AN COIMISIÚN EORPACH

An Bhruiséil,25.11.2021

COM(2021) 731 final

2021/0381(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le trédhearcacht agus spriocdhíriú na fógraíochta polaitiúla

(Téacs atá ábhartha maidir le LEE)

{SEC(2021) 575 final} - {SWD(2021) 355 final} - {SWD(2021) 356 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Tiocfaidh méadú ar an ilroinnt sin de réir mar a fhorbraíonn na Ballstáit rialacha nua chun aghaidh a thabhairt ar an ngá atá le trédhearcacht na bhfógraí polaitiúla a áirithiú, go háirithe i gcomhthéacs forbairtí teicneolaíochta. Tá sé dóchúil go gcuirfidh rialacha nua náisiúnta ad hoc le hilroinnt na ngnéithe trédhearcachta riachtanacha, amhail an fhaisnéis is gá a fhoilsiú agus formáid na faisnéise sin, agus maidir le raon feidhme chur i bhfeidhm na gceanglas sin. Is dócha freisin go laghdóidh sé sin an deimhneacht dhlíthiúil tuilleadh, do sholáthraithe seirbhísí fógraíochta polaitiúla agus d’urraitheoirí na bhfógraí araon.

Cruthaíonn an ilroinnt seo na gceanglas trédhearcachta bacainní ar sholáthar seirbhísí. Tá costais chomhlíontachta shonracha i gceist leis do sholáthraithe seirbhíse ar gá dóibh infheistiú a dhéanamh chun na caighdeáin is infheidhme a chinneadh agus chun an fhógraíocht a chur in oiriúint do na dlínsí éagsúla, agus is é is cúis le héiginnteacht dhlíthiúil maidir leis na ceanglais trédhearcachta a bhfuil feidhm acu maidir le fógraíocht pholaitiúil. Maidir leis soláthraithe seirbhíse a d’fhéadfadh a seirbhísí a bhaineann le fógra polaitiúil a thairiscint i mBallstáit éagsúla, cuireann an ilroinnt seo srian freisin ar an bhféidearthacht go bhféadfadh siad dul isteach sa mhargadh i mBallstáit eile nó seirbhísí nua a fhorbairt. Dá bhrí sin, cuireann sé srian ar na féidearthachtaí atá ann d’fhaighteoirí seirbhísí chomh maith sa mhargadh inmheánach agus cuireann sé srian ar na féidearthachtaí agus ar an rogha atá ann feachtasaíocht trasteorann a dhéanamh. D’fhéadfadh sé nach mbeadh sé d’acmhainn ag Fiontair Bheaga agus Mheánmhéide (‘FBManna’) go háirithe déileáil leis na ceanglais agus na nósanna imeachta náisiúnta éagsúla a chinneadh agus iad féin a oiriúnú dóibh. Chuir soláthraithe seirbhísí fógraíochta polaitiúla ábhair imní in iúl maidir leis na bacainní sin le linn an chomhairliúcháin a rinneadh mar ullmhúchán don togra seo.

Bíonn tionchar aige sin freisin ar shaoránaigh agus ar údaráis inniúla, ós rud é go bhféadfadh foilsitheoirí fógraíochta polaitiúla agus soláthraithe seirbhísí gaolmhara a bheith lonnaithe i mBallstáit eile ó na Ballstáit sin ina bhfuil saoránaigh a bhíonn i dteagmháil leis an bhfógraíocht pholaitiúil, agus d'fhéadfadh saincheisteanna sonracha a bheith ann maidir le formhaoirseacht.

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

Áirítear sa Phlean Gníomhaíochta um an Daonlathas Eorpach roinnt tionscnamh chun sláine toghchán a chosaint agus rannpháirtíocht dhaonlathach a chur chun cinn. I measc nithe eile, tógann sé ar an taithí a fuarthas i gcomhthéacs chur chun feidhme Phacáiste Toghcháin an Choimisiúin 2018 8 agus obair an Líonra Eorpaigh um Chomhar maidir le Toghcháin.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Ina theannta sin, ós rud é go bhfuil rialacha sonracha áirithe sa togra seo maidir le daoine aonair a chosaint i ndáil le sonraí pearsanta a phróiseáil, go háirithe srianta ar theicnící spriocdhírithe a mheastar tionchar diúltach a bheith acu ar chearta nuair a úsáidtear iad i gcomhthéacs fógraíochta polaitiúla, is iomchuí an rialachán seo a bhunú, a mhéid a bhaineann leis na rialacha sonracha sin, ar Airteagal 16 CFAE.

•Coimhdeacht (i gcás inniúlacht neamheisiach)

Bheadh deimhneacht dhlíthiúil níos fearr, go háirithe do sholáthraithe seirbhíse, mar thoradh ar chomhchaighdeáin trédhearcachta an Aontais don fhógraíocht pholaitiúil agus do sheirbhísí gaolmhara. Chuirfí deireadh leis na costais chomhlíontachta incriminteacha a bhaineann le seirbhís a sholáthar thar theorainneacha, agus laghdófaí an riosca neamhchomhlíontachta. Dá réir sin, chuirfí deireadh leis an dreasacht atá ann do sholáthraithe seirbhísí fógraíochta polaitiúla an margadh inmheánach a dheighilt, agus sholáthrófaí dreasacht nua chun seirbhísí trasteorann a chur ar fáil agus cinn nua a fhorbairt.

Os a choinne sin, na héifeachtaí a bheadh ag aon ghníomhaíocht a dhéanfaí faoin dlí náisiúnta, bheadh siad teoranta do Bhallstát amháin agus bheadh an baol ann go rachfaí timpeall orthu nó go mbeadh sé deacair maoirseacht a dhéanamh orthu i ndáil le soláthraithe seirbhíse ó Bhallstáit eile, agus d’fhéadfadh sé go mbeadh siad neamhréireach le saorghluaiseacht laistigh den mhargadh inmheánach. Ní thabharfadh sé sin aghaidh ach oiread ar na fadhbanna a sainaithníodh ar fud an Aontais, agus d'fhéadfadh sé éifeachtaí na hilroinnte a ghéarú freisin. Chuideodh córas de chuid an Aontais freisin le húdaráis inniúla ina bhfeidhmeanna maoirseachta, le páirtithe leasmhara eile a ról sa phróiseas daonlathach a fheidhmiú agus le hathléimneacht fhoriomlán an Aontais a mhéadú i leith ionramháil faisnéise agus i leith cur isteach ar phróisis toghcháin, lena n‑áirítear bréagaisnéis.

•Comhréireacht

•An rogha ionstraime

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Comhairliúchán leis na páirtithe leasmhara

Le comhairliúchán ar an Measúnú Tionchair Tionscanta a foilsíodh an 26 Eanáir 2021 tugadh eolas chun sainiú na faidhbe agus na roghanna beartais a fhorbairt. Reáchtáladh comhairliúchán poiblí (OPC) ón 22 Eanáir 2021 go dtí an 2 Aibreán 2021. Cuireadh an comhairliúchán poiblí chun cinn trí shuíomh gréasáin an Choimisiúin, agus trí líonraí sonracha chomh maith.

D’eagraigh an Coimisiún cruinnithe le príomhpháirtithe leasmhara chun fianaise bhreise agus sonraí breise a bhailiú maidir leis na fadhbanna sonracha a dtugtar aghaidh orthu sa tionscnamh, agus freisin maidir leis an gcur chuige beartais agus an tionchar a ghabhann leis. Rinne sé comhairliúcháin dhéthaobhacha spriocdhírithe freisin agus rinne sé anailís ar go leor páipéar seasaimh agus páipéar anailíse a fuarthas, go háirithe i gcomhthéacs an tionscnamh a ullmhú. Rinneadh staidéar seachtrach chun tacú le hullmhú an Mheasúnaithe Tionchair atá mar bhuntaca leis an tionscnamh. Rinne an conraitheoir sraith comhairliúchán aonair le príomhpháirtithe leasmhara.

Ar an iomlán, tá comhaontú ginearálta i measc páirtithe leasmhara maidir leis an ngá atá le gníomhaíocht ar leibhéal an Aontais. Tá formhór mór páirtithe leasmhara d’aon tuairim go bhfuil bearnaí reachtacha ann nó go bhfuil gá le reachtaíocht nua. Léirigh méid teoranta acu ábhar imní agus thagair siad do shaincheisteanna toghcháin a bheith ina saincheart náisiúnta.

Léiríonn an comhairliúchán poiblí go gcreideann formhór na saoránach gur cheart d’fhoilsitheoirí fógraíochta polaitiúla faisnéis bhunúsach áirithe a choinneáil maidir leo sin a chuireann na fógraí sin isteach.

D’iarr soláthraithe seirbhísí fógraíochta polaitiúla go háirithe sainmhíniú comhchoiteann an Aontais a ligfeadh dóibh a chinneadh cé na fógraí ata ina bhfógraíocht pholaitiúil agus d’iarr cur chuige coiteann chun foráil a dhéanamh maidir le ceanglais chomhréireacha i ndáil le fógra polaitiúil atá urraithe a lipéadú, lena n‑áirítear eolas faoi chéannacht urraitheoir an fhógra. Luaigh soláthraithe an neamhchinnteacht agus na costais a bhaineann le hoibleagáidí ábhartha trédhearcachta a shainaithint agus a chomhlíonadh agus seirbhísí fógraíochta polaitiúla á dtairiscint thar theorainneacha nó i roinnt Ballstát.

Thacaigh eagraíochtaí na sochaí sibhialta go mór leis an trédhearcacht maidir le fógraíocht pholaitiúil, lena n‑áirítear cé na fógraí a thaispeántar, cé dóibh a thaispeántar iad, cén fáth, agus cé a d’íoc astu. Mheas siad nár leor bearta laga sa chomhthéacs sin. D’iarr siad freisin go dtabharfaí aghaidh ar an tsaincheist maidir le spriocdhíriú, chomh maith leis an trédhearcacht.

Ba dhíol sásaimh do na Ballstáit an tionscnamh agus bhí siad ar aon tuairim gur gá fógraíocht pholaitiúil a rialáil ar leibhéal an Aontais. Thacaigh na Ballstáit freisin le bearta a chuirfidh feabhas ar an rochtain atá ag taighdeoirí ar níos mó faisnéise maidir le fógraíocht pholaitiúil. Leag na Ballstáit béim ar bhearnaí sa rialáil agus san fhorfheidhmiú a bheith ann nuair a sholáthraítear seirbhísí fógraíochta polaitiúla thar theorainneacha.

Chuir Páirtithe Polaitiúla Eorpacha in iúl maidir leis na bearta lipéadaithe a chuidíonn le saoránaigh fios a bheith acu más fógra polaitiúil atá os a gcomhair, go gcuideoidh na bearta sin le daonlathas na hEorpa a neartú. Ba chúis imní ar leith dóibh an tionchar diúltach a bhí ag an mbeartas a chuir roinnt ardán an‑mhór chun feidhme ar líne le linn na dtoghchán do Pharlaimint na hEorpa roimhe seo ar a ngníomhaíochtaí ar leibhéal an Aontais/trasteorann.

•Bailiú agus úsáid saineolais

Obair ábhartha sa Chomhairle (lena n‑áirítear sna meithleacha inniúla) agus i bParlaimint na hEorpa (lena n‑áirítear sna Coistí um Ghnóthaí Bunreachtúla, Gnóthaí Dlíthiúla; Saoirsí Sibhialta, an Margadh Inmheánach agus Cosaint an Tomhaltóra, Ceartas agus Gnóthaí Baile agus an Coiste Speisialta um Chur Isteach Eachtrach) tá ionchur suntasach sa phróiseas seo tugtha ag an obair sin.

Chomh maith leis an gcomhairliúchán poiblí, a bhfuil tuairisc air thuas, ghlac an Coimisiún páirt i roinnt cruinnithe de pháirtithe leasmhara, agus cuireadh ceisteanna a bhí oiriúnach do gach catagóir.

An 18 Márta 2021, phléigh an Coimisiún an tionscnamh le saineolaithe na mBallstát ag cruinniú tiomnaithe den Chóras Mear-Rabhaidh. Bhí ionadaithe ó na Ballstáit agus ó Ghrúpa na Rialálaithe Eorpacha um Sheirbhísí na Meán Closamhairc i láthair. Chuathas i gcomhairle freisin le saineolaithe na mBallstát an 25 Márta 2021, faoi chuimsiú an Líonra Eorpaigh um Chomhar maidir le Toghcháin. Fuarthas faisnéis freisin ó ionchur na mBallstát i gcruinnithe a bhí ag an líonra sin roimhe seo ó 2019 i leith, lena n‑áirítear nuair a bhí mapáil chuimsitheach á déanamh ar na dlíthe agus na nósanna imeachta náisiúnta ábhartha.

Ar deireadh, sa staidéar a thacaíonn leis an Measúnú Tionchair, comhtháthaítear athbhreithniú litríochta ina léirítear go bhfuil comhdhearcadh acadúil ag teacht chun cinn maidir leis an ngá atá le trédhearcacht shonrach le haghaidh fógraíochta polaitiúla agus rialuithe ar úsáid sonraí pearsanta i dtaca le fógraíocht pholaitiúil (go háirithe ar líne).

I dtreoir ó chomhlachtaí idirnáisiúnta a leagann síos caighdeáin, amhail Comhairle na hEorpa, iarrtar freisin go mbeidh trédhearcacht shonrach san fhógraíocht pholaitiúil, lena n‑áirítear go háirithe maidir leis an urraitheoir agus le maoiniú, agus i gcás ar líne, maidir leis an sásra seachadta (e.g. algartaim, sonraí).

•Measúnú tionchair

·Rogha 1: Bearta teoranta chun an trédhearcacht a chur chun cinn agus chun aghaidh a thabhairt ar shaincheisteanna a bhaineann le spriocdhíriú;

·Rogha 2: Bearta chun an trédhearcacht a chomhchuibhiú agus chun aghaidh a thabhairt ar shaincheisteanna a bhaineann le spriocdhíriú. Bhí dhá fho‑rogha maidir le spriocdhíriú san áireamh sa Rogha seo.

Bhí sé i gceist le fo-rogha 2 toirmeasc coinníollach a chur ar spriocdhíriú, ach measadh go bhféadfaí na fo-roghanna a chomhcheangal. Meastar gur éifeachtaí toirmeasc neamhchoinníollach ar spriocdhíriú ar bhonn catagóirí speisialta sonraí pearsanta agus, dá bhrí sin, áirítear toirmeasc neamhchoinníollach sa togra seo. An toirmeasc ar spriocdhíriú ar bhonn catagóirí speisialta sonraí pearsanta, braitheann sé ar an tacaíocht ó pháirtithe leasmhara, freisin, páirtithe leasmhara a ndeachthas i gcomhairle leo agus an measúnú Tionchair á ullmhú.

•Oiriúnacht agus simpliúrialála

Is é an buntáiste suntasach a bhaineann le comhchuibhiú na rialacha maidir leis an trédhearcacht i dtaca le fógraíocht pholaitiúil, go mbeidh deimhneacht dhlíthiúil ann ar fud an Aontais, go gcuirfear deireadh leis na costais chomhlíontachta incriminteacha a bhaineann le seirbhís a chur ar fáil thar theorainneacha, agus go laghdófar an riosca neamhchomhlíontachta. Táthar ag súil go ndéanfaidh gach soláthraí seirbhísí fógraíochta polaitiúla éifeachtúlacht costais a dhíorthú agus seirbhísí á dtairiscint acu trí fhógraíocht pholaitiúil a chumadh ar bhonn comhchoiteann.

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Míniúchán mionsonraithe ar fhorálacha sonracha an togra (crostagairtí a sheiceáil)

2021/0381 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le trédhearcacht agus spriocdhíriú na fógraíochta polaitiúla

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagail 16 agus 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 9 ,

Ag féachaint don tuairim ó Choiste na Réigiún 10 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Tá soláthar na fógraíochta polaitiúla agus an t‑éileamh uirthi ag dul i méid agus tá gné thrasteorann na fógraíochta sin ag méadú de réir a chéile. Tá baint ag líon mór seirbhísí éagsúlaithe leis an ngníomhaíocht sin agus an líon sin ag méadú de réir a chéile, seirbhísí amhail comhairleachtaí polaitiúla, gníomhaireachtaí fógraíochta, ardáin teicneolaíochta fógraíochta, gnólachtaí caidrimh phoiblí, lucht tionchair agus oibreoirí éagsúla anailísíochta sonraí agus bróicéireachta. Is iomaí cineál fógraíochta polaitiúla a d’fhéadfadh a bheith ann, lena n‑áirítear inneachar ar íocaíocht, torthaí cuardaigh urraithe, teachtaireachtaí spriocdhírithe ar íocaíocht, ardú i ranguithe, rud éigin nó duine éigin a chur chun cinn mar chuid den inneachar, amhail suíomh táirgí, lucht tionchair agus formhuinithe eile. Ar na gníomhaíochtaí a bhaineann leis sin, d’fhéadfaí scaipeadh fógraíochta polaitiúla arna iarraidh sin d’urraitheoir nó foilsiú inneachair ar íocaíocht a bheith i gceist mar shampla.

