(1)

Is galar víreasach tógálach é bolgach caorach agus bolgach gabhar a bhíonn ar ainmhithe de chineál caorach nó gabhair agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseacht choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha. I gcás ráige den ghalar sin in ainmhithe den chineál gabhair agus den chineál caorach, tá riosca tromchúiseach ann go leathfaidh sé go bunaíochtaí eile ina gcoimeádtar na hainmhithe sin.

(2)

Sainmhínítear bolgach caorach agus bolgach gabhar mar ghalar de chatagóir A i Rialachán Cur Chun Feidhme (AE) 2018/1882 ón gCoimisiún (2). Ina theannta sin, le Rialachán Tarmligthe 2020/687 ón gCoimisiún (3) forlíontar na rialacha i dtaca le rialú na ngalar liostaithe dá dtagraítear in Airteagal 9(1)(a), (b) agus (c) de Rialachán (AE) 2016/429, agus a shainítear mar ghalair i gcatagóirí A, B agus C i Rialachán Cur Chun Feidhme (AE) 2018/1882. Go háirithe, déantar foráil in Airteagail 21 agus 22 de Rialachán Tarmligthe (AE) 2020/687 maidir le crios srianta a bhunú i gcás ráig de ghalar i gcatagóir A, lena n-áirítear bolgach caorach agus bolgach gabhar, agus maidir le bearta áirithe rialaithe galar a bheidh le cur i bhfeidhm ann. Ina theannta sin, foráiltear le hAirteagal 21(1) den Rialachán Tarmligthe sin go gcuimseoidh an crios srianta crios cosanta agus crios faireachais, agus, más gá, criosanna srianta breise timpeall ar na criosanna cosanta agus faireachais nó cóngarach dóibh.

(3)

Glacadh Cinneadh Cur Chun Feidhme (AE) 2022/1913 ón gCoimisiún (4) faoi chuimsiú Rialachán (AE) 2016/429 agus leagtar síos leis bearta éigeandála le haghaidh na Spáinne i ndáil le ráigeanna de bholgach caorach agus de bholgach gabhar.

(4)

Go sonrach, foráiltear le Cinneadh Cur Chun Feidhme (AE) 2022/1913 go gcuimseoidh na criosanna cosanta agus faireachais atá le bunú ag an mBallstát tar éis ráigeanna de bholgach caorach agus de bholgach gabhar, i gcomhréir le Rialachán Tarmligthe (AE) 2020/687, ar a laghad na limistéir a liostaítear san Iarscríbhinn a ghabhann leis an gCinneadh Cur Chun Feidhme sin.

(5)

Ó bhí dáta glactha Chinneadh Cur Chun Feidhme (AE) 2022/1913 ann, thug an Spáinn fógra don Choimisiún faoi sheacht ráig bhreise de bholgach caorach agus de bholgach gabhar i mbunaíochtaí inar coimeádadh ainmhithe den chineál gabhair agus/nó den chineál caorach, bunaíochtaí atá lonnaithe i réigiúin na hAndalúise agus Castilla — La Mancha. Dá thoradh sin, na limistéir a liostaítear mar chriosanna cosanta agus faireachais don Spáinn san Iarscríbhinn a ghabhann leis an gCinneadh sin, leasaíodh iad le Cinneadh Cur Chun Feidhme (AE) 2022/2004 ón gCoimisiún (5).

(6)

Ó bhí dáta glactha Chinneadh Cur Chun Feidhme (AE) 2022/2004 ann, thug an Spáinn fógra don Choimisiún faoi thrí ráig bhreise de bholgach caorach agus de bholgach gabhar i mbunaíochtaí inar coimeádadh ainmhithe den chineál caorach agus/nó den chineál gabhair, bunaíochtaí atá lonnaithe i réigiúin na hAndalúise. Tá na ráigeanna sin uile ann laistigh de na criosanna srianta atá bunaithe cheana féin i gcúige Granada, i gcomhréir le Cinneadh Cur Chun Feidhme (AE) 2022/1913, seachas ráig amháin atá ann i gcúige Almería. Is í an ráig sin an chéad ráig riamh i gcúige Almería, agus tá sí ann lasmuigh de na criosanna cosanta agus faireachais atá ann cheana.

