31986L0355

Id-Direttiva tal-Kunsill

tal-21 ta’ Lulju 1986

li temenda d-Direttiva 79/117/KEE li tipprojbixxi t-tpoġġija fis-suq u l-użu ta’ prodotti għall-protezzjoni tal-pjanti li jkun fihom ċerti sustanzi attivi

(86/355/KEE)

IL-KUNSILL TAL-KOMUNITAJIET EWROPEJ

Wara li kkunsidra t-Trattat li jistabbilixxi l-Komunità Ekonomika Ewropea,

Wara li kkunsidra d-Direttiva tal-Kunsill 79/117/KEE tal-21 ta’ Diċembru 1978 li tipprojbixxi t-tpoġġija fis-suq u l-użu ta’ prodotti għall-protezzjoni li jkun fihom ċerti sustanzi attivi [1], kif l-aħħar emendat permezz tad-Direttiva 86/214/KEE [2], u b’mod partikulari l-Artikolu 6 miġjub fiha,

Billi dik id-Direttiva tipprovdi għall-kontenuti ta’ l-Anness li għandu jiġi emendat regolarment sabiex jittieħed kont ta’ l-iżvilupp tal-għarfien xjentifiku u tekniku;

Billi issa ġie stabbilit li l-użu tal-ossidu ta’ l-etilene bħala prodott għall-protezzjoni tal-pjanti, b’mod partikulari għall-fumigazzjoni tal-pjanti jew prodotti magħmula mill-pjanti li jkun maħżuna, iħalli residwi fl-oġġetti ta’ l-ikel li jistgħu joħolqu effetti ħżiena fuq is-saħħa tal-bniedem u ta’ l-annimali;

Billi huma disponibbli trattamenti differenti għall-protezzjoni tal-pjanti ħlief għall-ċerti prodotti minuri;

Billi l-bejgħ u l-użu ta’ l-ossidu ta’ l-etilene bħala prodott għall-protezzjoni tal-pjanti għandu għalhekk jiġi pprojbit;

Billi, iżda, eċċezzjonijiet nazzjonali temporanji minn din il-projbizzjoni jistgħu jiġu permessi għal ċerti prodotti minuri, fejn ikun hemm bżonnijiet speċjali, sakemm isiru disponibbli metodi oħra ta’ trattament,

ADOTTA DIN ID-DIRETTIVA:

L-Artikolu 1

Id-dħul li ġej huwa miżjud permezz ta’ din id-Direttiva ma’ l-Anness għad-Direttiva 79/117/KEE:

"'Ċ. L-ossidu tal-Etilene | (a)it-tnaqqis tal-patoġenu fil-ħxejjex imnixxfa li ġejjin, maħsub għall-inkorporazzjoni fil-preparazzjonijiet ta' l-ikel li ma jkunux għaddew minn trattement ta' tisjir komplet qabel il-konsuml-asparaguil-basalil-kurratil-faqqiegħ(b)it-tnaqqis tal-patoġenu tal-ħxejjex aromatiċi u l-ħwawar imnixxfa(ċ)it-tnaqqis tal-patoġenu fil-ħxejjex aromatiċi maħsuba esklużivament għall-bejgħ mingħajr ipproċessar ulterjuri bħala prodotti mediċinali(d)it-tnaqqis tal-patoġenu fit-trab tal-kawkaw u l-kejk(e)l-iffumigar tal-weraq tat-tabakk Dawn id-derogi ghandhom jiskadu fil-31 ta' Dicembru 1989 mill-aktar tard |

L-Artikolu 2

L-Istati Membri għandhom iġibu fis-seħħ il-liġijiet, regolamenti u dispożizzjonijiet amministrattivi neċessarji sabiex iħarsu din id-Direttiva mhux aktar tard mill-1 ta’ Lulju 1987. Huma għandhom jinfurmaw lill-Kummissjoni b’dan immedjatemnt.

L-Artikolu 3

Din id-Direttiva hija indirizzata lill-Istati Membri.

Magħmula fi Brussel, fil-21 ta’ Lulju 1986.

Għall-Kunsill

Il-President

G. Howe

[1] ĠU L 33, tat-8.2.1979, p. 36.

[2] ĠU L 152, tas-26.5.1986, p. 45.

--------------------------------------------------