(1)

Áiríodh acroiléin in Iarscríbhinn I a ghabhann le Treoir 98/8/CE ó Pharlaimint na hEorpa agus ón gComhairle (2) mar shubstaint ghníomhach lena húsáid i dtáirgí bithicídeacha de chineál táirge 12. Dá bhrí sin, de bhun Airteagal 86 de Rialachán (AE) Uimh. 528/2012, measadh an tsubstaint a bheith formheasta go dtí an 31 Lúnasa 2020 faoin Rialachán sin faoi réir na gceanglas a leagtar amach in Iarscríbhinn I a ghabhann le Treoir 98/8/CE.

(2)

An 28 Feabhra 2019, cuireadh isteach iarratas i gcomhréir le hAirteagal 13(1) de Rialachán (AE) Uimh. 528/2012 chun athnuachan a dhéanamh ar an bhformheas maidir le hacroiléin a úsáid i dtáirgí bithicídeacha de chineál táirge 12 (‘an t-iarratas’) ós rud é go raibh an formheas maidir le hacroiléin lena húsáid i dtáirgí bithicídeacha de chineál táirge 12 ceaptha dul in éag an 31 Lúnasa 2020.

(3)

Le Cinneadh Cur Chun Feidhme (AE) 2020/1037 ón gCoimisiún (3), cuireadh ar atráth go dtí an 28 Feabhra 2023 dáta éaga an fhormheasa maidir le hacroiléin a úsáid i dtáirgí bithicídeacha de chineál táirge 12 chun go mbeidh go leor ama ann d’fhonn scrúdú a dhéanamh ar an iarratas. Le Cinneadh Cur Chun Feidhme (AE) 2022/1486 ón gCoimisiún (4), cuireadh an dul in éag sin siar arís go dtí an 28 Feabhra 2025.

(4)

Mar sin féin, an 6 Deireadh Fómhair 2022, chuir an t-údarás inniúil meastóireachta an Ghníomhaireacht agus an Coimisiún ar an eolas gur tharraing an t-iarratasóir siar a iarratas ar athnuachan a dhéanamh ar an bhformheas maidir le hacroiléin lena húsáid i dtáirgí bithicídeacha de chineál táirge 12. Dá bhrí sin, ós rud é nár suíodh go gcomhlíonann acroiléin fós na coinníollacha a leagtar síos in Airteagal 4(1) de Rialachán (AE) Uimh. 528/2012, is iomchuí gan athnuachan a dhéanamh ar an bhformheas maidir le hacroiléin lena úsáid i dtáirgí bithicídeacha de chineál táirge 12.

(5)

Na bearta dá bhforáiltear sa Chinneadh seo, is bearta iad atá i gcomhréir le tuairim an Bhuanchoiste um Tháirgí Bithicídeacha,