(2)Is féidir fógraíocht pholaitiúil a scaipeadh nó a fhoilsiú thar theorainneacha ar bhealaí éagsúla agus ar na meáin éagsúla. Is féidir í a scaipeadh nó a fhoilsiú trí na meáin thraidisiúnta as líne, cur i gcás nuachtáin, teilifís agus raidió, agus ina theannta sin, níos mó ná riamh, trí ardáin ar líne, trí shuíomhanna gréasáin, trí fheidhmchláir mhóibíleacha, trí chluichí ríomhaireachta agus trí chomhéadain dhigiteacha eile. Ní hamháin go bhfuil na meáin ar líne níos oiriúnaithe do bheith á dtairiscint ar bhonn trasteorann, ach cruthaíonn siad dúshláin nua chasta ó thaobh rialála agus forfheidhmithe de freisin. Tá méadú mór ag teacht ar úsáid na fógraíochta polaitiúla ar líne agus tairgtear cineálacha áirithe fógraíochta polaitiúla líneacha as líne, amhail an raidió agus an teilifís, agus ar líne freisin mar sheirbhísí ar éileamh. Is iondúil go n‑eagraítear feachtais fógraíochta polaitiúla ar bhealach a bhainfidh leas as réimse meán agus foirmeacha.

(3)Ós rud é gur ar luach saothair a sholáthraítear an fhógraíocht de ghnáth, is ionann an fhógraíocht agus gníomhaíocht seirbhíse, lena n‑áirítear an fhógraíocht pholaitiúil, faoi Airteagal 57 den Chonradh ar Fheidhmiú an Aontais Eorpaigh (‘CFAE’). I nDearbhú Uimh. 22 maidir le daoine faoi mhíchumas, dearbhú a ghabhann le Conradh Amstardam, tháinig Comhdháil Ionadaithe Rialtais na mBallstát ar chomhaontú, agus bearta á n‑ullmhú faoi Airteagal 114 den Chonradh ar Fheidhmiú an Aontais Eorpaigh (CFAE), go bhfuil institiúidí an Aontais chun aird a thabhairt ar na riachtanais atá ag daoine faoi mhíchumas.

(4)Is sprioc phoiblí dhlisteanach é an gá le trédhearcacht a áirithiú, i gcomhréir leis na luachanna atá ag an Aontas agus ag na Ballstáit de bhun Airteagal 2 den Chonradh ar an Aontas Eorpach (‘CAE’). Ní éasca i gcónaí do na saoránaigh fógraíocht pholaitiúil a aithint ná a gcearta daonlathacha a fheidhmiú ar bhealach feasach. Tá gá le hardleibhéal trédhearcachta, i measc nithe eile, chun tacú le dioscúrsa polaitiúil atá oscailte agus cothrom agus le toghcháin nó reifrinn atá saor agus cothrom, agus chun an bhréagaisnéis agus cur isteach neamhdhleathach, lena n‑áirítear trasnaíocht eachtrach, a chomhrac. Is féidir le fógraíocht pholaitiúil a bheith ina éascaitheoir bréagaisnéise, go háirithe i gcás nach nochtar an ghné pholaitiúil atá ag an bhfógraíocht, agus i gcás ina bhfuil spriocdhíriú i gceist. Má bhaineann trédhearcacht le fógraíocht pholaitiúil, tacófar leis na vótálaithe tuiscint níos fearr a bheith acu ar chásanna ina mbíonn fógra polaitiúil á chur os a gcomhair, cén duine a bhfuil fógra á dhéanamh thar a cheann, agus cén chaoi a bhfuil soláthraí seirbhíse fógraíochta ag spriocdhíriú orthu, ionas gur fearr is féidir le vótálaithe roghanna feasacha a dhéanamh.

(5)I gcomhthéacs na fógraíochta polaitiúla, is minic a úsáidtear teicnící spriocdhírithe. Ba cheart teicnící spriocdhírithe agus aimpliúcháin a thuiscint mar theicnící a úsáidtear chun fógra polaitiúil spriocdhírithe a dhíriú ar dhuine sonrach nó ar ghrúpa daoine sonrach, sin nó chun cúrsaíocht, raon feidhme nó infheictheacht fógra pholaitiúil a mhéadú. I bhfianaise na cumhachta agus na hacmhainneachta atá ann chun mí‑úsáid a bhaint as sonraí pearsanta, lena n‑áirítear trí mhicrea-spriocdhíriú agus teicnící eile níos forbartha, d’fhéadfadh sé go mbeadh bagairt ar leith ag baint leis na teicnící sin ar leasanna dlisteanacha an phobail, amhail cothroime, comhdheiseanna agus trédhearcacht sa phróiseas toghcháin agus an ceart bunúsach chun bheith ar an eolas ar bhealach oibiachtúil, trédhearcach agus iolraíoch.

(6)Déantar an fhógraíocht pholaitiúil a rialáil go hilchineálach faoi láthair sna Ballstáit, agus dírítear go minic ar fhoirmeacha traidisiúnta na meán. Tá srianta sonracha ann, lena n‑áirítear srianta ar sheirbhísí fógraíochta polaitiúla a chur ar fáil thar theorannacha. Cuireann roinnt Ballstát cosc ar sholáthraithe seirbhíse an Aontais atá bunaithe i mBallstáit eile seirbhísí de chineál polaitiúil a sholáthar nó seirbhísí a bhfuil cuspóir polaitiúil acu a sholáthar le linn tréimhsí toghcháin. Bíodh sin mar atá, is dócha go bhfuil bearnaí agus lúba ar lár sa reachtaíocht náisiúnta i roinnt Ballstát, rud a fhágann go scaiptear fógraíocht pholaitiúil uaireanta gan aird a thabhairt ar na rialacha náisiúnta ábhartha agus go bhfuil an baol ann dá bhrí sin go mbainfear an bonn de chuspóir na rialála trédhearcachta maidir leis an bhfógraíocht pholaitiúil.

(7)Chun trédhearcacht fheabhsaithe san fhógraíocht pholaitiúil a chur ar fáil, lena n‑áirítear chun aghaidh a thabhairt ar ábhair imní na saoránach, tá roinnt Ballstát tar éis bearta breise a fhiosrú nó a bhreithniú chun aghaidh a thabhairt ar thrédhearcacht na fógraíochta polaitiúla agus chun tacú le dioscúrsa polaitiúil cothrom agus le toghcháin nó reifrinn atá saor agus cóir. Déantar na bearta náisiúnta sin a bhreithniú go háirithe i gcás fógraíocht a fhoilsítear agus a scaiptear ar líne agus d’fhéadfadh toirmisc bhreise a bheith i gceist leo. Bíonn idir bhearta boga agus bhearta ceangailteacha i gceist leis na bearta sin agus bíonn gnéithe éagsúla trédhearcachta ag baint leo.

(8)Fágann sin go bhfuil an margadh inmheánach ilroinnte, go laghdaítear an deimhneacht dhlíthiúil le haghaidh soláthraithe seirbhísí fógraíochta polaitiúla a dhéanann fógraí polaitiúla a ullmhú, a shuíomh, a fhoilsiú nó a scaipeadh, go gcruthaítear bacainní maidir le saorghluaiseacht seirbhísí gaolmhara, go ndéantar saobhadh ar an iomaíocht sa mhargadh inmheánach, lena n‑áirítear idir soláthraithe seirbhísí as líne agus ar líne, agus go n‑éilítear iarrachtaí casta comhlíontachta agus costais bhreise ar sholáthraithe seirbhíse ábhartha.

(9)Sa chomhthéacs sin, is dócha go ndíspreagfar soláthraithe seirbhísí fógraíochta polaitiúla óna seirbhísí fógraíochta polaitiúla a sholáthar i gcásanna trasteorann. Tá sé sin fíor go háirithe i gcás micrifhiontar agus FBManna, nach mbíonn na hacmhainní acu go minic chun na costais chomhlíontachta arda a bhaineann le fógraíochta polaitiúla a ullmhú, a shuíomh, a fhoilsiú nó a scaipeadh i níos mó ná Ballstát amháin a iompar nó a chur ar aghaidh. Cuireann sé sin srian ar infhaighteacht seirbhísí agus bíonn tionchar diúltach aige sin ar na deiseanna do sholáthraithe seirbhíse feachtais ilmheánacha agus ilnáisiúnta a chur ar fáil laistigh den mhargadh inmheánach.

(10)Ba cheart, dá bhrí sin, ardleibhéal comhsheasmhach trédhearcachta a áirithiú maidir leis an bhfógraíocht pholaitiúil ar fud an Aontais nuair a sholáthraítear seirbhísí fógraíochta polaitiúla, agus ba cheart na héagsúlachtaí a chuireann bac ar shaorchúrsaíocht seirbhísí gaolmhara laistigh den mhargadh inmheánach a chosc, trí oibleagáidí trédhearcachta aonfhoirmeacha a leagan síos do sholáthraithe seirbhísí fógraíochta polaitiúla lena ráthaítear cosaint aonfhoirmeach chearta na ndaoine agus maoirseacht ar fud an mhargaidh inmheánaigh ar bhonn Airteagal 114 CFAE.

(11)Níor cheart do na Ballstáit forálacha a choimeád ná a thabhairt isteach ina ndlíthe náisiúnta, ar forálacha iad nach bhfuil i gcomhréir leis na cinn a leagtar síos sa Rialachán seo, go háirithe forálacha atá níos déine nó nach bhfuil chomh dian sin, rud a áireofaí leibhéal trédhearcachta atá éagsúil maidir leis an bhfógraíocht pholaitiúil. Comhchuibhiú iomlán na gceanglas trédhearcachta a bhaineann le fógraíocht pholaitiúil, is rud é sin a mhéadaíonn an deimhneacht dhlíthiúil agus a laghdaíonn ilroinnt na n‑oibleagáidí a chomhlíonann soláthraithe seirbhíse i gcomhthéacs na fógraíochta polaitiúla.

(12)Ba cheart comhchuibhiú iomlán na gceanglas trédhearcachta a bheith gan dochar do shaoirse soláthraithe seirbhísí fógraíochta polaitiúla tuilleadh faisnéise maidir le fógraíocht pholaitiúil a sholáthar ar bhonn deonach, agus é sin mar chuid den tsaoirse chun tuairimí a nochtadh, saoirse atá cosanta faoi Airteagal 11 den Chairt um Chearta Bunúsacha.

(13)Níor cheart don Rialachán seo difear a dhéanamh d’inneachar substainteach na fógraíochta polaitiúla ná do na rialacha lena rialáiltear taispeáint na fógraíochta polaitiúla, lena n‑áirítear tréimhsí tosta, mar a thugtar orthu, roimh thoghcháin nó reifrinn.

(14)Ba cheart don Rialachán foráil a dhéanamh maidir le ceanglas riachtanach um chomhchuibhiú a bheidh infheidhme maidir le gníomhaithe eacnamaíocha a sholáthraíonn fógraíocht pholaitiúil agus seirbhísí a bhaineann leis sin (i.e. gníomhaíochtaí a dhéantar ar íocaíocht de ghnáth); is éard a bhíonn i gceist leis na seirbhísí sin go háirithe, fógraíocht pholaitiúil a ullmhú, a shuíomh, a chur chun cinn, a fhoilsiú agus a scaipeadh. Is ar bhonn Airteagal 114 CFAE a bhunaítear rialacha an Rialacháin seo lena ndéantar foráil maidir le hardleibhéal trédhearcachta i dtaca le seirbhísí fógraíochta polaitiúla. Ba cheart don Rialachán aghaidh a thabhairt freisin ar úsáid teicnící spriocdhírithe agus aimpliúcháin i gcomhthéacs fógraíocht pholaitiúil a fhoilsiú, a scaipeadh nó a chur chun cinn, teicnící a bhaineann le próiseáil sonraí pearsanta. Is ar bhonn Airteagal 16 CFAE a bhunaítear rialacha an Rialacháin seo lena dtugtar aghaidh ar úsáid an spriocdhírithe agus an aimpliúcháin. An fhógraíocht pholaitiúil a dhírítear ar dhaoine i mBallstát, ba cheart a áireamh inti an fhógraíocht arna hullmhú, arna suíomh nó arna foilsiú ag soláthraithe atá bunaithe lasmuigh den Aontas ach a scaiptear ar dhaoine laistigh den Aontas. Chun a chinneadh an bhfuil fógra polaitiúil dírithe ar dhaoine i mBallstát, ba cheart aird a thabhairt ar na tosca san fhógra a chruthaíonn nasc idir í agus an Ballstát sin, lena n‑áirítear teanga, comhthéacs, cuspóir na fógraíochta agus modhanna a scaipthe.

(15)Ní ann do shainmhíniú ar fhógraíocht pholaitiúil ná ar fhógra pholaitiúil ar leibhéal an Aontais. Tá gá le sainmhíniú coiteann chun raon feidhme chur i bhfeidhm na n‑oibleagáidí comhchuibhithe um thrédhearcacht agus rialacha maidir le spriocdhíriú agus aimpliúchán a leagan síos. Ba cheart don sainmhíniú sin an líon mór cineálacha fógraíochta polaitiúla a d’fhéadfadh a bheith ann a chumhdach, mar aon le haon mheán agus aon mhodh foilsithe nó scaipthe laistigh den Aontas, gan beann ar an bhfuil an fhoinse lonnaithe laistigh den Aontas nó i dtríú tír.

(16)Ba cheart a bheith san áireamh sa sainmhíniú ar fhógraíocht pholaitiúil fógraíocht a fhoilsíonn nó a scaipeann gníomhaí polaitiúil go díreach nó go hindíreach nó fógraíocht a fhoilsítear nó a scaiptear go díreach nó go hindíreach ar son gníomhaí polaitiúil nó thar a cheann. Ó tharla nach féidir fógraí a dhéanann gníomhaí polaitiúil, nó fógraí a dhéantar ar a shon nó thar a cheann a scaradh óna ghníomhaíocht ina ról mar ghníomhaí polaitiúil, is féidir a mheas go bhféadfaidís tionchar a imirt ar an dioscúrsa polaitiúil, ach amháin i gcás teachtaireachtaí de chineál príobháideach nó de chineál tráchtála amháin.

(17)Maidir le teachtaireacht a fhoilsíonn nó a scaipeann gníomhaithe eile, ar teachtaireacht í a d’fhéadfadh tionchar a imirt ar thoradh toghcháin nó reifrinn, ar phróiseas reachtach nó rialála nó ar iompraíocht vótála, ba cheart é sin a mheas mar fhógraíocht pholaitiúil freisin. Chun a chinneadh an bhféadfadh tionchar a bheith ag foilsiú nó scaipeadh teachtaireachta ar thoradh toghcháin nó reifrinn, ar phróiseas reachtach nó rialála nó ar iompraíocht vótála, ba cheart aird a thabhairt ar na tosca ábhartha uile, amhail inneachar na teachtaireachta, an teanga a úsáidtear chun an teachtaireacht a chur in iúl, an comhthéacs ina gcuirtear an teachtaireacht in iúl, cuspóir na teachtaireachta agus an modh lena bhfoilsítear nó lena scaiptear an teachtaireacht. Mar a tharlaíonn sé, d’fhéadfadh sé go mbeadh tionchar ag teachtaireachtaí maidir le saincheisteanna sochaíocha nó conspóideacha ar thoradh toghcháin nó reifrinn, ar phróiseas reachtach nó rialála nó ar iompraíocht vótála.

(18)Maidir le faisnéis phraiticiúil ó fhoinsí oifigiúla i dtaca le heagrú agus módúlachtaí rannpháirtíochta sna toghcháin nó sna reifrinn, níor cheart é a mheas mar fhógraíocht pholaitiúil.

(19)Tuairimí polaitiúla a chuirtear in iúl i gcláir na gcraoltaí líneacha closamhairc nó a fhoilsítear sna meáin chlóite gan íocaíocht dhíreach nó luach saothair coibhéiseach a bheith i gceist leo, níor cheart iad a chumhdach leis an Rialachán seo.

(20)Chun críoch an Rialacháin seo, ba cheart toghchán a thuiscint mar thoghcháin do Pharlaimint na hEorpa chomh maith leis na toghcháin nó na reifrinn uile a eagraítear ar an leibhéal náisiúnta, réigiúnach agus áitiúil sna Ballstáit agus toghcháin a eagraítear chun ceannaireacht páirtí pholaitiúil a bhunú. Níor cheart cineálacha eile toghcháin a áireamh ann, amhail ballóidí a eagraítear go príobháideach.

