrej, u li jinkludu l-isem u l-indirizz ta’ dan ta’ l-aħħar, u n-numru taċ-ċentru ta’ l-imballaġġ.

3. Il-bajd li jkun maħsub li fuqu tiġi indikata d-data tal-bidien tal-bajd għandu jiġi kkunsinnat liċ-ċentri ta’ l-imballaġġ f’kontenituri ssiġillati. Il-kunsinni ta’ dan il-bajd u tal-bajd li fuqu tkun diġà ġiet stampata d-data tal-bidien tal-bajd fir-razzett għandhom jiġu identifikati bi:

- id-data tal-bidien tal-bajd,

- l-isem, l-indirizz u n-numru tal-produttur, flimkien ma’ referenza kkodifikata għall-gallinar minn fejn ikun ġie l-bajd,

- id-data tad-dispaċċ,

- in-numru jew il-piż tal-bajd fil-kunsinna.

Dan it-tagħrif għandu jiġi muri fuq il-kontenitur u fuq id-dokumenti li jakkumpanjawh, b’dawn ta’ l-aħħar iridu jinżammu fiċ-ċentru ta’ l-imballaġġ għall-perjodu taż-żmien ta’ mill-inqas 12-il xahar.

4. Il-kontenituri riferiti fil-paragrafu 3 għandhom jinfetħu fiċ-ċentru ta’ l-imballaġġ minnufih qabel tibda l-gradazzjoni. Il-bajd kollu minn kontenitur wieħed għandu jiġi ggradat u ppakkjat mingħajr interruzzjoni. Id-data tal-bidien tal-bajd għandha tiġi stampata matul jew minnufih wara l-gradazzjoni fuq dak il-bajd maħsub għal dan il-markar. Fil-każ taċ-ċentri ta’ l-imballaġġ forniti mill-unitajiet tagħhom stess tal-produzzjoni li jkunu fuq l-istess sit, il-bajd għandu jiġi stampat, u/jew iggradat u ppakkjat fil-jum tal-bidien tal-bajd jew tal-kunsinna liċ-ċentri l-oħra ta’ l-imballaġġ.

5. Iċ-ċentri ta’ l-imballaġġ għandhom iżommu reġistri separati dwar:

- il-kwantitajiet ta’ kuljum, skond il-produttur, tal-bajd li jasal fiċ-ċentru u li għalih ikun hemm il-ħsieb li fuqu tiġi indikata d-data tal-bidien tal-bajd, jew li d-data ta’ meta tbied tkun diġà ġiet stampata fir-razzett inklużi l-isem, l-indirizz u n-numru tar-reġistrazzjoni tal-produttur,

- in-numru u/jew il-piż tal-bajd mibjugħ, skond il-grad tal-piż u skond ix-xerrej, flimkien ma’ l-isem u l-indirizz ta’ dan ta’ l-aħħar, kif ukoll in-numri tar-referenza tal-pakketti ż-żgħar, u fil-każ ta’ bejgħ bil-waħda, tal-pakketti l-kbar, li jkun fihom dan il-bajd. Dawn in-numri ta’ referenza għandhom ikunu f’sekwenza numerika axxendenti mhux interrotta.

6. Meta ċ-ċentri ta’ l-imballaġġ jiġu forniti biss mill-unitajiet tal-produzzjoni tagħhom stess ippostjati fuq l-istess sit, għandhom japplikaw l-ewwel u t-tieni inċiżi tal-paragrafu 2, it-tielet u r-raba’ sentenzi biss tal-paragrafu 4, u l-paragrafu 5.

7. L-unitajiet tal-produzzjoni u ċ-ċentri tal-pakkettjar riferiti fil-paragrafu 1 għandhom jiġu spezzjonati mill-inqas darba kull xahrejn.

L-Artikolu 18

1. Il-bajd tal-Grad "A" kif ukoll il-pakketti ż-żgħar li jkun fihom dan il-bajd jistgħu jġorru waħda mill-espressjonijiet li ġejjin, kif approprjat, għalbiex jindikaw it-tip tal-biedja kif riferit fl-Artikolu 10(3) tar-Regolament (KEE) Nru 1907/90:

| fuq il-pakketti: | fuq il-bajd: |

(a) | Huevos de gallinas camperas | Camperas |

Æg fra fritgående høns | Fritgående |

Eier aus Freilandhaltung | Freiland |

Αυγά ελεύθερης βοσκής | Ελεύθερης βοσκής |

Free range eggs | Free range |

Œufs de poules élevées en libre parcours | Libre parcours |

Uova di allevamento all’aperto — sistema estensivo | Aperto estensivo |

Eieren van hennen met vrije uitloop — extensief systeem | Vrije uitloop — extensief |

