This document is an excerpt from the EUR-Lex website
Document 52023DC0079
REPORT FROM THE COMMISSION TO THE EUROPEAN PARLIAMENT AND THE COUNCIL on the exercise of the power to adopt delegated acts pursuant to Article 284 of the Union Customs Code
TUARASCÁIL ÓN gCOIMISIÚN CHUIG PARLAIMINT NA hEORPA AGUS CHUIG AN gCOMHAIRLE ar fheidhmiú na cumhachta chun gníomhartha tarmligthe a ghlacadh de bhun Airteagal 284 de Chód Custaim an Aontais
TUARASCÁIL ÓN gCOIMISIÚN CHUIG PARLAIMINT NA hEORPA AGUS CHUIG AN gCOMHAIRLE ar fheidhmiú na cumhachta chun gníomhartha tarmligthe a ghlacadh de bhun Airteagal 284 de Chód Custaim an Aontais
COM/2023/79 final
AN COIMISIÚN EORPACH
An Bhruiséil,17.2.2023
COM(2023) 79 final
TUARASCÁIL ÓN gCOIMISIÚN CHUIG PARLAIMINT NA hEORPA AGUS CHUIG AN gCOMHAIRLE
ar fheidhmiú na cumhachta chun gníomhartha tarmligthe a ghlacadh de bhun Airteagal 284 de Chód Custaim an Aontais
1.Réamhrá
Tháinig Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (‘CCA’ nó ‘an Cód’) 1 i bhfeidhm an 30 Deireadh Fómhair 2013 cé gur tháinig an chuid is mó de na forálacha substainteacha i bhfeidhm an 1 Bealtaine 2016. Déantar foráil leis an Rialachán maidir le creat nuashonraithe cuimsitheach dlíthiúil agus TF le haghaidh rialacha agus nósanna imeachta custaim lena rialaítear trádáil earraí idir tíortha an Aontais agus tríú tíortha. Is é is sprioc leis timpeallacht atá go hiomlán gan pháipéar a bhaint amach lena n‑éascófar sreabhadh earraí dlisteanacha isteach san Aontas, amach as an Aontas nó tríd an Aontas, chun iomaíochas gnólachtaí Eorpacha a fheabhsú, agus leasanna airgeadais agus eacnamaíocha an Aontais agus na mBallstát a chosaint ar bhealach níos fearr agus slándáil agus sábháilteacht tomhaltóirí a chosaint freisin.
Le hAirteagal 284 de Chód Custaim an Aontais, tugtar de chumhacht don Choimisiún gníomhartha tarmligthe a ghlacadh i gcomhréir leis an nós imeachta a leagtar amach in Airteagal 290 CFAE, chun eilimintí neamhriachtanacha áirithe de Chód Custaim an Aontais a fhorlíonadh nó a leasú 2 . Tarmligtear na cumhachtaí chuig an gCoimisiún ar feadh tréimhse 5 bliana, ag tosú an 30 Deireadh Fómhair 2013, agus déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin. Rinneadh tarmligean na cumhachta a fhadú go hintuigthe in 2018 go ceann tréimhse chomhfhaid (go dtí an 30 Eanáir 2023).
Le hAirteagal 284 (2), ceanglaítear ar an gCoimisiún tuarascáil a tharraingt suas chuig Parlaimint na hEorpa agus chuig an gComhairle i leith fheidhmiú an tarmligin cumhachta faoi Chód Custaim an Aontais. Ní mór an tuarascáil sin a tharraingt suas tráth nach déanaí ná 9 mí roimh dheireadh na tréimhse 5 bliana.