(21)Is gá fógra polaitiúil a shainiú mar chás ina bhfuil fógraíocht pholaitiúil i gceist. Áirítear ar na fógraí na modhanna trína ndéantar an teachtaireacht fógraíochta a chur in iúl, lena n‑áirítear trí ábhar clóite, trí na meáin chraolta nó trí sheirbhís ardáin ar líne.

(22)Gníomhaithe polaitiúla, de réir bhrí an Rialacháin seo, ba cheart dóibh tagairt a dhéanamh do choincheapa a shainmhínítear faoi dhlí an Aontais, agus faoin dlí náisiúnta chomh maith, i gcomhréir le hionstraimí dlí idirnáisiúnta amhail ionstraimí dlí de chuid Chomhairle na hEorpa. Ba cheart a áireamh ar choincheap na bpáirtithe polaitiúla a n‑eintitis chleamhnaithe agus a bhfo‑eintitis a bunaíodh le pearsantacht dhlítheanach nó gan pearsantacht dhlítheanach, chun tacú leo nó chun a gcuspóirí a shaothrú, mar shampla trí dhul i dteagmháil le grúpa sonrach vótálaithe nó le haghaidh cuspóir toghchánach sonrach.

(23)Ba cheart a áireamh freisin ar choincheap na ngníomhaithe polaitiúla, oifigigh neamhthofa, oifigigh thofa, iarrthóirí agus comhaltaí Rialtais ar an leibhéal Eorpach, náisiúnta, réigiúnach nó áitiúil. Ba cheart eagraíochtaí polaitiúla eile a áireamh sa sainmhíniú sin freisin.

(24)Leis an téarma feachtas fógraíochta, ba cheart tagairt a dhéanamh do shraith d’fhógraí nasctha a ullmhú, a fhoilsiú agus a scaipeadh i rith tréimhse conartha le haghaidh fógraíocht pholaitiúil, ar bhonn ullmhú, urraíocht agus maoiniú coiteann. Ba cheart ullmhúchán, suíomh, cur chun cinn, foilsiú agus scaipeadh fógra nó leaganacha d’fhógra ar mheáin éagsúla agus ag amanna éagsúla laistigh den timthriall toghcháin chéanna a bheith san áireamh ann.

(25)Níor cheart an sainmhíniú ar fhógraíocht pholaitiúil difear a dhéanamh do shainmhínithe náisiúnta ar pháirtithe polaitiúla, ar aidhmeanna polaitiúla ná ar thréimhsí feachtais ar an leibhéal náisiúnta.

(26)Chun réimse leathan na soláthraithe seirbhíse ábhartha atá nasctha le seirbhísí fógraíochta polaitiúla a chumhdach, ba cheart seirbhísí fógraíochta polaitiúla a thuiscint mar rud a chuimsíonn soláthraithe a bhfuil baint acu le hullmhú, suíomh, cur chun cinn, foilsiú agus scaipeadh na fógraíochta polaitiúla.

(27)Níor cheart a áireamh i gcoincheap na fógraíochta polaitiúla teachtaireachtaí a roinneann daoine aonair ina gcáil phearsanta amháin. Níor cheart a mheas go bhfuil daoine aonair ag gníomhú ina gcáil phearsanta má tá siad ag foilsiú teachtaireachtaí a n‑íocann duine eile as a scaipeadh nó a fhoilsiú.

(28)A luaithe a léirítear go bhfuil fógra nasctha le fógraíocht pholaitiúil, ba cheart é sin a chur in iúl go soiléir do sholáthraithe seirbhíse eile a bhfuil baint acu leis na seirbhísí fógraíochta polaitiúla. Ina theannta sin, a luaithe a shainaithnítear fógra mar fhógraíocht pholaitiúil, ba cheart scaipeadh breise an fhógra sin a bheith i gcomhréir leis na ceanglais trédhearcachta i gcónaí. Mar shampla, i gcás ina roinntear inneachar urraithe go horgánach, ba cheart an fhógraíocht a lipéadú fós mar fhógraíocht pholaitiúil.

(29)Na rialacha a leagtar síos sa Rialachán seo maidir le trédhearcacht, níor cheart feidhm a bheith acu ach amháin maidir le seirbhísí fógraíochta polaitiúla, i.e. fógraíocht pholaitiúil a sholáthraítear de ghnáth ar luach saothair, a bhféadfadh sochar comhchineáil a bheith ar áireamh inti. Níor cheart feidhm a bheith ag na ceanglais trédhearcachta maidir le hinneachar arna uaslódáil ag úsáideoir seirbhíse idirghabhálaí ar líne, amhail ardán ar líne, agus arna scaipeadh ag an tseirbhís idirghabhálach ar líne gan aird a thabhairt ar shuíomh, foilsiú nó scaipeadh na teachtaireachta shonraí, mura thug tríú páirtí luach saothair don úsáideoir as an bhfógraíocht pholaitiúil.

(30)Níor cheart feidhm a bheith ag na ceanglais trédhearcachta ach oiread maidir le faisnéis a roinnt trí sheirbhísí cumarsáide leictreonaí amhail seirbhísí teachtaireachta leictreonaí nó glaonna teileafóin, fad agus nach bhfuil aon seirbhís fógraíochta polaitiúla i gceist.

(31)Leis an tsaoirse chun tuairimí a nochtadh mar a chosnaítear le hAirteagal 11 den Chairt um Chearta Bunúsacha, cumhdaítear ceart an duine aonair tuairimí polaitiúla a bheith aige, faisnéis pholaitiúil a fháil agus a thabhairt agus smaointe polaitiúla a roinnt. Aon teorannú ar an gceart sin, ní mór dó Airteagal 52 den Chairt um Chearta Bunúsacha a chomhlíonadh agus is féidir an tsaoirse sin a bheith faoi réir modhnuithe agus srianta i gcás ina bhfuil bonn cirt leo i ngeall ar leas poiblí dlisteanach atá á shaothrú, agus i gcás ina gcomhlíonann siad prionsabail ghinearálta dhlí an Aontais, amhail comhréireacht agus deimhneacht dhlíthiúil. Is amhlaidh atá sé inter alia i gcás ina gcuirtear na tuairimí polaitiúla in iúl trí mheán na soláthraithe seirbhíse fógraíochta.

(32)A mhéid a bhaineann le hidirghabhálaithe ar líne, tá feidhm ag Rialachán (AE) 2021/XX [an Gníomh um Sheirbhísí Digiteacha] maidir le fógraí polaitiúla a fhoilsíonn nó a scaipeann idirghabhálaithe ar líne trí na rialacha cothrománacha is infheidhme maidir le gach cineál fógraíochta ar líne, lena n‑áirítear fógraí tráchtála agus polaitiúla. Ar bhonn an sainmhíniú ar fhógraíocht pholaitiúil a leagtar síos leis an Rialachán seo, is iomchuí gráinneacht bhreise a sholáthar maidir leis na ceanglais trédhearcachta a leagtar amach d’fhoilsitheoirí fógraíochta a thagann faoi raon feidhme Rialachán (AE) 2021/XX [an Ionstraim um Sheirbhísí Digiteacha], na mórardáin go háirithe. Baineann sé sin, go háirithe, le faisnéis a bhaineann le fógraí polaitiúla a mhaoiniú. Ní dhéanann ceanglais an Rialacháin seo difear d’fhorálacha na hIonstraime um Sheirbhísí Digiteacha, lena n‑áirítear na hoibleagáidí um measúnú agus um maolú riosca atá ar ardáin an‑mhóra ar líne a mhéid a bhaineann lena gcórais fógraíochta.

(33)D’fhéadfadh slabhra casta de sholáthraithe seirbhíse a bheith i gceist le fógraíocht pholaitiúil a ullmhú, a shuíomh, a chur chun cinn, a fhoilsiú agus a scaipeadh. Is amhlaidh a bhíonn go háirithe i gcás ina bhféadfaidh soláthraithe seirbhíse éagsúla a bheith i gceannas ar roghnú an ábhair fógraíochta, ar roghnú na gcritéar le haghaidh spriocdhíriú, ar sholáthar na sonraí a úsáidtear chun an fhógraíocht a spriocdhíriú, ar fhorálacha maidir le teicnící spriocdhírithe, agus ar sheachadadh agus ar scaipeadh na fógraíochta. Mar shampla, is féidir le seirbhísí uathoibrithe tacú le meaitseáil a dhéanamh idir próifíl an úsáideora comhéadain agus an t‑inneachar fógraíochta a sholáthraítear, trí úsáid a bhaint as sonraí pearsanta arna mbailiú go díreach ó úsáideoir na seirbhíse agus ó iompar ar líne an úsáideora, chomh maith le sonraí infeirithe.

(34)I bhfianaise a thábhachtaí atá sé éifeachtacht na gceanglas trédhearcachta a ráthú go háirithe, lena n‑áirítear chun maoirseacht na gceanglas sin a éascú, ba cheart do sholáthraithe seirbhísí fógraíochta polaitiúla a áirithiú maidir leis an bhfaisnéis ábhartha a bhailíonn siad agus a seirbhísí á soláthar acu, lena n‑áirítear an léiriú gur fógra polaitiúil atá i bhfógra áirithe, go ndéanann siad an fhaisnéis sin a sholáthar don fhoilsitheoir fógraíochta polaitiúla a chuireann an fógra polaitiúil os comhair an phobal. Chun tacú le cur chun feidhme éifeachtúil an cheanglais sin, agus le soláthar tráthúil cruinn na faisnéise sin, ba cheart do sholáthraithe seirbhísí fógraíochta polaitiúla féachaint le huathoibriú a dhéanamh ar tharchur na faisnéise idir soláthraithe seirbhísí fógraíochta polaitiúla, agus tacú leis an tarchur sin.

(35)I gcás ina bhfuil baol ann go rachaidh construáil shaorga thráchtála nó chonarthacha timpeall ar éifeachtacht na n‑oibleagáidí trédhearcachta a leagtar síos sa Rialachán, ba cheart feidhm a bheith ag na hoibleagáidí sin maidir leis an eintiteas nó leis na heintitis a sholáthraíonn an tseirbhís fógraíochta go príomha.

(36)D’fhéadfaí a áireamh sna céimeanna freisin sásra éifeachtúil a chur ar fáil do dhaoine ionas gur féidir leo a léiriú gur fógra polaitiúil atá i bhfógra, agus gníomhaíocht éifeachtach a dhéanamh mar fhreagairt ar an léiriú sin.

(37)Agus foráil á déanamh maidir le ceanglais shonracha, níor cheart a thuiscint le haon cheann de na hoibleagáidí a leagtar síos sa Rialachán seo go bhforchuirtear oibleagáid faireacháin ghinearálta ar sholáthraithe seirbhíse idirghabhálacha maidir le hinneachar polaitiúil atá á roinnt ag daoine nádúrtha nó dlítheanacha, ná níor cheart a thuiscint leo go bhforchuirtear oibleagáid ghinearálta ar sholáthraithe seirbhíse idirghabhálacha bearta réamhghníomhacha a dhéanamh i ndáil le hinneachar nó gníomhaíochtaí neamhdhleathacha a dhéanann na soláthraithe sin a tharchur nó a stóráil.

(38)Ach an fhógraíocht pholaitiúil a bheith trédhearcach, ba cheart go mbeadh na saoránaigh in ann a thuiscint gur fógra polaitiúil atá os a gcomhair. Ba cheart d’fhoilsitheoirí fógraíochta polaitiúla a áirithiú go bhfoilseofar, i dtaca le gach fógra polaitiúil, ráiteas soiléir ina gcuirtear in iúl gur fógra polaitiúil é agus céannacht a hurraitheora a nochtadh. I gcás inarb iomchuí, d’fhéadfadh lógó polaitiúil a bheith ag gabháil le hainm an urraitheora. Ba cheart d’fhoilsitheoirí fógraíochta polaitiúla úsáid a bhaint as lipéadú atá éifeachtach, agus aird a thabhairt ar fhorbairtí sa taighde eolaíoch ábhartha agus sa dea-chleachtas maidir le trédhearcacht a chur ar fáil trí lipéadú ar fhógraíocht. Ba cheart dóibh a áirithiú freisin go bhfoilseofar faisnéis maidir le gach fógra polaitiúil ionas gur féidir comhthéacs níos leithne an fhógra pholaitiúil agus na spriocanna atá leis a thuiscint, faisnéis is féidir a chur san áireamh san fhógra féin, nó gur féidir leis an bhfoilsitheoir í a chur ar fáil ar a shuíomh gréasáin, agus fáil a bheith uirthi trí nasc nó trí threoir choibhéiseach shoiléir atá sothuigthe ag úsáideoirí a chur san fhógra.

(39)Ba cheart an fhaisnéis sin a sholáthar i bhfógra trédhearcachta ar cheart céannacht an urraitheora a bheith ann freisin, d’fhonn tacú le cuntasacht sa phróiseas polaitiúil. Ba cheart áit bhunaithe an urraitheora agus cibé acu an duine nádúrtha nó duine dlítheanach an t‑urraitheoir a léiriú go soiléir. Sonraí pearsanta a bhaineann le daoine aonair atá páirteach san fhógraíocht pholaitiúil ach nach bhfuil gaolmhar leis an urraitheoir ná le gníomhaí polaitiúil eile atá páirteach, níor cheart na sonraí pearsanta sin a sholáthar san fhógra trédhearcachta. Ba cheart faisnéis a bheith san fhógra trédhearcachta freisin maidir leis an tréimhse scaipthe, aon toghchán nasctha, an méid airgid a caitheadh agus luach na sochar eile a fuarthas mar pháirtmhalairt nó mar mhalairt iomlán ar an bhfógra sonrach, chomh maith leis an bhfeachtas fógraíochta ar fad, foinse na gcistí a úsáideadh agus faisnéis eile chun cothroime maidir le scaipeadh na fógraíochta polaitiúla a áirithiú. Faisnéis maidir le foinse na gcistí, baineann an fhaisnéis sin lena thionscnamh poiblí nó príobháideach mar shampla, agus más laistigh nó lasmuigh den Aontas Eorpach a thagann sé. San fhaisnéis a bhaineann le toghcháin nó reifrinn nasctha, nuair is féidir, ba cheart nasc a chur inti chuig faisnéis ó fhoinsí oifigiúla maidir leis an eagrúchán agus leis na módúlachtaí le haghaidh rannpháirtíocht sna toghcháin nó sna reifrinn sin nó maidir le rannpháirtíocht sna toghcháin nó sna reifrinn sin a chur chun cinn. Ba cheart faisnéis a áireamh san fhógra trédhearcachta maidir leis an gcaoi is féidir fógraí polaitiúla a mharcáil i gcomhréir leis an nós imeachta a bhunaítear leis an Rialachán seo. Ba cheart don cheanglas sin a bheith gan dochar do na forálacha maidir le fógra a thabhairt de réir Airteagal 14, 15 agus 19 de Rialachán (AE) 2021/XXX [an Ionstraim um Sheirbhísí Digiteacha].

(40)Ba cheart an fhaisnéis atá le háireamh san fhógra trédhearcachta a sholáthar san fhógra féin nó ba cheart fáil éasca a bheith uirthi trí bhíthin comhartha atá san fhógra. An ceanglas go mbeidh an fhaisnéis faoin bhfógra trédhearcacht le feiceáil go soiléir inter alia, ba cheart a chuimsiú ann go mbeidh sí le feiceáil go soiléir san fhógra nó leis an bhfógra. An ceanglas go mbeidh rochtain éasca ar an bhfaisnéis a fhoilsítear san fhógra trédhearcachta, go mbeidh sí inléite ag meaisín nuair is féidir sin go teicniúil, agus go mbeidh sé éasca í a úsáid, ba cheart a chuimsiú ann go dtugann sí aghaidh ar riachtanais daoine atá faoi mhíchumas. In Iarscríbhinn I a ghabhann le Treoir 2019/882 (an Ionstraim Eorpach um Inrochtaineacht) tá ceanglais inrochtaineachta maidir le faisnéis, lena n‑áirítear faisnéis dhigiteach ar cheart a úsáid chun faisnéis pholaitiúil a dhéanamh inrochtana do dhaoine faoi mhíchumas.

