This document is an excerpt from the EUR-Lex website
Document 62023TN0044
Case T-44/23: Action brought on 6 February 2023 — FFPE Council section v Council
Cás T-44/23: Caingean arna tabhairt an 6 Feabhra 2023 – FFPE section Conseil v an Chomhairle
Cás T-44/23: Caingean arna tabhairt an 6 Feabhra 2023 – FFPE section Conseil v an Chomhairle
IO C 179, 22.5.2023, p. 55–55
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
22.5.2023 |
GA |
Iris Oifigiúil an Aontais Eorpaigh |
C 179/55 |
Caingean arna tabhairt an 6 Feabhra 2023 – FFPE section Conseil v an Chomhairle
(Cás T-44/23)
(2023/C 179/80)
Teanga an cháis: an Fhraincis
Páirtithe
Iarratasóir: Fédération de la fonction publique européenne section Conseil (FFPE section Conseil) (an Bhruiséil, an Bheilg) (ionadaithe: A. Champetier agus S. Rodrigues, Dlíodóirí)
Cosantóir: Comhairle an Aontais Eorpaigh
An t-ordú atá á lorg
Iarrann an t-iarratasóir ar an gCúirt Ghinearálta:
— |
a dhearbhú go bhfuil an chaingean seo inghlactha agus go bhfuil bunús léi; agus dá bhrí sin, |
— |
an cinneadh atá faoi chonspóid a chur ar neamhní; |
— |
a ordú don chosantóir EUR 1 a íoc, go siombalach, mar gheall ar an damáiste neamhábhartha a fulaingíodh, agus |
— |
a ordú don chosantóir na costais go léir a íoc. |
Saincheisteanna dlí agus príomhargóintí
Mar thaca leis an gcaingean le haghaidh neamhniú maidir leis an nóta ón gComhairle an 24 Samhain 2022 lenar cuireadh an t-iarratasóir ar an eolas faoi thorthaí agus iarmhairtí an nós imeachta fíorúcháin a tionscnaíodh ina leith de bhun Chomhaontú an 28 Márta 2006 arna thabhairt i gcrích idir Comhairle an Aontais Eorpaigh agus ceardchumainn nó eagraíochtaí gairmiúla fhoireann Ardrúnaíocht na Comhairle (“an comhaontú”), maíonn an t-iarratasóir dhá shaincheist dlí.
1. |
An chéad saincheist dlí, lena líomhnaítear sárú ar an gcomhaontú agus ar an litir misin. |
2. |
An dara saincheist dlí, lena líomhnaítear sárú ar mheon an chomhair dhílis a leanann as an gcomhaontú, ar phrionsabal an dea-riaracháin agus ar an bprionsabal ar dá réir go bhforghníomhaítear coinbhinsiúin de mheon macánta. |