Foilsíodh an chéad tuarascáil an 22 Feabhra 2018 3 agus cumhdaíodh léi an tréimhse ó mí Dheireadh Fómhair 2013 go mí na Samhna 2017. An tráth sin, d’fhorfheidhmigh an Coimisiún an chumhacht atá aige gníomhartha tarmligthe a ghlacadh ceithre huaire chun an méid seo a leanas a dhéanamh: 1) Rialachán Tarmligthe (AE) 2015/2446 ón gCoimisiún an 28 Iúil 2015 a ghlacadh lena bhforlíontar eilimintí neamhriachtanacha áirithe den Chód (Gníomh Tarmligthe CCA) 4 ; 2) Rialachán Tarmligthe (AE) 2016/341 ón gCoimisiún an 17 Nollaig 2015 a ghlacadh lena ndéantar foráil maidir le modhanna malartacha chun faisnéis chustaim a mhalartú agus a stóráil a fhad nach bhfuil córais leictreonacha Chód Custaim an Aontais oibríochtúil (Gníomh Tarmligthe Idirthréimhseach CCA) 5 ; 3) Airteagail 136 agus 141 den Ghníomh Tarmligthe maidir le Cód Custaim an Aontais a cheartú 6 ; agus 4) Iarscríbhinn 12 den Ghníomh Tarmligthe Idirthréimhseach maidir le Cód Custaim an Aontais a cheartú 7 .
Leis an tuarascáil seo, mínítear an bealach a d’fhorfheidhmigh an Coimisiún an chumhacht chun gníomhartha tarmligthe a ghlacadh de bhun Airteagal 284 de Chód Custaim an Aontais ó mhí na Nollag 2017 go dtí mí na Nollag 2022. Cuirtear in iúl sa tuarascáil freisin barúil an Choimisiúin gur cheart fadú a chur leis an gcumhacht chun gníomhartha tarmligthe a ghlacadh go ceann tréimhse 5 bliana eile, i gcomhréir le hAirteagal 284(2) de Chód Custaim an Aontais (fadú intuigthe).
2.Cumhachtaí tarmligthe a fheidhmiú
Ó mhí na Nollag 2017 go dtí mí na Nollag 2022, d’fhorfheidhmigh an Coimisiún an chumhacht chun gníomhartha tarmligthe a ghlacadh de bhun Airteagal 284 de Chód Custaim an Aontais ocht n‑uaire. Ba é ab aidhm leis na gníomhartha tarmligthe uile an Gníomh Tarmligthe maidir le Cód Custaim an Aontais a leasú agus/nó a cheartú agus, in dá chás, ba é ab aidhm leo an Gníomh Tarmligthe Idirthréimhseach maidir le Cód Custaim an Aontais a leasú. Seo a leanas iad ar bhonn mionsonraithe:
1.Le Rialachán Tarmligthe (AE) 2018/1063 ón gCoimisiún an 16 Bealtaine 2018, agus Airteagail 2, 7, 24, 65, 88, 99, 142, 151, 156, 160, 212, 216, 231 agus 253 de Chód Custaim an Aontais á n‑úsáid, leasaíodh agus ceartaíodh Rialachán Tarmligthe (AE) 2015/2446 lena bhforlíontar Rialachán (AE) Uimh. 952/2013 ó Pharlaimint na hEorpa agus ón gComhairle a mhéid a bhaineann le rialacha mionsonraithe maidir le forálacha áirithe de Chód Custaim an Aontais 8 .
Leis an leasú sin, cumhdaítear roinnt saincheisteanna éagsúla a sainaithníodh tar éis theacht i bhfeidhm chreat Chód Custaim an Aontais. Áirítear leis na modhnuithe is suntasaí sainmhíniú athbhreithnithe ar ‘onnmhaireoir’; fadú leis an teorainn ama chun cinneadh a dhéanamh maidir le dleachtanna custaim a aisíoc nó a loghadh; roinnt solúbthachtaí a thabhairt isteach sna foirmiúlachtaí custaim is infheidhme i gcás idirbhearta idir Críoch Fhioscach Speisialta agus a mórthír laistigh den Bhallstát céanna agus é a chur ar a gcumas do chónaitheoirí an Aontais gluaisteáin a fhaightear ar cíos lasmuigh den Aontas a iompórtáil ar feadh tréimhsí gearra amhail laethanta saoire gan dleachtanna allmhairiúcháin a íoc.
Foilsíodh an rialachán an 30 Iúil 2018 tar éis tréimhse 2 mhí ina ndearnadh an Chomhairle agus Parlaimint na hEorpa grinnscrúdú air agus tháinig sé i bhfeidhm an 31 Iúil 2018 i gcomhréir le hAirteagal 3, seachas Airteagal 1(3) lenar ceadaíodh leanúint de nósanna imeachta páipéarbhunaithe a úsáid le haghaidh cinntí sonracha custaim. Tháinig sé sin i bhfeidhm an 2 Deireadh Fómhair 2017, an lá a cuireadh Córas Cinnteoireachta Custaim Chód Custaim an Aontais i bhfeidhm.
