Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Córas ceadúnaithe le haghaidh allmhairí adhmaid isteach in AE

Date of last review:
11/09/2019
Author:
Oifig Foilseachán an Aontais Eorpaigh
Responsible entity(ies):
Ard-Stiúrthóireacht an Chomshaoil
Summarised document(s):

Córas ceadúnaithe le haghaidh allmhairí adhmaid isteach in AE

ACHOIMRE AR:

Rialachán (CE) Uimh. 2173/2005 lena mbunaítear scéim cheadúnúcháin FLEGT le haghaidh allmhairí adhmaid

CAD IS AIDHM LEIS AN RIALACHÁN?

  • Dá ngairtear an rialachán maidir le forfheidhmiú an dlí, rialachas agus trádáil i dtaca le foraoisí (FLEGT), áirithítear leis gur adhmad arna lománú go dleathach é an t–adhmad agus na táirgí adhmaid arna n–onnmhairiú chuig an Aontas Eorpach ag tíortha comhpháirtíochta a shínigh comhaontú comhpháirtíochta saorálaí (VPA) le AE agus a chuireann scéim cheadúnúcháin FLEGT chun feidhme.
  • Comhlánaítear leis Rialachán (AE) Uimh. 995/2010, a bhfuil sé mar aidhm leis cosc a chur ar adhmad arna lománú go neamhdhleathach agus táirgí a dhíorthaítear ó adhmad den sórt sin a chur ar mhargadh an Aontais Eorpaigh.
  • Leasaíodh é le Rialachán (AE) Uimh. 657/2014, Rialachán Tarmligthe (AE) 2016/1387 agus le Rialachán (AE) 2019/1010.

PRÍOMHPHOINTÍ

  • Tá feidhm ag an rialachán seo maidir le hallmhairiú na dtáirgí adhmaid atá liostaithe in Iarscríbhinn II agus in Iarscríbhinn III ó thíortha comhpháirtíochta atá liostaithe in Iarscríbhinn I.
  • Cuirtear ballraíocht i scéim cheadúnúcháin FLEGT i bhfeidhm trí chomhaontuithe comhpháirtíochta (VPAanna) le tíortha táirgthe adhmaid ar mian leo comhaontuithe den sórt sin a shíniú leis an Aontas Eorpach. Sonraítear i gcomhaontú comhpháirtíochta saorálaí an sceideal agus na gealltanais a comhaontaíodh.
  • Ní mór do thíortha onnmhairithe a shíníonn VPA córas fíoraithe a fhorbairt maidir le dlíthiúlacht a dtáirgí adhmaid.
  • Ní mór gach lastas adhmaid ó thíortha VPA a bhfuil scéim cheadúnúcháin oibriúcháin FLEGT acu a bheith clúdaithe ag Ceadúnas FLEGT lena ndeimhnítear comhlíonadh maidir le ceanglais scéim cheadúnúcháin FLEGT. Ní féidir glacadh le lastais adhmaid ar an margadh AE gan ceadúnas FLEGT.
  • I gcás go bhfuil aon amhras faoi bhailíocht cheadúnas FLEGT ag teorainn AE, ní mór d’údaráis inniúla fíorú breise a iarraidh ar an údarás a d’eisigh an ceadúnas (íocann an t–allmhaireoir costais na seiceálacha mura gcinnfidh an tír AE atá i gceist a mhalairt). Má chreideann na húdaráis chustaim go bhfuil an ceadúnas FLEGT neamhbhailí, féadfaidh siad scaoileadh an adhmaid a chur ar fionraí.
  • Ní mór do thíortha AE na smachtbhannaí atá le forchur mar gheall ar shárú an rialacháin seo a chinneadh.

Leasuithe

  • Leasaíodh Rialachán (CE) Uimh. 2173/2005 le Rialachán (AE) Uimh. 657/2014 lena dtugtar an chumhacht don Choimisiúin Eorpaigh gníomhartha tarmligthe agus gníomhartha cur chun feidhme a ghlacadh.
  • Le Rialachán Tarmligthe (AE) 2016/1387 leasaítear Iarscríbhinn I agus Iarscríbhinn III, lena sainaithnítear gurb í an Indinéis an chéad tír chomhpháirtíochta a raibh scéim cheadúnúcháin oibriúcháin FLEGT aici agus a d’eisigh ceadúnais FLEGT.
  • Leasaítear le Rialachán (AE) 2019/1010 an rialachán bunaidh maidir leis na tuarascálacha a chaithfidh tíortha AE a ullmhú gach bliain. Faoin rialachán bunaidh, b’éigean dóibh tuarascáil a chur faoi bhráid an Choimisiúin ina léiríodh cainníochtaí na n–allmhairí adhmaid faoi scéim cheadúnúcháin FLEGT, líon na gceadúnas a fuarthas agus líon na gcásanna agus na gcainníochtaí adhmaid agus táirgí adhmaid a allmhairíodh gan ceadúnas FLEGT (i.e. allmhairí toirmiscthe). Ní shonraítear sa rialachán leasaitheach, áfach, cad ba chóir a bheith san áireamh sa tuarascáil atá le cur isteach ag tíortha AE. Éilítear leis freisin ar thíortha AE ní hamháin na tuarascálacha sin a chur faoi bhráid an Choimisiúin, ach iad a chur ar fáil don phobal freisin.
  • Ceanglaítear le Rialachán (AE) 2019/1010 freisin ar an gCoimisiún tuarascáil a chur faoi bhráid Pharlaimint na hEorpa agus na Comhairle maidir le feidhmiú agus éifeachtacht an rialacháin gach 5 bliana ag tosú in 2021.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón .

CÚLRA

Moladh córas údaraithe FLEGT den chéad uair in 2003 i bplean gníomhaíochta FLEGT, inar díríodh ar lománaíocht neamhdhleathach a chomhrac agus soláthar agus éileamh an adhmaid dhlíthiúil a fheabhsú. Díríodh ann sé go príomha ar réigiúin shaibhre adhmaid san Afraic Láir, sa Rúis, san Áise Thoir Theas, agus i gcodanna de Mheiriceá Theas.

Le haghaidh tuilleadh faisnéise, féach:

PRÍOMHDHOICIMÉID

Rialachán (CE) Uimh. 2173/2005 ón gComhairle an maidir le scéim cheadúnúcháin FLEGT a bhunú i gcás allmhairí adhmaid isteach sa Chomhphobal Eorpach (IO L 347, , lgh. 1-6)

Rinneadh leasuithe comhleanúnacha ar Rialachán (CE) Uimh. 2173/2005 a chorprú sa bhuntéacs. Ní de luach ar an leagan comhdhlúite seo ach luach doiciméadach amháin.

Rialachán (AE) 2019/1010 ó Pharlaimint na hEorpa agus ón gComhairle an maidir le hailíniú oibleagáidí tuairiscithe i réimse na reachtaíochta a bhaineann leis an gcomhshaol, agus lena leasaítear Rialachán (CE) Uimh. 166/2006 agus Rialachán (AE) Uimh. 995/2010 ó Pharlaimint na hEorpa agus ón gComhairle, Treoracha 2002/49/CE, 2004/35/CE, 2007/2/CE, 2009/147/CE agus 2010/63/AE ó Pharlaimint na hEorpa agus ón gComhairle, Rialacháin (CE) Uimh. 338/97 agus (CE) Uimh. 2173/2005, agus Treoir 86/278/CEE ón gComhairle (IO L 170, , lgh. 115-127)

nuashonrú is deireanaí

Top