Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52017DC0713

Todhchaí an chomhbheartais talmhaíochta (CBT)

Dáta an athbhreithnithe dheireanaigh:
14/03/2018
Dáta a céadchruthaíodh:
29/06/2018
Doiciméid achoimrithe:
Údar:
Oifig Foilseachán an Aontais Eorpaigh
Eintiteas/is atá freagrach:
Ard-Stiúrthóireacht na Talmhaíochta agus na Forbartha Tuaithe

Todhchaí an chomhbheartais talmhaíochta (CBT)

ACHOIMRE AR:

Cumarsáid (COM(2017) 713 críochnaitheach) — Todhchaí an Bhia agus na Feirmeoireachta

Airteagal 39 den Chonradh ar Fheidhmiú an Aontais Eorpaigh (CFAE)

Airteagal 40 den Chonradh ar Fheidhmiú an Aontais Eorpaigh (CFAE)

CAD IS AIDHM LEIS AN GCUMARSÁID AGUS LE HAIRTEAGAL 39 AGUS AIRTEAGAL 40 DEN CFAE?

Tá sé d’aidhm ag an gcumarsáid:

  • díospóireacht fhadréimseach a spreagadh ar bhealaí chun an gcomhbheartas talmhaíochta (CBT) a shimpliú agus a nuachóiriú tar éis 2020.
  • béim a chur ar an ngá le rialacha níos simplí, solúbthacht níos mó agus rannchuidiú níos láidre, i dteannta le beartais eile AE, maidir le dul i ngleic leis na dúshláin shocheacnamaíocha a bhíonn i gceist de bharr athrú aeráide, chosaint an chomhshaoil agus feirmeoireacht inbhuanaithe.

In Airteagal 39 de CFAE leagtar amach cuspóirí CBT a bhfuil sé d’aidhm acu:

  • táirgiúlacht na talmhaíochta a mhéadú trí dhul chun cinn teicniúil a chur chun cinn agus trí fhorbairt réasúnach na táirgeachta talmhaíochta a áirithiú agus trína chinntiú go n–úsáidfear na tosca táirgthe ar an mbealach is fearr is féidir, go háirithe an lucht saothair;
  • caighdeán cothrom maireachtála a áirithiú d’fheirmeoirí;
  • margaí a chobhsú;
  • a chinntiú go mbíonn soláthairtí ar fáil;
  • a áirithiú go bhfaigheann tomhaltóirí soláthairtí ar phraghsanna réasúnta.

In Airteagal 40 de CFAE tugtar isteach comheagrú na margaí talmhaíochta d’fhonn cuspóirí CBT a bhaint amach. Ag brath ar an táirge lena mbaineann, is féidir roinnt foirmeacha a bheith i gceist leis an gcomheagrú sin:

PRÍOMHPHOINTÍ

Léirítear smaointí sa chumarsáid maidir le todhchaí an bhia agus na feirmeoireachta, amhail an méid a leanas:

  • Bogfaidh AE ar aghaidh ón gcur chuige “oiriúnach do chách” atá ann faoi láthair. Mar mhalairt air sin, leagtar amach cuspóirí ginearálta beartais AE inti, fad is a chinnfidh tíortha aonair AE na spriocanna sainiúla a bheidh i gceist agus conas iad a bhaint amach.
  • Seachas béim a leagan ar chomhlíonadh, tabharfar aird ar a áirithiú go mbeidh maoiniú dírithe ar thorthaí.
  • Déanann gach tír plean straitéiseach CBT a dhréachtú, plean a ndéanann an Coimisiún Eorpach a fhaomhadh chun comhleanúnachas beartais ar fud an AE a áirithiú.
  • Ba cheart na rialacha atá ann cheana a dhéanamh níos simplí agus maorlathas a laghdú.
  • Leanfar le tacaíocht a chur ar fáil d’fheirmeoirí trí chóras na n–íocaíochtaí díreacha, ach déanfar iad a dháileadh ar bhealach níos cothroime agus beidh siad spriocdhírithe níos fearr.