2.Le Rialachán Tarmligthe (AE) 2018/1118 ón gCoimisiún 9 an 7 Meitheamh 2018, agus Airteagal 99 (c) de Chód Custaim an Aontais á úsáid, leasaíodh Airteagal 84 de Rialachán Tarmligthe (AE) 2015/2446. Foilsíodh é an 18 Lúnasa 2018 tar éis tréimhse 2 mhí nuair a rinne an Chomhairle agus Parlaimint na hEorpa grinnscrúdú air agus tháinig sé i bhfeidhm an 2 Meán Fómhair 2018 (Airteagal 2). Ba é ba chuspóir leis an leasú roinnt solúbthachta a chur ar fáil maidir leis na coinníollacha chun ráthaíocht chuimsitheach a fháil le méid laghdaithe, nó tarscaoileadh ráthaíochta a fháil.
3.Rialachán Tarmligthe (AE) 2019/841 ón gCoimisiúnLe Rialachán Tarmligthe (AE) 2019/841 ón gCoimisiún an 14 Márta 2019, agus Airteagal 212 de Chód Custaim an Aontais á úsáid, ceartaíodh leaganacha áirithe teanga de Rialachán Tarmligthe (AE) 2015/2446 lena bhforlíontar Rialachán (AE) Uimh. 952/2013 ó Pharlaimint na hEorpa agus ón gComhairle a mhéid a bhaineann le rialacha mionsonraithe maidir le forálacha áirithe de Chód Custaim an Aontais 10 , ina raibh roinnt botún teanga in airteagail áirithe agus in Iarscríbhinn 22-01. Foilsíodh an 24 Bealtaine 2019 é agus tar éis tréimhse 2 mhí nuair a rinne an Chomhairle agus Parlaimint na hEorpa grinnscrúdú air, tháinig sé i bhfeidhm an 13 Meitheamh 2019 (Airteagal 2).
4. Rialachán Tarmligthe (AE) 2019/1143 ón gCoimisiún an 14 Márta 2019 lena leasaítear Rialachán Tarmligthe (AE) 2015/2446 a mhéid a bhaineann le coinsíneachtaí áirithe ar luach íseal a dhearbhú 11 , foilsíodh an 5 Iúil 2019 é tar éis tréimhse 2 mhí nuair a rinne an Chomhairle agus Parlaimint na hEorpa grinnscrúdú air agus tháinig sé i bhfeidhm an 13 Meitheamh 2019 (Airteagal 2). Agus Airteagal 160 agus Airteagal 7 de Chód Custaim an Aontais á n‑úsáid, leasaíodh forálacha áirithe de Rialachán Tarmligthe (AE) 2015/2446 chun é a choigeartú i gcomhréir leis na rialacha CBL maidir le Ríomhthráchtáil a glacadh i mí na Nollag 2017 12 . Áirítear leis na hathruithe sin, ó dháta cur i bhfeidhm na rialacha nua CBL, i.e. an 1 Iúil 2021, scaoileadh coinsíneachtaí a bhfuil luach nach mó ná EUR 22 acu i saorchúrsaíocht trí bhíthin aon ghnímh eile a bhaint agus tugadh isteach tacar sonrach sonraí (laghdaithe) in Iarscríbhinn B le haghaidh an dearbhaithe maidir le coinsíneachtaí ar luach íseal gan dleacht a scaoileadh i saorchúrsaíocht.
