Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022D0252

    Cinneadh Cur Chun Feidhme (AE) 2022/252 ón gCoimisiún an 21 Feabhra 2022 lena leasaítear Cinneadh Cur Chun Feidhme (AE) 2020/1167 chun na ceanglais tástála a shonrú atá le cur i bhfeidhm maidir le mótar-ghineadóir éifeachtúil 48 Volta atá comhtháite sa chásáil tras-seolta agus atá cumaiscthe le tiontaire 48 Volta/DC 12 Volta/DC (Téacs atá ábhartha maidir le LEE)

    C/2022/943

    IO L 41, 22.2.2022, p. 33–35 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec_impl/2022/252/oj

    22.2.2022   

    GA

    Iris Oifigiúil an Aontais Eorpaigh

    L 41/33

    CINNEADH CUR CHUN FEIDHME (AE) 2022/252 ÓN gCOIMISIÚN

    an 21 Feabhra 2022

    lena leasaítear Cinneadh Cur Chun Feidhme (AE) 2020/1167 chun na ceanglais tástála a shonrú atá le cur i bhfeidhm maidir le mótar-ghineadóir éifeachtúil 48 Volta atá comhtháite sa chásáil tras-seolta agus atá cumaiscthe le tiontaire 48 Volta/DC 12 Volta/DC

    (Téacs atá ábhartha maidir le LEE)

    TÁ AN COIMISIÚN EORPACH,

    Ag féachaint don Chonradh ar Fheidhmiú an Aontais Eorpaigh,

    Ag féachaint do Rialachán (AE) 2019/631 ó Pharlaimint na hEorpa agus ón gComhairle an 17 Aibreán 2019 lena socraítear na caighdeáin feidhmíochta maidir le hastaíochtaí CO2 do ghluaisteáin nua paisinéirí agus d’fheithiclí tráchtála éadroma nua, agus lena n-aisghairtear Rialachán (CE) Uimh. 443/2009 agus Rialachán (AE) Uimh. 510/2011 (1), agus go háirithe Airteagal 11(4) de,

    De bharr an mhéid seo a leanas:

    (1)

    An 24 Bealtaine 2021, chuir an soláthróir ZF Friedrichshafen AG (“an tIarratasóir”) iarratas isteach ar fhormheas, mar theicneolaíocht nuálach, ar theicneolaíocht a úsáidtear i mótar-ghineadóir éifeachtúil 48 Volta le tiontaire 48 Volta/DC 12 Volta/DC lena úsáid i ngluaisteáin paisinéirí hibrideacha leictreacha agus feithiclí tráchtála éadroma le luchtú neamhsheachtrach (NOVC-HEVanna) áirithe.

    (2)

    Maidir leis an teicneolaíocht a úsáidtear i mótar-ghineadóirí 48 Volta éifeachtúla le tiontaire 48 Volta/DC 12 Volta/DC lena n-úsáid sa chineál céanna NOVC-HEVanna dá dtagraítear ag an Iarratasóir, tá sí formheasta mar theicneolaíocht nuálach de bhun Rialachán (AE) 2019/631 le Cinneadh Cur Chun Feidhme (AE) 2020/1167 ón gCoimisiún (2).

    (3)

    Is éard atá sa teicneolaíocht atá sonraithe ag an Iarratasóir ina iarratas mótar-ghineadóir atá ceangailte go díreach leis an seafta ionchuir tras-seolta, i.e. “gineadóir dúisire comhtháite”, rud a fhágann gur féidir na caillteanais mheicniúla a tharlaíonn idir an fhoinse tiomána agus an gineadóir a laghdú. Oibríonn sé i raon luais an innill dócháin inmheánaigh amháin.

    (4)

    Fuarthas go soláthraíonn an teicneolaíocht atá sonraithe ag an Iarratasóir leibhéal ard éifeachtúlachta, agus ba cheart a mheas go soláthraíonn sí an fheidhmiúlacht chéanna a formheasadh le Cinneadh Cur Chun Feidhme (AE) 2020/1167. Dá bhrí sin, ba cheart a mheas gur teicneolaíocht nuálach í ar féidir cód 32 na héiceanuálaíochta a chur i bhfeidhm maidir léi.

