(1)

I dteachtaireacht uaidh an 24 Meán Fómhair 2020 dar teideal A Capital Markets Union for people and businesses – new action plan [Aontas na Margaí Caipitil do dhaoine agus do ghnólachtaí – plean gníomhaíochta nua] (‘Plean Gníomhaíochta CMU’), d’fhógair an Coimisiún go raibh sé ar intinn aige togra reachtach a chur síos chun sruth sonraí beo leictreonach leanúnach a chruthú a raibh sé mar aidhm leis léargas cuimsitheach a thabhairt ar phraghsanna agus ar mhéid an chothromais agus na n-ionstraimí airgeadais atá cosúil le cothromas a thrádáiltear ar fud an Aontais agus ar fud ionaid trádála (‘teilitéip chomhdhlúite’). I gconclúidí uaithi an 2 Nollaig 2020 maidir le Plean Gníomhaíochta CMU ón gCoimisiún, mhol an Chomhairle don Coimisiún chun tuilleadh gníomhaíocht infheistíochta a spreagadh laistigh den Aontas trí fheabhas a chur ar infhaighteacht agus trédhearcacht sonraí trí mheasúnú breise a dhéanamh ar conas dul i ngleic leis na bacainní roimh theilitéip chomhdhlúite a bhunú san Aontas.

(2)

I dteachtaireacht uaidh an 19 Eanáir 2021 dar teideal The European economic and financial system: fostering openness, strength and resilience [Córas eacnamaíoch agus airgeadais na hEorpa: oscailteacht, neart agus athléimneacht a chothú], dheimhnigh an Coimisiún go raibh sé beartaithe aige creat trédhearcachta na margaí urrús a fheabhsú, a shimpliú agus a chomhchuibhiú tuilleadh, mar chuid den athbhreithniú ar Threoir 2014/65/AE ó Pharlaimint na hEorpa agus ón gComhairle (4) agus ar Rialachán (AE) Uimh. 600/2014 ó Pharlaimint na hEorpa agus ón gComhairle (5). Mar chuid de na hiarrachtaí chun ról idirnáisiúnta an euro a láidriú, d’fhógair an Coimisiún freisin go n-áireofaí le hathchóiriú den sórt sin teilitéip chomhdhlúite a dhearadh agus a chur chun feidhme, go háirithe le haghaidh eisiúintí bannaí corparáide, chun trádáil thánaisteach in ionstraimí fiachais atá ainmnithe in euro a mhéadú.

(3)

Le Rialachán (AE) Uimh. 600/2014, soláthraítear creat reachtach le haghaidh soláthraithe teilitéipe comhdhlúite (CTPanna), i gcás ionstraimí cothromais agus ionstraimí neamhchothromais araon. Tá na CTPanna sin freagrach faoi láthair as tuarascálacha trádála le haghaidh ionstraimí airgeadais a bhailiú ó ionaid trádála agus ó shocruithe formheasta maidir le foilsiú (APAnna) agus as a gcomhdhlúthú i sruth sonraí beo leictreonach leanúnach, lena soláthraítear sonraí faoi phraghsanna agus méideanna in aghaidh na hionstraime airgeadais. Ba é an smaoineamh a bhí taobh thiar de CTPanna a thabhairt isteach go gcuirfí sonraí ó ionaid trádála agus ó APAnna ar fáil don phobal ar bhealach comhdhlúite, lena n-áirítear margaí trádála uile an Aontais, trí chlibeanna sonraí, formáidí agus comhéadain úsáideora chomhionanna a úsáid.

(4)

Go dtí seo, áfach, ní dhearna aon eintiteas faoi mhaoirseacht iarratas ar údarú chun gníomhú mar CTP. I dtuarascáil uaidh an 5 Nollaig 2019 maidir leis an bhforbairt ar phraghsanna ar shonraí réamhthrádála agus iarthrádála agus ar an teilitéip chomhdhlúite le haghaidh ionstraimí cothromais, shainaithin an tÚdarás Maoirseachta Eorpach (an tÚdarás Eorpach um Urrúis agus Margaí) (ÚEUM) arna bhunú le Rialachán (AE) Uimh. 1095/2010 ó Pharlaimint na hEorpa agus ón gComhairle (6) trí phríomhbhacainn a chuir cosc ar eintitis faoi mhaoirseacht iarratas a dhéanamh ar údarú mar CTP: ar an gcéad dul síos, tá easpa soiléireachta ann faoin gcaoi a bhfuil CTP le sonraí a fháil ó na hionaid forghníomhaithe éagsúla nó ó na soláthraithe seirbhísí tuairiscithe sonraí lena mbaineann; ar an dara dul síos, tá easpa cáilíochta ann ó thaobh an comhchuibhiú a dhéantar ar na sonraí a thuairiscíonn na hionaid forghníomhaithe sin chun comhdhlúthú atá costéifeachtach a dhéanamh; agus ar an tríú dul síos, tá easpa dreasachtaí tráchtála ann chun iarratas a dhéanamh ar údarú mar CTP. Dá bhrí sin, is gá deireadh a chur leis na bacainní sin. Chun na bacainní sin a bhaint, ar an gcéad dul síos, ní mór do gach ionad trádála agus APA (‘rannchuiditheoirí sonraí’) sonraí a tharchur chuig CTPanna, agus, ar an dara dul síos, cáilíocht na sonraí a fheabhsú trí chomhchuibhiú a dhéanamh ar na tuarascálacha sonraí atá le cur faoi bhráid lárionaid sonraí na CTPanna ag rannchuiditheoirí sonraí.

(5)

Le hAirteagal 1(7) de Threoir 2014/65/AE, maidir le córais agus saoráidí ina bhfuil iliomad leasanna ceannaigh agus díola tríú páirtithe in ionstraimí airgeadais in ann idirghníomhú (‘córais iltaobhacha’), ceanglaítear orthu oibriú i gcomhréir leis na ceanglais a bhaineann le margaí rialáilte, saoráidí trádála iltaobhacha (MTFanna), nó saoráidí trádála eagraithe (OTFanna). Mar gheall ar chuimsiú an cheanglais sin faoi raon feidhme Threoir 2014/65/AE, is féidir an ceanglas sin a léirmhíniú ar bhealaí difriúla, rud a fhágann nach bhfuil cothrom iomaíochta ann idir na córais iltaobhacha a údaraítear mar mhargadh rialáilte, MTF nó OTF agus córais iltaobhacha nach n-údaraítear amhlaidh. Chun cur i bhfeidhm aonfhoirmeach an cheanglais sin a áirithiú, ba cheart é a aistriú ó Threoir 2014/65/AE go Rialachán (AE) Uimh. 600/2014.

(6)

Is éard atá sa trádáil anaithnid trádáil a dhéantar gan trédhearcacht réamhthrádála, ina n-úsáidtear an tarscaoileadh a leagtar síos in Airteagal 4(1), pointe (a) de Rialachán (AE) Uimh. 600/2014 (‘tarscaoileadh praghais tagartha’) agus an tarscaoileadh a leagtar síos in Airteagal 4(1), pointe (b)(i), den Rialachán sin (‘tarscaoileadh trádála idirbheartaithe’). Caidhpeáiltear úsáid an dá tharscaoileadh leis an gcaidhpeáil dhúbailte méid, ar sásra é lena dteorannaítear an leibhéal trádála anaithnide do sciar áirithe den trádáil iomlán in ionstraim chothromais. Ar an gcéad dul síos, níor cheart an leibhéal trádála anaithnide a dhéantar in ionstraim chothromais ar ionad aonair a bheith níos mó ná 4 % de mhéid iomlán na trádála a dhéantar san ionstraim sin san Aontas. Nuair a sháraítear an tairseach sin, cuirtear trádáil anaithnid san ionstraim sin ar an ionad sin ar fionraí. Ar an dara dul síos, níor cheart an méid trádála anaithnide a dhéantar in ionstraim chothromais san Aontas a bheith níos mó ná 8 % de mhéid iomlán na trádála san ionstraim sin san Aontas. Nuair a sháraítear an dara tairseach sin, cuirtear an trádáil anaithnid uile faoin dá tharscaoileadh san ionstraim sin ar an ionad sin ar fionraí. Fágann an chéad tairseach, eadhon an tairseach ionadsonrach, gur féidir leanúint de na tarscaoiltí sin a úsáid ar ionaid eile nár cuireadh an trádáil san ionstraim chothromais sin ar fionraí orthu go fóill, go dtí go ndéanfar an dara tairseach, eadhon an tairseach uile-Aontais, a shárú. Fágann sé sin go bhfuil sé níos casta faireachán a dhéanamh ar na leibhéil trádála anaithnide agus an fhionraí a fhorfheidhmiú. Chun an chaidhpeáil dhúbailte méid a shimpliú agus a héifeachtacht á coinneáil, ba cheart don chaidhpeáil aonair méide nua a bheith ag brath ar thairseach uile-Aontais amháin arna socrú ag 7 %, ar tairseach í nár cheart feidhm a bheith aici ach amháin maidir le trádáil faoin tarscaoileadh praghais tagartha agus ní maidir le trádáil faoin tarscaoileadh trádála idirbheartaithe. Ba cheart do ÚEUM measúnú tráthrialta a dhéanamh ar an tairseach caidhpeála méid, agus cúinsí cobhsaíochta airgeadais, dea-chleachtais idirnáisiúnta, iomaíochas ghnólachtaí an Aontais, tábhacht an tionchair ar an margadh agus éifeachtúlacht praghasmhúnlaithe á gcur san áireamh, agus ba cheart dó tuarascáil, ina mbeidh moltaí uaidh, a chur faoi bhráid an Choimisiúin. Ar an mbonn sin, ba cheart a thabhairt de chumhacht don Choimisiún an tairseach caidhpeála méid a choigeartú trí bhíthin gníomhartha tarmligthe. Ba cheart do ÚEUM measúnú a dhéanamh freisin ar oiriúnacht na caidhpeála méid agus ar an ngá í a bhaint nó í a leathnú chuig córais trádála nó ionaid forghníomhaithe eile a dhíorthaíonn a bpraghsanna ó phraghas tagartha.

