FTEHIM TA' SĦUBIJA U KOOPERAZZJONI

bejn l-Unjoni Ewropea u l-Istati Membri tagħha, minn naħa waħda, u r-Repubblika tal-Iraq, min-naħa l-oħra

IR-RENJU TAL-BELĠJU,

IR-REPUBBLIKA TAL-BULGARIJA,

IR-REPUBBLIKA ĊEKA,

IR-RENJU TAD-DANIMARKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

L-IRLANDA,

IR-REPUBBLIKA ELLENIKA,

IR-RENJU TA’ SPANJA,

IR-REPUBBLIKA FRANĊIŻA,

IR-REPUBBLIKA TALJANA,

IR-REPUBBLIKA TA’ ĊIPRU,

IR-REPUBBLIKA TAL-LATVJA,

IR-REPUBBLIKA TAL-LITWANJA,

IL-GRAN DUKAT TAL-LUSSEMBURGU,

IR-REPUBBLIKA TAL-UNGERIJA,

MALTA,

IR-RENJU TAL-PAJJIŻI L-BAXXI,

IR-REPUBBLIKA TAL-AWSTRIJA,

IR-REPUBBLIKA TAL-POLONJA,

IR-REPUBBLIKA PORTUGIŻA,

IR-RUMANIJA,

IR-REPUBBLIKA TAS-SLOVENJA,

IR-REPUBBLIKA SLOVAKKA,

IR-REPUBBLIKA TAL-FINLANDJA,

IR-RENJU TAL-ISVEZJA,

IR-RENJU UNIT TAL-GRAN BRITTANJA U L-IRLANDA TA’ FUQ,

Il-Partijiet Kontraenti għat-Trattat dwar l-Unjoni Ewropea u għat-Trattat dwar il-Funzjonament tal-Unjoni Ewropea, minn hawn ’il quddiem imsejħin "l-Istati Membri", u

L-UNJONI EWROPEA minn hawn ’il quddiem imsejħa “l-Unjoni”,

min-naħa waħda, u

R-REPUBBLIKA TAL-IRAQ minn hawn ’il quddiem imsejħa “l-Iraq”

min-naħa l-oħra,

minn hawn ’il quddiem imsejħin flimkien “il-Partijiet”,

FILWAQT LI JIĠU KKUNSIDRATI r-rabtiet bejn l-Unjoni, l-Istati Membri tagħha u l-Iraq u l-valuri komuni li jikkondividu,

FILWAQT LI JIRRIKONOXXU li l-Unjoni, l-Istati Membri tagħha u l-Iraq jixtiequ jsaħħu dawk ir-rabtiet u jistabbilixxu kummerċ u kooperazzjoni, sostnut bi djalogu politiku,

FILWAQT LI JIKKUNSIDRAW l-importanza li l-Partijiet jagħtu lill-għanijiet u l-prinċipji tal-Karta tan-Nazzjonijiet Uniti, il-ħarsien tad-drittijiet tal-bniedem, il-prinċipji tad-demokrazija u l-libertajiet politiċi u ekonomiċi, li jiffurmaw l-istess bażi tas-Sħubija,

FILWAQT LI JAFFERMAW MILL-ĠDID ir-rabta tagħhom mal-prinċipji demokratiċi u d-drittijiet tal-bniedem u l-libertajiet fundamentali stabbiliti fid-Dikjarazzjoni Universal dwar d-Drittijiet tal-Bniedem tan-Nazzjonijiet Uniti u strumenti internazzjonali oħra rilevanti dwar id-drittijiet tal-bniedem,

FILWAQT LI JIRRIKONOXXU l-importanza kbira ta' żvilupp sostenibbli u soċjali li għandu jimxi pass pass mal-iżvilupp ekonomiku;

FILWAQT LI JIRRIKONOXXU l-importanza tat-tkabbir tal-kooperazzjoni bejniethom, u r-rieda komuni tagħhom li jikkonsolidaw, japprofondixxu u jiddiversifikaw ir-relazzjonijiet tagħhom f'oqsma ta' interess reċiproku fuq il-bażi tar-rispett għas-sovranità, ugwaljanza, nondiskriminazzjoni, l-istat tad-dritt u l-governanza tajba, ir-rispett għall-ambjent naturali u l-benefiċċji reċiproċi,

FILWAQT LI JIRRIKONOXXU l-ħtieġa li jappoġġaw l-isforzi tal-Iraq biex ikompli bir-riformi politiċi u r-rijabilitazzjoni u r-riformi ekonomiċi kif ukoll jtejjeb il-kundizzjonijiet tal-għajxien tas-sezzjonijiet tal-popolazzjoni fqar u żvantaġġjati,

FILWAQT LI JIRRIKONOXXU l-ħtieġa li jissaħħaħ ir-rwol tan-nisa fl-isferi politiċi, ċivili, soċjali, ekonomiċi u kulturali, kif ukoll fil-ġlieda kontra d-diskriminazzjoni,

FILWAQT LI JIXTIEQU li joħolqu kundizzjonijiet favorevoli għal żvilupp sostanzjali u diversifikazzjoni tal-kummerċ bejn l-Unjoni u l-Iraq u jkabbru l-kooperazzjoni fl-oqsma ekonomiċi, kummerċjali, tal-investiment, tax-xjenza u tat-teknoloġija u dak kulturali.

FILWAQT LI JIMMIRAW li jippromwovu l-kummerċ u l-investiment u relazzjonijiet ekonomiċi armonjużi bejn il-Partijiet bbażati fuq il-prinċipji tal-ekonomija tas-suq,

FILWAQT LI KKUNSIDRAW il-ħtieġa li joħolqu kundizzjonijiet favorevoli għat-titjib tan-negozju u l-investiment,

KONXJI MILL-ĦTIEĠA li jtejbu l-kundizzjonijiet li jaffetwaw in-negozju u l-investiment, u l-kundizzjonijiet f'oqsma bħalma huma t-twaqqif ta' kumpaniji, ix-xogħol, il-forniment ta' servizzi u ċ-ċaqlieq tal-kapital,

B'KONT MEĦUD tad-dritt tal-Partijiet li jirregolaw il-forniment ta' servizzi fi ħdan it-territorji tagħhom u li jiggarantixxu t-twettiq tal-għanijiet leġittimi tal-politika pubblika,

B'KONT MEĦUD tal-impenn tagħhom li jeżerċitaw il-kummerċ skont il-Ftehim ta' Marakexx li Jistabbilixxi l-Organizzazzjoni Dinjija tal-Kummerċ, magħmul fil-15 ta' April 1994 (minn hawn 'il quddiem imsemmi bħala "il-Ftehim tad-WTO"), u f'dak ir-rigward ir-rispett reċiproku fl-adeżjoni tal-Iraq ma' dak il-Ftehim,

FILWAQT LI JIRRIKONOXXU l-ħtiġijiet speċifiċi tal-pajjiżi li qed jiżviluppaw taħt d-WTO,

FILWAQT LI JIRRIKONOXXU l-fatt li t-terroriżmu, il-kriminalità organizzata, il-ħasil tal-flus u t-traffikar tad-droga jirrapreżentaw theddida serja għall-istabilità u s-sigurtà internazzjonali u kif ukoll għat-twettieq tal-għanijiet tal-kooperazzjoni tagħhom,

FILWAQT LI JINNUTAW l-importanza li titrawwem u tisaħħaħ il-kooperazzjoni reġjonali,

FILWAQT LI JIKKONFERMAW li d-dispożizzjonijiet tal-Ftehim, li jaqgħu fl-ambitu tat-Titolu V tat-Tielet Parti tat-Trattat dwar il-Funzjonament tal-Unjoni Ewropea, jorbtu lir-Renju Unit u l-Irlanda, bħala partijiet kontraenti separati, u mhux bħala parti mill-Unjoni Ewropea, sakemm l-Unjoni Ewropea tinnotifika lill-Iraq li xi wieħed minn dawn l-Istati ntrabat fir-rigward ta' dawn il-materji bħala parti mill-Unjoni Ewropea skont il-Protokoll (Nru 21) dwar il-pożizzjoni tar-Renju Unit u l-Irlanda fil-konfront taż-Żona tal-Libertà, is-Sigurtà u l-Ġustizzja annessa għat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea. L-istess japplika għad-Danimarka, f'konformità mal-Protokoll (Nru 22) dwar il-pożizzjoni tad-Danimarka annessa għat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea,

FTIEHMU KIF ĠEJ:

Artikolu 1

Stabbiliment tal-Isħubija

1.   Qed tiġi stabbilta b'dan sħubija bejn l-Unjoni u l-Istati Membri tagħha, minn naħa waħda, u l-Iraq, min-naħa l-oħra.

2.   L-għanijiet ta’ din il-proposta huma:

Artikolu 2

Bażi

Ir-rispett lejn il-prinċipji demokratiċi u d-drittijiet tal-bniedem, kif stabbiliti fid-Dikjarazzjoni Universali tad-Drittijiet tal-Bniedem u strumenti internazzjonali rilevanti oħrajn dwar id-drittijiet tal-bniedem, kif ukoll il-prinċipju tal-istat tad-dritt, huwa l-bażi tal-politiki interni u internazzjonali taż-żewġ Partijiet u jikkostitwixxi element essenzjali ta’ dan il-Ftehim.

TITOLU I

ID-DJALOGU POLITIKU U L-KOOPERAZZJONI FIL-QASAM TAL-POLITIKA ESTERA U TA' SIGURTÀ

Artikolu 3

Djalogu politiku

1.   Għandu jiġi stabbilit djalogu politiku regolari bejn il-Partijiet. Dan għandu jsaħħaħ ir-relazzjonijiet ta' bejniethom, jikkontribwixxi għall-iżvilupp tas-sħubija u jżid il-komprensjoni u s-solidarjetà reċiproka.

2.   Id-djalogu politiku għandu jkopri s-suġġetti kollha ta' interess komuni, u b'mod partikolari l-paċi, il-politika estera u ta' sigurtà, id-djalogu nazzjonali u r-rikonċiljazzjoni, id-demokrazija, l-istat tad-dritt, id-drittijiet tal-bniedem, il-governanaza tajba u l-istabbiltà u l-integrazzjoni reġjonali.

3.   Id-djalogu politiku għandu jseħħ fuq bażi annwali fuq livell ministerjali u ta' uffiċjali għolja.

Artikolu 4

Ġlieda kontra t-terroriżmu

Il-Partijiet jaffermaw mill-ġdid l-importanza tal-ġlieda kontra t-terroriżmu, u f'konformità mal-konvenzjonijiet internazzjonali, id-drittijiet tal-bniedem internazzjonali, id-dritt umanitarju u tar-rifuġjati u r-rispett tagħhom għal-leġislazzjoni u għar-regolamenti jaqblu li jikkooperaw fil-prevenzjoni u s-soppressjoni tal-atti terroristiċi. Għandhom jagħmlu hekk b'mod partikolari:

Il-Partijiet jibqgħu bl-impenn tagħhom biex jilħqu ftehim dwar il-Konvenzjoni Komprensiva dwar it-Terroriżmu Internazzjonali tan-Nazzjonijiet Uniti, mill-aktar fis possibbli.

Il-Partijiet huma profondament imħassba dwar l-inċitament għal atti ta' terroriżmu u jemfasizzaw l-impenn tagħhom li jieħdu l-miżuri kollha neċessarji u xierqa skont id-dritt internazzjonali u nazzjonali, biex inaqqsu t-theddid maħluq minn tali inċitament.

Artikolu 5

Ġlieda kontra l-proliferazzjoni ta' armi ta' qerda massiva

Il-Partijiet jikkunsidraw li l-proliferazzjoni ta’ armi ta' qerda massiva (AQM) u l-mezzi tal-kunsinna tagħhom, kemm għand atturi statali u mhux statali, tirrappreżenta waħda mill-akbar theddidiet serji għall-istabbiltà u s-sigurtà internazzjonali. Il-Partijiet għalhekk jaqblu li jikkooperaw u jikkontribwixxu għall-ġlieda kontra l-proliferazzjoni tal-AQM u l-mezzi tal-kunsinna tagħhompermezz ta’ konformità sħiħa ma’ u l-implimentazzjoni nazzjonali tal-obbligi eżistenti tagħhom taħt it-trattati u l-ftehimiet dwar id-diżarm internazzjonali u n-nuqqas ta’ proliferazzjoni u taħt obbligi internazzjonali oħra li huma rilevanti. Il-Partijiet qed jaqblu li din id-dispożizzjoni ssawwar element essenzjali ta’ dan il-ftehim.

Il-Partijiet qed jaqblu wkoll li jikkooperaw u jikkontribwixxu għall-ġlieda kontra l-proliferazzjoni tal-AQM u l-mezzi ta’ kunsinna tagħhom billi:

Il-Partijiet qed jaqblu li jistabbilixxu djalogu politiku regolari li għandu jakkumpanja u jikkonsolida dawn l-elementi.

Artikolu 6

Armi ħfief u ta' kalibru żgħir

1.   Il-Partijiet jirrikonoxxu li l-manifattura, it-trasferiment u ċ-ċirkolazzjoni illegali ta’ armi ħfief u ta' kalibru żgħir (SALW), inkluż il-munizzjon tagħhom, u l-akkumulazzjoni eċċessiva tagħhom, il-ġestjoni ħażina, il-ħażniet mhux assigurati sewwa u l-firxa mhux ikkontrollata tagħhom, ikomplu joħolqu theddida serja għall-paċi u s-sigurtà internazzjonali.

2.   Il-Partijiet jaqblu li jsegwu u jimplimentaw bis-sħiħ l-obbligi rispettivi tagħhom li jiffaċċaw in-negozju illegali tal-SALW, inkluż il-munizzjon tagħhom, kif ukoll l-impenji tagħhom fi ħdan il-qafas ta' strumenti internazzjonali oħra li huma applikabbli għal dan il-qasam, bħalma hu l-Programm ta' Azzjoni tan-Nazzjonijiet Uniti biex jipprevjeni, jikkombatti u jeradika n-negozju illegali tal-armi ħfief u ta' kalibru żgħir fl-aspetti kollha tagħhom.

3.   Il-Partijiet jobbligaw ruħhom li jikkoperaw u jiżguraw il-koordinazzjoni, il-komplimentarjetà u s-sinerġija fl-isforzi tagħhom biex jiffaċċaw il-kummerċ illegali tal-SALW, inkluż il-munizzjon tagħhom, fuq livelli globali, reġjonali u nazzjonali u jaqblu li jistabbilixxu djalogu politiku regolari li se takkumpanja u tikkonsolida din l-impriża.

Artikolu 7

Il-Qorti Kriminali Internazzjonali

1.   Il-Partijiet jirrijaffermaw li l-iktar delitti li huma serji li jħassbu lill-komunità internazzjonali inġenerali għandhom jiġu kkastigati u l-prosekuzzjoni tagħhom għandha tiġi żgurata permezz ta' miżuri fil-livell domestiku jew f'dak internazzjonali.

2.   Il-Partijiet jirrikonoxxu li l-Iraq għadu mhux Stat Parti għall-Istatut ta' Ruma tal-Qorti Kriminali Internazzjonali iżda li l-Iraq qed jikkonsidra l-possibbiltà li jaċċedi għalih fil-ġejjieni. B'dan il-mod, l-Iraq se jieħu l-passi biex jaċċedi għal, jirratifika u jimplimenta l-Istatut ta' Ruma u l-istrumenti relatati.

3.   Il-Partijiet jirrijaffermaw id-detreminazzjoni tagħhom li jikkoperaw fuq din il-kwistjoni, inkluż billi jikkondividu l-esperjenza fl-adozzjoni tal-aġġustamenti legali rikjesti mid-dritt internazzjonali relevanti.

TITOLU II

KUMMERĊ U INVESTIMENTI

TAQSIMA I

Kummerċ tal-merkanzija

Kapitolu I

Dispożizzjonijiet ġenerali

Artikolu 8

Kamp ta' applikazzjoni u Kopertura

Id-dispożizzjonijiet ta' dan il-Kapitolu għandhom japplikaw għall-kummerċ tal-merkanzija bejn il-Partijiet.

Artikolu 9

Dazji Doganali

Għall-finijiet ta' dan il-kapitolu, “dazju doganali” jinkludi kull dazju jew ħlas ta’ kull għamla li jkunu ġew imposti b’rabta mal-importazzjoni jew l-esportazzjoni ta’ oġġetti, inkluża kull forma ta’ soprataxxa jew imposta miżjuda imposti fuq tali importazzjoni jew esportazzjoni jew b’rabta magħhom. "Dazju doganali" ma tinkludix:

Artikolu 10

Trattament MFN

1.   Il-Partijiet għandhom jagħtu lil xulxin trattament tal-aktar nazzjon favorit skont l-Artikolu I.1 tal-GATT 1994 u n-Noti u d-Dispożizzjonijiet Supplimentari tiegħu.

2.   Id-disposizzjonijiet tal-paragrafu 1 m' għandhomx japplikaw għal:

Artikolu 11

Trattament nazzjonali

Kull Parti għandha tagħti trattament nazzjonali lill-merkanzija tal-Parti l-oħra f'konformità mal-Artikolu III tal-GATT 1994, inklużi n-Noti u d-Dispożizzjonijiet Supplimentari tiegħu. Għal dan il-fini, l-Artikolu III tal-GATT tal-1994 u n-Noti u d-Dispożizzjonijiet Supplimentari tiegħu huma inkorporati u integrati f'dan il-Ftehim, mutatis mutandis.

Artikolu 12

Politika dwar it-tariffi

1.   Il-prodotti li joriġinaw fl-Iraq u li jiġu importati fl-Unjoni għandhom ikunu suġġetti għat-tariffa MFN tal-Unjoni. L-ebda dazji doganali li jeċċedu dawk applikati għall-importazzjonijiet minn Membri tad-WTO f'konformità mal-Artikolu I tal-GATT 1994 ma għandhom jiġu applikati għal prodotti li joriġinaw fl-Iraq u jiġu importati fl-Unjoni.

2.   Il-prodotti li joriġinaw fl-Unjoni għandhom, fil-waqt tal-importazzjoni tagħhom fl-Iraq, ma jkunux suġġetti għal dazji doganali li jeċċedu r-rata preżenti tal-Imposta tar- Rikostruzzjoni ta' 8% fuq l-oġġetti importati.

3.   Il-Partijiet jaqblu li sakemm l-Iraq jaderixxi mad-WTO, il-Partijiet jistgħu jemendaw il-livell ta' dazji doganali fuq l-importazzjonijiet wara konsultazzjoni reċiproka bejn il-Partijiet.