    (5)

    Tá feidhm ag an modheolaíocht tástála a leagtar amach i gCinneadh Cur Chun Feidhme (AE) 2020/1167, cé is moite de na minicíochtaí rothlacha agus minicíochtaí na bpointí oibriúcháin a úsáidfear chun éifeachtúlacht an mhótar-ghineadóra a thomhas, ar gá iad a oiriúnú i bhfianaise shaintréithe teicniúla sonracha na teicneolaíochta arna sonrú ag an Iarratasóir.

    (6)

    Dá bhrí sin, ba cheart an mhodheolaíocht tástála a leagtar amach san Iarscríbhinn a ghabhann le Cinneadh Cur Chun Feidhme (AE) 2020/1167 a mhodhnú dá réir,

    TAR ÉIS AN CINNEADH SEO A GHLACADH:

    Airteagal 1

    Leasaítear an Iarscríbhinn a ghabhann le Cinneadh Cur Chun Feidhme (AE) 2020/1167 i gcomhréir leis an Iarscríbhinn a ghabhann leis an gCinneadh seo.

    Airteagal 2

    Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

    Arna dhéanamh sa Bhruiséil, 21 Feabhra 2022.

    Thar ceann an Choimisiúin

    An tUachtarán

    Ursula VON DER LEYEN

    (1)  IO L 111, 25.4.2019, lch. 13.

    (2)  Cinneadh Cur Chun Feidhme (AE) 2020/1167 ón gCoimisiún an 6 Lúnasa 2020 maidir le formheas na teicneolaíochta a úsáidtear i mótar-ghineadóir éifeachtúil 48 Volta atá cumaiscthe le tiontaire 48 Volta/DC 12 Volta/DC lena húsáid i ngnáthinneall dócháin agus i ngluaisteáin paisinéirí hibrideacha leictreacha áirithe agus i bhfeithiclí tráchtála éadroma mar theicneolaíocht nuálach de bhun Rialachán (AE) 2019/631 ó Pharlaimint na hEorpa agus ón gComhairle (IO L 258, 7.8.2020, lch. 15).

    IARSCRÍBHINN

    Leasaítear an Iarscríbhinn a ghabhann le Cinneadh Cur Chun Feidhme (AE) 2020/1167 mar a leanas:

    (1)

    leasaítear pointe 2.1 mar a leanas:

    (a)

    cuirtear an méid seo a leanas in ionad an dara mír agus an tríú mír:

    “Cuirfidh an monaróir fianaise ar fáil don údarás cineálcheadaithe gur ionann raonta minicíochta an mhótar-ghineadóra 48V agus na raonta minicíochta atá leagtha amach i dTábla 1 nó i dTábla 1a nó go bhfuil siad coibhéiseach leis na raonta sin.

    Cinnfear éifeachtúlacht an mhótar-ghineadóra 48V ar bhonn na dtomhas ag gach ceann de na pointí oibriúcháin atá liostaithe i dTábla 1 nó i dTábla 1a.”

    (b)

    cuirtear an méid seo a leanas isteach mar chúigiú fomhír:

    “I gcás ina bhfuil an mótar-ghineadóir feistithe i ngluaisteáin paisinéirí nó i bhfeithiclí tráchtála éadroma a chomhlíonann na ceanglais a leagtar amach in Airteagal 1(a)(ii), agus i gcás ina bhfuil sé ceangailte go díreach leis an seafta ionchuir tras-seolta, i.e. mar ghineadóir dúisire comhtháite, socrófar na minicíochtaí rothlacha agus minicíochtaí na bpointí oibriúcháin i gcomhréir le Tábla 1a.”

    (c)

    cuirtear an Tábla 1a seo a leanas isteach i ndiaidh Thábla 1:

    “Tábla 1a

    Pointí oibriúcháin

    Pointe oibriúcháin

    i

    Am coinneála

    [s]

    Minicíocht rothlach

    ni [min-1]

    Minicíocht na bpointí oibriúcháin

    hi

    1

    1 200

    950

    0,30

    2

    1 200

    1 250

    0,50

    3

    600

    1 550

    0,16

    4

    300

    1 850

    0,04 ”
    Top