(7)

Leagtar amach in Airteagal 8 de Rialachán (AE) Uimh. 600/2014 ceanglais trédhearcachta réamhthrádála le haghaidh oibreoirí margaidh agus gnólachtaí infheistíochta a bhfuil ionad trádála á oibriú acu i leith ionstraimí neamhchothromais, gan beann ar an gcóras trádála. Bhí buntáistí na gceanglas sin soiléir d’oibreoirí margaidh agus gnólachtaí infheistíochta den sórt sin a oibríonn leabhar orduithe teorann lárnaí nó córas trádála do cheantáil thréimhsiúil, i gcás ina bhfuil tairiscintí agus ofrálacha anaithnid, daingean agus fíor-iltaobhach. Le córais trádála eile, go háirithe córais trádála ó bhéal agus córais iarrtha luachana, cuirtear luachaintí saincheaptha ar fáil d’iarrthóirí, ar luachaintí iad ar beag luach faisnéise a bhaineann leo do rannpháirtithe eile sa mhargadh. Chun an t-ualach rialála a fhorchuirtear ar oibreoirí margaidh agus gnólachtaí infheistíochta den sórt sin a laghdú agus chun na tarscaoiltí is infheidhme a shimpliú, níor cheart feidhm a bheith ag an gceanglas luachaintí daingne nó táscacha a fhoilsiú ach amháin maidir le leabhar orduithe teorann lárnaí agus córais trádála do cheantáil thréimhsiúil. Chun an trédhearcacht réamhthrádála a theorannú do leabhair orduithe teorann lárnaí agus do chórais trádála do cheantáil thréimhsiúil, ba cheart na ceanglais is infheidhme maidir le tarscaoiltí dá dtagraítear in Airteagal 9 de Rialachán (AE) Uimh. 600/2014 a leasú. Ba cheart deireadh a chur leis an tarscaoileadh atá ar fáil os cionn méid a bhaineann go sonrach leis an ionstraim airgeadais do chórais iarrtha luachana agus do chórais trádála ó bhéal.

(8)

Faoi láthair, tagann díorthaigh faoi raon feidhme an chórais trédhearcachta neamhchothromais, lena gcomhcheanglaítear cineálacha éagsúla ionstraimí airgeadais le hurrúis (bannaí) den chuid is mó ar thaobh amháin agus le conarthaí (díorthaigh) den chuid is mó ar an taobh eile. Braitheann trédhearcacht le haghaidh ionstraimí neamhchothromais, agus le haghaidh ionstraimí cothromais, ar choincheap ‘na trádála ar ionad trádála’. Maidir le díorthaigh áirithe, is léir go bhfuil fadhbanna ag baint leis an gcoincheap sin mar gheall ar an easpa idirmhalartachta a bhaineann leo agus mar gheall ar an easpa sonraí tagartha sainaitheanta iomchuí. Ar an gcúis sin, níor cheart raon feidhme trédhearcachta díorthach a bheith ag brath ar choincheap ‘na trádála ar ionad trádála’, ach, ina ionad sin, ar shaintréithe réamhshainithe na ndíorthach. Ba cheart na díorthaigh a bheith faoi réir na gceanglas trédhearcachta, is cuma má dhéantar iad a thrádáil ar ionad nó as ionad. Ba cheart feidhm a bheith ag na ceanglais trédhearcachta maidir le díorthaigh atá caighdeánaithe go leordhóthanach chun go mbeidh na sonraí a fhoilsítear i ndáil leo fóinteach do rannpháirtithe sa mhargadh lasmuigh de na páirtithe conarthacha. Ciallaíonn sé sin gur cheart gach díorthach arna thrádáil ar mhalartán a bheith faoi réir na gceanglas trédhearcachta i gcónaí. Ba cheart díorthaigh eile a bheith faoi réir na gceanglas trédhearcachta i gcás ina dtagann siad faoi raon feidhme na hoibleagáide imréitigh faoi Rialachán (AE) Uimh. 648/2012 ó Pharlaimint na hEorpa agus ón gComhairle (7) (‘oibleagáid imréitigh’), ar réamhriachtanas é méid áirithe caighdeánaithe a bheith ann ina leith, agus ina ndéantar imréiteach lárnach orthu. Áirithítear leis sin nach mbeidh idirbhearta a mheastar a bheith mí-oiriúnach don oibleagáid imréitigh, amhail idirbhearta inghrúpa, faoi réir na gceanglas trédhearcachta. Go háirithe, níor cheart ach do dhíorthaigh ráta úis a bhfuil an meascán airgeadraí agus aibíochtaí is caighdeánaithe agus is leachtaí acu teacht faoi raon feidhme na gceanglas trédhearcachta. Ina theannta sin, léirigh teagmhais mhargaidh a tharla le déanaí go bhféadfadh easpa trédhearcachta i mbabhtálacha mainneachtana creidmheasa áirithe a thagraíonn do bhainc a bhfuil tábhacht shistéamach dhomhanda leo nó a thagraíonn d’innéacs ina gcuimsítear bainc den sórt sin a bheith ina gcúis le hamhantraíocht a spreagadh faoi acmhainneacht creidmheasa banc den sórt sin. Dá bhrí sin, ba cheart babhtálacha mainneachtana creidmheasa den sórt sin a bheith faoi réir na gceanglas trédhearcachta freisin i gcás ina ndéantar iad a imréiteach go lárnach fiú i gcás nach bhfuil siad faoi réir na hoibleagáide imréitigh. Ba cheart a thabhairt de chumhacht don Choimisiún leasú a dhéanamh ar na coinníollacha lena gcinntear na díorthaigh atá le bheith faoi réir na gceanglas trédhearcachta i gcás ina n-éilítear amhlaidh de bharr forbairtí sa mhargadh.

(9)

Le hAirteagal 10 de Rialachán (AE) Uimh. 600/2014, ceanglaítear ar ionaid trádála faisnéis a bhaineann le hidirbhearta in ionstraimí neamhchothromais, lena n-áirítear praghas agus méid, a chur ar fáil don phobal. In Airteagal 11 den Rialachán sin, sonraítear na cásanna inar féidir le húdaráis inniúla foilsiú iarchurtha na mionsonraí sin a údarú. Ceadaítear foilsiú iarchurtha den sórt sin i gcás ina bhfuil idirbheart níos mó ná an tairseach mhéide le haghaidh idirbhearta atá ar scála mór, i gcás ina bhfuil sé in ionstraim nach bhfuil aon mhargadh leachtach ann chuici, i gcás ina bhfuil baint ag soláthróirí leachtachta leis an idirbheart nó ina bhfuil sé níos mó ná an mhéid atá sonrach don tairseach ionstraime airgeadais. Tá sé de rogha ag údaráis inniúla fad na n-iarchur agus mionsonraí na n-idirbheart atá le hiarchur a chinneadh. Mar gheall ar an rogha sin, tá cleachtais dhifriúla in úsáid sna Ballstáit agus tá córas trédhearcachta iarthrádála neamhéifeachtach casta ann. Chun trédhearcacht maidir le gach cineál infheisteora a áirithiú, is gá an córas iarchurtha a chomhchuibhiú ar leibhéal an Aontais, chun deireadh a chur leis an rogha ar an leibhéal náisiúnta agus chun comhdhlúthú sonraí a éascú. Is iomchuí, dá bhrí sin, na ceanglais trédhearcachta iarthrádála a dhaingniú trí dheireadh a chur leis an rogha atá ag na húdaráis inniúla.

(10)

Chun leibhéal leordhóthanach trédhearcachta a áirithiú, ba cheart praghas agus méid na n-idirbheart a dhéantar maidir le bannaí, táirgí airgeadais struchtúraithe agus lamháltais astaíochtaí a chur ar fáil don phobal chomh gar don fhíor-am agus is féidir go teicniúil. Chun nach nochtfar soláthraithe leachtachta in idirbhearta den sórt sin do riosca míchuí, ba cheart a bheith in ann foilsiú mionsonraí áirithe de na hidirbhearta a iarchur. Ba cheart catagóirí na n-idirbheart a gceadaítear iarchur ina leith a chinneadh agus méid na n-idirbheart agus leachtacht na n-ionstraimí airgeadais lena mbaineann á gcur san áireamh. Ba cheart mionsonraí beachta an chórais iarchurtha a chinneadh trí bhíthin caighdeáin theicniúla rialála, ar cheart athbhreithniú tráthrialta a dhéanamh orthu, chun an fad iarchurtha is infheidhme a laghdú de réir a chéile. Chun críche córas trédhearcachta níos cobhsaí a bheith ann, is gá leachtacht le haghaidh bannaí, táirgí airgeadais struchtúraithe agus lamháltas astaíochtaí, nó aicmí díobh, a chinneadh ar bhonn seasta. Ba cheart a shonrú sna dréachtchaighdeáin theicniúla rialála arna bhforbairt ag ÚEUM cé na méideanna eisiúna a chomhfhreagraíonn do mhargadh leachtach nó neamhleachtach i mbannaí, nó aicmí díobh, go dtí a n-aibíocht, cén mhéid idirbhirt i mbanna leachtach nó i mbanna neamhleachtach ónar féidir iarchur a chur i bhfeidhm, agus cén fad iarchurtha den sórt sin i gcomhréir leis an Rialachán seo. Chun leibhéal iomchuí trédhearcachta a bheith ann le haghaidh bannaí faoi chumhdach, is iomchuí méid eisiúna bannaí den sórt sin a chinneadh i gcomhréir leis na critéir a leagtar síos i Rialachán Tarmligthe (AE) 2015/61 ón gCoimisiún (8). Maidir le táirgí airgeadais struchtúraithe agus lamháltais astaíochtaí, ba cheart do ÚEUM dréachtchaighdeáin theicniúla rialála a fhorbairt chun na hionstraimí nó na haicmí ag a bhfuil margadh leachtach nó neamhleachtach a chinneadh. Ba cheart do ÚEUM na catagóirí is infheidhme agus an fad iarchurtha a bhunú. Is iomchuí do ÚEUM cinneadh margaí leachtacha agus neamhleachtacha i mbannaí, lamháltais astaíochtaí agus táirgí airgeadais struchtúraithe a chur i bhfeidhm maidir leis an tarscaoileadh trédhearcachta réamhthrádála freisin. Níl sé iomchuí go mbeadh an cinneadh sin ag brath ar mheasúnuithe tráthrialta. Ba cheart an chumhacht a bheith ag údaráis inniúla síneadh a chur le tréimhse foilsithe iarchurtha mhionsonraí na n-idirbheart arna bhforghníomhú i ndáil leis na hionstraimí fiachais cheannasaigh arna n-eisiúint ag a mBallstát féin faoi seach. Is iomchuí go mbeadh síneadh den sórt sin infheidhme ar fud an Aontais. Maidir le hidirbhearta in ionstraimí fiachais cheannasaigh nach n-eisíonn na Ballstáit, ba cheart do ÚEUM cinntí maidir le síntí den sórt sin a dhéanamh.

