EUR-Lex Access to European Union law
This document is an excerpt from the EUR-Lex website
Document 32022R1252
Commission Implementing Regulation (EU) 2022/1252 of 19 July 2022 amending Implementing Regulation (EU) 2015/408 to update the list of candidates for substitution (Text with EEA relevance)
Rialachán Cur Chun Feidhme (AE) 2022/1252 ón gCoimisiún an 19 Iúil 2022 lena leasaítear Rialachán Cur Chun Feidhme (AE) 2015/408 chun liosta na substaintí atá inbhreithnithe lena n-ionadú a thabhairt cothrom le dáta (Téacs atá ábhartha maidir le LEE)
Rialachán Cur Chun Feidhme (AE) 2022/1252 ón gCoimisiún an 19 Iúil 2022 lena leasaítear Rialachán Cur Chun Feidhme (AE) 2015/408 chun liosta na substaintí atá inbhreithnithe lena n-ionadú a thabhairt cothrom le dáta (Téacs atá ábhartha maidir le LEE)
C/2022/5026
IO L 191, 20.7.2022, p. 41–44
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
20.7.2022 |
GA |
Iris Oifigiúil an Aontais Eorpaigh |
L 191/41 |
RIALACHÁN CUR CHUN FEIDHME (AE) 2022/1252 ÓN gCOIMISIÚN
an 19 Iúil 2022
lena leasaítear Rialachán Cur Chun Feidhme (AE) 2015/408 chun liosta na substaintí atá inbhreithnithe lena n-ionadú a thabhairt cothrom le dáta
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoracha 79/117/CEE agus 91/414/CEE ón gComhairle (1), agus go háirithe Airteagal 78(2) de,
De bharr an mhéid seo a leanas:
(1) |
San Iarscríbhinn a ghabhann le Rialachán Cur Chun Feidhme (AE) 2015/408 ón gCoimisiún (2) tá liosta de shubstaintí gníomhacha a chomhlíonann na critéir a leagtar amach i bpointe 4 d’Iarscríbhinn II a ghabhann le Rialachán (CE) Uimh. 1107/2009 maidir le substaintí atá inbhreithnithe lena n-ionadú. |
(2) |
Roinnt de na substaintí sin, níl siad formheasta a thuilleadh, sin nó rinneadh a bhformheas a athnuachan de bhun Airteagal 20 de Rialachán (CE) Uimh. 1107/2009, agus mar thoradh air sin, liostaítear iad i gCuid E den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (3). Níl a liostú san Iarscríbhinn a ghabhann le Rialachán Cur Chun Feidhme (AE) 2015/408 ábhartha a thuilleadh ar mhaithe le soiléireacht agus trédhearcacht, ba cheart iad a scriosadh ón Iarscríbhinn seo. |
(3) |
Is substaint ghníomhach fhormheasta í cuisileafop-P (athraitheach cuisileafop-P-teafuiril) a liostaítear san Iarscríbhinn a ghabhann le Rialachán Cur Chun Feidhme (AE) 2015/408 mar shubstaint atá inbhreithnithe lena hionadú de bharr a réamhaicmithe chomhchuibhithe mar thocsaineach don atáirgeadh de chuid chatagóir 1B i gcomhréir le Rialachán (CE) Uimh. 1272/2008 ó Pharlaimint na hEorpa agus ón gComhairle (4). Le Rialachán (AE) 2018/1480 ón gCoimisiún (5) tugadh an t-aicmiú seo cothrom le dáta go tocsaineach don atáirgeadh de chuid chatagóir 2. Dá bhrí sin, ní chomhlíonann cuisileafop-P-teafuiril na critéir a thuilleadh le bheith ina substaint atá inbhreithnithe lena hionadú agus ba cheart í a scriosadh ón Iarscríbhinn a ghabhann le Rialachán Cur Chun Feidhme (AE) 2015/408. |
(4) |
Dá bhrí sin, ba cheart Rialachán Cur Chun Feidhme (AE) 2015/408 a leasú dá réir. |
(5) |
Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear an Iarscríbhinn a ghabhann le Rialachán Cur Chun Feidhme (AE) 2015/408 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 19 Iúil 2022.
