rochtain ar cheartas a fheabhsú i gcásanna trasteorann;
rialacha ar fud AE a bhunú maidir le cúnamh dlí;
a chinntiú go mbeidh rochtain ar chúnamh dlí ag daoine nach acmhainn dóibh é;
comhar maidir le cúnamh dlí a spreagadh idir tíortha AE.

PRÍOMHPHOINTÍ

Cuimsítear sa treoir seo gach ábhar sibhialta, lena n-áirítear:

gnó,
fostaíocht,
cosaint tomhaltóirí.

Tugtar an ceart chun cúnamh dlíthiúil léi do dhaoine nach acmhainn dóibh ionadaíocht dhlíthiúil. Is le haghaidh saoránaigh AE agus náisiúnaigh tríú tír ó thíortha neamh-AE atá ina gcónaí in AE é.

Féadfaidh an méid seo a leanas a bheith san áireamh sa chúnamh dlíthiúil:

comhairle dhlíthiúil,
cúnamh dlíthiúil agus ionadaíocht sa chúirt,
díolúine ó tháillí cúirte,
díolúine ó tháillí áirithe i gcásanna idirnáisiúnta (e.g. ateangaireacht, aistriúchán, taisteal).

In theannta sin, tugtar rialacha isteach leis an treoir maidir le hiarratais a phróiseáil.

Ní mór d’údaráis náisiúnta:
- a chinntiú go dtuigeann iarratasóirí conas a phróiseáiltear iarratais;
- míniú a thabhairt i dtaobh cén fáth ar dhiúltaigh siad iarratas;
- ligean d’iarratasóirí achomharc a dhéanamh i gcoinne diúltaithe.
Chun luas a chur faoi iarratais, ní mór do thíortha AE liosta den mhéid seo a leanas a sholáthar don Choimisiún Eorpach:
- údaráis ar féidir leo iarratais a sheoladh agus a fháil
- na teangacha ina nglactar le hiarratais.

Foirmeacha iarratais chaighdeánacha

Cinneadh 2004/844/CE ón gComhairle lena mbunaítear foirm chaighdeánach le haghaidh iarratas ar chúnamh dlíthiúil.
Cinneadh 2005/630/CE ón gComhairle lena leagtar amach an fhoirm chaighdeánach chun iarratais ar chúnamh dlíthiúil a sheoladh idir tíortha AE.

Ní mór do thíortha AE a áirithiú go bhfuil an pobal agus dreamanna gairmiúla ar an eolas tríd an nGréasán Breithiúnach Eorpach.

Féadfaidh tíortha AE socruithe níos flaithiúla a dhéanamh le haghaidh iarratasóirí ar chúnamh dlíthiúil más mian leo.

CÉN UAIR ATÁ TOSACH FEIDHME NA TREORACH?

Tá sí í bhfeidhm ón 31 Eanáir 2003. Bhí sí le corprú ag tíortha AE sa dlí náisiúnta faoin 30 Samhain 2004. Níl feidhm ag an treoir sa Danmhairg.

CÚLRA

Legal aid forms (European e-Justice Portal)
D’fhoilsigh an Coimisiún Eorpach Páipéar Uaine ar ábhair shibhialta in 2000 d’fhonn na deacrachtaí ar tháinig dlíthithe trasteorann orthu a mheas agus réitigh a mholadh.
Ba mhóide an gá le tionscnamh an Choimisiúin toisc nár ráthaigh tíortha AE uile na coinbhinsiúin reatha maidir leis an ábhar (Comhaontú Strasbourg 1977 ar tharchur iarratas ar chúnamh dlí agusCoinbhinsiún na Háige maidir le rochtain idirnáisiúnta ar cheartas a éascú, arna síniú i 1980).
Chun tuilleadh faisnéise a fháil, féach:
- “Cúnamh dlí” ar an Tairseach Eorpach don r-Cheartas.

PRÍOMHDHOICIMÉAD

Treoir 2003/8/CE ón gComhairle an 27 Eanáir 2003 maidir le rochtain ar an gceartas i ndíospóidí trasteorann a fheabhsú trí rialacha coiteanna íosta a bhunú a bhaineann le cúnamh dlíthiúil a chur ar fáil do dhíospóidí den sórt sin (IO L 26, 31.1.2003, lgh. 41-47)

Rinneadh leasuithe comhleanúnacha ar Threoir 2003/8/CE a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.