(41)Ba cheart fógraí trédhearcachta a dhearadh chun feasacht na n‑úsáideoirí a ardú agus chun cuidiú le sainaithint shoiléir an fhógra pholaitiúil féin. Ba cheart iad a dhearadh sa chaoi go bhfanfaidh siad i bhfeidhm nó go mbeidh rochtain orthu i gcónaí i gcás ina ndéantar fógra polaitiúil a scaipeadh a thuilleadh, ar ardán eile mar shampla, sin nó é a chur ar aghaidh idir daoine aonair. Ba cheart an fhaisnéis atá san fhógra trédhearcachta a fhoilsiú nuair a chuirtear tús le foilsiú na bhfógraí polaitiúla agus ba cheart í a choinneáil ar feadh bliain amháin tar éis an fhoilsithe dheiridh. Ar an bhfaisnéis a choinnítear, ba cheart faisnéis maidir le fógraíocht pholaitiúil ar cuireadh deireadh léi nó a thóg an foilsitheoir síos a chur san áireamh.

(42)Ós rud é go gcuireann foilsitheoirí fógraíochta polaitiúla fógraí polaitiúla ar fáil don phobal, ba cheart dóibh an fhaisnéis sin a fhoilsiú nó a scaipeadh ar an bpobal mar aon leis an bhfógra polaitiúil a fhoilsiú nó a scaipeadh. Na fógraí polaitiúla nach gcomhlíonann na ceanglais trédhearcachta faoin Rialachán seo, níor cheart d’fhoilsitheoirí fógraíochta polaitiúla na fógraí sin a chur ar fáil don phobal. Ina theannta sin, foilsitheoirí fógraíochta polaitiúla atá ina n‑ardáin an‑mhór ar líne de réir bhrí Rialachán (AE) 2021/XXX [an Ionstraim um Sheirbhísí Digiteacha], ba cheart dóibh an fhaisnéis atá san fhógra trédhearcachta a chur ar fáil trí na stórtha fógraíochta atá foilsithe de bhun Airteagal 30 den Rialachán [an Ionstraim um Sheirbhísí Digiteacha]. Is rud é sin a éascófar obair na ngníomhaithe leasmhara, lena n‑áirítear taighdeoirí ina ról sonrach, chun tacú le toghcháin nó reifrinn atá saor agus cóir agus le feachtais toghcháin chóra lena n‑áirítear trí iniúchadh a dhéanamh ar urraitheoirí fógraíochta polaitiúla agus anailís a dhéanamh ar thírdhreach na fógraíochta polaitiúla.

(43)Soláthraí na seirbhíse fógraíochta polaitiúla a dhéanann inneachar fógra pholaitiúil a óstáil, sin nó a dhéanann é a stóráil nó a sholáthar, i gcás nach ionann é agus soláthraí na seirbhíse fógraíochta polaitiúla a rialaíonn an suíomh gréasáin nó comhéadan eile a thaispeánann an fógra polaitiúil ar deireadh, ba cheart iad sin a mheas mar fhoilsitheoirí fógraíochta le chéile, agus ba cheart freagracht a bheith ar an dá sholáthraí i ndáil leis an tseirbhís shonrach a sholáthraíonn siad, chun a áirithiú go gcuirfear lipéadú ar fáil agus go gcuirfear an fógra trédhearcachta agus an fhaisnéis ábhartha ar fáil. Ba cheart a léiriú sna socruithe conarthacha atá acu an chaoi a n‑eagraíonn siad comhlíonadh an Rialacháin seo.

(44)Faisnéis maidir leis na suimeanna a chaitear agus luach na sochar eile a fhaightear mar pháirtmhalairt nó mar mhalairt iomlán ar sheirbhísí fógraíochta polaitiúla, féadfaidh an fhaisnéis sin cur leis an dioscúrsa polaitiúil ar bhealach úsáideach. Is gá a áirithiú gur féidir forbhreathnú iomchuí ar ghníomhaíocht fógraíochta polaitiúla a fháil ó na tuarascálacha bliantúla a ullmhaíonn na foilsitheoirí fógraíochta polaitiúla ábhartha. Chun tacú le maoirseacht agus le cuntasacht, ba cheart a áireamh sa tuairisciú sin faisnéis faoi chaiteachas ar spriocdhíriú na fógraíochta polaitiúla sa tréimhse ábhartha, agus é comhiomlánaithe de réir feachtais nó iarrthóra. Chun ualaí díréireacha a sheachaint, níor cheart feidhm a bheith ag na hoibleagáidí tuairiscithe trédhearcachta sin maidir le fiontair atá cáilithe faoi Airteagal 3(3) de Threoir 2013/34/AE.

(45)Ba cheart d’fhoilsitheoirí fógraíochta polaitiúla a sholáthraíonn seirbhísí fógraíochta polaitiúla sásraí a chur ar bun a chuirfidh ar chumas daoine aonair a chur in iúl dóibh mura gcomhlíonann fógra polaitiúil ar leith atá foilsithe acu an Rialachán seo. Na sásraí chun fógraíocht den sórt sin a thuairisciú, ba cheart é a bheith éasca rochtain a fháil orthu agus iad a úsáid, agus ba cheart iad a chur in oiriúint don chineál fógraíochta a dháileann an foilsitheoir fógraíochta. A mhéid is féidir, ba cheart na sásraí sin a bheith inrochtana ón bhfógra féin, ar shuíomh gréasáin an fhoilsitheora fógraíochta mar shampla. Ba cheart d’fhoilsitheoirí fógraíochta polaitiúla a bheith in ann brath ar shásraí atá ann cheana i gcás inarb iomchuí. I gcás inar soláthraithe seirbhísí óstála ar líne iad na foilsitheoirí fógraíochta polaitiúla de réir bhrí na hIonstraime um Sheirbhísí Digiteacha, a mhéid a bhaineann leis na fógraí polaitiúla a óstáiltear arna iarraidh sin d’fhaighteoirí a gcuid seirbhísí, beidh feidhm i gcónaí ag forálacha Airteagal 14 den Ionstraim um Sheirbhísí Digiteacha maidir le fógraí i ndáil neamhchomhíonadh an Rialacháin seo ag na fógraí sin.

(46)Chun go mbeidh eintitis shonracha in ann a ról a imirt i ndaonlathais, is iomchuí rialacha a leagan síos maidir le tarchur na faisnéise a fhoilsítear leis an bhfógra polaitiúil nó atá le fáil san fhógra trédhearcachta chuig gníomhaithe leasmhara amhail lucht léinn grinnfhiosraithe, iriseoirí, eagraíochtaí na sochaí sibhialta agus breathnóirí toghcháin creidiúnaithe, chun tacú leo agus iad ag feidhmiú a gcuid ról sa phróiseas daonlathach. Níor cheart a cheangal ar sholáthraithe seirbhísí fógraíochta polaitiúla freagairt d’iarrataí atá go follasach gan bhunús nó iomarcach. Ina theannta sin, ba cheart cead a bheith ag an soláthraí seirbhíse ábhartha táille réasúnta a ghearradh i gcás iarrataí atriallacha agus costasacha, agus na costais riaracháin a bhaineann leis an bhfaisnéis a sholáthar á gcur san áireamh.

(47)Maidir le sonraí pearsanta a bhailítear go díreach ó dhaoine aonair, nó go hindíreach amhail sonraí infeirithe, nuair a dhéantar daoine a ghrúpáil de réir a spéiseanna toimhdithe nó de réir faisnéis a fhaightear óna ngníomhaíocht ar líne, úsáidtear próifíliú iompraíochta agus teicnící anailíse eile níos minice ná riamh chun teachtaireachtaí polaitiúla a spriocdhíriú ar ghrúpaí nó ar vótálaithe aonair nó ar dhaoine aonair, agus chun a dtionchar a aimpliú. Ar bhonn phróiseáil na sonraí pearsanta, go háirithe sonraí a mheastar a bheith íogair faoi Rialachán (AE) 2016/679 ó Pharlaimint na hEorpa agus ón gComhairle 11 agus Rialachán (AE) 2018/1725 ó Pharlaimint na hEorpa agus ón gComhairle 12 , is féidir grúpaí éagsúla vótálaithe nó daoine aonair a dheighilt agus a saintréithe nó a leochaileachtaí a dhúshaothrú agus é sin a dhéanamh cuir i gcás, trí fhógraí a scaipeadh ag amanna sonracha agus in áiteanna sonracha, amanna agus áiteanna atá ceaptha chun leas a bhaint as na cásanna ina mbeadh na grúpaí agus na daoine sin íogair ó thaobh cineál áirithe faisnéise nó teachtaireachtaí de. Bíonn tionchair shonracha agus dhochracha ag an gcleachtas sin ar chearta agus saoirsí bunúsacha na saoránach maidir le próiseáil a sonraí pearsanta agus a saoirse chun faisnéis oibiachtúil a fháil, chun teacht ar a dtuairim féin, chun cinntí polaitiúla a dhéanamh agus chun a gcearta vótála a fheidhmiú. Bíonn tionchar diúltach aige sin ar an bpróiseas daonlathach. Ba cheart srianta agus coinníollacha breise i gcomparáid le Rialachán (AE) 2016/679 agus Rialachán (AE) 2018/1725 a chur ar fáil. Na coinníollacha a leagtar amach sa Rialachán seo maidir le húsáid na dteicnící spriocdhírithe agus aimpliúcháin a mhéid a bhaineann le próiseáil sonraí pearsanta i gcomhthéacs na fógraíochta polaitiúla, ba cheart iad a bheith bunaithe ar Airteagal 16 CFAE.

(48)Tá toirmeasc ar theicnící spriocdhírithe nó aimpliúcháin a bhaineann le próiseáil sonraí pearsanta dá dtagraítear in Airteagal 9(1) de Rialachán (AE) 2016/679 agus in Airteagal 10(1) de Rialachán (AE) 2018/1725 i gcomhthéacs na fógraíochta polaitiúla. Níor cheart úsáid na dteicnící sin a cheadú ach amháin nuair is é an rialaitheoir a bhaineann úsáid astu, sin nó duine atá ag gníomhú thar a cheann, ar bhonn toiliú sainráite ón ábhar sonraí, nó nuair atá an rialaitheoir i mbun a ngníomhaíochtaí dlisteanacha, agus coimircí iomchuí i bhfeidhm, mar chuid d’fhondúireacht, comhlachas nó aon chomhlacht seachbhrabúsach eile lena mbaineann aidhm pholaitiúil, fhealsúnach, reiligiúnach nó ceardchumannachais, agus ar choinníoll nach mbainfidh an phróiseáil ach le comhaltaí nó le hiar-chomhaltaí an chomhlachta nó le daoine a mbíonn teagmháil rialta acu leis an gcomhlacht i ndáil lena chuspóirí agus ar choinníoll nach nochtfar na sonraí pearsanta lasmuigh den chomhlacht sin gan toiliú na n‑ábhar sonraí. Ba cheart coimircí sonracha a bheith ag gabháil leis sin. Ba cheart toiliú a thuiscint mar thoiliú de réir bhrí Rialachán (AE) 2016/679 agus Rialachán (AE) 2018/1725. Dá bhrí sin, níor cheart gur féidir brath ar na heisceachtaí mar a leagtar amach in Airteagal 9(2), pointí (b), (c), (e), (f), (g), (h), (i) agus (j) de Rialachán (AE) 2016/679 agus Airteagal 10(2), pointí (b), (c), (e), (f), (g), (h), (i) agus (j) de Rialachán (AE) 2018/1725 maidir le húsáid na dteicnící spriocdhírithe agus aimpliúcháin chun fógraíocht pholaitiúil a fhoilsiú, a chur chun cinn nó a scaipeadh nuair atá próiseáil sonraí pearsanta i gceist, rud dá dtagraítear in Airteagal 9(1) de Rialachán (AE) 2016/679 agus 10(1) de Rialachán (AE) 2018/725.

(49)Chun trédhearcacht agus cuntasacht fheabhsaithe a áirithiú nuair atá úsáid á baint as teicnící spriocdhírithe agus aimpliúcháin i gcomhthéacs na fógraíochta polaitiúla a bhaineann le próiseáil sonraí pearsanta, ba cheart do na rialaitheoirí coimircí breise a chur chun feidhme. Ba cheart dóibh beartas a ghlacadh agus a chur chun feidhme ina shonraítear úsáid na dteicnící sin chun spriocdhíriú a dhéanamh ar dhaoine aonair nó chun a n‑inneachar a aimpliú, agus ba cheart dóibh taifead a choimeád maidir lena ngníomhaíochtaí ábhartha. Nuair atá fógra polaitiúil á fhoilsiú, á chur chun cinn nó á scaipeadh agus úsáid á baint as teicnící spriocdhírithe agus aimpliúcháin chuige sin, ba cheart do na rialaitheoirí a sholáthar, in éineacht leis an bhfógra polaitiúil, faisnéis fhónta chun gur féidir leis an duine aonair lena mbaineann an loighic a úsáidtear agus príomhpharaméadair an spriocdhírithe a thuiscint, mar aon le húsáid sonraí tríú páirtí agus teicnící anailíse breise, lena n‑áirítear an ndearnadh optamú breise ar spriocdhíriú an fhógra le linn a sheachadta.

(50)Na foilsitheoirí fógraíochta polaitiúla a bhaineann úsáid as teicnící spriocdhírithe nó aimpliúcháin, ba cheart dóibh a áireamh ina bhfógra trédhearcachta, an fhaisnéis is gá chun gur féidir leis an duine aonair lena mbaineann an loighic agus príomhpharaiméadair na teicníce arna n‑úsáid a thuiscint, mar aon le húsáid sonraí tríú páirtí agus teicnící anailíseacha breise, agus nasc chuig beartas ábhartha an rialaitheora. I gcás nach ionann an rialaitheoir agus an foilsitheoir fógraíochta, ba cheart don rialaitheoir an beartas inmheánach nó tagairt dó a tharchur chuig an bhfoilsitheoir fógraíochta polaitiúla. Ba cheart do sholáthraithe seirbhísí fógraíochta, de réir mar is gá, an fhaisnéis is gá chun a n‑oibleagáidí faoin Rialachán seo a chomhlíonadh a tharchur chuig an bhfoilsitheoir fógraíochta polaitiúla. D’fhéadfaí soláthar na faisnéise sin a uathoibriú agus a chomhtháthú sna gnáthphróisis ghnó ar bhonn na gcaighdeán.

(51)D’fhonn tuilleadh cumhachta a thabhairt do dhaoine aonair chun go mbeidh siad in ann a gcearta cosanta sonraí a fheidhmiú, ba cheart d’fhoilsitheoirí fógraíochta polaitiúla faisnéis bhreise agus uirlisí éifeachtacha a chur ar fail don ábhar sonraí lena mbaineann chun tacú leis ó thaobh a chearta a fheidhmiú faoi chreat dlíthiúil an Aontais maidir le cosaint sonraí, lena n‑áirítear cur i gcoinne fógra polaitiúil nó a thoiliú a tharraingt siar nuair a dhéantar fógra polaitiúil a spriocdhíriú air. Ba cheart é a bheith éasca rochtain a fháil ar an bhfaisnéis sin go díreach ón bhfógra trédhearcachta. Na huirlisí a chuirtear ar fáil do na daoine aonair chun tacú leo ó thaobh fheidhmiú a gcuid gceart de, ba cheart iad a bheith éifeachtach ó thaobh cosc a chur ar fhógraí polaitiúla a spriocdhíriú ar dhuine aonair, agus ó thaobh cosc a chur ar rialaitheoir amháin nó rialaitheoirí éagsúla sonracha spriocdhíriú a dhéanamh ar dhuine aonair ar bhonn critéir shonracha.

(52)Ba cheart don Choimisiún spreagadh a thabhairt maidir le cóid iompair a tharraingt suas, rud dá dtagraítear in Airteagal 40 de Rialachán (AE) 2016/679 chun tacú le feidhmiú chearta na n‑ábhar sonraí sa chomhthéacs seo.

(53)An fhaisnéis atá le soláthar i gcomhréir leis na ceanglais uile is infheidhme maidir le húsáid teicnící spriocdhírithe agus aimpliúcháin faoin Rialachán seo, ba cheart í a chur i láthair i bhformáid atá inrochtana go héasca, atá le feiceáil go soiléir agus atá soláimhsithe ag úsáideoirí, lena n‑áirítear trí ghnáthfhriotal a úsáid.

(54)Is iomchuí rialacha a leagan síos maidir le tarchur na faisnéise ar spriocdhíriú chuig eintitis leasmhara eile. Ba cheart an córas is infheidhme a bheith comhsheasmhach leis an gcóras um tharchur na faisnéise a bhaineann leis na ceanglais trédhearcachta.

(55)Soláthraithe fógraíochta polaitiúla atá bunaithe i dtríú tír agus a thairgeann seirbhísí san Aontas, ba cheart dóibh ionadaí dlíthiúil sainordaithe san Aontas a ainmniú chun go bhféadfar maoirseacht éifeacht ar an Rialachán seo a dhéanamh i ndáil leis na soláthraithe sin. D’fhéadfadh sé gurbh é an t‑ionadaí dlíthiúil an t‑ionadaí a ainmnítear ar bhonn Airteagal 27 de Rialachán (AE) 2016/679 nó an t‑ionadaí a ainmnítear ar bhonn Airteagal 11 de Rialachán (AE) 2021/xxx [an Ionstraim um Sheirbhísí Digiteacha].