5.Rialachán Tarmligthe (AE) 2020/877 ón gCoimisiún an 3 Aibreán 2020 lena leasaítear agus lena gceartaítear Rialachán Tarmligthe (AE) 2015/2446 lena bhforlíontar Rialachán (AE) Uimh. 952/2013, agus lena leasaítear Rialachán Tarmligthe (AE) 2016/341 lena bhforlíontar Rialachán (AE) Uimh. 952/2013, lena leagtar síos Cód Custaim an Aontais 13 . Foilsíodh é an 26 Meitheamh 2020 tar éis tréimhse 2 mhí nuair a rinne an Chomhairle agus Parlaimint na hEorpa grinnscrúdú air agus tháinig sé i bhfeidhm an 15 Márta 2020 a mhéid a bhaineann le hAirteagal 1(13)(b) agus Airteagal 1(16)(b)(i) agus an 16 Iúil 2020 i gcás na bhforálacha eile uile (Airteagal 4). Maidir le teacht i bhfeidhm cúlghabhálach na bhforálacha lena gceadaítear orgáin, fíocháin dhaonna nó ainmhí nó fuil dhaonna le haghaidh trasphlanduithe a dhearbhú trí bhíthin aon ghnímh eile, ba ghá sin mar gheall ar na suaití a bhí ann ag teorainneacha seachtracha an Aontais tar éis na dianghlasála a rinneadh mar thoradh ar phaindéim COVID 19. Agus Airteagail 7, 10, 24, 88, 131, 156, 160, 168, 175, 183, 212, 216, 253 agus 265 de Chód Custaim an Aontais á n‑úsáid, leasaítear leis an Rialachán seo roinnt forálacha den Ghníomh Tarmligthe maidir le Cód Custaim an Aontais agus trí Airteagal 279 de Chód Custaim an Aontais a úsáid, leasaítear leis an Rialachán an Gníomh Tarmligthe Idirthréimhseach maidir le Cód Custaim an Aontais. Leis na hathruithe, tugadh isteach rialacha nua maidir le tarscaoilte agus teorainneacha ama chun dearbhú iontrála achomair a chur isteach agus maidir leis na forálacha idirthréimhseacha go dtí go gcuirfear chun feidhme na heisiúintí de Chóras Rialaithe Allmhairí 2 (CRA2). Chomh maith leis sin, tugadh isteach sainmhíniú nua ar an luach intreach leis an Rialachán mar aon le roinnt forálacha idirthréimhseacha le haghaidh oibreoirí poist agus na mBallstát chun cur chun feidhme rianúil na rialacha ríomhthráchtála CBL a chumasú agus cruthaíodh foirm nua AE 302 le haghaidh earraí a ghluaiseacht i gcomhthéacs oibríochtaí míleata.
6.Le Rialachán Tarmligthe (AE) 2020/2191 ón gCoimisiún an 20 Samhain 2020, agus Airteagal 131, pointe b agus Airteagal 265, pointe a de Chód Custaim an Aontais á n‑úsáid, leasaítear Rialachán Tarmligthe (AE) 2015/2446 a mhéid a bhaineann le teorainneacha ama chun dearbhuithe iontrála achoimre agus dearbhuithe réamhimeachta a chur isteach i gcás iompar ar muir ó Ríocht Aontaithe na Breataine Móire agus Thuaisceart Éireann, Oileáin Mhuir nIocht agus Oileán Mhanann agus chuig na háiteanna sin freisin. 14 . Foilsíodh an 23 Nollaig 2020 é tar éis neamhagóid luath a fháil ón gComhairle an 21 Nollaig 2020 agus ó Pharlaimint na hEorpa an 15 Nollaig 2020 agus tháinig sé i bhfeidhm an 24 Nollaig 2020. Tá feidhm aige ón 1 Eanáir 2021 ar aghaidh (Airteagal 2).
7.Le Rialachán Tarmligthe (AE) 2021/234 ón gCoimisiún an 7 Nollaig 2020, agus Airteagal 7 de Chód Custaim an Aontais á úsáid, leasaítear Rialachán Tarmligthe (AE) 2015/2446 a mhéid a bhaineann le ceanglais choiteanna sonraí, agus Airteagal 279 de Chód Custaim an Aontais á úsáid, leasaítear Rialachán Tarmligthe (AE) 2016/341 a mhéid a bhaineann leis na cóid atá le húsáid i bhfoirmeacha áirithe 15 . Tar éis tréimhse 2 mhí nuair a rinne an Chomhairle agus Parlaimint na hEorpa grinnscrúdú air, foilsíodh an 23 Feabhra 2021 é agus tháinig sé i bhfeidhm an 15 Márta 2021 (Airteagal 3).