(11)

Ba cheart córas iarchurtha atá ar leithligh ó na córais sin le haghaidh ionstraimí neamhchothromais eile a bheith mar thoradh ar ilchineálacht díorthach. Cé gur cheart an fad iarchurtha a chinneadh trí bhíthin caighdeáin theicniúla rialála ar bhonn mhéid an idirbhirt agus leachtacht na haicme díorthach, ba cheart do ÚEUM a chinneadh cé na hionstraimí nó na haicmí atá leachtach, cé acu atá neamhleachtach, agus cén mhéid idirbhirt ar féidir foilsiú shonraí an idirbhirt a iarchur os a cionn. Is iomchuí do ÚEUM cinneadh margaí leachtacha agus neamhleachtacha a chur i bhfeidhm maidir leis na tarscaoiltí trédhearcachta réamhthrádála freisin.

(12)

Le hAirteagal 13 de Rialachán (AE) Uimh. 600/2014, ceanglaítear ar oibreoirí margaidh agus ar ghnólachtaí infheistíochta a bhfuil ionad trádála á oibriú acu faisnéis réamhthrádála agus iarthrádála faoi idirbhearta in ionstraimí airgeadais a chur ar fáil don phobal ar bhonn réasúnach tráchtála agus rochtain neamh-idirdhealaitheach ar an bhfaisnéis sin a áirithiú. Níor baineadh amach cuspóirí an Airteagail sin leis, áfach. Leis an bhfaisnéis a sholáthraíonn ionaid trádála, APAnna agus inmheánaitheoirí córasacha ar bhonn réasúnach tráchtála, ní chuirtear ar a gcumas do na húsáideoirí beartais sonraí ná an chaoi a socraítear an praghas ar na sonraí a thuiscint. An 18 Lúnasa 2021, d’eisigh ÚEUM treoirlínte maidir leis an gcaoi ar cheart coincheap‘an bhoinn réasúnaigh tráchtála’ a chur i bhfeidhm. Ba cheart na treoirlínte sin a thiontú ina n-oibleagáidí dlíthiúla agus iad a neartú chun a áirithiú nach féidir le hionaid trádála, APAnna, CTPanna agus inmheánaitheoirí córasacha muirear a ghearradh as sonraí de réir an luacha a léiríonn na sonraí d’úsáideoirí aonair. Mar thoradh ar an ardleibhéal mionsonraí is gá chun coincheap ‘an bhoinn réasúnaigh tráchtála’ a shonrú agus an tsolúbthacht is gá chun na rialacha is infheidhme a leasú bunaithe ar an timpeallacht sonraí atá ag athrú go tapa, ba cheart a thabhairt de chumhacht do ÚEUM dréachtchaighdeáin theicniúla rialála a fhorbairt lena sonraítear an chaoi ar cheart coincheap ‘an bhoinn réasúnaigh tráchtála’ a chur i bhfeidhm agus ar an gcaoi sin, lena ndaingnítear cur i bhfeidhm comhsheasmhach comhchuibhithe Airteagal 13 de Rialachán (AE) Uimh. 600/2014. Ina theannta sin, ba cheart do ÚEUM faireachán agus measúnú a dhéanamh ar fhorbairtí i mbeartais sonraí agus i socrú praghsanna sa mhargadh. Ba cheart do ÚEUM na dréachtchaighdeáin theicniúla rialála sin a thabhairt cothrom le dáta ar bhonn a mheasúnaithe.

(13)

Chun an próiseas praghasmhúnlaithe a threisiú agus chun cothrom iomaíochta idir na hionaid trádála agus na hinmheánaitheoirí córasacha a choinneáil ar bun, ceanglaítear ar inmheánaitheoirí córasacha le hAirteagal 14 de Rialachán (AE) Uimh. 600/2014 na luachaintí uile in ionstraimí cothromais a chur ar fáil don phobal, i gcás ina ndéileálann na hinmheánaitheoirí córasacha sin i méideanna suas le méid chaighdeánach an mhargaidh. Tá sé de shaoirse ag na hinmheánaitheoirí córasacha na méideanna ag a luann siad a chinneadh, ar choinníoll go luann siad ag íosmhéid 10 % de mhéid chaighdeánach an mhargaidh. Mar gheall ar an bhféidearthacht sin, áfach, soláthraíonn inmheánaitheoirí córasacha leibhéal an-íseal trédhearcachta reámhthrádála in ionstraimí cothromais agus chuir an fhéidearthacht isteach ar chothrom iomaíochta a bhaint amach. Is gá, dá bhrí sin, a cheangal ar inmheánaitheoirí córasacha luachaintí daingne a phoibliú ar bhonn íosmhéid luachana a bheidh le cinneadh trí bhíthin caighdeáin theicniúla rialála. Agus na caighdeáin theicniúla rialála sin á bhforbairt, is iomchuí do ÚEUM na cuspóirí seo a leanas a bhreithniú: trédhearcacht réamhthrádála ionstraimí cothromais a mhéadú ar mhaithe le hinfheisteoirí deiridh; cothrom iomaíochta a choinneáil idir ionaid trádála agus inmheánaitheoirí córasacha; rogha leordhóthanach roghanna trádála a sholáthar d’infheisteoirí deiridh; agus a áirithiú go leanfaidh an tírdhreach trádála san Aontas de bheith tarraingteach agus iomaíoch sa bhaile agus go hidirnáisiúnta araon. D’fhonn iomaíochas inmheánaitheoirí córasacha a mhéadú, ba cheart cead a bheith acu orduithe d’aon mhéid a mheaitseáil ag lárphointe.

(14)

Le hAirteagail 18 agus 19 de Rialachán (AE) Uimh. 600/2014 leagtar síos ceanglais trédhearcachta réamhthrádála le haghaidh inmheánaitheoirí córasacha i leith ionstraimí neamhchothromais agus luachaintí daingne nó táscacha á gcur ar fáil dá gcliaint. Tá na luachaintí sin curtha in oiriúint do chliaint aonair agus is beag luach faisnéise a bhaineann leo do chliaint eile. Dá bhrí sin, ba cheart na ceanglais sin a bhaint. Mar sin féin, d’fhéadfadh inmheánaitheoirí córasacha ceanglais trédhearcachta réamhthrádála a chomhlíonadh ar bhonn deonach, mar shampla chun aghaidh a thabhairt ar riachtanais a gcliant miondíola.

(15)

Faoin gcreat dlíthiúil reatha, i gcás inarb inmheánaitheoir córasach ceann amháin den dá pháirtí in idirbheart, ceanglaítear ar an inmheánaitheoir córasach an trádáil a thuairisciú do APA, cé nach gceanglaítear ar a chontrapháirtí déanamh amhlaidh. Mar thoradh air sin, roghnaigh go leor gnólachtaí infheistíochta stádas inmheánaitheora chórasaigh a bheith acu, go háirithe chun trádálacha a thuairisciú dá gcliaint gan bheith ag déileáil ar a gcuntas féin ar bhonn córasach, rud a chuir ceanglais dhíréireacha ar ghnólachtaí infheistíochta den sórt sin. Dá bhrí sin, is iomchuí stádas eintitis foilsitheoireachta ainmnithe a thabhairt isteach lena gceadófaí do ghnólacht infheistíochta a bheith freagrach as idirbheart a chur ar fáil don phobal trí APA gan gá a bheith le stádas inmheánaitheora chórasaigh a roghnú. Ina theannta sin, ba cheart d’údaráis inniúla stádas eintitis foilsitheoireachta ainmnithe a dheonú do ghnólachtaí infheistíochta le haghaidh aicmí sonracha d’ionstraimí airgeadais, i gcomhréir leis an iarraidh ó na gnólachtaí infheistíochta sin agus ba cheart dóibh iarrataí den sórt sin a chur in iúl do ÚEUM. Ba cheart do ÚEUM clár poiblí d’eintitis foilsitheoireachta ainmnithe den sórt sin a choinneáil de réir aicme ionstraime airgeadais ionas gur féidir le rannpháirtithe sa mhargadh iad a shainaithint.

