(i)

comhar agus comhoibriú idir údaráis réigiúnacha agus náisiúnta, eagraíochtaí oideachais agus eagraíochtaí oiliúna agus;

(ii)

idirphlé sóisialta earnála agus trastionscail (ba cheart eagraíochtaí a dhéanann ionadaíocht ar oibrithe agus ar fhostóirí ón earnáil phríobháideach agus ón earnáil phoiblí, fiontair bheaga agus mheánmhéide (FBManna), agus foireann ghairmiúil agus bainistíochta a bheith rannpháirteach san idirphlé sóisialta sin).

(a)

cur ar a gcumas do dhaoine aonair an t-eolas, na scileanna agus na hinniúlachtaí is gá a fháil, a thabhairt cothrom le dáta agus a fheabhsú ionas go mbeidh rath orthu i margadh saothair agus i sochaí atá ag síorathrú, chun tairbhe iomlán a bhaint as téarnamh atá cothrom go sóisialta agus as aistrithe córa chuig an ngeilleagar glas agus chuig an ngeilleagar digiteach, agus ionas go mbeidh siad níos ullmhaithe chun dul i ngleic le dúshláin atá ann faoi láthair agus a bheidh ann amach anseo;

(b)

tacú le hullmhacht sholáthraithe na micridhintiúr chun feabhas a chur ar cháilíocht, trédhearcacht, inrochtaineacht agus solúbthacht an tsoláthair foghlama chun daoine aonair a chumhachtú le conairí pearsantaithe foghlama agus gairme a chothú;

(c)

an chuimsitheacht, inrochtaineacht agus comhionannas deiseanna a chothú, agus rannchuidiú leis an athléimneacht, leis an gcothroime shóisialta agus leis an rathúnas a bhaint amach do chách, i gcomhthéacs athruithe déimeagrafacha agus athruithe sa tsochaí agus le linn gach céime de thimthriallta eacnamaíocha.

(a)

Ciallaíonn “micridhintiúr” taifead na dtorthaí foghlama a fhaigheann foghlaimeoir tar éis méid beag foghlama. Beidh measúnú déanta ar na torthaí foghlama de réir caighdeáin thrédhearcacha atá sainithe go soiléir. Tá eispéiris foghlama ann a mbronntar micridhintiúir ina leith ceaptha chun eolas sonrach agus scileanna agus inniúlachtaí sonracha a fhreagraíonn ar riachtanais shochaíocha, phearsanta, chultúrtha nó an mhargaidh saothair a sholáthar don fhoghlaimeoir. Is leis an bhfoghlaimeoir na micridhintiúir, is féidir iad a roinnt agus tá siad inaistrithe. Féadfaidh siad a bheith ina micridhintiúir iontu féin nó féadfar iad a thabhairt le chéile i ndintiúir níos mó. Tá dearbhú cáilíochta mar bhonn taca leo i gcomhréir le caighdeáin arna gcomhaontú san earnáil nó sa réimse gníomhaíochta ábhartha.

(b)

Ciallaíonn “soláthraithe micridhintiúr” institiúidí agus eagraíochtaí oideachais agus oiliúna, comhpháirtithe sóisialta (i.e. eagraíochtaí a dhéanann ionadaíocht d’oibrithe agus d’fhostóirí), fostóirí agus earnáil na tionsclaíochta, eagraíochtaí na sochaí sibhialta, seirbhísí poiblí fostaíochta (SPF), mar aon le húdaráis réigiúnacha agus náisiúnta, agus gníomhaithe eile a dhearann, a sholáthraíonn agus a eisíonn micridhintiúir le haghaidh na foghlama foirmiúla, seachfhoirmiúla agus neamhfhoirmiúla. Tá an méid sin gan dochar don reachtaíocht réigiúnach agus náisiúnta agus do na himthosca réigiúnacha agus náisiúnta.

(c)

Ciallaíonn “suíomhanna foghlama” na háiteanna, na comhthéacsanna fisiceacha, ar líne, cumaisc (21), fíorúla agus digiteacha agus na cultúir éagsúla ina bhfoghlaimíonn daoine, lena gcuimsítear gach suíomh ina bhféadfaidh foghlaim fhoirmiúil, sheachfhoirmiúil agus neamhfhoirmiúil tarlú.