8.Le Rialachán Tarmligthe (AE) 2021/1934 ón gCoimisiún an 30 Iúil 2021, agus Airteagail 63 agus 65 de Chód Custaim an Aontais á n‑úsáid, leasaítear Rialachán Tarmligthe (AE) 2015/2446 a mhéid a bhaineann le forálacha áirithe a bhaineann le tionscnamh neamhfhabhair earraí 16 . Foilsíodh an Rialachán an 10 Samhain 2021, tar éis tréimhse 2 mhí nuair a rinne an Chomhairle agus Parlaimint na hEorpa grinnscrúdú air, agus tháinig sé i bhfeidhm an 30 Samhain 2021, ach tá feidhm ag Airteagal 1, Pointí (5), (6) agus (7) ón 1 Eanáir 2022 (Airteagal 2), i gcomhréir le dáta theacht i bhfeidhm leagan 2022 den Chóras Comhchuibhithe.
Ina theannta sin, le linn na tréimhse tuairiscithe, tugadh isteach leasuithe ar an nGníomh Tarmligthe Idirthréimhseach maidir le Cód Custaim an Aontais le dhá cheann de na rialacháin thuasluaite, ar bhonn Airteagal 279 de Chód Custaim an Aontais. Bhí gá leis na coigeartuithe sin toisc nach bhfuil córais leictreonacha áirithe de Chód Custaim an Aontais oibríochtúil go fóill, agus dá bhrí sin, sna limistéir faoi seach, tá feidhm leis na rialacha idirthréimhseacha go fóill.
1. Rialachán Tarmligthe (AE) 2020/877 ón gCoimisiún an 3 Aibreán 2020 lena leasaítear agus lena gceartaítear Rialachán Tarmligthe (AE) 2015/2446 lena bhforlíontar Rialachán (AE) Uimh. 952/2013, agus lena leasaítear Rialachán Tarmligthe (AE) 2016/341 lena bhforlíontar Rialachán (AE) Uimh. 952/2013, lena leagtar síos Cód Custaim an Aontais 17 .
2. Rialachán Tarmligthe(AE) 2021/234 ón gCoimisiún an 7 Nollaig 2020 lena leasaítear Rialachán Tarmligthe (AE) 2015/2446 a mhéid a bhaineann le ceanglais choiteanna sonraí, agus Rialachán Tarmligthe (AE) 2016/341 a mhéid a bhaineann leis na cóid atá le húsáid i bhfoirmeacha áirithe 18 .
Agus na gníomhartha tarmligthe á n‑ullmhú agus á leasú ag an gCoimisiún, chuaigh sé i gcomhairle leis na páirtithe leasmhara ábhartha uile, go háirithe saineolaithe na mBallstát agus oibreoirí eacnamaíocha ón earnáil trádála, lóistíochta agus gnó. Phléigh na saineolaithe ó na Ballstáit agus ón bpobal gnó na forálacha a áirítear sna gníomhartha tarmligthe agus thacaigh siad leo.
Le linn an phróisis nós imeachta agus cinnteoireachta, d’áirithigh an Coimisiún gur tarchuireadh na doiciméid ábhartha go tráthúil agus go hiomchuí chuig Parlaimint na hEorpa agus chuig an gComhairle. Ní dhearna Parlaimint na hEorpa ná an Chomhairle agóid in aghaidh aon cheann de na gníomhartha sin a ghlacadh.
Chun a áirithiú go ndéantar reachtaíocht chustaim an Aontais a oiriúnú ar bhonn leanúnach do na ceanglais teicniúla agus don dul chun cinn teicneolaíoch i réimse na gníomhaíochta custaim, tá an Coimisiún den tuairim gur cheart an chumhacht a dheonaítear dó trí bhíthin Chód Custaim an Aontais chun gníomhartha tarmligthe a ghlacadh a fhadú go ceann tréimhse 5 bliana eile, i gcomhréir le hAirteagal 284(2) de Chód Custaim an Aontais (fadú intuigthe).
