Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022R0695

Rialachán Cur Chun Feidhme (AE) 2022/695 ón gCoimisiún an 2 Bealtaine 2022 lena leagtar síos rialacha maidir le cur i bhfeidhm Treoir 2006/22/CE ó Pharlaimint na hEorpa agus ón gComhairle a mhéid a bhaineann le foirmle choiteann chun rátáil riosca gnóthas iompair a ríomh

C/2022/2743

IO L 129, 3.5.2022, p. 33–36 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2022/695/oj

3.5.2022   

GA

Iris Oifigiúil an Aontais Eorpaigh

L 129/33

RIALACHÁN CUR CHUN FEIDHME (AE) 2022/695 ÓN gCOIMISIÚN

an 2 Bealtaine 2022

lena leagtar síos rialacha maidir le cur i bhfeidhm Treoir 2006/22/CE ó Pharlaimint na hEorpa agus ón gComhairle a mhéid a bhaineann le foirmle choiteann chun rátáil riosca gnóthas iompair a ríomh

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Threoir 2006/22/CE ó Pharlaimint na hEorpa agus ón gComhairle an 15 Márta 2006 maidir le coinníollacha íosta le haghaidh chur chun feidhme Rialacháin (CE) Uimh. 561/85 agus (AE) Uimh. 165/2014 agus Threoir 2002/15/CE a mhéid a bhaineann le reachtaíocht shóisialta a bhaineann le gníomhaíochtaí iompair de bhóthar agus lena n-aisghairtear Treoir 88/599/CEE (1) ón gComhairle agus go háirithe Airteagal 9(1), an dara fomhír di,

De bharr an mhéid seo a leanas:

(1)

Tá forfheidhmiú éifeachtach agus costéifeachtach reachtaíocht an Aontais maidir le hiompar de bhóthar ríthábhachtach chun an tsábháilteacht ar bhóithre, coinníollacha oibre tiománaithe agus an chosaint shóisialta a fheabhsú agus chun iomaíocht chóir idir ghnóthais iompair de bhóthar a áirithiú.

(2)

Córais náisiúnta rátála riosca arna dtabhairt isteach ag na Ballstáit chun rialuithe a dhíriú ar bhealach níos fearr ar ghnóthais lena ngabhann rátáil ardriosca, tá na córais sin bunaithe ar mhodhanna éagsúla náisiúnta ríofa. Cuireann sé sin isteach ar inchomparáideacht faisnéise agus ar an malartú faisnéise faoi scóir riosca i gcomhthéacs an fhorfheidhmithe trasteorann.

(3)

Le hAirteagal 9(1), an dara fomhír de Threoir 2006/22/CE, ceanglaítear ar an gCoimisiún foirmle choiteann a leagan síos, trí bhíthin gníomhartha cur chun feidhme, chun rátáil riosca gnóthais a ríomh.

(4)

Agus an fhoirmle sin á leagan síos ag an gCoimisiún, ba cheart dó na sáruithe uile a d’fhéadfadh difear a dhéanamh do rátáil riosca na ngnóthas a chur san áireamh, lena n-áirítear sáruithe ar Rialachán (CE) Uimh. 561/2006 ó Pharlaimint na hEorpa agus ón gComhairle (2), ar Rialachán (AE) Uimh. 165/2014 ó Pharlaimint na hEorpa agus ón gComhairle (3), ar fhorálacha náisiúnta lena dtrasuitear Treoir 2002/15/CE ó Pharlaimint na hEorpa agus ón gComhairle (4), agus na sáruithe a shonraítear in Airteagal 6 de Rialachán (CE) Uimh. 1071/2009 ó Pharlaimint na hEorpa agus ón gComhairle (5).

(5)

Leis an bhfoirmle choiteann, ba cheart líon, tromchúiseacht agus minicíocht na sáruithe a chur san áireamh mar aon le torthaí na rialuithe i gcás nár braitheadh aon sárú, agus cibé a bhí tacagraf cliste á úsáid ag gnóthas iompair de bhóthar, de bhun Chaibidil II de Rialachán (AE) Uimh. 165/2014, ar a fheithiclí go léir nó nach raibh.

(6)

Ba cheart an fhoirmle choiteann chun rátáil riosca gnóthais a ríomh a bheith ina rannchuidiú mór le cleachtais forfheidhmiúcháin a chomhchuibhiú ar fud an Aontais, trína áirithiú go gcaitear go comhionann le gach tiománaí agus gnóthas iompair a mhéid a bhaineann le seiceálacha agus sáruithe faoi rialacha infheidhme an Aontais.

(7)

I gcás ina bhfuil próiseáil sonraí pearsanta i gceist leis na bearta dá bhforáiltear leis an Rialachán seo, ba cheart iad a dhéanamh i gcomhréir le dlí an Aontais i dtaca le cosaint sonraí pearsanta agus príobháideachais, go háirithe Rialachán (AE) 2016/679 ó Pharlaimint na hEorpa agus ón gComhairle (6), agus, i gcás inarb infheidhme, Treoir 2002/58/CE ó Pharlaimint na hEorpa agus ón gComhairle (7).

(8)

Tá na bearta dá bhforáiltear sa Rialachán seo i gcomhréir le tuairim an choiste a bunaíodh le hAirteagal 42(1) de Rialachán (AE) Uimh. 165/2014,

TAR ÉIS AN RIALACHÁN SEO A GHLACADH:

Airteagal 1

Leagtar síos san Iarscríbhinn an fhoirmle choiteann chun rátáil riosca gnóthais iompair a ríomh agus na ceanglais maidir lena cur i bhfeidhm.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 2 Bealtaine 2022.