(d)

Ciallaíonn “foghlaim fhoirmiúil” foghlaim a bhíonn ar siúl i dtimpeallacht eagraithe agus struchtúrtha, atá dírithe go sonrach ar an bhfoghlaim, agus bronntar cáilíocht mar thoradh uirthi go hiondúil, agus bíonn an cháilíocht sin i bhfoirm teastais nó dioplóma de ghnáth; áirítear leis an bhfoghlaim fhoirmiúil oideachas ginearálta, gairmoiliúint tosaigh, leanúnach, agus threasach, agus ardoideachas (22).

(e)

Ciallaíonn “foghlaim sheachfhoirmiúil” foghlaim a bhíonn ar siúl lasmuigh den oideachas agus den oiliúint fhoirmiúil trí ghníomhaíochtaí pleanáilte i dtéarmaí cuspóirí foghlama agus ama foghlama agus i gcás ina mbíonn cineál éigin tacaíochta foghlama ann (23).

(f)

Ciallaíonn “foghlaim neamhfhoirmiúil” foghlaim a eascraíonn as gníomhaíochtaí agus eispéiris laethúla nach bhfuil eagraithe ná struchtúraithe i dtéarmaí cuspóirí, ama nó tacaíochta foghlama; d’fhéadfadh sé a bheith neamhbheartaithe ó thaobh an fhoghlaimeora de (24). Ní chruthaíonn sin micridhintiúr go huathoibríoch ach is féidir é a mheas i gcomhthéacs socruithe bailíochtaithe a d’fhéadfadh torthaí foghlama an duine aonair a shainaithint, a dhoiciméadú, a mheasúnú agus/nó a dheimhniú.

(g)

Ciallaíonn “inaistritheacht” cumas sealbhóra dintiúir a mhicridhintiúir a stóráil ina rogha córais féin agus an dintiúr a roinnt lena rogha páirtí féin (bíodh sé náisiúnta nó trasnáisiúnta), agus go bhfuil gach páirtí sa mhalartú in ann ábhar na ndintiúr a thuiscint agus barántúlacht na ndintiúr a fhíorú. Ar an gcaoi sin, is féidir inaistritheacht a bheith ann idir na hearnálacha oideachais agus oiliúna agus laistigh díobh, i margadh an tsaothair agus i dtíortha éagsúla.

(h)

Ciallaíonn “inchruachtacht” an fhéidearthacht micridhintiúir éagsúla a chur le chéile agus tógáil go loighciúil ar a chéile. Is faoin eagraíocht is faighteoir (e.g. institiúidí oideachais agus oiliúna, fostóirí, etc.) atá sé cinntí a dhéanamh maidir le dintiúir a “chruachadh” nó a chomhcheangal i gcomhréir le cleachtais na heagraíochta agus ba cheart do na cinntí tacú le spriocanna agus le riachtanais an fhoghlaimeora. Ní chruthaíonn cruachadh teidlíocht uathoibríoch ar cháilíocht ná ar chéim. Is iad na húdaráis nó na hinstitiúidí réigiúnacha agus náisiúnta a dhéanann na cinntí sin i gcomhréir lena bpróisis dámhachtana.

(i)

Ciallaíonn “measúnú” an próiseas nó an modh a úsáidtear chun meastóireacht a dhéanamh ar na torthaí foghlama a fhaigheann daoine trí shuíomhanna foirmiúla, seachfhoirmiúla agus neamhfhoirmiúla, agus chun na scileanna sin a thomhas agus tuairisc a thabhairt orthu. Is é an soláthraí nó soláthraithe measúnaithe aitheanta eile a dhéanfaidh an measúnú.

(a)

an sainmhíniú ar mhicridhintiúir a leagtar amach i mír 5(a);

(b)

na heilimintí caighdeánacha Eorpacha le haghaidh tuairisc a thabhairt ar mhicridhintiúr (mar a thuairiscítear orthu in Iarscríbhinn I), lena n-áirítear na heilimintí sainordaitheacha seo a leanas:

(c)

na prionsabail Eorpacha maidir le micridhintiúir a dhearadh agus a eisiúint (mar a thuairiscítear orthu in Iarscríbhinn II).

