This document is an excerpt from the EUR-Lex website
Document 62023TN0158
Case T-158/23: Action brought on 23 March 2023 — Colombani v EEAS
Cás T-158/23: Caingean arna tabhairt an 23 Márta 2023 — Colombani v SEGS
Cás T-158/23: Caingean arna tabhairt an 23 Márta 2023 — Colombani v SEGS
IO C 179, 22.5.2023, p. 64–64
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
|
22.5.2023 |
GA |
Iris Oifigiúil an Aontais Eorpaigh |
C 179/64 |
Caingean arna tabhairt an 23 Márta 2023 — Colombani v SEGS
(Cás T-158/23)
(2023/C 179/89)
Teanga an cháis: an Fhraincis
Páirtithe
Iarratasóir: Jean-Marc Colombani (Auderghem, an Bheilg) (ionadaí: N. de Montigny, Dlíodóir)
Cosantóir: An tSeirbhís Eorpach Gníomhaíochta Seachtraí
An t-ordú atá á lorg
Iarrann an t-iarratasóir ar an gCúirt Ghinearálta:
|
— |
tuarascáil mheasúnúcháin bhliantúil 2021 an iarratasóra an 13 Iúil 2022 a chur ar neamhní; |
|
— |
a mhéid is gá, a mhéid a fhorlíonann sí an tuarascáil mheasúnúcháin, cinneadh Ard-Ionadaí agus Leas-Uachtarán an Choimisiúin an 20 Nollaig 2022 lena ndiúltaítear do ghearán R/394/2022 arna thaisceadh ag an iarratasóir an 19 Lúnasa 2022 i gcoinne a thuarascáil mheasúnúcháin 2021 a chur ar neamhní; |
|
— |
a ordú don Chomhairle na costais a íoc. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir dhá shaincheist dlí.
|
1) |
An chéad saincheist dlí lena n-éilítear gur sáraíodh na rialacha is infheidhme maidir leis an nós imeachta measúnúcháin, Airteagail 11d, 12a agus 24 de Rialacháin Foirne Oifigigh an Aontais Eorpaigh, le mí-úsáid cumhachta agus le sárú ar an oibiachtúlacht agus ar an neamhchlaontacht atá le bheith i bhfeidhm ar nósanna imeachta measúnúcháin. |
|
2) |
An dara saincheist dlí lena n-éilítear go ndearnadh earráid shoiléir mheasúnaithe agus mí-úsáid cumhachta. |