31974L0408

Id-Direttiva tal-Kunsill

tat-22 ta’ Lulju 1974

dwar l-approssimazzjoni tal-liġijiet ta’ l-Istati Membri li għandhom x’jaqsmu mal-muntaġġi nterni ta’ vetturi bil-mutur (saħħa tas-sedili u ta’ l-ankoraġġi tagħhom)

(74/408/KEE)

IL-KUNSILL TAL-KOMUNITAJIET EWROPEJ

Wara li kkunsidra it-Trattat li jistabbilixxi il-Komunità Ekonomika Ewropea, u b’mod partikolari l-Artikolu 100 tiegħu;

Wara li kkunsidra l-proposta mill-Kummissjoni;

Wara li kkunsidra l-Opinjoni tal-Parlament Ewropew [1];

Wara li kkunsidra l-Opinjoni tal-Kumitat Ekonomiku u Soċjali;

Billi l-ħtiġiet tekniċi li vetturi bil-mutur għandhom jissodisfaw skond il-liġijiet nazzjonali jirrelataw, inter alia, għall-muntaġġï nterni għas-saħħa tas-sedili u l-ankoraġġi tagħhom;

Billi dawn il-ħtiġiet ivarjaw minn Stat Membru għall-ieħor; billi huwa għalhekk neċessarju li l-Istati Membri kollha jadottaw l-istess ħtiġiet, jew flimkien ma’ jew minflok ir-regoli eżistenti tagħhom, sabiex, b’mod partikolari, jippermettu li l-proċedura dwar l-approvazzjoni ta’ tip tal-KEE li kienet ġiet stabbilita bid-Direttiva tal-Kunsill Nru 70/156/KEE [2] tas-6 ta’ Frar 1970 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip ta’ vetturi bil-mutur u l-karrijiet tagħhom tkun applikata fir-rigward ta’ kull tip ta’ vettura;

Billi ħtiġiet komuni għall-muntaġġ nterni tal-kompartament tal-passiġġieri, it-tqassim tal-kontrolli, is-saqaf, il-parti tas-sedil fejn jisserraħ id-dahar u n-naħa ta’ wara tas-sedili ġew stipulati bid-Direttiva tal-Kunsill Nru 74/60/KEE [3] tas-17 ta’ Diċembru 1973; billi l-ħtiġiet għall-muntaġġi nterni għall-imġieba tal-mekkaniżmu ta’ l-isteering fl-eventwalita ta’ impatt ġew stabbiliti bid-Direttiva tal-Kunsill 74/297/KEE [4] ta’ l-4 ta’ Ġunju 1974; billi dispożizzjonijiet oħra għall-muntaġġi interni, u b’mod partikolari dawk li jirrelataw ir-restraint tar-ras, l-ankoraġġi taċ-ċintorin ta’ sigurtà u it-tqassim tal-kontrolli, jiġu adottati f’data aktar il-quddiem;

Billi, huwa mixtieq li jiġu utilizzati bażikament ċerti ħtiġiet tekniċi adottati mill-Kummissjoni Ekonomika għall-Ewropa tan-Nazzjonijiet Uniti fir-Regolament tagħha Nru 17 [5] (Dispożizzjonijiet uniformi li jikkonċernaw l-approvazzjoni ta’ vetturi b’rigward għas-saħħa tas-sedili u ta’ l-ankoraġġi tagħhom), li hu anness mal-Ftehim ta’ l-20 ta’ Marzu 1958, li jirrigwarda l-adozzjoni ta’ kondizzjonijiet uniformi ta’ approvazzjoni u rikonoxximent reċiproku ta’ approvazzjoni għal tagħmir u partijiet ta’ vetturi bil-mutur;

Billi l-approssimazzjoni tal-liġijiet nazzjonali li jirrelataw għall-vetturi bil-mutur tinvolvi rikonoxximent reċiproku mill-Istati Membri ta’ spezzjoni li tkun saret minn kull wieħed minnhom abbażi ta’ dispożizzjonijiet komuni; billi sistema bħal din għandha, jekk għandha taħdem bla xkiel, tiġi applikata mill-Istati Membri kollha b’effett mill-istess data,

ADOTTA DIN ID-DIRETTIVA:

Artikolu 1

1. Għall-iskopijiet ta’ din id-Direttiva, "vettura" tfisser kull vettura bil-mutur disinjata għall-użu fuq it-triq, bil-karozzerija jew mingħajrha, li għandha mill-inqas erba’ roti u veloċità massima ddisinjata ta’ aktar minn 25km fis-siegħa, bl-eċċezzjoni ta’ vetturi li jimxu fuq il-linji, tratturi u makkinarju għall-agrikoltura u għall forestrija, u vetturi tax-xogħolijiet pubbliċi.