(a)

tacú le hiniúchadh na n-institiúidí ardoideachais ar ról na micridhintiúr chun deiseanna foghlama a thabhairt d’fhoghlaimeoirí éagsúla, go háirithe trí ghníomhaíochtaí foghlama ar feadh an tsaoil atá tarraingteach, inrochtana, cuimsitheach agus dírithe ar an bhfoghlaimeoir a leathnú, lena n-áirítear trí ghníomhaíochtaí chomhghuaillíochtaí na “Ollscoileanna Eorpacha” (25), i gcás inarb infheidhme;

(b)

tacú leis na hinstitiúidí gairmoideachais agus gairmoiliúna, agus le soláthraithe eile gairmoideachais agus gairmoiliúna, iniúchadh a dhéanamh ar ról na micridhintiúr sa tacaíocht a thugtar don ghairmoideachas agus don ghairmoiliúint leanúnach chun tacú le huas-sciliú agus le hathsciliú daoine fásta, lena n-áirítear trí ghníomhaíochtaí na nIonad Barr Feabhais Gairme VET, i gcás inarb infheidhme;

(c)

a marana a dhéanamh maidir le cistiú poiblí a chur ar fáil de réir dála gach Ballstáit, chun imeachtaí beaga oideachais agus oiliúna a mbronntar micridhintiúir ina leith a fhorbairt agus a sholáthar ar gach leibhéal oideachais agus oiliúna, agus an neamhspleáchas institiúideach á chur san áireamh chun go mbeidh an éagsúlacht agus an chruthaitheacht ann.

(a)

tacú le dearadh agus le heisiúint micridhintiúr ag soláthraithe seachas na soláthraithe a luaitear faoi mhír 7 (d’fhéadfaí a áireamh ar na soláthraithe sin: cuideachtaí, comhpháirtithe sóisialta, eagraíochtaí na sochaí sibhialta, údaráis áitiúla, ionaid phobail, comhlachais ghairmiúla, eagraíochtaí taighde agus nuálaíochta agus soláthraithe príobháideacha), lena n-áirítear éagsúlacht na bhfoinsí maoinithe a chur chun cinn;

(b)

forbairt na micridhintiúr a dhearann agus a chomhaontaíonn ionadaithe na bhfostóirí agus na n-oibrithe a chur chun cinn trí idirphlé sóisialta, i gcás inarb iomchuí;

(c)

a marana a dhéanamh ar nósanna imeachta maidir leis an réamhfhoghlaim a aithint agus maidir leis an bhfoghlaim sheachfhoirmiúil agus neamhfhoirmiúil a bhailíochtú, na nósanna sin a oiriúnú chun go bhféadfar micridhintiúir a dhámhachtain.

(a)

sásraí dearbhaithe cáilíochta a chur i bhfeidhm, a oiriúnú agus a fhorbairt do mhicridhintiúir arna n-eisiúint ag cineálacha éagsúla soláthraithe, agus úsáid á baint as na sásraí atá ann cheana, nuair is féidir (féach Iarscríbhinn 2);

(b)

tacú le córais “faisnéise scileanna” a úsáid chun anailís a dhéanamh ar riachtanais an mhargaidh saothair agus ar athruithe déimeagrafacha ionas gur féidir leo a shainaithint an gá micridhintiúir a fhorbairt nó a thabhairt cothrom le dáta;

(c)

soláthraithe a spreagadh chun catalóga na micridhintiúr a sholáthraíonn siad a fhoilsiú, lena n-áirítear, i gcás inarb ábhartha, a mbeartas maidir le haitheantas a thabhairt do mhicridhintiúir a eisíonn soláthraithe eile;

(d)

micridhintiúir a chomhtháthú i gcreataí agus i gcórais náisiúnta cáilíochtaí. Is iad na húdaráis nó na hinstitiúidí náisiúnta a dhéanann na cinntí maidir le micridhintiúir a chomhtháthú i gcreataí nó i gcórais réigiúnacha agus náisiúnta i gcomhréir leis na himthosca náisiúnta.