Ovos de galina criada ao ar livre | Ar livre; |

(b) | Huevos de gallinas criadas en parque | Parque |

Æg fra fritgående høns — intensivt system | Fritgående — int. |

Eier aus intensiver Auslaufhaltung | Auslauf |

Αυγά περιορισμένης βοσκής | Περιορισμένης βοσκής |

Semi-intensive eggs | Semi-intensive |

Œufs de poules élevées en plein air | Plein air |

Uova di allevamento all’aperto | Aperto |

Eieren van hennen met vrije uitloop | Vrije uitloop |

Ovos de galinha criada em parque | Parque; |

(c) | Huevos de gallinas explotadas en el suelo | Suelo |

Skrabeæg | Skrabeæg |

Eier aus Bodenhaltung | Bodenhaltung |

Αυγά δαπέδου με στρωμνή | Δαπέδου-στρωμνή |

Deep litter eggs | Deep litter |

Œufs de poules élevées au sol | Poules au sol |

Uova di galline allevate a terra | Allevate a terra |

Scharreleieren | Scharrelei |

Ovos de cama | Cama; |

(d) | Huevos de gallinas criadas en aseladero | Aseladero |

Æg fra volierehønsehold | Voliere |

Eier aus Volierenhaltung | Voliere |

Αυγά κλιμακωτής σχάρας | Κλιμακωτής σχάρας |

Perchery eggs (Barn eggs) | Perchery (Barn) |

Œufs de poules élevées sur perchoirs | Perchoirs |

Uova di galline allevate in voliera | Voliera |

Volière-eieren | Volière |

Ovos de capoeira | Capoeira. |

L-espressjonijiet mogħtija jistgħu jintużaw biss għall-bajd prodotti fl-intrapriżi tat-tjur li jissodisfaw il-kriterji ddikjarati fl-Anness.

Fil-każ tal-bejgħ bil-waħda, dawn l-indikazzjonijiet skond it-tip tal-biedja jistgħu jintużaw biss jekk il-bajd jiġi mmarkat individwalment bl-espressjoni rispettiva.

2. Iċ-ċentri ta’ l-imballaġġ awtorizzati biex jużaw l-espressjonijiet riferiti fil-paragrafu 1 għandhom iżommu reġistru separat, skond it-tip tal-biedja:

- bl-ismiijiet u l-indirizzi tal-produtturi ta’ dan il-bajd, li għandhom jiġu rreġistrati wara spezzjon mill-awtorità kompetenti ta’ l-Istat Membru,

- fuq it-talba ta’ din l-awtorità, bin-numru tat-tiġieġ tal-bajd miżmuma minn kull produttur.

Il-produtturi msemmija għandhom jiġu sussegwentement spezzjonati b’mod regolari. Għandhom iżommu reġistri tad-data tat-tqegħid, il-għomor tat-tqegħid, in-numru tat-tiġieġ tal-bajd skond it-tip tas-sistema tat-tjur, u juru wkoll in-numru tal-bajd prodott u kkunsinnat kull jum, bid-data tad-dispaċċ u l-ismijiet tax-xerrejja.

3. Skond l-Artikolu 4(4) kull Stat Membru għandu jipprovdi lill-Istati Membri l-oħra u lill-Kummmissjoni lista taċ-ċentri ta’ l-imballaġġ fit-territorju tiegħu hekk irreġistrati, u kull bidla f’din il-lista.

4. Il-bajd riferit fil-paragrafu 1 għandu jiġi kkunsinnat fiċ-ċentri ta’ l-imballaġġ ġewwa kontenituri li jġorru waħda mill-espressjonijiet riferiti fil-paragrafu 1 f’wieħed jew iktar mill-ilsna tal-Komunità. Il-kunsinni għandhom jiġu identifikati bl-isem u l-indirizz tal-produttur, bit-tip, in-numru jew il-piż tal-bajd u bid-data ta’ dispaċċ u l-kunsinna, u r-reġistri aġġornati tagħhom u tal-ħażniet fuq il-bażi ta’ kull ġimgħa għandhom jinżammu fiċ-ċentru ta’ l-imballaġġ.

5. Il-bajd riferit fil-paragrafu 1 għandu jiġi ggradati u ppakkjat biss fil-jiem indikati mill-inqas jum tax-xogħol bil-quddiem lill-awtorità kompetenti ta’ l-Istat Membru. Matul il-ħażna, il-gradazzjoni u l-imballaġġ, dan il-bajd għandu jiġi sseparat b’mod ċar minn kull bajd ieħor.

6. Iċ-ċentri ta’ l-imballaġġ riferiti fil-paragrafu 2 għandhom iżommu reġistri separati tal-gradazzjoni ta’ kuljum tal-kwalità u l-piż u tal-bejgħ tal-bajd u tal-pakketti ż-żgħar immarkati skond il-paragrafu 1 inklużi l-isem u l-indirizz tax-xerrej, in-numru tal-pakketti, in-numru u/jew il-piż tal-bajd mibjugħ skond il-grad tal-piż u d-data tal-kunsinna, minflok iżommu reġistrazzjonijiet tal-bejgħ, madankollu jistgħu jżommu dokumenti tal-fatturi jew tan-noti tal-kunsinna mmarkati kif indikat fil-paragrafu 1.