2. Din id-Direttiva ma tapplikax għal sedili b’ankoraġġi taċ-ċintorin ta’ sigurtà built-in, għal sedili li jintwew ("tip-up") jew għal sedili li jħarsu lejn il-ġenb jew lura.

Artikolu 2

L-ebda Stat Membru ma jista’ jirrifjuta li jagħti approvazzjoni ta’ tip tal-KEE jew approvazzjoni ta’ tip nazzjonali ta’ vettura għal raġunijiet relatati mas-saħħa tas-sedili jew ta’ l-ankoraġġi tagħhom jekk dawn jissodisfaw il-ħtiġiet stipulati fl-Annessi I u II meta l-vettura tappartjeni għall-kategorija M1, u l-ħtiġiet li hemm fl-Anness III meta l-vettura tappartjeni għall-kategoriji M2, M3, N1, N2 jew N3. Il-kategoriji tal-vetturi huma definiti fl-Anness I tad-Direttiva Nru 70/156/KEE.

Artikolu 3

L-ebda Stat Membru ma jista’ jirrifjuta li jirreġistra jew jipprojbixxi l-bejgħ, d-dħul fis-servizz jew l-użu ta’ xi vettura għal raġunijiet relatati mas-saħħa tas-sedili jew ta’ l-ankoraġġi tagħhom jekk dawn jissodisfaw il-ħtiġiet stipulati fl-Annessi I u II meta l-vettura tappartjeni għall-kategorija M1, u l-ħtiġiet stipulati fl-Anness III meta l-vettura tappartjeni għall-kategoriji M2, M3, N1, N2 jew N3.

Artikolu 4

L-Istat Membru li jkun ta l-approvazzjoni ta’ tip għandu jieħu l-miżuri meħtieġa sabiex jiżgura li huwa jkun infurmat dwar kull modifikazzjoni ta’ xi parti jew karatteristika imsemmija fl-Anness I, 2.2. L-awtoritajiet kompetenti ta’ dak l-Istat għandhom jiddeterminaw jekk għandhomx isiru testijiet ġodda fuq il-vettura modifikata u jsir rapport ġdid. Fejn dawn it-testijiet jiżvelaw nuqqas ta’ konformità mal-ħtiġiet ta’ din id-Direttiva, il-modifikazzjoni m’għandhiex tiġi approvata.

Artikolu 5

Modifikazzjonijiet li huma meħtieġa sabiex jadattaw id-dispożizzjonijiet ta’ l-Annessi I sa’ IV sabiex jieħdu kont tal-progress tekniku għandhom jiġu adottati b’mod konformi mal-proċedura stabbilita fl-Artikolu 13 tad-Direttiva Nru 70/156/KEE.

Artikolu 6

1. Sa l-1 ta’ Marzu 1975, l-Istati Membri għandhom jadottaw u jippubblikaw id-dispożizzjonijiet meħtieġa sabiex jikkonformaw ma’ din id-Direttiva u għandhom jinfurmaw lill-Kummissjoni minnufih b’dan.

Għandhom japplikaw dawn id-dispożizzjonijiet mill-1 ta’ Ottubru 1975.

2. Malli din id-Direttiva tkun notifikata, l-Istati Membri għandhom jiżguraw li kull abozzi ta’ liġijiet, regolamenti jew dispożizzjonijiet amministrattivi li jkun fi ħsiebhom jadottaw fil-qasam kopert minn din id-Direttiva jiġu komunikati lill-Kummissjoni fi żmien suffiċjenti sabiex din ta’ l-aħħar tissottometti l-kummenti tagħha dwarhom.

Artikolu 7

Din id-Direttiva hija indirizzata lill-Istati Membri.