(i)

institiúidí oideachais agus oiliúna;

(ii)

comhpháirtithe sóisialta;

(iii)

fostóirí agus earnáil na tionsclaíochta;

(iv)

eagraíochtaí taighde agus nuálaíochta;

(v)

eagraíochtaí na sochaí sibhialta;

(vi)

seirbhísí fostaíochta agus seirbhísí cuimsithe shóisialta agus;

(vii)

údaráis áitiúla, réigiúnacha agus náisiúnta.

(a)

cuimsiú tairiscintí oideachais agus oiliúna a spreagadh as a dtagann micridhintiúir i gcatalóg deiseanna oideachais agus oiliúna atá ar fáil;

(b)

micridhintiúir a úsáid chun feabhas a chur ar rochtain ar oideachas agus ar oiliúint le haghaidh gach foghlaimeora, lena n-áirítear grúpaí faoi mhíbhuntáiste agus grúpaí leochaileacha (amhail daoine faoi mhíchumas, daoine scothaosta, daoine ar bheagán cáilíochtaí/scileanna, mionlaigh, daoine de bhunadh imirceach, dídeanaithe agus daoine ar lú na deiseanna atá acu mar gheall ar a suíomh geografach agus/nó iad a bheith faoi mhíbhuntáiste socheacnamaíoch), i gcás inarb iomchuí;

(c)

micridhintiúir a úsáid chun tacú le conairí solúbtha foghlama agus an t-aistriú ón meánoideachas sinsearach nó ón ngairmoideachas tríú leibhéal go dtí an t-oideachas treasach agus oideachas aosach i gcás inarb ábhartha;

(d)

micridhintiúir a úsáid ar féidir iad a chomhtháthú i gcláir chéime nó a chomhlánú, i gcás inarb ábhartha;

(e)

micridhintiúir a úsáid mar mhodh eile chun feabhas a chur ar scileanna agus inniúlachtaí digiteacha bunúsacha agus ar ardscileanna agus ar ardinniúlachtaí digiteacha le haghaidh raon níos leithne foghlaimeoirí, i gcomhréir leis an bPlean Gníomhaíochta don Oideachas Digiteach agus le Plean Gníomhaíochta um Cholún Eorpach na gCeart Sóisialta;

(f)

micridhintiúir a úsáid chun tacú leis an aistriú glas agus leis an bhforbairt inbhuanaithe mar chuid de chur chun feidhme náisiúnta an Mholta ón gComhairle maidir leis an bhfoghlaim don aistriú glas agus don fhorbairt inbhuanaithe;

(g)

an úsáid a bhaineann institiúidí oideachais agus oiliúna agus soláthraithe eile – i gcomhar leis an éiceachóras eolais agus nuálaíochta máguaird – as micridhintiúir a chur chun cinn chun borradh a chur faoi ábharthacht na micridhintiúr agus tionchar féideartha dearfach na micridhintiúr ar an ngeilleagar ar an leibhéal áitiúil agus réigiúnach;

(h)

an tuiscint ar mhicridhintiúir agus an úsáid a bhaintear astu a chur chun cinn trí bhíthin forbairt ghairmiúil leanúnach le haghaidh múinteoirí agus oiliúnóirí, treoirchomhairleoirí (e.g. i gcomhthéacs Acadaimh Múinteoirí Erasmus+), chomh maith le hacadóirí, taighdeoirí, agus foireann ghaolmhar eile;

(i)

an úsáid a bhaintear as micridhintiúir chun na torthaí taighde is déanaí a aistriú go pras ina ndeiseanna foghlama a chur chun cinn, rud a neartaíonn sineirgí idir an Limistéar Eorpach Oideachas agus an Limistéar Eorpach Taighde;

(j)

iniúchadh a dhéanamh ar an úsáid a bhaintear as micridhintiúir sa Limistéar Eorpach Oideachais chun dul i ngleic le steiréitíopaí inscne agus le steiréitíopaí idirdhealaitheacha eile a bhaineann le roghanna staidéir agus laistigh de chleachtais agus d’ábhair oideachais.

