1.

An bhfuil sé i gcomhréir le dlí an Aontais, go háirithe Airteagal 14(1) de Threoir 2008/48/CE (1), más rud é, i gcás tarraingt siar ó chonradh creidmheasa tomhaltóra atá ceangailte le conradh ceannaigh gluaisteáin a cuireadh i gcrích le trádálaí ar láthair, go ríomhtar méid an chúitimh as dímheas an ghluaisteáin mhaoinithe atá le híoc ag an tomhaltóir leis an gcreidiúnaí ar thabhairt ar ais an ghluaisteáin mhaoinithe tríd an bpraghas dár cheannaigh an trádálaí an gluaisteán ar a thabhairt ar ais a bhaint ón bpraghas ar a dhíol an trádálaí an gluaisteán tráth a cheannaigh an tomhaltóir é?

2.

An bhfuil an riail a leagtar síos sa chéad abairt d’Airteagal 14(3)(b) de Threoir 2008/48 maidir le conarthaí creidmheasa tomhaltóra, atá ceangailte le conradh ceannaigh gluaisteáin, comhchuibhithe go hiomlán agus, dá bhrí sin, ceangailteach sna Ballstáit?

I gcás ina dtabharfar freagra diúltach ar Cheist 2:

3.

An bhfuil sé i gcomhréir le dlí an Aontais, go háirithe le hAirteagal 14(1) de Threoir 2008/48, i gcás ina bhfuil ar an iasachtaí, i ndiaidh aistarraingt ó chonradh creidmheasa tomhaltóra, atá ceangailte le conradh ceannaigh gluaisteáin, ús a comhaontaíodh sa chonradh a íoc don tréimhse idir íocaíocht na hiasachta le díoltóir an ghluaisteáin mhaoinithe agus an tráth a thugtar an gluaisteán ar ais don chreidiúnaí (nó don díoltóir)?