Thar ceann an Choimisiúin

An tUachtarán

Ursula VON DER LEYEN

(1)   IO L 91, 29.3.2019, lch. 45.

(2)  Rialachán (CE) Uimh. 561/2006 ó Pharlaimint na hEorpa agus ón gComhairle an 15 Márta 2006 maidir le comhchuibhiú reachtaíochta sóisialta áirithe a bhaineann le hiompar de bhóthar agus lena leasaítear Rialacháin (CEE) Uimh. 3821/85 agus (CE) Uimh. 2135/98 ón gComhairle agus lena n-aisghairtear Rialachán (CEE) Uimh. 3820/85 ón gComhairle (IO L 102, 11.4.2006, lch. 1).

(3)  Rialachán (AE) Uimh. 165/2014 ó Pharlaimint na hEorpa agus ón gComhairle an 4 Feabhra 2014 maidir le tacagraif in iompar de bhóthar, lena n-aisghairtear Rialachán (CEE) Uimh. 3821/85 ón gComhairle maidir le trealamh taifeadta in iompar de bhóthar agus lena leasaítear Rialachán (CE) Uimh. 561/2006 ó Pharlaimint na hEorpa agus ón gComhairle maidir le comhchuibhiú reachtaíochta sóisialta áirithe a bhaineann le hiompar de bhóthar (IO L 60, 28.2.2014, lch. 1).

(4)  Treoir 2002/15/CE ó Pharlaimint na hEorpa agus ón gComhairle an 11 Márta 2002 maidir le heagrú amanna oibre daoine atá i mbun gníomhaíochtaí soghluaiste iompair de bhóthar (IO L 80, 23.3.2002, lch. 35).

(5)  Rialachán (CE) Uimh. 1071/2009 ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear rialacha comhchoiteanna maidir leis na coinníollacha a bheidh le comhlíonadh chun gairm an oibreora iompair de bhóthar a chleachtadh agus lena n-aisghairtear Treoir 96/26/CE ón gComhairle (IO L 300, 14.11.2009, lch. 51).

(6)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den chineál sin, agus lena n-aisghairtear Treoir 95/46/CE (IO L 119, 4.5.2016, lch. 1).

(7)  Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le sonraí pearsanta a phróiseáil agus maidir le príobháideachas a chosaint san earnáil cumarsáide leictreonaí (IO L 201, 31.7.2002, lch. 37).

IARSCRÍBHINN

FOIRMLE CHOITEANN CHUN RÁTÁIL RIOSCA GHNÓTHAIS IOMPAIR A RÍOMH AGUS NA CEANGLAIS LENA CUR I bhFEIDHM

(1)

Ríomhfar rátáil riosca fhoriomlán ghnóthais iompair de réir na foirmle coitinne seo a leanas:

Image 1

I gcás inarb ionann:

R

—

rátáil riosca fhoriomlán an ghnóthais

n

—

líon na sáruithe de chineál faoi leith in aghaidh na seiceála aonair (gach cineál rialuithe).

i

—

seiceáil aonair

v

—

scór ualaithe de réir chineál/thromchúis an tsáraithe (MI/SI/VSI/MSI)

MSI

—

sárú is tromchúisí

VSI

—

VSI – sárú an-tromchúiseach

SI

—

sárú tromchúiseach

MI

—

mionsárú

N

—

líon na bhfeithiclí a rialaíodh le linn seiceáil aonair

r

—

líon iomlán na seiceálacha ar an ngnóthas

g

—

ualú le haghaidh úsáid an tacagraif chliste de bhun Chaibidil II de Rialachán (AE) Uimh. 165/2014

(2)

Úsáidfear na prionsabail agus na heilimintí seo a leanas agus an fhoirmle choiteann á cur i bhfeidhm:

(3)

Is go ceann tréimhse dhá bhliain a áireofar sárú san fhoirmle.

(4)

Aicmeofar na hoibreoirí iompair sna bandaí riosca seo a leanas ar bhonn a scóir:

—

oibreoirí nach ndearnadh aon seiceáil orthu (banda liath)

—

0-100 pointe: oibreoirí íseal-riosca (banda glas)

—

101-200 pointe: oibreoirí meánriosca (banda ómrach)

—

201 pointe nó níos mó: oibreoirí ardriosca (banda dearg)

(5)

Ríomhfar an scór ualaithe a bhaineann le seiceáil aonair (“i”) trí na fachtóirí ualaithe seo a leanas a chur i bhfeidhm de réir chineál an tsáraithe:

 

MI = 1

 

SI = 10

 

VSI = 30

 

MSI = 90

(6)

Sa rátáil riosca chríochnaitheach ar ghnóthas cuirfear líon iomlán na seiceálacha a rinneadh (“r”), idir sheiceálacha cois bóthair agus seiceálacha ina áitribh, san áireamh, na seiceálacha nár braitheadh aon sárú leo ina measc.

(7)

Na seiceálacha nár braitheadh aon sárú leo, taifeadfar iad agus cuirfear nialas de phointí síos ina leith.

(8)

Cuirfear na feithiclí uile a seiceáladh (“N”) san áireamh sa scór ualaithe i leith seiceáil aonair.

(9)

Meastar gurb é an dáta sáraithe a chuirtear san áireamh san fhoirmle choiteann an dáta óna raibh an sárú deifnídeach, i.e. nach raibh sé in-athbhreithnithe a thuilleadh. Ní áireofar sáruithe ach uair amháin san fhoirmle.

(10)

Má shuitear le seiceáil ar áitreabh gnóthais iompair go bhfuil tacagraif chliste feistithe ar a fhlít iomlán de bhun Chaibidil II de Rialachán (AE) Uimh. 165/2014, iolrófar a scór críochnaitheach faoi fhachtóir 0,9 (“g”).
Top