Magħmula fi Brussel, fit-22 ta’ Lulju 1974.

Għall-Kunsill

Il-President

J. Sauvagnargues

[1] ĠU Ċ 108, 10.12.1973, p.75.

[2] ĠU L 42, 23.2.1970, p. 1.

[3] ĠU L 38, 11.2.1974, p. 2.

[4] ĠU L 165, ta’ l-20.6.1974, p. 16.

[5] Dokument tal-KEE minn Ġinevra.

--------------------------------------------------

ANNESS I [1]

ĠENERALI, DEFINIZZJONIJET, APPLIKAZZJONI GĦALL-APPROVAZZJONI TA’ TIP TAL-KEE, SPEĊIFIKAZZJONIJIET ĠENERALI, TESTIJIET, SPEZZJONI, KONFORMITA’TAL-PRODUZZJONI

1. ĠENERALI

1.1. L-ispeċifikazzjonijiet stipulati f’dan l-Anness japplikaw għall-vetturi fil-kategorija M1 biss.

2. DEFINIZZJONIJIET

Għall-iskopijiet ta’ din id-Direttiva:

(2.1.) 2.2. "tip ta’ vettura b’rigward għas-saħħa tas-sedili u l-ankoraġġi tagħhom": vetturi bil-mutur li ma jvarjawx fl-aspetti essenzjali bħal ma huma:

2.2.1. l-istruttura, forma, dimensjonijiet u materjali tas-sedili,

2.2.2. it-tipi u dimensjonijiet ta’ sistemi ta’ aġġustament u qfil tad-dahar tas-sedil,

2.2.3. it-tipi u dimensjonijiet ta’ l-ankoraġġ tas-sedili u tal-partijiet affettwati tal-qafas tal-karozzerija tal- vettura;

2.3. "ankoraġġ" tfisser is-sistema li biha l-armatura tas-sedil tkun imwaħħla mal-karozzerija tal-vettura, li jinkludu l-partijiet affettwati tal-qafas tal-karozzerija tal-vettura;

2.4. "sistema ta’ aġġustament" tfisser il-mezz li bih is-sedil jew il-partijiet tiegħu jistgħu jiġu aġġustati f’pożizzjoni li tixraq lill-morfoloġija ta’ l-okkupant li jkun bilqiegħda; dan il-mezz jista’, b’mod partikolari, jippermetti minn:

2.4.1. spostament lonġitudinali,

2.4.2. spostament vertikali,

2.4.3. spostament angulari;

2.5. "sistema ta’ spostament" tfisser mezz li jagħti jippermetti lis-sedil jew lil waħda mill-partijiet tiegħu li jiġi spostat b’mod angulari jew lonġitudinali, mingħajr pożizzjoni intermedjarja fissa, sabiex jiffaċilita l-aċċess mill-passiġġieri;

2.6. "sistema ta’ qfil" tfisser mezz li jiżgura li s-sedil u l-partijiet tiegħu jinżammu fil-pożizzjoni ta’ l-użu;

2.7. "sedil li jintewa (tip-up)" tfisser sedil li d-dahar tiegħu jista’ jintewa l-quddiem għal fuq is-sedil u li s-sedil tiegħu jista’ jiġi mpernjat il-quddiem f’relazzjoni ma’ l-art.

3. APPLIKAZZJONI GĦALL-APPROVAZZJONI TA’ TIP TAL-KEE

3.1. L-applikazzjoni għall-approvazjoni ta’ tip tal-KEE ta’ tip ta’ vettura b’rigward għas-saħħa tas-sedili u ta’ l-ankoraġġi tagħhom għandha tkun sottomessa mill-manifattur tal-vettura jew mir-rappreżentant awtorizzat tiegħu.

3.2. Għandha tkun akkumpanjata mid-dokumenti imsemmijin hawn taħt, fi tliet kopji, u bid-dettalji li ġejjin:

3.2.1. deskrizzjoni dettaljata tat-tip ta’ vettura b’rigward għad-disinn tas-sedili, l-ankoraġġi u s-sistemi ta’ aġġustament u qfil tagħhom,

3.2.2. tpinġijiet, fuq skala xierqa u f’dettall suffiċjenti, tas-sedili, l-ankoraġġi tagħhom mal-vettura u s-sistemi ta’ aġġustament u qfil tagħhom.