(56)Ar mhaithe le maoirseacht éifeachtach an Rialacháin seo, is gá cúram a chur ar na húdaráis formhaoirseachta chun go mbeidh an inniúlacht acu faireachán a dhéanamh ar na rialacha ábhartha agus iad a fhorfheidhmiú. Ag brath ar chóras dlí gach Ballstáit agus i gcomhréir le dlí an Aontais atá ann cheana, lena n‑áirítear Rialachán (AE) 2016/679 agus Rialachán (AE) 2021/xxx [an Ionstraim um Sheirbhísí Digiteacha], féadfar údaráis náisiúnta, bhreithiúnacha nó riaracháin éagsúla a ainmniú chuige sin.

(57)A mhéid a bhaineann le maoirseacht ar sheirbhísí idirghabhálacha ar líne faoin Rialachán seo, ba cheart do na Ballstáit údaráis inniúla a ainmniú agus a áirithiú go bhfuil an mhaoirseacht sin comhleanúnach leis na húdaráis inniúla arna n‑ainmniú de bhun Airteagal 38 de Rialachán (AE) [an Ionstraim um Sheirbhísí Digiteacha]. Comhordaitheoirí Seirbhísí Digiteacha i ngach Ballstát, de bhun Rialachán (AE), an Ionstraim um Sheirbhísí Digiteacha, ba cheart an fhreagracht a bheith orthu as comhordú a áirithiú ar an leibhéal náisiúnta i ndáil leis na hábhair sin, agus i gcás inar gá, dul i mbun comhar trasteorann le Comhordaitheoirí Seirbhísí Digiteacha eile, de réir na sásraí a leagtar síos i Rialachán (AE) [an Ionstraim um Sheirbhísí Digiteacha]. Faoi chuimsiú chur i bhfeidhm an Rialacháin seo, ba cheart an sásra sin a theorannú don chomhar náisiúnta idir Comhordaitheoirí Seirbhísí Digiteacha [agus níor cheart a áireamh ann go n‑ardófar chuig leibhéal an Aontais é mar a fhoráiltear le Rialachán (AE) [an Ionstraim um Sheirbhísí Digiteacha].

(58)Maidir le formhaoirseacht ar na gnéithe sin den Rialachán seo nach dtagann faoi inniúlacht na n‑údarás maoirseachta faoi Rialachán (AE) 2016/679, Rialachán (AE) 2018/725, ba cheart do na Ballstáit údaráis inniúla a ainmniú. Chun tacú leis na cearta agus na saoirsí bunúsacha, an smacht reachta, na prionsabail dhaonlathacha agus muinín an phobail as maoirseacht ar an bhfógraíocht pholaitiúil, is gá go mbeidh na húdaráis sin neamhspleách ó thaobh struchtúir de ó idirghabháil sheachtrach nó ón mbrú polaitiúil agus go gcumhachtaítear iad go hiomchuí ionas gur féidir leo faireachán éifeachtach a dhéanamh agus na bearta is gá a ghlacadh chun comhlíonadh an Rialacháin seo a áirithiú, go háirithe na hoibleagáidí a leagtar síos in Airteagal 7. Féadfaidh na Ballstáit na húdaráis nó na comhlachtaí rialála náisiúnta a ainmniú go háirithe faoi Airteagal 30 de Threoir 2010/13/AE ó Pharlaimint na hEorpa agus ón gComhairle 13 .

(59)I gcás inarb ann do rialacha cheana féin faoi dhlí an Aontais maidir le faisnéis a sholáthar do na húdaráis inniúla agus comhar leis na húdaráis sin agus eatarthu, amhail Airteagal 9 de Rialachán (AE)/xxx [an Ionstraim um Sheirbhísí Digiteacha], nó na rialacha atá i Rialachán (AE) 2016/679, ba cheart feidhm mutatis mutandis a bheith ag na rialacha sin maidir le forálacha ábhartha an Rialacháin seo.

(60)Na húdaráis atá inniúil maidir le formhaoirseacht ar an Rialachán seo, ba ceart dóibh dul i gcomhar le chéile ar an leibhéal náisiúnta agus ar leibhéal an Aontais agus an úsáid is fearr is féidir a bhaint as na struchtúir atá ann cheana lena n‑áirítear líonraí náisiúnta comhair, an Líonra Eorpach um Comhar maidir le Toghcháin dá dtagraítear i Moladh C(2018) 5949 final, agus Grúpa na Rialtóirí Eorpacha um Sheirbhísí Meán Closamhairc arna bhunú faoi Threoir 2010/13/AE. De thairbhe an chomhair sin, ba cheart go n‑éascófaí malartú faisnéise tapa slán maidir le saincheisteanna a bhaineann le feidhmiú a gcúraimí maoirseachta agus forfheidhmiúcháin de bhun an Rialacháin seo, lena n‑áirítear trí sháruithe a shainaithint go comhpháirteach, torthaí agus saineolas a roinnt, agus teagmháil a dhéanamh lena chéile maidir le rialacha ábhartha a chur i bhfeidhm agus a fhorfheidhmiú.

(61)D’fhonn éascaíocht a dhéanamh ar chur i bhfeidhm éifeachtach na n‑oibleagáidí a leagtar amach sa Rialachán, is gá cumhacht a thabhairt do na húdaráis náisiúnta ionas go mbeidh siad in ann an fhaisnéis ábhartha maidir le trédhearcacht na fógraíochta polaitiúla a iarraidh ar na soláthraithe seirbhísí. An fhaisnéis atá le tarchur chuig na húdaráis inniúla, d’fhéadfadh feachtas fógraíochta a bheith mar ábhar di, agus i comhiomlánaithe de réir blianta nó d’fhéadfadh fógraí sonracha a bheith i gceist léi. Chun a áirithiú gur féidir na hiarrataí ar an bhfaisnéis sin a chomhlíonadh ar bhealach éifeachtach éifeachtúil agus an tráth céanna nach gcuirfear soláthraithe seirbhísí fógraíochta polaitiúla faoi réir aon ualach díréireach, is gá coinníollacha áirithe a leagan síos ar cheart do na hiarrataí sin iad a chomhlíonadh. Ar mhaithe le maoirseacht thráthúil a dhéanamh ar phróiseas toghcháin go háirithe, ba cheart do sholáthraithe seirbhísí fógraíochta polaitiúla freagairt go tapa d’iarrataí ó údaráis inniúla agus é sin a dhéanamh i gcónaí laistigh de 10 lá oibre ó fuarthas an beart. Ar mhaithe leis an deimhneacht dhlíthiúil agus i gcomhréir le cearta na cosanta, ba cheart ráiteas leormhaith ar chúiseanna agus faisnéis maidir leis an sásamh atá ar fáil a bheith sna hiarrataí a dhéanann an t‑údarás inniúil ar fhaisnéis a sholáthar. Ba cheart do sholáthraithe seirbhísí fógraíochta polaitiúla pointe teagmhála a ainmniú le haghaidh idirghníomhaíochta leis na húdaráis inniúla. D’fhéadfadh na pointí teagmhála sin a bheith leictreonach.

(62)Ba cheart do na Ballstáit pointe teagmhála ar leibhéal an Aontais a ainmniú chun críocha an Rialacháin seo. Ba cheart gur comhalta den Líonra Eorpach um Comhar maidir le Toghchán a bheidh sa phointe teagmhála, más féidir. Ba cheart don phointe teagmhála comhar a éascú i measc údaráis inniúla idir na Ballstáit ó thaobh a gcúraimí maoirseachta agus forfheidhmiúcháin de, go háirithe trí idirghabháil a dhéanamh idir na pointí teagmhála i mBallstáit eile agus na húdaráis inniúla ina Bhallstát féin.

(63)Ba cheart d’údaráis na mBallstáit a áirithiú go ngearrfar fíneálacha riaracháin nó pionóis airgeadais i ngeall ar sháruithe ar na hoibleagáidí a leagtar síos sa Rialachán seo. Agus é sin a dhéanamh acu, ba cheart dóibh aird a thabhairt ar chineál, tromchúis, atarlú agus fad an tsáraithe, i bhfianaise leas an phobail atá i gceist, raon feidhme agus cineál na ngníomhaíochtaí a rinneadh, mar aon le hacmhainn eacnamaíoch an té a rinne an sárú. Sa chomhthéacs sin, ba cheart aird a thabhairt ar an ról ríthábhachtach atá ag na hoibleagáidí a leagtar síos in Airteagal 7 le haghaidh shaothrú éifeachtach chuspóirí an Rialacháin atá i bhfeidhm faoi láthair. Thairis sin, ba cheart dóibh a chur san áireamh más rud é nach gcomhlíonann an soláthraí seirbhíse lena mbaineann na hoibleagáidí a eascraíonn as an Rialachán seo ar bhonn córasach nó ar bhonn tráthrialta, lena n‑áirítear trí mhoill a chur ar sholáthar na faisnéise d’eintitis leasmhara, agus i gcás inarb ábhartha, más rud é go bhfuil an soláthraí seirbhísí fógraíochta polaitiúla gníomhach i roinnt Ballstát. I ngach cás ar leith, is fíneálacha agus pionóis éifeachtacha, chomhréireacha agus athchomhairleacha a bheidh sna fíneálacha riaracháin agus sna pionóis airgeadais, agus aird chuí á tabhairt do sholáthair na coimircí nós imeachta atá leordhóthanach agus inrochtana, agus go háirithe chun a áirithiú go leanfaidh an dioscúrsa polaitiúil de bheith oscailte agus inrochtana.

(64)Beidh feidhmiú a gcumhachtaí ag na húdaráis inniúla faoin Airteagal seo faoi réir coimircí nós imeachta iomchuí i gcomhréir le dlí an Aontais agus leis an dlí náisiúnta, lena n‑áirítear leigheas breithiúnach éifeachtach agus próis chuí.

(65)Ba cheart do na Ballstáit fad beacht a dtréimhsí toghcháin a fhoilsiú, arna leagan amach de réir a dtraidisiún toghchánach, agus é a dhéanamh luath go leor roimh thús an fhéilire toghcháin.

(66)Chun cuspóirí an Rialacháin seo a chomhlíonadh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh a tharmligean chuig an gCoimisiún i ndáil le hAirteagal 7(7) chun tuilleadh sonraithe a dhéanamh ar an bhfoirm inar cheart an fhaisnéis sna fógraí trédhearcachta de réir an Airteagail sin a sholáthar; agus i ndáil le hAirteagal 12(8) chun tuilleadh sonraithe a dhéanamh ar an bhfoirm inar cheart na ceanglais maidir le soláthar na faisnéise ar spriocdhíriú a sholáthar. Tá sé tábhachtach go háirithe, go rachaidh an Coimisiún i mbun comhairliúcháin iomchuí, lena n‑áirítear leis na saineolaithe arna n‑ainmniú ag gach Ballstát, agus go ndéanfar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach maidir le Reachtóireacht Níos Fearr an 13 Aibreán 2016. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(67)Laistigh de 2 bhliain tar éis gach toghcháin do Pharlaimint na hEorpa, ba cheart don Choimisiún tuarascáil a chur isteach ar mheastóireacht agus ar athbhreithniú an Rialacháin seo. Agus an tuarascáil sin á dhéanamh aige, ba cheart don Choimisiún cur chun feidhme an Rialacháin seo i gcomhthéacs toghcháin agus reifrinn eile atá ar siúl san Aontas a chur san áireamh. Ba cheart athbhreithniú a dhéanamh sa tuarascáil inter alia chun a shuí an oiriúnach fós forálacha Iarscríbhinní an Rialacháin seo agus breithniú a dhéanamh an bhfuil gá lena n‑athbhreithniú.

(68)Oibleagáidí comhlántacha maidir le húsáid na fógraíochta polaitiúla ag páirtí polaitiúla Eorpach, foráiltear maidir leo i Rialachán (AE) 1141/2014 maidir le reacht agus cistiú páirtithe polaitiúla agus fondúireachtaí Eorpacha.

(69)Cuspóirí an Rialacháin seo, eadhon dea-fheidhmiú an mhargaidh inmheánaigh le haghaidh na fógraíochta polaitiúla agus seirbhísí gaolmhara, agus rialacha a bhunú maidir le húsáid an spriocdhírithe i gcomhthéacs fhoilsiú agus scaipeadh na fógraíochta polaitiúla, ós rud é nach féidir leis na Ballstáit na cuspóirí sin a ghnóthú go leordhóthanach astu féin agus gur fearr is féidir iad a ghnóthú ar leibhéal an Aontais, féadfaidh an tAontas an Rialachán seo a ghlacadh i gcomhréir le prionsabal na coimhdeachta a leagtar amach in Airteagal 5 CAE. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(70)Tá an Rialachán seo gan dochar do na rialacha a leagtar síos go háirithe le Treoir 20003/31/CE, lena n‑áirítear na rialacha dliteanais le haghaidh soláthraithe seirbhíse idirghabhálacha in Airteagail 12 go 15 den Threoir sin arna modhnú le Rialachán (AE) 2021/xxx [an Ionstraim um Sheirbhísí Digiteach], Rialachán (AE) 2021/xxx [an Ionstraim um Margaí Digiteacha], Treoir 2002/52/CE agus Rialachán (AE) XXX [an Rialachán maidir le Ríomh‑Phríobháideachas], mar aon le Treoir (AE) 2000/31/CE, Treoir 2002/58/CE, Treoir 2005/29/CE, Treoir 2011/83/AE, Treoir 2006/114/CE, Treoir 2006/123/CE agus Rialachán (AE) 2019/1150.

(71)Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé tuairim uaidh an XX XX 2022.

TAR ÉIS AN RIALACHÁN SEO A GHLACADH:

CAIBIDIL I – FORÁLACHA GINEARÁLTA

Airteagal 1

Ábhar agus raon feidhme

1.Sa Rialachán seo leagtar síos na nithe seo a leanas:

(a)oibleagáidí comhchuibhithe trédhearcachta le haghaidh soláthraithe fógraíochta polaitiúla agus seirbhísí gaolmhara maidir le faisnéis a bhaineann le soláthar seirbhísí den sórt sin a choinneáil, a nochtadh agus a fhoilsiú;

(b)rialacha comhchuibhithe maidir le húsáid teicnící spriocdhírithe agus aimpliúcháin i gcomhthéacs fógraíochta polaitiúla a fhoilsiú, a scaipeadh nó a cur chun cinn, ar teicnící iad a bhaineann le próiseáil sonraí pearsanta.

2.Beidh feidhm ag an Rialachán seo maidir le fógraíocht pholaitiúil a dhéantar a ullmhú, a shuíomh, a chur chun cinn, a fhoilsiú nó a scaipeadh san Aontas, nó a dhírítear ar dhaoine aonair i mBallstáit amháin nó i roinnt Ballstát, gan beann ar áit bhunaíochta an tsoláthraí seirbhísí fógraíochta, agus gan beann ar na modhanna a úsáidtear.

3.Is iad seo a leanas aidhmeanna an Rialacháin seo:

(a)cur le feidhmiú cuí mhargadh inmheánaigh na fógraíochta polaitiúla agus a seirbhísí gaolmhara;

(b)daoine nádúrtha a chosaint i ndáil le próiseáil sonraí pearsanta.

1.Tá an Rialachán seo gan dochar do na rialacha a leagtar síos leis an méid seo a leanas:

(a)Treoir 2000/31/CE;

(b)Treoir 2002/58/CE agus Rialachán (AE) XXX [Rialachán maidir le ríomh‑Phríobháideachas];

(c)Treoir 2005/29/CE;

(d)Treoir 2006/114/CE;

(e)Treoir 2006/123/CE;

(f)Treoir (AE) 2010/13;

(g)Treoir 2011/83/AE;

(h)Rialachán (AE) 2019/1150;

(i)Rialachán (AE) 2021/xxx [an Ionstraim um Sheirbhísí Digiteacha].

Airteagal 2

Sainmhínithe

Chun críoch an Rialacháin seo, beidh feidhm ag na sainmhínithe seo a leanas:

1.ciallaíonn “seirbhís” aon ghníomhaíocht eacnamaíoch ar bhonn féinfhostaithe, a thugtar de ghnáth ar luach saothair, dá dtagraítear in Airteagal 57 CFAE;

2.ciallaíonn ‘fógraíocht pholaitiúil’ teachtaireacht a ullmhú, a shuíomh, a chur chun cinn, a fhoilsiú nó a scaipeadh, trí aon mhodh:

(a)ag gníomhaí polaitiúil, sin nó thar a cheann nó ar a shon, ach amháin más teachtaireacht de chineál príobháideach nó tráchtála í; nó

(b)a d’fhéadfadh tionchar a imirt ar thoradh toghcháin nó reifrinn, ar phróiseas reachtach nó rialála nó ar iompraíocht vótála.