4.   Jekk, wara li jkun iffirmat dan il-Ftehim, jiġi applikat tnaqqis fit-tariffa mill-Iraq fuq l-importazzjonijiet fuq bażi erga omnes, partikolarment tnaqqis li jkun ġej minn negozjati fid-WTO, dawn id-dazji doganali mnaqqsin għandhom jiġu applikati għall-importazzjonijiet li joriġinaw fl-Unjoni u għandhom jieħdu post id-dazju bażiku jew Imposta tar-Rikostruzzjoni mid-data meta tali tnaqqis ikun applikat.

Artikolu 13

Applikazzjoni tad-dispożizzjonijiet rilevanti tal-GATT 1994

L-Artikoli li ġejjin tal-GATT 1994 għandhom jiġu inkorporati u integrati fil-Ftehim u għandhom japplikaw bejn il-Partijiet, mutatis mutandis.

Artikolu 14

Deskrizzjoni Armonizzata tal-Komodità

Il-klassifikazzjoni tal-merkanzija fil-kummerċ bejn il-Partijiet għandha tkun stabbilita f'kull nomenklatura tat-tariffi rispettiva tal-Partijiet interpretata f'konformità mas-Sistema Armonizzata tal-Konvenzjoni Internazzjonali dwar is-Sistema Armonizzata tad-Deskrizzjoni u Kodifika tal-Merkanzija, magħmula fi Brussel fl-14 ta' Ġunju 1983 (minn hawn 'il quddiem imsejjaħ “HS”).

Artikolu 15

Ammissjoni temporanja tal-merkanzija

Mingħajr preġudizzju għad-drittijiet u l-obbligi naxxenti mill-konvenzjonijiet internazzjonali dwar l-ammissjoni temporanja tal-merkanzija li jorbtu ż-żewġ Partijiet, kull Parti għandha tikkonċedi lill-Parti l-oħra eżenzjoni mill-ħlasijiet u dazji ta' importazzjoni fuq l-oġġetti ammessi temporanjament. Il-proċedura ta' ammissjoni temporanja għandha tiġi applikata billi jittieħdu inkunsiderazzjoni l-kundizzjonijiet li taħthom l-obbligi naxxenti minn tali konvenzjonijiet ġew aċċettati mill-Partijiet inkwistjoni.

Artikolu 16

Projbizzjoni ta' restrizzjonijiet kwantitattivi

L-Unjoni u l-Iraq għandhom, mad-dħul fis-seħħ ta' dan il-Ftehim, jabolixxu u ma għandhomx jadottaw jew iħallu ebda restrizzjoni fuq l-importazzjonijiet jew esportazzjonijiet ta' bejniethom jew ebda miżura li għandha effett ekwivalenti skont l-Artikolu XI tal-GATT 1994 u n-Noti u d-Dispożizzjonijiet Supplimentari tiegħu. Għal dan il-fini, l-Artikolu XI tal-GATT tal-1994 u n-Noti u d-Dispożizzjonijiet Supplimentari tiegħu huma inkorporati u integrati f'dan il-Ftehim, mutatis mutandis.

Artikolu 17

Dazji fuq l-esportazzjoni

L-ebda waħda mill-partijiet ma tista' żżomm jew tistitwixxi ebda dazju doganali, taxxa jew miżati u ħlasijiet oħra imposti fuq l-esportazzjoni ta’ prodotti, jew b’rabta magħha, lill-Parti l-oħra. L-ebda Parti ma tista' żżomm jew tistitwixxi ebda taxxa, miżata jew ħlasijiet interni oħrajn fuq prodotti esportati lill-Parti l-oħra li jkunu aktar minn dawk imposti fuq prodotti simili destinati għall-bejgħ intern.

Kapitolu II

Strumenti tar-rimedji tal-kummerċ

Artikolu 18

Anti-Dumping

1.   Xejn f'dan il-Ftehim ma għandu jżomm lill-Partijiet milli jadottaw miżuri anti-dumping jew kumpensatorji skont l-Artikolu VI tal-GATT 1994, inklużi n-Noti u d-Dispożizzjonijiet Supplimentari tiegħu, u l-Ftehim dwar l-Implimentazzjoni tal-Artikolu VI tal-Ftehim Ġenerali dwar it-Tariffi u l-Kummerċ 1994 u mal-Ftehim tad-WTO dwar is-Sussidji u l-Miżuri Kumpensatorji.

2.   Dan l-Artikolu ma għandux ikun suġġett għad-dispożizzjonijiet tat-Taqsima VI tat-Titolu II ta' dan il-Ftehim.

Artikolu 19

Miżuri ta’ salvagwardja

1.   Xejn f'dan il-Ftehim ma għandu jżomm lill-Partijiet milli jadottaw il-miżuri skont l-Artikolu XIX tal-GATT 1994 u l-Ftehim tad-WTO dwar is-Salvagwardji.

2.   Dan l-Artikolu ma għandux ikun suġġett għad-dispożizzjonijiet tat-Taqsima VI tat-Titolu II ta' dan il-Ftehim.

Kapitolu III

Eċċezzjonijiet

Artikolu 20

Eċċezzjonijiet Ġenerali

Id-dispożizzjonijiet tal-Artikolu XX tal-GATT 1994, inklużi n-Noti u d-Dispożizzjonijiet Supplimentari tiegħu, u l-Artikolu XXI tal-GATT 1994, li huma inkorporati u integrati f'dan il-Ftehim, għandhom japplikaw bejn il-Partijiet, mutatis mutandis.

Kapitolu IV

Kwistjonijiet mhux tariffarji

Artikolu 21

Standards industrijali u evalwazzjoni ta' konformità, regolamenti tekniċi

1.   Relazzjonijiet mal-Ftehim tad-WTO dwar l-Ostakli Tekniċi għall-Kummerċ

Id-dispożizzjonijiet tal-Ftehim tad-WTO dwar l-Ostakli Tekniċi għall-Kummerċ (minn hawn 'il quddiem imsejjaħ “Ftehim TBT”), li hu inkorporat u integrat f'dan il-Ftehim, għandu japplika bejn il-Partijiet, mutatis mutandis.

2.   Kamp ta' applikazzjoni u kopertura

Id-dispożizzjonijiet ta' dan il-Kapitolu japplikaw għall-preparazzjoni, l-adozzjoni u l-applikazzjoni tar-regolamenti tekniċi, standards u proċeduri ta' evalwazzjoni ta' konformità, kif definit fil-Ftehim TBT.

3.   Objettivi

L-objettivi ta' kooperazzjoni fl-oqsma tar-regolamenti tekniċi, l-istandards u l-proċeduri ta' evalwazzjoni ta' konformità bejn il-Partijiet għandhom ikunu:

4.   Regolamenti tekniċi, standards u proċeduri ta' evalwazzjoni ta' konformità

5.   Transparenza u notifika

Kapitolu V

Miżuri sanitarji u fitosanitarji

Artikolu 22

Miżuri sanitarji u fitosanitarji

1.   Il-Partijiet għandhom jikkooperaw fil-qasam tal-miżuri Sanitarji u Fitosanitarji bil-għan li jiffaċilitaw il-kummerċ filwaqt li jipproteġu l-ħajja jew is-saħħa umana, tal-annimali jew tal-pjanti. Id-dispożizzjonijiet tal-Ftehim tad-WTO dwar l-Applikazzjoni tal-Miżuri Sanitarji u Fitosanitarji (minn hawn 'il quddiem imsejjaħ “Ftehim SPS”), li hu inkorporat u integrat f'dan il-Ftehim, għandu japplika bejn il-Partijiet, mutatis mutandis.

2.   Fuq talba, il-Partijiet jistgħu jidentifikaw u jindirizzaw il-problemi li jistgħu jinqalgħu bl-applikazzjoni ta’ miżuri speċifiċi marbuta mal-SPS bil-ħsieb li jintlaħqu soluzzjonijiet li jkunu reċiprokament aċċettabbli.

TAQSIMA II

Kummerċ fis-servizzi u l-istabbiliment

Artikolu 23

Kopertura

1.   Din it-Taqsima tistabbilixxi l-arranġamenti neċessarji għal-liberalizzazzjoni progressiva tas-servizzi kummerċjali u l-istabbiliment bejn il-Partijiet.

2.   Din it-Taqsima tapplika għall-miżuri li jaffettwaw il-kummerċ fis-servizzi u l-istabbiliment fl-attivitajiet ekonomiċi kollha, bl-eċċezzjoni ta':

3.   Xejn f'din it-Taqsima ma għandha tiġi meqjusa li timponi xi obbligu fir-rigward tal-akkwist pubbliku tal-gvern.

4.   Id-disposizzjonijiet ta' din it-Taqsima m'għandhomx japplikaw għal sussidji mogħtija mill-Partijiet.

5.   B’mod konsistenti mad-dispożizzjonijiet ta’ din it-Taqsima, il-Partijiet jirriżervaw id-dritt li jirregolaw u jintroduċu regolamenti ġodda sabiex ikunu sodisfatti l-għanijiet leġittimi tal-politika.

Artikolu 24

Definizzjonijiet

Għall-finijiet ta’ din it-Taqsima:

Artikolu 25

1.   Mid-dħul fis-seħħ ta' dan il-Ftehim l-Unjoni għandha testendi għas-servizzi jew għall-fornituri tas-servizzi tal-Iraq it-trattament li jirriżulta mill-iskeda ta' impenji speċifiċi tal-Unjoni u l-Istati Membri tagħha dwar it-trattament nazzjonali u l-aċċess għas-suq taħt Ftehim Ġenerali dwar il-Kummerċ fis-Servizzi (minn hawn 'il quddiem imsejjaħ bħala “GATS”).

2.   Mid-dħul fis-seħħ ta' dan il-Ftehim, u suġġett għall-paragrafu 3, l-Iraq għandu jagħti lis-servizzi, il-fornituri tas-servizzi, stabbilimenti u investituri tal-Unjoni fis-settur tas-servizzi u f'dak li mhux tas-servizzi, trattament mhux inqas favorevoli minn dak mogħti lil servizzi simili, fornituri ta' servizzi, stabbilimenti u investituri tal-Iraq jew lil servizzi simili, fornituri ta' servizzi, stabbilimenti u investituri ta' kawlunkwe pajjiż terz, liema wieħed minnhom hu l-aħjar.

3.   L-Iraq jista' jimmodifika t-trattament konċess lis-servizzi, il-fornituri tas-servizzi, l-istabbilimenti u l-investituri tal-Unjoni billi jissuġġettah għall-kondizzjonijiet u l-kwalifiki li jirriżultaw fi trattament inqas favorevoli minn dak konċess lis-servizzi, il-fornituri tas-servizzi, l-istabbilimenti u l-investituri tagħha stess. Tali modifika għandha tirrispetta il-kondizzjonijiet li ġejjin:

4.   Mingħajr preġudizzju għall-benefiċċji emerġenti mit-trattament konċess lis-servizzi, il-fornituri tas-servizzi, l-istabbilimenti u l-investituri tal-Unjoni skont il-paragrafu 2 ta' dan l-Artikolu, wara l-adeżjoni tiegħu mad-WTO, l-Iraq għandu wkoll jestendi għas-servizzi jew għall-fornituri tas-servizzi tal-Unjoni t-trattament li jirriżulta mill-iskeda tiegħu ta' impenji skont il-GATS.

Artikolu 26

1.   It-trattament tal-aktar nazzjon iffavorit mogħti skont id-dispożizzjonijiet ta’ din it-Taqsima m’għandux japplika għall-vantaġġi fiskali li l-Partiiet qed jipprovdu jew se jipprovdu fil-futur fuq il-bażi ta’ ftehimiet li huma mfassla sabiex ikunu evitati l-arranġamenti ta’ tassazzjoni doppja jew arranġamenti fiskali oħra.

2.   Xejn f'din it-Taqsima m’għandu jiġi interpretat bħala li qed jipprevjeni l-adozzjoni jew l-infurzar min-naħa tal-Partijiet ta’ kwalunkwe miżura li hija mmirata biex tipprevjeni l-evitar tat-taxxi skont id-dispożizzjonijiet fiskali tal-ftehimiet sabiex ikunu evitati arranġamenti ta’ tassazzjoni doppja u arranġamenti fiskali oħra jew tal-leġislazzjoni fiskali domestika.

3.   Xejn f'din it-Taqsima m'għandu jiġi interpretat sabiex jostakola lill-Istati Membri u lill-Iraq milli ssir distinzjoni, fl-applikazzjoni tad-dispożizzjonijiet rilevanti tal-leġislazzjoni fiskali tagħhom, bejn min iħallas it-taxxa meta mhumiex f'sitwazzjonijiet identiċi, partikolarment fir-rigward tal-post tar-residenza tagħhom.

Artikolu 27

Ftehimiet oħra

Xejn f’din it-Taqsima m’għandu jitqies bħala li jillimita d-drittijiet tal-investituri tal-Partijiet li jibbenefikaw minn kwalunkwe trattament aktar favorevoli pprovdut fi kwalunkwe ftehim internazzjonali eżistenti jew futur relatat mal-investiment li għalih ikunu Partijiet Stat Membru tal-Unjoni u l-Iraq.

Artikolu 28

Trasparenza

Kull Parti għandha twieġeb fil-pront għat-talbiet kollha mill-Parti l-oħra għal informazzjoni speċifika dwar xi waħda mill-miżuri tagħha ta' applikazzjoni ġenerali jew dwar ftehimiet internazzjonali li jappartjenu jew jaffetwaw lil dan il-Ftehim Kull Parti għandha tistabbilixxi wkoll ċentru ta' informazzjoni wieħed jew aktar sabiex jipprovdu, meta mitluba, informazzjoni speċifika lil investituri u lil fornituri ta’ servizzi tal-Parti l-oħra dwar il-kwistjonijiet kollha bħal dawn. Tali punti ta' informazzjoni huma elenkati fl-ANNESS 3. Punti ta’ informazzjoni ma għandhomx ikunu depożitarji ta’ liġijiet u regolamenti.

Artikolu 29

Eċċezzjonijiet

1.   Id-dispożizzjonijiet ta' din it-Taqsima huma suġġetti għall-eċċezzjonijiet li jinsabu f'dan l-Artikolu. Mingħajr ħsara għar-rekwiżit li dawn il-miżuri ma jkunux applikati b’mod li jikkostitwixxu mezz ta’ diskriminazzjoni arbitrarja u mhux ġustifikabbli bejn il-pajjiżi fejn jipprevalu kundizzjonijiet simili, jew restrizzjoni fuq il-kummerċ fis-servizzi moħbija, xejn f’din it-Taqsima ma għandu jinftiehem li ma jħallix l-adozzjoni jew l-infurzar minn xi Parti ta’ miżuri:

2.   Id-disposizzjonijiet ta' din it-Taqsima m'għandhomx japplikaw għas-sistemi ta' sigurtà soċjali rispettivi tal-Partijiet jew għal attivitajiet fit-territorju ta' kull Parti, li huma marbuta, ukoll okkażjonalment, mal-eżerċizzju ta' awtorità uffiċjali.

3.   Id-dispożizzjonijiet ta' din it-Taqsima ma għandhomx japplikaw għal miżuri li jaffetwaw persuni naturali li jkunu qegħdin ifittxu aċċess għas-suq tal-impjieg ta’ Parti, u lanqas ma għandu japplika għal miżuri fejn jidħlu ċittadinanza, residenza jew impjieg fuq bażi permanenti.

4.   Xejn f'din it-Taqsima ma għandu jżomm lil xi Parti milli japplika miżuri sabiex jirregola d-dħul ta’ persuni naturali, jew qagħda temporanja, fit-territorju tagħha, inklużi dawk il-miżuri neċessarji sabiex jipproteġu l-integrità u biex jiżguraw il-moviment ordnat ta’ persuni naturali fuq il-konfini tiegħu, sakemm, b'dawn il-miżuri ma tkunx qed tapplikom b’manjiera li tannulla jew tfixkel il-benefiċċji favur il-Parti l-oħra skont l-Artikolu 25.

5.   Xejn f'din it-Taqsima ma japplika għal attivitajiet imwettqa minn awtorità ta' bank ċentrali jew minn awtorità monetarja jew minn kwalunkwe entità pubblika oħra sabiex jiġu sodisfatti politiki monetarji jew ta' rati tal-kambju.

6.   Xejn f'din it-Taqsima ma għandu jiġi interpretat li jipprevjeni Parti, inklużi l-entitajiet pubbliċi, milli esklussivament iwettqu jew jipprovdu fit-territorju tagħha attivitajiet jew servizzi f'isem jew jew bil-garanzija jew bl-użu tar-riżorsi finanzjarji pubbliċi tal-Parti, jew tal-entitajiet pubbliċi tagħha.

7.   Id-dispożizzjonijiet ta’ din it-Taqsima m’għandhomx jippreġudikaw l-applikazzjoni minn kull Parti ta’ miżuri li jkunu meħtieġa biex tkun evitata l-evażjoni tal-miżuri tal-Ftehim li jolqtu l-aċċess ta’ pajjiż terz għas-suq tagħha bid-dispożizzjonijiet ta’ dan il-Ftehim.

Artikolu 30

Eċċezzjonijiet ta’ Sigurtá

Xejn f'dan il-Ftehim m'għandu jiġi interpretat bħala:

Artikolu 31

Il-liberalizzazzjoni progressiva tal-kummerċ fis-servizzi u l-istabbiliment

Kif jippermettu ċ-ċirkostanzi, inkluża s-sitwazzjoni naxxenti mill-adeżjoni tal-Iraq mad-WTO, il-Kunsill ta' Kooperazzjoni jista' jagħmel rakkomandazzjonijiet lill-Partijiet biex jespandu progressivament il-kummerċ fis-servizzi u tal-istabbiliment bejniethom u jiżguraw konsistenza sħiħa mad-dispożizzjonijiet tal-GATS, prinċipalment mal-Artikolu V. Fejn jiġu aċċettati, dawk ir-rakkomandazzjonijiet jistgħu jidħlu fis-seħħ permezz ta' ftehimiet bejn il-Partijiet.

TAQSIMA III

Dispożizzjonijiet li jaffetwaw in-negozju u l-investiment

Artikolu 32

Inkoraġġiment tal-investiment

Il-Partijiet għandu jinkoraġġixxu żieda fl-investiment li huwa ta' benefiċċju reċiproku billi jistabbilixxu klima aktar favorevoli għall-investiment privat.

Artikolu 33

Punti ta' kuntatt u skambju ta' informazzjoni

Sabiex tiġi ffaċilitata komunikazzjoni bejn il-Partijiet dwar xi kwistjoni ta' kummerċ relatata mal-investiment privat, kull Parti għandha taħtar punt ta' kuntatt. Fuq it-talba ta' xi waħda mill-Partijiet, il-punt ta' kuntatt tal-Parti l-oħra għandu jindika l-uffiċċju jew l-uffiċjal responsabbli għall-kwistjoni u jipprovdi s-sostenn meħtieġ għall-faċilitazzjoni ta' komunikazzjoni mal-Parti li tagħmel it-talba.