3.Conclúid
Leis an Tuarascáil seo, chomhlíonann an Coimisiún an oibleagáid atá air tuairisciú do Pharlaimint na hEorpa agus don Chomhairle maidir leis an úsáid a bhaineann sé as cumhachtaí tarmligthe faoi Airteagal 284(2) de Chód Custaim an Aontais.
Maidir leis na cumhachtaí tarmligthe a deonaíodh don Choimisiún le Cód Custaim an Aontais, d’fhorfheidhmigh sé go gníomhach agus go hiomchuí le 5 bliana anuas iad. An tráth céanna, measann an Coimisiún gur cheart tarmligean sin na cumhachta chun gníomhartha tarmligthe a ghlacadh a fhadú go ceann 5 bliana eile, i gcomhréir le hAirteagal 284(2) de Chód Custaim an Aontais (fadú intuigthe). Cuirfidh sé sin ar a chumas don Choimisiún leanúint de na rialacha custaim a fhorlíonadh i bhfianaise an dul chun cinn pholaitiúil, theicniúil agus theicneolaíoch agus i bhfianaise athruithe ar phatrúin trádála, nithe a bhfuil tionchar acu uile ar chustam.
Iarrann an Coimisiún ar Pharlaimint na hEorpa agus ar an gComhairle an tuarascáil seo a thabhairt dá n‑aire.
Iarscríbhinn
|
Forálacha cumhachtaithe Chód Custaim an Aontais |
Forálacha Gníomhartha Tarmligthe Chód Custaim an Aontais a glacadh i gcomhréir leis an tarmligean cumhachta ó 2013 go dtí mí na Samhna 2017 agus a tuairiscíodh in 2018 19 |
Forálacha Gníomhartha Tarmligthe Chód Custaim an Aontais a glacadh i gcomhréir leis an tarmligean cumhachta ó mhí na Nollag 2017 go dtí mí na Nollag 2022 |
|
Airteagal 2 |
Airteagail 114, 134, 188 |
Airteagail 114, 134 |
|
Airteagal 7 (modh chun faisnéis a mhalartú agus a stóráil agus ceanglais choiteanna sonraí) |
Airteagail 2, 3, 4, 9, 19, 21, 38, 39, 40, 82, 85, 86, 87, 92, 93, 94, 95, 96, 116, 124, 124a, 125, 126, 126a, 127, 129a, 129b, 130, 131, 132, 133, 144, 154, 157, 160, 163, 164, 165, 175, 178, 181, 184, 185, 190, 196, 238, 241, 246, 247, 249 |
Airteagail 2, 7a, 40, 82, 124a, 126a, 127, 128d, 131, 133, 143a, 144, 163 |
|
Airteagal 10 |
Airteagail 5, 6, 7 |
Airteagal 6 |
|
Airteagal 20 |
Airteagal 210 |
|
|
Airteagal 24 (Cinntí a bhaineann leis an reachtaíocht chustaim a chur i bhfeidhm) |
Airteagail 5, 8, 10, 11, 12, 13, 14, 15, 16, 17, 18, 19, 20, 22, 26, 27, 28, 29, 30, 82, 92, 97, 121, 123, 156, 162, 171, 172, 173, 186, 192, 194, 205 |
Airteagail 5, 10, 13, 17, 82, 97, 197a |
|
Airteagal 31 (Cinntí fabhracha a chúlghairm agus a leasú) |
Níor úsáideadh an tarmligean sa tréimhse tuairiscithe, mar gheall nach raibh cás gnó ann go fóill. Baineann an fhoráil leis an méid seo a leanas: 1) cásanna ina bhféadfaí cinneadh fabhrach a dhírítear chuig roinnt daoine a chúlghairm i leith an duine nach gcomhlíonann oibleagáid a fhorchuirtear faoin gcinneadh sin agus i leith daoine eile lena mbaineann freisin; 2) cásanna eisceachtúla ina bhféadfadh na húdaráis custaim an dáta a dtiocfaidh an chúlghairm nó an leasú i bhfeidhm a chur siar. |
|
|
Airteagal 36 (Bainistiú cinntí a bhaineann le faisnéis cheangailteach) |