3.3. Dan li ġej għandu jiġi sottomess lis-servizz tekniku responsabbli sabiex jidderiġi t-testijiet ta’ approvazzjoni ta’ tip:

3.3.1. vettura rappreżentattiva tat-tip ta’ vettura li għandu jiġi approvat,

3.3.2. sett addizzjonali tas-sedili li bihom hija mgħammra l-vettura, flimkien ma’ l-ankoraġġi tagħhom.

4. APPROVAZZJONI TA’ TIP TAL-KEE

(4.1.) (4.2.) 4.3. Ċertifikat li jikkonforma mal-mudell muri fl-Anness IV għandu jkun mehmuż maċ-ċertifikat tal-approvazzjoni ta’ tip tal-KEE.

(4.4.) (4.4.1.) (4.4.2.) (4.5.) (4.6.) 5. SPEĊIFIKAZZJONIJIET ĠENERALI

5.1. Kull sistema ta’ aġġustament u spostament provduti għandha tinkorpora sistema ta’ qfil, li għandha taħdem b’mod awtomatiku.

5.2. Il-kontroll tal-ftuħ għal mezz kif riferut fil-punt 2.5 għandu jitqiegħed fuq in-naħa ta’ barra tas-sedil viċin tal-bieba. Għandu jkun aċċessibbli faċilment, anke għall-okkupant tas-sedil immedjatament wara s-sedil konċernat.

6. TESTIJIET

6.1. Test ta’ saħħa tad-dahar tas-sedil u tas-sistemi ta’ qfil tiegħu

6.1.1. Għal dan it-test, id-dahar tas-sedil, jekk huwa aġġustabbli, għandu jinqafel f’pożizzjoni li tikkorrespondi ma’ inklinazzjoni lura kemm jista’ jkun viċin ta’ 25° mill-vertikali tal-linja ta’ referenza tat-torso tal-manikin deskrit fil-punt 3 ta’ l-Anness II, sakemm mhux speċifikat mod ieħor mill-manifattur.

6.1.2. Forza li tipproduċi mument ta’ 53 mdaN f’relazzjoni mal-punt H għandha tiġi applikata lonġitudinament u lura mill-parti ta’ fuq tad-dahar tas-sedil permezz ta’ komponent li jissimula d-dahar tal-manikin deskritt fil-punt 3 ta’ l-Anness II.

6.2. Test ta’ saħħa ta’ l-ankoraġġ tas-sedil u tas-sistemi ta’ qfil tas-sedil

6.2.1. Is-sistemi għandhom, fil-posizzjonijiet kollha fejn okkupant joqgħod bilqiegħda, jirreżistu l-forzi preskritti fil-punt 6.2.2. Madanakollu, din il-ħtieġa tkun meqjusa sodisfatta jekk it-test li jsir fil-posizzjonijiet speċifikati fil-punt 6.2.5 u, fejn xieraq, fil-punt 6.2.6 huwa sodisfaċenti.

6.2.2. Forza lonġitudinali orizzontali li tgħaddi miċ-ċentru ta’ gravita tas-sedil komplut u ugwali għal 20 darba l-piż tas-sedil komplut għandha tiġi applikata fuq il-qafas tas-sedil. Għandhom isiru żewġ testijiet fuq l-istess sedil, il-forza tkun applikata darba fid-direzzjoni l-quddiem u darba fid-direzzjoni lura. Jekk is-sedil huwa magħmul minn partijiet separati li kull wieħed minnhom huwa marbut mal-qafas, it-testijiet għandhom isiru fuq kull parti fil-manjiera deskritta hawn fuq. Jekk is-sedil huwa magħmul minn komponenti marbutin parzjalment mall- qafas tal-karozzerija tal-vettura u joffru support lil xulxin bi ftit mill-partijiet tagħhom, it-testijiet għandhom jiġu eżekwiti b’mod simultanju billi jiġu applikati maċ-ċentru ta’ gravita ta’ kull parti l-forzi korrespondenti għal kull komponent kkunsidrat separatament.