TAQSIMA IV

Pagamenti kurrenti u kapital

Artikolu 34

Objettiv u kamp ta’ applikazzjoni

1.   Il-Partijiet għandhom jimmiraw lejn il-liberalizzazzjoni ta' pagamenti kurrenti u l-moviment ta' kapital bejniethom, skont l-impenji meħuda fil-qafas tal-istituzzjonijiet finanzjarji internazzjonali.

2.   Din it-Taqsima tapplika għall-pagamenti kollha kurrenti u għall-movimenti kollha ta' kapital bejn il-Partijiet.

Artikolu 35

Kont kurrenti

Il-Partijiet għandhom jippermettu l-użu ta' valuta liberament konvertibbli, skont l-Artikoli tal-Ftehim tal-Fond Monetarju Internazzjonali, fi kwalunkwe pagamenti u trasferimenti tal-kont kurrenti bejn il-Partijiet.

Artikolu 36

Kont kapitali

Mid-dħul fis-seħħ ta' dan il-Ftehim, il-Partijiet għandhom jippermettu l-moviment liberu ta' kapital li għandhom x'jaqsmu ma' investimenti diretti magħmula skont il-liġijiet tal-pajjiż li jospita u ma' investimenti stabbiliti skont id-disposizzjonijiet ta' dan il-Ftehim, u l-likwidazzjoni jew ir-ripatrijazzjoni ta' dawn il-kapitali u ta' kull profitt li jirriżulta minnhom.

Artikolu 37

Standstill

Il-Partijiet m'għandhomx jintroduċu xi restrizzjonijiet ġodda fuq pagamenti kurrenti u movimenti ta' kapital bejn ir-residenti tagħhom u m'għandhomx jagħmlu l-arranġamenti eżistenti iktar ristrettivi.

Artikolu 38

Miżuri ta’ salvagwardja

1.   Fejn, f'ċirkostanzi eċċezzjonali, il-movimenti ta' kapital bejn l-Unjoni u l-Iraq joħolqu, jew ikun hemm it-theddida li joħolqu, diffikultajiet serji għall-operazzjoni tal-politika tar-rata ta' kambju jew tal-politika monetarja fl-Unjoni jew fl-Iraq, l-Unjoni jew l-Iraq, rispettivament, jistgħu jieħdu miżuri ta' salvagwardja fir-rigward ta' movimenti ta' kapital bejn l-Unjoni u l-Iraq għal perjodu li ma jeċċedix sitt xhur jekk dawn il-miżuri huma strettament neċessarji.

2.   Il-Parti li tadotta l-miżuri ta' salvagwardja għandha tinforma lill-Parti l-oħra minnufih u tippreżenta, malajr kemm jista' jkun, skeda dwar it-tneħħija tagħhom.

Artikolu 39

Dispożizzjonijiet finali

1.   Xejn f'din it-taqsima m’għandu jillimita d-drittijiet tal-operaturi ekonomiċi tal-Partijiet milli jibbenefikaw minn kwalunkwe trattament aktar favorevoli li jista’ jkun previst fi kwalunkwe ftehim bilaterali jew multilaterali eżistenti li jinvolvi lill-Partijiet.

2.   Il-Partijiet għandhom jikkonsultaw lil xulxin sabiex jiffaċilitaw il-moviment tal-kapital bejniethom sabiex jippromwovu l-għanijiet ta’ dan il-Ftehim.

TAQSIMA V

Kwistjonijiet relatati mal-kummerċ

Kapitolu I

Intrapriżi kummerċjali tal-istat

Artikolu 40

1.   Il-Partijiet jimmiraw li jikkonformaw mad-dispożizzjonijiet tal-Artikolu XVII tal-GATT tal-1994, in-Noti u d-Dispożizzjonijiet Supplimentari tiegħu u l-Ftehim tad-WTO dwar l-Interpretazzjoni tal-Artikolu XVII tal-Ftehim Ġenerali dwar it-Tariffi u l-Kummerċ 1994, li huma inkorporati u integrati f'din il-parti tal-Ftehim, mutatis mutandis.

2.   Jekk waħda mill-Partijiet titlob l-informazzjoni mill-Parti l-oħra dwar każijiet individwali ta' intrapriżi kummerċjali tal-istat, dwar il-mod tal-operazzjoni tagħhom u l-effet tal-operazzjonijiet tagħhom fuq il-kummerċ bilaterali, il-Parti mitluba għandha tiżgura t-trasparenza massima possibbli mingħajr ħsara għall-Artikolu XVII.4(d) tal-GATT 1994 dwar l-informazzjoni kunfidenzjali.

3.   Kull Prtai għandha tiżgura li kwalunkwe intrapriża kummerċjali tal-Istat li hija fornitriċi ta' xi oġġett jew servizz għndha tikkonforma mal-obbligu tal-Parti skont dan il-Ftehim.

Kapitolu II

Akkwist pubbliku

Artikolu 41

Introduzzjoni

1.   Il-Partijiet jirrikonoxxu il-kontribut tas-sejħiet għall-offerti li jkunu trasparenti, kompetittivi u miftuħa jagħtu lill-iżvilupp ekonomiku sostenibbli u jiffissaw bħala l-għan tagħhom, il-ftuħ effettiv, reċiproku u gradwali tas-swieq tal-akkwist rispettiv tagħhom.

2.   Għall-finijiet ta' dan il-Kapitolu:

Artikolu 42

Kamp ta' applikazzjoni u Kopertura

1.   Dan il-Kapitolu japplika għal kwalunkwe miżura koperta bl-akkwist. Għall-finijiet ta' dan il-Kapitolu, akkwist kopert ifisser għall-finijiet governattivi:

2.   Ħlief fejn hu previst, dan il-Kapitolu ma japplikax għal:

3.   Kull Parti għandha tiddefinixxi u tispeċifika l-informazzjoni li ġejja fis-Subannessi tal-Appendiċi I tal-ANNESS 1 għal dan il-Ftehim.

4.   Fejn entità akkwirenti, fil-kuntest ta' akkwist kopert, tobbliga persuni li mhumiex koperti taħt is-Subannessi tal-Appendiċi I tal-ANNESS 1 għal dan il-Ftehim,ta' Parti, biex jakkwistaw f'konformità ma' rekwiżiti partikolari, li għalihom għandu japplika l-Artikolu 43 mutatis mutandis.

5.   Fl-istimar tal-valur tal-akkwist għall-finijiet tal-aċċertament ta' jekk huwiex akkwist kopert, entità akkwirenti m'għandhiex la tifred l-akkwist f'akkwisti separati u lanqas tagħżel jew tuża metodu ta' evalwazzjoni partikolari għall-istimar tal-valur tal-akkwist bl-intenzjoni li teskludieh totalment jew parzjalment mill-applikazzjoni ta' dan il-Kapitolu.

6.   Xejn f'dan il-Kapitolu m'għandu jiġi interpretat li jipprevjeni lill-kwalunkwe Parti li tieħu azzjoni jew li ma tiżvelax kwalunkwe informazzjoni li hija tikkunsidra neċessarja għall-protezzjoni tas-sigurtà essenzali tagħha relatati mal-akkwist ta' armi, munizzjon jew materjal tal-gwerra, jew għall-akkwist indispesabbli għas-sigurtà nazzjonali jew għall-finijiet ta' difiża nazzjonali.

7.   Suġġett għar-rekwiżiti li miżuri bħal dawn mhumiex applikati b' mod li jikkostitwixxu mezz tal-arbitraġġ jew diskriminazzjoni mhux ġustifikata bejn pajjiżi fejn l-istess kundizzjonijiet jipprevalu jew restrizzjoni moħbija dwar il-kummerċ internazzjonali, xejn f'dan il-ftehim m'għandu jitqies biex jippreveni kwalunkwe Parti milli timponi jew tinforza miżuri:

Artikolu 43

Prinċipji Ġenerali

1.   Fir-rigward ta' kwalunkwe miżura u kwalunkwe akkwist kopert, kull Parti, inklużi l-entitajiet tal-akkwist tagħha, għandha tagħti immedjatament u mingħajr ebda kondizzjoni lill-prodotti u lis-servizzi tal-Parti l-oħra u lill-fornituri tal-Parti l-oħra li joffru l-prodotti jew is-servizzi, trattament mhux inqas favorevoli mit-trattatment li l-Parti, inklużi l-entitajiet tal-akkwist tagħha, tagħti lill-prodotti, lis-servizzi u lill-fornituri domestiċi.

2.   Fir-rigward ta' kwalunkwe miżura dwar l-akkwist kopert, Parti, inklużi l-entitajiet akkwirenti tagħha, ma għandhomx:

3.   Fir-rigward ta' kwalunkwe liġijiet, regolamenti, proċeduri u prattiċi li għandhom x’jaqsmu mal-akkwist pubbliku, kif ukoll fil-konfront ta' akkwisti speċifiċi, minn awtoritajiet pubbliċi fil-livelli kollha, miftuħa għal oġġetti, servizzi u fornituri ta’ pajjiżi terzi, l-Iraq għandu jipprovdi lil oġġetti u l-fornituri tal-Unjoni trattament li ma jkunx inqas favorevoli minn dak mogħti lil oġġetti, servizzi u fornituri barranin ta’ kwalunkwe pajjiż terz.

4.   Meta tagħmel akkwist kopert b’mezzi elettroniċi, entità akkwirenti għandha:

5.   Entità akkwirenti għandha twettaq akkwist kopert b'mod trasparenti u imparzjali li jevita kunflitt ta' interessi u jipprevjeni prattiċi ta' korruzzjoni u li huwa konsistenti ma' dan il-Kapitolu.

6.   Għall-finijiet tal-akkwist kopert, l-ebda Parti ma tista' tapplika regoli tal-oriġini għal oġġetti jew servizzi importati jew forniti mill-Parti l-oħra li jkunu differenti mir-regoli tal-oriġini li l-Parti tapplika fl-istess ħin fil-kors normali tal-kummerċ għall-importazzjonijiet jew fornimenti tal-istess oġġetti jew servizzi mill-istess Parti.

Artikolu 44

Pubblikazzjoni ta’ informazzjoni addizzjonali

1.   Kull Parti għandha:

2.   Kull Parti għandha tinnotifika fil-pront lill-Parti l-oħra dwar kwalunkwe modifika li ssir fl-informazzjoni tal-Parti elenkati fl-Appendiċi II jew III tal-ANNESS 1 għal dan il-Ftehim.

Artikolu 45

Pubblikazzjoni ta’ avviżi

1.   Għal kull akkwist kopert, minbarra fiċ-ċirkostanzi deskritti fl-Artikolu 52, l-entità akkwirenti għandha tippubblika avviż tal-akkwist programmat, fil-medja xierqa elenkati fl-Appendiċi III tal-ANNESS 1 għal dan il-Ftehim. Kull avviż bħal dan għandu jinkludi l-informazzjoni stabbilita fl-Appendiċi IV tal-ANNESS 1 għal dan il-Ftehim. Dawn l-avviżi għandhom ikunu aċċessibbli b'mezzi elettroniċi li jkunu mingħajr ħlas minn punt uniku ta' aċċess.

2.   Għal kull każ ta' akkwist programmat, l-entità akkwirenti għandha tippubblika avviż sommarju li jista' jkun faċilment aċċessibbli, fl-istess ħin bħall-pubblikazzjoni tal-avviż tal-akkwist programmat, f'waħda miż-żewġ lingwi tad-WTO. l-avviż sommarju għandu mill-inqas ikollu l-informazzjoni li ġejja:

3.   L-entitajiet akkwirenti jiġu inkoraġġiti jippubblikaw kemm jista' jkun kmieni f'kull sena fiskali avviż rigward il-pjanijiet futuri tal-akkwist li għandhom (minn hawn 'il quddiem imsejjaħ "avviż tal-akkwist programmat"). L-avviż għandu jinkludi s-suġġett tal-akkwist u d-data ppjanta tal-pubblikazzjoni tal-avviż tal-akkwist ippjanat.

4.   L-entità tal-akkwist elenkata fis-Subanness 2 tal-Appendiċi I tal-ANNESS 1 għal dan il-Ftehim jista' juża avviż ta' akkwist pjanat bħala avviż ta' akkwist programmat sakemm jinkludi fih kemm jista' jkun informazzjoni fl-Appendiċi IV tal-ANNESS 1 għal dan il-Ftehim kif ikun disponibbli u dikjarazzjoni li l-fornituri interessati għandhom jesprimu l-interess tagħhom fl-akkwist tal-entità akkwirenti.

Artikolu 46

Kondizzjonijiet għall-parteċipazzjoni

1.   L-entità akkwirenti għandha tillimita l-kundizzjonijiet għall-parteċipazzjoni fl-akkwist ta' dawk li huma essenzjali biex jiżguraw li l-fornitur għandu l-kapaċitajiet legali u finanzjarji u l-abbiltajiet kummerċjali u tekniċi li jagħmel l-akkwist relevanti.

2.   Fl-evalwazzjoni ta' jekk fornitur jissodisfax il-kundizzjonijiet għall-parteċipazzjoni, l-entità akkwirenti:

3.   Meta tagħmel din l-evalwazzjoni, l-entità akkwirenti għandha tibbaża l-evalwazzjoni tagħha fuq il-kondizzjonijiet li speċifikat minn qabel fl-avviżi jew fid-dokumentazzjoni tas-sejħiet tal-offerti.

4.   l-entità akkwirenti għandha teskludi fornitur fuq il-bażi ta' falliment, dikjarazzjoni falza, nuqqasijiet sinifikattivi fil-prestazzjoni ta' rekwiżit sostantiv jew obbligu taħt kuntratt jew kuntratti preċedenti, sentenzi fir-rigward ta' delitti serji jew sentenzi fir-rigward ta' reati pubbliċi serji, mġiba professjonali ħażina jew in-nuqqas ta' ħlas tat-taxxi.

Artikolu 47

Kwalifika tal-Fornituri

1.   Fejn entità akkwirenti għandha l-intenzjoni li tuża s-sejħa għall-offerti selettiva, l-entità għandha:

2.   L-entità akkwirenti għandha tirrikonoxxi bħala fornituri kwlifikati kwalunkwe fornituri domestiċi u kwalunkwe fornituri tal-Parti l-oħra li jissodisfaw il-kundizzjonijiet għall-parteċipazzjoni f'akkwist partikolari, sakemm l-entità akkwirenti tiddikjara fl-avviż tal-akkwist programmat xi limitazzjoni dwar in-numru ta' fornituri li jkunu awtorizzati jitfgħu l-offerta u l-kriterji biex jintgħażlu numru limitat ta' fornituri.

3.   Fejn id-dokumentazzjoni tas-sejħa għall-offerti ma tkunx pubblikament disponibbli mid-data tal-pubblikazzjoni tal-avviż imsemmi fil-paragrafu 1, l-entità akkwirenti għandha tiżgura li dawk id-dokumenti ikunu disponibbli fl-istess waqt għall-fornituri kwalifikati magħżula kollha f'konformità mal-paragrafu 2.

4.   Entità tal-akkwist koperta taħt is-Subanness 2 tal-Appendiċi I tal-ANNESS 1 għal dan il-Ftehim tista' żżomm lista ta' użu multiplu tal-fornituri, sakemm dak l-avviż li bih jiġu mistiedna l-fornituri interessati biex japplikaw għall-inklużjoni tagħhom fil-lista pubblikata kull sena, u fejn tiġi pubblikata b'mezzi elettroniċi, titqiegħed għad-dispożizzjoni kontinwament fil-medjum xieraq elenkat fl-Appendiċi III tal-ANNESS 1 għal dan il-Ftehim. Kull avviż bħal dan għandu jinkludi l-informazzjoni stabbilita fl-Appendiċi V tal-ANNESS 1 għal dan il-Ftehim.

5.   Indipendentement mill-paragrafu 4, fejn lista b'użi multipli tibqa' valida għal tliet snin jew inqas, l-entità akkwirenti koperta mis-Subanness 2 tal-Appendiċi I tal-ANNESS 1 għal dan il-Ftehim tista' tippubblika avviż imsemmi f'dak il-paragrafu darba biss, fil-bidu tal-perjodu tal-validità u li avviżi ulterjuri mhux se jiġu pubblikati.

6.   l-entità akkwirenti koperta mis-Subanness 2 tal-Appendiċi I tal-ANNESS 1 għal dan il-Ftehim għandha tippermetti lill-fornituri li japplikaw fi kwalunkwe żmien biex jiġu inklużi f'lista b'użi multipli u għandha tinkludi fil-lista l-fornituri kwalifikati kollha fi żmien raġonevolment qasir.

Entità akkwirenti koperta bis-Subanness 2 tal-Appendiċi I tal-ANNESS 1 għal dan il-Ftehim tista' tuża avviż li bih tistieden il-fornituri biex japplikaw għall-inklużjoni fil-lista b'użi multipli bħala avviż ta' akkwist programmat, sakemm:

7.   L-entità akkwirenti koperta mis-Subanness 2 tal-Appendiċi I tal-ANNESS 1 għal dan il-Ftehim tista' tippermetti lil fornitur li applika biex ikun inkluż fil-lista b'użi multipli skont il-paragrafu 6 biex jitfgħu l-offerta f'akkwist partikolari, fejn ikun hemm biżżejjed żmien għall-entità akkwirenti biex teżamina jekk il-fornitur jissodisfax il-kundizzjonijiet għall-parteċipazzjoni.

8.   l-entità akkwirenti koperta mis-Subanness 2 tal-Appendiċi I tal-ANNESS 1 għal dan il-Ftehim għandu jinforma fil-pront lil kwalunkwe fornitur li jissottometti talba għall-parteċipazzjoni jew applikazzjoni għall-inklużjoni fil-lista b'użu multiplu bid-deċiżjoni tal-entità akkwirenti fir-rigward tat-talba.

9.   Fejn entità akkwirenti koperta mis-Subanness 2 tal-Appendiċi I tal-ANNESS 1 għal dan il-Ftehim tiċħad it-talba ta' fornitur biex jikkwalifika jew l-applikazzjoni għall-inklużjoni f'lista b'użi multipli, l-entità għandha fil-pront tinformalill-fornitur u, fuq talba tal-fornitur, fil-pront tipprovdi lill-fornitur bi spjegazzjoni bil-miktub dwar ir-raġunijiet għad-deiżjoni tagħha.

Artikolu 48

Speċifikazzjonijiet Tekniċi

1.   L-entità akkwirenti m'għandhiex tipprepara, tadotta jew tapplika xi speċifikazzjoni teknika jew tippreskrivi xi proċedura ta' evalwazzjoni ta' konformità bil-għan jew bl-effett li toħloq ostakoli mhux neċessarji għall-kummerċ internazzjonali.