(a)

micridhintiúir a úsáid, mar is ábhartha, chun:

(b)

lena n-áirítear oiliúint a mbronntar micridhintiúir ina leith as a dtagann deiseanna oiliúna aitheanta a d’fhéadfadh a bheith nasctha le cuntais foghlama aonair, ach a bheith ann dá leithéidí, agus le córais eile le haghaidh na tacaíochta oiliúna;

(c)

an úsáid a bhaintear as micridhintiúir mar mhodh chun scileanna na n-oibrithe féinfhostaithe agus neamhchaighdeánacha, lena n-áirítear daoine a oibríonn trí ardáin agus FBManna a thabhairt cothrom le dáta agus a uasghrádú, a chur chun cinn;

(d)

iniúchadh a dhéanamh ar an úsáid a bhaintear as micridhintiúir i dtionscnaimh spriocdhírithe chun tacú le grúpaí faoi mhíbhuntáiste agus le grúpaí leochaileacha agus iad a spreagadh (amhail faighteoirí ioncaim íosta, iad siúd atá faoi mhíchumas, daoine atá dífhostaithe go fadtéarmach agus daoine ar bheagán cáilíochtaí) le filleadh ar an margadh saothair nó fanacht ag obair;

(e)

iniúchadh a dhéanamh ar ról na micridhintiúr laistigh de chórais chun leagan treisithe de Ráthaíocht don Aos Óg a chur chun feidhme chun tacú le daoine óga, go háirithe in oiliúint ullmhúcháin agus i soláthairtí maithe oideachais leanúnaigh nó oiliúna leanúnaí;

(f)

iniúchadh a dhéanamh ar ról na micridhintiúr mar chuid de chur chun feidhme náisiúnta an Mholta maidir le tacaíocht ghníomhach éifeachtach don fhostaíocht tar éis ghéarchéim COVID-19 (EASE);

(g)

iniúchadh a dhéanamh ar an úsáid a bhaintear as micridhintiúir chun tacú le forbairt ghairmiúil oibrithe agus ceanglais rialála maidir le huas-sciliú agus le hathsciliú i bpoist áirithe agus i gcineálacha áirithe oibre a chomhlíonadh (e.g. le haghaidh ceadúnas, oiliúint riachtanach agus ceadanna).

(a)

bearta a shainiú trí shocruithe náisiúnta ábhartha agus creataí airgeadais atá ann cheana a fhorbairt chun an Moladh seo a chur chun feidhme. D’fhéadfaí a áireamh leis sin naisc le cuntais foghlama aonair, nuair is ann dóibh (agus aird chuí á tabhairt ar fhreagracht agus ar neamhspleáchas na n-eagraíochtaí oideachais agus oiliúna, agus eagraíochtaí an mhargaidh saothair sa chomhthéacs náisiúnta).

(b)

an úsáid is fearr a bhaint as cistí agus as ionstraimí an Aontais chun tacú leis na hathchóirithe is gá, idir an creat cumasúcháin agus micridhintiúir a fhorbairt agus a úsáid.

(a)

tacú le forbairt na dtreoirlínte i dtaca le conas trédhearcacht a chothú agus ionstraimí an Aontais agus Bologna atá ann faoi láthair i réimse an ardoideachais a chur i bhfeidhm maidir le dearbhú cáilíochta inmheánach agus seachtrach na micridhintiúr;

(b)

iniúchadh a dhéanamh ar conas treoir úsáideora an Chórais Eorpaigh Aistrithe Creidiúna i réimse an ardoideachais a oiriúnú chun micridhintiúir a chomhtháthú;

(c)

iniúchadh a dhéanamh ar conas uirlisí an Aontais maidir le scileanna agus cáilíochtaí a oiriúnú agus a fhorbairt chun micridhintiúir a chomhtháthú i gcórais ghairmoideachais agus ghairmoiliúna;

(d)

ról ENIC-NARIC agus comhlachtaí inniúla eile maidir le micridhintiúir a aithint le haghaidh staidéir bhreise agus/nó chun críocha fostaíochta a chothú, lena n-áirítear trí threoir agus oiliúint a fhorbairt;

(e)

tacú le hidirphlé struchtúrtha maidir leis an bhféidearthacht micridhintiúir a áireamh i gCreataí Náisiúnta um Cháilíochtaí;

(f)

féachaint ar thionscnamh an Chárta Mic Léinn Eorpaigh a fhorbairt chun cur ar a gcumas do mhic léinn torthaí na micridhintiúr a fuarthas thar lear le linn a gcuid staidéir a roinnt ar bhealach slán le hinstitiúidí oideachais agus oiliúna eile.