6.2.3. Għat-test preskritt fil-punt 6.2.1, l-għaqda bejn id-dahar tas-sedil u l-kuxxin tista’ tkun rinforzata, fuq il-kondizzjoni li l-komponenti li jirrinforzaw huma marbutin mal-qafas tad-dahar tas-sedil, livell mal-punt ta’ applikazzjoni tal-forza u fl-aktar punt ta’ quddiem tal-qafas tal-kuxxin.

6.2.4. Il-kondizzjonijiet imqiegħda fil-punt 6.2.2 jistgħu jkunu kkunsidrati li ntlaħqu jekk żewġ forzi, ugwali għal nofs il-forza preskritta, jiġu applikati livell maċ-ċentru ta’ gravita mal-komponenti laterali li jerfgħu t-tagħbija tal-qafas tas-sedil.

6.2.5. Is-sedil għandu jiġi ttestjat:

6.2.5.1. fil-pożizzjoni li fiha l-okkupant ikun bilqiegħda l-aktar il-quddiem, il-kuxxin jitqiegħed fl-għola pożizzjoni l-quddiem meta l-forza tiġi applikata f’direzzjoni l-quddiem, u

6.2.5.2. fil-pożizzjoni li fiha l-okkupant ikun bilqiegħda l-aktar lura, il-kuxxin jitqiegħed fl-aktar pożizzjoni baxxa lura meta l-forza tiġi applikata f’direzzjoni lura.

6.2.6. F’każijiet fejn l-arranġament tas-sistemi ta’ qfil huwa biċ-ċar li f’pożizzjoni tas-sedil altru minn dawk definiti fil-punti 6.2.5.1 u 6.2.5.2 distribuzzjoni tal-forzi fuq is-sistemi ta’ qfil u l-ankoraġġ tas-sedil ikunu anqas favorevoli milli bil-konfigurazzjonijiet definiti f’dawk il-punti, it-testijiet għandhom jiġu ripetuti f’dik il-pożizzjoni tas-sedil.

6.3. Testijiet ta’ reżistenza tas-sistemi ta’ qfil lill-effetti ta’ inerzja

6.3.1. Jekk aċċelerazzjoni orizzontali lonġitudinali ta’ 20g tiġi applikata fid-direzzjoni l-quddiem u lura lill-armatura tas-sedil, m’għandha tkun determinabbli l-ebda rilaxxament tas-sistemi ta’ qfil.

6.3.2. Kalkulazzjoni ta’ l-effetti ta’ inerzja fuq il-komponenti kollha tas-sistemi ta’ qfil tkun tista’ tiġi aċċettata minflok it-test dinamiku preskritt fil-punt 6.3.1. Forzi frizzjonali m’għandhomx ikunu kkunsidrati f’kalkulazzjoni ta’ din ix-xorta.

6.4. Metodi ekwivalenti ta’ ttestjar għandhom ikunu permessi sakemm ir-riżultati speċifikati fil-punti 6.1, 6.2 u 6.3 jistgħu jinkisbu jew interament permezz tat-test sostitut jew b’kalkulazzjoni mir-riżultati tat-test sostitut. Jekk jintuża xi metodu ieħor altru minn dak deskritt fil-punti 6.1, 6.2 u 6.3, hija meħtieġa prova ta’ l-ekwivalenza tiegħu.

7. SPEZZJONI

7.1. L-ebda falliment m’għandu jkun determinabbli fil-qafas tas-sedil jew fl-ankoraġġ tas-sedil, sistemi ta’ aġġustament u spostament jew il-mezzi ta’ qfil tagħhom waqt it-testijiet preskritti fil-punti 6.1 u 6.2. Is-sistemi ta’ aġġustament u spostament u l-mezzi ta’ qfil tagħhom m’għandhomx, iżda, ikunu meħtieġa li jkunu fil-kondizzjoni li jaħdmu wara dawn it-testijiet. Is-sistema ta’ spostament riferuta fil-punt 2.5 għandha, iżda, tkun kapaċi li tista’ tinfetaħ wara l-ittestjar.

(8.) 9. KONFORMITA’ TA’ PRODUZZJONI

(9.1.) 9.2. Sabiex tiġi verifikata konformità mat-tip approvat, għandhom isiru numru ta’ verifiki saltwarji fuq vetturi prodotti f’serje.

