31978R2112

Ir-Regolament tal-Kunsill (KEE) Nru 2112/78

tal-25 ta' Lulju 1978

dwar il-konklużjoni tal-Konvenzjoni Doganali fuq it-trasport internazzjonali ta' oġġetti taħt il-carnets TIR (Konvenzjoni TIR) ta' l-14 ta' Novembru 1975 f'Ġinevra

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jwaqqaf il-Komunità Ekonomika Ewropea,

Wara li kkunsidra r-rakkomandazzjoni mill-Kummissjoni,

Billi l-konklużjoni tal-Konvenzjoni Doganali fuq it-trasport internazzjonali ta' oġġetti taħt il-carnets TIR (Konvenzjoni TIR) ta' l-14 ta' Novembru 1975 f'Ġinevra tintroduċi dispożizzjonijiet ġodda fis-sistema tat-trasport internazzjonali ta' oġġetti b'vetturi tat-triq; billi n-natura tad-dispożizzjonijiet hija hekk li tikkontribwixxi għall-iżvilupp armonjuż tal-kummerċ internazzjonali skond l-oġġettivi tal-Komunità Ekonomika Ewropea;

Billi huwa għalhekk xieraq li l-Konvenzjoni TIR għandha tkun approvata f'isem il-Komunità,

ADOTTA DAN IR-REGOLAMENT:

L-Artikolu 1

Il-Konvenzjoni Doganali fuq it-trasport internazzjonali ta' l-oġġetti taħt il-carnets TIR (Konvenzjoni TIR) ta' l-14 ta' Novembru 1975 f'Ġinevra huwa b'dan approvat f'isem il-Komunità Ekonomika Ewropea.

It-test tal-Konvenzjoni u l-Annessi tagħha huwa mehmuż ma' dan ir-Regolament.

L-Artikolu 2

Il-President tal-Kunsill huwa b'dan awtorizzat biex jiddepożita l-istrument ta' ratifika f'isem tal-Komunità skond l-Artikolu 52(1)(b) tal-Konvenzjoni [1].

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-25 ta' Lulju 1978.

Għall-Kunsill

Il-President

K. von Dohnanyi

[1] Id-data tal-bidu fis-seħħ tal-Konvenzjoni ser tkun pubblikata fil-Ġurnal Uffiċjali tal-Komunitajiet Ewropej mis-Segretarjat Ġenerali tal-Kunsill.

--------------------------------------------------