(a)

tacú le faisnéis a chomhroinnt idir údaráis réigiúnacha agus náisiúnta maidir le tionscnaimh bheartais ábhartha réigiúnacha agus náisiúnta agus fianaise maidir lena dtionchar, agus an úsáid is fearr á baint as an gcreat straitéiseach le haghaidh comhar Eorpach san oideachas agus san oiliúint i dtreo Limistéir Eorpaigh Oideachais agus níos faide anonn;

(b)

comhar Eorpach maidir le dearbhú cáilíochta na micridhintiúr a chur chun cinn, rud a chuirfidh leis an muinín fhrithpháirteach;

(c)

tástáil le micridhintiúir agus úsáid na micridhintiúr a dhreasú in institiúidí ardoideachais agus institiúidí gairmoideachais agus gairmoiliúna, lena n-áirítear na comhghuaillíochtaí “Ollscoileanna Eorpacha” agus na hIonaid barr Feabhais Gairme a spreagadh chun glacadh na micridhintiúr a chur chun cinn agus a mholadh i measc an chomhphobail oideachais agus oiliúna níos leithne;

(d)

rannpháirtíocht maidir le micridhintiúir a chur chun cinn in Acadaimh Múinteoirí Erasmus+ agus i soláthraithe eile oideachais agus oiliúna múinteoirí chun aghaidh a thabhairt ar riachtanais na múinteoirí i dtaca le forbairt ghairmiúil leanúnach, i gcás inarb iomchuí;

(e)

féachaint ar rannpháirtíocht i dtaca le micridhintiúir ag comhpháirtithe sóisialta, fostóirí agus earnáil na tionsclaíochta, lena n-áirítear tríd an gComhshocrú um Scileanna agus tionscnaimh nasctha chomhair, amhail an Treoirphlean um chomhar earnála maidir le scileanna, an Comhaontas Eorpach neartaithe do Phrintíseachtaí agus an Chomhghuaillíocht Scileanna Digiteacha agus Post;

(f)

tacú le comhar agus le malartú dea-chleachtas idir SPFanna agus fostóirí maidir leis an gcaoi a mbaintear úsáid as micridhintiúir chun tacú le hinfhostaitheacht i gcomhthéacs Líonra na SPFanna;

(g)

tionscadail chomhair a éascú i measc na gcomhpháirtithe sóisialta agus institiúidí oideachais agus oiliúna maidir le conas micridhintiúir a úsáid agus a chur chun feidhme chun freastal ar riachtanais scileanna ar an leibhéal Eorpach, náisiúnta, áitiúil agus réigiúnach, agus ar fud earnálacha éagsúla.

(a)

faisnéis maidir le deiseanna foghlama a mbronntar micridhintiúir ina leith agus maidir le soláthraithe a chloíonn leis an gcur chuige Eorpach i leith micridhintiúr;

(b)

tacaíocht d’fhíordheimhniú na micridhintiúr trí dhintiúir dhigiteacha Eorpacha na foghlama;

(c)

tacaíocht d’inaistritheacht, inchruachtacht, idir-inoibritheacht, malartú agus roinnt na faisnéise maidir le micridhintiúir trí bhíthin caighdeán oscailte Eorpach lena sonraítear formáid choiteann le haghaidh micridhintiúr.

(i)

glacadh an chur chuige Eorpaigh i leith micridhintiúr, lena n-áirítear maidir leis an úsáid a bhaineann soláthraithe oideachais agus oiliúna, fostóirí agus comhpháirtithe sóisialta astu;

(ii)

torthaí agus tairbhí áirithe d’fhoghlaimeoirí;

(iii)

a mbreisluach i gcomparáid le céimeanna nó cáilíochtaí iomlána agus mar chomhlánú orthu agus;

(iv)

fianaise bhreise ar na tosca a mbíonn tionchar acu ar dhreasachtaí agus ar inspreagadh daoine dul i mbun oiliúna.