7. Il-pakketti l-kbar li jkun fihom il-bajd jew il-pakketti ż-żgħar immarkati skond il-paragrafu 1 għandhom iġorru waħda mill-indikazzjonijiet riferiti fil-paragrafu 1.

8. Id-dispożizzjonijiet tal-paragrafi 1 sa 7 għandhom japplikaw bla ħsara għall-miżuri tekniċi nazzjonali li jmorru lil hinn millħtiġiet minimi ddikjarati fl-Anness, li japplikaw biss għall-produtturi ta’ l-Istat Membru interessat, sakemm dawn ikunu kompatibbli mal-liġjiet Komunitarji u jikkonformaw ma’ l-istandards komuni tal-marketing tal-bajd.

9. Il-miżuri nazzjonali riferiti fil-paragrafu 8 għandhom jiġu kkomunikati lill-Kummissjoni.

10. F’kull ħin u fuq it-talba tal-Kummissjoni, l-Istati Membri għandhom jipprovdu t-tagħrif kollu meħtieġ sabiex jistmaw il-kompatibbiltà tal-miżuri riferiti f’ dan l-Artikolu mal-liġijiet Komunitarji u l-konformità tagħhom ma’ l-istandards komuni tal-marketing tal-bajd.

L-Artikolu 19

1. Sabiex jindikaw l-oriġini tal-bajd tal-Grad "A" jew tal-pakketti ż-żgħar li jkun fihom il-bajd skond l-Artikolu 10(3) tar-Regolament (KEE) Nru 1907/90, jistgħu jintużaw l-espressjonijiet u/jew is-simboli li jirreferu għall-Istat Membru u/jew għar-reġjun amministrattiv jew reġjun ieħor, iddefiniti mill-awtorità kompetenti lill-Istat Membru li fih il-bajd ikun ġie prodott. Fil-każ tal-bejgħ tal-bajd bil-waħda dawn l-indikazzjonijiet ta’ l-oriġini tal-bajd jistgħu jintużaw biss jekk il-bajd individwali jkun immarkat bl-espressjonjiet u/jew is-simboli rispettivi.

2. Iċ-ċentri ta’ l-imballaġġ li jagħmlu użu mill-espressjonijiet u/jew is-simboli riferiti fil-paragrafu 1 għandhom iżommu reġistri ddettaljati tal-kunsinni skond l-oriġini, li juru l-isem u l-indirizz tal-produttur, in-numru jew il-piż tal-bajd u d-data tal-kunsinna. Il-produttur għandu jżomm reġistri korrenti tan-numru u l-għomor tat-tiġieġ tal-bajd, u juru wkoll in-numru tal-bajd prodott u kkunsinnat, id-data tad-dispaċċ, u l-ismijiet tax-xerrej.

3. Iċ-ċentri ta’ l-imballaġġ riferiti fil-paragrafu 2 għandhom iżommu reġistri separati tal-gradazzjoni ta’ kuljum tal-kwalità u tal-piż u l-bejgħ tal-pakketti ż-żgħar u tal-bajd immarkat bl-espressjonijiet u/jew is-simboli riferiti fil-paragrafu 1, inklużi l-isem u l-indirizz tax-xerrej, in-numru tal-pakketti, in-numru jew il-piż tal-bajd mibjugħ u d-data tal-kunsinna, kif ukoll tal-ħażniet fuq il-bażi ta’ kull ġimgħa.

Minflok ma jżommu r-reġistri, jistgħu madankollu jżommu d-dokumenti tal-fatturi jew tan-noti tal-kunsinna mmarkati kif indikat fil-paragrafu 1.

4. Il-pakketti l-kbar li kun fihom il-bajd jew il-pakketti ż-żgħar immarkati bl-espressjonijiet u/jew is-simboli riferiti fil-pararafu 1 għandhom iġorru l-istess espressonijiet u/jew simboli.

L-Artikolu 20

1. Kull Stat Membru għandu jirrapporta lill-Istati Membri l-oħra u lill-Kummissjoni:

- il-metodi tal-monitorjar applikati sabiex jiġu implimentati l-Artikoli 17, 18 u 19,

- ta’ kull sena, qabel l-1 ta’ April, in-numru medju tat-tiġieġ preżenti li jbidu [10], in-numru jew il-piż tal-bajd ikkunsinnat kif irreġistrat skond l-Artikolu 18(2) u (4) kif ukoll in-numru jew il-piż tal-bajd mibjugħ, kif irreġistrat skond l-Artikolu 18(6), fis-sena kalendarja ta’ qabel.