(16)

Teastaíonn croí-shonraí margaidh ó rannpháirtithe sa mhargadh chun cinntí infheistíochta feasacha a dhéanamh. Faoi láthair, chun sonraí maidir le hionstraimí airgeadais áirithe a fhoinsiú go díreach ó rannchuiditheoirí sonraí, éilítear go ndéanfadh CTPanna comhaontuithe ceadúnúcháin ar leithligh leis na rannchuiditheoirí sonraí sin uile. Tá an próiseas sin ina ualach trom, tá sé costasach agus tógann sé go leor ama. Tá sé ar cheann de na bacainní atá ar theacht chun cinn CTPanna in aon aicme sócmhainní. Ba cheart deireadh a chur leis an mbacainn sin chun é a chur ar a gcumas do CTPanna na sonraí a fháil agus fadhbanna ceadúnúcháin a shárú. Ba cheart a cheangal ar rannchuiditheoirí sonraí a sonraí a chur faoi bhráid CTPanna agus formáid chomhchuibhithe lena gcomhlíontar caighdeáin lena n-áirithítear sonraí ardcháilíochta a úsáid le linn déanamh amhlaidh. Maidir le rannchuiditheoirí sonraí, ba cheart dóibh sonraí rialála a chur ar fáil freisin chun infheisteoirí a choinneáil ar an eolas faoi stádas an chórais meaitseáilte orduithe, mar shampla i gcás éaradh margaidh, agus faoi stádas na hionstraime airgeadais, mar shampla i gcás fionraí nó stadanna trádála. Níor cheart ach do CTPanna atá roghnaithe agus atá údaraithe ag ÚEUM a bheith in ann sonraí a bhailiú ó rannchuiditheoirí sonraí i gcomhréir leis an riail rannchuidithe shainordaithigh. Chun go mbeidh na sonraí úsáideach d’infheisteoirí, ba cheart a cheangal ar rannchuiditheoirí sonraí sonraí a tharchur chuig an CTP a ghaire agus is féidir go teicniúil don fhíor-am.

(17)

Le Teidil II agus III de Rialachán (AE) Uimh. 600/2014, ceanglaítear ar ionaid trádála, APAnna, gnólachtaí infheistíochta agus inmheánaitheoirí córasacha sonraí réamhthrádála maidir le hionstraimí airgeadais a chur ar fáil don phobal, lena n-áirítear praghsanna tairgthe agus tairisceana agus sonraí iarthrádála maidir le hidirbhearta, lena n-áirítear an praghas agus an méid ag ar tugadh idirbheart in ionstraim shonrach chun críche. Níl sé d’oibleagáid ar rannpháirtithe sa mhargadh na croí-shonraí margaidh a sholáthraíonn an CTP a úsáid. Ba cheart an ceanglas atá ar ionaid trádála, APAnna, gnólachtaí infheistíochta agus inmheánaitheoirí córasacha sonraí réamhthrádála agus iarthrádála a chur ar fáil don phobal a bheith infheidhme fós chun é a chur ar a gcumas do na rannpháirtithe sa mhargadh rochtain a fháil ar shonraí den sórt sin. Mar sin féin, chun ualach míchuí ar rannchuiditheoirí sonraí a sheachaint, is iomchuí ailíniú a dhéanamh, a mhéid is féidir, idir an ceanglas go ndéanfadh rannchuiditheoirí sonraí sonraí a chur ar fáil don phobal agus an gceanglas maidir le sonraí a chur chuig an CTP.

(18)

Is éard atá i margaí beaga rialáilte agus margaí fáis FBManna ionaid trádála ina ligtear isteach scaireanna ó eisitheoirí dá bhfuil an trádáil sa mhargadh tánaisteach níos beagleachtaí de ghnáth ná an trádáil scaireanna a ligtear isteach chun a dtrádála ar mhargaí móra rialáilte. Chun an tionchar diúltach a d’fhéadfadh a bheith ag an teilitéip chomhdhlúite ar ionaid trádála bheaga a sheachaint, cé go bhféadfadh éifeachtaí dearfacha a bheith ag a gcuimsiú sa teilitéip chomhdhlúite ar a n-inmharthanacht agus ar leachtacht na n-urrús arna dtrádáil ar na hionaid sin, ba cheart sásra um rogha a bheith páirteach a bhunú. Ba cheart feidhm a bheith ag an sásra um rogha a bheith páirteach maidir le gnólachtaí infheistíochta a bhfuil margaí fáis FBManna á n-oibriú acu agus maidir le hoibreoirí margaidh arb ionann méid trádála bliantúil a scaireanna agus 1 % nó níos lú de mhéid trádála bliantúil na scaireanna san Aontas. Ba cheart dhá choinníoll mhalartacha an tairseach 1 % a chomhlánú: níl an gnólacht infheistíochta nó an t-oibreoir margaidh ina chuid de ghrúpa ina bhfuil gnólacht infheistíochta nó oibreoir margaidh, nó a bhfuil dlúthnaisc aige le gnólacht infheistíochta nó oibreoir margaidh, ar gnólacht infheistíochta nó oibreoir margaidh é a sháraíonn an tairseach 1 %, é sin nó tá comhchruinniú na trádála an-ard san ionad atá á oibriú ag an ngnólacht infheistíochta nó ag an oibreoir margaidh sin, is é sin go ndéantar 85 % de mhéid trádála bliantúil iomlán na scaireanna a thrádáil san ionad trádála inar ligeadh isteach chun a dtrádála ar dtús iad. Ní chomhlíonann ach líon beag ionad trádála na critéir sin, agus dá bhrí sin ní bheadh sé de cheangal ach ar chéatadán beag den trádáil san Aontas sonraí a tharchur chuig an CTP. Mar sin féin, bheadh an deis ag na gnólachtaí infheistíochta agus na hoibreoirí margaidh a chomhlíonann na critéir sin rogha a dhéanamh a bheith páirteach agus ba cheart dóibh fógra a thabhairt do CTP agus do ÚEUM faoi aon chinneadh déanamh amhlaidh. Bheadh cinneadh den sórt sin neamh-inchúlghairthe agus bheadh na sonraí go léir – le haghaidh scaireanna agus cistí arna dtrádáil ar an malartán I(ETFanna) araon – mar chuid den teilitéip chomhdhlúite ina dhiaidh sin.

(19)

Mar gheall ar cháilíocht éagsúil na sonraí, is deacair do rannpháirtithe sa mhargadh sonraí den sórt sin a chur i gcomparáid le chéile, rud a fhágann nach bhfuil mórán breisluacha ar chomhdhlúthú na sonraí. Tá sé ríthábhachtach le haghaidh fheidhmiú cuí an chórais trédhearcachta a leagtar síos i dTeidil II agus III de Rialachán (AE) Uimh. 600/2014 agus le haghaidh an chomhdhlúthúcháin sonraí a dhéanann CTPanna gur ar ardcháilíocht atá na sonraí a tharchuirtear chuig na CTPanna. Is iomchuí, dá bhrí sin, a éileamh go gcomhlíonfaidh na sonraí sin caighdeáin lena n-áirithítear sonraí ardcháilíochta ó thaobh bunábhair agus formáide araon de. Ba cheart é a bheith indéanta bunábhar agus formáid na sonraí a athrú laistigh de thréimhse ghairid chun freastal ar chleachtais agus ar léargas margaidh a bhíonn ag athrú. Dá bhrí sin, ba cheart na ceanglais maidir le cáilíocht agus bunábhar sonraí a shonrú, i gcás inar gá, trí bhíthin caighdeáin theicniúla rialála agus ba cheart a chur san áireamh leo caighdeáin agus cleachtais tionscail atá i réim, forbairtí agus caighdeáin idirnáisiúnta arna gcomhaontú ar leibhéal an Aontais nó ar an leibhéal idirnáisiúnta chomh maith le comhairle ó shainghrúpa geallsealbhóirí tiomnaithe arna bhunú ag an gCoimisiún agus a mbeidh sé de chúram air comhairle a chur ar fáil maidir le cáilíocht agus bunábhar sonraí agus maidir le cáilíocht an phrótacail tarchurtha. Ba cheart dlúthbhaint a bheith ag ÚEUM le hobair an tsainghrúpa geallsealbhóirí.

(20)

Chun faireachán níos fearr a dhéanamh ar theagmhais intuairiscithe, comhchuibhítear le Treoir 2014/65/AE sioncronú clog gnó le haghaidh ionaid trádála agus a gcomhaltaí. Chun a áirithiú, i gcomhthéacs comhdhlúthú sonraí, gur féidir stampaí ama a thuairiscíonn eintitis éagsúla a chur i gcomparáid ar bhealach fóinteach, is iomchuí na ceanglais maidir le comhchuibhiú a dhéanamh ar shioncronú clog gnó a leathnú chuig eintitis foilsitheoireachta ainmnithe, inmheánaitheoirí córasacha, APAnna agus CTPanna. Mar gheall ar an leibhéal saineolais theicniúil is gá chun sonrú a dhéanamh ar na ceanglais maidir le clog gnó sioncronaithe a chur i bhfeidhm, ba cheart a thabhairt de chumhacht do ÚEUM dréachtchaighdeáin theicniúla rialála a fhorbairt lena sonraítear an leibhéal cruinnis lenar cheart na cloig ghnó a shionchronú.

(21)

Ceanglaítear le hAirteagal 23 de Rialachán (AE) Uimh. 600/2014 go ndéanfar formhór na trádála scaireanna ar ionaid trádála nó ar inmheánaitheoirí córasacha (‘oibleagáid trádála scaireanna’). Níl feidhm ag an gceanglas sin maidir le trádálacha i scaireanna atá neamhchórasach, ad hoc, mírialta nó annamh. Níl sé soiléir go leor faoi láthair cé na cásanna ina bhfuil feidhm ag an díolúine sin. Dá bhrí sin, shoiléirigh ÚEUM a raon feidhme trí idirdhealú a dhéanamh idir scaireanna ar bhonn a nUimhreach Aitheantais Urrús Idirnáisiúnta (ISIN). De réir an idirdhealaithe sin, níl ach scaireanna ag a bhfuil ISIN ón Limistéar Eorpach Eacnamaíoch agus arna dtrádáil ar ionad trádála faoi réir na hoibleagáide trádála scaireanna. Leis an gcur chuige sin, soláthraítear soiléireacht le haghaidh rannpháirtithe sa mhargadh a bhíonn ag trádáil i scaireanna. Ba cheart, dá bhrí sin, cleachtas reatha ÚEUM a ionchorprú i Rialachán (AE) Uimh. 600/2014, agus an díolúine le haghaidh trádálacha i scaireanna atá neamhchórasach, ad hoc, mírialta nó annamh á baint san am céanna.

