(1)

Is galar víreasach tógálach é an galar crúb agus béil a bhíonn ar ainmhithe san ord mamach Artiodactyla agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseachtaí choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha. I gcás ráig den ghalar crúb agus béil in ainmhithe in ord mamach Artiodactyla, tá baol suntasach ann go leathfadh an galar sin go bunaíochtaí eile ina bhfuil ainmhithe soghabhálacha ar coimeád.

(2)

Le Rialachán Tarmligthe (AE) 2020/687 ón gCoimisiún (2) forlíontar na rialacha maidir le rialú na ngalar liostaithe dá dtagraítear in Airteagal 9(1), pointí (a), (b) agus (c), de Rialachán (AE) 2016/429, agus a shainmhínítear mar ghalair de chatagóirí A, B agus C i Rialachán Cur Chun Feidhme (AE) 2018/1882 ón gCoimisiún (3). Go háirithe, le hAirteagail 21 agus 22 de Rialachán Tarmligthe (AE) 2020/687 déantar foráil maidir le crios srianta a bhunú i gcás ráig de ghalar de chatagóir A, lena n-áirítear an galar crúb agus béil, agus maidir le bearta áirithe a bheidh le cur i bhfeidhm ann. Ina theannta sin, foráiltear le hAirteagal 21(1) den Rialachán Tarmligthe sin go gcuimseoidh an crios srianta crios cosanta agus crios faireachais.

(3)

An 21 Feabhra 2026, chuir an Chipir an Coimisiún ar an eolas faoi staid reatha an ghalair crúb agus béil ina críoch, tar éis ráigeanna den ghalar sin i mbunaíochtaí ina gcoimeádtar ainmhithe athchogantacha i gceantar Larnaca sa Chipir, ar ráigeanna iad a deimhníodh an 20 Feabhra 2026. I gcomhréir le Rialachán Tarmligthe (AE) 2020/687, bhunaigh an Chipir criosanna srianta, ina gcuimsítear criosanna cosanta agus faireachais, ina gcuirtear i bhfeidhm na bearta rialaithe galar a leagtar síos sa Rialachán Tarmligthe sin, chun leathadh breise an ghalair sin a chosc.

(4)

Chun aon suaitheadh nach bhfuil gá leis ar thrádáil laistigh den Aontas a chosc agus chun nach bhforchuirfidh tríú tíortha bacainní gan údar ar thrádáil, is gá, i gcomhar leis an mBallstát sin, na criosanna srianta i dtaca leis an ngalar crúb agus béil sa Chipir, ina bhfuil na criosanna cosanta agus faireachais, a shainaithint go tapa ar leibhéal an Aontais.

(5)

Méid na gcriosanna cosanta agus faireachais agus fad na mbeart atá le cur i bhfeidhm sna criosanna sin, mar a bhunaítear i gcomhréir le hIarscríbhinní X agus XI a ghabhann leis an Rialachán Tarmligthe (AE) 2020/687, ní mór iad a bheith bunaithe ar an staid eipidéimeolaíoch a mhéid a bhaineann leis an ngalar crúb agus béil sna limistéir atá buailte ag an ngalar sin agus ar staid eipidéimeolaíoch foriomlán an ghalair crúb agus béil sa Bhallstát lena mbaineann agus ar an leibhéal riosca maidir le leathadh breise an ghalair.

(6)

Dá réir sin, ba cheart na limistéir a aithnítear mar chriosanna cosanta agus faireachais sa Chipir a leagan amach san Iarscríbhinn a ghabhann leis an gCinneadh seo agus ba cheart fad an réigiúnaithe sin a shocrú.

(7)

I bhfianaise phráinn na staide eipidéimeolaíche san Aontas a mhéid a bhaineann le leathadh an ghalair crúb agus béil agus an ghá cosc a chur ar leathadh an ghalair ón mbunaíocht atá buailte sa Chipir go codanna eile den Bhallstáit sin nó go Ballstáit eile, is iomchuí feidhm a bheith ag na bearta a leagtar síos sa Chinneadh Cur Chun Feidhme seo a luaithe is féidir. Tá an Cinneadh seo le hathbhreithniú ag an gcéad chruinniú eile den Bhuanchoiste um Plandaí, Ainmhithe, Bia agus Beatha,