This document is an excerpt from the EUR-Lex website
Document 22022D2392
Decision No 1/2022 of the Trade Committee of 16 November 2022 modifying Appendix 1 to Annex XIII to the Trade Agreement between the European Union and its Member States, of the one part, and Colombia, Ecuador and Peru, of the other part [2022/2392]
Cinneadh Uimh. 1/2022 ón gCoiste um Thrádáil an 16 Samhain 2022 lena modhnaítear Foscríbhinn 1 a ghabhann le hIarscríbhinn XIII a ghabhann leis an gComhaontú Trádála idir an tAontas Eorpach agus a Bhallstáit, de pháirt, agus an Cholóim, Eacuadór agus Peiriú, den pháirt eile [2022/2392]
Cinneadh Uimh. 1/2022 ón gCoiste um Thrádáil an 16 Samhain 2022 lena modhnaítear Foscríbhinn 1 a ghabhann le hIarscríbhinn XIII a ghabhann leis an gComhaontú Trádála idir an tAontas Eorpach agus a Bhallstáit, de pháirt, agus an Cholóim, Eacuadór agus Peiriú, den pháirt eile [2022/2392]
C/2022/8017
IO L 316, 8.12.2022, p. 88–90
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
8.12.2022 |
GA |
Iris Oifigiúil an Aontais Eorpaigh |
L 316/88 |
CINNEADH Uimh. 1/2022 ÓN gCOISTE UM THRÁDÁIL
an 16 Samhain 2022
lena modhnaítear Foscríbhinn 1 a ghabhann le hIarscríbhinn XIII a ghabhann leis an gComhaontú Trádála idir an tAontas Eorpach agus a Bhallstáit, de pháirt, agus an Cholóim, Eacuadór agus Peiriú, den pháirt eile [2022/2392]
TÁ AN COISTE UM THRÁDÁIL,
Ag féachaint don Chomhaontú Trádála idir an tAontas Eorpach agus a Bhallstáit, de pháirt, agus an Cholóim, Eacuadór agus Peiriú, den pháirt eile, agus go háirithe Airteagal 13(1)(d) de,
De bharr an mhéid seo a leanas:
|
(1) |
An 21 Samhain 2017, chuir an Cholóim a hiarraidh faoi bhráid an Aontais chun tásc geografach nua a chur le Foscríbhinn 1 a ghabhann le hIarscríbhinn XIII a ghabhann leis an gComhaontú de bhun Airteagal 209 den Chomhaontú. Chuir an tAontas an nós imeachta agóide maidir le tásc geografach nua amháin de chuid na Colóime, agus an scrúdú air, i gcrích. |
|
(2) |
An 20 Deireadh Fómhair 2022, de bhun Airteagal 257(2) den Chomhaontú, i seisiún idir Páirtí an Aontais agus an Cholóim, rinne an Fochoiste um Maoin Intleachtúil measúnú ar an bhfaisnéis i ndáil leis an tásc geografach agus mhol sé don Choiste um Thrádáil Foscríbhinn 1 a ghabhann le hIarscríbhinn XIII a ghabhann leis an gComhaontú a mhodhnú. |
|
(3) |
Ba cheart, dá bhrí sin, Foscríbhinn 1 a ghabhann le hIarscríbhinn XIII a ghabhann leis an gComhaontú a mhodhnú. |
|
(4) |
An cinneadh maidir le Foscríbhinn 1 a ghabhann le hIarscríbhinn XIII a ghabhann leis an gComhaontú a mhodhnú, féadfar é a ghlacadh i seisiún den Choiste um Thrádáil idir Páirtí an Aontais agus an Cholóim, de bhun Airteagal 14(3) den Chomhaontú Trádála, ós rud é go mbaineann sé go heisiach leis an gcaidreamh déthaobhach eatarthu agus nach ndéanann sé difear do chearta ná d’oibleagáidí Tíre sínithe eile de chuid na nAindéas, |
TAR ÉIS A CHINNEADH MAR A LEANAS:
Airteagal 1
Sa tábla faoi phointe (a) “Tásca Geografacha na Colóime maidir le táirgí talmhaíochta agus táirgí bia, fíonta, deochanna biotáilleacha agus fíonta cumhraithe” i bhFoscríbhinn 1 a ghabhann le hIarscríbhinn XIII a ghabhann leis an gComhaontú, cuirtear an iontráil san Iarscríbhinn a ghabhann leis an gCinneadh seo isteach.
Airteagal 2
Ionadaithe an Choiste um Thrádáil, ar ionadaithe iad atá údaraithe gníomhú thar ceann na bPáirtithe chun an Comhaontú a mhodhnú, déanfaidh siad an Cinneadh seo, arna dhéanamh i ndúblach, a shíniú. Beidh feidhm ag an gCinneadh seo ón dáta is déanaí de na sínithe sin.
Tiocfaidh an Cinneadh seo i bhfeidhm lá a ghlactha.
Arna dhéanamh in Quito, an 16 Samhain 2022.
Thar cheann an Choiste um Thrádáil
Ceann thoscaireacht an Aontais Eorpaigh
Paolo GARZOTTI
Ceann thoscaireacht na Colóime
Luis Felipe QUINTERO
IARSCRÍBHINN
|
|||
|
BOCADILLO VELEÑO |
Leafaos torthaí |
||