31981R0139

Ir-Regolament tal-Kummissjoni (KEE) Nru 139/81

tas-16 ta' Jannar 1981

li jiddefinixxi l-kondizzjonijiet għad-dħul ta' ċerti kwalitajiet ta' laħam taċ-ċanga u vitella friżati fis-subintestatura 02.01 A II b) 4 bb) 22 tat-Tariffa Doganali Komuni

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 805/68 tas-27 ta' Ġunju 1968 dwar l-organizzazzjoni komuni tas-suq fil-laħam taċ-ċanga u l-vitella [1], kif l-aħħar emendat bl-Att ta' Adeżjoni tal-Greċja [2], u partikolarment l-Artikolu 11(5) tiegħu,

Billi r-Regolament tal-Kummissjoni (KEE) Nru 162/74 [3], kif l-aħħar emendat bir-Regolament (KEE) Nru 2014/75 [4], iddefinixxa l-kondizzjonijiet għad-dħul ta' ċerti kwalitajiet ta' laħam taċ-ċanga u vitella friżati fis-subintestatura 02.01 A II a) 2 dd) 22 bbb) tat-Tariffa Doganali Komuni; billi minn mindu dak ir-Regolament ġie adottat it-Tariffa Doganali Komuni ġiet emendata; billi, fl-interess taċ-ċarezza, għandhom jiġu adattati d-dispożizzjonijiet tar-Regolament (KEE) Nru 162/74;

Billi l-iżvilupp tal-kummerċ bejn il-Komunità u pajjiżi mhux membri fil-prodotti tal-laħam taċ-ċanga u l-vitella wassal li jiġu diżinjati forom ġodda ta' ċertifikati sabiex tittejjeb l-effiċjenza f'dan il-kummerċ; billi jidher illi huwa xieraq illi ċ-ċertifikat ta' awtentiċità previst fir-Regolament (KEE) Nru 162/74 jiġi allinjat maċ-ċertifikati għal prodotti oħra fis-settur tal-laħam taċ-ċanga u tal-vitella;

Billi l-prodotti li jidħlu fis-subintestatura 02.01 A II b) 4 bb) 22 tat-Tariffa Doganali Komuni kienu definiti bir-Regolament tal-Kummissjoni (KEE) Nru 586/77 [5], kif l-aħħar emendat bir-Regolament (KEE) Nru 882/79 [6];

Billid-dispożizzjonijiet ta' dan ir-Regolament huma bla ħsara għad-disposizzjonjiet tal-Komunità adottati rigward il-leġislazzjoni veterinarja u l-leġislazzjoni dwar l-oġġetti ta' l-ikel bil-għan li jiġu protetti s-saħħa tal-bniedem u ta' l-annimali u jimpedixxu l-falsifikazzjoni u l-frodi;

Billi l-miżuri previsti f'dan ir-Regolament jaqblu ma l-opinjoni tal-Kumitat ta' Ġestjoni għal-Laħam taċ-Ċanga u l-Vitella,

ADOTTAT DAN IR-REGOLAMENT:

L-Artikolu 1

Id-dħul ta' laħam friżat minn pajjiżi li mhumiex membri fis-subintestatura 02.01 A II b) 4 bb) 22 tat-Tariffa Doganali Komuni (il-ħawsla, l-għonq bl-għadma ta' l-ispalla u qatgħat tas-sidra) għandhom ikunu suġġetti għall-produzzjoni ta' ċertifikat ta' awtentiċità li jissodisfa l-ħtiġijiet preskritti f'dan ir-Regolament.

L-Artikolu 2

1. Iċ-ċertifikat ta' awtentiċità għandu jkun magħmul f'għamla ta' formola, li kampjun tagħha hu mogħti fl-Anness I.

Id-daqs ta' din il-formola għandu jkun bejn wieħed u ieħor ta' 210 × 297 mm. Għandha tiġi użata karta bajda li tiżen mill-inqas 40 gramma kull metru kwadru.

2. Il-formoli għandhom jiġu stampati u mimlija f'waħda mill-lingwi uffiċjali tal-Komunità; jistgħu wkoll jiġu stampati u mimlija fil-lingwa uffiċjali jew f'waħda mi-lingwi uffiċjali tal-pajjiż li jesporta.

3. Il-formoli għandhom jimtlew jew ittajpjati jew bl-id. Fil-każ ta' l-aħħar, għandhom jintużaw il-linka u ittri kbar.

4. Kull ċertifikat ta' awtentiċità għandu jkollu numru serjali individwali allokat mill-aġenzija tal-ħruġ imsemmija fl-Artikolu 4.

