Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013R1407

Riail de minimis — méideanna beaga Státchabhrach a dhíolmhú ó fhógra a thabhairt ina leith

Stádas dlíthiúil an doiciméid Tá an achoimre seo curtha sa chartlann agus ní dhéanfar nuashonrú uirthi, toisc nach bhfuil an doiciméad a bhfuil sí ina hachoimre air i bhfeidhm a thuilleadh, é sin nó toisc nach léiriú ar chúrsaí mar atá i láthair na huaire í.

Dáta an athbhreithnithe dheireanaigh:
23/09/2021
Dáta a céadchruthaíodh:
28/07/2014
Doiciméid achoimrithe:
Údar:
Oifig Foilseachán an Aontais Eorpaigh
Eintiteas/is atá freagrach:
Ard-Stiúrthóireacht na hIomaíochta
  • Cartlannaithe: true

    • Riail de minimis — méideanna beaga Státchabhrach a dhíolmhú ó fhógra a thabhairt ina leith

     

    ACHOIMRE AR:

    Rialachán (AE) Uimh. 1407/2013 maidir le cabhair de minimis

    CAD IS AIDHM LEIS AN RIALACHÁN?

    Rialaítear leis méideanna beaga Státchabhrach (cabhair de minimis) atá díolmhaithe ó rialú Státchabhrach toisc go meastar nach bhfuil aon tionchar acu ar an iomaíocht ná ar an trádáil i margadh inmheánach an Aontais Eorpaigh (AE).

    Tagraíonn cabhair de minimis go deimhin do mhéideanna beaga Státchabhrach do ghnóthais (cuideachtaí) nach gcaithfidh Ballstáit AE fógra a thabhairt don Choimisiún Eorpach ina leith. Is é EUR 200 000 an uasteorainn in aghaidh an ghnóthais thar thréimhse 3 bliana.

    PRÍOMHPHOINTÍ

    Is ionann maoiniú Stáit, lena gcomhlíontar na critéir in Airteagal 107(1) den Chonradh ar Fheidhmiú an Aontais Eorpaigh (CFAE), agus Státchabhair agus ní mór fógra a thabhairt ina leith don Choimisiún de bhua Airteagal 108(3) CFAE. Féadfaidh Comhairle an Aontais Eorpaigh, áfach, a chinneadh go bhfuil catagóirí Státchabhrach díolmhaithe ón gceanglas sin um fhógra a thabhairt agus féadfaidh an Coimisiún rialacháin a ghlacadh a bhaineann leis na catagóirí Státchabhrach sin. D’fhéadfadh cabhair de minimis a bheith mar cheann de na catagóirí sin agus dá réir sin bheadh sí díolmhaithe ón nós imeachta um fhógra a thabhairt.

    Sa bhliain 2006, ghlac an Coimisiún rialachán de minimis (Rialachán (CE) Uimh. 1998/2006) a bhí bailí le haghaidh 2007–2013. Méadaíodh faoi dhó leis an uasteorainn do mhéideanna cabhrach atá díolmhaithe ó EUR 100,000 go EUR 200,000 in aghaidh na cuideachta thar thréimhse 3 bliana. Tugadh cuntas leis an méadú sin ar fhorás an bhoilscithe agus na holltáirgeachta intíre in AE suas go dtí 2006, agus ar an dóigh a bhféadfadh athrú teacht ar na tosca sin sa tréimhse 2007–2013 freisin. Bhí fíorbhoilsciú na bliana 2006 i bhfad níos ísle ná mar a bhíothas ag súil leis de dheasca na géarchéime airgeadais. Ar na forais sin, níorbh éigean an uasteorainn a mhéadú arís eile.

    Le Rialachán (AE) Uimh. 1407/2013, lena leasaítear Rialachán (CE) Uimh. 1998/2006 agus a thagann in ionad an rialacháin sin, déantar an chaoi a gcaitear le bearta um Státchabhair bheag a shimpliú tuilleadh. Go sonrach, ní eisiaitear cuideachtaí atá i gcruachás airgeadais ó raon feidhme an rialacháin a thuilleadh agus mar sin beidh siad in ann cabhair de minimis a fháil.

    Ina theannta sin, in Airteagal 2.2, déantar an sainmhíniú ar cad is “gnóthas” ann a shimpliú agus a shoiléiriú.

    Thairis sin, i measc rialacha eile in Airteagal 4, féadfaidh iasachtaí fóirdheontais ar luach suas le EUR 1 mhilliún tairbhe a bhaint as an rialachán de minimis chomh maith má chomhlíontar coinníollacha áirithe.

    CÉN UAIR ATÁ TOSACH FEIDHME AN RIALACHÁIN?

    Tá sé i bhfeidhm ón 1 Eanáir 2014 agus beidh sé i bhfeidhm go dtí an 31 Nollaig 2023.

    PRÍOMHDHOICIMÉAD

    Rialachán (AE) Uimh. 1407/2013 ón gCoimisiún an 18 Nollaig 2013 maidir le cur i bhfeidhm Airteagal 107 agus Airteagal 108 den Chonradh ar Fheidhmiú an Aontais Eorpaigh ar chabhair de minimis (IO L 352, 24.12.2013, lgh. 1–8).

    Rinneadh leasuithe comhleanúnacha ar Rialachán (AE) Uimh. 1407/2013 ón gCoimisiún a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

    Nuashonraithe 23.09.2021

    Barr