3.ciallaíonn ‘fógra polaitiúil’ cás ina ndéantar fógraíocht pholaitiúil;

4.ciallaíonn ‘gníomhaí polaitiúil’ aon cheann díobh seo a leanas:

(a)páirtí polaitiúil de réir bhrí Airteagal 2(1) de Rialachán (AE, Euratom) Uimh. 1141/2014 nó eintiteas a bhaineann go díreach nó go hindíreach le réimse gníomhaíochta de chuid páirtí pholaitiúil den chineál sin;

(b)comhghuaillíocht pholaitiúil de réir bhrí Airteagal 2(2) de Rialachán (AE, Euratom) Uimh. 1141/2014;

(c)páirtí polaitiúil Eorpach de réir bhrí Airteagal 2(3) de Rialachán (AE, Euratom) Uimh. 1141/2014;

(d)iarrthóir ar aon oifig thofa ar an leibhéal Eorpach, náisiúnta, réigiúnach agus áitiúil, nó ar aon cheann de na poist cheannaireachta i bpáirtí polaitiúil;

(e)oifigeach tofa in institiúid phoiblí ar an leibhéal Eorpach, náisiúnta, réigiúnach nó áitiúil;

(f)comhalta neamhthofa rialtais ar an leibhéal Eorpach, náisiúnta, réigiúnach nó áitiúil;

(g)eagraíocht le haghaidh feachtas polaitíochta, bíodh pearsantacht dhlítheanach aici nó ná bíodh, a bhunaítear chun toradh sonrach a bhaint amach i dtoghchán nó i reifreann;

(h)aon duine nádúrtha nó dlítheanach a dhéanann ionadaíocht ar aon duine de na daoine nó ar aon cheann de na heagraíochtaí i bpointí (a) go (g), nó a ghníomhaíonn thar a gceann, agus a chuireann cuspóirí polaitiúla aon cheann díobh siúd chun cinn.

5.ciallaíonn ‘seirbhís fógraíochta polaitiúla’ seirbhís a dhéanann fógraíocht pholaitiúil, cé is moite de sheirbhís idirghabhálach ar líne de réir bhrí Airteagal 2(f) de Rialachán (AE) 2021/XXX [an Ionstraim um Sheirbhísí Digiteacha], ar seirbhís í a sholáthraítear gan suíomh, foilsiú nó scaipeadh na teachtaireachta sonraí a chur san áireamh;

6.ciallaíonn ‘feachtas fógraíochta polaitiúla’ sraith d’fhógraí nasctha a ullmhú, a shuíomh, a chur chun cinn, a fhoilsiú nó a scaipeadh i rith conradh le haghaidh fógraíocht pholaitiúil, ar bhonn ullmhú, urraíocht nó maoiniú coiteann;

7.ciallaíonn ‘urraitheoir’ an duine nádúrtha nó dlítheanach ar thar a cheann a ndéantar fógra polaitiúil a ullmhú, a shuíomh, a fhoilsiú nó a scaipeadh;

8.ciallaíonn ‘teicnící spriocdhírithe agus aimpliúcháin’ teicnící a úsáidtear chun fógra polaitiúil spriocdhírithe a dhíriú ar dhuine sonrach nó ar ghrúpa daoine sonrach amháin nó chun cúrsaíocht, raon feidhme nó infheictheacht fógra pholaitiúil a mhéadú;

9.ciallaíonn ‘tréimhse thoghcháin’ an tréimhse roimh thoghchán nó reifreann i mBallstát nó an tréimhse le linn toghcháin nó reifrinn nó díreach ina ndiaidh, tréimhse a bhfuil na gníomhaíochtaí feachtais faoi réir rialacha sonracha lena linn;

10.ciallaíonn ‘toghthóirí ábhartha’ an grúpa daoine aonair atá incháilithe le vóta a chaitheamh sa toghchán nó sa reifreann atá á reáchtáil sa Bhallstát ina bhfuil fógra polaitiúil i gcúrsaíocht, agus d’fhéadfadh na toghthóirí ar fad i mBallstáit a bheith i gceist;

11. ciallaíonn ‘foilsitheoir fógraíochta polaitiúla’ duine nádúrtha nó dlítheanach a dhéanann fógraíocht pholaitiúil a chraoladh, a chur ar fáil trí chomhéadan nó a chur san fhearann poiblí ar bhealach eile trí aon mhodh;

12.ciallaíonn ‘rialaitheoir’ rialaitheoir de réir Airteagal 4(7) de Rialacháin (AE) 2016/679 nó, i gcás inarb infheidhme, de réir Airteagal 4(8) de Rialachán (AE) 2018/1725.

Chun críocha na chéad mhíre, pointe (2) teachtaireachtaí ó fhoinsí oifigiúla maidir le heagrú agus módúlachtaí le haghaidh rannpháirtíocht i dtoghcháin nó i reifrinn nó le haghaidh rannpháirtíocht i dtoghcháin nó i reifrinn a chur chun cinn, ní fógraíochta pholaitiúil a bheidh sna teachtaireachtaí sin.

Airteagal 3

Leibhéal an Chomhchuibhithe

1.Ní dhéanfaidh na Ballstáit forálacha nó bearta a choinneáil ar bun nó a thabhairt isteach, ar fhorais a bhaineann le trédhearcacht, nach bhfuil i gcomhréir leo siúd a leagtar síos sa Rialachán seo.

2.Ní chuirfear cosc ná srian le soláthar seirbhísí fógraíochta polaitiúla ar fhorais a bhaineann le trédhearcacht i gcás ina gcomhlíontar ceanglais an Rialacháin seo.

CAIBIDIL II – OIBLEAGÁIDÍ TRÉDHEARCACHTA LE hAGHAIDH SEIRBHÍSÍ FÓGRAÍOCHTA POLAITIÚLA

Airteagal 4

Trédhearcacht

Soláthrófar seirbhísí fógraíochta polaitiúla ar bhealach trédhearcach i gcomhréir leis na hoibleagáidí a leagtar síos in Airteagail 5 go 11 agus 14 den Rialachán seo.

Airteagal 5

Seirbhísí fógraíochta polaitiúla a shainaithint

1.Iarrfaidh soláthraithe seirbhísí fógraíochta ar urraitheoirí agus soláthraithe seirbhísí fógraíochta a ghníomhaíonn thar ceann urraitheoirí a dhearbhú an seirbhís fógraíochta polaitiúla de réir bhrí Airteagal 2(5) atá sa tseirbhís fógraíochta a iarrann siad ar an soláthraí seirbhíse a chur i gcrích. Déanfaidh urraitheoirí agus soláthraithe seirbhísí fógraíochta a ghníomhaíonn thar ceann urraitheoirí dearbhú den chineál sin.

2.Áiritheoidh soláthraithe seirbhísí fógraíochta polaitiúla maidir leis na socruithe conarthacha a thabharfar i gcrích maidir le seirbhís fógraíochta polaitiúla a sholáthar, go sonrófar iontu an chaoi a chomhlíontar forálacha an Rialacháin seo.

Airteagal 6

Coimeád taifead agus tarchur faisnéise

1.Soláthraithe seirbhísí fógraíochta polaitiúla, choinneoidh siad faisnéis a bhailíonn siad ar na nithe seo a leanas agus a gcuid seirbhísí á soláthar acu:

(a)an fógra polaitiúil nó an feachtas fógraíochta polaitiúla a bhfuil baint ag an tseirbhís nó ag na seirbhísí leis;

(b)an tseirbhís shonrach nó na seirbhísí sonracha a cuireadh ar fáil maidir leis an bhfógraíocht pholaitiúil;

(c)méideanna na sonrasc a sheol siad i leith na seirbhíse nó na seirbhísí a cuireadh ar fáil, agus luach na sochar eile a fuarthas mar pháirtmhalairt nó mar mhalairt iomlán ar an tseirbhís nó na seirbhísí a cuireadh ar fáil; agus

(d) i gcás inarb infheidhme, céannacht an urraitheora agus a shonraí teagmhála.

2.Is i scríbhinn a bheidh an fhaisnéis dá dtagraítear i mír 1 agus féadfaidh sí a bheith i bhfoirm leictreonach. Coinneofar faisnéis den sórt sin ar feadh tréimhse 5 bliana ó dháta an ullmhaithe, an tsuímh, an fhoilsithe nó an scaipthe dheiridh, de réir mar a bheidh.

3.Chun go bhféadfaidh foilsitheoirí fógraíochta polaitiúla a n‑oibleagáidí faoin Rialachán seo a chomhlíonadh, áiritheoidh soláthraithe seirbhísí fógraíochta polaitiúla go gcuirfear in iúl don fhoilsitheoir fógraíochta polaitiúla a scaipfidh an fógra polaitiúil an fhaisnéis dá dtagraítear i mír 1. Tarchuirfear an fhaisnéis sin ar bhealach tráthúil cruinn i gcomhréir le dea-chleachtas agus le caighdeáin an tionscadail, trí bhíthin próiseas caighdeánaithe uathoibrithe i gcás inar féidir sin a dhéanamh go teicniúil.

Airteagal 7

Ceanglais trédhearcachta maidir le gach fógra polaitiúil

1.I gcomhthéacs seirbhísí fógraíochta polaitiúla a sholáthar, cuirfear gach fógra polaitiúil ar fáil agus an fhaisnéis seo a leanas ann ag gabháil léi go soiléir suntasach agus gan débhrí:

(a)ráiteas á rá gur fógra polaitiúil atá ann;

(b)céannacht urraitheoir an fhógra pholaitiúil agus an eintitis a rialaíonn an t‑urraitheoir ar deireadh;

(c)fógra trédhearcachta chun go bhféadfaidh comhthéacs níos leithne an fhógra pholaitiúil agus a aidhmeanna a thuiscint, sin nó léiriú soiléir ar an áit ar féidir an fógra trédhearcachta sin a fháil.

I ndáil leis sin, úsáidfidh foilsitheoirí fógraíochta polaitiúla teicnící marcála agus lipéadaithe atá éifeachtach agus feiceálach lena bhféadfaí fógra polaitiúil a shainaithint go héasca mar fhógra den sórt sin agus áiritheoidh siad go mbeidh an mharcáil nó an lipéadú ann i gcónaí i gcás ina scaipfí an fógra polaitiúil níos faide.

2.Áiritheofar an fógra trédhearcachta i ngach fógra polaitiúil nó beidh sé éasca teacht air tríd an bhfógra, agus beidh an fhaisnéis seo a leanas ann:

(a)céannacht an urraitheora agus a shonraí teagmhála;

(b)an tréimhse lena linn a bhfuil sé beartaithe an fógra polaitiúil a fhoilsiú agus a scaipeadh;

(c)bunaithe, i measc nithe eile, ar fhaisnéis a fhaightear i gcomhréir le hAirteagal 6(3), faisnéis maidir leis na méideanna comhiomlána a caitheadh nó maidir le sochair eile a fuarthas mar pháirtmhalairt nó mar mhalairt iomlán ar an bhfógra lena mbaineann a ullmhú, a shuíomh, a chur chun cinn, a fhoilsiú agus a scaipeadh, agus ar an bhfeachtas fógraíochta polaitiúla i gcás inarb ábhartha, agus a bhfoinsí;

(d)i gcás inarb infheidhme, léiriú ar thoghcháin nó reifrinn a bhfuil baint ag an bhfógra leo;

(e)i gcás inarb infheidhme, naisc chuig stórtha fógraí ar líne;

(f)faisnéis maidir leis an gcaoi na sásraí dá bhforáiltear in Airteagal 9(1) a úsáid.

(g)Soláthrófar an fhaisnéis atá le háireamh san fhógra trédhearcachta agus úsáid á baint as na réimsí sonracha sonraí a leagtar amach in Iarscríbhinn I.

3.Déanfaidh foilsitheoirí fógraíochta polaitiúla iarrachtaí réasúnta chun a áirithiú gur iomlán atá an fhaisnéis dá dtagraítear i míreanna 1 agus 2, agus i gcás ina gcinnfidh siad nach amhlaidh atá, ní chuirfidh siad an fógra polaitiúil ar fáil.

4.Coimeádfar fógraí trédhearcachta cothrom le dáta agus cuirfear i láthair iad i bhformáid atá inrochtana go héasca, le feiceáil go soiléir agus soláimhsithe, lena n‑áirítear trí teanga shoiléir a úsáid, agus i gcás inar féidir sin a dhéanamh go teicniúil, cuirfear i láthair iad i bhformáid atá inléite ag meaisín. Foilseoidh an foilsitheoir fógraíochta polaitiúla an fhaisnéis in éineacht leis an bhfógra polaitiúil ó thráth a chéad fhoilsithe go bliain amháin i ndiaidh a fhoilsiú dheiridh.

5.Coinneoidh foilsitheoirí fógraíochta polaitiúla a bhfógraí trédhearcachta maille le haon mhodhnú orthu go ceann tréimhse 5 bliana i ndiaidh dheireadh na tréimhse dá dtagraítear i mír 4.

6.Foilsitheoirí fógraíochta polaitiúla atá ina n‑ardáin an‑mhór ar líne de réir bhrí Airteagal 25 de Rialachán (AE) 2021/xxx [DSA], maidir leis na stórtha a chuireann siad ar fáil de bhun Airteagal 30 den Rialachán sin [an Ionstraim um Sheirbhísí Digiteacha], áiritheoidh siad go gcuirfidh siad an fhaisnéis dá dtagraítear i mír 2 ar fáil i leith gach fógra pholaitiúil sa stór.

7.Na Ballstáit, lena n‑áirítear na húdaráis inniúla, agus an Coimisiún tabharfaidh siad spreagadh chun cóid iompair a tharraingt suas a chuideoidh le cur i bhfeidhm cuí an Airteagail seo, agus saintréithe sonracha na soláthraithe ábhartha seirbhíse lena mbaineann á gcur san áireamh mar aon le riachtanais shonracha na micreafhiontar agus na bhfiontar beag agus meánmhéide, de réir bhrí Airteagal 3 de Threoir 2013/34/AE.

8.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 19 chun Iarscríbhinn I a leasú trí ghnéithe a chur le liosta na faisnéise atá le soláthar de bhun mhír 2, nó gnéithe a mhodhnú nó a bhaint den liosta sin, i gcás inar gá leasú den chineál sin, i bhfianaise forbairtí teicneolaíocha, chun go dtuigfí comhthéacs níos leithne an fhógra pholaitiúil agus a aidhmeanna.

Airteagal 8

Tuairisciú tréimhsiúil ar sheirbhísí fógraíochta polaitiúla

1.I gcás ina soláthraíonn foilsitheoirí fógraíochta seirbhísí fógraíochta polaitiúla, mar chuid dá dtuarascáil bhainistíochta de réir bhrí Airteagal 19 de Threoir 2013/34/AE ina ráitis airgeadais bhliantúla, áireoidh siad faisnéis maidir leis na méideanna nó le luach na sochar eile a fuarthas mar pháirtmhalairt nó mar mhalairt iomlán ar na seirbhísí sin, lena n‑áirítear maidir le húsáid teicnící spriocdhírithe agus aimpliúcháin, arna gcomhiomlánú de réir an fheachtais.

2.Ní bheidh feidhm ag mír 1 maidir le gnóthais atá cáilithe faoi Airteagal 3(3) de Threoir 2013/34/AE.

Airteagal 9

Fógraí polaitiúla a d’fhéadfadh a bheith neamhdhleathach a shonrú

3.I gcás ina soláthraíonn siad seirbhísí fógraíochta polaitiúla, cuirfidh foilsitheoirí fógraíochta sásraí i bhfeidhm lena bhféadfaidh daoine aonair a chur in iúl dóibh, saor in aisce, nach gcomhlíonann fógra ar leith atá foilsithe acu an Rialachán seo.

4.Faisnéis maidir le fógraí polaitiúla a thuairisciú, mar a thagraítear dó i mír 1, beidh sí soláimhsithe ag úsáideoirí agus beidh rochtain éasca uirthi, lena n‑áirítear ón bhfógra trédhearcachta.

5.Ceadóidh foilsitheoirí fógraíochta polaitiúla an fhaisnéis dá dtagraítear i mír 1 a chur isteach go leictreonach. Cuirfidh an foilsitheoir fógraíochta polaitiúla daoine aonair ar an eolas maidir leis an obair leantach arna déanamh de thoradh an chur in iúl dá dtagraítear i mír 1.

