(1)

I bhfianaise na taithí a fuarthas agus Rialachán (AE) Uimh. 1408/2013 (2) ón gCoimisiún á chur i bhfeidhm, is iomchuí an uasteorainn maidir le cabhair de minimis a mhéadú go dtí EUR 50 000, cabhair is féidir le gnóthas aonair a fháil in aghaidh an Bhallstáit thar aon tréimhse 3 bliana. Cuirtear san áireamh leis an uasteorainn athbhreithnithe sin roinnt tosca lena n-áirítear an taithí a fuarthas, an boilsciú sonrach in earnáil na talmhaíochta a tharla ó leasaíodh Rialachán (AE) Uimh. 1408/2013 in 2019 (3) agus na forbairtí measta le linn thréimhse bhailíochta Rialachán (AE) Uimh. 1408/2013. Tá gá leis an uasteorainn sin chun a áirithiú go bhféadfar a mheas maidir le haon bheart a thagann faoi Rialachán (AE) Uimh. 1408/2013 ach ndéanann sé difear don trádáil idir na Ballstáit nó nach ndéanann sé an iomaíocht a shaobhadh ná nach baol é go saobhfaí an iomaíocht.

(2)

Agus an oibleagáid maidir le faisnéis faoi chabhair de minimis a deonaíodh a chlárú i gclár lárnach ar an leibhéal náisiúnta nó ar leibhéal an Aontais á cur san áireamh, is iomchuí an chaidhp náisiúnta a ríomh mar 2 % de mheán na dtrí luach aschuir bhliantúil is airde in aghaidh an Bhallstáit. Is iomchuí freisin ríomh na caidhpe náisiúnta a oiriúnú chun blianta níos déanaí a chur san áireamh, i gcomhréir le tréimhse bhailíochta Rialachán (AE) Uimh. 1408/2013. I bhfianaise an mhéid sin, ba cheart an tréimhse a úsáidtear chun meánluachanna an aschuir bhliantúil talmhaíochta is airde a ríomh a shocrú ó 2012 go 2023.

(3)

Dá bhrí sin, ba cheart na critéir chun an choibhéis deontais chomhláin le haghaidh iasachtaí agus ráthaíochtaí a ríomh a choigeartú de réir na n-uasteorainneacha de minimis méadaithe.

(4)

Chun ailíniú le Rialachán (AE) 2023/2831 ón gCoimisiún (4), ba cheart an tréimhse atá le cur san áireamh chun measúnú a dhéanamh ar chomhlíonadh na n-uasteorainneacha a leagtar síos i Rialachán (AE) Uimh. 1408/2013 a athrú ó 3 bliana fhioscacha go 3 bliana. Ba cheart measúnú a dhéanamh ar an tréimhse sin ar bhonn rollach. I gcás gach deontais nua de chabhair de minimis, ní mór méid iomlán na cabhrach de minimis a deonaíodh le 3 bliana anuas a chur san áireamh.

(5)

Tá sé de dhualgas ar an gCoimisiún a áirithiú go gcomhlíonfar rialacha státchabhrach agus go bhfuil siad i gcomhréir le prionsabal an chomhair dhílis a leagtar síos in Airteagal 4(3) den Chonradh ar an Aontas Eorpach. Ba cheart do na Ballstáit cur i gcrích an chúraim seo a éascú trí na huirlisí riachtanacha a bheith i bhfeidhm lena áirithiú nach sáróidh méid iomlán na cabhrach de minimis a dheonaítear do ghnóthas aonair faoin riail de minimis chomh maith le méid carnach na cabhrach de minimis a dheonaítear in aghaidh an Bhallstáit (‘caidhp náisiúnta’) na huasteorainneacha foriomlána incheadaithe. Ba cheart do na Ballstáit faireachán a dhéanamh ar an gcabhair a dheonaítear lena áirithiú nach sáraítear na huasteorainneacha sin agus go gcomhlíontar na rialacha maidir le carnadh. Chun an oibleagáid sin a chomhlíonadh agus chun ailíniú le Rialachán (AE) 2023/2831, ba cheart do na Ballstáit faisnéis iomlán a sholáthar maidir le cabhair de minimis a dheonaítear i gclár lárnach ar an leibhéal náisiúnta nó ar leibhéal an Aontais, ón 1 Eanáir 2027 ar a dhéanaí, agus ba cheart dóibh a sheiceáil nach sáraítear an uasteorainn de minimis ná an chaidhp náisiúnta a leagtar síos i Rialachán (AE) Uimh. 1408/2013 le haon deonú nua cabhrach. Cuideoidh an clár lárnach leis an ualach riaracháin ar ghnóthais a laghdú. Ní bheidh ceangal ar ghnóthais a thuilleadh aon chabhair de minimis eile a fhaightear a rianú agus a dhearbhú, chomh fada is atá sonraí sa chlár lárnach ar feadh tréimhse 3 bliana. Chun críocha Rialachán (AE) Uimh. 1408/2013, ba cheart rialú ar chomhlíonadh na n-uasteorainneacha a leagtar síos a bheith bunaithe i bprionsabal ar an bhfaisnéis a áireofar sa chlár lárnach.

