This document is an excerpt from the EUR-Lex website
Colouring matters for medicinal products
Ábhair dhathúcháin is féidir a chur le táirgí íocshláinte
Ábhair dhathúcháin is féidir a chur le táirgí íocshláinte
- Date of last review:
- 19/05/2022
- Author:
- Oifig Foilseachán an Aontais Eorpaigh
- Responsible entity(ies):
- Ard-Stiúrthóireacht um Shláinte agus Sábháilteacht Bia
- Summarised document(s):
- Summary code:
-
- 24.03.03.00 Táirgí cógaisíochta agus cosmaide
- EUROVOC descriptor:
- Directory code:
Ábhair dhathúcháin is féidir a chur le táirgí íocshláinte
ACHOIMRE AR:
Treoir 2009/35/CE maidir leis na hábhair dhathúcháin is féidir a chur le táirge íocshláinte
CAD IS AIDHM LEIS AN TREOIR?
- Tugtar sonraíochtaí leis an treoir maidir le hábhair dhathúcháin do tháirgí míochaine.
- Aisghairtear Treoir 78/25/CEE leis.
PRÍOMHPHOINTÍ
- Ní fhéadfar ach na hábhair dhathúcháin a liostaítear in Iarscríbhinn I a ghabhann le Treoir 94/36/CE (a aisghaireadh le Rialachán (CE) Uimh. 1333/2008) agus ar cuireadh an Rialachán sin ina hionad) a úsáid chun táirgí íocshláinte a dhathú lena n–úsáid ag an duine agus le haghaidh úsáid tréidliachta.
- Ní foláir go gcomhlíonfaidh na hábhair dhathúcháin dá dtagraítear in Iarscríbhinn I na critéir shonracha íonachta a leagtar síos in Iarscríbhinn I a ghabhann le Treoir 95/45/CE (ar cuireadh Rialachán (AE) Uimh. 231/2012 ina hionad). Tá na modhanna anailíse is gá chun na critéir sin a dheimhniú leagtha amach i dTreoir 81/712/CEE (a aisghaireadh le Rialachán (CE) Uimh. 1333/2008 agus ar cuireadh an Rialachán sin ina hionad).
- Nuair a scriostar ábhar dathúcháin as Iarscríbhinn V a ghabhann le Rialachán (CE) Uimh. 1333/2008 ach go gceadaítear leanúint le margú earraí bia ina bhfuil an t–ábhar dathúcháin sin ar feadh tréimhse theoranta, leathnaíonn an tréimhse bhreise úsáide sin chuig táirgí íocshláinte freisin. Féadfaidh an Coimisiún Eorpach, áfach, fad na tréimhse breise sin a leasú.
- Cuideoidh coiste leis an gCoimisiún maidir leis na treoracha a chur ar aon dul leis an dul chun cinn teicniúil, ina gcuimseofar ionadaithe ó na Ballstáit agus atá faoi chathaoirleacht ionadaí ón gCoimisiún.
CÉN UAIR ATÁ TOSACH FEIDHME NA RIALACHA?
Déantar athbhreithniú le Treoir 2009/35/CE ar Threoir 78/25/CE agus cuirtear in ionad na Treorach sin í. B’éigean Treoir 78/25/CEE a thrasuí sa dlí náisiúnta faoi 1979.
PRÍOMHDHOICIMÉAD
Treoir 2009/35/CE ó Pharlaimint na hEorpa agus ón gComhairle an 23 Aibreán 2009 maidir leis na hábhair dhathúcháin is féidir a chur le táirge íocshláinte (athmhúnla) (IO L 109, 30.4.2009, lgh. 10-13).
Nuashonraithe 19.05.2022