2.   Fil-preskrizzjoni tal-ispeċifikazzjonijiet tekniċi għall-prodotti jew għas-servizzi li jkunu qed jiġu akkwistati, l-entità akkwirenti, fejn ikun xieraq, għandha:

3.   Fejn jintużaw karatteristiċi tad-disinn jew karatteristiċi deskrittivi fl-ispeċifikazzjonijiet tekniċi, entità akkwirenti, fejn ikun xieraq, għandha tindika għandha tikkunsidra l-offerti ta' oġġetti jew servizzi ekwivalenti li biċ-ċar jissodisfaw ir-rekwiżiti tal-akkwist billi tinkludi kelimiet bħal “jew ekwivalenti” fid-dokumentazzjoni tal-offerta.

4.   L-entità tal-akkwist m’għandiex tippreskrivi speċifikazzjonijiet tekniċi li jeħtieġu jew jirreferu għal trademark jew għal isem kummerċjali, privattivi, drittijiet tal-awtur disinn jew tipi, oriġini speċifika, produttur jew fornitur, sakemm ma jkun hemm l-ebda mod ieħor biżżejjed preċiż jew ċar kif jiġu deskritti r-rekwiżiti tal-akkwist u sakemm, f’tali każi, kelmiet bħal “jew ekwivalenti” jiġu inklużi fid-dokumentazzjoni tas-sejħa għall-offerti.

5.   L-entità akkwirenti m'għandhiex tfittex jew taċċetta, b'mod li jkollu l-effett li jipprekludi l-kompetizzjoni, parir li jista' jintuża fil-preparazzjoni jew fl-adozzjoni ta' kwalunkwe speċifikazzjoni teknika għal akkwist speċifiku minn persuna li jista' jkollha interess kummerċjali fl-akkwist.

6.   Kull Parti, inklużi l-entitajiet tal-akkwist, tista', f'konformità ma' dan l-Artikolu, tipprepara, Taddotta jew tapplika speċifikazzjonijiet tekniċi biex tippromwovi l-konservazzjoni tar-riżorsi naturali jew biex tipproteġi l-ambjent.

Artikolu 49

Dokumentazzjoni tas-Sejħa tal-Offerti

1.   L-entità tal-akkwist għandha tipprovdi lill-fornituri bid-dokumentazzjoni tas-sejħa għall-offerti li jkun jinkludi l-informazzjoni neċessarja kollha biex tippermetti lill-fornituri jissottomettu u jissottomettu sejħiet għall-offerti responsivi. Sakemm ma jkunx diġà dispost fl-avviż tal-akkwist programmat, tali dokumentazzjoni għandha tinkludi deskrizzjoni sħiħa tal-kwistjonijiet imsemmija fl-Appendiċi VIII tal-ANNESS 1 għal dan il-Ftehim.

2.   L-entità akkwirenti għandha tipprovdi fil-pront, meta mitluba, id-dokumentazzjoni tas-sejħa għall-offerti lill-fornituri li jkun qed jieħu sehem fl-akkwist u għandhom jwieġbu għal kwlunkwe talba raġonevoli għall-informazzjoni relevanti minn fornitur li jkun qed jieħu sehem fl-akkwist, sakemm dik l-informazzjoni ma tagħtix lill-fornitur xi vantaġġ fuq il-kompetituri tiegħu fl-akkwist.

3.   Fejn, qabel l-għoti tal-kuntratt, entità akkwirenti timmodifika il-kriterjijew ir-rekwiżiti stabbiliti fl-avviż tal-akkwist programmat jew id-dokumentazzjoni tas-sejħa tal-offerti mogħtija lill-fornituri li jkunu qed jieħdu sehem, jew temenda avviż jew dokumentazzjoni tas-sejħa tal-offerti, għandha titrażmetti bil-miktub dawn il-modifiki kollha, jew l-avviż hekk emendat jew maħruġ mill-ġdid jew id-dokumentazzjoni tas-sejħa tal-offerti:

Artikolu 50

Perjodi ta' żmien

L-entità akkwirenti għandha, b'konsistenza mal-ħtiġijiet tagħha stess, tipprovdi biżżejjed żmien lill-fornituri biex jippreparaw u jissottomettu t-talbiet għall-parteċipazzjoni u s-sejħiet tal-offerti responsivi, tieħu inkonsiderazzjoni fatturi bħalma huma n-natura u l-komplessità tal-akkwist, sa fejn huwa previst li jkun hemm subkuntrattar, u ż-żmien għat-trażmissjoni tas-sejħa għall-offerti minn punti barranin kif ukoll domestiċi fejn ma jiġux użati mezzi elettroniċi. Tali perjodi ta’ żmien, inkluża kwalunkwe estensjoni tal-perjodi taż-żmien, għandhom ikunu komuni għall-fornituri interessati jew parteċipanti kollha. Il-perjodi ta' żmien applikabbli huma stabbiliti fl-Appendiċi VI tal-ANNESS 1 għal dan il-Ftehim.

Artikolu 51

Negozjati

1.   Parti tista' taħtar l-entitajiet tagħha sabiex imexxu n-negozjati:

2.   L-entità akkwirenti għandha:

Artikolu 52

Sejħa għall-Offerti Limitata

L-entità akkwirenti tista tuża s-sejħa għall-offerti limitata u tagħżel li ma tapplikax l-Artikoli 45 sa 47, 49 sa 51, 53 u 54 biss taħt dawn il-kundizzjonijiet:

Artikolu 53

Irkanti elettroniċi

Fejn entità akkwirenti jkollha l-intenzjoni li tagħmel akkwist kopert billi tuża irkant elettroniku, l-entità għandha tipprovdi lil kull parteċipant, qabel ma tibda l-irkant elettroniku:

Artikolu 54

Trattament tal-Offerti u l-Għotja tal-Kuntratti

1.   L-entità akkwirenti għandha tirċievi, tiftaħ u tittratta l-offerti kollha skont il-proċeduri li jiggrantixxu l-ekwità u l-imparzjalità tal-proċess tal-akkwist, u l-kunfidenzjalità tal-offerti.

2.   l-entità akkwirenti m'għandhiex tippenalizza lil xi fornitur li l-offerta tiegħu tkun ġiet riċevuta wara wara iż-żmien speċifikat biex tirċievi l-offerti jekk id-demien huwa dovut biss għall-ġestjoni ħażina min-naħa tal-entità akkwirenti.

3.   Fejn entità akkwirenti tagħti lil fornitur l-opportunità li jikkoreġi żbalji tal-forma mhux intenzjonati bejn il-ftuħ tal-offerti u l-għoti tal-kuntratt, l-entità akkwirenti għandha tagħti l-istess opportunità lill-fornituri parteċipanti kollha.

4.   Biex tiġi kkunsidrata għall-għoti, offerta għandha tkun bil-miktub, u għandha fiż-żmien tal-ftuħ, tikkonforma mal-ħtiġijiet essenzali stabbiliti fin-notifiki u fid-dokumentazzjoni tal-offerta u jkun mingħand fornitur li jissodisfa l-kundizzjonijiet għall-parteċipazzjoni.

5.   Sakemm ma jkunx il-każ li l-entità akkwirenti tiddeċiedi li mhux fl-interess pubbliku li tagħti l-kuntratt, l-entità għandha tagħti l-kuntratt lill-fornitur li l-entità tkun iddeċidiet li hu kapaċi li jissodisfa t-termini tal-kuntratt u li, bażata unikament fuq il-kriterji ta' evalwazzjoni speċifikati fl-avviżi jew fid-dokumentazzjoni tas-sejħa tal-offerti, ikun issottometta l-iktar offerta vantaġġjuża jew fejn il-prezz ikun l-uniku kriterju, jkollu l-iktar prezz baxx.

6.   Fejn l-entità akkwirenti tirċievi offerta bi prezz li huwa iktar baxx b'mod anoramali mill-prezzijiet f'offerti oħra li jkun ġew sottomessi, tista' tivverifika mal-fornitur li jissodisfa l-kundizzjonijiet għall-parteċipazzjoni u li huwa kapaċi jissodisfa t-termini tal-kuntratt.

7.   L-entità akkwirenti m'għandhiex tuża għażliet, tannulla akkwist jew timmodifika kuntratti mogħtija b'mod li tevita l-obbligi skont dan il-Ftehim.

Artikolu 55

Trasparenza tal-Informazzjoni tal-Akkwist

1.   L-entità akkwirenti għandha fil-pront tinforma lill-fornituri parteċipanti dwar id-deċiżjonijiet tal-għoti tal-kuntratt tal-entità u, meta mitluba, għandha tagħmel hekk bil-miktub. Suġġetta għal paragrafi 2 u 3 tal-Artikolu 56, entità akkwirenti għandha, jekk mitluba, tagħti lil fornitur li ma ntgħażilx, spjegazzjoni tar-raġunijiet għaliex l-entità ma għażlitx l-offerta tiegħu u l-vantaġġi relattivi tal-offerta tal-fornitur li ntagħżel.

2.   Mhux aktar tard minn 72 jum wara l-għoti ta' kull kuntratt kopert b'dan il-Kapitolu, l-entità akkwirenti għandha tippubblika avviż fil-gazzetta adegwata jew medjum elettroniku elenkat fl-Appendiċi III. Fejn jintuża biss mejum elettroniku, l-informazzjoni għandha tibqa' faċilment disponibbli għal perjodu ta' żmien raġonevoli. Kull avviż għandu jinkludi l-informazzjoni stabbilita fl-Appendiċi VII tal-ANNESS 1 għal dan il-Ftehim.

Artikolu 56

Żvelar ta’ Informazzjoni

1.   Fuq talba tal-Parti l-oħra, il-Parti għandha tipprovdi fil-pront kwalunkwe informazzjoni neċessarja biex tiddetermina jekk l-akkwist sarx b'mod ġust, imparzjali u f'konformità mal-Kapitolu, inkluża l-informazzjoni dwar il-karatteristiċi u l-vantaġġi relattivi tal-offerta li ntagħżlet. Fil-każijiet fejn ir-rilaxx ta' din l-informazzjoni tippreġudika l-kompetizzjoni f'sejħa għall-offerti futura, il-Parti li tirċievi dik l-informazzjoni ma għandhiex tiżvelaha lil xi fornitur ieħor, minbarra wara konsultazzjoni u bi qbil mal-Parti li provdiet l-informazzjoni.

2.   Minkejja kwalunkwe dispożizzjoni oħra ta' dan il-Kapitolu, Parti, inklużi l-entitajiet akkwirenti tagħha, ma għandhomx jipprovdu informazzjoni lil xi fornitur li tista' tippreġudika l-kompetizzjoni ġusta bejn il-fornituri.

3.   Xejn f'dan il-Kaptilu ma għandu jiġi interpretat li jobbliga Parti, inklużi l-entitajiet akkwirenti tagħha, l-awtoritajiet u l-korpi ta' reviżjoni, li jiżvelaw informazzjoni kunfidenzjali fejn l-iżvelar jimpedixxi l-infurzar tal-liġi; jista' jippreġudika l-kompetizzjoni ġusta bejn il-fornituri; jippreġudika l-interessi kummerċjali leġittimi ta' persuni partikolari, inkluża l-protezzjoni tal-proprjetà intellettwali; jew imur altrimenti kontra l-interess pubbliku.

Artikolu 57

Proċeduri ta' Stħarriġ Domestiċi

1.   Kull Parti għandha tipprovdi proċedura amministrattiva jew ta' stħarriġ ġudizzjarju tempestiva, effettiva, trasparenti u mhux diskriminatorja li permezz tagħha l-fornitur jista' jikkontesta:

li jiġru fil-kuntest ta' akkwist kopert, li fih il-fornitur għandu, jew kellu, interess. Ir-regoli proċedurali għall-kontestazzjonijiet kollha għandhom ikunu bil-miktub u għandhom ikunu ġeneralment disponibbli.

2.   Fl-eventwalità ta' lment mill-fornitur, li jsir fil-kuntest ta' akkwist kopert li fih il-fornitur għandu, jew kellu, interess, li kien hemm ksur jew nuqqas kif stabbilit f'paragrafu 1, il-Parti konċernata għandha tinkoraġġixxi lill-entità akkwirenti tagħha u lill-fornitur biex isibu soluzzjoni tal-ilment permezz tal-konsultazzjoni. L-entità akkwirenti għandha tagħti konsiderazzjoni imparzjali u tempestiva lil kwalunkwe lment b'mod li ma jkunx preġudizzjali għas-sehem tal-fornitur f'akkwist li jkun għaddej jew futur jew id-dritt li tieħu miżuri korrettivi taħt proċedura ta' stħarriġ ġudizzjarju jew ġudizzjarju.

3.   Kull fornitur għandu jitħalla perjodu biżżejjed ta’ żmien sabiex jipprepara u jressaq kontestazzjoni, li bl-ebda mod ma tkunx inqas minn għaxart ijiem miż-żmien meta l-bażi tal-kontestazzjoni ssir magħrufa jew raġonevolment missha saret magħrufa lill-fornitur.

4.   Kull Parti għandha tistabbilixxi jew taħtar mill-inqas awtorità amministrattiva jew ġudizzjarja imparzjali waħda li tkun indipendenti mill-entitajiet akkwirenti tagħha sabiex tirċievi u tirrevedi kontestazzjoni minn fornitur li tirriżulta fil-kuntest ta' akkwist kopert.

5.   Fejn korp li mhix awtorità msemmija f'paragrafu 4 fil-bidu tirevedi kontestazzjoni, il-Parti għandha tiżgura li l-fornitur jista' jappella mid-deċiżjoni inizjali quddiem awtorità amministrattiva jew ġudizzjarja imparzjali li hija indipendenti mill-entità akkwirenti li l-akkwist tagħha huwa suġġett għall-kontestazzjoni. Korp ta' Stħarriġ li mhux qorti għandu jew ikun suġġett għal Stħarriġ ġudizzjarja jew għandu jkollu garanziji proċedurali li jistabbilixxi li:

6.   Kull Parti għandha tadotta jew iżżomm proċeduri li jipprovdu għal:

Artikolu 58

Negozjati ulterjuri

1.   Il-Partijiet għandhom jirrevedu annwalment l-operazzjoni effettiva ta' dan il-Kapitolu u l-ftuħ reċiproku tas-swieq tal-akkwist. F'mhux iktar tard minn sena mid-dħul fis-seħħ ta' dan il-Ftehim il-Partijiet għandhom jidħlu f'negozjati għall-estensjoni tal-lista/i tal-entitajiet koperti fis-Subanness 1 u s-Subanness 2 tal-appendiċi 1 tal-ANNESS 1 għal dan il-Ftehim.

2.   L-Iraq se jirrikonoxxi, fil-kunetst tan-negozjati tal-adeżjoni mad-WTO, l-impenn tiegħu għall-adeżjoni mal-Ftehim plurilaterali dwar l-Akkwist tal-Gvern (minn hawn 'il quddiem imsejjaħ "GPA").

Artikolu 59

Sistema asimetrika u miżuri tranżitorji

B'kont meħud tal-ħtiġijiet ta' żvilupp, dawk finanzjarji u kummerċjali, l-Iraq se jibbenefika mill-miżura tranżitorja segwenti: L-Iraq jista' jipprovdi programm ta' preferenza tal-prezz temporanju li jikkonsisti f'prezz differenzjali ta' 5% għal oġġetti u servizzi u ta' 10% għal xogħlijiet, li huma applikabbli għall-provvisti u servizzi minn fornituri purament Iraqini.

Il-programm ta' preferenza tal-prezz għandu jiġi gradwalment eliminat fi żmien għaxar snin mid-dħul fis-seħħ ta' dan il-Ftehim.

Kapitolu III

Protezzjoni tal-proprjetà intellettwali

Artikolu 60

Natura u ambitu tal-obbligi

1.   Skont id-dispożizzjonijiet ta' dan l-Artikolu u tal-ANNESS 2 għal dan il-Ftehim, l-Iraq għandu jadotta, fi żmien ħames snin mid-dħul fis-seħħ tal-Ftehim, leġislazzjoni dabiex tiġi żgurata protezzjoni adegwata u effettiva għad-drittijiet ta' proprjetà intelletwali, induttrijali u kummerċjali f'konformità mal-għola standards internazzjonali inklużi r-regoli stabbiliti fil-Ftehim dwar l-Aspetti Relatati mal-Kummerċ tad-Drittijiet ta' Proprjetà Intelletwali, fl-Anness 1C tal-Ftehim tad-WTO (minn hawn 'il quddiem imsejjaħ bħala “l-Ftehim dwar TRIPS”), kif ukoll bħala mezz effettiv biex jiġu infurzati tali drittijiet.

2.   Fi żmien tlett snin wara d-dħul fis-seħħ tal-Ftehim, l-Iraq għandu jaderixxi mal-konvenzjonijiet multilaterali dwar id-drittijiet tal-proprjetà intelletwali, industrijali u kummerċjali li msemmija fil-paragrafu 2 tal-ANNESS 2 għal dan il-Ftehim li tagħhom l-Istati Membri huma huma partijiet jew li huma de facto applikati mill-Istati Membri skont id-disposizzjonijiet relevanti li jinsabu f'dawn il-Konvenzjonijiet.

3.   Fi żmien tlett snin wara d-dħul fis-seħħ tal-Ftehim, l-Iraq għandu jikkonforma mal-konvenzjonijiet multilaterali dwar id-drittijiet tal-proprjetà intelletwali, industrijali u kummerċjali li msemmija fil-paragrafu 3 tal-ANNESS 2 għal dan il-Ftehim li tagħhom Stat Membru jew iktar huma partijiet jew li huma de facto applikati minn Stat Membru jew iktar skont id-disposizzjonijiet relevanti li jinsabu f'dawn il-konvenzjonijiet.

4.   L-implimentazzjoni ta’ dan l-Artikolu u l-ANNEX 2 għal dan il-Ftehim għandha tiġi riveduta regolarment mill-Partijiet. Waqt it-tfassil tal-leġislazzjoni jew jekk jirriżultaw problemi fil-qasam tal-proprjetà intelletwali, industrijali u kummerċjali of intellectual, l-industrija li jaffetwaw il-kundizzjonijiet kummerċjali, għandhom isiru konsultazzjonijiet urġenti, fuq it-talba ta' waħda mill-Partijiet, bl-għan li jintlaħqu soluzzjonijiet reċiprokament sodisfaċenti. Sa mhux iktar tard minn tliet snin mid-data tad-dħul fis-seħħ ta' dan il-Ftehim, Il-Partijiet għandhom jidħlu f'negozjati għal dispożizzjonijiet iktar dettaljati tad-DPI.