2. Il-kontrolli mwettqa fl-Istat Membru għandhom jiġu diskussi, fuq bażi regolari, skond il-proċedura stabbilita fl-Artikolu 18 tar-Regolament (KEE) Nru 2771/75.

L-Artikolu 21

1. L-istrixxi u t-tikketti pprovduti fl-Artikolu 11 tar-Regolament (KEE) Nru 1907/90 għandhom ikunu bojod u l-indikazzjonijiet għandhom jiġu stampati fl-iswed.

2. Barra mit-tagħrif ipprovdut fl-Artikolu 10 tar-Regolament (KEE) Nru 1907/90, dawn l-istrixxi u t-tikketti, li jistgħu jiġu nnumerati, għandhom iġorru marka uffiċjali stabbilita mill-awtorità kompetenti. Kull Stat Membru għandu jipprovdi qabel l-1 ta’ Ġunju 1991 kampjun jew iktar ta’ l-strixxa u tat-tikketta lill-Istati Membri l-oħra u lill-Kummissjoni.

L-Artikolu 22

1. Dawn li ġejjin għandhom jiġu mqiegħda fis-suq f’pakketti bi strixxa jew tikketta safra li ma tistax terġa tintuża wara li l-pakkett ikun infetaħ:

(a) il-bajd riferit fl-Artikolu 2(2)(b) tar-Regolament (KEE) Nru 1907/90 u li mhux tal-Grad "A", "B" jew "C";

(b) il-bajd tal-Grad "A" jew "B" li ma jkollux iktar il-karettistiċi ta’ dawn il-gradi iżda li ma jkun reġa’ ġie ggradat

(ċ) il-bajd tal-Grad "C"

2. Il-istrixxi jew it-tikketti msemmijin fil-paragrafu 1 għandhom jikkonformaw ma’ mudell stabbilit mill-awtorità kompetenti. Kull Stat Membru għandu, qabel l-1 ta’ Ġunju 1991, jipprovdi kampjun jew iktar ta’ l-istrixxa u tat-tikketta lill-Istati Membri l-oħra u lill-Kummissjoni. Dawn għandhom juru b’tipa sewda li tidher u tinqara b’mod ċar:

(a) l-isem jew l-isem kummerċjali u l-indirizz ta’ l-impriża li tkun iddispaċċjat il-bajd;

(b) in-numru jew il-piż nett tal-bajd ippakkjat;

(ċ) il-marka "BAJD GĦALL-INDUSTRIJA TAL-PRODOTTI TA’ L-IKEL" f’ittri majjuskoli u suwed, ta’ 2 ċm għoli, f’ilsien wieħed jew iktar tal-Komunità.

L-Artikolu 23

1. Il-bajd industrijali fit-tifsira ta’ l-Artikolu 1(2) tar-Regolament (KEE) Nru 19078/90 għandu jitqiegħed fis-suq f’pakketti bi strixxa jew tikketta ħamra.

2. L-istrixxa u t-tikketta msemmijin fil-paragrafu 1 għandhom jikkonformaw ma’ mudell stabbilit mill-awtorità kompetenti. Kull Stat Membru għandu, qabel l-1 ta’ Ġunju 1991, jipprovdi kampjun jew iktar ta’ l-istrixxa u t-tikketta lill-Istati Membri l-oħra u lill-Kummissjoni. L-istrixxa u t-tikketta għandhom iġorru:

(a) l-isem jew l-isem kummerċjali u l-indirizz ta’ l-impriża li lilha jkun qiegħed jintbagħat il-bajd;

(b) l-isem jew isem kummerċjali u l-indirizz ta’ l-impriża li tkun iddispaċċjat il-bajd;

(ċ) il-marka "bajd industrijali" f’ittri majjuskoli suwed, ta’ 2 ċm għoli, u l-marka "mhux tajba għall-konsum mill-bniedem" f’ittri suwed ta’ mill-inqas 0,8 ċm għoli, f’ilsien wieħed jew iktar tal-Komunità.

L-Artikolu 24

1. Il-kartuna jew it-tikketta msemmijin fl-Artikolu 12 tar-Regolament (KEE) Nru 1907/90 għandhom jitwaħħlu hekk illi l-ebda tagħrif fuq il-pakkett ma jkun moħbi bil-pożizzjoni tal-kartuna jew tat-tikketta.

2. Il-kelma "extra" għandha tiġi stampata fl-abjad f’tipi korsivi ta’ 1 ċm għoli, fuq sfond aħmar.

3. Il-pakketti l-kbar li jkun fihom il-pakketti ż-żgħar immarkati "extra" għandhom jiġu mmarkati b’ittri majjuskoli ta’ 2 ċm għoli, "PAKKETT LI FIH PAKKETTI ŻGĦAR EXTRA" f’ilsien jew iktar tal-Komunità.

