This document is an excerpt from the EUR-Lex website
Document 31983L0129
Council Directive 83/129/EEC of 28 March 1983 concerning the importation into Member States of skins of certain seal pups and products derived therefrom
Id-Direttiva tal-Kunsill tat-28 ta’ Marzu 1983 li tirrigwarda l-importazzjoni tal-ġlud ta’ ċerti friegħ tal-foki u ta’ prodotti ġejjin minnhom fl-Istati Membri
Id-Direttiva tal-Kunsill tat-28 ta’ Marzu 1983 li tirrigwarda l-importazzjoni tal-ġlud ta’ ċerti friegħ tal-foki u ta’ prodotti ġejjin minnhom fl-Istati Membri
ĠU L 91, 9.4.1983, p. 30–31
(DA, DE, EL, EN, FR, IT, NL) Dan id-dokument ġie ppubblikat f’edizzjoni(jiet) speċjali
(ES, PT, FI, SV, CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 15/06/1989
Relation | Act | Comment | Subdivision concerned | From | To |
---|---|---|---|---|---|
Corrected by | 31983L0129R(01) | (SK) | |||
Modified by | 31985L0444 | DATE artikolu 2 | |||
Modified by | 31989L0370 | Sostituzzjoni | artikolu 2 | 15/06/1989 |
Official Journal L 091 , 09/04/1983 P. 0030 - 0031
Finnish special edition: Chapter 15 Volume 4 P. 0121
Spanish special edition: Chapter 15 Volume 4 P. 0122
Swedish special edition: Chapter 15 Volume 4 P. 0121
Portuguese special edition Chapter 15 Volume 4 P. 0122
Id-Direttiva tal-Kunsill tat-28 ta’ Marzu 1983 li tirrigwarda l-importazzjoni tal-ġlud ta’ ċerti friegħ tal-foki u ta’ prodotti ġejjin minnhom fl-Istati Membri (83/129/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u partikolarment l-Artikolu 235 tiegħu, Wara li kkunsidra l-proposta mill-Kummissjoni, Wara li kkunsidra l-opinjoni tal-Parlament Ewropew [1], Wara li kkunsidra l-opinjoni tal-Kunsill Ekonomiku u Soċjali [2], Billi l-Parlament Ewropew adotta riżoluzzjoni dwar il-kummerċ Komunitarju fil-prodotti mill-foki, u partikolarment dwar il-prodotti li jiġu mill-friegħ tal-foki ta’ l-arpa (harp) u tal-foki tal-barnuża (hooded); Billi, f’numru ta’ Stati Membri, diġa jeżistu miżuri volontarji jew statutorji li jirrestrinġu l-importazzjoni jew il-bejgħ fis-suq tal-ġlud tal-friegħ tal-pil abjad tal-foki ta’ l-arpa u tal-friegħ tal-foki tal-barnuż (ta’ daharhom iswed); billi Stat Membru diġa jeħtieġ li l-prodotti kollha mill-foki jkunu markati; Billi studji varji qajmu dubji rigward l-istat tal-poplazzjoni tal-foki ta’ l-arpa u ta’ dawk tal-barnuż u speċjalment dwar l-effett tal-kaċċa mhux tradizzjonali fuq il-konservazzjoni u l-istat tal-poplazzjoni tal-foki tal-barnuż; Billi l-isfruttament tal-foki u ta’ speċi oħra huwa, jiddependi mill-ħila tagħhom li jirreżistu dan l-isfruttament u b’rispett għall-bilanċ tan-natura xogħol naturali u leġittimu u f’ċerti firxiet fid-dinja jifforma parti importanti mill-ħajja tradizzjonali u mill-ekonomija; billi l-kaċċa, kif prattikata tradizzjonalment mill-poplu Inuit, tħalli lill-friegħ tal-foki mingħajr ħsara u huwa għalhekk xieraq li jidher li l-interessi tal-poplu Inuit ma jiġux affettwati; Billi hija mixtieqa iktar investigazzjoni dwar l-aspetti xjentifiċi u dwar il-konsegwenzi tal-qtil tal-friegħ tal-foki ta’ l-arpa u ta’ dawk tal-barnuż fit-tnaqqis tal-poplazzjoni tagħhom; billi, sakemm isiru magħrufa r-riżultati ta’ din l-investigazzjoni, għandhom jittieħdu jew jibqgħu jinżammu l-miżuri temporanji b’mod konformi mar-riżoluzzjoni tal-Kunsill u tar-rappreżentanti tal-Gvernijiet ta’ l-Istati Membri tal-5 ta’ Jannar 1983 [3]; Billi ġie notat illi l-kaċċa għall-friegħ tal-foki ġiet diġa limitata b’xi effett; billi l-Kunsill talab lill-Kummissjoni biex tissokta tfittex, fil-kuntest tal-kuntatti kontinwati mal-pajjiżi interessati, soluzzjonijiet li jagħmlu dispensabbli r-restrizzjonijiet fuq l-importazzjonijiet; Billi l-Kunsill irid jikkunsidra mill-ġdid is-sitwazzjoni fuq il-bażi ta’ rapport li jrid jiġi preżentat lill-Kummissjoni qabel l-1 ta’ Settembru 1983, ADOTTA DIN ID-DIRETTIVA: L-Artikolu 1 1. L-Istati Membri għandhom jieħdu jew jibqgħu jżommu l-miżuri kollha meħtieġa biex il-prodotti mniżżla fil-lista fl-Anness ma jiġux importati kummerċjalment fit-territorji tagħhom. 2. L-Istati Membri għandhom mill-ewwel jgħarrfu lill-Kummissjon b’dawn il-miżuri. L-Artikolu 2 Din id-Direttiva għandha tapplika mill-1 ta’ Ottubru 1983 sa l-1 ta’ Ottubru 1985, sakemm il-Kunsill ma jiddeċiedix xorta oħra, fil-waqt li jqis rapport li jrid jiġi preżentat lill-Kunsill mill-Kummissjoni qabel l-1 ta’ Settembru 1983. L-Artikolu 3 Din id-Direttiva għandha tapplika biss għal dawk il-prodotti li ma jirriżultawx mill-kaċċa tradizzjonali tal-poplu Inuit. L-Artikolu 4 Din id-Direttiva hjija indirizzata lill-Istati Membri. Magħmula fi Brussel, fit-28 ta’ Marzu 1983. Għall-Kunsill Il-President J. Ertl [1] ĠU C 334, ta’ l-20.12.1982, p. 132. [2] ĠU C 346, tal-31.12.1982, p. 1. [3] ĠU C 14, tat-18.1.1983, p. 1. -------------------------------------------------- L-ANNESS Nru | Nru ta' l-intestatura CCT * | Deskrizzjoni | 1 | eż 43.01 eż 43.02 A | Ġlud tal-pil mhux maħduma u ġlud tal-pil, kunzati jew imħejjija, inklużi l-ġlud tal-pil f'folji jew imsallba u għamliet simili: tal-friegħ tal-pil abjad tal-foki ta' l-arpa,tal-friegħ tal-foki tal-barnuż (ta' daharhom iswed) | 2 | eż 43.03 | L-oġġetti mill-ġlud tal-pil riferiti fil-1 | --------------------------------------------------