Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32023R0953

Rialachán Cur Chun Feidhme (AE) 2023/953 ón gCoimisiún an 12 Bealtaine 2023 lena leasaítear Rialachán Cur Chun Feidhme (AE) 2020/761 a mhéid a bhaineann leis na rialacha lena rialaítear an taraif-chuóta chun púdar bainne a onnmhairiú chuig an bPoblacht Dhoiminiceach

C/2023/3064

IO L 128, 15.5.2023, p. 81–83 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2023/953/oj

15.5.2023   

GA

Iris Oifigiúil an Aontais Eorpaigh

L 128/81

RIALACHÁN CUR CHUN FEIDHME (AE) 2023/953 ÓN gCOIMISIÚN

an 12 Bealtaine 2023

lena leasaítear Rialachán Cur Chun Feidhme (AE) 2020/761 a mhéid a bhaineann leis na rialacha lena rialaítear an taraif-chuóta chun púdar bainne a onnmhairiú chuig an bPoblacht Dhoiminiceach

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagraíocht na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001, agus (CE) Uimh. 1234/2007 ón gComhairle (1), agus go háirithe Airteagal 187 de,

De bharr an mhéid seo a leanas:

(1)

Le Rialachán Cur Chun Feidhme (AE) 2020/761 ón gCoimisiún (2), leagtar síos na rialacha maidir le bainistíocht na dtaraif-chuótaí ar allmhairí agus onnmhairí maidir le táirgí talmhaíochta a bhainistítear le córas ceadúnas allmhairiúcháin agus onnmhairiúcháin agus déantar foráil ann maidir le rialacha sonracha i ndáil le riar na gcuótaí sin.

(2)

Ón 1 Iúil 2023, de réir an Chomhaontaithe Comhpháirtíochta Eacnamaíche idir Stáit CARIFORUM agus an Comhphobal Eorpach agus a Bhallstáit (3), féadfaidh an Phoblacht Dhoiminiceach púdar bainne a allmhairiú ón Aontas ag dleacht nialasach ar chainníocht neamhtheoranta. Mar thoradh air sin agus ar mhaithe leis an tsoiléire, na forálacha maidir leis an taraif-chuóta ar onnmhairithe púdair bainne ón Aontas chuig an bPoblacht Dhoiminiceach, ba cheart iad a bhaint ó Rialachán Cur Chun Feidhme (AE) 2020/761 agus feidhm aige ón gcéad tréimhse iarratais eile ar cheadúnas.

(3)

Dá bhrí sin, ba cheart Rialachán Cur Chun Feidhme (AE) 2020/761 a leasú dá réir.

(4)

Tá na bearta dá bhforáiltear sa Rialachán seo i gcomhréir le tuairim an Choiste um Chomheagrú na Margaí Talmhaíochta,

TAR ÉIS AN RIALACHÁN SEO A GHLACADH:

Airteagal 1

Leasaítear Rialachán Cur Chun Feidhme (AE) 2020/761 mar a leanas:

(1)

scriostar Airteagail 55, 56 agus 57;

(2)

Leasaítear Iarscríbhinní I agus XIII, Páirt B — Earnáil: Bainne i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an seachtú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón gcéad tréimhse iarratais ar cheadúnas le haghaidh na tréimhse taraif-chuóta dar tús an 1 Iúil 2023.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 12 Bealtaine 2023.

Thar ceann an Choimisiúin

An tUachtarán

Ursula VON DER LEYEN

(1)  IO L 347, 20.12.2013, lch. 671.

(2)  Rialachán Cur Chun Feidhme (AE) 2020/761 ón gCoimisiún an 17 Nollaig 2019 lena leagtar síos rialacha maidir le cur i bhfeidhm Rialacháin (AE) Uimh. 1306/2013, (AE) Uimh. 1308/2013 agus (AE) Uimh. 510/2014 ó Pharlaimint na hEorpa agus ón gComhairle a mhéid a bhaineann le córas bainistíochta na dtaraif-chuótaí le ceadúnais (IO L 185, 12.6.2020, lch. 24).

(3)  Cinneadh 2008/805/CE ón gComhairle an 15 Iúil 2008 maidir le síniú agus cur i bhfeidhm sealadach an Chomhaontaithe Comhpháirtíochta Eacnamaíche idir Stáit CARIFORUM, de pháirt, agus an Comhphobal Eorpach agus a Bhallstáit, den pháirt eile (IO L 289, 30.10.2008, lch. 1).

IARSCRÍBHINN

Leasaítear Iarscríbhinní I agus XIII, Páirt B – Earnáil: Bainne a ghabhann le Rialachán Cur Chun Feidhme (AE) 2020/761 ón gCoimisiún mar a leanas:

(1)

in Iarscríbhinn I, scriostar an ró seo a leanas:

‘Cuóta púdair arna oscailt ag an bPoblacht Dhoiminiceach

Bainne agus táirgí bainne

Onnmhairiúchán

AE: scrúdú comhuaineach

Níl

Tá

 

Níl’

(2)

scriostar an tábla seo a leanas in Iarscríbhinn XIII, Páirt B – Earnáil: Bainne:

‘Sraithuimhir

Ní bhaineann le hábhar

Comhaontú idirnáisiúnta nó gníomh eile

An Comhaontú Comhpháirtíochta Eacnamaíche idir Stáit Cariforum, de pháirt, agus an Comhphobal Eorpach agus a Bhallstáit, den pháirt eile

Tréimhse taraif-chuótaí

Ón 1 Iúil go dtí an 30 Meitheamh

Fothréimhsí taraif-chuótaí

Níl

Iarratas ar cheadúnas

I gcomhréir le hAirteagail 6, 7 agus 8 den Rialachán seo

Tuairisc ar an táirge

Púdair bainne, bídís milsithe nó ná bídís

Ceann scríbe

An Phoblacht Dhoiminiceach

Cruthúnas ar thionscnamh tráth a dhéantar an t-iarratas ar cheadúnas. Más ann dó, an bhfuil an comhlacht údaraithe chun é a eisiúint

Níl

Cruthúnas ar thionscnamh le haghaidh scaoileadh i saorchúrsaíocht

Tá, i gcomhréir le hAirteagal 55(4) den Rialachán seo

Cainníocht i gcileagraim

22 400 000 kg

Cóid AC

0402 10 , 0402 21 agus 0402 29

 

 

Cruthúnas ar thrádáil

I gcomhréir le hAirteagal 8(2)(c) de Rialachán Tarmligthe (AE) 2020/760 25 thona

Urrús i gcomhair ceadúnas onnmhairiúcháin

EUR 3 in aghaidh 100 kg

Iontrálacha sonracha atá le déanamh ar an iarratas ar cheadúnas agus ar an gceadúnas

I gcomhréir le hAirteagal 56(3) den Rialachán seo

Tréimhse bailíochta ceadúnais

I gcomhréir le hAirteagal 13 den Rialachán seo

Inaistritheacht ceadúnais

Níl

Cainníocht tagartha

Níl

Oibreoir cláraithe i mbunachar sonraí LORI

Níl

Coinníollacha sonracha

I gcomhréir le hAirteagail 55, 56 agus 57 den Rialachán seo’
Top