(22)

Is próiseas an-uathoibrithe é cheana an tuairisciú i margaí airgeadais – go háirithe tuairisciú idirbheart – agus tá na sonraí sách caighdeánaithe. Réitíodh roinnt neamhréireachtaí idir creataí cheana féin i Rialachán (AE) Uimh. 648/2012, i Rialachán (AE) 2015/2365 ó Pharlaimint na hEorpa agus ón gComhairle (9) agus i gclár an Choimisiúin um Oiriúnacht agus Feidhmíocht Rialála (REFIT). Ba cheart cumhacht ÚEUM a ailíniú chun ceangal a chur ar ÚEUM dréachtchaighdeáin theicniúla rialála a fhorbairt agus comhsheasmhacht níos fearr a áirithiú i dtuairisciú idirbheart idir creataí na Rialachán sin agus creat Rialachán (AE) Uimh. 600/2014. Leis sin, feabhsófar cáilíocht na sonraí idirbheart agus seachnófar costais bhreise nach gá le haghaidh an tionscail. Thairis sin, leis an tuairisciú idirbheart, ba cheart go mbeifí in ann sonraí idirbheart a mhalartú go forleathan i measc údaráis inniúla, chun léiriú leordhóthanach a thabhairt ar na riachtanais mhaoirseachta atá acu agus atá ag forbairt chun faireachán a dhéanamh ar na forbairtí margaidh is déanaí agus ar na rioscaí a d’fhéadfadh a bheith ag baint leo.

(23)

Faoi láthair, ceanglaítear ar ghnólachtaí infheistíochta a n-idirbhearta a thuairisciú dá n-údarás inniúil in aon ionstraim airgeadais a thrádáiltear ar ionad trádála nó i gcás ina dtrádáiltear an luach foluiteach ar ionad trádála nó inarb innéacs nó bascaed é atá comhdhéanta d’ionstraimí airgeadais a thrádáiltear ar ionad trádála, is cuma an ar ionad nó as ionad a dhéantar an t-idirbheart. Is léir go bhfuil fadhbanna ag baint le coincheap ‘na trádála ar ionad trádála’ i gcás díorthaigh thar an gcuntar chun críoch tuairiscithe idirbheart, ar an gcúis chéanna go bhfuil fadhbanna ag baint leis chun críocha na gceanglas trédhearcachta. Dá bhrí sin, soiléirítear leis an raon feidhme nua gur gá idirbhearta i ndíorthaigh thar an gcuntar a fhorghníomhaítear ar ionad a thuairisciú, agus nach gá na hidirbhearta sin i ndíorthaigh thar an gcuntar a fhorghníomhaítear as ionad a thuairisciú ach amháin má tá siad faoi réir ceanglais trédhearcachta nó má thrádáiltear an luach foluiteach ar ionad trádála nó más innéacs nó bascaed é atá comhdhéanta d’ionstraimí airgeadais a thrádáiltear ar ionad trádála.

(24)

Ba cheart a bheith sé d’oibleagáid ar ionaid trádála sonraí tagartha sainaitheanta a sholáthar do ÚEUM chun críoch trédhearcachta, lena n-áirítear aitheantóirí díorthach thar an gcuntar. Tá an t-aitheantóir a úsáidtear faoi láthair le haghaidh díorthach, eadhon ISIN, anásta agus neamhéifeachtach maidir leis an trédhearcacht phoiblí, agus ba cheart an cás sin a leigheas trí shonraí tagartha sainaitheanta bunaithe ar aitheantóir uathúil táirge arna chomhaontú go domhanda a úsáid, amhail Aitheantóir Uathúil Táirge (UPI) ISO 4914. Forbraíodh an UPI mar uirlis aitheantais le haghaidh táirgí díorthach thar an gcuntar, agus é mar aidhm trédhearcacht agus comhiomlánú sonraí a mhéadú ar fud na margaí domhanda díorthach thar an gcuntar. D’fhéadfadh sé, áfach, nach leor an t-aitheantóir uathúil sin agus gur gá é a chomhlánú le sonraí aitheantais breise. Dá bhrí sin, ba cheart don Choimisiún, trí bhíthin gníomhartha tarmligthe, na sonraí tagartha sainaitheanta atá le húsáid maidir le díorthaigh thar an gcuntar a shonrú, lena n-áirítear aitheantóir uathúil agus aon sonraí tagartha sainaitheanta ábhartha eile. Maidir leis an aitheantóir atá le húsáid chun idirbhearta a thuairisciú de bhun Rialachán (AE) Uimh. 600/2014, ba cheart don Choimisiún na haitheantóirí is iomchuí de dhíorthaigh thar an gcuntar a shonrú, a d’fhéadfadh a bheith éagsúil leis an aitheantóir arna gcinneadh le haghaidh ceanglais trédhearcachta, agus cuspóirí éagsúla na gceanglas sin á gcur san áireamh, go háirithe maidir le maoirseacht ar dhrochúsáid mhargaidh ag údaráis inniúla.

(25)

Áirithítear leis an iomaíocht idir CTPanna go soláthraítear an teilitéip chomhdhlúite ar an mbealach is éifeachtúla agus faoi na coinníollacha is fearr le haghaidh úsáideoirí. Go dtí seo, áfach, ní dhearna aon eintiteas iarratas ar ghníomhú mar CTP. Dá bhrí sin, is iomchuí ÚEUM a chumhachtú chun nós imeachta roghnúcháin iomaíoch a eagrú go tréimhsiúil chun eintiteas aonair a roghnú atá in ann an teilitéip chomhdhlúite a sholáthar le haghaidh gach aicme sócmhainní sonraithe ar feadh tréimhse theoranta ama. Ar an gcéad dul síos, ba cheart do ÚEUM tús a chur leis an nós imeachta roghnúcháin maidir leis an teilitéip chomhdhlúite le haghaidh bannaí. Laistigh de 6 mhí ó thionscnamh an nós imeachta roghnúcháin sin, ba cheart do ÚEUM tús a chur leis an nós imeachta roghnúcháin maidir le CTP le haghaidh scaireanna agus ETFanna. Ar deireadh, ba cheart do ÚEUM tús a chur leis an nós imeachta roghnúcháin maidir leis an CTP do dhíorthaigh thar an gcuntar laistigh de 3 mhí ó dháta chur i bhfeidhm an ghnímh tharmligthe lena sonraítear an t-aitheantóir iomchuí do dhíorthaigh thar an gcuntar chun críoch trédhearcachta agus tráth nach luaithe ná 6 mhí ó thionscnamh an nós imeachta roghnúcháin maidir le CTP le haghaidh scaireanna agus ETFanna.

(26)

Is é is cuspóir don nós imeachta roghnúcháin an ceart a bhronnadh teilitéip chomhdhlúite a oibriú ar feadh tréimhse 5 bliana. Tá an nós imeachta roghnúcháin faoi réir na rialacha a leagtar síos i Rialachán (AE, Euratom) 2018/1046 ó Pharlaimint na hEorpa agus ón gComhairle (10). Ba cheart do ÚEUM, i gcás gach aicme, iarrthóir a roghnú ar bhonn a chumais theicniúil teilitéip chomhdhlúite a oibriú, lena n-áirítear a chumas leanúnachas agus athléimneacht gnó a áirithiú, chomh maith lena chumas teicneolaíochtaí comhéadain nua-aimseartha a úsáid, eagrú a phróiseas bainistíochta agus cinnteoireachta, na modhanna atá aige chun cáilíocht sonraí a áirithiú, na costais is gá chun teilitéip chomhdhlúite a fhorbairt agus a oibriú, simplíocht na gceadúnas nach mór d’úsáideoirí dul isteach iontu chun na croí-shonraí margaidh agus na sonraí rialála a fháil, lena n-áirítear líon na gcineálacha ceadúnúcháin le haghaidh cásanna úsáide nó úsáideoirí éagsúla, leibhéal na dtáillí a ghearrtar ar úsáideoirí agus a phróisis chun tomhaltas fuinnimh a mhaolú. Go sonrach i gcás CTP le haghaidh bannaí, agus CTP á roghnú aige, ba cheart do ÚEUM a chur san áireamh go bhfuil socruithe cothroma agus cothromasacha ann maidir le hathdháileadh ioncaim. Is iomchuí go dtabharfaí aitheantas le socruithe den sórt sin don ról atá ag ionaid trádála bheaga maidir leis an deis a thabhairt do ghnóthais fiachas a eisiúint chun a ngníomhaíochtaí a mhaoiniú. I gcás scaireanna agus ETFanna, ba cheart do CTPanna an tairiscint agus an ofráil is fearr san Eoraip a thaispeáint, gan cód aitheantóra margaidh an ionaid a scaipeadh. Faoin 30 Meitheamh 2026, ba cheart don Choimisiún measúnú a dhéanamh ar an leibhéal sin faisnéise réamhthrádála ar mhaithe le feidhmiú agus iomaíochas mhargaí an Aontais agus ba cheart i gcás inarb iomchuí, togra reachtach maidir le dearadh na teilitéipe comhdhlúite a bheith ag gabháil leis an measúnú sin.

(27)

Ba cheart d’iarratasóir roghnaithe, gan moill mhíchuí, iarratas ar údarú a chur faoi bhráid ÚEUM. Laistigh de 20 lá oibre ó iarratas den sórt sin, ba cheart do ÚEUM measúnú a dhéanamh an bhfuil an t-iarratas comhlánaithe ina iomláine agus ba cheart dó fógra a thabhairt don iarratasóir dá réir sin. Laistigh de 3 mhí ó iarratas comhlánaithe a fháil, ba cheart do ÚEUM cinneadh réasúnaithe a ghlacadh lena ndeonaítear nó lena ndiúltaítear údarú. Ba cheart do ÚEUM an cinneadh réasúnaithe sin a bhunú ar a mheasúnú i dtaobh an bhfuil an t-iarratasóir in ann, laistigh de thréimhse réasúnach ama, teilitéip chomhdhlúite a oibriú i gcomhréir leis na ceanglais uile. Ba cheart, i gcinneadh réasúnaithe ÚEUM na coinníollacha is infheidhme maidir le hoibriú na teilitéipe comhdhlúite ag an iarratasóir, go háirithe leibhéal na dtáillí a ghearrtar ar úsáideoirí, a shonrú. Chun a áirithiú go gcuirfear tús ordúil leis an oibríocht, ba cheart do ÚEUM a bheith in ann, tar éis dheonú an údarúcháin, tréimhse réasúnta ama a thabhairt don iarratasóir forbairt na teilitéipe comhdhlúite a thabhairt chun críche.