Sa tréimhse tuairiscithe, rinne seirbhísí an Choimisiúin céimeanna tosaigh chun na cumhachtaí a tharmligtear faoi Airteagal 36(b) a fhorfheidhmiú trí dhréacht‑Rialachán Tarmligthe a fhoilsiú chun aiseolas a fháil air, dréacht‑Rialachán lena dtugtar isteach rialacha i ndáil le cinntí maidir le Faisnéis Cheangailteach i leith Luachála 20 . Déantar foráil maidir leis an Rialachán Tarmligthe sin a ghlacadh sa chéad seimeastar de 2023. Baineann an fhoráil leis an méid seo a leanas: 1) na cásanna sonracha dá dtagraítear in Airteagal 34(7) pointe (b) agus Airteagal 34(8), i gcás ina bhfuil cinntí maidir le Faisnéis Cheangailteach i leith Taraifí agus Faisnéis Cheangailteach i leith Tionscnaimh le cúlghairm; 2) na cásanna dá dtagraítear in Airteagal 35, ina ndéantar cinntí a bhaineann le faisnéis cheangailteach ag féachaint do thosca eile ar ar a mbonn a gcuirtear i bhfeidhm dleacht ar allmhairí nó ar onnmhairí agus bearta eile i ndáil le trádáil in earraí. |
|
|
Airteagal 40 |
Airteagail 23, 24, 25 |
|
|
Airteagal 62 |
Airteagail 31, 32, 33, 34, 35, 36 |
Airteagail 31, 33, 34, 35 |
|
Airteagal 65 (Tionscnamh fabhrach) |
Airteagail 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70 |
Airteagail 37, 53, 55 |
|
Airteagal 75 |
Airteagal 71 |
|
|
Airteagal 88 (Fiach custaim) |
Airteagail 72, 73, 74, 75, 76, 77, 78, 79, 80, 168 |
Airteagail 76, [168] 21 |
|
Airteagal 99 |
Airteagail 81, 82, 83, 84, 85, 86 |
Airteagail 82, 83, 84, |
|
Airteagal 106 |
Airteagail 88, 92 |
|
|
Airteagal 115 |
Airteagail 89, 90, 91 |
|
|
Airteagal 122 |
Airteagail 98, 99, 100, 101, 102 |
|
|
Airteagal 126 |
Airteagal 103 |
|
|
Airteagal 131(Dearbhú iontrála achomair) |
Airteagail 104, 105, 106, 107, 108, 109, 110, 111, 112, 113 |
Airteagail 104, 105, 106, 112, 113, 113a |
|
Airteagal 142 (áiteanna ainmnithe chun na hearraí a thugtar isteach ar chríoch chustaim an Aontais a chur i láthair) |
Airteagal 115 |
Airteagal 115 |
|
Airteagal 151 (coinníollacha agus údarú le haghaidh stóráil shealadach) |
Airteagail 115, 116, 117, 118 |
Airteagal 115 |
|
Airteagal 156 (Stádas custaim earraí) |
Airteagail 119, 120, 121, 122, 122a,128, 129, 129c, 129d, 182 |
Airteagail 124a, 128a, 128d, |
|
Airteagal 160 (Earraí a chur faoi nós imeachta custaim) |
Airteagail 135, 136, 137, 138, 139, 140, 141, 142, 143 |
Airteagail 136, 138, 139, 140, 141, 142 |
|
Airteagal 164 |
Airteagal 155 |
|
|
Airteagal 168 (dearbhuithe simplithe) |
Airteagail 145, 146, 147, 183 |
Airteagail 146, 147 |
|
Airteagal 175 |
Airteagail 148, 248 |
Airteagal 248 |
|
Airteagal 180 |
Airteagal 149 |
|
|
Airteagal 183 (Iontráil i dTaifid an Dearbhóra) |
Airteagal 150 |
Airteagal 150 |
|
Airteagal 186 |
Airteagail 151, 152 |
|
|
Airteagal 196 |
Airteagal 153 |
|
|
Airteagal 206 |
Airteagail 158, 159 |
|
|
Airteagal 212 (Forálacha ginearálta maidir le nósanna imeachta speisialta) |