(7)

Ar an iomlán, thug an Spáinn fógra faoi 19 ráig de bholgach caorach agus bolgach gabhar go dtí seo, ráigeanna atá scaipthe ar dhá bhraisle ar leithligh, braisle amháin acu i réigiún na hAndalúise agus an bhraisle eile i réigiún Castilla — La Mancha. I bhformhór na cásanna bíonn gaol eipidéimeolaíoch idir ráigeanna sa bhraisle chéanna, agus bíonn gné chomhchoiteann amháin nó níos mó acu.

(8)

Rinne údarás inniúil na Spáinne na bearta rialaithe galar is gá i gcomhréir le Rialachán Tarmligthe (AE) 2020/687, lena n-áirítear bunú criosanna cosanta agus faireachais timpeall ar na ráigeanna sin.

(9)

Tá nuashonruithe á soláthar ag an Spáinn don Choimisiún go rialta i leith na staide eipidéimeolaíche maidir le bolgach caorach agus bolgach gabhar. Áirítear leis na nuashonruithe sin na bearta rialaithe galar a dhéanann an Spáinn agus a ndéanann an Coimisiún athbhreithniú orthu, chun measúnú a dhéanamh ar a n-éifeachtacht, agus éabhlóid an ghalair á cur san áireamh.

(10)

Ina theannta sin, chuir an Spáinn an Coimisiún agus an Buanchoiste um Plandaí, Ainmhithe, Bia agus Beatha ar an eolas, in éagmais bearta maolaithe riosca atá dírithe go speisialta ar bholgach caorach agus ar bholgach gabhar in Iarscríbhinn VII a ghabhann le Rialachán Tarmligthe (AE) 2020/687, agus ag feitheamh le leasú ar an Iarscríbhinn sin, go gcuirfidh sí i bhfeidhm na bearta maolaithe riosca a leagtar amach san Iarscríbhinn sin le haghaidh ghalar an chraicinn chnapánaigh, maidir le feoil agus bainne ó ainmhithe den chineál gabhair agus den chineál caorach de thionscnamh na gcriosanna cosanta agus faireachais a bhunaítear i gcomhréir leis an Rialachán Tarmligthe sin. Tá sé ráite ag an Spáinn gur gá di na bearta maolaithe riosca sin a dhéanamh a chuireann san áireamh an chosúlacht idir víreas na bolgaí caorach agus na bolgaí gabhar agus víreas ghalar an chraicinn chnapánaigh, dhá víreas a bhaineann leis an bhfine Poxviridae agus leis an ngéineas Capripoxvirus.

(11)

Dá bhrí sin, na limistéir a liostaítear mar chriosanna cosanta agus faireachais don Spáinn san Iarscríbhinn a ghabhann le Cinneadh Cur Chun Feidhme (AE) 2022/1913, ba cheart iad a choigeartú a thuilleadh, ó thaobh spáis agus/nó ama de, agus ba cheart crios srianta breise a bhunú, chun leathadh breise an ghalair a chosc sa Spáinn agus sa chuid eile den Aontas. Ba cheart éabhlóid dhifreálach an ghalair i réigiúin na hAndalúise agus Castilla-La Mancha a chur san áireamh leis an gcoigeartú sin.

(12)

Thairis sin, na limistéir a liostaítear mar chriosanna cosanta agus faireachais, ba cheart iad a ghrúpáil agus dáta coiteann a leagan síos, le haghaidh gach braisle, a bheidh siad infheidhme go dtí, agus an dáta a tugadh an réamhghlanadh agus an réamhdhíghalrú deireanach i gcrích á chur san áireamh, ionas go ndearnadh réamhghlanadh agus réamhdhíghalrú i leith gach ráige laistigh den limistéar céanna, san Andalúis agus in Castilla - La Mancha araon.