(28)

De réir na sonraí a thíolactar sa mheasúnú tionchair a ghabhann leis an togra le haghaidh an Rialacháin seo, is dócha go mbeidh an ghiniúint ioncaim a mheastar a bheidh ann le haghaidh na teilitéipe comhdhlúite ag brath ar shaintréithe beachta na teilitéipe comhdhlúite. Níor cheart cosc a chur ar CTPanna corrlach réasúnta a dhéanamh chun samhail ghnó inmharthana a choinneáil. Ba cheart rochtain, saor in aisce, ar na croí-shonraí margaidh agus ar na sonraí rialála a bheith ag an lucht acadúil agus eagraíochtaí na sochaí sibhialta a úsáideann na sonraí chun críocha taighde, ag údaráis inniúla a úsáideann na sonraí chun inniúlachtaí rialála agus maoirseachta a fhorghníomhú, agus ag infheisteoirí miondíola. Ba cheart do CTP a áirithiú go mbeidh rochtain éasca ar an bhfaisnéis a chuirtear ar fáil d’infheisteoirí miondíola agus go gcuirfear in iúl i bhformáid sholáimhsithe agus atá inléite ag an duine í.

(29)

Tá ról lárnach ag ionaid trádála a éascaíonn trádáil scaireanna trí leabhar orduithe réamhthrádála trédhearcach sa phróiseas praghasmhúnlaithe. Is fíor sin go háirithe i gcás margaí beaga rialáilte agus margaí fáis FBManna, eadhon iad siúd arb ionann méid trádála bliantúil a scaireanna agus 1 % nó níos lú de mhéid trádála bliantúil na scaireanna san Aontas (‘ionaid trádála bheaga’), arb iad an príomhionad leachtachta de ghnáth iad le haghaidh na n-urrús arna dtairiscint lena dtrádáil acu. Dá bhrí sin, na sonraí a chuireann ionaid trádála bheaga leis an teilitéip chomhdhlúite, tá ról níos cinntithí acu maidir le praghasmhúnlú na scaireanna a ligeann ionaid trádála bheaga isteach chun a dtrádála. D’ainneoin go bhféadfadh rannchuiditheoirí sonraí áirithe gan rannchuidiú leis an teilitéip chomhdhlúite, is iomchuí cóir fhabhrach a dheonú do na rannchuiditheoirí sonraí sin a chinneann roghnú a bheith páirteach sa teilitéip chomhdhlúite maidir le hathdháileadh ioncam arna nginiúint leis an teilitéip chomhdhlúite le haghaidh scaireanna agus ETFanna, chun cabhrú le hionaid trádála bheaga na scaireanna áitiúla sin a ligeann siad isteach a choinneáil ar bun agus éiceachóras saibhir bríomhar a chosaint i gcomhréir le cuspóirí Aontas na Margaí Caipitil.

(30)

Ba cheart do CTP le haghaidh scaireanna agus ETFanna cuid dá ioncam a ghintear leis an teilitéip chomhdhlúite a athdháileadh ar ionaid trádála áirithe i gcomhréir le scéim athdháilte bunaithe ar thrí chritéar. Ba cheart ualú na gcritéar sin a shonrú trí bhíthin caighdeáin theicniúla rialála. Chun ionaid trádála bheaga a dhreasú chun roghnú páirt a ghlacadh i rannchuidiú éigeantach sonraí le CTP le haghaidh scaireanna agus ETFanna, ba cheart feidhm a bheith ag an ualú is airde maidir leis an méid trádála bliantúil iomlán atá ag ionaid trádála bheaga. Leis an dara hualú is airde, ba cheart luach saothair a thabhairt do rannchuiditheoirí sonraí a lig isteach scaireanna nó EFTanna ar dtús chun a dtrádála an 27 Márta 2019 nó ina dhiaidh sin. I bhfianaise líon teoranta na liostuithe ar ionaid trádála bheaga, ba cheart do CTP an t-ualú ábhartha a chur i bhfeidhm maidir le méid trádála bliantúil iomlán ionad den sórt sin, ach i gcás ionaid eile, ba cheart do CTP é a chur i bhfeidhm maidir leis an méid trádála a bhaineann leis na scaireanna agus ETFanna a ligeadh isteach ar dtús chun a dtrádála an 27 Márta 2019 nó ina dhiaidh sin. Leis an ualú is ísle de na trí chritéar, ba cheart luach saothair a thabhairt ar an trádáil arna tabhairt i gcrích ar chóras trádála lena soláthraítear trédhearcacht réamhthrádála agus a d’eascair as orduithe nach raibh faoi réir tarscaoileadh ó thrédhearcacht réamhthrádála.

(31)

Braitheann éifeachtacht teilitéipe comhdhlúite ar cháilíocht na sonraí a tharchuireann rannchuiditheoirí sonraí chuici. D’fhonn ardleibhéal cáilíochta sonraí a áirithiú, ba cheart do ÚEUM coinníollacha a bhunú, ar coinníollacha iad faoina gceadaítear don CTP athdháileadh ioncaim a chur ar fionraí go sealadach i gcás ina gcruthóidh an CTP go bhfuil sárú tromchúiseach agus arís agus arís eile déanta ag rannchuiditheoir sonraí ar na ceanglais sonraí a bhunaítear sa Rialachán seo. I gcás ina bhfaighfear amach gur chomhlíon an rannchuiditheoir sonraí na ceanglais sonraí sin, ba cheart don rannchuiditheoir sonraí an sciar den ioncam a raibh sé ina theideal, móide ús, a fháil.

(32)

Chun iontaoibh leantach rannpháirtithe sa mhargadh sa teilitéip chomhdhlúite a chosaint, ba cheart do CTPanna sraith tuarascálacha a fhoilsiú ar chomhlíontacht lena n-oibleagáidí faoin Rialachán seo, eadhon maidir le staitisticí feidhmiúlachta agus tuarascálacha teagmhais a bhaineann le cáilíocht sonraí agus córais sonraí. Mar gheall ar a theicniúla atá cineál na dtuarascálacha sin, ba cheart ábhar, uainiú, formáid agus téarmaíocht na hoibleagáide tuairiscithe a shonrú trí bhíthin caighdeáin theicniúla rialála.

(33)

Maidir leis an gceanglas gur gá tuarascálacha trádála a chur ar fáil saor in aisce tar éis 15 nóiméad, tá feidhm ag an gceanglas sin faoi láthair maidir leis na hionaid trádála, APAnna agus CTPanna uile. I gcás CTPanna, tá an ceanglas sin ina bhac ar inmharthanacht tráchtála CTP a d’fhéadfadh a bheith ann, ós rud é go bhféadfadh sé gurbh fhearr le cliaint ionchasacha áirithe fanacht ar na croí-shonraí margaidh a bhíonn ar fáil saor in aisce seachas a bheith ina n-úsáideoirí ar an teilitéip chomhdhlúite. Is fíor sin go háirithe i gcás bannaí agus díorthaigh thar an gcuntar nach dtrádáiltear go minic de ghnáth agus ar ina leith is minic a choinnigh na sonraí an chuid is mó dá luach tar éis 15 nóiméad. Dá bhrí sin, cé gur cheart an ceanglas maidir le tuarascálacha trádála a sholáthar saor in aisce tar éis 15 nóiméad a choimeád i gcás ionaid trádála agus APAnna, ba cheart an ceanglas a thréigean i gcás CTPanna chun a n-inmharthanacht tráchtála a áirithiú.

(34)

Le hAirteagal 28 de Rialachán (AE) Uimh. 600/2014, éilítear go ndéanfaí díorthaigh thar an gcuntar atá faoi réir na hoibleagáide imréitigh a thrádáil ar ionaid trádála (‘oibleagáid trádála díorthach’). Le Rialachán (AE) 2019/834 ó Pharlaimint na hEorpa agus ón gComhairle (11), leasaíodh Rialachán (AE) Uimh. 648/2012 chun raon feidhme na n-eintiteas atá faoi réir na hoibleagáide imréitigh a laghdú. I bhfianaise an dlúthnasc atá ann idir an oibleagáid imréitigh agus an oibleagáid trádála díorthach, chun comhleanúnachas dlíthiúil níos fearr a áirithiú, agus chun an creat dlíthiúil a shimpliú, is gá agus is iomchuí an oibleagáid trádála díorthach a athailíniú leis an oibleagáid imréitigh le haghaidh díorthach. Gan an t-ailíniú sin, ní ghabhfaí contrapháirtithe beaga áirithe airgeadais ná contrapháirtithe neamhairgeadais leis an oibleagáid imréitigh a thuilleadh ach leanfaí dá ngabháil leis an oibleagáid trádála díorthach.