6.I ndáil le cur in iúl atriallach faoi mhír 1 maidir leis an bhfógra céanna nó leis an bhfeachtas fógraíochta céanna, féadfar freagra a thabhairt ar gach cur in iúl i dteannta a chéile, lena n‑áirítear le tagairt do ráiteas ar shuíomh gréasáin an fhoilsitheora fógraíochta polaitiúla lena mbaineann.

Airteagal 10

Faisnéis a tharchur chuig na húdaráis inniúla

1.Beidh sé de chumhacht ag na húdaráis inniúla náisiúnta a iarraidh ar sholáthraí seirbhísí fógraíochta polaitiúla an fhaisnéis dá dtagraítear in Airteagail 6, 7 agus 8 a tharchur. Ní mór go mbeadh an fhaisnéis tharchurtha iomlán, cruinn agus iontaofa, agus go soláthrófaí í i bhformáid atá soiléir, comhleanúnach, comhdhlúite agus intuigthe. Tarchuirfear an fhaisnéis i bhformáid atá inléite ag meaisín, i gcás inar féidir sin a dhéanamh go teicniúil.

Beidh na gnéithe seo a leanas san iarraidh:

(a)ráiteas ar chúiseanna ina mínítear an cuspóir atá leis an bhfaisnéis a iarraidh agus an fáth a bhfuil an iarraidh riachtanach agus comhréireach, seachas má shaothraíonn an iarraidh an cuspóir maidir le cionta coiriúla a chosc, a imscrúdú, a bhrath nó a ionchúiseamh agus a mhéid a chuirfeadh na cúiseanna leis an iarraidh an cuspóir sin i mbaol;

(b)faisnéis maidir leis an gcúiteamh atá ar fáil don soláthraí seirbhíse ábhartha agus d’urraitheoir na seirbhíse fógraíochta polaitiúla.

2.Ar iarraidh de bhun mhír 1 a fháil, cuirfidh soláthraithe seirbhísí fógraíochta polaitiúla in iúl, laistigh de dhá lá, go bhfuarthas an iarraidh sin agus cuirfidh siad an t‑údarás ar an eolas maidir leis na bearta a rinneadh chun í a chomhlíonadh. Soláthróidh an soláthraí seirbhíse ábhartha an fhaisnéis a iarradh laistigh de 10 lá oibre.

3.Ainmneoidh soláthraithe seirbhísí fógraíochta polaitiúla pointe teagmhála don idirghníomhaíocht leis na húdaráis inniúla náisiúnta. Maidir le soláthraithe seirbhísí fógraíochta polaitiúla ar FBManna iad de réir bhrí Airteagal 3 de Threoir 2013/34/AE, féadfaidh siad duine nádúrtha seachtrach a cheapadh mar phointe teagmhála.

Airteagal 11

Faisnéis a tharchur chuig eintitis leasmhara eile

1.Déanfaidh soláthraithe seirbhísí fógraíochta polaitiúla na bearta iomchuí chun an fhaisnéis dá dtagraítear in Airteagal 6 a tharchur chuig na heintitis leasmhara arna iarraidh sin dóibh agus gan aon táille a bheith i gceist.

I gcás inar foilsitheoir fógraíochta polaitiúla é soláthraí seirbhísí fógraíochta polaitiúla, déanfaidh sé na bearta iomchuí freisin chun an fhaisnéis dá dtagraítear in Airteagal 7 a tharchur chuig na heintitis leasmhara arna iarraidh sin dóibh agus gan aon táille a bheith i gceist.

2.Maidir le heintitis leasmhara a iarrann tarchur na faisnéise de bhun mhír 1, beidh siad neamhspleách ar leasanna tráchtála agus rangófar faoi cheann amháin nó níos mó de na catagóirí seo a leanas iad:

(a)taighdeoirí grinnfhiosraithe i gcomhréir le hAirteagal 31 de Rialachán (AE) 2021/xxx [an Ionstraim um Sheirbhísí Digiteacha];

(b)comhaltaí d’eagraíocht sochaí shibhialta a bhfuil sé de chuspóir reachtúil acu leas an phobail a chosaint agus a chur chun cinn, ar eagraíocht í atá údaraithe faoin dlí náisiúnta nó faoi dhlí an Aontais;

(c)gníomhaithe polaitiúla mar a údaraítear faoin dlí náisiúnta; nó

(d)breathnóirí toghcháin náisiúnta nó idirnáisiúnta atá creidiúnaithe i mBallstát.

Ar na heintitis leasmhara sin freisin beidh iriseoirí atá creidiúnaithe i mBallstát ag comhlachtaí náisiúnta, Eorpacha nó idirnáisiúnta.

3.Tar éis iarraidh a fháil ó eintiteas leasmhar, déanfaidh an soláthraí seirbhíse a dhícheall an fhaisnéis a iarradh nó a fhreagra réasúnaithe faoi mhír 5 a sholáthar, laistigh de 1 mhí.

4.Agus an fhaisnéis atá le soláthar de bhun mhír 1 á hullmhú, féadfaidh an soláthraí seirbhíse na méideanna ábhartha a chomhiomlánú nó iad a chur laistigh de raon, a mhéid is gá chun a leasanna tráchtála dlisteanacha a chosaint.

5.I gcás inar follasach go bhfuil iarrataí de bhun mhír 1 gan bhunús, dhoiléir nó iomarcach, go háirithe de thoradh a n‑easpa soiléireachta, féadfaidh an soláthraí seirbhíse diúltú freagra a thabhairt. Sa chás sin, seolfaidh an soláthraí seirbhíse ábhartha freagra réasúnaithe chuig an eintiteas leasmhar a bhfuil an iarraidh á déanamh aige.

6.I gcás ina bhfuil iarrataí faoi mhír 1 atriallach agus i gcás ina mbaineann costais shuntasacha lena bpróiseáil, d’fhéadfadh an soláthraí seirbhíse táille réasúnach chomhréireach a ghearradh, ar táille í nach mó ná na costais riaracháin a bhaineann le soláthar na faisnéise a iarradh i gcás ar bith.

7.Is ar na soláthraithe seirbhíse a bheidh an dualgas a léiriú gur follasach go bhfuil iarraidh gan bhunús, dhoiléir nó iomarcach, nó go bhfuil iarrataí atriallach agus go mbaineann costais shuntasacha lena bpróiseáil.

CAIBIDIL III – FÓGRAÍOCHT PHOLAITIÚL A SPRIOCDHÍRIÚ AGUS A AIMPLIÚ

Airteagal 12

Ceanglais shonracha maidir le spriocdhíriú agus aimpliú

1.Tá toirmeasc ar theicnící spriocdhírithe nó aimpliúcháin a bhaineann le próiseáil sonraí pearsanta dá dtagraítear in Airteagal 9(1) de Rialachán (AE) 2016/679 agus in Airteagal 10(1) de Rialachán (AE) 2018/1725 i gcomhthéacs fógraíocht pholaitiúil.

2.An toirmeasc a leagtar síos sa chéad abairt, ní bheidh feidhm aige maidir leis na cásanna dá dtagraítear in Airteagal 9(2)(a) agus (d) de Rialachán (AE) 2016/679 agus Airteagal 10(2)(a) agus (d) de Rialachán (AE) 2018/1725.

3.Agus teicnící spriocdhírithe nó aimpliúcháin a bhaineann le próiseáil sonraí pearsanta in úsáid i gcomhthéacs fógraíocht pholaitiúil, comhlíonfaidh na rialaitheoirí na ceanglais seo a leanas, sa bhreis ar na ceanglais a leagtar síos i Rialachán (AE) 2016/679 agus Rialachán (AE) 2018/1725, de réir mar is infheidhme:

(a)déanfar beartas inmheánach a ghlacadh agus a chur chun feidhme, beartas ina dtugtar tuairisc shoiléir i dteanga shoiléir, go háirithe, ar úsáid teicnící den chineál sin chun spriocdhíriú ar dhaoine aonair nó chun an t‑inneachar a aimpliú, agus coinneofar an beartas sin ar feadh tréimhse 5 bliana;

(b)coinneofar taifid maidir le húsáid an spriocdhírithe nó an aimpliúcháin, leis na sásraí ábhartha, leis na teicnící agus na paraiméadair a úsáideadh, agus le foinse nó foinsí na sonraí pearsanta a úsáideadh.

(c)soláthrófar, in éineacht leis an bhfógra polaitiúil, an fhaisnéis bhreise is gá chun a chur ar chumas an duine aonair lena mbaineann tuiscint a fháil ar an loighic atá i gceist agus ar phríomhpharaiméadair na teicníce a úsáideadh, mar aon le húsáid sonraí tríú páirtí agus teicnící anailíseacha breise. Is éard a bheidh sna fhaisnéis sin na gnéithe a leagtar amach in Iarscríbhinn II.

4.Foilsitheoirí fógraíochta polaitiúla a úsáideann teicnící spriocdhírithe nó aimpliúcháin, áireoidh siad san fhógra trédhearcachta a cheanglaítear faoi Airteagal 7 an fhaisnéis a shonraítear i mír 3(c) mar aon le nasc chuig an mbeartas dá dtagraítear i mír 3(a). I gcás nach ionann an rialaitheoir agus an foilsitheoir fógraíochta, tarchuirfidh an rialaitheoir an beartas inmheánach, sin nó tagairt dó, chuig an bhfoilsitheoir fógraíochta polaitiúla.

5.Foilsitheoirí fógraíochta polaitiúla a úsáideann teicnící spriocdhírithe nó aimpliúcháin dá dtagraítear i mír 3, áireoidh siad tagairt do mhodh éifeachtach chun tacú le daoine aonair a gcearta faoi Rialachán (AE) 2016/679 a fheidhmiú, áireoidh siad sin san fhógra, nó in éineacht leis, agus san fhógra trédhearcachta a cheanglaítear faoi Airteagal 7.

6.Faisnéis atá le soláthar i gcomhréir leis an bhforáil seo, cuirfear i láthair í i bhformáid atá inrochtana go héasca, le feiceáil go soiléir agus soláimhsithe, lena n‑áirítear trí teanga shoiléir a úsáid, agus i gcás ina bhfuil sin indéanta go teicniúil, cuirfear i láthair í i bhformáid atá inléite ag meaisín.

7.De réir mar is gá, déanfaidh soláthraithe seirbhísí fógraíochta an fhaisnéis is gá chun mír 3 a chomhlíonadh a tharchur chuig an rialaitheoir.

8.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 19 chun Iarscríbhinn II a leasú trí ghnéithe atá ar liosta na faisnéise atá le soláthar de bhun mhír 3(c) den Airteagal seo a mhodhnú nó a bhaint den liosta sin i bhfianaise forbairtí teicneolaíocha ar thaighde eolaíoch ábhartha, agus i bhfianaise forbairtí ar an maoirseacht a dhéanann údaráis inniúla agus ar an treoraíocht ábhartha arna heisiúint ag na comhlachtaí inniúla.

Airteagal 13

Faisnéis a bhaineann le spriocdhíriú nó aimpliúchán a tharchur chuig eintitis leasmhara eile

1.Déanfaidh an rialaitheoir dá dtagraítear in Airteagal 12 bearta iomchuí chun an fhaisnéis dá dtagraítear in Airteagal 12 a tharchur, arna iarraidh sin d’eintitis leasmhara i gcomhréir le hAirteagal 11(1).

2.Beidh feidhm mutatis mutandis ag Airteagal 11(2) go (7).

CAIBIDIL IV – MAOIRSEACHT AGUS FORFHEIDHMIÚ

Airteagal 14

Ionadaí dlíthiúil

1.Soláthraithe seirbhíse a sholáthraíonn seirbhísí fógraíochta polaitiúla san Aontas ach nach bhfuil bunaíocht acu san Aontas déanfaidh siad duine nádúrtha nó duine dlítheanach a ainmniú, i scríbhinn, le bheith ina n‑ionadaí dlíthiúil i gceann de na Ballstáit ina dtáirgeann an soláthraí a sheirbhísí.

2.Beidh an t‑ionadaí dlíthiúil freagrach as a áirithiú go gcomhlíonfar na hoibleagáidí de bhun an Rialacháin seo atá ar an soláthraí seirbhíse a ndéanann sé ionadaíocht air agus is é a bheidh mar an duine teagmhála ar chuige a sheolfar gach cumarsáid leis an soláthraí seirbhíse ábhartha dá bhforáiltear sa Rialachán seo. Measfar gur cumarsáid leis an soláthraí seirbhíse a ndéantar ionadaíocht air í aon chumarsáid leis an ionadaí dlíthiúil sin.

Airteagal 15

Na húdaráis inniúla agus pointí teagmhála

1.Na húdaráis mhaoirseachta dá dtagraítear in Airteagal 51 de Rialachán (AE) 2016/679 nó in Airteagal 52 de Rialachán (AE) 2018/1725, beidh siad inniúil chun faireachán a dhéanamh ar chur i bhfeidhm Airteagal 12 den Rialachán seo ina réimse inniúlachta féin. Beidh feidhm mutatis mutandis ag Airteagal 58 de Rialachán (AE) 2016/679 agus Airteagal 58 de Rialachán (AE) 2018/1725. Beidh feidhm ag Caibidil VII de Rialachán (AE) 2016/679 maidir le gníomhaíochtaí a chumhdaítear faoi Airteagal 12 den Rialachán seo.

2.Ainmneoidh na Ballstáit údaráis inniúla chun faireachán a dhéanamh ar sholáthraithe seirbhísí idirghabhála de réir bhrí Rialachán (AE) 2021/xxx [DSA] maidir le comhlíonadh na n‑oibleagáidí a leagtar síos in Airteagail 5 go 11 agus 14 den Rialachán seo, i gcás inarb infheidhme. Féadfaidh na húdaráis inniúla a ainmnítear faoi Rialachán (AE) 2021/xxx [an Ionstraim um Sheirbhísí Digiteacha] a bheith ar cheann de na húdaráis inniúla a ainmnítear chun faireachán a dhéanamh ar chomhlíonadh na n‑oibleagáidí a leagtar síos in Airteagail 5 go 11 agus 14 den Rialachán seo ag idirghabhálaithe ar líne freisin. Is é an Comhordaitheoir Seirbhísí Digiteacha, dá dtagraítear in Airteagal 38 de Rialachán (AE) 2021/xxx, i ngach Ballstát a bheidh freagrach as an gcomhordú a áirithiú ar an leibhéal náisiúnta i leith soláthraithe seirbhísí idirghabhálacha mar a shainmhínítear i Rialachán (AE) 2021/xxx [an Ionstraim um Sheirbhísí Digiteacha]. Beidh feidhm ag Airteagal 45(1) go (4) agus Airteagal 46(1) de Rialachán (AE) 2021/xxx [an Ionstraim um Sheirbhísí Digiteacha] i dtaca le cúrsaí a bhaineann le cur i bhfeidhm an Rialacháin seo a mhéid a bhaineann le soláthraithe seirbhísí idirghabhálacha.

3.Ainmneoidh gach Ballstát údarás inniúil amháin nó níos mó a bheidh freagrach as na gnéithe den Rialachán seo nach dtagraítear dóibh i míreanna 1 agus 2 a chur i bhfeidhm agus a fhorfheidhmiú. Ó thaobh struchtúir de, beidh gach údarás inniúil a ainmnítear faoin mír seo iomlán neamhspleách ar an earnáil agus ar aon idirghabháil sheachtrach nó brú polaitiúil araon. Ar bhealach atá iomlán neamhspleách, déanfaidh sé faireachán éifeachtach agus déanfaidh sé na bearta comhréireach is gá chun comhlíonadh an Rialacháin seo a áirithiú.

4.Maidir leis na húdaráis inniúla dá dtagraítear i mír 3, i gcás ina bhfuil a gcúraimí maoirseachta á bhfeidhmiú acu i ndáil leis an Rialachán seo, beidh sé de chumhacht ag na húdaráis inniúla sin rochtain ar shonraí, ar dhoiciméid nó ar aon fhaisnéis is gá a iarraidh ar sholáthraithe seirbhísí fógraíochta polaitiúla d’fhonn a gcúraimí maoirseachta a chur i gcrích.

5.Maidir leis na húdaráis inniúla dá dtagraítear in mír 3, i gcás ina bhfuil a gcúraimí forfheidhmiúcháin á bhfeidhmiú acu i ndáil leis an Rialachán seo, beidh sé de chumhacht ag na húdaráis inniúla sin an méid seo a leanas a dhéanamh:

(a)fógraí rabhaidh a thabhairt a dhíreofar chuig soláthraithe seirbhísí fógraíochta polaitiúla maidir lena neamhchomhlíonadh leis na hoibleagáidí faoin Rialachán seo;

(b)ráiteas a fhoilsiú lena sainaithnítear an duine dlítheanach agus nádúrtha nó na daoine dlítheanacha agus nádúrtha atá freagrach as an sárú ar oibleagáid a leagtar síos sa Rialachán seo agus cineál an tsáraithe sin;

(c)fíneálacha riaracháin agus pionóis airgeadais a fhorchur.