L-Artikolu 3

Iċ-ċertifikat għandu jintbagħat, flimkien mal-prodott rilevanti, lill-awtoritajiet doganali ta' l-Istat Membru importatur f'xi ħin sa tliet xhur mid-data tal-ħruġ tiegħu.

L-Artikolu 4

1. Ċertifikat ta' awtentiċità għandu jkun validu biss jekk ikun mimli kif għandu jkun u endorsjat, bi qbil ma’ l-istruzzjonijiet preskritti fl-Anness I, minn aġenzija tal-ħruġ li tidher fil-lista mogħtija fl-Anness II.

2. Iċ-ċertifikat ta' awtentiċità għandu jitqies endorsjat kif għandu jkun jekk jispeċifika l-post u d-data tal-ħruġ tiegħu u jekk ikollu t-timbru ta' l-aġenzija tal-ħruġ u l-firma tal-persuna jew persuni awtorizzati biex jiffirmawh.

Siġill stampat jista jiġi wżat minflok it-timbru.

L-Artikolu 5

1. Aġenzija tal-ħruġ li tidher fil-lista inkluża fl-Anness II trid:

(a) tkun magħrufa bħala tali mill-pajjiż li jesporta;

(b) tidħol għall-impenn li tivverifika d-dettalji li jidhru fuq iċ-ċertifikati ta' awtentiċità;

(ċ) tidħol għall-impenn li tgħaddi lill-Kummissjoni u lill-Istati Membri meta tintalab kull tagħrif li jgħin sabiex jiġu valutati d-dettalji li jidhru fuq iċ-ċertifikati ta' awtentiċità.

2. Il-lista għandha tiġi riveduta jekk il-kondizzjoni preskritta fil-paragrafu 1(a) ma tiġix imħarsa iktar jew jekk aġenzija tal-ħruġ ma twettaqx waħda mill-obbligi li tkun indaħlet għalihom.

L-Artikolu 6

Ir-Regolament (KEE) Nru 162/74 huwa b'dan imħassar.

Madankollu, iċ-ċertifikati maħruġa bi qbil mar-Regolament (KEE) Nru 162/74 għandhom jibqgħu validi sat-30 ta' Ġunju 1981.

L-Artikolu 7

Dan ir-regolament għandu jidħol fis-seħħ fil-15-il jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-16 ta' Jannar 1981.

Għall-Kummissjoni

Gaston Thorn

Il-President

[1] ĠU L 148, tat-28.6.1968, p. 24.

[2] ĠU L 291, tad-19.11.1979, p. 17.

[3] ĠU L 19, tat-23.1.1974, p. 10.

[4] ĠU L 204, tat-2.8.1975, p. 14.

[5] ĠU L 75, tat-23.3.1977, p. 10.

[6] ĠU L 111, ta' l-4.5.1979, p. 14.

--------------------------------------------------

L-ANNESS I

+++++ TIFF +++++

Definizzjonijiet

Id-definizzjonijiet li ġejjin għandhom japplikaw:

1. Il-qatgħat imsemmija crop, chuck u blade

il-parti dorsali tal-kwart ta' quddiem, inkluża l-parti ta' fuq ta' l-ispalla, ottenuta minn kwart ta' quddiem b’ minimu ta' erba kustiljiu massimu ta' 10 kustilji b'qata tul linja dritta mill-punt fejn l-ewwel kustilja tingħaqad ma’ l-ewwel parti ta' l-i sternum sal-punt ta' rifless tad-djaframma fuq l-10 kustilja;

2. Il-qatgħa msemmija brisket

il-parti ta' isfel tal-kwart ta' quddiem li jinkludi t-tarf tas-sider saż-żokkra u t-tarf tas-sidra bil-ponta.

--------------------------------------------------

L-ANNESS II

Lista ta’ l-aġenziji fil-pajjiżi esportaturi awtorizzati biex joħorġu ċ-ċertifikati ta’ awtentiċità

Pajjiż mhux membru | L-Aġenzija tal-ħruġ |

Isem | Indirizz |

L-Arġentina | Junta Nacional de Carnes | San Martin 459,Buenos Aires |

L-Awstralja | Australian Meat Board and Livestock Corporation | Aetna Life Tower,Hyde Park Square,Sydney 2000 |

Il-Botswana | Department of Agriculture | Senior Veterinary Officer, Ministry for Agriculture, Private Bag 12,Lobatse |

New Zealand | New Zealand Meat Producers Board | Massey House, Lambton Quay Wellington |

Is-Sważilandja | Ministry of Agriculture | PO Box 162 Mbabane |

L-Urugwaj | Instituto Nacional de Carnes (INAC) | Rincon 459,Montevideo |

L-Afrika ta’ Isfel | South African Livestock and Meat Industries Control Board | Hamilton and Vermeulen Streets,Pretoria |

--------------------------------------------------