Thar ceann an Choimisiúin
An tUachtarán
Ursula VON DER LEYEN
(1) IO L 309, 24.11.2009, lch. 1.
(2) Rialachán Cur Chun Feidhme (AE) 2015/408 ón gCoimisiún an 11 Márta 2015 maidir le cur chun feidhme Airteagal 80(7) de Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh agus lena mbunaítear liosta de shubstaintí atá inbhreithnithe lena n-ionadú (IO L 67, 12.3.2015, lch. 18).
(3) Rialachán Cur Chun Feidhme (AE) Uimh. 540/2011 ón gCoimisiún an 25 Bealtaine 2011 lena gcuirtear chun feidhme Rialachán (CE) Uimh. 1107/2009 ó Pharlaimint na hEorpa agus ón gComhairle a mhéid a bhaineann le liosta na substaintí gníomhacha formheasta (IO L 153, 11.6.2011, lch. 1).
(4) Rialachán (CE) Uimh. 1272/2008 ó Pharlaimint na hEorpa agus ón gComhairle an 16 Nollaig 2008 maidir le haicmiú, lipéadú agus pacáistiú substaintí agus meascán, lena leasaítear agus lena n-aisghairtear Treoracha 67/548/CEE agus 1999/45/CE, agus lena leasaítear Rialachán (CE) Uimh. 1907/2006 (IO L 353, 31.12.2008, lch. 1).
(5) Rialachán (AE) 2018/1480 ón gCoimisiún an 4 Deireadh Fómhair 2018 lena leasaítear, chun críocha a oiriúnaithe do dhul chun cinn teicniúil agus eolaíoch, Rialachán (CE) Uimh. 1272/2008 ó Pharlaimint na hEorpa agus ón gComhairle maidir le haicmiú, lipéadú agus pacáistiú substaintí agus meascán agus lena gceartaítear Rialachán (AE) 2017/776 ón gCoimisiún (IO L 251, 5.10.2018, lch. 1).
IARSCRÍBHINN
San Iarscríbhinn a ghabhann le Rialachán Cur Chun Feidhme (AE) 2015/408, scriostar na hiontrálacha seo a leanas:
|
aimiotról; |
|
défheintrin; |
|
brómaidé-ólón; |
|
cairbeandaisim; |
|
cairbeataimíd; |
|
comhdhúile copair (athraithigh hiodrocsaíd chopair, ocsaclóiríd chopair, ocsaíd chopair, meascán Bordeaux agus sulfáit chopair thríbhunata); |
|
ciopróconasól; |
|
défheanacúm; |
|
démheatóáit; |
|
déchuat; |
|
eapocsaconasól; |
|
eisfeanvailéaráit; |
|
eataprófos; |
|
eatocsasól; |
|
famocsadón; |
|
feanaimíofos; |
|
ocsaíd feanbútaitine; |
|
fiprinil; |
|
flucuineonasól; |
|
glúfosanáit; |
|
halocsafop-P; |
|
iomasamocs; |
|
iomasasulfúrón; |
|
iseaprótúrón; |
|
isipiorasam; |
|
lambda-ciahalaitrin; |
|
lionúrón; |
|
lúifeanúrón; |
|
meiceapróp; |
|
meitimil; |
|
meatsulfúrón-meitil; |
|
molanáit; |
|
míoclóbútainil; |
|
ocsaidhé-airgíl; |
|
ocsáidé-asón; |
|
peindémheatailin; |
|
próclóras; |
|
prófocsaidim; |
|
própacanasól; |
|
prósulfúrón; |
|
cuineocsaifein; |
|
cuisileafop-P (athraitheach cuisileafop-P-teafuiril); |
|
teiprealocsaidim; |
|
tiaclóiprid; |
|
trí-asulfúrón; |
|
trí-asocsaíd; |
|
varfairin. |