(6)

Féadfaidh gach Ballstát clár lárnach náisiúnta a chur ar bun. Féadfar leanúint de chláir lárnacha náisiúnta atá ann cheana agus a chomhlíonann na ceanglais a leagtar síos i Rialachán (AE) Uimh. 1408/2013 a úsáid. Bunóidh an Coimisiún clár lárnach ar leibhéal an Aontais a fhéadfaidh na Ballstáit a úsáid ón 1 Eanáir 2026 ar aghaidh.

(7)

Ós rud é gur fadhb d’fhormhór na FBManna iad an t-ualach riaracháin agus bacainní rialála agus go bhfuil sé mar aidhm ag an gCoimisiún laghdú 25 % a dhéanamh ar an ualach a eascraíonn as ceanglais tuairiscithe (5), ba cheart aon chlár lárnach a bhunú ar bhealach a laghdódh an t-ualach riaracháin. Féadfar dea-chleachtais riaracháin, amhail iad siúd a leagtar síos i Rialachán (AE) 2018/1724 ó Pharlaimint na hEorpa agus ón gComhairle (6), a úsáid mar thagairt chun an clár lárnach ar leibhéal an Aontais agus na cláir lárnacha náisiúnta a bhunú agus a oibriú.

(8)

Ar an gcaoi chéanna, measann an Coimisiún go méadaítear an t-ualach riaracháin leis an bhfaireachán ar an gcaidhp earnála, go háirithe i gcás FBManna. Dá bhrí sin, chun an t-ualach riaracháin a eascraíonn as na ceanglais tuairiscithe a laghdú, is iomchuí don Choimisiún gan faireachán ar an gcaidhp earnála a cheangal a thuilleadh.

(9)

Is é is aidhm do rialacha trédhearcachta comhlíonadh níos fearr, cuntasacht níos fearr, athbhreithniú piaraí agus, ar deireadh, caiteachas poiblí níos éifeachtaí a áirithiú. Ainm tairbhí na cabhrach a fhoilsiú i gclár lárnach, déantar é sin ar mhaithe le leas dlisteanach na trédhearcachta trí fhaisnéis a sholáthar don phobal maidir le húsáid chistí na mBallstát. Ní chuireann sé isteach go míchuí ar cheart na dtairbhithe maidir lena sonraí pearsanta a chosaint fad is a chomhlíonann an foilsiú i gclár lárnach na sonraí pearsanta rialacha an Aontais maidir le cosaint sonraí (7). Ba cheart an rogha a bheith ag na Ballstáit iontrálacha sonracha a anaithnidiú i gcás inar gá chun rialacha an Aontais maidir le cosaint sonraí a chomhlíonadh.

(10)

Ní chuimsítear leis an Rialachán seo gach cás nach bhféadfaidh aon éifeacht a bheith ag beart ar thrádáil idir na Ballstáit agus nach bhféadfaidh sé iomaíocht a shaobhadh ná bagairt a dhéanamh ar an iomaíocht a shaobhadh. D’fhéadfadh cásanna a bheith ann ina soláthraíonn tairbhí earraí nó seirbhísí do limistéar teoranta (mar shampla i réigiún oileánach nó i réigiún forimeallach) laistigh de Bhallstát agus nach dócha go meallfadh an tairbhí sin custaiméirí ó Bhallstáit eile, agus nach bhféadfaí a thuar go mbeadh mórán tionchair ag an mbeart ar choinníollacha na n-infheistíochtaí nó na bunaíochta trasteorann. Ba cheart measúnú a dhéanamh ar bhearta den chineál sin ar bhonn cás ar chás.

(11)

I bhfianaise an ghá mhéadaithe atá le cabhair de minimis a úsáid agus ós rud é go bhfuil srian míchuí ar na huasteorainneacha atá ann faoi láthair, is gá Rialachán (AE) Uimh. 1408/2013 a leasú agus síneadh a chur lena thréimhse bhailíochta go dtí an 31 Nollaig 2032.

(12)

Ionas go bhféadfar na bearta dá bhforáiltear sa Rialachán seo a chur i bhfeidhm go pras, ba cheart don Rialachán seo teacht i bhfeidhm ar an tríú lá tar éis lá a fhoilsithe in Iris Oifigiúil an Aontais Eorpaigh.

(13)

Ba cheart, dá bhrí sin, Rialachán (AE) Uimh. 1408/2013 a leasú dá réir,

(1)

in Airteagal 1(1), pointe (b), cuirtear an méid seo a leanas in ionad an fho-nóta:

(2)

in Airteagal 2, scriostar míreanna 3 agus 4;

(3)

Cuirtear an méid seo a leanas in ionad Airteagal 3:

(4)

Leasaítear Airteagal 4 mar a leanas:

(5)

Leasaítear Airteagal 5 mar a leanas:

(6)

Cuirtear an méid seo a leanas in ionad Airteagal 6:

(7)

Leasaítear Airteagal 7 mar a leanas:

(8)

in Airteagal 8, cuirtear an méid seo a leanas in ionad na dara míre:

‘Beidh feidhm aige go dtí an 31 Nollaig 2032.’;

(9)

Cuirtear an téacs san Iarscríbhinn a ghabhann leis an Rialachán seo in ionad Iarscríbhinn I;

(10)

Scriostar Iarscríbhinn II.