L-Artikolu 25

1. Il-bajd li jkun ġie ggradat mill-ġdid skond l-Artikolu 8(2) tar-Regolament (KEE) Nru 1907/90 jista’ jitqiegħed fis-suq fil-pakketti li kienu fihom qabel ma reġgħu ġew iggradati Jekk jerġgħu jiġu ppakkjati, kull pakkett jista jkun fih biss bajd minn lott wieħed.

2. L-istrixxa jew it-tikketta fuq il-pakketti l-kbar għandhom iġorru f’karattri suwed ċari u li jinqraw sewwa mill-inqas it-tagħrif li ġej:

(a) l-isem jew l-isem kummerċjali u l-indirizz ta’ l-impriża li tkun iggradat il-bajd mill-ġdid jew għamlet li jerġgħu jiġu ggradati;

(b) in-numru ta’ distinzjoni taċ-ċentru ta’ l-imballaġġ li kien l-ewwel li ppakkja l-bajd jew, fil-każ tal-bajd importat, il-pajjiż ta’ l-oriġini;

(ċ) il-gradazzjoni tal-kwalità u l-piż;

(d) in-numru tal-bajd ippakkjat;

(e) il-kliem "data ta’ l-imballaġġ", segwita mid-data ta’ l-ewwel imballaġġ;

u, taħt dawn. il-kliem "iggradati mill-ġdid": segwit mid-data tal-gradazzjoni mill-ġdid bl-istess mod kif ipprovdut fl-Artikolu 14;

(f) il-partikolaritajiet dwar ir-refriġerazzjoni jew il-metodu tal-priservazzjoni, mhux ikkodifikati u f’tipa Rumana, għall-bajd irrefriġerat jew ippriservat.

3. Il-pakketti ż-żgħar li jkun fihom il-bajd iggradat mill-ġdid għandu jġorru biss id-dettalji pprovduti fil-paragrafu 2, f’karattri li jidhru u jinqraw b’mod ċar; fil-każijiet meta l-pakketti oriġinali jkunu qegħdin jerġgħu jintużaw, il-partikolaritajiet li ma jbqgħux japplikaw iktar għandhom jiġu mgħottija. B’żieda ma’ dan, il-pakketti ż-żgħar jistgħu jġorru l-marka tal-fabbrika ta’ l-impriża li tkun iggradat mill-ġdid il-bajd jew għamlet li jerġa’ jiġi ggradat.

L-Artikolu 26

1. Għajr fil-każ ipprovdut fl-Artikolu 8(2) tar-Regolament (KEE) Nru 1907/90 il-bajd ippakkjat jista’ jiġi ppakkjat mill-ġdid f’pakketti oħra kbar jew żgħar miċ-ċentri ta’ l-imballaġġ biss. Kull pakkett għandu jkun fih biss il-bajd ta’ lott wieħed.

2. L-istrixxa jew it-tikketta fuq il-pakketti l-kbar għandhom iġorru f’karattri suwed li jidhru u jinqraw b’mod ċar mill-inqas it-tagħrif li ġej:

(a) l-isem jew l-isem kummerċjali u l-indirizz ta’ l-impriża li tkun ippakkjat il-bajd mill-ġdid jew għamlet li jerġa’ jiġi ppakkjat;

(b) in-numru ta’ distinzjoni taċ-ċentru ta’ l-imballaġġ li jkun ippakkja l-bajd mill-ġdid;

(ċ) il-gradazzjoni tal-kwalità u l-piż;

(d) in-numru tal-bajd ippakkjat;

(e) il-kliem "data ta’ l-imballaġġ", segwit bid-data ta’ l-ewwel imballaġġ;u, taħt dan, il-kliem "ippakkjat mill-ġdid", segwit bid-data ta’ l-imballaġġ mill-ġdid, bl-istess mod kif ipprovdut fl-Artikolu 14;

(f) il-partikolaritajiet dwar ir-refriġerazzjoni jew il-metodu tal-priservazzjoni, mhux ikkodifikati u f’tipa Rumana, għall-bajd irrefriġerat jew ippriservat;

(g) in-numru ta’ distinzjoni taċ-ċentru ta’ l-imballaġġ li jkun ippakkja l-bajd l-ewwel jew, fil-każ tal-bajd importat, il-pajjiż ta’ l-oriġini;

3. Il-pakketti ż-żgħar li jkun fihom il-bajd li jkun ġie ppakkjat mill-ġdid għandhom iġorru, f’karattri li jidhru u jinqraw b’mod ċar, il-partikolaritajiet ipprovduti fil-paragrafu 2 biss. B’żieda ma’ dan, il-pakketti ż-żgħar jistgħu jġorru l-marka tal-fabbrika ta’ l-impriża li tkun ippakkjat il-bajd mill-ġdid jew għamlet li jerġa’ jiġi ppakkjat. Il-kelma "extra" ma tistax tintuża.

4. Għandhom japplikaw id-dispożizzjonijiet ta’ l-Artikolu 1(6) u (7).

L-Artikolu 27

1. Id-dispożizzjonijiet ta’ l-Artikolu 21 għandhom japplikaw għall-istrixxi u t-tikketti msemmija fl-Artikoli 25 u 26. Il-kampjuni għandhom jiġu forniti qabel l-1 ta’ Ġunju 1991.

2. Jekk il-pakketti oriġinali jiġu użati sabiex jiggradaw mill-ġdid u jippakkjaw mill-ġdid, dawn għandhom jiġu kkunsidrati bħala li reġgħu ġew użati fit-tifsira ta’ l-Artikolu 12(2).

3. Il-partikolaritajiet dwar l-istrixxi jew it-tikketti tal-pakketti l-kbar li jkunu qegħdin jintużaw mill-ġdid skond l-Artikolu 12(2) għandhom jkunu mgħottija għal kollox bi strixxi jew tikketti ġodda jew magħmula li ma jistgħux jinqraw b’mod ieħor.

4. Il-pakketti l-kbar jistgħu jġorru partikolarità jew iktar li jidhru fuq l-istrixxi u tikketti li jkunu mwaħħlin magħhom. B’żieda ma’ dan, il-pakketti l-kbar jistgħu jġorru l-marka tal-fabbrika ta’ l-impriża li tkun ippakkjat il-bajd mill-ġdid jew għamlet li jerġa’ jiġi ppakkjat.

L-Artikolu 28

Il-għamliet tal-kliem iddefinit f’dan ir-Regolament sabiex jintuża fuq il-bajd u fuq il-pakketti għandhom jiġu espressi f’mill-inqas l-ilsien jew l-ilsna ta’ l-Istat Membru li fih isir il-bejgħ bl-imnut jew fejn isir kull użu ieħor tiegħu.

L-Artikolu 29

1. Id-deċiżjonijiet ipprovduti fl-Artikolu 19(2) tar-Regolament (KEE) Nru 1907/90 m’għandomx jittieħdu għajr jekk ikun twettaq il-kontroll skond id-dispożizzjonijiet tal-paragrafi 2 u 5.

2. Meta l-bajd ikun f’pakketti kbar li ma jkunx fihom pakketti żgħar, għall-inqas in-numri li ġejjin tal-bajd għandhom jiġu ċċekkjati bħala kampjuni.

In-Numru tal-bajd fil-lott | In-Numru tal-bajd li jrid jiġi ċċekkjat |

% l-lott | In-Numru minimu tal-bajd |

sa 180 | 100 | – |

181–1800 | 15 | 180 |

1801–3600 | 10 | 270 |

3601–10800 | 5 | 360 |

10801–18000 | 4 | 540 |

18001–36000 | 3 | 720 |

36001–360000 | 1,5 | 1080 |

l fuq minn 360000 | 0,5 | 5400 |

3. Meta l-bajd ikun f’pakketti żgħar, sewwa jekk dawn ikunu ġewwa pakketti kbar u sewwa jekk le, għall-inqas in-numri li ġejjin tal-pakketti ż-żgħar u tal-bajd għandhom jiġu ċċekkjati bħala kampjuni.

In-Numru tal-bajd fil-lott | Il-Perċentwal tal-pakketti ż-żgħar iċċekkjati | In-Numru tal-bajd li jrid jiġi ċċekkjat għal kull pakkett iċċekkjat (%) |

sa 180 | 100 | 100 |

181–1800 | 15 | 100 |

1801–3600 | 10 | 100 |

3601–10800 | 5 | 100 |

10801–18000 | 4 | 100 |

18001–36000 | 3 | 100 |

36001–360000 | 1,5 | 100 |

l fuq minn 360000 | 0,5 | 100 |

4. Għal-lottijiet ta’ mhux iżjed minn 18,000 bajda, il-bajd li jrid jiġi ċċekkjat għandu jintgħażel minn mill-inqas 20 % tal-pakketti l-kbar.

Għal-lottijiet ta’ iktar minn 18,000 bajda, il-bajd li jrid jiġi ċċekkjat għandu jintgħażel minn mill-inqas 10 % tal-pakketti l-kbar u minn mill-inqas għaxar pakketti kbar.

5. Fil-każ tal-bajd mhux ippakkjat li jiġi esibit jew imqiegħed għall-bejgħ fil-kummerċ bl-imnut, 100 % tal-bajd sa 180 bajda u għal kwantitajiet ikbar 15 % tal-bajd b’minimu ta’ 180 bajda għandhom jiġu ċċekkjati bħala kampjuni.

L-Artikolu 30

1. Wara l-kontroll u wara kull korrezzjoni meħtieġa tal-lott sabiex jikkonformaw mar-Regolament (KEE) Nru 1907/90, min jiċċekkja għandu jwaħħal mal-pakkett strixxa li ġġorr bolla uffiċjali u l-partikolaritajiet li ġejjin:

(a) "Iċċekkjati fi (id-data)…,

fi (il-post)…"

;

(b) in-numru mogħti lil min jiċċekkja mill-aġenzija li tiċċekkja.

2. L-istrixxa taċ-ċekkjar għandha tkun tal-marka bajda u ħamra. Jekk il-pakkett ikun ġie magħluq qabel il-kontroll, għandu jerġa’ jiġi magħluq permezz ta’ strixxa tal-kontroll, li tista’, jekk approprjat, tiġi mwaħħla fuq l-istrixxa jew it-tikketta oriġinali.

3. Wara li jiġu ċċekkjati l-pakketti ż-żgħar immarkati "extra", l-istrixxa tal-kontroll għandha tinkludi l-partikolaritajiet riferiti fil-paragrafu 1 u l-kelma "extra" b’tipi korsivi ta’ 1 ċm għoli.

L-Artikolu 31

1. Fil-kontroll ta’ lott ta’ bajd tal-Grad "A", għandhom jitħallew it-tolleranzi li ġejjin:

(a) mad-dispaċċ miċ-ċentru ta’ l-imballaġġ:

- 5 % tal-bajd b’difetti fil-kwalità, li minnhom mhux iżjed minn:

- 2 % tal-bajd ikun miksur jew b’qoxra mkissra jew imxaqqa, li tidher bil-għajn,

- 1 % tal-bajd ikun bit-tbajja tal-laħam jew tad-demm.

Madankollu, fil-kontroll tal-bajd imqiegħed fis-suq bħala "extra" ma għandha titħalla l-ebda tolleranza għall-għoli ta’ l-ispazju ta’ l-arja fiż-żmien ta’ l-imballaġġ jew meta jgħaddu mid-dwana.

(b) fl-istadji l-oħra tal-marketing:

- 7 % tal-bajd b’difetti fil-kwalità, li minnhom mhux iżjed minn:

- 4 % tal-bajd ikun miksur jew b’qoxra mkissra jew imxaqqa, li tidher bil-għajn,

- 1 % tal-bajd ikun bit-tbajja tal-laħam jew tad-demm.

2. Fil-kontroll ta’ lott tal-bajd tal-Grad "B", għandha titħalla t-tolleranza ta’ 7 % ta’ bajd b’difetti fil-kwalità.

3. Meta l-lott ikkontrollat ikun inqas minn 180 bajda, il-perċentwali msemmija fil-paragrafi 1 u 2 għandhom jirduppjaw.

L-Artikolu 32

Fil-kontroll ta’ lott tal-bajd tal-Grad "A", għandha titħalla tolleranza rigward il-piż għal kull bajda. Lott bħal dan jista’ jkun fih mhux iżjed minn 6 % tal-bajd tal-grad tal-piż iktar baxx li jkun imiss.

Meta l-lott iċċekkjat ikun inqas minn 180 bajda, il-perċentwali msemmija hawn fuq għandhom jirduppjaw.

L-Artikolu 33

Il-pakketti l-kbar tal-bajd tal-Grad "A", iggradat skond il-gradi tal-piż, għandu jkollhom il-piżijiet minimi netti li ġejjin:

il-Grad 0: 7,5 kg/100 bajda

il-Grad 1: 7,1 kg/100 bajda

il-Grad 2: 6,6 kg/100 bajda

il-Grad 3: 6,1 kg/100 bajda

il-Grad 4: 5,6 kg/100 bajda

il-Grad 5: 5,1 kg/100 bajda

il-Grad 6: 4,6 kg/100 bajda

il-Grad 7: il-piż minimu mhux stabbilit.

L-Artikolu 34

Kull Stat Membru li fit-territorju tiegħu jiġi ggradat mill-ġdid lott ta’ bajd minn Stat Membru ieħor għandu jiżgura illi d-deċiżjoni biex jerġa’ jiġi ggradat tiġi kkomunikata minnufih lil dan l-Istat Membru u, fuq it-talba ta’ dan l-Istat Membru, lill-awtorità kompetenti li jinnomina.

L-Artikolu 35

L-Istati Membri għandhom jikkomunikaw lill-Kummisjoni qabel l-1 ta’ Jannar 1992 il-miżuri meħuda sabiex jiġi applikat dan ir-Regolament.

L-Artikolu 36

Ir-Regolament (KEE) Nru 95/69 u 1295/70 huwa hawnhekk imħassar.

L-Artikolu 37

Dan ir-Regolament għandu japplika b’effett mill-1 ta’ Lulju 1991. Madankollu, l-Artikoli 4(4), 21(2), 22(2), 23(2) u 27(1) għandhom japplikaw b’effett mill-1 ta’ Ġunju 1991.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-15 ta’ Mejju 1991.

Għall-Kummissjoni

Ray Mac Sharry

Membru tal-Kummissjoni

[1] ĠU L 173, tas-6.7.1990, p. 5.

[2] ĠU L 282, ta’ l-1.11.1975, p. 49.

[3] ĠU L 128, tal-11.5.1989, p. 29.

[4] ĠU L 212, tat-22.7.1989, p. 87.

[5] ĠU L 395, tat-30.12.1989, p. 13.

[6] ĠU L 13, tat-18.1.1969, p. 13.

[7] ĠU L 364, tat-23.12.1986, p. 20.

[8] ĠU L 145, tat-3.7.1970, p. 1.

[9] ĠU L 5, tat-8.1.1985, p. 5.

[10] In - numru medju tat - ti ġ ie ġ preżenti li jbidu = in - numru tat - ti ġ ie ġ imqiegħda f’ × ġ imgħat ta’ metajbidu.

--------------------------------------------------

L-ANNESS I

1. Id-data ta' l-imballaġġ:

emb.

pakket

verp.

συσκ.

packed

emb. le

imb.

verp.

emb.

2. Id-data sa meta jridu jinbigħu:

vender antes

Sælges til

Verkauf bis

Πώληση

Sell by

à vend. de préf. av.

da vendersi

uit. verk. dat.

Lim. de venda

3. Id-data ta' sakemm jibqa’ tajjeb:

cons. preferente

Mindst holdbar til

Mind.-haltbar

Λήξη

Best before

à cons. de préf. av.

da consumarsi

tenm. houdb. tot

Lim. de consumo

4. Id-data ta' meta jitbied:

puesta

lagt

gelegt

ωοτοκία

laid

pondu le

deposizione

gelegd

post

--------------------------------------------------

L-ANNESS II

Il-kriterji minimi li jridu jiġu sodisfatti mill-intrapriżi tat-tjur li jipproduċu l-bajd kif riferit fl-Artikolu 18(1)(a), (b), (ċ) u (d)

(a) Il-bajd fil-pakketti ż-żgħar li jġorru l-kliem "Bajd tat-tiġieġ imrobbi fil-beraħ — tas-sistema intensiva" għandu jiġu prodott fl-intrapriżi tat-tjur li ġo fihom:

- it-tiġieġ għandhom aċċess bla waqfien bin-nhar għall-ġallinari fl-apert,

- l-art li għaliha t-tiġieġ għandhom aċċess hija prinċipalment miksija bil-ħaxix,

- id-densità massima tal-ħażna ma tkunx ikbar minn 1000 tiġieġa għal kull ettaru ta' l-art disponibbli għat-tiġieġ jew tiġieġa għal kull 10 m2

- il-bini minn ġewwa jrid jissodisfa l-kondizzjonijiet speċifikati fiċ-(ċ) jew id-(d).

(b) Il-bajd fil-pakketti ż-żgħar li jġorru l-kliem "Bajd tat-tiġieġ imrobbi fil-beraħ (semi-intensiv)" irid jiġi prodott fl-intrapriżi tat-tjur li ġo fihom:

- it-tiġieġ għandhom aċċess bla waqfien bin-nhar għall-ġallinari fl-apert,

- l-art li għaliha t-tiġieġ għandhom aċċess hija fil-biċċa l-kbira miksija bil-ħaxix,

- id-densità massima tal-ħażna mhix ikbar minn 4000 tiġieġa għal kull ettaru ta' l-art disponibbli għat-tiġieġ jew tiġieġa għal kull 2,5 m2

- il-bini minn ġewwa jrid jissodisfa l-kondizzjonijiet speċifikati fiċ-(ċ) jew id-(d).

(ċ) Il-bajd fil-pakketti ż-żgħar li jġorru l-kliem "Bajd tat-tiġieġ imrobbi fuq l-art" għandhom jiġu prodotti fl-intrapriżi tat-tjur li ġo fihom:

- id-densità massima tal-ħażna mhix ikbar minn seba’ tiġiġiet għal kull metru kwadru ta' l-ispazju ta' l-art disponibbli għat-tiġieġ,

- mill-inqas terz ta' din il-firxa ta' art hija miksija bil-materjal ta' l-iskart bħat-tiben, iċ-ċana ta' l-injam, ir-ramel jew bil-ħaxix,

- parti kbira biżżejjed tal-firxa ta' l-art disponibbli għat-tiġieġ hija użata għall-ġbir tal-ħmieġ ta' l-għasafar.

(d) Il-bajd fil-pakketti ż-żgħar li jġorru l-kliem "Bajd tal-gallinar" għandu jiġi prodotti fl-intrapriżi tat-tjur li ġo fihom:

- id-densità massima tal-ħażna mhix ikbar minn 25 tiġieġa għal kull metru kwadru ta' l-ispazju ta' l-art disponibbli għat-tiġieġ,

- il-bini minn ġewwa għandu jiġi mgħammar b'passiġġieri ta' tul biżżejjed li jiżgura mill-inqas 15 ċm ta' spazju tal-passiġġiera għal kull tiġieġa.

--------------------------------------------------