(13)

I dteannta na gcriosanna cosanta agus faireachais, ba cheart crios srianta breise a bhunú, i gcomhréir le hAirteagal 21(1) pointe (c) de Rialachán Tarmligthe (AE) 2020/687, i réigiún na hAndalúise, áit nach bhfuil éabhlóid an ghalair chomh fabhrach céanna agus inar cheart don Spáinn bearta áirithe a chur i bhfeidhm, maidir le gluaiseachtaí caorach agus gabhar lasmuigh den chrios sin, d’fhonn cosc a chur ar leathadh an ghalair chuig an gcuid eile dá críoch.

(14)

Agus éabhlóid na staide eipidéimeolaíche a mhéid a bhaineann le bolgach caorach agus bolgach gabhar sa Spáinn á cur san áireamh, agus chun aon chur isteach neamhriachtanach ar ghluaiseachtaí coinsíneachtaí ainmhithe den chineál caorach agus den chineál gabhair laistigh den Aontas a sheachaint, agus chun bacainní gan údar ar thrádáil ag tríú tíortha a sheachaint, is gá i gcónaí na criosanna srianta do bholgach caorach agus do bholgach gabhar a shainaithint go tapa ar leibhéal an Aontais. Ba cheart criosanna cosanta agus faireachais a bheith sna criosanna srianta sin, mar aon le crios srianta breise sa Bhallstát sin. Dá réir sin, na limistéir a shainaithnítear mar chriosanna cosanta, criosanna faireachais, agus crios srianta breise, i gcomhréir le Rialachán Tarmligthe (AE) 2020/687, sa Spáinn, ba cheart iad a liostáil san Iarscríbhinn a ghabhann leis an gCinneadh seo agus ba cheart fad an réigiúnaithe sin a shocrú. Ina theannta sin, ba cheart Cinneadh Cur Chun Feidhme (AE) 2022/1913 a aisghairm agus an Cinneadh seo a chur ina ionad.

(15)

I bhfianaise phráinn na staide eipidéimeolaíche san Aontas a mhéid a bhaineann le leathadh na bolgaí caorach agus na bolgaí gabhar, tá sé tábhachtach go mbeadh feidhm ag na bearta a leagtar síos sa Chinneadh seo a luaithe is féidir.

(16)

Ina theannta sin, agus aird á tabhairt ar an staid eipidéimeolaíoch atá ann faoi láthair san Aontas a mhéid a bhaineann leis an mbolgach caorach agus leis an mbolgach gabhar, ba cheart feidhm a bheith ag an gCinneadh seo go dtí an 31 Márta 2023.

(17)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(a)

na criosanna srianta ina bhfuil criosanna cosanta agus faireachais atá le bunú ag an Spáinn tar éis ráig nó ráigeanna de bholgach caorach agus de bholgach gabhar sa Spáinn, mar aon le crios srianta breise i gcomhréir le hAirteagal 21 de Rialachán Tarmligthe (AE) 2020/687;

(b)

fad na mbeart rialaithe galar atá le cur i bhfeidhm sna criosanna cosanta, i gcomhréir le hAirteagal 39 de Rialachán Tarmligthe (AE) 2020/687, sna criosanna faireachais i gcomhréir le hAirteagal 55 den Rialachán Tarmligthe (AE) 2020/687 agus sa chrios srianta breise i gcomhréir le hAirteagal 21 den Rialachán Tarmligthe sin.

(a)

go mbunóidh údarás inniúil an Bhallstáit sin láithreach criosanna srianta ina bhfuil criosanna cosanta agus faireachais agus an crios srianta breise i gcomhréir le hAirteagal 21(1) de Rialachán Tarmligthe (AE) 2020/687 agus faoi na coinníollacha a leagtar síos san Airteagal sin agus in Airteagal 23 pointe (a) de Rialachán Tarmligthe (AE) 2020/687;

(b)

go gcuimseoidh na criosanna cosanta agus faireachais agus an crios srianta breise dá dtagraítear i bpointe (a) ar a laghad na limistéir a liostaítear san Iarscríbhinn a ghabhann leis an gCinneadh seo;

(c)

go mbeidh feidhm ag na bearta i ngach crios srianta ar a laghad go dtí na dátaí a liostaítear san Iarscríbhinn a ghabhann leis an gCinneadh seo.