9.3. Bħala regola ġenerali, il-verifiki għandhom ikunu limitati għall-kejl ta’ dimensjonijiet. Jekk meħtieġ, iżda, il-vetturi jew is-sedili għandhom ikunu suġġetti għat-testijiet li jikkonformaw mal-ħtiġiet tal-punt 6.

[1] It-test ta’ dan l-Anness I huwa bażikament simili għal dak tal-Kummissjoni Ekonomika għall-Ewropa tan-Nazzjonijiet Uniti Regolament Nru 17; b’mod partikolari s-suddiviżjonijiet tas-sezzjonijiet huma l-istess. Fejn xi punt tar-Regolament Nru 17 m’għandu l-ebda puntli jikkorrespondi miegħu f’dan l-Anness, in-numru jidher f’parentesi għar-rekord.

--------------------------------------------------

ANNESS II

PROĊEDURA GĦAD-DETERMINAZZJONI TAL-PUNT H U L-ANGOLU ATTWALI TAD-DAHAR TAS-SEDIL U SABIEX TIĠI VERIFIKATA R-RELAZZJONI TAGĦHOM MAL-PUNT R U L-ANGOLU TAD-DAHAR TAS-SEDIL IDDISINJAT

0. ĠENERALI

L-ispeċifikazzjonijiet f’dan l-Anness japplikaw lill-vetturi fil-kategorija M1 biss.

1. DEFINIZZJONIJIET

1.1. Il-punt H: ara l-punt 1.1 tad-Direttiva Nru 74/60/KEE.

1.2. Il-punt R: ara l-punt 1.2 tad-Direttiva Nru 74/60/KEE.

1.3. "Angolu tad-dahar tas-sedil" tifisser l-inklinazzjoni tad-dahar tas-sedil f’relazzjoni mal-vertikal.

1.4. "Angolu attwali tad-dahar tas-sedil" tfisser l-angolu fformat mill-vertikal tramite l-punt H bil-linja ta’ referenza tat-torso tal-ġisem uman rappreżentat mill-manikin deskritt fil-punt 3.

1.5. "Angolu ddisinjat tad-dahar tas-seat" tfisser l-angolu indikat mill-manifattur li:

1.5.1. jiddetermina l-angolu tad-dahar tas-sedil għall-aktar pożizzjoni baxxa u lura wżata fis-sewqan jew vjaġġar normali ta’ kull sedil provdut fil-vettura mill-manifattur,

1.5.2. huwa fformat fil-punt R mill-vertikal u l-linja ta’ referenza tat-torso,

1.5.3. jikkorrispondi teoretikament ma’ l-angolu attwali tad-dahar tas-sedil.

2. DETERMINAZZJONI TAL-PUNTI H

Ara l-punt 2 ta’ l-Anness IV tad-Direttiva Nru 74/60/KEE.

3. DESKRIZZONI TAL-MANIKIN

Ara l-punt 3 ta’ l-Anness IV tad-Direttiva Nru 74/60/KEE.

4. ARMAR TAL-MANIKIN

Ara l-punt 4 ta’ l-Anness IV tad-Direttiva Nru 74/60/KEE.

5. RIŻULTATI

5.1. Meta l-manikin ikun intrama kif definit fil-punt 4, il-punt H tas-sedil tal-vettura konċernat huwa l-punt H fuq il-manikin.

5.2. Kull wieħed mill-koordinati tal-punt H u l-angolu attwali tad-dahar tas-sedil għandhom jitkejjlu kemm jista’ jkun b’mod preċiż. L-istess għandu japplika mal-koordinati li jirrapreżentaw il-punti speċifiċi tal-kompartament tal-passiġġieri. Il-projezzjonijiet ta’ dawn il-punti fuq pjan vertikali lonġitudinali għandhom imbagħad jitpinġew fuq graff, li jindika wkoll l-angolu attwali tad-dahar tas-sedil imkejjel.