5.   Kull Parti għandha tikkonċedi liċ-ċittadin tal-Parti l-oħra trattament mhux inqas favorevoli minn dak li tikkonċedi liċ-ċittadini tagħha stess fir-rigward tal-protezzjoni tad-drittijiet tal-prprjetà individwali, suġġetta għall-eċċezzjonijiet diġà stabbiliti fl-istrumenti internazzjonali li huma inklużi jew jistgħu jiġu inklużu minn żmien għal żmien fl-ANNESS 2 għal dan il-Ftehim u mill-mument li jiġu ratifikati minn dik il-Parti.

6.   Mid-dħul fis-seħħ ta' dan il-Ftehim l-Iraq għandu jagħti lill-kumpanniji u liċ-ċittadini tal-Unjoni, f'dak li għandu x'jaqsam mar-rikonoxximent u l-protezzjoni tal-proprjetà intelletwali, industrijali u kummerċjali, trattament mhux inqas favorevoli minn dak li tagħti lill-kwalunkwe pajjiż terz taħt ftehim bilaterali.

TAQSIMA VI

Soluzzjoni tat-tilwim

Kapitolu I

Objettiv u kamp ta’ applikazzjoni

Artikolu 61

Objettiv

L-objettiv ta’ din it-Taqsima huwa li tkun evitata u li tiġi solvuta kwalunkwe tilwima kummerċjali bejn il-Partijiet sabiex, fejn ikun possibbli, tintlaħaq soluzzjoni li jaqblu dwarha ż-żewġ naħat.

Artikolu 62

Kamp ta' Applikazzjoni

Din it-Taqsima tapplika fir-rigward ta' kull kwistjoni li għandha x'taqsam mal-interpretazzjoni u l-applikazzjoni tad-dispożizzjonijiet tat-Tirolu II ta' dan il-Ftehim, ħlief kif previst espressament xort'oħra.

Kapitolu II

Konsultazzjonijiet

Artikolu 63

Konsultazzjonijiet

1.   Il-Partijiet għandhom jagħmlu ħilithom sabiex isolvu kwalunkwe differenza li tikkonċerna l-interpretazzjoni u l-applikazzjoni tad-dispożizzjonijiiet imsemmija fl-Artikolu 62 billi jidħlu f’konsultazzjonijiet in bona fede bil-għan li jilħqu soluzzjoni f'waqtha, ekwa, u li dwarha jkunu jaqblu ż-żewġ naħat.

2.   Parti għandha tfittex konsultazzjonijiet permezz ta’ talba bil-miktub lill-Parti l-oħra, b’kopja mibgħuta lill-Kumitat ta' Kooperazzjoni, u tidentifika kwalunkwe miżura inkwistjoni u d-dispożizzjonijiet li hemm referenza għalihom fl-Artikolu 62 li hi tikkunsidra applikabbli.

3.   Il-konsultazzjonijiet għandhom isiru fi żmien 30 jum minn dakinhar mis-sottomissjoni tat-talba u għandhom iseħħu, sakemm il-Partijiet ma jaqblux mod ieħor, fit-territorju tal-Parti li fil-konfront tagħha jkun sar l-ilment. Il-konsultazzjonijiet għandhom jitqiesu li ġew konklużi fi żmien tletin (30) jum mid-data meta tressqet it-talba, sakemm iż-żewġ Partijiet ma jaqblux li jkomplu bil-konsultazzjonijiet. L-informazzjoni kollha żvelata waqt il-konsultazzjonijiet għandha tibqa' kunfidenzjali.

4.   Il-konsultazzjonijiet dwar kwistjonijiet ta' urġenza, inklużi dawk rigward merkanzija li tista' tmur jew staġjonali, għandhom isiru fi żmien ħmistax-il (15) jum mid-data meta ġiet sottomessa t-talba, u għandu jitqies li ġew konklużi fi żmien ħmistax-il (15) jum mid-data meta ġiet sottomessa t-talba.

5.   Jekk il-konsultazzjonijiet ma jsirux fil-perijodi ta' żmien stabbiliti fil-paragrafu 3 jew fil-paragrafu 4 rispettivament, jew jekk il-konsultazzjonijiet ġew konklużi u ma ntlaħaq l-ebda ftehim rigward soluzzjoni miftiehma bejn iż-żewġ partijiet, il-Parti li ressqet l-ilment tista' titlob li jiġi stabbilit panel ta' arbitraġġ skond l-Artikolu 64.

Kapitolu III

Proċeduri ta' soluzzjoni tat-tilwim

Artikolu 64

Bidu tal-Proċedura ta' Arbitraġġ

1.   Fejn il-Partijiet ma jkunx irnexxilhom jirrisolvu t-tilwima billi jirrikorru għall-konsultazzjonijiet kif stabbilit fl-Artikolu 63, il-Parti li tressaq l-ilment tista' titlob li jiġi stabbilit bord tal-arbitraġġ.

2.   It-talba biex jiġi stabbilit bord tal-arbitraġġ għandha ssir bil-miktub lill-Parti li dwarha sar l-ilment u lill-Kumitat tal-Kooperazzjoni. Il-Parti li tressaq l-ilment għandha tidentifika fit-talba tagħha l-miżura speċifika inkwistjoni, u għandha tispjega kif tali miżuri tikkostitwixxi ksur tad-dispożizzjonijiet imsemmija fl-Artikolu 62 b'mod li tiġi preżentata bażi legali suffiċjenti għall-ilment.

Artikolu 65

L-istabiliment tal-bord tal-arbitraġġ

1.   Il-bord tal-arbitraġġ għandu jkun magħmul minn tliet arbitri.

2.   Fi żmien għaxart ijiem mid-data tas-sottomissjoni tat-talba għall-istabbiliment tal-bord tal-arbitraġġ lill-Kumitat ta' Kooperazzjoni, il-Partijiet għandhom jikkonsultaw sabiex jaslu għal ftehim dwar il-kompożizzjoni tal-bord tal-arbitraġġ.

3.   Jekk il-Partijiet ma jkunux jistgħu jaqblu fuq il-kompożizzjoni tal-bordl fiż-żmien stipulat fil-paragrafu 2, kwalunkwe waħda mill-Partijiet tista' titlob lill-President tal-Kumitat ta' Kooperazzjoni, jew id-delegat tal-president, jagħżel it-tliet membri kollha bil-polza mil-lista stabbilita taħt l-Artikolu 78, wieħed mill-individwi proposti mill-Parti li tagħmel l-ilment, wieħed mill-individwi proposti mill-Parti li tkun qed isir l-ilment kontriha u wieħed mill-persuni magħżula mill-Partijiet biex ikun il-president. Fejn il-Partijiet jaqblu dwar membru wieħed jew aktar tal-bord tal-arbitraġġ, kwalunkwe membri li jkun fadal għandhom jintgħażlu bl-istess proċedura fil-lista ta' membri tal-bord applikabbli.

4.   Il-president tal-Kumitat ta' Kooperazzjoni, jew id-delegat tiegħu, għandu jagħżel l-arbitri fi żmien ħamest ijiem mit-talba msemmija fil-paragrafu 3 minn kwalunkwe waħda mill-Partijiet u fil-preżenza ta’ rappreżent ta’ kull Parti.

5.   Id-data meta jitwaqqaf il-bord tal-arbitraġġ għandha tkun id-data meta jintgħażlu t-tliet arbitri.

6.   F'każ li xi waħda mil-listi stabbiliti fl-Artikolu 78 ma tkunx ġiet stabbilita fiż-żmien ta' meta ssir it-talba skont l-paragrafu 3 it-tliet arbitri għandhom jintgħażlu bil-polza mill-individwi li jkunu ġew formalment proposti minn waħda jew iż-żewġ Partijiet.

Artikolu 66

Rapport interim tal-bord

Il-bord tal-arbitraġġ għandu jippubblika rapport interim lill-Partijiet li jistabbilixxi r-riżultati dwar il-fatti, l-applikabbiltà tad-dispożizzjonijiet relevanti u r-raġuni bażika li fuqha jserrħu kwalunkwe riżultati u rakkommandazzjoni magħmula minnu, sa mhux aktar tard minn 90 jum minn dakinhar li jkun ġie stabbilit il-bord tal-arbitraġġ. Kwalunkwe Parti tista' tressaq talba bil-miktub biex jiġu eżaminati mill-bord tal-arbitraġġ l-aspetti preċiżi tar-rapport interim fi żmien 15-il jum mindu dan ikun ġie nnotifikat. Ir-riżultati fid-deċiżjoni finali tal-bord għandhom jinkludu biżżejjed motivazzjoni tal-argumenti li jkunu saru fl-istadju tal-eżami interim, u għandhom iwieġbu b'mod ċar il-mistoqsijiet u l-osservazzjonijiet taż-żewġ Partijiet.

Artikolu 67

Deċiżjoni tal-bord tal-arbitraġġ

1.   Il-bord tal-arbitraġġ għandu jinnotifika d-digriet tiegħu lill-Partijiet u lill-Kumitat ta' Kooperazzjoni fi żmien 120 jum mid-data tal-istabbiliment tal-bord tal-arbitraġġ. Fejn iqis li din l-iskadenza ma tistax tiġi sodisfatta, il-president tal-bord ta’ arbitraġġ irid jinnotifika lill-Partijiet fit-tilwima u lill-Kumitat tal-Kooperazzjoni bil-miktub, fejn jiddikjara ir-raġunijiet għad-dewmien u d-data li fiha l-bord biħsiebu jikkonkludi ħidmietu. Fl-ebda ċirkostanza, id-deċiżjoni m'għandha tiġi nnotifikata aktar tard min 150 jum mindu jkun twaqqaf il-bord tal-arbitraġġ.

2.   F’każi ta’ urġenza, inklużi dawk li jinvolvu prodotti li jitħassru biż-żmien jew dawk staġjonali, il-bord tal-arbitraġġ għandu jagħmel kull sforz sabiex jinnotifika d-deċiżjoni tiegħu fi żmien 60 jum mid-data tat-twaqqif tiegħu. Fl-ebda ċirkostanza m'għandu jieħu aktar minn 75 jum mindu jkun twaqqaf. Il-bord ta' arbitraġġ jista' jagħti deċiżjoni preliminari fi żmien għaxart (10) ijiem minn meta ġie stabbilit dwar jekk iqisx li l-każ huwa urġenti.

Artikolu 68

Konformità mad-deċiżjoni tal-bord tal-arbitraġġ

Kull Parti għandha tieħu kwalunkwe miżura meħtieġa sabiex tkun konformi mad-deċiżjoni tal-bord tal-arbitraġġ, u l-Partijiet jagħmlu l-almu tagħhom biex jaqblu dwar il-perjodu ta' żmien meħtieġ biex jikkonformaw mad-deċiżjoni.

Artikolu 69

Perjodu ta' żmien raġonevoli għall-konformità

1.   Il-Parti li kontriha jkun sar l-ilment għandha tinnotifika lill-Parti li għamlet l-ilment biż-żmien li ser teħtieġ sabiex tikkonforma (minn hawn 'il quddiem imsejjaħ "perjodu raġonevoli ta' żmien") mhux aktar tard minn 30 jum wara n-notifika tad-digriet tal-Bord tal-Arbitraġġ lill-Partijiet.

2.   F’każ ta’ nuqqas ta’ qbil bejn il-partijiet rigward il-perjodu raġonevoli ta’ żmien biex ikun hemm konformità mad-deċiżjoni tal-bord tal-arbitraġġ, il-Parti li tkun ressqet l-ilment, fi żmien 20 jum minn meta l-Parti li fil-konfront tagħha jkun sar l-ilment tkun għamlet in-notifika skont il-Paragrafu 1, għandha titlob bil-miktub lill-bord tal-arbitraġġ sabiex jiddetermina t-tul tal-perjodu ragonevoli ta’ żmien. Talba bħal din għandha tiġi nnotifikata lill-Parti l-oħra u lill-Kumitat ta' Kooperazzjoni fl-istess ħin. Il-bord tal-arbitraġġ għandu jinnotifika d-digriet tiegħu lill-Partijiet u lill-Kumitat ta' Kooperazzjoni fi żmien 20 jum mid-data tas-sottomissjoni tat-talba.

3.   Fil-każ li l-panel oriġinali ta' arbitraġġ, jew uħud mill-membri tiegħu, ma jkunx jista' jitlaqqa' mill-ġdid, għandhom japplikaw il-proċeduri stabbiliti fl-Artikolu 65. Il-limitu ta' żmien biex tkun innotifikata d-deċiżjoni għandu jkun ta' 35 jum mid-data meta ġiet sottomessa t-talba msemmija fil-paragrafu 2.

4.   Il-perjodu raġonevoli ta’ żmien jista’ jiġi estiż permezz ta' qbil reċiproku bejn il-Partijiet.

Artikolu 70

Eżami ta' kwalunkwe miżura li tkun ittieħdet għall-konformità mad-deċiżjoni tal-bord tal-arbitraġġ

1.   Il-Parti li jkun sar l-ilment kontriha għandha tinnotifika lill-Parti l-oħra u lill-Kumitat ta' Kooperazzjoni bi kwalunkwe miżura li ħadet biex tikkonforma mad-digriet tal-bord tal-arbitraġġ qabel ma jispiċċa l-perjodu raġonevoli ta' żmien.

2.   F'każ li ma jkunx hemm qbil bejn il-Partijiet rigward l-eżistenza jew il-konsistenza ta' kwalunkwe miżura notifikata skont il-Paragrafu 1 mad-dispożizzjonijiet imsemmija fl-Artikolu 62, il-Parti li tkun qed tressaq l-ilment tista' titlob bil-miktub lill-bord tal-arbitraġġ sabiex jiddeċiedi dwar il-kwistjoni. Talba ta' dan it-tip għandha tidentifika l-miżura speċifika inkwistjoni u għandha tispjega kif tali miżura mhix inkompatibbli mad-dispożizzjonijiet imsemmija fl-Artikolu 62. Il-bord tal-arbitraġġ għandu jinnotifika d-deċiżjoni tiegħu fi żmien 45 jum minn meta tkun ġiet sottomessa t-talba t-talba.

3.   Fil-każ li l-panel oriġinali ta' arbitraġġ, jew uħud mill-membri tiegħu, ma jkunx jista' jitlaqqa' mill-ġdid, għandhom japplikaw il-proċeduri stabbiliti fl-Artikolu 65. Il-limitu ta' żmien biex tkun innotifikata d-deċiżjoni għandu jkun ta' 60 jum mid-data meta ġiet sottomessa t-talba msemmija fil-paragrafu 2.

Artikolu 71

Rimedji temporanji f'każ ta' nuqqas ta' konformità

1.   Jekk il-Parti li fil-konfront tagħha jkun qed isir l-ilment tonqos milli tinnotifika kwalunkwe miżura mittieħda sabiex tikkonforma ruħha mad-deċiżjoni tal-bord tal-arbitraġġ qabel ma jiskadi l-perjodu ta' żmien raġonevoli, jew jekk il-bord tal-arbitraġġ jiddeċiedi li l-miżura notifikata skont il-paragrafu 1 tal-Artikolu 70 ma tkunx konsistenti mal-obbligi ta' dik il-Parti skont id-dispożizzjonijiet imsemmija fl-Artikolu 62, il-Parti li fil-konfront tagħha jkun tressaq l-ilment għandha, jekk tkun mitluba tagħmel dan mill-Parti li tkun qed tressaq l-ilment, tagħmel offerta għal kumpens temporanju.

2.   Jekk ma jintlaħaq l-ebda qbil dwar il-kumpens fi żmien 30 jum wara li jintemm il-perjodu raġonevoli ta' żmien jew mid-deċiżjoni tal-bord tal-arbitraġġ skont l-Artikolu 70 li miżura meħuda għall-konformità tkun inkonsistenti mad-dispożizzjonijiet imsemmija fl-Artikolu 62, il-Parti li tkun ressqet l-ilment tkun intitolata, wara li jiġu notifikati l-Parti li kontrieha jkun sar l-ilment u l-Kumitat ta' Kooperazzjoni, li tissospendi l-obbligi li jirriżultaw minn kwalunkwe dispożizzjoni msemmija fl-Artikolu 62 fuq livell ekwivalenti għal nullifikazzjoni jew ħsara li tkun ġiet ikkawżata mill-ksur. Il-Parti li għamlet l-ilment tista' timplimenta s-sospensjoni 10 ijiem wara d-data tan-notifika, sakemm il-Parti li sar l-ilment kontriha ma tkunx talbet għal arbitraġġ taħt il-paragrafu 3.

3.   Jekk il-Parti li fil-konfront tagħha jkun qed isir l-ilment tqis li l-livell ta' sospensjoni ma jkunx ekwivalenti għan-nullifikazzjoni jew ħsara kkawżati mill-vjolazzjoni, din tista' titlob bil-miktub lill-bord tal-arbitraġġ sabiex jieħu deċiżjoni dwar il-kwistjoni. Tali talba għandha tkun notifikata lill-Parti li tkun ressqet l-ilment u lill-Kumitat ta' Kooperazzjoni qabel l-iskadenza tal-perjodu ta' 10 ijiem imsemmi fil-paragrafu 2. Il-bord tal-arbitraġġ għandu jinnotifika d-deċiżjoni tiegħu fuq il-livell tas-sospensjoni tal-obbligi lill-Partijiet u lill-Kumitat ta' Kooperazzjoni fi żmien 30 jum mid-data tas-sottomissjoni tat-talba. L-obbligi m'għandhomx jiġu sospiżi sakemm il-bord tal-arbitraġġ jagħti n-notifika dwar id-deċiżjoni tiegħu, u kull sospensjoni għandha tkun konsistenti mad-deċiżjoni tal-istess bord.

4.   Fil-każ li l-panel oriġinali ta' arbitraġġ, jew uħud mill-membri tiegħu ma jkunx jista' jitlaqqa' mill-ġdid, għandhom japplikaw il-proċeduri stabbiliti fl-Artikolu 65. Il-perjodu biex tkun innotifikata d-deċiżjoni għandu jkun ta' 45 jum mid-data meta tressqet it-talba msemmija fil-paragrafu 3.

5.   Is-sospensjoni tal-obbligi għandha tkun temporanja u għandha tiġi applikata biss sakemm kwalunkwe miżura li tinstab li tkun inkonsistenti mad-dispożizzjonijiet imsemmija fl-Artikolu 62 tkun ġiet irtirata jew emendata sabiex tinġieb f’konformità ma’ dawk id-dispożizzjonijiet, kif inhu stabbilit skont l-Artikolu 72, jew sakemm il-Partijiet ikunu qablu li jsolvu t-tilwima.

Artikolu 72

Eżami ta' kwalunkwe miżura li tkun ittieħdet għall-konformità wara s-sospensjoni tal-obbligi

1.   Il-Parti li jkun sar l-ilment kontriha għandha tinnotifika lill-Parti li tkun ressqet l-ilment u lill-Kumitat ta' Kooperazzjoni bi kwalunkwe miżura li tkun ħadet biex tikkonforma mad-deċiżjoni tal-bord tal-arbitraġġ u bit-talba tagħha għal tmiem tas-sospensjoni tal-obbligi applikati mill-Parti li għamlet l-ilment.