6.Áiritheoidh na Ballstáit comhar idir na húdaráis inniúla go háirithe faoi chuimsiú líonraí náisiúnta toghchán, chun malartú faisnéise tapa slán a éascú maidir le saincheisteanna a bhaineann le feidhmiú a gcúraimí maoirseachta agus forfheidhmiúcháin de bhun an Rialacháin seo, lena n‑áirítear trí sháruithe a shainaithint go comhpháirteach, torthaí agus saineolas a roinnt, agus teagmháil a dhéanamh lena chéile maidir le rialacha ábhartha a chur i bhfeidhm agus a fhorfheidhmiú.

7.Ainmneoidh gach Ballstát aon údarás inniúil amháin mar phointe teagmhála ar leibhéal an Aontais chun críocha an Rialacháin seo.

8.I gcás ina bhfuil seirbhísí á soláthar ag soláthraí seirbhísí fógraíochta polaitiúla i mbreis agus aon Bhallstát amháin, nó i gcás ina bhfuil a phríomhbhunaíocht nó a ionadaí i mBallstát ach go soláthraíonn sé a phríomhghníomhaíochtaí i mBallstát eile, an t‑údarás inniúil i mBallstát na príomhbhunaíochta nó na bunaíochta eile nó an ionadaí, rachaidh sé i gcomhar le húdaráis inniúla na mBallstát eile sin agus tabharfaidh siad cúnamh dá chéile mar is gá. Mura bhfuil an comhar sin á rialáil cheana féin le dlí an Aontais, is é an méid seo a leanas, ar a laghad, a bheidh i gceist leis:

(a)na húdaráis inniúla a chuireann bearta maoirseachta nó forfheidhmiúcháin i bhfeidhm i mBallstát, cuirfidh siad na húdaráis inniúla sa Bhallstát nó sna Ballstáit eile lena mbaineann ar an eolas, agus go rachaidh siad i gcomhairle leis na húdaráis sin maidir leis na bearta maoirseachta agus forfheidhmiúcháin arna ndéanamh agus faoina mbearta leantacha, agus go ndéanfaidh siad é sin tríd an bpointe teagmhála dá dtagraítear i mír 7;

(b)go bhféadfaidh údarás inniúil, tríd an bpointe teagmhála dá dtagraítear i mír 7, a iarraidh ar údarás inniúil eile na bearta maoirseachta nó forfheidhmiúcháin dá dtagraítear in míreanna 4 agus 5 a dhéanamh, i gcás gur fearr a bheidh an t‑údarás inniúil eile sin in ann iad a dhéanamh, ach é sin a iarraidh ar bhealach réasúnaithe comhréireach a bhfuil údar léi; agus

(c)go ndéanfaidh údarás inniúil, tar éis iarraidh a bhfuil údar léi a fháil ó údarás inniúil eile, cúnamh a sholáthar don údarás inniúil eile ionas gur féidir na bearta maoirseachta nó forfheidhmiúcháin dá dtagraítear i míreanna 4 agus 5 a chur chun feidhme ar bhealach éifeachtach éifeachtúil agus comhsheasmhach. Arna iarraidh sin ar an údarás inniúil ábhartha, déanfaidh sé, trí na pointí teagmhála dá dtagraítear in mír 7 agus laistigh de thréimhse ama atá comhréireach le práinn na hiarrata, freagra a thabhairt lena gcuirfear an fhaisnéis arna n‑iarraidh in iúl, nó lena ndéanfar an t‑údarás inniúil iarratach a chur ar an eolas nach measann an t‑údarás go bhfuil na coinníollacha maidir le cúnamh a iarraidh faoin Rialachán seo comhlíonta. Aon fhaisnéis a mhalartaítear i dtaca leis an gcúnamh a iarradh agus a cuireadh ar fáil faoin Airteagal seo, ní bhainfear úsáid aisti ach amháin i ndáil leis an ábhar ar iarradh an fhaisnéis sin ina leith.

9.Tiocfaidh na pointí teagmhála le chéile go tráthrialta ar leibhéal ar Aontais faoi chuimsiú an Líonra Eorpaigh Comhair maidir le Toghcháin chun malartú faisnéise tapa slán a éascú maidir le saincheisteanna a bhaineann le feidhmiú a gcúraimí maoirseachta agus forfheidhmiúcháin de bhun an Rialacháin seo.

Airteagal 16

Smachtbhannaí

1.Maidir le hAirteagail 5 go 11, 13 agus 14, leagfaidh na Ballstáit síos rialacha maidir le smachtbhannaí lena n‑áirítear fíneálacha riaracháin agus pionóis airgeadais is infheidhme maidir le soláthraithe seirbhísí fógraíochta polaitiúla faoina ndlínse má sháraítear an Rialachán atá ann faoi láthair, agus beidh siad éifeachtach, comhréireach agus athchomhairleach i ngach cás aonair.

2.Tabharfaidh na Ballstáit fógra don Choimisiún maidir leis na rialacha sin laistigh de 12 mhí tar éis theacht i bhfeidhm an Rialacháin seo agus tabharfaidh siad fógra dó, gan mhoill, maidir le haon leasú ar na rialacha sin ina dhiaidh sin.

3.Nuair a bheidh cinneadh á dhéanamh maidir le cineál agus leibhéal an smachtbhanna i ngach cás aonair, tabharfar aird chuí ar na nithe seo a leanas, i measc nithe eile:

(a)cineál, tromchúis agus fad an tsáraithe;

(b)cineál an tsáraithe a bheith déanta d'aon ghnó nó le faillí;

(c)aon ghníomhaíocht a rinneadh chun aon damáiste a mhaolú;

(d)aon sárú ábhartha roimhe seo agus aon toisc ghéaraitheach nó mhaolaitheach eile is infheidhme i leith chúinsí an cháis; agus

(e)an méid comhair leis an údarás inniúil.

4.Measfar gur tromchúiseach iad go háirithe sáruithe ar Airteagal 7 i gcás ina mbaineann siad le fógraíocht pholaitiúil a foilsíodh nó a scaipeadh le linn tréimhse thoghcháin agus a dhírítear ar shaoránaigh sa Bhallstát ina bhfuil an toghchán ábhartha á eagrú.

5.Má sháraíonn soláthraí seirbhíse forálacha an Rialacháin seo d’aon ghnó nó le faillí, maidir leis an bhfógraíocht pholaitiúil chéanna nó le fógraíocht pholaitiúil nasctha, beidh an fhíneáil riaracháin inchoigeartaithe go leordhóthanach chun na tosca ábhartha ar fad a chur san áireamh; i gcomhréir le prionsabal na comhréireachta, léireofar le méid na fíneála san iomlán gur sáraíodh an Rialachán i níos mó ná bealach amháin.

6.Maidir le sáruithe ar na hoibleagáidí a leagtar síos in Airteagal 12, féadfaidh na húdaráis mhaoirseachta dá dtagraítear in Airteagal 51 de Rialachán (AE) 2016/679, laistigh de raon feidhme a n‑inniúlachta, fíneálacha riaracháin a fhorchur i gcomhréir le hAirteagal 83 de Rialachán (AE) 2016/679 agus suas leis an méid dá dtagraítear in Airteagal 83(5) den Rialachán sin.

7.Maidir le sáruithe ar na hoibleagáidí a leagtar síos in Airteagal 12, féadfaidh na húdaráis mhaoirseachta dá dtagraítear in Airteagal 52 de Rialachán (AE) 2018/1725 fíneálacha riaracháin a fhorchur i gcomhréir le hAirteagal 66 de Rialachán (AE) 2018/1725, agus laistigh de raon feidhme a n‑inniúlachta, fíneálacha suas leis an méid dá dtagraítear in Airteagal 66(3) den Rialachán sin.

Airteagal 17

Tréimhsí toghcháin a fhoilsiú

Foilseoidh na Ballstáit dátaí a dtréimhsí toghcháin náisiúnta in áit a bhfuil rochtain éasca uirthi agus déanfaidh siad tagairt iomchuí don Rialachán seo.

CAIBIDIL V – FORÁLACHA CRÍOCHNAITHEACHA

Airteagal 18

Meastóireacht agus athbhreithniú

Laistigh de 2 bhliain tar éis gach toghcháin do Pharlaimint na hEorpa agus den chéad uair faoin 31 Nollaig 2026 ar a dhéanaí, cuirfidh an Coimisiún tuarascáil isteach, tuarascáil ar mheastóireacht agus athbhreithniú an Rialacháin seo. Sa tuarascáil sin déanfar measúnú ar an ngá leis an Rialachán seo a leasú. Cuirfear an tuarascáil ar fáil don phobal.

Airteagal 19

An tarmligean a fheidhmiú

1.Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.Déanfar an chumhacht chun gníomhartha tarmligthe a ghlacadh dá dtagraítear in Airteagal 7(8) agus in Airteagal 12(8) a thabhairt don Choimisiún go ceann tréimhse [go dtí go ndéanfar meastóireacht ar chur i bhfeidhm an Rialachán seo, 2 bhliain tar éis na chéad toghcháin eile do Pharlaimint na hEorpa].

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 7(8) agus Airteagal 12(8) a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoin ngníomh sin.

5.Ní thiocfaidh gníomh tarmligthe a ghlactar de bhun Airteagal 7(8) nó Airteagal 12(8) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

Airteagal 20

Teacht i bhfeidhm agus cur i bhfeidhm

1.Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

2.Beidh feidhm aige ón 1 Aibreán 2023.

3.Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

Thar ceann Pharlaimint na hEorpa    Thar ceann na Comhairle

An tUachtarán    An tUachtarán

(1)     https://eur-lex.europa.eu/legal-content/EN/TXT/?uri=COM%3A2020%3A790%3AFIN&qid=1607079662423  

(2)     https://ec.europa.eu/info/law/better-regulation/have-your-say/initiatives/12418-Digital-Services‑Act‑package-ex-ante-regulatory-instrument‑of-very-large-online-platforms‑acting-as‑gatekeepers agus https://ec.europa.eu/info/law/better-regulation/have-your-say/initiatives/12417-Digital-Services‑Act‑deepening-the-Internal-Market‑and‑clarifying-responsibilities‑for-digital-services  

(3)    Cuimsítear leis sin neamhcheangailteach https://ec.europa.eu/digital-single-market/en/news/commission‑recommendation‑measures‑effectively-tackle-illegal-content‑online ; chomh maith le deonach https://ec.europa.eu/newsroom/just/document.cfm?doc_id=42985

(4)    https://ec.europa.eu/info/sites/default/files/soteu2018-cybersecurity-elections‑recommendation‑5949_en.pdf

(5)     https://edpb.europa.eu/system/files/2021-04/edpb_guidelines_082020_on_the_targeting_of_social_media_users_en.pdf

(6)    Treoir ón gCoimisiún Eorpach maidir leis an gCód Cleachtais maidir le Bréagfhaisnéis a Neartú (COM(2021) 262 final) https://digital-strategy.ec.europa.eu/en/library/guidance-strengthening-code-practice-disinformation  

(7)     https://ec.europa.eu/info/sites/info/files/2021_commission_work_programme_annexes_en.pdf  

(8)    Féach https://ec.europa.eu/info/policies/justice-and‑fundamental-rights/eu-citizenship/electoral-rights_en  

(9)    IO C , , p. .

(10)    IO C , , p. .

(11)    Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n‑aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).

(12)    Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n‑aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

(13)    Treoir 2010/13/AE ó Pharlaimint na hEorpa agus ón gComhairle an 10 Márta 2010 maidir le comhordú forálacha áirithe arna leagan síos le dlí, rialachán nó gníomh riaracháin sna Ballstáit maidir le seirbhísí meán closamhairc a sholáthar (an Treoir um Sheirbhísí Meán Closamhairc) (IO L 95, 15.4.2010, lch. 1).

AN COIMISIÚN EORPACH

An Bhruiséil,25.11.2021

COM(2021) 731 final

IARSCRÍBHINNÍ

a ghabhann leis an togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le trédhearcacht agus spriocdhíriú na fógraíochta polaitiúla

{SEC(2021) 575 final} - {SWD(2021) 355 final} - {SWD(2021) 356 final}

IARSCRÍBHINN I

Faisnéis atá le cur ar fáil de réir Airteagal 7(2)

(a)i gcás nach bhfuil an fógra trédhearcachta laistigh den fhógra polaitiúil é féin, sampla den fhógra polaitiúil nó léiriú air nó nasc chuige.

(b)céannacht agus bunaíocht an urraitheora a scaiptear an fógra thar a cheann, lena n‑áirítear a ainm, a sheoladh, a uimhir theileafóin agus a sheoladh ríomhphoist, agus más eintiteas nádúrtha nó eintiteas dlítheanach é.

(c)an tréimhse a scaiptear an fógra polaitiúil lena linn agus, i gcás inarb infheidhme agus más eol don fhoilsitheoir é, más rud é gur scaipeadh an fógra céanna roimhe seo.

(d)aon toghchán a bhfuil an fhógraíocht nasctha leis, más infheidhme.

(e)an méid comhiomlán sealadach a caitheadh ar an bhfógra sonrach, agus ar an bhfeachtas fógraíochta sonrach i gcás inarb ábhartha, lena n‑áirítear ar na fógraí polaitiúla a ullmhú, a shocrú, a chur chun cinn, a fhoilsiú agus a scaipeadh, mar aon le luach na sochar eile a fuarthas mar pháirtmhalairt nó mar mhalairt iomlán ar an bhfógra sonrach, agus ar an bhfeachtas fógraíochta sonrach i gcás inarb ábhartha, maille leis an méid comhiomlán iarbhír a caitheadh agus luach na sochar eile a fuarthas nuair is eol iad.

(f)foinsí na gcistí a bhfuiltear á n‑úsáid le haghaidh an fheachtais fógraíochta shonraigh lena n‑áirítear chun na fógraí polaitiúla a ullmhú, a shocrú, a chur chun cinn, a fhoilsiú agus a scaipeadh.

(g)faisnéis fhóinteach maidir leis an modheolaíocht a úsáideadh chun na méideanna agus na luachanna dá dtagraítear in (e) a ríomh.

(h)i gcás gur inar ardán an‑mhór ar líne é an foilsitheoir, nasc chuig suíomh an fhógra i stór fógraíochta an fhoilsitheora.

(i)i gcás ina bhfuil an fógra nasctha le toghcháin nó reifrinn shonracha, naisc chuig faisnéis oifigiúil maidir leis na módúlachtaí le haghaidh rannpháirtíocht sa toghchán nó sa reifreann lena mbaineann.

(j)faisnéis maidir leis an sásra a bhunaítear de réir Airteagal 9.

IARSCRÍBHINN II

Faisnéis atá le cur ar fáil de réir Airteagal 12(3)

(a)na grúpaí sonracha faighteoirí a spriocdhírítear orthu, lena n‑áirítear na paraiméadair a úsáideadh chun na faighteoirí a scaiptear an fhógraíocht orthu a chinneadh, leis an leibhéal céanna mionsonraí a úsáideadh le haghaidh an spriocdhírithe, catagóirí na sonraí pearsanta a úsáideadh le haghaidh an spriocdhírithe agus an aimpliúcháin, agus na spriocanna, na sásraí agus an loighic a bhaineann leis an spriocdhíriú agus leis an aimpliú, lena n‑áirítear na paraiméadair iniaimh agus eisiaimh agus na cúiseanna ar roghnaíodh na paraiméadair sin.

(b)tréimhse an scaipthe, líon na ndaoine aonair a scaiptear an fógra orthu agus léiriú ar mhéid an spriocphobail laistigh den ghrúpa ábhartha toghthóirí.

(c)foinse na sonraí pearsanta dá dtagraítear i bpointe (a), lena n‑áirítear, i gcás inarb infheidhme, an fhaisnéis go ndearnadh na sonraí pearsanta a dhíorthú, a infeiriú nó a fháil ó thríú páirtí agus a chéannacht, mar aon le nasc chuig fógra cosanta sonraí an tríú páirtí sin maidir leis an bpróiseáil atá i gceist.

(d)nasc chuig modh éifeachtach chun tacú le daoine aonair a gcearta faoi Rialachán (AE) 2016/679 nó Rialachán (AE) 2018/1725 a fheidhmiú, de réir mar is infheidhme, i gcomhthéacs fógraíocht pholaitiúil a spriocdhírítear orthu agus a aimplítear ar bhonn a sonraí pearsanta.