EUR-Lex Access to European Union law
This document is an excerpt from the EUR-Lex website
Document 62022TN0404
Case T-404/22: Action brought on 29 June 2022 — Deutsche Kreditbank v SRB
Cás T-404/22: Caingean arna tabhairt an 29 Meitheamh 2022 – Deutsche Kreditbank v BRA
Cás T-404/22: Caingean arna tabhairt an 29 Meitheamh 2022 – Deutsche Kreditbank v BRA
IO C 380, 3.10.2022, p. 15–16
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
3.10.2022 |
GA |
Iris Oifigiúil an Aontais Eorpaigh |
C 380/15 |
Caingean arna tabhairt an 29 Meitheamh 2022 – Deutsche Kreditbank v BRA
(Cás T-404/22)
(2022/C 380/18)
Teanga an cháis: an Ghearmáinis
Páirtithe
Iarratasóir: Deutsche Kreditbank AG (Beirlín, an Ghearmáin) (ionadaithe: H. Berger agus M. Weber, Dlíodóirí)
Cosantóir: an Bord Réitigh Aonair (BRA)
An t-ordú atá á lorg
Iarrann an t-iarratasóir ar an gCúirt Ghinearálta:
— |
an cinneadh ón mBord Réitigh Aonair an 11 Aibreán 2022 maidir le ríomh na ranníocaíochtaí ex ante leis an gCiste Réitigh Aonair le haghaidh 2022 (SRB/ES/2022/18), iarscríbhinní san áireamh, a chur ar neamhní, a mhéid a bhaineann an cinneadh atá faoi chonspóid, lena n-áirítear Iarscríbhinn I, Iarscríbhinn II agus Iarscríbhinn III leis an gcinneadh sin, le ranníocaíocht an iarratasóra; |
— |
a ordú don chosantóir costais na n-imeachtaí a íoc. |
Mar mhalairt air sin, sa chás ina measann an Chúirt Ghinearálta nach ann don chinneadh ó thaobh dlí de, de bharr gur úsáid an cosantóir an teanga oifigiúil mhícheart, agus go bhfuil an chaingean le haghaidh neamhniú do-ghlactha dá bhrí sin ar an bhforas go bhfuil an chaingean gan chuspóir, iarrann an t-iarratasóir ar an gCúirt Ghinearálta:
— |
a dhearbhú nach ann don chinneadh atá faoi chonspóid ó thaobh dlí de; |
— |
a ordú don chosantóir costais na n-imeachtaí a íoc. |
Saincheisteanna dlí agus príomhargóintí
Mar thaca lena chaingean, ardaíonn an t-iarratasóir seacht saincheist dlí:
1. |
An chéad saincheist dlí: Sáraítear leis an gcinneadh Airteagal 81(1) de Rialachán (AE) Uimh. 806/2014, (1) i gcomhar le hAirteagal 3 de Rialachán Uimh. 1 ón gComhairle an 15 Aibreán 1958, (2) toisc nach bhfuil sé i nGearmáinis, arb í an teanga a roghnaigh an t-iarratasóir. |
2. |
An dara saincheist dlí: Sáraítear leis an gcinneadh an oibleagáid maidir le cúiseanna a lua faoin dara mír d’Airteagal 296 CFAE agus faoi Airteagal 41(1) agus (2)(c) den Chairt um Chearta Bunúsacha an Aontais Eorpaigh (“an Chairt”) agus an ceart bunúsach chun cosanta breithiúnaí éifeachtaí faoin gcéad mhír d’Airteagal 47 den Chairt, toisc go bhfuil roinnt bearnaí sa ráiteas ar na cúiseanna, go háirithe i dtaca leis an gcaoi a chuir an cosantóir i bhfeidhm roinnt cumhachtaí lánroghnacha arna leagan síos le dlí, toisc nach nochtar sonraí maidir le hinstitiúidí eile agus toisc go bhfiul sé nach mór dodhéanta athbhreithniú breithiúnach a fháil ar an gcinneadh. |
3. |
An tríú saincheist dlí: Sáraítear leis an gcinneadh Airteagail 69 agus 70 de Rialachán (AE) Uimh. 806/2014 agus Airteagail 16, 17, 41 agus 53 den Chairt, toisc nár shocraigh an cosantóir an spriocleibhéal bliantúil i gceart; mar mhalairt air sin, sáraítear le hAirteagail 69 agus 70 de Rialachán (AE) Uimh. 806/2014 dlí ar chéim níos airde. |
4. |
An ceathrú saincheist dlí: Sáraítear le hAirteagail 6, 7 agus 9 de Rialachán Tarmligthe (AE) 2014/63 agus le hIarscríbhinn I a ghabhann leis dlí ar chéim níos airde toisc, inter alia, go sáraítear leo an ceanglas chun ranníocaíochtaí a ríomh de réir an riosca, prionsabal na comhréireachta agus an prionsabal go gcuirtear san áireamh na fíorais go léir. |
5. |
An cúigiú saincheist dlí: Sáraítear leis an gcinneadh saoirse an iarratasóra chun gnó a sheoladh faoi Airteagal 16 den Chairt agus prionsabal na comhréireachta toisc nach bhfuil na hiolraitheoirí coigeartaithe riosca ag teacht leis an bpróifíl riosca cuí don iarratasóir, atá os cionn an mheáin. |
6. |
An séú saincheist dlí: Sáraítear leis an gcinneadh Airteagail 16 agus 20 den Chairt agus prionsabal na comhréireachta agus an ceart chun dea-riaracháin de bharr na n-earráidí follasacha a rinne an cosantóirí i bhfeidhmiú na gcumhachtaí lánroghnacha éagsúla. |
7. |
An seachtú saincheist dlí: Sáraítear leis an gcéad abairt agus leis an dara habairt d’Airteagal 20(1) den Rialachán Tarmligthe Airteagal 103(7) de Threoir 2014/59/AE (3) agus an ceanglas go ndéanfar ranníocaíochtaí a ríomh de réir an riosca. |
(1) Rialachán (AE) Uimh. 806/2014 ó Pharlaimint na hEorpa agus ón gComhairle an 15 Iúil 2014 lena mbunaítear rialacha aonfhoirmeacha agus nós imeachta aonfhoirmeach maidir le réiteach institiúidí creidmheasa agus gnólachtaí infheistíochta áirithe faoi chuimsiú Sásra Réitigh Aonair agus Ciste Réitigh Aonair agus lena leasaítear Rialachán (AE) Uimh. 1093/2010 (IO 2014 L 255, lch. 1).
(2) Rialachán Uimh. 1 lena gcinntear na teangacha atá le húsáid ag Comhphobal Eacnamaíochta na hEorpa (IO 1958 17, lch. 385).
(3) Treoir 2014/59/AE ó Pharlaimint na hEorpa agus ón gComhairle an 15 Bealtaine 2014 lena mbunaítear creat le haghaidh théarnamh agus réiteach institiúidí creidmheasa agus gnólachtaí infheistíochta agus lena leasaítear Treoir 82/891/CEE ón gComhairle agus Treoracha 2001/24/CE, 2002/47/CE, 2004/25/CE, 2005/56/CE, 2007/36/CE, 2011/35/AE, 2012/30/AE agus 2013/36/AE agus Rialacháin (AE) Uimh. 1093/2010 agus (AE) Uimh. 648/2012 ó Pharlaimint na hEorpa agus ón gComhairle (IO 2014 L 173, lch. 190).