2.   Jekk il-Partijiet ma jilħqux ftehim dwar il-kompatibbiltà tal-miżura nnotifikata mad-dispożizzjonijiet imsemmija fl-Artikolu 62 fi żmien 30 jum minn dakinhar li tkun waslet in-notifika, il-Parti li ressqet l-ilment għandha titlob bil-miktub lill-bord tal-arbitraġġ sabiex jiddeċiedi dwar il-kwistjoni. Talba bħal din għandha tiġi nnotifikata lill-Parti l-oħra u lill-Kumitat ta' Kooperazzjoni fl-istess ħin. Il-bord tal-arbitraġġ għandu jinnotifika d-deċiżjoni tiegħu lill-Partijiet u lill-Kumitat ta' Kooperazzjoni fi żmien 45 jum mid-data tas-sottomissjoni tat-talba. Jekk il-bord tal-arbitraġġ jiddeċiedi li kwalunkwe miżura li tkun ittieħdet għal għanijiet ta' konformità tkun konformi mad-dispożizzjonijiet imsemmija fl-Artikolu 62, is-sospensjoni tal-obbligi għandha tintemm.

3.   Fil-każ li l-panel oriġinali ta' arbitraġġ, jew uħud mill-membri tiegħu ma jkunx jista' jitlaqqa' mill-ġdid, għandhom japplikaw il-proċeduri stabbiliti fl-Artikolu 65. Il-perjodu biex tkun innotifikata d-deċiżjoni għandu jkun ta' 60 jum mid-data meta tressqet it-talba msemmija fil-paragrafu 2.

Artikolu 73

Soluzzjoni Miftiehma bejn iż-Żewġ Naħat

Fi kwalunkwe waqt, il-Partijiet jistgħu jilħqu soluzzjoni miftiehma bejn iż-żewġ naħat għal tilwima li taqa' taħt din it-Taqsima. Huma għandhom jinnotifikaw lill-Kumitat ta' Kooperazzjoni u lill-bord tal-arbitraġġ dwar tali soluzzjoni. Hekk kif jiġi nnotifikat dwar is-soluzzjoni miftiehma bejn iż-żewġ naħat, il-bord għandu jtemm ħidmietu u l-proċedura għandha tintemm.

Artikolu 74

Ir-Regoli ta' Proċedura

1.   Il-proċeduri ta’ soluzzjoni ta’ tilwim skont din it-Taqsima għandhom ikunu regolati mir-Regoli ta’ Proċedura u l-Kodiċi ta’ Mġiba li għandhom jiġu adotatti mill-Kumitat ta' Kooperazzjoni.

2.   Il-Partijiet jistgħu jiddeċiedu li jimmodifikaw ir-Regoli ta’ Proċedura u l-Kodiċi ta’ Mġiba.

3.   Kwalunkwe seduta tal-bord tal-arbitraġġ għandha tkun miftuħa għall-pubbliku f'konformità mar-Regoli tal-Proċedura.

Artikolu 75

Informazzjoni u pariri tekniċi

Fuq it-talba ta' Parti, jew fuq l-inizjattiva tiegħu stess, il-bord ta' arbitraġġ jista' jikseb informazzjoni minn kwalunkwe sors, inklużi l-Partijiet involuti fit-tilwima, li jqis li hija xierqa għall-proċedura tal-bord ta' arbitraġġ. Il-bord ta’ arbitraġġ għandu wkoll ikollu d-dritt li jfittex l-opinjoni rilevanti ta’ esperti kif iqis xieraq. Kwalunkwe informazzjoni miksuba b'dan il-mod għandha tiġi żvelata lil kull waħda mill-Partijet u trid titressaq għall-kummenti tagħhom. Il-persuni naturali jew ġuridiċi interessati stabbiliti fi ħdan it-territorji tal-Partijiet huma awtorizzati jressqu sommarji tal-fatti amicus curiae quddiem il-bord tal-arbitraġġ skont ir-Regoli ta' Proċedura.

Artikolu 76

Regoli ta' Interpretazzjoni

Kull bord tal-arbitraġġ għandu jinterpreta d-dispożizzjonijiet imsemmija fl-Artikolu 62 skont ir-regoli konswetudinali dwar l-interpretazzjoni tad-dritt pubbliku internazzjonali, inklużi dawk stipulati fil-Konvenzjoni ta’ Vjenna dwar id-Dritt tat-Trattati. Id-deċiżjonijiet tal-bord tal-arbitraġġ ma jistgħux iżidu jew inaqqsu d-drittijiet u l-obbligi stabbiliti fid-dispożizzjonijiet imsemmija fl-Artikolu 62.

Artikolu 77

Deċiżjonijiet u sentenzi tal-bord tal-arbitraġġ

1.   Il-bord tal-arbitraġġ għandu jagħmel kull sforz biex kull deċiżjoni li jieħu tkun b’kunsens. Fejn, madankollu, deċiżjoni ma tistax tintlaħaq b'kunsens, il-kwistjoni kkonċernata għandha tinqata' b'vot maġġoritarju. Madankollu, fl-ebda każ m'għandhom jiġu ppubblikati l-opinjonijiet tal-arbitri li ma jaqblux.

2.   Kull sentenza tal-bord tal-arbitraġġ għandha torbot lill-Partijiet u m'għandha toħloq l-ebda drittijiet jew obbligi għal persuni naturali jew ġuridiċi. Is-sentenza għandha tistipula ir-riżultati tal-fatti, l-applikabbiltà tad-dispożizzjonijiet rilevanti tal-Ftehim u r-raġunijiet bażiċi ta' kwalunkwe riżultat u l-konklużjonijiet li jagħmel. Il-Kumitat ta' Kooperazzjoni, għandu jagħmel is-sentenzi tal-bord tal-arbitraġġ disponibbli pubblikament fl-intier tagħhom sakemm dan ma jiddeċidix li ma jagħmilx hekk sabiex jiżgura l-kunfidenzjalità ta' informazzjoni kummerċjali kunfidenzjali.

Kapitolu IV

Dispożizzjonijiet ġenerali

Artikolu 78

Listi tal-arbitri

1.   Il-Kumitat ta' Kooperazzjoni għandu, sa mhux aktar tard minn sitt xhur wara d-dħul fis-seħħ ta’ dan il-Ftehim, jistabbilixxi lista ta’ 15-il persuna li jkunu lesti u jkunu jistgħu jservu bħala arbitri. Kull waħda mill-Partijiet għandha tagħżel ħames individwi sabiex iservu ta' arbitri. Iż-żewġ Partijiet għandhom jagħżlu wkoll ħames individwi li ma jkunux ċittadini tal-ebda waħda mill-Partijiet u li għandhom jagħmluha ta’ president tal-bord tal-arbitraġġ. Il-Kumitat ta' Kooperazzjoni għandu jiżgura li l-lista tinżamm dejjem fuq dan il-livell.

2.   L-arbitri għandu jkollhom għarfien speċjalizzat jew esperjenza fid-dritt u fil-kummerċ internazzjonali. Dawn għandhom ikunu indipendenti, iservu fil-kapaċitajiet individwali tagħhom u ma jieħdux struzzjonijiet minn xi organizzazzjoni jew gvern, u lanqas ma jkunu affiljati mal-gvern ta’ kwalunkwe waħda mill-Partijiet, u għandhom ikunu konformi mal-Kodiċi tal-Kondotta.

Artikolu 79

Relazzjoni mal-obbligi tad-WTO

1.   Sakemm l-Iraq jaderixxi mad-WTO, il-bordijiet tal-arbitraġġ għandhom jadottaw interpretazzjoni li hija kompletament konsistenti mad-deċiżjonijiet relevanti tal-Korp ta' Soluzzjoni tat-Tilwim tal-Organizzazzjoni Dinjija tal-Kummerċ meta jkun qed jiddeċiedi fuq allegat ksur ta' dispożizzjoni tad-dispożizzjonijiet imsemmija fl-Artikolu 62 li jinkorpora jew jirreferi għal dispożizzjoni taħt il-Ftehim tad-WTO.

2.   Mal-adeżjoni tal-Iraq fid-WTO, għandhom japplikaw il-paragrafi 3 sa 6:

3.   Li wieħed jirrkorri għad-dispożizzjonijiet ta' soluzzjoni tat-tilwim ta' din it-Taqsima għandu jkun mingħajr preġudizzju għal kwalunkwe azzjoni fil-qafas tad-WTO, inkluża azzjoni għal soluzzjoni ta' tilwima.

4.   Madankollu, fejn, fir-rigward ta' xi miżura partikolari, Parti tkun ressqet proċediment dwar is-soluzzjoni tat-tilwim, sew skont il-paragrafu 1 tal-Artikolu 64 ta' dan il-Ftehim jew inkella skont il-Ftehim tad-WTO, hija ma tistax tressaq proċediment dwar ir-riżolviment tat-tilwim rigward l-istess miżura f'forum ieħor sakemm l-ewwel proċediment ma jkunx intemm. Barra minn hekk, Parti ma tistax tfittex rimedju għall-ksur ta' obbligu li jkun identiku skont il-Ftehim u skont il-Ftehim tad-WTO f'żewġ fora. F'każ bħal dan, ladarba jkun inbeda proċediment ta' soluzzjoni tat-tilwim, il-Parti ma għandhiex tressaq talba li tfittex rimedju għall-ksur ta' obbligu identiku taħt il-ftehim l-ieħor fil-forum l-ieħor, ħlief jekk il-forum magħżul ma jirnexxilux minħabba raġunijiet proċedurali jew ġurisdizzjonali jasal għal riżultati dwar it-talba biex rimedju ta' dak l-obbligu.

5.   Għall-finijiet tal-paragrafu 4:

6.   Xejn f'din it-Taqsima ma jżomm Parti milli timplimenta s-sospenzjoni ta' obbligi awtorizzati mill-Entità tad-WTO għas-Soluzzjoni tat-Tilwim. Il-Ftehim tad-WTO m'għandux jiġi invokat sabiex iżomm lil xi Parti milli tissospendi l-obbligi skont Titolu II ta' dan il-Ftehim.

Artikolu 80

Limiti ta' żmien

1.   Il-limiti kollha ta’ żmien stabbiliti f’din it-Taqsima, inklużi l-limiti biex il-bordijiet ta’ arbitraġġ jinnotifikaw id-deċiżjonijiet tagħhom, għandhom jingħaddu f’jiem kalendarji, mill-ewwel jum li jiġi wara l-att jew il-fatt li jirreferu għalih.

2.   Kwalunkwe limitu ta' żmien imsemmi f'din it-Taqsima jista' jiġi estiż bil-ftehim reċiproku tal-Partijiet.

TITOLU III

OQSMA TA' KOOPERAZZJONI

Artikolu 81

Assistenza finanzjarja u teknika

1.   Sabiex jintlaħqu l-għanijiet ta' dan il-Ftehim l-Iraq għandu jibbenefika mill-assistenza finanzjarja u teknika tal-Unjoni fil-forma ta' għotjiet biex titgħaġġel it-trasformazzjoni ekonomika u politika tal-Iraq.

2.   L-assistenza għandha tkun koperta mill-qafas tal-kooperazzjoni għall-iżvilupp tal-Unjoni previst fir-regolamenti relevanti tal-Parlament Ewropew u l-Kunsill.

L-għanijiet u l-oqsma tal-assistenza tal-Unjoni għandhom ikunu stabbiliti fil-programm indikattiv u għandhom jirriflettu l-prijoritajiet stabbiliti li għandhom jiġu maqbula bejn iż-żewġ partijiet billi jittieħdu inkonsiderazzjoni l-ħtiġijiet u l-istrateġiji ta' żvilupp, il-kapaċitajiet tal-assimilazzjoni settorjali u l-progress bir-riforma tal-Iraq.

3.   Il-Partijiet għandhom jiżguraw il-kontribuzzjonijiet tal-assistenza teknika mill-Unjoni jiġu magħmula f'koordinazzjoni mill-qrib ma' dawk minn sorsi oħrajn. Il-politika tal-kooperazzjoni għall-iżvilupp u ta' azzjoni internazzjonali huma ggwidati mill-Għanijiet tal-Millenju għall-Iżvilupp u l-għanijiet u l-prinċipji ta' żvilupp prinċipali fil-kuntest tan-Nazzjonijiet Uniti u organizzazzjonijiet internazzjonali kompetenti oħra. Fl-implimentazzjoni tal-politika ta' żvilupp tal-Unjoni, għandha tittieħed konsiderazzjoni sħiħa għall-prinċipji tal-Effettività tal-Għajnuna, inkluża d-Dikjarazzjoni ta' Pariġi tat-2 ta' Marzu 2005 u tal-Aġenda ta' Accra għall-Azzjoni.

4.   Mingħajr ħsara għad-dispożizzjonijiet għall-assistenza legali reċiproka, il-Parti li tibbenefika mill-assistenza teknika u finanzjarja għandha fil-pront twieġeb għat-talbiet għall-kooperazzjoni amministrattiva mill-awtoritajiet kompetenti tal-Parti l-oħra, bil-għan li tisaħħaħ il-ġlieda kontra l-frodi u l-irregolaritajiet fil-kuntest tal-assistenza mill-Unjoni.

5.   Il-Gvern tal-Iraq għandu jiżgura l-ħatra ta' punt ta' kuntatt ta' kontra l-frodi. Dan il-punt ta' kuntatt għandu jkun responsabbli għall-kooperazzjoni effettiva mal-Isttituzzjonijiet u l-korpi tal-Unjoni, inklużi l-Qorti Ewropea tal-Awdituri u l-Uffiċċju Ewropew ta' Kontra l-Frodi, b'mod partikolari fir-rigward tal-implimentazzjoni tal-miżuri ta' awditjar u kontroll tagħhom fil-qasam tal-protezzjoni tal-interessi finanzjarji tal-Unjoni.

Artikolu 82

Kooperazzjoni fl-iżvilupp soċjali u uman

Il-kooperazzjoni f'dan il-qasam ser tafferma d-dimensjoni soċjali tal-globalizzazzjoni u se tfakkar il-konnessjoni bejn l-iżvilupp soċjali u l-iżvilupp ekonomiku kif ukoll mal-iżvilupp sostenibbli tal-ambjent. Il-kooperazzjoni se tissottolinja l-importanza tat-tnaqqis tal-faqar, il-promozzjoni tad-drittijiet tal-bniedem u l-libertajiet fundamentali għal kulħadd, inklużi l-gruppi vulnerabbli u l-gruppi u l-persuni spustati u r-reazzjoni għall-ħtiġijiet prinċipali tas-saħħa, l-edukazzjoni u l-impjiegi. L-attivitajiet ta' kooperazzjoni f'dawk l-oqsma kollha prinċipalment jimmiraw li jiffukaw fuq il-ħolqien tal-kapaċità u tal-istituzzjoni billi jittieħdu inkonsiderazzjoni l-prinċipji tal-inklussività, il-governanza tajba u ġestjoni tajba u trasparenti.

Artikolu 83

Edukazzjoni, taħrig u żgħażagħ

1.   Il-Partijiet għandhom jagħmlu ħilithom biex jippromwovu l-kooperazzjoni fl-edukazzjoni, it-taħriġ u ż-żgħażagħ lejn benefiċċju reċiproku, billi jieħdu inkonsiderazzjoni id-disponibbiltà tar-riżorsi u jippromwovu l-ugwaljanza bejn is-sessi.

2.   Il-Partijiet għandhom partikolarment jinkoraġġixxu l-iskambji ta' informazzjoni, esperjenza professjonali, studenti, akkademiċi, riżorsi tekniċi, persuni żgħażagħ u ħaddiema żgħażagħ u t-tisħiħ tal-kapaċitajiet, filwaqt li jittieħed inkonsiderazzjoni l-vantaġġ offrut mill-programmi ta' kooperazzjoni eżistenti kif ukoll l-esperjenza li ż-żewġ Partijiet akkwistaw f'dan il-qasam.

3.   Iż-żewġ Partijiet jaqblu li jintensifikaw il-kooperazzjoni bejn l-istituzzjonijiet tal-edukazzjoni għolja permezz ta' mezzi bħall-programm Erasmus Mundus bil-mira li tiġi sostnuta l-eċċellenza u l-internazzjonalizzazzjoni tas-sistemi edukattivi tagħhom.

Artikolu 84

Impjiegi u żvilupp soċjali

1.   Il-Partijiet jaqblu li jtejbu l-kooperazzjoni fil-qasam tal-impjiegi u l-affarijiet soċjali, inkluża l-kooperazzjoni fil-koeżjoni soċjali, ix-xogħol deċenti, is-saħħa u sikurezza fuq il-post tax-xogħol, il-leġislazzjoni tax-xogħol, id-djalogu soċjali, l-iżvilupp tar-riżorsi umani u l-ugwaljanza bejn is-sessi, bil-għan li jiġu promossi impjiegi sħaħ u produttivi u xogħol deċenti għal kulħadd bħala elementi ewlenin tal-iżvilupp sostenbibbli u t-tnaqqis tal-faqar.

2.   Il-Partijiet jirrijaffermaw l-impenji tagħhom biex jippromwovu u effettivament jimplimentaw l-istandards tax-xogħol u soċjali li huma rikonoxxuti internazzjonalment. L-implimentazzjoni tal-ftehimiet soċjali u tax-xogħol multilaterali relevanti għandhom jittieħdu inkonsiderazzjoni fl-attivitajiet kollha li jsiru mill-Partijiet taħt dan il-Ftehim.

3.   Il-forom ta’ kooperazzjoni jistgħu jinkludu, fost l-oħrajn, programmi u proġetti speċifiċi, kif maqbul reċiprokament, kif ukoll djalogu, ħolqien ta' kapaċità, kooperazzjoni u inizjattivi dwar suġġetti ta’ interess komuni fuq livell bilaterali jew multilaterali.

4.   Il-Partijiet jaqblu li jinvolvu l-isħab soċjali u partijiet interessati oħra fid-djalogu u l-kooperazzjoni.

Artikolu 85

Soċjetà ċivili

Il-Partijiet jirrikonoxxu r-rwol u l-kontribuzzjoni potenzjali ta’ soċjetà ċivili organizzata, speċjalment tal-akkademiċi u l-konnessjonijiet bejn gruppi ta' ħassieba esperti, fil-proċess ta’ djalogu u ta’ kooperazzjoni taħt dan il-Ftehim u qed jaqblu li jippromwovu djalogu effettiv mas-soċjetà ċivili organizzata kif ukoll il-parteċipazzjoni effettiva tagħha.