(35)

Is uirlis riachtanach bainistithe riosca maidir le díorthaigh thar an gcuntar iad seirbhísí laghdaithe riosca iarthrádála. Braitheann seirbhísí laghdaithe riosca iarthrádála ar idirbhearta teicniúla atá réamhshocraithe, nach múnlaíonn praghsanna, atá neodrach ó thaobh riosca margaidh de agus lena mbaintear amach laghdú ar an riosca i ngach ceann de na punanna. Is ionann seirbhísí comhbhrú punainne, atá díolmhaithe faoi láthair ón oibleagáid orduithe a fhorghníomhú ar théarmaí is fabhraí don chliant mar a leagtar síos in Airteagal 27 de Threoir 2014/65/AE (‘dea-fhorghníomhú’) agus ceanglais trédhearcachta, agus fothacar de sheirbhísí laghdaithe riosca iarthrádála. I bhfianaise a theicniúla atá siad agus nach múnlaíonn siad praghsanna, níor cheart na hidirbhearta ar dhíorthaigh thar an gcuntar a mhúnlaítear agus a bhunaítear mar thoradh ar sheirbhísí laghdaithe riosca iarthrádála a bheith faoi réir na hoibleagáide trádála díorthach. Agus é á chur san áireamh nach gceadaíonn soláthraithe seirbhísí laghdaithe riosca iarthrádála d’iliomad leasanna ceannaigh ná díola triú páirtithe in ionstraimí airgeadais idirghníomhú, níor cheart a mheas go bhfuil córas iltaobhach á oibriú acu. Ar an gcaoi chéanna, ba cheart iad a dhíolmhú ó cheanglais maidir le trédhearcacht réamhthrádála agus iarthrádála, agus dea-fhorghníomhú a fhíorú. Ba cheart a thabhairt de chumhacht don Choimisiún a shonrú, trí bhíthin gníomhartha tarmligthe, cad is seirbhísí laghdaithe riosca iarthrádála ann chun críocha Rialachán (AE) Uimh. 600/2014 agus cad iad na mionsonraí atá le taifeadadh ó na hidirbhearta.

(36)

Le hAirteagal 6a de Rialachán (AE) Uimh. 648/2012, déantar foráil maidir le sásra chun an oibleagáid imréitigh a chur ar fionraí go sealadach i gcás nach gcomhlíontar a thuilleadh na critéir ar cuireadh aicmí sonracha díorthach thar an gcuntar faoi réir na hoibleagáide imréitigh ar a mbonn, nó i gcás ina meastar go bhfuil gá le fionraí den sórt sin chun bagairt thromchúiseach ar chobhsaíocht airgeadais san Aontas a sheachaint. Mar gheall ar fhionraí den sórt sin, áfach, d’fhéadfadh sé nach mbeadh na contrapháirtithe in ann a n-oibleagáid trádála díorthach a chomhlíonadh toisc gur réamhriachtanas é an oibleagáid imréitigh don oibleagáid trádála díorthach. Dá bhrí sin, is gá a leagan síos, i gcás ina mbeadh athrú ábharach ann ar na critéir le haghaidh na hoibleagáide trádála díorthach mar thoradh ar an oibleagáid imréitigh díorthach a chur ar fionraí, ba cheart a bheith in ann an oibleagáid trádála díorthach a chur ar fionraí ag an am céanna le haghaidh na n-aicmí céanna díorthach thar an gcuntar atá faoi réir chur ar fionraí na hoibleagáide imréitigh. Ba cheart freisin do ÚEUM a bheith in ann freisin a iarraidh ar an gCoimisiún an oibleagáid trádála díorthach a chur ar fionraí, i gcás ina bhfuil gá le fionraí den sórt sin chun éifeachtaí díobhálacha ar leachtacht nó bagairt thromchúiseach ar chobhsaíocht airgeadais a sheachaint nó chun aghaidh a thabhairt orthu, agus chun feidhmiú ordúil na margaí airgeadais san Aontas a áirithiú.

(37)

Is gá sásra fionraíochta ad hoc a bheith ann chun a áirithiú gur féidir leis an gCoimisiún freagairt go pras d’athruithe móra ar na coinníollacha margaidh a d’fhéadfadh tionchar ábharach a bheith acu ar thrádáil díorthach agus ar chontrapháirtithe a bhfuil baint acu le trádáil den sórt sin. I gcás inarb ann d’athruithe den sórt sin ar choinníollacha margaidh, agus arna iarraidh sin d’údarás inniúil an Bhallstáit, ba cheart don Choimisiún a bheith in ann an oibleagáid trádála díorthach a chur ar fionraí, agus é sin a dhéanamh go neamhspleách ar an oibleagáid imréitigh a chur ar fionraí. I gcás ina ndéanann raon feidhme na hoibleagáide trádála díorthach dochar míchuí do ghníomhaíochtaí gnólachta infheistíochta de chuid LLE le contrapháirtí nach contrapháirtí de chuid LEE é agus i gcás ina ngníomhaíonn an gnólacht infheistíochta sin mar chruthaitheoir margaidh i gcatagóir na ndíorthach atá faoi réir na hoibleagáide trádála díorthach, ba cheart a bheith in ann an oibleagáid trádála díorthach a chur ar fionraí ar an gcaoi sin. Tá fadhb na n-oibleagáidí forluiteacha trádála díorthach thar a bheith géar i gcás trádáil le contrapháirtithe laistigh de dhlínse tríú tír a chuireann a hoibleagáidí trádála díorthach féin i bhfeidhm. Chabhródh an fhionraí sin freisin le contrapháirtithe airgeadais de chuid LEE a bheith iomaíoch i gcónaí ar na margaí domhanda. Nuair atá cinneadh á dhéanamh ag an gCoimisiún i dtaobh an oibleagáid trádála díorthach a chur ar fionraí, ba cheart dó tionchar na fionraí sin ar an oibleagáid imréitigh a chur san áireamh.

(38)

D’fhéadfadh forálacha maidir le rochtain neamh-idirdhealaitheach le haghaidh díorthaigh arna dtrádáil ar mhalartán laghdú a dhéanamh ar a tharraingtí atá sé infheistíocht a dhéanamh i dtáirgí nua toisc go bhféadfadh sé go mbeadh iomaitheoirí in ann rochtain a fháil gan an infheistíocht tosaigh a dhéanamh. Ar an gcaoi sin, leis an gcóras rochtana neamh-idirdhealaithí le haghaidh díorthaigh arna dtrádáil ar mhalartán, a leagtar síos in Airteagail 35 agus 36 de Rialachán (AE) Uimh. 600/2014, d’fhéadfadh sé go dteorannófaí infheistíocht i dtáirgí den sórt sin, trí dheireadh a chur leis na dreasachtaí le haghaidh margaí rialáilte chun díorthaigh nua arna dtrádáil ar mhalartán a chruthú. Dá bhrí sin, ba cheart a leagan síos nach bhfuil feidhm le bheith ag an gcóras sin maidir leis an gcontrapháirtí lárnach (CCP), nó maidir leis an ionad trádála lena mbaineann i leith díorthaigh arna dtrádáil ar mhalartán, agus ar an gcaoi sin, cothófar an nuálaíocht agus forbairt díorthach arna dtrádáil ar mhalartán san Aontas.

(39)

Ba cheart do na hidirghabhálaithe airgeadais féachaint leis an bpraghas is fearr is féidir a bhaint amach agus an dóchúlacht forghníomhaithe is mó is féidir a bhaint amach le haghaidh na dtrádálacha a fhorghníomhaíonn siad thar ceann a gcliant. Chuige sin, ba cheart do na hidirghabhálaithe airgeadais an t-ionad trádála nó an contrapháirtí a fhorghníomhaíonn trádálacha a gcliant a roghnú ar bhonn dea-fhorghníomhú a bhaint amach dá gcliaint. Ba cheart é a bheith ar neamhréir le prionsabal an dea-fhorghníomhaithe go bhfaigheadh idirghabhálaí airgeadais, agus é ag gníomhú thar ceann a chliant miondíola nó cliaint a roghnaigh a bheith páirteach sa chóras um chliaint ghairmiúla dá dtagraítear i dTreoir 2014/65/AE, táille, coimisiún nó sochair neamhairgeadaíochta ó aon tríú páirtí as orduithe a fhorghníomhú ó na cliaint sin ar ionad forghníomhaithe ar leith nó as orduithe ó na cliaint sin a chur ar aghaidh chuig aon tríú páirtí lena bhforghníomhú ar ionad forghníomhaithe ar leith. Dá bhrí sin, ba cheart toirmeasc a chur ar ghnólachtaí infheistíochta íocaíocht den sórt sin a ghlacadh. Tá gá leis an toirmeasc sin i bhfianaise na gcleachtas éagsúil atá ag údaráis inniúla ar fud an Aontais maidir le cur i bhfeidhm agus maoirseacht na gceanglas um dhea-fhorghníomhú mar a leagtar síos in Airteagal 27 de Threoir 2014/65/AE. Ba cheart do Bhallstát ina ndearna gnólachtaí infheistíochta gníomhaíocht den sórt sin roimh an 28 Márta 2024 a bheith in ann gnólachtaí infheistíochta faoina dhlínse a dhíolmhú ón toirmeasc sin go dtí an 30 Meitheamh 2026, i gcás ina soláthraíonn na gnólachtaí infheistíochta sin seirbhísí den sórt sin do chliaint a bhfuil sainchónaí orthu nó atá bunaithe sa Bhallstát sin.

(40)

Chun an tsolúbthacht is gá a áirithiú chun oiriúnú d’fhorbairtí sna margaí airgeadais, agus chun gnéithe teicniúla áirithe de Rialachán (AE) Uimh. 600/2014 a shonrú, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh (CFAE) a tharmligean chuig an gCoimisiún i dtaca leis an tairseach caidhpeála méid a choigeartú; leasú a dhéanamh ar na coinníollacha chun a chinneadh cé acu de na díorthaigh thar an gcuntar atá faoi réir ceanglais trédhearcachta; sonrú a dhéanamh ar na sonraí tagartha sainaitheanta atá le húsáid maidir le díorthaigh thar an gcuntar; sonrú a dhéanamh ar a bhfuil i gceist le seirbhísí laghdaithe riosca iarthrádála chun críocha Rialachán (AE) Uimh. 600/2014 agus ar mhionsonraí na n-idirbheart atá le taifeadadh ag gnólachtaí infheistíochta agus ag oibreoirí margaidh ar soláthraithe seirbhísí laghdaithe riosca iarthrádála iad; agus leathnú a dhéanamh ar an oibleagáid idirbhearta a thuairisciú do BCIManna agus do chuideachtaí bainistíochta a sholáthraíonn seirbhísí agus gníomhaíochtaí infheistíochta agus a fhorghníomhaíonn idirbhearta in ionstraimí airgeadais. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (12). Go sonrach, chun rannpháirtíocht chomhionann in ullmhú gníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna le saineolaithe na mBallstát, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(41)

Chun coinníollacha aonfhoirmeacha a áirithiú maidir le cur chun feidhme Rialachán (AE) Uimh. 600/2014 maidir le cur ar fionraí na hoibleagáide trádála díorthach le haghaidh díorthaigh thar an gcuntar, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (13).