6. VERIFIKA TAL-POSIZZJONIJIET RELATTIVI TAL-PUNTI R U H U R-RELAZZJONI BEJN L-ANGOLU DDISINJAT TAD-DAHAR TAS-SEDIL U L-ANGOLU ATTWALI TAD-DAHAR TAS-SEDIL

6.1. Ir-riżultati tal-qisien li jkunu saru f’konformità mal-punt 5.2 għall-punt H u l-angolu attwali tad-dahar tas-sedil għandhom jiġu komparati mal-koordinati tal-punt R u l-angolu ddisinjat tad-dahar tas-sedil kif fornut mill-manifattur tal-vettura.

6.2. Il-verifika tar-relazzjoni bejn iż-żewġ punti għandha tiġi kkunsidrata sodisfaċenti għall-pożizzjoni tas-sedil in kwistjoni, sakemm il-koordinati tal-punt H jinsabu fi ħdan rettangolu l onġitudinali li l-ġnub orizzontali u vertikali tiegħu huma ta’ 30 mm u 20 mm rispettivament, u li d-dijagonali tiegħu jinterċettaw fil-punt R. Il-verifika ta’ l-angolu tad-dahar tas-sedil għandha tiġi kkunsidrata sodisfaċenti jekk l-angolu attwali tad-dahar tas-sedil huwa fi ħdan 3° ta’ l-angolu ddisinjat tad-dahar tas-sedil. Jekk jintlaħqu dawn il-kondizzjonijiet, il-punt R u l-angolu ddisinjat tad-dahar tas-sedil għandhom jintużaw għat-test u, jekk meħtieġ, il-manikin għandu jiġi aġġustat b’mod li l-punt H jiffitja mal-punt R u l-angolu attwali tad-dahar tas-sedil jiffitja ma’ l-angolu ddisinjat tad-dahar tas-sedil.

6.3. Jekk il-punt H jew l-angolu attwali tad-dahar tas-sedil ma jissodisfawx il-ħtiġiet tal-punt 6.2, għandhom isiru żewġ determinazzjonijiet oħra tal-punt H (tlieta b’kollox).

Jekk żewġ mit-tliet punti ddeterminati b’dan il-mod jinsabu fi ħdan ir-rettangolu, ir-riżultat tat-test għandu jiġi kkunsidrat li huwa sodisfaċenti

6.4. Jekk mill-anqas tnejn mit-tliet punti ddeterminati b’dan il-mod jinsabu l- barra mir-rettangolu, ir-riżultat tat-test għandu jiġi kkunsidrat li huwa sodisfaċenti.

6.5 Fil-każ imsemmi fil-punt 6.3 jew meta l-verifika ma tistax tiġi kompluta minħabba li l-manifattur tal-vettura naqas milli jipprovdi data dwar il-pożizzjoni tal-punt R, ir-riżultat medju tat-tliet determinazzjonijiet tal-punt H jista’ jintuża u jiġi kkunsidrat applikabbli fil-każijiet kollha fejn jissemma l-punt R f’din id-Direttiva.

6.6. Waqt li tkun qiegħda tiġi verifikata r-relazzjoni tal-punti R u H f’vettura fi produzzjoni kurrenti, ir-rettangolu msemmi fil-punt 6.2 ta’ hawn fuq għandu jinbidel bi kwadru li l-ġnub tiegħu jkejjlu 50 mm.

--------------------------------------------------

ANNESS III

SPEĊIFIKAZZJONIJIET ĠENERALI

1. ĠENERALI

1.1. Il-ħtiġiet imqiegħda f’dan l-Anness japplikaw għall-vetturi fil-kategoriji M2, M3, N1, N2 jew N3.

2. SPEĊIFIKAZZJONIJIET ĠENERALI

2.1. Sedili u sedili f’forma ta’ bank għandhom ikun imwaħħlin b’mod sod mal-vettura.

2.2. Sedili li jiżżerżqu u sedili f’forma ta’ bank għandhom ikunu jistgħu jinqaflu awtomatikament fil-posizzjonijiet kollha provduti.

2.3. Dahar tas-sedili aġġustabbli għandhom ikunu jistgħu jinqaflu fil-posizzjonijiet kollha provduti.

2.4. Is-sedili kollha li jistgħu jinqalbu l-quddiem jew li d-dahar tagħhom jista’ jintewa l-isfel għandhom jinqaflu awtomatikament fil-pożizzjoni normali.

--------------------------------------------------

ANNESS IV

+++++ TIFF +++++

--------------------------------------------------