Artikolu 86

Drittijiet tal-Bniedem

1.   Il-Partijiet jaqblu li jikkoperaw fil-promozzjoni u l-protezzjoni effettiva tad-drittijiet tal-bniedem inkluż fir-rigward tar-ratifika u l-implimentazzjoni tal-istrumenti tad-drittijiet tal-bniedem internazzjonali u l-għotita' assistenza teknika, taħriġ u ħolqien ta' kapaċità kif jixraq. Il-Partijiet huma konxji li l-impatt ta' kwalunkwe programm ta' kopperazzjoni u żvilupp se jkun limitat jekk ma jipproteġix, itejjebx u jirrispettax id-drittijiet tal-bniedem.

2.   Il-kooperazzjoni dwar id-drittijiet tal-bniedem tista' tinkludi, fost l-oħrajn:

Artikolu 87

Kooperazzjoni fil-linji politiċi industrijali u tal-intrapriżi zgħar u ta' daqs medju

1.   L-għan tal-kooperazzjoni f'dan il-qasam għandu jiffaċilita r-ristrutturazzjoni u l-modernizzazzjoni tal-industrija Iraqina filwaqt li ttejjeb il-kompettittività u tkabbir tagħha u toħloq il-kundizzjonijiet favorevoli għall-kooperazzjoni li tkun ta' benefiċċju reċiproku bejn l-industrija fl-Iraq u l-Unjoni.

A   Ġenerali

2.   Il-kooperazzjoni għandha:

B   Intrapriżi Żgħar u ta’ daqs Medju

3.   Il-Partijiet, waqt li jikkunsidraw il-politiki u l-finijiet ekonomiċi rispettivi tagħhom, qed jaqblu li jippromwovu l-kooperazzjoni fil-politika industrijali f’dawk l-oqsma kollha meqjusa bħala adattati, bil-ħsieb li titjieb il-kompetittività tal-intrapriżi żgħar jew ta' daqs medju (SMEs).

4.   Il-Partijiet għandhom:

Artikolu 88

Kooperazzjoni fil-qasam tal-investiment

1.   Il-Partijiet għandhom jikoperaw fl-istabbiliment ta' klima għall-investimenti, kemm domestiċi u kif ukoll barranin, biex jipprovdu protezzjoni adegwata għall-investiment, it-trasferiment tal-kapital u l-iskambju tal-informazzjoni dwar opportunitajiet ta' investiment.

2.   Il-Partijiet jaqblu li jappoġġjaw il-promozzjoni u l-protezzjoni tal-investimenti tal-bażi tal-prinċipji ta' nondiskriminazzjoni u reċiproċità.

3.   Il-Partijiet għandhom jinkoraġġixxu l-iskambju tal-informazzjoni dwar il-liġijiet, ir-regolamenti u l-prattiċi amminitrattivi fil-qasam tal-investimenti.

4.   Il-Partijiet jimpenjaw ruħhom li jinkoraġġixxu l-kooperazzjoni bejn l-istituzzjonijiet finanzjarji rispettivi biex jiffaċilitaw l-opportunitajiet ta' investimenti.

5.   Sabiex tiffaċilita l-investiment u n-negozju, l-Unjoni hija lesta li tassisti lill-Iraq, meta mitluba, fl-isforzi tiegħu biex iġib il-oqfsa leġiżlattivi u regolatorji eqreb lejn dawk tal-Unjoni fl-oqsma koperti minn dan il-Ftehim.

Artikolu 89

Standards industrijali u evalwazzjoni tal-konformità

Il-Partijiet jistgħu jikkoperaw fl-oqsma li ġejjin tal-istandards, ir-regolamenti tekniċi u l-evalwazzjoni tal-konformità:

Artikolu 90

Kooperazzjoni fl-agrikoltura, fil-forestrija u f'żoni rurali

Il-mira hija li tiġi promossa l-kooperazzjoni fis-setturi tal-agrikultura, il-forestrija u l-iżvilupp rurali bil-għan li tiġi promossi d-diversifikazzjoni, il-prattiċi ambjentali sani, l-iżvilupp ekonomiku u soċjali sostenibbli u s-sigurtà tal-ikel. Għal dan il-fini l-Partijiet se jeżaminaw:

Artikolu 91

Enerġija

1.   Il-Partijiet jistinkaw li jtejbu l-kooperazzjoni fis-settur tal-enerġija fir-rigward tal-prinċipji swieq tal-enerġija liberi, kompetittivi u miftħa bil-mira li:

2.   Għal dan il-fini, il-Partijiet qed jaqblu li jippromwovu l-kuntatti li huma ta’ ġid reċiproku sabiex:

Artikolu 92

Trasport

1.   Il-Partijiet jistinkaw li jtejbu l-kooperazzjoni fis-settur tat-trasport fir-rigward tal-istabbiliment ta' sistema tat-trasport sostenibbli u effiċjenti, bil-mira ta':

2.   Għal dan il-fini, il-Partijiet qed jaqblu li jippromwovu l-kuntatti li huma ta’ ġid reċiproku sabiex:

Artikolu 93

Ambjent

1.   Il-Partijiet jaqblu dwar il-ħtieġa li jissaħħu u jitkattru l-isforzi għall-ħarsien tal-ambjent, pereżempju dwar it-tibdil fil-klima, il-ġestjoni sostenibbli tar-riżorsi naturali, u s-salvagwardja tad-diversità bijoloġika bħala bażi għall-iżvilupp tal-ġenerazzjonijiet perżenti u futuri.

2.   Il-Partijiet jaqblu li l-kooperazzjoni f'dan il-qasam għandha tippromwovi l-ħarsien tal-ambjent fit-tiftix ta' żvilupp sostenibbli. Ir-riżultat maqbul tas-Summit Dinji dwar l-Iżvilupp Sostenibbli għandhom jittieħdu inkonsiderazzjoni fl-attivitajiet kollha li jsiru mill-Partijiet taħt dan il-Ftehim.

3.   Il-kooperazzjoni f'dan il-qasam għandha tiffoka fost l-oħrajn, fuq:

Artikolu 94

Telekomunikazzjoni

Il-Partijiet għandhom jikkoperaw

Artikolu 95

Xjenza u Teknoloġija

1.   Il-Partijiet għandhom jinkoraġġixxu l-Kooperazzjoni fir-riċerka xjentifika ċivili u fl-iżvilupp teknoloġiku (RTD) fuq il-bażi ta’ benefiċċju reċiproku u, b'kunsiderazzjoni tad-disponibilità tar-riżorsi, aċċess adegwat għall-programmi rispettivi tagħhom, suġġett għal-livelli xierqa ta’ protezzjoni effettiva tad-drittijiet tal-proprjetà intelletwali, industrijali u kummerċjali.

2.   Il-kooperazzjoni fix-xjenza u t-teknoloġija għandha tkopri:

3.   Tali kooperazzjoni għandha tiġi implimentata skont arranġamenti speċifiċi li għandhom jiġu negozjati u konklużi f'konformità mal-proċeduri minn kull Parti, u li għandhom jistabbilixxu, fost l-oħrajn, dispożizzjonijiet adegwati dwar id-drittijiet tal-proprjetà intellettwali.

Artikolu 96

Kooperazzjoni doganali u fiskali

1.   Il-Partijiet se jistabbilixxu kooperazzjoni fil-qasam tad-dwana b'mod partikolari fl-oqsma tat-taħriġ, is-simplifikazzjoni tal-formalitajiet, id-dokumentazzjoni u l-proċeduri, il-prevenzjoni, l-investigazzjoni u r-ripressjoni tal-ksur tar-regoli dwar kwistjonijiet doganali bil-għan li jiggarantixxu konformità mad-dispożizzjonijiet kollha programmati għall-adozzjoni b'konnessjoni mal-kummerċ u biex tintlaħaq l-approssimazzjoni tas-sistema doganali tal-Iraq ma' dik tal-Unjoni.

2.   Bla ħsara għall-kompetenzi rispettivi tagħhom, u bil-għan li jisaħħu u jiġi żviluppati l-attivitajiet ekonomiċi filwaqt li tittieħed inkonsiderazzjoni l-ħtieġa għall-iżvilupp ta' qafas regolatorju xieraq, il-Partijiet jirrikonoxxu u jimpenjaw ruħhom li jimplimentaw il-prinċipji ta' governanza tajba fil-qasam tat-taxxa, prinċipalment il-prinċipji tat-trasparenza, l-iskambju ta' informazzjoni u l-kompetizzjoni tat-taxxa ġusta. Għal dak il-għan, b’mod konformi mal-kompetenzi rispettivi tagħhom, il-Partijiet għandhom itejbu l-kooperazzjoni internazzjonali fil-qasam tat-taxxa u jiżviluppaw miżuri għall-implimentazzjoni effettiva tal-prinċipji hawn fuq imsemmija.

Artikolu 97

Kooperazzjoni fl-istatistika

Il-Partijiet jaqblu li jippromwovu attivitajiet ta' kooperazzjoni fil-qasam tal-istatistika. Dawn se jiġu orjentati lejn il-ħolqien tal-istituzzjoni u l-kapaċità u jsaħħu s-sistema statistika nazzjonali, inkluż l-iżvilupp ta' metodi statistiċi u l-produzzjoni u d-disseminazzjoni tal-istatistiċi dwar il-kummerċ fl-oġġetti u s-servizzi u, iktar ġeneralment, dwar kwalunkwe qasam b'appoġġ tal-prijoritajiet tal-iżvilupp soċjali u ekonomiku nazzjonali koperti b'dan il-Ftehim u li jistgħu jiġu pproċessati statistikament.

Artikolu 98

Stabbilità makroekonomika u finanzi pubbliċi

1.   Il-Partijiet jaqblu dwar l-importanza li tintlaħaq stabbilità makroekonomika fl-Iraq permezz ta' politika monetarja sana mmirata biex tilħaq u żżomm l-istabbilità tal-prezzijiet, kif ukoll permezz ta' politika fiskali mmirata li tilħaq is-sostenibbiltà tad-dejn.

2.   Il-Partijiet jaqblu dwar l-importanza li jilħqu effettività tal-ispiża pubblika, it-trasparenza u l-affidabbiltà fuq livell nazzjonali u lokali fl-Iraq.

3.   Il-Partijiet jaqblu li jikkoperaw fost l-oħrajn biex itejbu l-ġestjoni tas-sistema tal-finanzi pubbliċi tal-Iraq li għandha l-għan, fost l-oħrajn, tal-kompletezza tal-pjanifikazzjoni baġitarja u ta' kont tat-teżor uniku.

Artikolu 99

Żvilupp tas-settur privat

Il-Partijiet jaqblu li jikkoperaw sabiex jiżviluppaw ekonomija tas-suq fl-Iraq, billi titkattar il-kultura tal-investiment, tiġi diversifikata l-attività ekonomika, jiġi reġistrat progress fil-programm ta' privatizzazzjoni u billi jiġu mtejba kundizzjonijiet oħra biex jiġi aċċelerat il-ħolqien tal-postijiet tax-xogħol fis-settur privat.

Artikolu 100

Turiżmu

1.   Il-Partijiet isejħu għall-isforzi biex itejbu l-kooperazzjoni biex jiżguraw żvilupp ekwilibrat u sostenibbli fit-turiżmu u fi kwistjonijiet relatati.

2.   Għalhekk, il-Partijiet jaqblu dwar il-kooperazzjoni tal-iżvilupp fil-qasam tat-turiżmu u speċjalment biex jiskambjaw l-informazzjoni, l-esperjenza u l-aħjar prattiċi fir-rigward tal-organizzazzjoni tal-qasam istituzzjonali fis-settur tat-turiżmu u rigward l-ambjent ġenerali li fih l-impriżi turistiċi joperaw.

Artikolu 101

Servizzi finanzjarji

Il-Partijiet għandhom jikkoperaw bl-għan li jiġu approssimati l-standards u r-regoli tagħhom, partikolarment:

TITOLU IV

ĠUSTIZZJA, LIBERTÀ U SIGURTÀ

Artikolu 102

Stat tad-Dritt

1.   Fil-kooperazzjoni tagħhom fil-qasam tal-ġustizzja, il-libertà u s-sigurtà, il-Partijiet għandhom juru impenn kostanti, u jagħtu importanza partikolari lir-regola tal-liġi, inkluż lill-indipendenza tal-ġudikatura, lill-aċċess għall-ġustizzja, u lid-dritt għal proċess ġust.

2.   Il-Partijiet se jikkoperaw biex ikomplu jiżviluppaw aktar il-funzjonament tal-istituzzjonijiet fl-oqsma tal-infurzar tal-liġi u fl-amministrazzjoni tal-ġustizzja inkluż il-ħolqien tal-kapaċità.

Artikolu 103

Kooperazzjoni Legali

1.   Il-Partijiet jaqblu li jiżviluppaw kooperazzjoni ġudizzjarja fi kwistjonijiet ċivili u kummerċjali, b’mod partikolari fir-rigward tar-ratifika u l-implimentazzjoni ta’ konvenzjonijiet multilaterali dwar il-kooperazzjoni ġudizzjarja ċivili, inklużi l-Konvenzjonijiet tal-Konferenza tal-Aja dwar il-Liġi Internazzjonali Privata fil-qasam tal-kooperazzjoni legali internazzjonali u l-litigazzjoni kif ukoll il-protezzjoni tat-tfal.

2.   Il-Partijiet jaqblu li jiffaċilitaw u jinkoraġġixxu s-soluzzjoni b'mezzi alternattivi ta’ tilwimiet ċivili u kummerċjali privati, kull meta jkun possibbli, skont l-istrumenti internazzjonali applikabbli.

3.   Rigward il-kooperazzjoni ġudizzjarja fi kwistjonijiet kriminali, il-Partijiet se jfittxu li jkattru l-arranġamenti dwar l-għajnuna legali reċiproka u l-estradizzjoni. Dan għandu jinkludi, fejn xieraq, l-adeżjoni ma’, u l-implimentazzjoni tal-istrumenti internazzjonali rilevanti tan-Nazzjonijiet Uniti fosthom l-Istatut ta’ Ruma tal-Qorti Kriminali Internazzjonali kif imsemmi fl-Artikolu 7 ta’ dan il-Ftehim.

Artikolu 104

Protezzjoni tad-Dejta Personali

1.   Il-Partijiet jaqblu li jikkoperaw sabiex itejbu l-livell ta’ protezzjoni tad-data personali għall-ogħla standards internazzjonali bħal dawk li hemm fil-Linji Gwida tan-Nazzjonijiet Uniti għall-Kontroll tal-Fajls Kompjuterizzati b’Dejta Personali (Riżoluzzjoni 45/95 tal-Assemblea Ġenerali tan-Nazzjonijiet Uniti tal-14 ta’ Diċembru 1990).

2.   Il-kooperazzjoni dwar il-protezzjoni tad-dejta personali tista’ tinkludi, fost l-oħrajn, l-assistenza teknika fl-iskambju ta’ informazzjoni u parir espert.

Artikolu 105

Kooperazzjoni dwar il-Migrazzjoni u l-Ażil

1.   Il-Partijiet itennu l-importanza li huma qed jagħtu lit-tmexxija konġunta ta’ andamenti ta’ migrazzjoni bejn it-territorji tagħhom. Bl-għan li tissaħħaħ il-Kooperazzjoni ta’ bejniethom, dawn għandhom jistabbilixxu djalogu komprensiv fuq il-punti kollha li jolqtu l-migrazzjoni, inkluża l-migrazzjoni illegali, it-traffikar tal-bnedmin, kif ukoll l-inklużjoni tal-problemi tal-migrazzjoni fl-istrateġiji nazzjonali għall-iżvilupp ekonomiku u soċjali taż-żoni li minnhom joriġinaw l-emigranti.

2.   Il-kooperazzjoni għandha tkun ibbażata fuq evalwazzjoni ta’ ħtiġijiet speċifiċi li titwettaq b’konsultazzjoni reċiproka bejn il-Partijiet u li tiġi implimentata skont il-liġi relevanti tal-Unjoni u nazzjonali li jkun hemm fis-seħħ. Din għandha tiffoka l-aktar fuq:

3.   Fil-qafas tal-Kooperazzjoni biex tkun evitata u kkontrollata l-immigrazzjoni illegali, il-Partijiet jaqblu wkoll li jaċċettaw mill-ġdid lill-migranti illegali tagħhom. Għal dan il-għan:

4.   L-Istati membri tal-Unjoni u l-Iraq se jipprovdu liċ-ċittadini tagħhom b'dokumenti xierqa li jikkonfermaw l-identità sabiex jippermettu s-safar għal tali finijiet. Meta l-persuna li tkun ser tiġi aċċettata lura ma jkollha l-ebda dokument jew provi oħra tan-nazzjonalità tagħha, l-awtoritajiet kompetenti, inklużi rappreżentanzi diplomatiċi u konsulari, tal-Istat Membru kkonċernat jew tal-Iraq għandhom, fuq talba tal-Iraq jew tal-Istat Membru kkonċernat, jagħmlu arranġamenti biex tiġi intervistata l-persuna sabiex tiġi stabbilita n-nazzjonalità tagħha.

5.   F'dan il-kuntest, il-Partijiet jaqblu li jikkonkludu, fuq talba waħda miż-żewġ Partijiet kif iddefinit fl-Artikolu 122 u malajr kemm jista' jkun, ftehim dwar il-prevenzjoni u l-ikkontrollar tal-migrazzjoni illegali u li jirregola l-proċeduri u l-obbligi speċifiċi għad-dħul mill-ġdid, li jkopri wkoll, jekk ikun meqjus xieraq miż-żewġ Partijiet, id-dħul mill-ġdid ta' ċittadini ta' pajjiżi oħra jew persuni mingħajr persuna apolidi.

6.   Il-kooperazzjoni f'dan il-qasam ser issir b'rispett sħiħ lejn id-drittijiet, l-obbligi u r-responsabbiltajiet tal-Partijiet li ġejjin mil-Liġi Internazzjonali u mil-Liġi Umanitarja Internazzjonali rilevanti.

Artikolu 106

Ġlieda Kontra l-Kriminalità Organizzata u l-Korruzzjoni

Il-Partijiet qed jaqblu li jikkoperaw u jikkontribwixxu sabiex jiġu miġġielda l-kriminalità organizzata, ekonomika u finanzjarja u l-korruzzjoni, billi jikkonformaw b’mod sħiħ mal-obbligi internazzjonali reċiproċi tagħhom li hemm fis-seħħ f’dan il-qasam, fosthom dwar kooperazzjoni effettiva fl-irkupru ta’ assi jew fondi li jkunu ġejjin minn atti ta’ korruzzjoni. Il-Partijiet għandhom jippromwovu l-implimentazzjoni tal-Konvenzjoni tan-Nazzjonijiet Uniti dwar il-Kriminalità Organizzata Transnazzjonali u l-Protokolli li jissuplimentawha u l-Konvenzjoni tan-Nazzjonijiet Uniti kontra l-Korruzzjoni.

