This document is an excerpt from the EUR-Lex website
Document 22019D2159
Recommendation No 1/2019 of the EU-Morocco Association Council of 4 December 2019 approving the extension of the EU-Morocco Action Plan implementing the advanced status (2013-2017) by two years [2019/2159]
Rakkomandazzjoni Nru 1/2019 tal-Kunsill ta’ Assoċjazzjoni UE-Marokk tal-4 ta’ Diċembru 2019 li tapprova l-estensjoni b’sentejn tal-Pjan ta’ Azzjoni UE-Marokk għall-implimentazzjoni tal-istatus avvanzat (2013-2017) [2019/2159]
Rakkomandazzjoni Nru 1/2019 tal-Kunsill ta’ Assoċjazzjoni UE-Marokk tal-4 ta’ Diċembru 2019 li tapprova l-estensjoni b’sentejn tal-Pjan ta’ Azzjoni UE-Marokk għall-implimentazzjoni tal-istatus avvanzat (2013-2017) [2019/2159]
ST/2704/2019/INIT
ĠU L 327, 17.12.2019, p. 108–108
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
17.12.2019 |
MT |
Il-Ġurnal Uffiċjali tal-Unjoni Ewropea |
L 327/108 |
RAKKOMANDAZZJONI Nru 1/2019 TAL-KUNSILL TA’ ASSOĊJAZZJONI UE-MAROKK
tal-4 ta’ Diċembru 2019
li tapprova l-estensjoni b’sentejn tal-Pjan ta’ Azzjoni UE-Marokk għall-implimentazzjoni tal-istatus avvanzat (2013-2017) [2019/2159]
IL-KUNSILL TA’ ASSOĊJAZZJONI UE-MAROKK,
Wara li kkunsidra l-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Renju tal-Marokk, min-naħa l-oħra (1),
Billi:
(1) |
Il-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Renju tal-Marokk, min-naħa l-oħra (il-“Ftehim”) daħal fis-seħħ fl-1 ta’ Marzu 2000. |
(2) |
Skont l-Artikolu 80 tal-Ftehim, il-Kunsill ta’ Assoċjazzjoni jista’ joħroġ rakkomandazzjonijiet li jqis xierqa, bl-iskop li jintlaħqu l-objettivi tal-Ftehim. |
(3) |
Skont l-Artikolu 90 tal-Ftehim, il-Partijiet għandhom jieħdu kull miżura ġenerali jew speċifika meħtieġa biex jissodisfaw l-obbligi tagħhom skont il-Ftehim u għandhom jiżguraw li jintlaħqu l-objettivi stipulati fil-Ftehim. |
(4) |
L-Artikolu 10 tar-regoli ta’ proċedura tal-Kunsill ta’ Assoċjazzjoni jipprevedi l-possibbiltà li jinħarġu rakkomandazzjonijiet, bejn is-sessjonijiet, permezz ta’ proċedura bil-miktub. |
(5) |
Il-Pjan ta’ Azzjoni għad-dħul fis-seħħ tal-istatus avvanzat (2013-2017) (il-“Pjan ta’ Azzjoni”) ġie estiż b’sena fl-2018. L-estensjoni ulterjuri, b’sentejn, tal-Pjan ta’ Azzjoni ser tifforma l-bażi tar-relazzjonijiet UE-Marokk għas-snin 2019 u 2020 u ser tippermetti li jiġu definiti l-prijoritajiet il-ġodda għar-relazzjonijiet bejn l-UE u l-Marokk għas-snin li ġejjin, |
IRRAKKOMANDA KIF ĠEJ:
Artikolu Uniku
Il-Kunsill ta’ Assoċjazzjoni, permezz ta’ proċedura bil-miktub, jirrakkomanda l-estensjoni b’sentejn tal-Pjan ta’ Azzjoni UE-Marokk għall-implimentazzjoni tal-istatus avvanzat (2013–2017).
Magħmul fi Brussell, l-4 ta’ Diċembru 2019.
Għall-Kunsill ta’ Assoċjazzjoni UE-Marokk
Il-President
N. BOURITA