Ba cheart go mbeadh an méid a leanas i gceist le CBT amach anseo:

  • feirmeoireacht chliste1 agus sheasmhach2, agus slándáil an tsoláthair bhia a áirithiú trí úsáid níos mó a bhaint as teicneolaíochtaí nua-aoiseacha;
  • treisiú a dhéanamh ar spriocanna comhshaoil, éifeachtúlachta acmhainní agus aeráide níos leithne AE agus rannchuidiú ina leith;
  • tacú leis an saol sóisialta agus eacnamaíoch i gceantair thuaithe trí phoist a chur ar fáil, feirmeoirí nua a mhealladh chuig an ngairm bheatha agus údaráis áitiúla agus gníomhaireachtaí a spreagadh chun acmhainneacht ceantair a fhorbairt go hiomlán;
  • a áirithiú go mbeidh rochtain ag pobal na hEorpa ar raon bia atá sábháilte, de dhea-cháilíocht, ar phraghas réasúnta agus scamhardach.

I measc na smaointí eile tá:

  • tacaíocht do Shráidbhailte Cliste chun naisc leathanbhanda agus poist inbhuanaithe agus de dhea-cháilíocht a fhorbairt;
  • tacaíocht airgeadais ar fud an AE chun cabhrú le feirmeoirí nua lena gcostais chaipitil tosaigh agus ioncam neamhchinnte;
  • seirbhísí comhairleacha a fheabhsú agus eolas agus nuálaíocht a chur chun cinn sa talmhaíocht agus i gceantair thuaithe;
  • gealltanais go n–áiritheofaí leis an CBT nuachóirithe go ndéanfaí rannchuidiú le spriocanna um fhorbairt inbhuanaithe na Náisiún Aontaithe, léirscaoileadh trádála a chur chun cinn agus iarrachtaí chun dul i ngleic le príomhchúiseanna na himirce, go háirithe ón Afraic.

CÚLRA

Is é CBT comhbheartas is sine AE. Ó 1962, rinneadh athchóiriú air roinnt uaireanta chun é a oiriúnú do dhúshláin nua agus do thimpeallachtaí atá ag athrú san Eoraip agus ar fud an domhain.

Chuir an Coimisiún tús le comhairliúchán poiblí maidir le todhchaí CBT i bhFeabhra 2017. Fuair sé breis agus 320 000 freagra air laistigh de thréimhse comhairliúcháin 3 mhí. Léiríodh iontu sin gur tacaíodh go láidir leis an mbeartas, ach ba léir freisin gur mian le freagróirí go mbeadh sé níos simplí, níos solúbtha, agus dírithe níos mó ar ioncam cothrom a áirithiú d’fheirmeoirí, mar aon le dul i ngleic le dúshláin chomhshaoil agus aeráide.

Ba mhian leis an gCoimisiún dréachtreachtaíocht a thabhairt isteach chun CBT a nua-aoisiú sa chéad leath de 2018, tar éis dó a thograí buiséid ilbhliantúil maidir le caiteachas AE ó 2020 ar aghaidh a chur i láthair.

Le haghaidh tuilleadh faisnéise, féach:

PRÍOMHTHÉARMAÍ

  1. Feirmeoireacht chliste: a áirithiú go bhfuil earnáil talmhaíochta AE réidh chun plé leis na saincheisteanna atá os a comhair trí oideachas, taighde agus nuálaíocht.
  2. Feirmeoireacht sheasmhach: a áirithiú go bhfuil an earnáil feirmeoireachta in ann oiriúnú do chúinsí agus dúshláin atá ag athrú agus a croí-fheidhmeanna a choinneáil mar atá, lena n–áirítear a cuid earraí agus seirbhísí riachtanacha a sholáthar.

PRÍOMHDHOICIMÉAD

Teachtaireacht ó gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún — Todhchaí an Bhia agus na Feirmeoireachta (COM(2017) 713 críochnaitheach, )

Leagan comhdhlúite den Chonradh ar Fheidhmiú an Aontais Eorpaigh — Cuid a Trí — Beartais agus gníomhaíochtaí inmheánacha an Aontais — Teideal III — Talmhaíocht agus iascaigh — Airteagal 39 (iar-Airteagal 33 CCE) (IO C 202, , lgh. 62-63)

Leagan comhdhlúite den Chonradh ar Fheidhmiú an Aontais Eorpaigh — Cuid a Trí — Beartais agus gníomhaíochtaí inmheánacha an Aontais — Teideal III — Talmhaíocht agus iascaigh — Airteagal 40 (iar-Airteagal 34 CCE) (IO C 202, , lgh. 63-64)

nuashonrú is deireanaí

Barr