Artikolu 107

Ġlieda kontra l-Ħasil tal-Flus u l-Iffinanzjar tat-Terroriżmu

1.   Il-Partijiet jaqblu dwar il-ħtieġa li jaħdmu flimkien u li jikkoperaw sabiex jiġi evitat l-użu tas-sistemi finanzjarji tagħhom biex isir ħasil tal-qligħ mill-attivitajiet kriminali kollha fosthom it-traffikar tad-drogi u l-korruzzjoni u għall-iffinanzjar tat-terroriżmu.

2.   Iż-żewġ Partijiet qed jaqblu li jikkkoperaw rigward assistenza teknika u amministrattiva bil-għan li jiġu żviluppati u implimentati regolamenti u l-iffunzjonar effettiv ta’ mekkaniżmi sabiex jikkumbattu l-ħasil ta’ flus u l-iffinanzjar tat-terroriżmu. Din il-kooperazzjoni testendi għall-irkupru ta’ assi jew fondi li jkunu ġejjin mill-qligħ mir-reati.

3.   Il-kooperazzjoni għandha tippermetti l-iskambju tal-informazzjoni relevanti fi ħdan il-qafas tal-leġislazzjonijiet rispettivi u l-adozzjoni ta’ standards xierqa sabiex jiġu miġġielda l-ħasil ta’ flus u l-finanzjament tat-terroriżmu, liema standards ikunu ekwivalenti għal dawk adottati mill-Komunità u l-entitajiet internazzjonali rilevanti li jaħdmu f’dan il-qasam, bħalma huma t-Task Force ta’ Azzjoni Finanzjarja dwar il-Ħasil ta’ Flus (minn hawn 'il quddiem imsejħa "FATF") u mill-Unjoni u l-korpi internazzjonali relevanti attivi f'dan il-qasam.

Artikolu 108

Ġlieda kontra d-Drogi Illegali

1.   B’mod konformi mal-liġijiet u r-regolamenti rispettivi tagħhom, il-Partijiet se jimmiraw li jitnaqqas il-forniment u t-traffikar ta’, u d-domanda għad-drogi illegali kif ukoll l-impatt tagħhom fuq l-utenti tad-drogi u s-soċjetà b’mod ġenerali, u li tinkiseb prevenzjoni aktar effettiva kontra d-diverżjoni tal-prekursuri kimiċi li jintużaw għall-manifattura illegali ta’ drogi narkotiċi u sustanzi psikotropiċi. Fil-kooperazzjoni tagħhom, il-Partijiet għandhom jiżguraw li l-prosegwiment ta’ din il-mira għandu jittieħed approċċ komprensiv u bbilanċjat permezz ta’ regolamenti legali dwar is-suq u azzjoni u kordinazzjoni effettiva bejn l-awtoritajiet kompetenti, inklużi dawk mis-settur tas-saħħa, mis-settur tal-edukazzjoni, mis-settur soċjali, mis-settur tal-infurzar tal-liġi u mis-settur tal-ġustizzja.

2.   Il-Partijiet għandhom jaqblu dwar il-mezzi ta’ kooperazzjoni sabiex jinkisbu dawn l-għanijiet. L-azzjonijiet għandhom ikunu bbażati fuq prinċipji li jkun sar qbil fuqhom b’mod komuni skont il-konvenzjonijiet internazzjonali rilevanti, id-Dikjarazzjoni Politika u d-Dikjarazzjoni Speċjali dwar il-prinċipji ta’ gwida rigward it-tnaqqis fid-domanda għad-drogi, li ġew approvati mis-Sessjoni Speċjali dwar id-Drogi tal-Għoxrin Assemblea Ġenerali tan-Nazzjonijiet Uniti f’Ġunju 1998.

Artikolu 109

Kooperazzjoni kulturali

1.   Il-Partijiet jimpenjaw ruħhom li jippromwovu l-kooperazzjoni bilateralifil-qasam tal-kultura, sabiex jitkattar il-ftehim reċiproku u jisaħħu r-relazzjonijiet kulturali bejn il-Partijiet.

2.   Il-Partijiet jappoġġjaw l-iskambju tal-informazzjoni u l-parir espert, kif ukoll l-inizzjattivi, li jikkontribwixxu għal żieda ta' ħolqien tal-kapaċità, b'mod partikolari fir-rigward tal-preservazzjoni tal-wirt kulturali.

3.   Il-Partijiet se jintensifikaw il-kooperazzjoni fir-rigward tal-ġlieda kontra t-traffikar illeċitu tal-proprjetà kulturali, f'konformità tar-Riżoluzzjonijiet tal-Kunsill tas-Sigurtà tan-NU fir-rigward tal-Iraq. Huma se jippromwovu r-ratifika u l-implimentazzjoni effettiva tal-ftehimiet internazzjonali relevanti, inkluża l-Konvenzjoni tal-1970 tal-Unesco dwar il-Mezzi ta' projbizzjoni u Prevenzjoni tal- Importazzjoni, Esportazzjoni u Trasferiment ta' Titolu Illeċitu tal-Proprejtà Kulturali.

4.   Il-Partijiet għandhom jinkoraġġixxu d-djalogu interkulturali bejn l-individwi, l-istituzzjonijiet u l-organizzazzjonijiet kulturali ji jirrapreżentaw is-soċjetà ċivili organizzata tal-Unjoni u l-Iraq.

5.   Il-Partijiet għandhom jikkordinaw l-isforzi tagħhom fil-fora internazzjonali, inkluż fil-kuntest tal-UNESCO, u/jew korpi oħra internazzjonali, bil-għan li jippromwovu d-diversità kulturali, b'mod partikolari dwar ir-ratifika u l-implimentazzjoni tal-Konvenzjoni tal-UNESCO dwar il-Protezzjoni u l-Promozzjoni tad-Diversità tal-Espressjonijiet Kulturali.

Artikolu 110

Kooperazzjoni reġjonali

1.   Il-Partijiet jaqblu li l-kooperazzjoni għandha tgħin biex tiffaċilita u ssostni l-istabbiltà u l-integrazzjoni reġjonali tal-Iraq. Għal dan il-fini huma jaqblu li jippromwovu attivitajiet mmirati lejn it-tisħiħ tar-relazzjonijiet mal-Iraq, il-pajjiżi ġirien tiegħu u sħab reġjonali oħra.

2.   Il-partijiet jaqblu li l-kooperazzjoni bejniethom tista' tinkludi azzjonijiet meħuda taħt il-ftehimiet ta' kooperazzjoni ma' pajjiżi oħra fl-istess reġjun, sakemm dik l-azzjoni hija kompatibbli ma' dan il-ftehim u fl-interessi tagħhom.

3.   Mingħajr ma tiġi eskluża kwalunkwe arja, il-Partijiet jaqblu illi jagħtu konsiderazzjoni partikolari għall-azzjonijiet illi ġejjin:

TITOLU V

DISPOŻIZZJONIJIET ISTITUZZJONALI, ĠENERALI U FINALI

Artikolu 111

Il-Kunsill ta' Kooperazzjoni

1.   Il-Kunsill ta' Kooperazzjoni qed jiġi hawn stabbilit għandu jissorvelja l-implimentazzjoni ta' dan il-Ftehim. Għandu jiltaqa' f'livell ministerjali darba fis-sena. Huwa għandu jeżamina kwalunkwe kwistjonijiet maġġuri fil-kuntest tal-qafas ta' dan il-Ftehim u kwalunkwe materja bilaterali jew internazzjonali li tkun ta' interess reċiproku għall-finijiet tal-kisba tal-għanijiet ta' dan il-Ftehim. Il-Kunsill ta' Kooperazzjoni jista' wkoll jagħmel rakkomandazzjonijiet xierqa, bi qbil reċiproku bejn iż-żewġ Partijiet.

2.   Il-Kunsill tal-Kooperazzjoni għandu jikkonsisti fir-rappreżentanti tal-Partijiet.

3.   Il-Kunsill tal-Kooperazzjoni għandu jistabbilixxi r-regoli tal-proċedura tiegħu.

4.   Kull Parti tista’ tirreferi lill-Kumitat ta' Kooperazzjoni kull tilwima rigward l-applikazzjoni jew l-interpretazzjoni ta' dan il-Ftehim.

5.   Il-Kumitat tal-Kooperazzjoni jista' jiddeċiedi l-kontroversja permezz ta' rakkomandazzjoni.

6.   Id-dispożizzjonijiet ta' dan l-Artikolu m'għandhom bl-ebda mod jaffettwaw u huma bla ħsara għad-dispożizzjonijiet speċifiċi r-riżoluzzjoni ta' tilwin skont Titolu II ta' dan il- Ftehim.

Artikolu 112

Kumitat ta' Kooperazzjoni u sottokumitati speċjalizzati

1.   Qed jiġi hawn stabbilit Kumitat ta' Kooperazzjoni magħmul minn rappreżentanti tal-Partijiet u bil-għan li jassisti lill-Kunsill fid-dmirijiet tiegħu.

2.   Il-Kunsill ta' Kooperazzjoni jista' jiddeċiedi li jistabbilixxi kwalunkwe sottokumitat jew korp speċjalizzat ieħor biex jassistih fit-twettiq tad-dmirijiet tiegħu u għandu jiddetermina l-kompożizzjoni u d-dmirijiet ta' dawn il-kumitati jew korpi speċjali u kif għandhom jiffunzjonaw.

Artikolu 113

Kumitat ta' Kooperazzjoni Parlamentari

1.   Qed jiġi stabbilit il-Kumitat ta' Kooperazzjoni Parlamentari. Għandu jkun forum għall-Membri tal-Parlament Iraqi u tal-Parlament Ewropew sabiex jiltaqgħu u jiskambjaw l-opinjonijiet.

2.   Il-Kumitat ta' Kooperazzjoni Parlamentari għandu jkun magħmul minn Membri tal-Parlament Ewropew, min-naħa waħda, u minn Membri Parlament Iraqi, min-naħa l-oħra.

3.   Il-Kumitat ta' Kooperazzjoni Parlamentari għandu jinforma bir-rakkomandazzjonjiet lill-Kunsill ta' Kooperazzjoni.

4.   Il-Kumitat Parlamentari ta' Assoċjazzjoni jista' jagħmel rakkomandazzjonijiet lill-Kunsill ta' Kooperazzjoni.

Artikolu 114

Faċilitajiet

Sabiex tiġi faċilitata l-Kooperazzjoni fil-qafas ta’ dan il-Ftehim, iż-żewġ Partijiet qed jaqblu li jagħtu l-faċilitajiet meħtieġa lill-esperti u lill-uffiċjali awtorizzati kif xieraq li jkunu involuti sabiex jimplimentaw il-Kooperazzjoni għall-prestazzjoni tal-funzjonijiet tagħhom, b’mod konformi mar-regoli interni u mar-regolamenti taż-żewġ Partijiet.

Artikolu 115

Applikazzjoni territorjali

Dan il-Ftehim għandu japplika, min-naħa l-waħda, għat-territorji li fihom it-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea japplikaw u skont il-kundizzjonijiet stipulati f’dawk it-Trattati u, min-naħa l-oħra, għat-territorju tal-Iraq.

Artikolu 116

Dħul fis-seħħ u tiġdid

1.   Dan il-Ftehim għandu jidħol fis-seħħ fl-ewwel jum tax-xahar ta' wara d-data ta' riċeviment, mid-depożitarju, tal-aħħar notifika mill-Partijiet dwar it-tlestija tal-proċeduri meħtieġa għal dan il-għan.

2.   Dan il-Ftehim qiegħed jiġi konkluż għall-perjodu ta' għaxar snin. Għandu jkun imġedded awtomatikament fuq bażi annwali sakemm waħda mill-Partijiet tirrinunzjah għalih mill-anqas sitt xhur qabel id-data ta' skadenza tiegħu. It-terminazzjoni tidħol fis-seħħ sitt xhur wara li l-Parti l-oħra tkun irċeviet in-notifika. Tali terminazzjoni m'għandhiex taffettwa l-proġetti li għadhom għaddejjin mibdija taħt dan il-Ftehim qabel li ġiet riċevuta n-notifika.

Artikolu 117

Applikazzjoni proviżorja

1.   Minkejja l-Artikolu 116, l-Unjoni u l-Iraq jaqblu li japplikaw l-Artikolu 2, u t-Titoli II, III u V ta' dan il-Ftehim mill-ewwel jum tat-tielet xahar wara d-data li l-Unjoni u l-Iraq ikunu nnotifikaw lil xulxin bit-tlestija tal-proċeduri neċessarji għal dan il-fini. In-notifiki għandhom jintbagħtu lis-Segretarju Ġenerali tal-Kunsill tal-Unjoni Ewropea, li għandu jkun id-depożitarju ta’ dan il-Ftehim.

2.   Fejn skont il-paragrafu 1, dispożizzjoni ta’ dan il-Ftehim tkun applikata mill-Partijiet sakemm dan jidħol fis-seħħ, kull referenza li ssir f’din id-dispożizzjoni sad-data tad-dħul fis-seħħ ta’ dan il-Ftehim għandha tkun miftiehma li din tkun saret sad-data li minnha l-Partijiet ikunu qablu li japplikaw dik id-dispożizzjoni skont il-paragrafu 1.

Artikolu 118

Nondiskriminazzjoni

Fl-oqsma koperti b’dan il-Ftehim u bla ħsara għal kull dispożizzjoni speċjali li hemm fih:

Artikolu 119

Klawżola evoluttiva

1.   Il-Partijiet jistgħu b’kunsens reċiproku jemendaw, jirrevedu, u jespandu dan il-Ftehim bil-ħsieb li jsaħħu l-livell ta’ kooperazzjoni, inkluż billi jsaħħuh bi ftehimiet jew protokolli li jikkonċernaw setturi jew attivitajiet speċifiċi.

2.   Rigward l-implimentazzjoni ta’ dan il-Ftehim, iż-żewġ Partijiet jistgħu jressqu suġġerimenti sabiex iwessgħu l-ambitu tal-kooperazzjoni, waqt li jikkunsidraw l-esperjenza li tkun inkisbet fl-applikazzjoni tiegħu. Kwalunkwe twessiegħ tal-ambitu tal-kooperazzjoni skont dan il-Ftehim se jkun deċiż fil-Kunsill ta' Kooperazzjoni.

Artikolu 120

Ftehimiet Oħrajn

1.   Bla ħsara għad-dispożizzjonijiet rilevanti tat-Trattat li jistabbilixxi l-Unjoni Ewropea u t-Trattat dwar il-Funzjonament tal-Unjoni Ewropea, la dan il-Ftehim u lanqas kwalunkwe azzjoni li tittieħed bis-saħħa tiegħu m’għandha taffettwa b’xi mod is-setgħat tal-Istati Membri sabiex iwettqu attivitajiet ta’ kooperazzjoni bilaterali mal-Iraq jew sabiex jikkonkludu, fejn xieraq, ftehimiet ġodda ta’ kooperazzjoni mal-Iraq.

2.   Dan il-Ftehim m’għandux jaffettwa l-applikazzjoni tal-obbligi li jkunu ttieħdu mill-Partijiet rispettivi f’relazzjoni ma’ partijiet terzi.

Artikolu 121

Nuqqas ta'eżekuzzjoni tal-Ftehim

1.   Il-Partijiet għandhom jadottaw kull miżura ġenerali jew speċifika meħtieġa sabiex jissodisfaw l-obbligi tagħhom skont dan il-Ftehim u għandhom jiżguraw li jikkonformaw mal-miri stabbiliti f'dan il-Ftehim.

2.   Fil-każ li waħda mill-Partijiet tikkunsidra lill-Parti l-oħra naqset li tissodisfa obbligu skont dan il-Ftehim tista' tieħu miżuri xierqa. Qabel tagħmel dan, għandha tagħti lill-Kunsill tal-Kooperazzjoni, fi żmien 30 jum, l-informazzjoni kollha rilevanti meħtieġa biex isir eżami dettaljat tas-sitwazzjoni bl-iskop li tinstab soluzzjoni aċċettabbli għall-Partijiet.

F'din is-selezzjoni ta' miżuri, għandha tingħata prijorità lil dawk li l-inqas jiddisturbaw il-funzjonament ta' dan il-Ftehim. Dawn il-miżuri jkunu mgħarrfa minnufiħ lill-Kunsill ta' Kooperazzjoni u jkunu suġġetti għal konsultazzjonijiet fil-Kunsill ta' Kooperazzjoni, jekk il-Parti l-oħra titlob hekk.

3.   B'deroga mill-paragrafu 2, kull Parti tista' immedjatament tieħu miżuri xierqa skont id-dritt internazzjonali fil-każ ta':

Il-Parti l-oħra tista' titlob li tissejjaħ laqgħa urġenti sabiex il-Partijiet jinġjiebu flimkien fi żmien 15-il jum għal-eżami dettaljat tas-sitwazzjoni bl-iskop li tinstab soluzzjoni aċċettabbli għall-Partijiet.

4.   B'deroga mill-paragrafu 2, jekk waħda mill-Partijiet tikkunsidra li l-Parti l-oħra naqset li tissodisfa obbligu skont it-Titolu II, għandha esklużivament tirrikorri għal, u timxi skont, il-proċeduri ta' soluzzjoni ta' tilwim stabbiliti skont it-Taqsima VI tat-Titolu II ta' dan il-Ftehim.

Artikolu 122

Definizzjoni tal-Partijiet

Għall-finijiet ta’ dan il-Ftehim, “il-Partijiet” għandha tfisser l-Unjoni jew l-Istati Membri tagħha jew l-Unjoni u l-Istati Membri tagħha, b’mod konformi mas-setgħat rispettivi tagħhom, min-naħa waħda, u l-Iraq, min-naħa l-oħra.

Artikolu 123

Testi awtentiċi

Dan il-Ftehim huwa mfassal f'żewġ oriġinali bil-Bulgaru, biċ-Ċek, bid-Daniż, bl-Ingliż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ungeriż, bit-Taljan, bil-Latvjan, bil-Litwan, bil-Malti, bil-Pollakk, bil-Portugiż, bir-Rumen, bis-Slovakk, bis-Sloven, bl-Ispanjol, bl-Isvediż u bl-Għarbi, b'kull wieħed minn dawn it-testi ugwalment awtentiku. Fil-każ ta’ xi kontradizzjoni, għandha ssir referenza għal-lingwa li fiha ġie nnegozjat dan il-Ftehim, jiġifieri l-Ingliż.

Artikolu 124

Annessi, appendiċi, protokolli u noti

L-Annessi, Appendiċi, Protokolli u Noti ma’ dan il-Ftehim jiffurmaw parti integrali minnu.