Airteagail 161, 163, 165, 166, 167, 170, 175, 176, 177, 178, 201, 202, 203, 204, 206, 207, 218, 239, 240, 242, 243 |
Airteagail 163,166, 167, 177, 177a, 207, 218 |
|
Airteagal 216 |
Airteagail 174, 217, 218, 237 |
Airteagail 218, 237 |
|
Airteagal 221 |
Airteagail 179, 180 |
|
|
Airteagal 224 |
Airteagal 169 |
|
|
Airteagal 231 |
Airteagail 187, 189 |
Airteagal 189 |
|
Airteagal 235 (Idirthuras sa chomhphobal) |
Airteagail 191, 193, 195, 197, 198, 199, 200 |
Airteagail 193, 195, 197 |
|
Airteagal 253 (Úsáid shonrach) |
Airteagail 206, 208, 209, 210, 211, 212, 213, 214, 215, 216, 219, 220, 221, 222, 223, 224, 225, 226, 227, 228, 229, 230, 231, 232, 233, 234, 235, 236 |
Airteagail 212, 215, 220, 223, 224, 227, 228, 229, 230, 231, 232, 233, 234, 235, 235a, 236 |
|
Airteagal 265 |
Airteagail 244, 245 |
Airteagail 244, 245 |
IO L 269, 10.10.2013, lch. 1–101
Baineann sé leis na gníomhartha tarmligthe dá dtagraítear in Airteagail 2, 7, 10, 20, 24, 31, 36, 40, 62, 65, 75, 88, 99, 106, 115, 122, 126, 131, 142, 151, 156, 160, 164, 168, 175, 180, 183, 186, 196, 206, 212, 216, 221, 224, 231, 235, 253, 265, 279 de Chód Custaim an Aontais.
COM(2018) 39 final
IO L 343, 29.12.2015, lch. 1-557
IO L 69, 15.3.2016, lch. 1-313
IO L 111, 27.4.2016, lch. 1-2
IO L 121, 11.5.2016, lch. 1-10
IO L 192, 30.7.2018, lch. 1–28
IO L 204, 13.8.2018, lch. 11–12
IO L 138, 24.5.2019, lch. 76–78
IO L 181, 5.7.2019, lch. 2–12
Treoir (AE) 2017/2455 ón gComhairle an 5 Nollaig 2017 lena leasaítear Treoir 2006/112/CE agus Treoir 2009/132/CE a mhéid a bhaineann le hoibleagáidí áirithe cánach breisluacha le haghaidh soláthar seirbhísí agus ciandíol earraí: IO L 348, 29.12.2017, lch. 7–22; Rialachán (AE) 2017/2454 ón gComhairle an 5 Nollaig 2017 lena leasaítear Rialachán (AE) Uimh. 904/2010 maidir leis an gcomhar riaracháin agus an chalaois a chomhrac i réimse na cánach breisluacha: IO L 348, 29.12.2017, lgh. 1–6 agus Rialachán Cur Chun Feidhme (AE) 2017/2459 ón gComhairle an 5 Nollaig 2017 lena leasaítear Rialachán Cur Chun Feidhme (AE) Uimh. 282/2011 lena leagtar síos bearta cur chun feidhme le haghaidh Threoir 2006/112/CE maidir leis an gcomhchóras cánach breisluacha: IO L 348, 29.12.2017, lch. 32–33
IO L 203, 26.6.2020, lch. 1–27
IO L 434, 23.12.2020, lch. 8–9
IO L 63, 23.2.2021, lch. 1–385
IO L 396, 10.11.2021, lch. 10–16
IO L 203, 26.6.2020, lch. 1–27
IO L 63, 23.2.2021, lch. 1–385
COM(2018) 39 final, 22.1.2018
Díothaítear an tAirteagal seo i gcomhréir le hAirteagal 1(24) de Rialachán Tarmligthe (AE) 2020/877 ón gCoimisiún an 3 Aibreán 2020 lena leasaítear agus lena gceartaítear Rialachán Tarmligthe (AE) 2015/2446 lena bhforlíontar Rialachán (AE) Uimh. 952/2013, agus lena leasaítear Rialachán Tarmligthe (AE) 2016/341 lena bhforlíontar Rialachán (AE) Uimh. 952/2013, lena leagtar síos Cód Custaim an Aontais; IO L 203, 26.6.2020, lch. 1–27