(42)

Ba cheart an chumhacht a thabhairt don Choimisiún na dréachtchaighdeáin theicniúla rialála arna bhforbairt ag ÚEUM a ghlacadh maidir leis an méid seo a leanas: saintréithe leabhar orduithe teorann lárnaí agus córas trádála do cheantáil thréimhsiúil; saintréithe beachta an chórais iarchurtha le haghaidh idirbhearta neamhchothromais; faisnéis a sholáthar ar bhonn réasúnach tráchtála; an tairseach do chur i bhfeidhm na n-oibleagáidí trédhearcachta réamhthrádála le haghaidh inmheánaitheoirí córasacha agus an t-íosmhéid luachana le haghaidh inmheánaitheoirí córasacha; cáilíocht an phrótacail tarchurtha, bearta chun aghaidh a thabhairt ar chaighdeáin tuairiscithe agus forfheidhmiúcháin earráideacha i ndáil le cáilíocht sonraí, lena n-áirítear socruithe maidir le comhar idir rannchuiditheoirí sonraí agus an CTP, agus, i gcás inar gá, cáilíocht agus bunábhar na sonraí le haghaidh oibriú na dteilitéipeanna comhdhlúite; an leibhéal cruinnis ag a bhfuil cloig ghnó le sioncrónú ag ionaid trádála, inmheánaitheoirí córasacha, eintitis foilsitheoireachta ainmnithe, APAnna agus CTPanna; na coinníollacha faoina ndéanfar idirbhearta sonracha a nascadh agus na modhanna chun orduithe comhiomlánaithe a shainaithint a mbeidh forghníomhú idirbhirt mar thoradh orthu; an dáta faoina bhfuil idirbhearta agus sonraí tagartha le tuairisciú; an fhaisnéis atá le soláthar ag iarratasóirí ar údarú mar CTP; an t-ualú a shanntar do na critéir chun an scéim athdháilte ioncaim a chur i bhfeidhm, an modh chun méid an ioncaim atá le hathdháileadh ar rannchuiditheoirí sonraí faoin scéim sin a ríomh, agus na critéir faoinar féidir leis an CTP rannpháirtíocht rannchuiditheoirí sonraí sa scéim sin a chur ar fionraí go sealadach; agus ábhar, uainiú, formáid agus téarmaíocht oibleagáid tuairiscithe CTPanna. Ba cheart don Choimisiún na caighdeáin theicniúla rialála sin a ghlacadh trí bhíthin gníomhartha tarmligthe de bhun Airteagal 290 CFAE agus i gcomhréir le hAirteagal 10 go hAirteagal 14 de Rialachán (AE) Uimh. 1095/2010.

(43)

Ba cheart a thabhairt de chumhacht don Choimisiún na caighdeáin theicniúla cur chun feidhme arna bhforbairt ag ÚEUM a ghlacadh maidir le hábhar agus formáid an fhógra atá le cur faoi bhráid na n-údarás inniúil ag gnólachtaí a chomhlíonann an sainmhíniú ar inmheánaitheoir córasach; agus na foirmeacha, teimpléid agus nósanna imeachta caighdeánacha maidir le faisnéis a sholáthar, agus na fógraí a mhéid a bhaineann le hiarratasóirí ar údarú mar CTP. Ba cheart don Choimisiún na caighdeáin theicniúla cur chun feidhme sin a ghlacadh trí bhíthin gníomhartha cur chun feidhme de bhun Airteagal 291 CFAE agus i gcomhréir le hAirteagal 15 de Rialachán (AE) Uimh. 1095/2010.

(44)

Ós rud é nach féidir leis na Ballstáit cuspóirí an Rialacháin seo, eadhon teacht chun cinn teilitéipe comhdhlúite a éascú do gach aicme sócmhainní agus gnéithe áirithe de Rialachán (AE) Uimh. 600/2014 a leasú chun an trédhearcacht ar mhargaí in ionstraimí airgeadais a fheabhsú, agus chun an cothrom iomaíochta idir margaí rialáilte agus inmheánaitheoirí córasacha a fheabhsú tuilleadh, chomh maith le hiomaíochas idirnáisiúnta mhargaí caipitil an Aontais a fheabhsú, a ghnóthú go leordhóthanach agus, de bharr a fhairsinge agus a éifeachtaí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(45)

Leis an Rialachán seo, urramaítear na cearta bunúsacha agus na prionsabail a dtugtar aitheantas dóibh i gCairt um Chearta Bunúsacha an Aontais Eorpaigh, go háirithe an tsaoirse chun gnó a sheoladh agus an ceart chun cosaint tomhaltóirí a fháil.

(46)

Ba cheart, dá bhrí sin, Rialachán (AE) Uimh. 600/2014 a leasú dá réir,

(1)

Leasaítear Airteagal 1 mar a leanas:

(2)

in Airteagal 2, leasaítear mír 1 mar a leanas:

(3)

leasaítear Airteagal 4 mar a leanas:

(4)

leasaítear Airteagal 5 mar a leanas:

(5)

leasaítear Airteagal 8 mar a leanas:

(6)

cuirtear na hAirteagail seo a leanas isteach:

(7)

leasaítear Airteagal 9 mar a leanas:

(8)

cuirtear an méid seo a leanas in ionad Airteagal 10:

(9)

leasaítear Airteagal 11 mar a leanas:

(10)

cuirtear an t-airteagal seo a leanas isteach:

(11)

in Airteagal 12, cuirtear an méid seo a leanas in ionad mhír 1:

(12)

cuirtear an méid seo a leanas in ionad Airteagal 13:

(13)

leasaítear Airteagal 14 mar a leanas:

(14)

leasaítear Airteagal 15 mar a leanas:

(15)

cuirtear an méid seo a leanas in ionad Airteagal 16:

(16)

cuirtear an méid seo a leanas in ionad Airteagal 17a:

(17)

scriostar Airteagail 18 agus 19;

(18)

leasaítear Airteagal 20 mar a leanas:

(19)

leasaítear Airteagal 21 mar a leanas:

(20)

cuirtear an t-airteagal seo a leanas isteach:

(21)

in Airteagal 22(1), cuirtear an méid seo a leanas in ionad na foclaíochta réamhráití:

‘Chun ríomhanna a dhéanamh leis na ceanglais a chinneadh maidir leis an trédhearcacht réamhthrádála agus iarthrádála agus na córais oibleagáide trádála dá dtagraítear in Airteagail 3 go 11a, 14 go 21 agus 32 atá infheidhme maidir le hionstraimí airgeadais, agus chun tuarascálacha a ullmhú don Choimisiún i gcomhréir le hAirteagal 4(4), Airteagal 7(1), Airteagal 9(2), Airteagal 11(3) agus Airteagal 11a(1), féadfaidh ÚEUM agus údaráis inniúla faisnéis a éileamh ón méid seo a leanas:’;

(22)

cuirtear na hairteagail seo a leanas isteach:

(23)

in Airteagal 23, cuirtear an méid seo a leanas in ionad mhír 1:

(24)

leasaítear Airteagal 25 mar a leanas:

(25)

leasaítear Airteagal 26 mar a leanas:

(26)

leasaítear Airteagal 27 mar a leanas:

(27)

leasaítear Airteagal 27d mar seo a leanas:

(28)

cuirtear na hairteagail seo a leanas isteach:

(29)

in Airteagal 27e, cuirtear an mhír seo a leanas isteach:

(30)

in Airteagal 27f, cuirtear an méid seo a leanas in ionad mhír 4:

(31)

leasaítear Airteagal 27g mar a leanas:

(32)

cuirtear an méid seo a leanas in ionad Airteagal 27h:

(33)

cuirtear isteach an t-airteagal seo a leanas:

(34)

in Airteagal 27i, cuirtear na míreanna seo a leanas isteach:

(35)

leasaítear Airteagal 28 mar a leanas:

(36)

leasaítear Airteagal 31 mar a leanas:

(37)

leasaítear Airteagal 32 mar a leanas:

(38)

cuirtear isteach an t-airteagal seo a leanas:

(39)

leasaítear Airteagal 35 mar a leanas:

(40)

leasaítear Airteagal 36 mar a leanas:

(41)

in Airteagal 38, cuirtear an méid seo a leanas in ionad mhír 1:

(42)

in Airteagal 38g(1), cuirtear an méid seo a leanas in ionad na foclaíochta réamhráití:

‘I gcás ina bhfaigheann ÚEUM amach nár chomhlíon duine a liostaítear in Airteagal 38b(1), pointe (a), aon cheann de na ceanglais a leagtar síos in Airteagail 20 go 22c, ná i dTeideal IVa, déanfaidh sé ceann amháin nó níos mó de na gníomhaíochtaí seo a leanas:’;

(43)

in Airteagal 38h(1), cuirtear an méid seo a leanas in ionad na chéad fhomhíre:

‘I gcás ina bhfaigheann ÚEUM amach, i gcomhréir le hAirteagal 38k(5), nár chomhlíon duine a liostaítear in Airteagal 38b(1), pointe (a), aon cheann de na ceanglais a leagtar síos in Airteagail 22 go 22c, ná i dTeideal IVa, d’aon ghnó nó le faillí, glacfaidh sé cinneadh lena bhforchuirfear fíneáil i gcomhréir le mír 2 den Airteagal seo.’;

(44)

cuirtear isteach an t-airteagal seo a leanas:

(45)

leasaítear Airteagal 50 mar a leanas:

(46)

leasaítear Airteagal 52 mar a leanas:

(47)

leasaítear Airteagal 54 mar a leanas: