This document is an excerpt from the EUR-Lex website
Document 31990L0653
Council Directive 90/653/EEC of 4 December 1990 laying down amendments for the purpose of implementing in Germany certain Community Directives relating to statistics on the carriage of goods and statistics on gas and electricity prices
Id-Direttiva tal-Kunsill ta' l-4 ta' Diċembru 1990 li tistabbilixxi emendi bl-iskop li jiġu implimentati fil-Ġermanja ċerti Direttivi tal-Komunità li għandhom x'jaqsmu ma' statistiċi dwar il-ġarr ta' merkanzija u statistiċi dwar prezzijiet ta' gass u ta' elettriku
Id-Direttiva tal-Kunsill ta' l-4 ta' Diċembru 1990 li tistabbilixxi emendi bl-iskop li jiġu implimentati fil-Ġermanja ċerti Direttivi tal-Komunità li għandhom x'jaqsmu ma' statistiċi dwar il-ġarr ta' merkanzija u statistiċi dwar prezzijiet ta' gass u ta' elettriku
ĠU L 353, 17.12.1990, p. 46–47
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 353 , 17/12/1990 P. 0046 - 0047
Id-Direttiva tal-Kunsill ta' l-4 ta' Diċembru 1990 li tistabbilixxi emendi bl-iskop li jiġu implimentati fil-Ġermanja ċerti Direttivi tal-Komunità li għandhom x'jaqsmu ma' statistiċi dwar il-ġarr ta' merkanzija u statistiċi dwar prezzijiet ta' gass u ta' elettriku (90/653/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 213 tiegħu, Wara li kkunsidra il-proposta tal-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi l-Kunsill adotta d-Direttiva 78/546/KEE [4], kif emendata l-aħħar mid-Direttivi 89/462/KEE [5], 80/1119/KEE [6] u 80/1177/KEE [7], it-tnejn kif emendati mill-Att ta' Adeżjoni ta' Spanja u tal-Portugall, dwar statistiċi għall-ġarr ta' oġġetti; Billi l-Kunsill adotta d-Direttiva 90/377/KEE dwar proċedura tal-Komunità sabiex tittejjeb it-trasparenza ta' prezzijiet ta' gass u elettriku imposti fuq konsumaturi industrijali [8]; Billi mid-data ta' l-unifikazzjoni tal-Ġermanja 'l quddiem il-liġi tal-Komunità għandha tkun applikabbli bis-sħiħ fit-territorju ta' dik li qabel kienet ir-Repubblika Demokratika tal-Ġermanja; Billi l-analiżi sistematika reġjonali għal statistiċi ta' ġarr għandha tiġi estiża sabiex tinkludi t-territorju ta' dik li qabel kienet ir-Repubblika Demokratika tal-Ġermanja; Billi l-lista ta' amministrazzjonijiet li qegħdin imexxu s-sistemi ta' ferroviji ewlenin għandha tiġi emendata għall-iskop ta' statistiċi dwar il-ġarr ta' oġġetti bil-ferrovija; Billi l-analiżi sistematika skond ir-reġjun u l-lokalita' ta' statistiċi dwar prezzijiet ta' gass u ta' elettriku għandha tiġi estiża sabiex tinkludi dawk tat-territorju ta' dik li qabel kienet ir-Repubblika Demokratika Ġermaniża; Billi s-sitwazzjoni preżenti ma tippermettix li r-reġjuni u l-lokalitajiet inkwestjoni jiġu definiti bi preċiżjoni, ADOTTA DIN ID-DIRETTIVA: L-Artikolu 1 1. Għall-analiżi sistematika ta' statistiċi dwar il-ġarr ta' oġġetti li jaqgħu taħt id-Direttivi 78/546/KEE, 80/1177/KEE u 80/1119/KEE, ir-Repubblika Federali tal-Ġermanja għandha tiddefinixxi r-reġjuni fit-territorju ta' dak li qabel kien ir-Repubblika Demokratika tal-Ġermanja u għandha tikkomunikahom qabel id-data ta' meta l-miżuri proviżorji mpoġġija fuq il-mejda b'mod konformi mad-Direttiva 90/476/KEE jiġu mibdula b'miżuri transizzjonali, u f'kull kas mhux iktar tard mill-31 ta' Diċembru 1990. Din l-informazzjoni għandha tiġi kkomunikata għall-informazzjoni lill-Parlament Ewropew u lill-Kunsill. 2. Fir-rigward ta' l-istatistiċi reġjonali dwar il-ġarr ta' oġġetti bil-ferrovija li jaqgħu taħt id-Direttiva 80/1177/KEE, ir- Repubblika Federali tal-Ġermanja għandha tikkomunika l-ismijiet ta' l-amministrazzjonijiet li jmexxu linji tal-ferroviji u ta' l-installazzjonijiet fil-Ġermanja qabel id-data ta' meta l-miżuri proviżorji mpoġġija fuq il-mejda kif previst bid-Direttiva 90/476/KEE jiġu mibdula b'miżuri transizzjonali u f'kull kas mhux iktar tard mill-31 ta' Diċembru 1990. Din l-informazzjoni għandha tiġi kkomunikata għall-informazzjoni lill-Parlament Ewropew u lill-Kunsill. L-Artikolu 2 Għall-analiżi sistematika skond ir-reġjun u l-lokalità ta' statistiċi dwar prezzijiet ta' gass u ta' elettriku li huma koperti bid-Direttiva 90/377/KEE, il-Ġermanja għandha tiddefinixxi sa mhux iktar tard mill-1 ta' Lulju 1992 ir-reġjuni u l-lokalitajiet fit-territorju ta' dak li qabel kienet ir-Repubblika Demokratika tal-Ġermanja u għandha tikkomunikahom lill-Kummissjoni. Din l-informazzjoni għandha tiġi kkomunikata bħala informazzjoni lill-Kunsill u lill-Parlament. L-Artikolu 3 Il-Kummissjoni hija awtorizzata li temenda dawn li ġejjin: - L-Anness II tad-Direttivi li għalihom hemm referenza fl-Artikolu 1(1); - L-Artikolu 1(2)(a) tad-Direttiva 80/1177/KEE; - L-Annessi I u II tad-Direttiva 90/377/KEE, wara konsultazzjoni mal-kumitat kompetenti b'mod konformi mal-proċedura stabbilita fl-Artikolu 7 ta' dik id-Direttiva. L-Artikolu 4 Din id-Direttiva hija indirizzata lill-Istati Membri. Magħmula fi Brussel, fl-4 ta' Diċembru 1990. Għall-Kunsill Il-President G. de Michelis [1] ĠU C 248, tat-2.10.1990, p. 7. [2] L-opinjoni mogħtija fil-21 ta' Novembru 1990 (għadha mhux ippubblikata fil-Ġurnal Uffiċjali). [3] L-opinjoni mogħtija fl-20 ta' Novembru 1990 (għadha mhux ippubblikata fil-Ġurnal Uffiċjali). [4] ĠU L 168, tas-26.6.1978, p. 29. [5] ĠU L 226, tat-3.8.1989, p. 8. [6] ĠU L 339, tal-15.12.1980, p. 30. [7] ĠU L 350, tat-23.12.1980, p. 23. [8] ĠU L 185, tas-17.7.1990, p. 16. --------------------------------------------------