Cúnamh macrairgeadais don Mhacadóin Thuaidh

PRÍOMHPHOINTÍ

Maidir leis an gCoimisiún Eorpach:

• faigheann sé na cistí ar iasacht ar mhargaí caipitil nó ó institiúidí airgeadais agus tugann sé ar iasacht iad, ar na téarmaí céanna le haibíocht 15 bliana ar an meán, don Mhacadóin Thuaidh;
• féadfaidh sé, ag brath ar na cúinsí, glacadh le haisíocaíocht luath agus le ráta úis feabhsaithe, má iarrann an Mhacadóin Thuaidh amhlaidh;
• déanann sé na hiasachtaí atá ar fáil a laghdú, a chur ar fionraí nó a athdhíol má bhíonn riachtanais airgeadais na Macadóine Thuaidh níos lú ná mar a rabhthas ag súil leis;
• déanann sé bainistíocht ar an gcúnamh marcairgeadais i gcomhréir leis na comhaontuithe nó na dearbhuithe idir an Ciste Airgeadaíochta Idirnáisiúnta (CAI) agus an Mhacadóin Thuaidh, agus leis na príomhphrionsabail agus na cuspóirí athchóirithe eacnamaíoch sa chomhaontú cobhsaíochta agus comhlachais (féach an achoimre);
• cuireann sé Parlaimint na hEorpa agus Comhairle an Aontais Eorpaigh ar an eolas ar bhonn rialta maidir le forbairtí sa phacáiste iasachtaí;
• déanann sé dlúthfhaireachán féachaint an gcloíonn an Mhacadóin Thuaidh leis na ceanglais éagsúla a ghabhann leis an gcúnamh airgeadais;
• déanann sé dlúthchomhordú le CAI, leis an mBanc Domhanda agus, nuair is gá, le Parlaimint na hEorpa agus leis an gComhairle;
• tuairiscíonn sé ar bhonn bhliantúil do Pharlaimint na hEorpa agus don Chomhairle faoin 30 Meitheamh maidir le forbairtí na bliana roimhe sin.

Maidir leis an Macadóin Thuaidh:

• ní mór di caighdeáin dhaonlathacha a urramú amhail córas parlaiminteach tríú páirtí, an smacht reachta agus meas ar chearta an duine mar réamhchoinníoll nach mór cloí leis maidir leis na hiasachtaí;
• déanann sí comhaontú leis an gCoimisiún maidir le beartas eacnamaíoch agus dálaí airgeadais, ag cloí leis an amlíne, ag díriú ar athchóirithe struchtúracha agus ar airgeadas poiblí fónta chun feabhas a chur ar an méid seo a leanas:
  • éifeachtúlacht, trédhearcacht agus cuntasacht na gcóras bainistíochta airgeadais phoiblí,
  • dul chun cinn maidir le margaí a oscailt, trádáil chóir bunaithe ar rialacha a fhorbairt, agus tosaíochtaí eile bheartas seachtrach an Aontais.

Maidir leis na hiasachtaí:

• tá siad ar fáil ar feadh 2.5 bliain;
• déantar iad a íoc amach in dhá thráthchuid chothroma, agus ní íoctar an dara tráthchuid, i bprionsabal, tráth níos luaithe ná 3 mhí i ndiaidh na chéad ráithe;
• braitheann siad ar na coinníollacha seo a leanas:
  • meas ar luachanna daonlathacha,
  • cuntas teiste leanúnach sásaimh maidir le cur chun feidhme,
  • cur i bhfeidhm an bheartais eacnamaíoch agus na gcoinníollacha airgeadais a comhaontaíodh;
• tá faoi réir seiceálacha rialta ag an Aontas Eorpach (go háirithe an Coimisiún, Cúirt Iniúchóirí na hEorpa agus an Oifig Eorpach Frith–Chalaoise) agus ag an Macadóin Thuaidh chun calaois agus neamhrialtachtaí airgeadais a chosc.